|
|
 Re: عن حبيبتي ( أركويت ) بحكي ليكم ... (Re: النذير حجازي)
|
تحياتى اخى النذير حجازى ،،
ورمضان كريم وكل عام انت وكل اركويت بالف خير ،،
الواقف اقصى اليسار هو الاخ عصام (فيللى) وفى اقصى اليمين وقوفا هو قريبى سيف الدين محمد على
لهما الاثنان فائق التحايا واتمنى ان يكونا فى اتم صحة وعافية..
وما زلنا فى انتظار المزيد عن اركويت واخر الاخبار فيها ..
| |
 
|
|
|
|
|
|
|
 Re: عن حبيبتي ( أركويت ) بحكي ليكم ... (Re: Dr.Elsadig Abdalla)
|
Quote: الواقف اقصى اليسار هو الاخ عصام (فيللى) وفى اقصى اليمين وقوفا هو قريبى سيف الدين محمد على
لهما الاثنان فائق التحايا واتمنى ان يكونا فى اتم صحة وعافية..
وما زلنا فى انتظار المزيد عن اركويت واخر الاخبار فيها .. |
العزيز علي
إجابة صحيحة مائة المائة 
قد قمت بالإتصال بالكابتن طارق السر الحاج، كابتن فريق أركويت الذي أهله للدرجة الثانية
في عامي 97 - 98
ووعدني بمزيد من الصور من مشاهير كرة القدم في أركويت
تحياتي
| |
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: النذير حجازي)
|
العزيز د. الصادق شكراً جزيلاً على المعلومة الضافية، فقد تم تحديث القائمة
من مشاهير أركويت:
1. الفنانة هادية طلسم والبلابل - مربع 56
2. كابتن فريق السودان القومي كمال عبد الغني - مربع 63
3. الوزير عبد الباسط سبدرات - مربع ؟
4. الوزير شرف الدين بانقا - مربع ؟
5. الوزير صموئيل أرو - مربع ؟
6. الوزير بدر الدين طه - مربع 54
7. الوزير الصافي جعفر - مربع 54
8. لاعب كرة القدم عباس جوليت - مربع 59
9. لاعب كرة القدم خالد جوليت - مربع 59
10. الشاعر الكبير إسماعيل حسن - مربع 68
11. لاعب كرة السلة الأمريكي الشهير منوت بول - مربع 49
12. لاعب كرة القدم محمد عقيد(البعيو) - مربع 56
13. سعادة السفير الشاعر سيد أحمد الحردلو - مربع 61
14. رجل الأعمال عبد الرحمن السلاوي مالك مصانع سلا للحلويات - مربع 61
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: النذير حجازي)
|
وصلتني هذه الرسالة عبر الإيميل، من الأخ العزيز جداً كابتن منتخب أركويت طارق السر الحاج، فهو من قراء
هذا البوست، ومعها بعض الصور لمنتخب أركويت، سأقوم بنشر رسالته الآن، ولاحقاً سأنزل الصور، كأسئلة لتنشيط ذاكرتكم عن مشاهير كرة القدم بأركويت، والرسالة هي:
بسم الله الرحمن الرحيم
الأخ العزيز النذير حجازي
بعد التحية والتقدير
أركويت وما أدراك ما أركويت ذلك المكان الجغرافي الذي يرسم نفسه في خارطة أحياء الخرطوم ويرسم أبناءه وأقصد هنا في مجال الرياضة نماذج متفردة
في كرة القدم ( أمثال عباس جوليت – محمد عقيد – عبدالله حسن علي – طارق حلاوه – طارق حبايه – النصير – مصطفى جندبه – خالد مركز – عاطف موسى هذا على سبيل المثال لا الحصر وغيرهم كثر) .
أما في صعيد مربع 59 وهو المكان الذي نشأت فيه وتعلمنا منه كل شيء وأجمل ذكريات الطفولة واللعب والمرح والدراسة فكان لهذا المكان وأقصد (مربع 59 ) الأثر الكبير في تشكيل شخصياتنا الاجتماعية والرياضية كيف لا وفيه أناس متفردون سطروا تاريخنا ووضعوا ملامح مستقبلنا أمثال: العم حسن علي – وحسن مصطفى سالم – عبده عثمان - الهادي سليمان - عبدالجليل ميرغني – صديق محمد العطا – محمد أحمد علي الصغير – حمزة محمد الحسن – عباس سعيد – حيدر محمد جبريل – عصمت عبدالقادر – اسحق عبدالجبار – مجدي عمسيب – الضو الزاكي – عوض الزاكي – عمر السر – عبدالله حسن علي – عباس حسن علي – خالد المرضى – سيف المرضي – عبدالمجيد محمد عثمان
وفي دفعتنا نحن :
ابرهيم حجازي – النذير حجازي – الشاذلي سالم – سيف سالم – مصطفى أحمد علي الصغير "قرويج" (رحمة الله عليه) – معتصم الصيني – طلال بكري – حسين عبدالقادر كجلو – هيثم حسبو – المعز صديق – علي عيسى – الفاتح الزاكي – المرضي محمد -خالد محمد عثمان – عبدالعظيم محمد نصر – مصطفى محمد نصر – محمد عبدالقادر – عمر عبدالقادر – وأرجو أن استميح الذين خانتني الذاكرة عن ذكرهم
فلهم التحية والتجله والتقدير .
مع تحياتي لكم أخوكم : طارق السر الحاج محمد
مقيم بالمملكة العربية السعودية – أبها حالياً
E-mail: tarigtoota@yahoocom
| |
|
|
|
|
|
|
|
|
 Re: عن حبيبتي ( أركويت ) بحكي ليكم ... (Re: معاوية عبيد الصائم)
|
11 المرحوم محمد سعد رحمة الله عليه... بقدر ما قدم لاركويت فى شتى المجالات
04 يوسف عابدين شقيق اسطورة زمانه على عابدين ..... برضو سانتوس الاتنين
07 خالد حسن على ... النهضة
12 محمد مدثر
13 الفاتح محجوب
20 من سانتوس بس الاسم راح منى(النضارة) رقم 2 برضو رائحة منى
ود حجازى شكرن شكرين الف شكرا لانعاش الذاكرة
مودة انيقة لاركويت الجميلة
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: معاوية عبيد الصائم)
|
هذة الرسالة وصلتنى بالايميل من الاخ عمر عبدالله وهى اصلاً ارسلت للزميلة سمرية من الاستاذ الاديب محمد الطيب سليم الشهير بـ ( أيريا)
طلب منى الاخ عمر نشرها لان سمرية يبدو انها بعيدة من بريدها الالكترونى هذة الايام ..
....
سمرية
وبعد شهور من ما كلمني أخونا الباشمهندس الكبير طارق محي الدين عثمان الملقب ب طارق صن (يسكن 63 وهو شقيق عادل محي الدين ومحمد ومجدي وأمير وهشام ونسيت إتنين منهم بعد ده. أخوانهم كتار كتره وكلهم نوابغ. ) المهم يا ستي يا سمرية خشيت البوست بتاعكم ده ولقيت ليك بت عجيبة وكلام عجيب. هي؟ هي؟ هي؟ هى؟ دي ماحلتنا زاتا أركويت. .أمك!! أمسك!!! دي ما أركويت حلتنا. ستهم. أجمل أحياء مدينة الخرطوم رغم المنازعين علي الزعامة القلائل. يا سلام عليك يا أركويت. نقول شنو ياربي عن اركويت دي؟ ياربي تفتح علينا بي شنو؟؟ نقول. حي خاتف لونين درجة أولي وشعبي, عمارات وطوابق وفلل وفي نفس الوقت أحياء عادية ومنازل تقليدية وحي جميل. نقول إنو أكثر أحياء المدينة أماناً ويكاد يخلو من السرقات, نقول إنو أكثر الأحياء عمراناً وثقافة وتنوعاً. نقول ونقول ونعيد وما أظن نوفى أركويت حقها. ولابد من تذكير الناس بمناداة الطراحين في موقف الحافلات. أركويت عمارات سفارات يا. ولايستطيع أي أحد من زملائك الغياظين ناس العشش وناس الإمتداد أن ينكر حلاوة أركويت وشكلك يا سمرية ماعرفتي تسكتي الجماعة ديل كيف. تقولي ليهم أصغر قطعة في اركويت بي حجم قطعتين في الأمتداد وبي سعر عشرين قطعة هناك وشوفي تاني كان قدروا يتكلموا معاك . المهم يا ست الناس خشيت في ذلك التاريخ وإنبهرت, عارفة كيف؟ أوكي. سبحان الله يا جماعة أتارى بت الناس المالك الشرعي للبوست بادياهو ليك بي صورتها المنمقة البي اليمين دي وماخده ليك فيها الوضع الإستراتيجي الجميل والممتاز للسيد المصوراتي ( شكلها ماغريب علي. ياربي درستها قبل كده لمن كانت شافعة ولا شايفها وين؟ ماعرفت. الله أعلم) وبعد الصورة ديك أتاريها مبتسمة ليك إبتسامة عريضة تقابلك وش و تديك الإيحاء من الصورة تلاوز منها وتقول زي البت دي مابتعرف ليك الألف المقصورة من الياء ولابتعرف تكتب حتي. وتبدأ تقرأ وتحدث ليك المفاجاة لما تمشي شوية في البوست. وحدثت المفاجاة لما مشيت شوية. أتاريها شجاعة شجاعة شديدة لدرجة غريبة في الصياغة وفي إبتكار المواقف والوصف وكلامها حلو شديد ومبتكر في الذكريات وفيهو تكثيف لأشكال رمزية لم يطرقها الأدباء من قبل وبتتكلم عن مناطق وأدوات وتلفونات واشياء تمس شغاف القلوب من حلاوة الذكري البتبعثها في القاري وبعد ده صائغاها ليك بي صياغة لمن تذهلك بحلاوة الصياغة. نقطة نظام في الحتة دي. لازم تعرفي إني من كبار الشنافين ولا أشكر الأشياء بسهولة. والله قلت في سري كاتبة قديمة ولا شاعرة كبيرة ولا اديبة معروفة قالوا ليها إتكلمي لينا عن أجمل حي في العالم. طبعا هو ما أجمل حي في العالم لكن الصياغة تخليهو كأنو كذلك. أجمل حلة. قولي حي قولي مدينة .
المهم.
خشيت زي ماقلت ليك زمانك زمن قال لي طارق صن وماشعرت ليك بالزمن نهائي ومرت لحظات وكمان ساعات وساعات طويلة وسهرات جميلة لما خلست البوست لي نهايته و رجعت تاني قريت بعض الكلمات الجميلة والمقاطع الحلوة لأنها أقرب للإبداع الكتابي من إنها وصف. وبعد داك مرت الأيام كالخيال أحلام ولسه ظالمني الزمن البوست مشي لي تحت. وقلت في سري خلاس راح وأختفي بعد أبريل زي ما ابريل زاتو راح.
والليلة خشيت أتاوق ليك إذا بي أفاجا ليك بي عمك عبدالله مصطفي الحداد بدق ليك في الشاب عمرعبدالله في البوست وشكلها دقة حلوة لأنو الطفل المعجزة عمر ده كتبها بي صورة حلوة شديد لايكتبها إلا من ذاق إحدي دقات عمك عبدالله ولازم يعرف الناس الإتعاطفوا مع عمر لما قروا القطعة الأدبية إنو أنا عاجبـاني دقة عمر عبدالله (يلقب بود الحاجة) وقلت يستاهل. عشان عمر ده كان شاطر شطارة غريبة وفايت عمره وذكي ذكاء شديد وخشا جامعة الخرطوم وبالتالي يستحق الدقة الاولي ويستحق التانية برضو ولازم الناس الإتعاطفوا مع عمر يعرفو إنو عمك عبدالله أحد أجمل الناس في 47 وقطب مريخي كبير أيام ناس ابو العائلة ومهما حصل أنا متأكد إنو عمريستاهل الجلدة. ولابد حينما يذكر عمر عبدالله أن نذكر مولانا محمد عبدالله أخو عمر نفسه وهو قاضي كبير وشاب محترم ولذيذ وعنده لقب جميل لكن راجل مولانا ومافي داعي نجيب القاب أخونا زمبا عشان ما لائقة لكن شنو هو اللائق والما لائق البت بتاعت البوست دي تكتب ليك عن مشمع تبقي ليك زي الكانك أول مرة تسمع عن مشمع ومقشاشة وتلحس ليك الكستر بي أصابعها وتدهشك بي حلاوة الصياغة وإبتكار الموقف عن الكستر كرائدة في مجال الكساتر لمن تجوع في رمضان الحار ده. شاكرين يا سمرية علي الصياغات المعبرة وصدق اللي قال أنحنا أُثري دولة في المكون الثقافي والبوست بتاع أركويت ده وطريقة صياغته بثبت ثراء السودان الهائل بالمكونات الثقافية الثرة. ماتقول لي أمريكا اللاتينية ولا مركيز ولا اليندي. أنحنا أثري منهم ولو أديتي روحك فرصة تصيغي زي كتاباتك دي في كتاب منو تاني البلحقنا في الأدب. ووالله جادي في كلامي ومتأكد لو الناس المبدعين بدوا في إثراء الكتابة السودانية بالمنتقي من كلام حانلقي روحنا ونذهل روحنا بإننا أثري من أي مكون ثقافي أخر وحانندهش من روحنا قبل نذهل الناس.ولابد من الكتابة حتي تتضح البصمة السودانية. لازم. إذن يا ستي مولانا محمد عبدالله يلقب ب زمبا . وأنا من أنصار أن يكتب اللغب بالغين وليس بالغاف. لاحظي الغاف. وقع ليك. سمح. عشان مايمسكم فيها لغوب وكده. عرفتي. المهم مولانا المذكور النحيل واقف في الصورة خلف عمر الدقو في سقاية النيمة لكن مامباشرة, علي يمين بسيط’ مباشرة خلف أنس المصنقر جنب عمر. باقي الصورة فيها عصام عبدالرحيم يتوسط الصورة واقفاً. وناس عمك عبد الرحيم ديل قصة تانية في الحلاوة واخوانه صلاح ومحمد وأسرة مشهورة ومميزة وعصام لازال عازب كبير ربنا أصلو مافتح عليهو بي عروس لي يوم الليلة رغم إنو قائم يخدم في الناس الفي الصورة دي خدمة شديدة وعرس لي أغلبهم ولما يكون في بكاء يديك تلفون نص الليل يقول ليك أضرب لي ناس فلان عندهم عزاء فنسأل الله أن يثيبه عن شباب 47 ويجزيه خير الجزاء , عصام برضو عنده لغب. قلنا بالغاف, سمح. يلقب بعصام كتة وهو راجل لعاب في الكورة لعب في العزيمة ووصل درجة أولي أهلي الخرطوم.
ويمين عمر مباشرة يجلس الشاب الحريف أنس عبد الجليل ولأن الشئ بالشئ يذكر لابد أن نذكر أن عمك عبد الله أبو عمر وزمباء سبق وإنو ساق محمد عبد الجليل عشان يسجله في نادي المريخ وشكله ما إجتاز الإختبارات التمهيدية لي ناس الرد كاسل الكان إستادهم في تلك الأيام حفرة صغيرة. كفاية علينا. ولعب محمد عبد الجليل في أهلي الخرطوم لكن أنا في رائي الشخص أنس عبدالجليل العب من محمد عبدالجليل وكان ممكن يلعب في اي فريق درجة أولي لكن إكتفي بالكاملين وشكله لعب في فريق أخر غير الفريق الأخد السبعطاشر من الهلال قبل إسبوع ولو كان أنس معاهم أكيد ما كان حاتلحق سبعطاشر. وفي حتة فريق الاهلي الخرطوم اللعب فيهو كتة ومحمد عبدالجليل لابد أن نذكر اللاعب البارع طارق حلاوة رغم إنو 45 وهو راجل إسم علي مسمي عشان حلو شديد خلقة وأخلاق وتعامل وبالقرب منه في 45 يوجد هشام صديق وده كمان أحلي منه . باقي الشباب الفي الصورة بنمر عليهم كلهم إنشاءالله وعمر حايساعدنا ويتكلم عن سبعة وأربعين و هنالك خالد علي بدر الشاب الخلوق ويلقب بكرار أبوعلي لانه كان يلعب معنا الدافوري أيام كان طفلاً صغيراً وأطلقوا عليه هذا اللقب منذ ذلك الزمان
المهم
مربع سبعة وأربعين 47 كان ذكري جميلة ولدينا ذكريات أُخر ودي نقول كبداية وإذا إتوفقنا ولقينا فرصة بعد مدة نكتب ليك عن رابطة طلاب أركويت بجامعة الخرطوم عشان أنا كنت عضو مؤسس للرابطة وكنت رئيس الرابطة دورة 91-92 وكانت أيام حلوة وكانت لنا فيها ذكريات كتيرة ويوجد جانب أخر ثر وهو ناس رابطة الفرع وأنا شبه كنت عضو معاهم عشان الصداقات القوية. المهم الذكريات كثيرة ونحاول نرجع ليك تاني عشان مربعنا 47 مظلوم ظلم شديد في البوست ولازم تلقي لينا ناس يكتبوا عنه
ونسأل الله لكم جميعا كل ماتتمنون
وشاكرين يا سمرية علي كل هذا الدفق وكل هذي العذوبة
محمد الطيب سليم
MOHAMED Eltayeb SALEEM
Surveying Engineer & Writer
5334 Willows Ave
Philadelphia, PA, USA, 19143
Mobile +12159171901
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: مزمل خيرى)
|
العزيز معاوية، والله العظيم ختررررررررررري
إجاباتك كلها صحيحة عدا رقم سبعة فهو ليس خالد حسن علي (خالد جوليت)
وبالمناسبة خالد حسن علي فريق الإخوة ما فريق النهضة، إلا يكونوا ناس
سلا إشتروهو لوول.
وعليك الله تحياتي الشديدة لأنور عرب الزول دا من الشهادة المتوسطة ما شفتو
وبرضو يوسف عابدين دفعتي في مدرسة الخرطوم القديمة سلم عليهو برضو
نسبتك يا معاوية 30%
تحياتي
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: مزمل خيرى)
|
| Quote: ولقينا فرصة بعد مدة نكتب ليك عن رابطة طلاب أركويت بجامعة الخرطوم عشان أنا كنت عضو مؤسس للرابطة وكنت رئيس الرابطة دورة 91-92 وكانت أيام حلوة وكانت لنا فيها ذكريات كتيرة |
أستاذى الجليل محمد الطيب سليم أيريا..
بالمناسبة دى انت درستنى لغة انجليزية فى الكورس بتاع الرابطة سنة 91 فى مدرسة ام عطية وكانت ايام جميلة جدا
ياريت لو حكيت لينا عن الايام ديك وانا بيجيك بالصور وخاصة صور التخريج فى قاعة الصداقة ..!
ايميلى للتواصل : [email protected]
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: معاوية عبيد الصائم)
|
ياسلام ياخ رجعتنا لزمن بعيد ولايام لايمكن أن تتكرر ..هذا الرجل حمزه محمد الحسن دفعتنا في حلويات سعد المتوسطه ..منزلهم في نهاية مربع 59 فاتح على الجريف ....من أميز المهاجمين لعب كثيرا في نادي الزمالك رابطة الصحافه شرق وكان هداف النادي بدون منازع ..انتقل لنادي الأملاك ببحري بعد ذلك ...حيينها كنت أسكن في مربع 63 شارع دكان طه الزبير خلف ناس مزمل خيري....
قضينا سنوات نلعب في فريق التقدم وكان اخواني في التيم في ذلك الوقت ...عبود...وهو الآن في السعوديه حسب علمي ...د.عادل رياض وهو في انجلترا..سيف شقيق كمال عبدالغني ..وابن عمه مدفعجي ..وكمال وحاتم السحار ..منتصر ومجدي الحلبيين ...الشهيد فاروق ..هشام حوته..طارق وعماد ..المهندس معمر ...طلال..وكان المدرب فتحي عتمور .والحارس ياسر كجول..ورئيس النادي عباس (ماعارف الناس دي كلها وين؟)..وآسف لمن خانتني الذاكره في تذكرهم ...
من الشخصيات الهامه والمؤثره في مربع 63 ..جنابو الواثق عبدالله جار النبي وافتكر هو عقيد أو عميد الآن ده لو ماكان لواء..واخوه عازف العود الرجل ألمكافح مدثر ..وياما جلسنا كثيرا نستمتع بعزفه في ميدان التقدم في الأمسيات ...أيضا مولانا ياسر بشير البخاري ..وهو رجل ذو خلق واخلاق منذ أن كان طالبا في جامعة القاهره الفرع..وهو يتولي منصب قانوني رفيع الآن حسب علمي ..اخوانه صلاح المشاغب وكمال ود.منى وعمار ..كمان ناس عيسى عجبنا حيث كنت أعمل معه طلبه واحيانا صبي كهربائ..حيث كان هو المعلم ..واخوه اسماعيل ...أيضا كان في شارعنا الشهيد كمال إلياس وشقيقه الدكتور كمال إلياس أخصايئ النساء والتوليد ..أيضا مولانا طارق معتصم .....
ياسلااام يااخ أيام وناس كالذهب...
أرجو من يعرف أي معلومه عن المذكورين أعلاه (ايميل..رقم تلفون )أن يرسلها على اميلي:[email protected] ..ونواصل معاكم هذا البوست الجميل
| |
|
|
|
|
|
|
|
|
 Re: عن حبيبتي ( أركويت ) بحكي ليكم ... (Re: النذير حجازي)
|
| Quote: اولاد كوشة الجبل ديل لسة حايمين بي هنا |
لوووووووووول @ ود جبريل
يا ود جبريل يا مسنوح
بتتذكر من الكوش العريقة:
1) كوشة المطار
2) كوشة خور الثعالب
لوول
وبالمناسبة حي المعمورة الراقي الآن كان يُسمى بحي الرواكيب
وحي الفردوس كان يسمى بالاحراش
شفتا الدنيا دي دوارة كيف يا ود جبريل؟
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: النذير حجازي)
|
المعموره أيضا كنا نسميها المخموره لكثرة رواكيب المرايس فيها وسميت محطة لفة جوبا بهذا الأسم لانو كل من كان ينزل في هذه المحطه من اخوانا الجنوبيين ومن هنا جاء إسم لفة جوبا ......
ليظل هذا البوست عاليا ..شكرا النذير على تعديل الأسم
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: Dr.Elsadig Abdalla)
|
Quote: يا النذير الما قادرة تدخل لي الراس
حكاية كوشة تبقى حب الفردوس دي |
لوووووووووووووول@ ود جبريل
تعرف الكيزان معظهم ساكنين فيها
ففيها القصر العشوائي للكوز الدكتور علي الحاج
وفيها أيضاً منزل الوزير الكوز بدر الدين طه
تعرف يا ود جبريل، بمرت بعدة أطوار لوول
الطور الأول سموهاالأحراش
الطور الثاني سموها العشوائي الفاخر
الطور الثالث سموها الجريف
الطور الرابع سموها الطائف جنوب
الطور الخامس سموها جنات الفردوس لوول
يا قريبي الكيزان ديل كانوا بعقدوا على بنات الحور
يغلبم تسمية حي بالجنة لوول
تحياتي
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: النذير حجازي)
|
يا شباب اركويت الحلوين
الجنا المسخوط بتاع كوشة العمارات
الكان بيرفهوا فى البراميل و يلعبو سك
سك وفى النهاية كل زول قمط ليهو برميل
واختفت البراميل ؟
اذن ؟ يا ود جبرين
اين ذهبت البراميل يا بتاع تجمع كوش
العمارات والجبل وخلافه
والله اركويت دى تشمه قدحة ياناس
320 متر ؟؟
والله امرك عجيب
من دخان كوشة الجبل لحفرة
دخان سكينة ؟؟ عالم مدخنة
| |
|
|
|
|
|
|
|
|
 Re: عن حبيبتي ( أركويت ) بحكي ليكم ... (Re: النذير حجازي)
|
منتخب أركويت:
1. عادل فاروق
2. ؟
3. ؟
4. يوسف عابدين
5. ؟
6. غير موجودة
7. ؟
8. ؟
9. طاسين إبراهيم طاسين
10. أمجد الكنزي
11. محمد سعد
12. محمد مدثر
13. الفاتح محجوب
14. أنور عرب
15. ؟
16. ؟
17. ؟
18. ؟
19. ؟
20. ؟
21. ؟
النتيجة:
ود الصائم 30%
مزمل خيري 10%
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: النذير حجازي)
|
Quote: الجنا المسخوط بتاع كوشة العمارات
الكان بيرفهوا فى البراميل و يلعبو سك
سك وفى النهاية كل زول قمط ليهو برميل
واختفت البراميل ؟
اذن ؟ يا ود جبرين
اين ذهبت البراميل يا بتاع تجمع كوش
العمارات والجبل وخلافه
والله اركويت دى تشمه قدحة ياناس
320 متر ؟؟
والله امرك عجيب
من دخان كوشة الجبل لحفرة
دخان سكينة ؟؟ عالم مدخنة |
انت بس يلقوك لي الزي دة
تلقاك زمن الكوش دي ما بتطلع
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: Dr.Elsadig Abdalla)
|
| Quote: ...د.عادل رياض وهو في انجلترا.. |
!!!
يادكتور ياخ ذاكرتك خلااااص بعد البنيات ديل ... خربت !
انت قصدك دكتور رياض عبدالرحمن ... كان حريييف شديد زيك خاصة فى التمريرات البينية ... بس أحسن
ليكم باريتوا القراية بدل الكورة .!
Quote: قضينا سنوات نلعب في فريق التقدم وكان اخواني في التيم في ذلك الوقت ...عبود...وهو الآن في السعوديه حسب علمي ...د.عادل رياض وهو في انجلترا..سيف شقيق كمال عبدالغني ..وابن عمه مدفعجي ..وكمال وحاتم السحار ..منتصر ومجدي الحلبيين ...الشهيد فاروق ..هشام حوته..طارق وعماد ..المهندس معمر ...طلال..وكان المدرب فتحي عتمور .والحارس ياسر كجول..ورئيس النادي عباس (ماعارف الناس دي كلها وين؟)..وآسف لمن خانتني الذاكره في تذكرهم ...
|
سيف دلنج شقيق كمال عبدالغنى موجود فى الخرطوم .. ومحمد مدفعجى موجود فى دنقلا .. أما السحاحير فكمال موجود وشغال موظف فى مركز سمير الطبى .. وحاتم طبعا من زمااان مستقر باولادو فى عسلاية لانو شغال مهندس فى المصنع ... منتصر ومجدى برضو لسع فى اركويت .. هشام الحوت فى السعودية .. طارق سندباد برضو فى السعودية .. بس عماد اخوهو رجع واستقر هنا .. المهندس معمر مقيم فى كندا بالمناسبة بتلقى ليهو صورة فى البوست دا بس مامتذكر صفحة كم ؟
اما طلال يسن اتزوج وموجود فى اركويت هو طبعا اتزوج بنت اخت ماهر شاكوش لو متذكروا ..!
والكابتن فتحى عتمور رحلوا الازهرى بعد ما باعو بيت الورثة لكن هو لسع ماشاء الله محافظ وبيلعب كورة !
وعباس ركس برضو باعو بيت الورثة ورحلوا بس ماعارف وين .؟
تحياتى ...
___
باقى الصور ياالنذير .. منتظرين ...!
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: خـالد سـوميت)
|
سلام يا ولدنا خالد
Quote: الاخ النذير لك التحية ... امجد عبدو حارس اركويت الفي الصورة دفعتي في مدرسة البيلي
طاسين كان الدفعة القدامنا طوالي كمان على ما ازكر من شباب اركويت في نفس الدفعة
ولعبو فى تيم اركويت الشاذلى محمد عبدالفضيل لاعب الكوكب كان زول لعاب وحريف
بشري حسن عباس من 45 نفس الدفعة واظن انو برضو لعب فى تيم اركويت راجل خلوق وهادي |
سلام يا ولدنا خالد، شكراً على التصويب ففعلاً طاسين إبراهيم دفعتنا وأمجد عبدو الدفعة
الورانا، يعني إنت الدفعة الورانا، مع ناس عبد الرءوف وعبد الحكيم أحمد عبد الرءوف
وأشرف الجعلي.
خليك قريب في صور فيها الشاذلي، سأقوم بإدراجها حالما أفرغ من هذه الصورة
تحياتي ليك يا ملك
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: النذير حجازي)
|
حل مسابقة الصورة الأولى:
منتخب أركويت:
1. عادل فاروق
2. برعي
3. خالد
4. يوسف عابدين
5. جدو
6. غير موجودة
7. الكابتن طارق السر الحاج
8. تمساح
9. طاسين
10. أمجد الكنزي
11. محمد سعد
12. محمد مدثر
13. الفاتح محجوب
14. أنور عرب
15. جلال
16. علي دخن
17. يوسف محمد
18. عماد القاضي
19. أبو عبيدة
20. مدثر
21. أبرهومة
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: معاوية عبيد الصائم)
|
| Quote: يادكتور ياخ ذاكرتك خلااااص بعد البنيات ديل ... خربت ! |
سلامات يامزمل أبصلعه ..
كيف تقول ذاكرتي خربت ...عادل الملقب رياض ذاتو عادل عبدالرحمن ...ياخ ده واحد من الناس القلايل الأنا على اتصال بيهو شبه دائم...
انتو يا اخوانا المنبر ده مافيهو ناس من اركويت غير مزمل،النذير،معاويه وشخصي...+الحاسد طارق جبريل بتاع الامتداد الكلها أصغر من مربع 63 ....
--------------------------------
يامزمل لوعندك أي تلفون أو ايميل للناس ديل بالله عليك أرسل لي في الخاص
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: خـالد سـوميت)
|
الأعزاء مزمل خيري و ود الصائم، فعلاً الصورة غير واضحة، سأتصل بطارق السر
بإعادة سكانها وإرسالها مرة أخرى، وسوري يا شباب
العزيز خالد سوميت، والله نكتا أولاد حلتنا كلهم، وأنا لو شفت صورتك ح أعرفك
لانو مدرسة البيلي مدرسة صغيرة، والناس كلها بتتعارف. في حلتنا في سيف واحد
هو سيف الدين سالم وبيتهم جنب الفرن بتاع مربع 59 ولكنك أظنك تقصد فرن مربع
61 علشان كدا ما عرفتو.
تحياتي للجميع
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: مزمل خيرى)
|
Quote: سيف واحد
هو سيف الدين سالم |
الاخ النذير لك خالص التحايا يارائع
سيف الدين الزكرتو ليك اسمو سيف الدين عبداللطيف غالب ظني
وبيتهم مابعيد من الفرن البلدي الجنب المدرسة طوالي بس الزمن فرق الناس
اخر مرة قابلتو منتصف التسعينات
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: خـالد سـوميت)
|
| Quote: سيف الدين الزكرتو ليك اسمو سيف الدين عبداللطيف |
خالد سوميت .. سلام ...
أظنك قاصد سيف عبداللطيف الدنقلاوى ؟
أو بالاصح هو من اسرة كجوك المعروفة فى مربع 61 ..
ياخ النذير دا طلع من البلد دى بدرى خالص وما أظن بيعرفوا ...
وبعدين النذير دة راجل عجووز وسيف دا لسع شاب ... أسالنا نحن الصغار ديل ...
سيف حالياً على حسب علمى مقيم فى المملكة , جاء قبل كم سنة اتزوج ورجع !
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: معاوية عبيد الصائم)
|
Quote: خالد سوميت .. سلام ...
أظنك قاصد سيف عبداللطيف الدنقلاوى ؟
أو بالاصح هو من اسرة كجوك المعروفة فى مربع 61 ..
ياخ النذير دا طلع من البلد دى بدرى خالص وما أظن بيعرفوا ...
وبعدين النذير دة راجل عجووز وسيف دا لسع شاب ... أسالنا نحن الصغار ديل ...
سيف حالياً على حسب علمى مقيم فى المملكة , جاء قبل كم سنة اتزوج ورجع ! |
سلام يا مزمل ومعاوية والنذير وكل سنه وانتو طيبين
النذير ده قلته لى عجوز يامزمل ... الراجل ده ما دفعتك ؟؟
تقريبا يامزمل هو سيف القاصدو انا .. لكن طلعته موسوعة ياراجل
خالص التحايا
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: مزمل خيرى)
|
| Quote: ايوة دفعتى بس انا دخلت الابتدائى عمرى خمس سنوات وهو كان عمرو 8 سنوات ... |
لوووووووووووول @ مزمل خيري
يا سوميت ما تصدقو، في زول بدخلو المدرسة عمرو خمسة سنين بكون ألفة الفصل؟!
قول لمزمل أحلف إنك ما كنت ألفة الفصل في يوم من الأيام لوول
تحياتي لكما وكل عام وأنتم بألف خير
| |
|
|
|
|
|
|
|
|
 Re: عن حبيبتي ( أركويت ) بحكي ليكم ... (Re: النذير حجازي)
|
بالمناسبة يا شباب منبر سودانيز أون لاين فيه
كمية كبيرة من بورداب أركويت وعلى رأسهم العمدة
هشام هباني - أركويت مربع 56
ولدي عدة اقتراحات:
أولاً: حصر جميع أبناء أركويت في منبر سودانيز أون لاين في شكل قائمة
ثانياً: حصر جميع فرق كرة القدم بأركويت في شكل قائمة وتضم اسم الفريق
ورقم المربع.
ثالثاً: واحد خبرة كدا زي د. الصادق ومزمل خيري يقوم برسم كروكي يوضح موقع
كل مربع في أركويت من 43 إلى 69 أو يرسمه بعلامات إستفهامات كشكل مسابقة
لمعرفة مربعات أركويت، وحينما يكتمل الرسم الكروكي سأقوم برسمه هندسياً على
برنامج الخرط ال" قي آي أس" أو الأوتوكاد. وبقترح واحد حريف يقوم ينزل صورة
هوائية لأركويت مستخدماً القوقل آرث.
تحياتي للجميع وكل عام وأنتم بخير
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: النذير حجازي)
|
Quote: يا سوميت ما تصدقو، في زول بدخلو المدرسة عمرو خمسة سنين بكون ألفة الفصل؟!
قول لمزمل أحلف إنك ما كنت ألفة الفصل في يوم من الأيام لوول
|
ياخالد ايوة صاح كنت الألفة ؛ لكن أختارونى بالكفاءة ولانى كنت أعقل واحد فى الفصل... بس دائماً كنت بغطى فى حالة غياب الالفة الاصلى
كان عندنا واحد أسمو محمد على ولد طوييل وجهااامة ؛ الزول دا اولاد الفصل كانو بيخافوا منو اكتر من استاذ الحساب عبداللطيف ابو لكيلك .. ابو لكيلك دا كان استاذ الحساب والدين ... كان زول صعب خالص وبعد دا أنصار سنة .!
اتذكرتوا يالنذير .؟
ياخ دا كان بيمشى سوق ليبيا مخصوووص عشان يشترى صوت العنج ..
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: معاوية عبيد الصائم)
|
Quote: يا اخوانا سوميت ده بتاع مربع 46
ستين مرة انا بسااااااااااااااااااااااال ؟ |
الاخ معاوية تحياتي وكل سنه وانته طيب
ماشفته سؤالك والله الا اليوم ياعزيزي
ياعزيزي اعتقد انك قاصد اسرة سوميت فى مربع 46
انا برضو ساكن 46 وسوميت لقب غير معروف واسم قديم لي واحد من جدودنا
لك التحية اينما كنت
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: Dr.Elsadig Abdalla)
|
Quote: ياخالد ايوة صاح كنت الألفة ؛ لكن أختارونى بالكفاءة ولانى كنت أعقل واحد فى الفصل... بس دائماً كنت بغطى فى حالة غياب الالفة الاصلى
كان عندنا واحد أسمو محمد على ولد طوييل وجهااامة ؛ الزول دا اولاد الفصل كانو بيخافوا منو اكتر من استاذ الحساب عبداللطيف ابو لكيلك .. ابو لكيلك دا كان استاذ الحساب والدين ... كان زول صعب خالص وبعد دا أنصار سنة .!
اتذكرتوا يالنذير .؟
ياخ دا كان بيمشى سوق ليبيا مخصوووص عشان يشترى صوت العنج .. |
لوووووووووووول @ مزمل خيري
والله يا مزمل ماشاء الله عليك ذاكراتك حديد
ياخي أستاذ عبد اللطيف أنصاري السنة دي بعبع لوول
طبعاً عمل جمعية بتاعت أنصار السنة في المدرسة وقال لي
تسجل معانا، وأنا من الخوف سجلتا طواالي لووول
أها كنا لازم نصلي في جامع مربع 68 صلاة العشاء
وبعديها الندوة، ولازم تلبس جلابية، من أول يوم
ونحن راجعين في السكة إتزلقت في موية المطر لوول
والمشوار بعيد شديد من البيت، غايتو عملتها حجة
وقلتا ليهو تاني أنا ما ح أمشي. تعرف يا مزمل
أستاذ عبد اللطيف ما كان بجلد ليهو زول مسجل في
جمعية أنصار السنة، وأنا كنت بحترم أنصار السنة
شديد، في يوم عملت شكلة مع سفيان (كان ألفتنا ما عارف
اسمو سفيان منو من أولاد مربع 54 أو 56) شركت ليهو في
خور جانقي، المهم أستاذ عبد اللطيف شافنا ونادانا الاتنين
وهزأ سفيان بس، على الرغم من إني أنا الكنت غلطان،
وكرهتي في الدنيا الظلم، وشفتا أستاذ عبد اللطيف ظالم
على الرغم من أنو وقف معاي، لكن بعديها ختيت خط تحت
أنصار السنة، وبقيت ما بحترمهم حتى الآن.
بالمناسبة أستاذ عبد اللطيف عندو ود أخوه اسمو عبد الرازق
كان دفعتنا برضو، وساكنين مربع 54 ومن دنقلا - ناوا
تحياتي يا ملك
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: النذير حجازي)
|
والله ياالنذير قطعت مصارينى بالضحك ... الله يجازى محنك ياخ !
قلت لى كان بعبع .!
بعبع ساكت !
ياخى دا كان عندو حصة التسميع حقت جداول الضرب كل سبت وبتكون الحصة الاولى , كان اول مايجى خاشى الفصل يقوم الزول فجاءة ويقول ليهو 8 × 9 كم .؟
سرييييع .!
الواحد فينا بالخوف والخلعة ينسى الجواب !
تصدق أنا كنت بدعى المرض وبمشى ابلغ المشرف وأشيل الدفتر وأمشى العيادة عشان أزوغ من حصة التسميع حقتو دى ! ولمن ارجع من العيادة والقى الحصة لسع شغالة ، كنت بمشى اقعد فى المزيرة مع عم محمد الغفير الكان بيبيع الحلاوة ... متذكر عم محمد الغفير ..!
وفى حصة الدين كان يقرأ آيات من نص سورة كبيرة ويقوم واحد فينا يقول ليهو .. أها تم الآية...!
بالمناسبة انا صاحبت عبدالرازق دا عشان آآمن شر ابولكيلك ... وبتعمد انو أظهر ليهو أنى صاحب عبدالرازق , ولمن أمشى لرزقة فى البيت أول حاجة كنت بسألوا عبداللطيف قاعد ولا لا .!
لو قاعد كنت بخش البيت عشان يشوفنى مع رزقة ..!
آخر معلومة عندى انو شغال فى السعودية ... ما عارف كان لسع شغال فى التدريس و لا لا ....!
___
ياريت لو فى ناس من دفعتنا برة البورد وزاملونا فى الفترة ديك يمدونا بصور قديمة .. أو يراسلونا ويحكوا لينا عن الزمن الجميل داك ... مدرسة اركويت شرق الابتدائية 1980 – 1987 م
على الايميل : [email protected]
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: مزمل خيرى)
|
سمرية والقلب شغوف لتلك المدينة التي سكنت فيها لمدة 10 سنوات وكانت من اجمل ايامي التي عشتها في هذه الفانية
وما زال الحنين اليها نيرانه موقده
لقد اثرتي في نفسي لواعج الشجن والحنين
وبالمناسبة كنا ساكنين قريب من الفرن والبرج المصور دا
والتحية لك على هذا السرد الممتع الجميل
كل التحايا النواضر
يا معاوية ياخي انا لي زمن بقول الجنى دا انا شفتو وين ما طلعته انت انت وصور الفريق النزلتها دي ذكرتني الناس الرائعين
تسلم برضو
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ...!! (Re: امير بشير حمد)
|
يالنذير بالمناسبة قابلت طاسين ابراهيم أمس فى 63 بالصدفة وسألتوا قلت ليهو متذكر النذير القرأ معانا
فى الابتدائى ... ضحك وقال لى كيييف مابتذكروا ؛ مش أخو ابراهيم ..!
قلت ليهو ياهو ذاتو ..!
بيسلم عليك كتير والله ؛ وكلمتوا بالبوست وحوجتنا للصور ؛ فوعدنى انو حيمدنى بمجموعة من الصور
القديمة ... قريييب ..!
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ...!! (Re: مزمل خيرى)
|
Quote: يالنذير بالمناسبة قابلت طاسين ابراهيم أمس فى 63 بالصدفة وسألتوا قلت ليهو متذكر النذير القرأ معانا
فى الابتدائى ... ضحك وقال لى كيييف مابتذكروا ؛ مش أخو ابراهيم ..!
قلت ليهو ياهو ذاتو ..!
بيسلم عليك كتير والله ؛ وكلمتوا بالبوست وحوجتنا للصور ؛ فوعدنى انو حيمدنى بمجموعة من الصور
القديمة ... قريييب ..! |
يا سلاااااااااااااام عليك يا أبو جوان ياخي
عليك الله سلم عليهو شدييييييييييييد، وبالمناسبة
كان عندو فردتو شديد زول قصيروني كدا وآفة في المشاكل
اسمو جدو، الزول رأس الهوس دا ويييييييين لوول
والله أيام يا زمان، وفي إنظار صور طاسين القديمة
تحياتي وشكراً على الأخبار السعيدة
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ...!! (Re: مزمل خيرى)
|
Quote:
وين سمرية ست البوست ؟!
|
يا مزمل ، كل سنة وانت طيب .. ويديك زي ما عاوز
انا قاعدة معاكم ، حرف بحرف ، ومتابعة شديد ..
بس البوست ، حق عام .. ما حقي براي ...و البوست بي وبلاي .. ماشي لقدام ..
أي زول ساكن في اركويت ليهو الحق انه يجي ويكتب هنا ...
... حقيقي الشيء القاعد تقدموا انت وشباب اركويت في هذا البوست ..
حاجة عظيمة .. ومهمة جدا لتوثيق تأريخ أركويت ..
اتمنى تساعدني ونعمل backup للبوست دا ...
ونحفظه في مكان آمن ... المعلومات الفيه قيمة ومهمة ... تستحق الرعاية !
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: معاوية عبيد الصائم)
|
من مشاهير أركويت:
1. الفنانة هادية طلسم والبلابل - مربع 56
2. كابتن فريق السودان القومي كمال عبد الغني - مربع 63
3. الوزير عبد الباسط سبدرات - مربع 66
4. الوزير شرف الدين بانقا - مربع 48
5. الوزير صموئيل أرو - مربع 56
6. الوزير بدر الدين طه - مربع 54
7. الوزير الصافي جعفر - مربع 54
8. لاعب كرة القدم عباس جوليت - مربع 59
9. لاعب كرة القدم خالد جوليت - مربع 59
10. الشاعر الكبير إسماعيل حسن - مربع 68
11. لاعب كرة السلة الأمريكي الشهير منوت بول - مربع 49
12. لاعب كرة القدم محمد عقيد(البعيو) - مربع 56
13. سعادة السفير الشاعر سيد أحمد الحردلو - مربع 61
14. رجل الأعمال عبد الرحمن السلاوي مالك مصانع سلا للحلويات - مربع 61
15الاعلامي الكبير مصطفى امين - مربع 56
16- الكاتبة والروائية زينب بليل - مربع 56
17- الموسيقى الكبير اسامة بيكلو - مربع 50
سمعت من ابوي قبل ايام ان الشاعر الكبير حسن الزبير رحمه الله ، كان من سكان اركويت ، وربما مربع 63 ..
وفي حفل افتتاح مدرسة اركويت شرق الابتدائية بنات ( ام عطية الانصارية حاليا ) ،
قام بكتابة قصيدة جميلة عن اركويت وعن الخدمات التي لا تزال تحتاجتها وكان ذلك في العام 1974 ..
نحتاج لمن يؤكد لنا هذه المعلومة ، حول سكنه بأركويت ..؟
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: سمرية)
|
فرق كرة القدمة لرابطة أركويت:
1. فريق الإخوة – مربع 59
2. فريق النهضة – مربع 61
3. فريق التقدم – مربع 63
4. فريق سانتوس – مربع 45
5. فريق الزهره – مربع؟
6. فريق الوحده – مربع ؟
7. فريق التضامن– مربع ؟
8. فريق النجوم– مربع ؟
9. فريق الامل – مربع ؟
10. فريق الوحده – مربع ؟
11. فريق المجد – مربع ؟
12. فريق الميرغنى – مربع 54
13. فريق الهدف – مربع ؟
14. فريق الشعله – مربع ؟
15. فريق الكوكب – مربع 56
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: النذير حجازي)
|
بورداب أركويت:
1. هبة عبده (سمرية) – مربع 56
2. مزمل خيري – مربع 63
3. علي محمد الخير – مربع 68
4. سيف الدولة كامل – مربع 61
5. أشرف الباقر – مربع ؟
6. محمد إبراهيم أحمد – مربع 50
7. طارق النور – مربع 50
8. مرتضى عباس – مربع 68
9. الرفاعي عبد العاطي حجر – مربع 65
10. الفاتح خليل الفكي – مربع ؟
11. الدكتور الصادق عبد الله – مربع ؟
12. الدكتورة سلافة العاقب أحمد – مربع ؟
13. خالد سوميت - – مربع 46
14. معاوية عبيد الصائم - – مربع 45
15. النذير حجازي - – مربع 59
16. أبا ذر علي خليفة – مربع 68
17. هشام هباني – مربع 56
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: النذير حجازي)
|
Quote: فرق كرة القدمة لرابطة أركويت:
1. فريق الإخوة – مربع 59
2. فريق النهضة – مربع 61
3. فريق التقدم – مربع 63
4. فريق سانتوس – مربع 45
5. فريق الزهره – مربع؟
6. فريق الوحده – مربع ؟
7. فريق التضامن– مربع ؟
8. فريق النجوم– مربع ؟
9. فريق الامل – مربع ؟
10. فريق الوحده – مربع ؟
11. فريق المجد – مربع ؟
12. فريق الميرغنى – مربع 54
13. فريق الهدف – مربع ؟
14. فريق الشعله – مربع ؟
15. فريق الكوكب – مربع 56 |
فريق الشروق -مربع 46
فريق النجمة مربع 47
فريق القادسية مربع 49
فريق النصر مربع 43
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: سمرية)
|
اقدم فريق فى اركويت الشروق وكان الوحيد
وبعلب فى رابطة الصحافة من لعيبة تلك الفترة
حسن ماشنرى ويحى الرحيمة والمراحيم عادل
ونجم الدين وعبد الجليل جبر الله رحمة الله عليهم
ومحجوب السوكى وعيسى القون وصابون الكبير
وجميعهم من مربع 45
نواصل
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: خـالد سـوميت)
|
الاخوة الاعزاء
سلام واحترام،،،،،
والله الواحد مشتاق لاركويت وناس اركويت
تحياتي لكل الاهل والاخوان والاصدقاء باركويت
اخونا مزمل خيري كيفك والاسرة الكريمة ومبروك المولودة وربنا يخليها و تحياتي عبرك لاخونا جيلاني عوض
كنت في اجازة واتصلت عليهو اكثر من مرة وتلفونه مقفول وكانت الاجازة بسيطة والجري كتير
تحياتي لكل الاخوان بمربع 63 ولكل اهل اركويت شارع شارع ومربع مربع
الفاتح خليل مربع 46
أبو كريم
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: الفاتح خليل الفكي)
|
Quote: اخونا مزمل خيري كيفك والاسرة الكريمة ومبروك المولودة وربنا يخليها و تحياتي عبرك لاخونا جيلاني عوض
كنت في اجازة واتصلت عليهو اكثر من مرة وتلفونه مقفول وكانت الاجازة بسيطة والجري كتير
تحياتي لكل الاخوان بمربع 63 ولكل اهل اركويت شارع شارع ومربع مربع
|
اخونا .. معقولة بس .!!
والله ماعندنا علم انك كنت فى البلد .. لو كنت راسلتنى فى الخاص والله كنت وصلتك
لحدى بيت الجيلى فى السلمة ..
الله يبارك فيك كمان ومشكور جداً ..
وشكراً لاحياك البوست مرة اخرى ,,
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: عمر موسي منجي)
|
Quote: حبيبنا هو فضل ارضي في اركويت...؟؟
اللهم الا تكون خاتي عينك على ميدان النهضة وله الاخوة
ده كان ما الجماعة اتصرفو فيهم .. كل سنة والجميع بخير |
سلامات يا سوميت وكل سنة أنت وناس أركويت كلكم طيبون طيبون
والله بالجد يا جماعة أن بفتش في قطعة أرض في أركويت للبيع وبالعدم
كدا نص بيت أو بيت متهالك أشتريه وأهده وأبنيهو تاني عليكم الله يا شباب
أفزعوا أخوك ويا سوميت ومزمل خيري ومعاوية عبيد الصائم و د. الصادق
وعزيزتنا ست الحوش هبوية عايز أسمع منكم وبرضو عايز أعرف قطعة
الأرض في أركويت في حدود كام.
تحياتي للجميع
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: النذير حجازي)
|
Quote: والله بالجد يا جماعة أن بفتش في قطعة أرض في أركويت للبيع وبالعدم
|
ياالنذير .. جاى تفتش الماضى خلاص الماضى ولى زمان
اركويت شنوالداير فيها أرض بعد خليتها 30 سنة يا النذير !!
الزول البيتخلى عنها هى برضو بتتخلى عنو و انت بعتنا ومشيت
يبقى مافى ليك تانى .. 
اركويت بقت اراضيها غالية جدا والله يا النذير نار.. نار عدييييل !!
عشان نقدر نساعدك داير شنو بالضبط كدا .. بيت جاهز وللا قطعة فاضية
وفى حدود كم.؟
بسأل ليك بالجد .. طبعاً بتكون داير فى حلتكم الزمان صاح .؟
__
شكرا لك وللاخ منجى لاعادة الحياة للبوست
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: مزمل خيرى)
|
ما اجمل ان افتح باب بيتنا لأجد المطر ينتظرني قرب الميدان ، جاثماً على ارض الملعب كانه على ثأر معه ،
فكلما رأيت الميدان مغموراً بمياه الامطار ، خطر في بالي فريق الكرة الذي يأتي يومياً ليلعب فيه ..
وللامطار في حلتنا شأن آخر ، ليست كبقية امطار الله والرسول تأتي وتذهب خلال يوم او يومين ..
الامطار التي تزورنا ولوفة جدا .. تحب ان تظل لدينا بضعة اسابيع ،
تنتظر غيمة اخرى او سحابة عابرة ... تناغمها ... !
الميدان او الملعب تغمره المياه ، ما احب هذا المنظر الى نفسي ،
احب ان يتحول جزء صغير من حلتنا الى نهر .. بحر عديل .. تتقاذفه الامواج هنا وهناكـ ..
لعلكم لن تصدقوا ان هذا الميدان الفسيح يتحول فعلا الى بحيرة جميلة ...
في الصباح تتلألأ فيها أشعة الشمس الذهبية ...
وفي المساء تسقط عليها الاضواء من البيوت ، فيصبح الماء كأنه ثوب عروس ... !
كنت افرح بــ المطر ، وافرح بما يخلفه حولنا من حياة .. ومياه
فقط لو يكتفى بــ الميدان ويترك بقية الشوارع والازقة خالية ...
آه لو يسمعني المطر ، لو يسمع دقات قلبي الفرحة ...
لحظة ان يوشوشنا البرق ... قبيل المغارب ...
-عبادي ،
- شراقي ،
- قبلي ، وصباحي .. هكذا كنت اسمع التعليقات من حولي ...
واغنيات ... بريئة كنا نرردها ...
يا مطيرة .. صبي لينا في عينينا ...
يا مطيرة يا مطيرة ...
يا مطيرة صبي لينا في ايدينا ...
ويصبح المكان محتفى بالمطر ... وتصبح المياه تحاصرنا من كل ناحية ...
ما اصعب وصول بنات المدرسة الى فصولهن ، وباب المدرسة لا أثر له ...
ما احوج تلك اللحظات الى مركب ، يأتي الى اليابسة ليأخذهن فرادى وجماعات ... هكذا كنت أفكر ...
لماذا لا يفكر الكبار مثلنا ، لماذا لا يستعينوا بأحد المراكب الكثيرة ،
المنتشرة في بحر الغابة حيث نذهب للرحلات ، وقد رأيت الكثير منها هناك .. حتى انها تتواجد هناك للهو فقط .. ؟؟؟
ولكن ربما السبب ان بنات المدرسة فرحات بــ ( الخواضة ) .. فلما الحوجة لمركب إذاً .. ؟
فليس هناك في الكون اجمل من دخول المياه الباردة ورفع التنورة عالياً ..
ما اجمل ان يركض الاطفال داخل المياه ، ان يلعبوا ويتبولوا ويراشقوا ... ويتناثر صراخهم عالياً ..
لا أحد يطلب منهم ان يخرجوا ، لا أحد يطلب منهم ان يتركوا المياه ويعودوا لمنازلهم ...
لا احد يطلب منهم ان يذهبوا لمدارسهم ، فقد اغلقت ابوابها ، بعد ان تهدمت الفصول ..
الا أمي ... كانت تمنعني .. بحجة ان هناك المياه متسخة وان الارض بها زجاج مكسور وان الاولاد يتبولوا فيها ...
لم أكن مطيعة ، ففي الاوقات التي كنت اذهب فيها الى المشاوير البعيدة من المنزل ،
كنا نتحايل ونذهب بالطريق الذي نعرف انه لا خيار لنا سوى الخواضة .. ولا غبار علينا ولا أثم ...
وما يحيرني آنذاكـ ، ان الفصول كانت تتأثر بالمطر وهي اول ما تتدمر ان هطلت غزيرة .
.قتقع المدارس في الحلة والمناطق المجاورة ...
فدائما ما كنت اسمع ان فصل سنة خامسة وقع ، وان حيطة المدرسة الفلانية قد وقعت ...
رغم ان المدارس في اول الامر لم تكن لها حيطان ... الفصول تفتح على الحلة مباشرة ..
فما الذي كان يجعل الفصول تنهار اول ما يهطل المطر ؟؟
هل لانها وحيدة ؟ هل لانها تحب ان يبقى احد معها في الليل ؟
فالكل يذهب لبيته ويتركها لوحدها ...
كنت احب الفصول الخالية ، احب ان اذهب واحنس غفير المدرسة ليدعني العب داخل المدرسة ...
الفصول الوحيدة ، كانت تثير فضولي وشفقتي ،
فكنت ادخل وارى الكنب المرصوص فارغاً من صديقاته البنات ،
فهنا بقايا تسالي وهنا بقايا فول ... بلح ونبق ..... ودوم ...
هذه المدرسة التي تجاور بيتنا ، شهدت ذات يوم حادثة حزينة ،
ففيها فقد استاذ حمدان احدى عينه ، استذا حمدان الشهير بــ شطارته ومهارته في التدريس ..
يبدو ان عين واصابته كما قيل يوم الحادثة ..
كان اليوم أحد ولم اذهب للمدرسة ، حيث اننا نأجز يوم الاحد ، وبعد حصة الفطور
وانا بداخل بيتنا سمعت بنات المدرسة يصرخن عالياً ..
والكثير من الضجة كانت تأتي من ناحية المدرسة ، خرجت حبوبة لتعرف ما يحدث ،
فرأينا الجميع يجري نحو المدرسة .. فركضت خلف حبوبة ...
وهناك عرفنا ما حدث ، فقد اصابت طلقة طائشة عين استاذ حمدان ... يا الهي ...!!!
ومن اين جاءت هذه الطلقة ؟ وكيف وصلت له ؟
عرفنا فيما بعد انه كان ينوي عمل مسرحية بمشاركة طالبات المدرسة ،
وكان يتطلب دور احدى الطالبات ان يكون هناك مسدس ،
فتبرعت طالبة وقالت ان لديها مسدس لعبة في البيت ...
فأتت به لاستاذ حمدان وحصل ما حصل عن طريق الخطأ....
لم تتوقف مسيرة هذا الاستاذ الجليل بهذه الحادثة فقد استمر يدرس في مختلف مدارس اركويت !
كامل التقدير له اينما وجد .. فقد كاد ان يكون استاذ حمدان رسولا ...!
لا ادرى ما الذي جعلني اربط المطر بالمصير الحتمي لأي مدرسة ان هطل غزيراً ...؟؟!!
هل لان المدارس تغلق ابوابها اول ما تأتي سيرة المطر ؟ او لان مياه الامطار كان حدها باب المدرسة ؟؟
دعونا من المدرسة الآن وسيرتها ، فنحن ما زلنا في حضرة المطر ...
وحين يهطل المطر ، في حلتنا ، تسكن الكائنات الا صوت الضفادع ، الصوت الذي أحب .. ما اغرب الاشياء التي احبها ؟
او ليس كذلك ؟؟
صوت الضفادع عند المساء كانت يصطحبه جوء معين ،
والارض رطبة والسماء لا زالت توعدنا بالمزيد ... والغيم تطارده الرياح ...
كل شيء يتغير بعد قدوم المطر ، المواصلات تغير سكتها ، والاقدام تسلك دروباً جديدة ...
والميدان الممتليء بالماء ، تدهسه الكثير من الاقدام ، الكل كان يخوض فيه ، الرجال والنساء والاطفال ..
الكل يعبر البحيرة ... النظيفة ...
ويوم بعد يوم ينحسر الماء ، وتنحسر افراحي ، فلن يكون لدينا بحيرة بعد الآن ،
ولكن ما تخلفه الاقدام من لوحة على أرضية الميدان ..
كان يضاهي فرحتي بالمطر ،، تعرجات عنيفة وكثيفة تغمر الملعب ...
حتى انني كنت اتعثر وانا في اعبر الميدان بعد جفافه ....
الارض لم تعد مستوية كما كانت ، هذه قدم فلان ، وهذه قدم صغيرة وهذه قدم عملاق وهذه قدم امراة ،
فأين قدمي انا ؟؟!!
انا لم تطأ قدمي الماء ، فكيف اجد اثرها على الارض ؟
الكل ترك ذكرى على الميدان العتيق الا انا ؟؟
كل الاقدام لها صورة منحوتة هنا ،،، كثير من الاقدام ... عبرت البحيرة الجميلة .... التي لا زالت تاتي كل عام ...
ولكن لا اثر لاي اقدام ؟؟ ..
ترى اين ذهبت تلك الاقدام ؟!!
................
....
ومازالت ذكريات اركويت تهطل على أرض الحنين ...
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: مزمل خيرى)
|
مزمل ...
كل سنة وانت طيب ..
وحقيقي اسفة على التأخير ..وشكرا كتير خالص على اهتمامك ومتابعتك للبوست طوال الفترة الفاتت
وان شاء الله نقدر نواصل في البوست بشكل اقوى ..
كان زمان وعدتنا بصور لاركويت ... صور جديدة وقديمة ... ياريت نواصل في الموضوع دا بشكل جاد ..
شكرا مزمل وتحياتي للاسرة الكريمة ....
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: سمرية)
|
بوست ممتع جدا يا هبه و متابعينو و نوعدك بى صور فى الأيام القليلة القادمة للمحبوبة أركويت ..
بعدين شايف فيها انتشار الحبش بشكل مزعج جداً وغير طبيعى فى الفترة الأخيرة ..
كل عام وانتى ومن تحبى بخير ..
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: حسام عبد الرحيم)
|
الاخوة الاعزاء
سلام ،،،
بوست جميل لمدينة لها عشق خاص في نفوسنا
سلام لكل اهلنا الطيبين في اركويتنا الجميلة
وسلام خاص للاخوان الاعزاء جدأ جدا
حمدي ادريس - مربع 50
نصر الدين عوض ( قرض ) مربع 45
جيلاني عوض مرسال - مربع 63 سابقاً السلمة حالياً
ياسر وديدي - مربع 65 سابقاً السلمة حالياً
أبو كريم
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: النذير حجازي)
|
Quote:
مدرسة أركويت المتوسطة القديمة (البيلي) |
ياسلام يا نذير أركويت القديمة ... اجمل واحسن ايام أركويت زمن كان فيها مدرستين فقط
أركويت القديمة ... وأركويت الجديدة ..يجتمع فيها كل ابناء أركويت من مختلف المربعات
أركويت القديمة ... اشتهرت بمديرها معلم الاجيال (البيلي) رجل يحتاج لبوست منفرد
التحية كذلك لكل المعلمين الذين عملوا بالمدرسة و نخص بالتحية الاستاذة من ابناء أركويت
يانذير الحصل شنو على مدرسة أركويت القديمة....؟ سمعت انه تم تحويلها
الى محلية اركويت بعد ضم المرحلة الابتدائية مع المتوسطة
مشكور ياحبيب على ربط الفيس بوك
| |
|
|
|
|
|
|
| |
Dr.Elsadig Abdalla
سيف الدولة كامل
النذير حجازي
معاوية عبيد الصائم
مزمل خيرى
طارق جبريل
امير بشير حمد
سمرية
وجدان جمال
الفاتح خليل الفكي
عمر موسي منجي
الرفاعي عبدالعاطي حجر
حسام عبد الرحيم
فيس بوك
تويتر
انستقرام
يوتيوب
بنتيريست