|
|
|
 Re: هام جدا دعوة لبورداب الداخل والخارج (Re: نجلاء سيد أحمد)
|
فى خلال العقود الاخيرة تمت تغييرات كثيرة واساسية فى طبيعة الصراعات الموسعة فى فترة الحروب
الى ما تعرف ب مجموعة الظواهر السياسية
قبل توضيح المداخل التحليلة لبناء السلام من المهم تحديد معانى لبعض المصطلحات المستخدمة
الصراع
هو عبارة عن مواجهة بين افراد مثال البورداب هنا
اومجموعات مثال اخر الاحزاب اوقبائل من اجلقيم او مطالب للحصول على وضع معين وفرض قيمهم او مطلبهم
على الاخرين بالرغم من ان هذا التعبير يستخدم بشكل مبسط وسلبى يدمج كل الصراعات فى مضمون العنف
الجسدى او العنف الفظى
| |
 
|
|
|
|
|
|
|
|
Re: هام جدا دعوة لبورداب الداخل والخارج (Re: نجلاء سيد أحمد)
|
والصراع يمكن ان يكون له جانب ايجابى كشكل عادى للتفاعل الاجتماعى يمكن ان يسهم فى الحفاظ على
تنمية تغيير او استقرار كلى للكيانات الاجتماعية
وقد يكون مشكلة فقط عندما لايستطيع او ينجح المجتمع فى تقديم حل للجماعات المختلفة بطريقة بتاءه
وهذا يؤدى الى بداية دورة الانحلال او الهدم
المفهوم الثانى
2\السلام
ان كلمة السلام تستخدم كمفهوم عكسى لفرضية الحرب الا ان بعض الذى يؤدى الى عدم تحقيق العدالة وعدم
المساوة فى توزيع القوة وبالتالى فى هذا السياق لايرتبط السلام فقط بغياب العنف الجسمانى وانما
ارتباطه بتحقيق التنمية الاقتصادية والاجتماعية
لى عودة
| |
|
|
|
|
|
|
|
|
|
Re: هام جدا دعوة لبورداب الداخل والخارج (Re: نجلاء سيد أحمد)
|
Quote: التحية اخواتى واخواتى بورداب سودانيزاونلاين
بما ان السودان مغبل على انتخابات اذا تم التغيير فى القوانين التى لاتتماشة مع الدستور
وتم القبول بنسب التعداد السكانى هنا يبدا التحول الديمقراطى
|
كنت قايل في دعوة افطار لبورداب الداخل والخارج في مكان محايد لا برة السودان ولا جوة السودان
(زي حلايب مثلا! )
سلام وتحية
عندي ملاحظات ارجو قبولها او الاهتمام بها:
1- تجنب الاخطاء اللغوية
2- البورداب كلمة عامة وغير موضوعية(يجب التحديد لان الكيزان مثلا ) لايجب توجيه الدعوة لهم.
3- البوردابي المعني دوره التنوير وليس الانتظار حتي يتحقق وهم التحول الديمقراطي.
4- صحيح الصراع خارج البورد ينعكس داخل البورد ولهذا تحديدا لا ننتظر ان يقل العنف والتصنيف
وغيره فهو جزء من طرق ادارة الصراع السياسي بالخارج..
اعود
| |
|
|
|
|
|
|
|
|
|
Re: هام جدا دعوة لبورداب الداخل والخارج (Re: عبداللطيف حسن علي)
|
هنالك عدد من ابفرضيات يجب توفرها لبناء السلام
-السلام يتطلب تحول اجتماعى ويجب ان يبنى بمرور الوقت
السلام تدخل فيه موضوعات اقتصادية - اجتماعية - ثقافية سياسية وانسانية اى انه اوسع من مجردغياب العنف ويتضمن افكار عن التنمية المستدامة والعدالة الاجتماعية
بناء السلام ليس حدث فقط له بداية ونهاية انما هو عملية مستمرة قبل وبعد الصراعات
| |
|
|
|
|
|
|
|
|
|
Re: هام جدا دعوة لبورداب الداخل والخارج (Re: نجلاء سيد أحمد)
|
نجلاْ : التحيه والتجله ...رمضان كريم انتي وبخارى وافراد الاسره الكريمه.
أولا: تحليل موضوعي أحييك عليهو وأكيد منطلقك كان الحدب علي السودان.
عارفه نسيتي تضيفي : مصيبتنا هذه الانقلابات العسكريه والتي ما فتئنا أن نفرح بديمقراطتنا وهي لا تزال كسيحه : حتي نصبح بعد فتره قصيره علي صوت المارشات العسكريه.
وبالله نتكلم بموضوعيه: منذ الاستقلال وحتي الان
ماذا أضافت لنا الانقلابات العسكريه متلفحه بثوب الدكتاتوريه للسودان؟؟؟؟
| |
|
|
|
|
|
|
|
|
|
Re: هام جدا دعوة لبورداب الداخل والخارج (Re: نجلاء سيد أحمد)
|
Quote: التحية اخواتى واخواتى بورداب سودانيزاونلاين
بما ان السودان مغبل على انتخابات اذا تم التغيير فى القوانين التى لاتتماشة مع الدستور
وتم القبول بنسب التعداد السكانى هنا يبدا التحول الديمقراطى
متطلبات التحول هى
1\ فبول الاخر دة غير متوفر هنا فى الفسحة سودانبز اون لاين فما بالكم بالوطن الواسع
استند فى حكمى بوجود العنف الفظى مثل كوز-- متنوضل-- امنجى وووووووالخ
2\ تحويل البوست من موضوعى الى مهاترة
3\الاستخفاف بصاحب البوست وتقليل من الجهد الذى بزله
اذا تم الاتفاق معى فى ما اعلاه سوف اواصل |
الاخت نجلاء
لا يستقيم الظل والعود أعوج.
| |
|
|
|
|
|
|
|
|
 Re: هام جدا دعوة لبورداب الداخل والخارج (Re: Deng)
|
Quote: عندي ملاحظات ارجو قبولها او الاهتمام بها:
1- تجنب الاخطاء اللغوية
2- البورداب كلمة عامة وغير موضوعية(يجب التحديد لان الكيزان مثلا ) لايجب توجيه الدعوة لهم.
3- البوردابي المعني دوره التنوير وليس الانتظار حتي يتحقق وهم التحول الديمقراطي.
4- صحيح الصراع خارج البورد ينعكس داخل البورد ولهذا تحديدا لا ننتظر ان يقل العنف والتصنيف
وغيره فهو جزء من طرق ادارة الصراع السياسي بالخارج..
اعود |
طيب إنت ما عايز توجـه الدعوة للكيزان حزبكم دا فيهو (كمهم)؟؟
والله يلموكم في امجاد ما تملوهـا ..
يا نجلاء سيد أحمد ..
زمان كنت بتناقش لي مع واحد عامل فيها شيوعي .. وحق .. واي حاجة ..
قال لي ماف حل للخروج من الازمة الحالية دي إلا عن طريق الاعتذار ..
قلت ليهو كيف يعني ؟؟
يقومو ناس الشمال يعتذروا لي ناس الجنوب بشكل جماعي والناس تفتح الملفات دي ..
قلت ليهو يعني كيف مثلا لاني فهمي بضيع مرات مرات ..
قلت ليهو يعني مثلا (يمديني) اعتذر عن حاجات ليها علاقه بي جدي (الحسين) والجاي في راسو تلاتة جدود .. عشان اطلع السودان من الازمة الحالية .. قال لي اااي
قلت ليهو إنت جادي ..؟
قال لي اااي ..
قلت ليهو خلاص اقطع لي تذكرة الرياض الخرطوم .. وحدد لي نفر واحد بس عشان اعتذر ليهو .. ونجي راجعين الرياض .. لانو انا ما فاضي وشغال وبعدين انا مالي اعتذر لي كم مليون حسب آخر تعداد سكاني ..؟
اعـلاه حيثيات لحواري وأحد المستنيرين الشيوعين وهو نصف مثقف .. دي اسهاماتو في حل المشكل السوداني.
وطالما عندك مقترح للمعالجة .. بعتقد أنو شيوعيي البورد وشيوعييات البورد .. يفتحو الملفات ويعتذرو للشعب الاسفيري .. لانهم أول من مارس حفلات الشواء الأدمي واغتيالات الشخصية المنظمة في هذا البورد ..
وأول من استخدم مصطلح .. فلان دا امنجي .. وفلانه دي كوزة .. وحسع بقى ليكم (بمبي) .
ممكن تعتذرو في حدود .. النصف الرابع من أرشيف العام 2009
في واحد كدا دا اسمو (أمين السيد) والله دا مش لو اعتذر .. دا لو بقى كوز راسو عديل .. لا يمحي ما خلفه هنا من اسقاطات .. تبين مدى ضعف واستهتار بعض الشيوعيين بعقول البشر ..
الشيوعيين .. آفة منبر سودانيزاونلاين.
هذا مع احترامي لوجهة نظرك وحق الطرح ..
| |
|
|
|
|
|
|
|
|
|
Re: هام جدا دعوة لبورداب الداخل والخارج (Re: tmbis)
|
تسلم ياتمبس كلامك دة فى صميم الموضوع بتاعى الشيوعيين عندهم ادب النقد والنقد الذاتى
بعدين كلمة كوز طلعت من خشم شيوعى بالتاكيد
يعنى دى دعوة لكل الاطراف المتصارعة
واتفاقية السلام واحدة من اركانها
ادب المحاسبة والاعتزار عشان النفوس تتصافة
ونحتمل بعض
مودتى
| |
|
|
|
|
|
|
|
|
|
Re: هام جدا دعوة لبورداب الداخل والخارج (Re: tmbis)
|
Quote:
اماالدعوة للافطار منز الولادة قاعدين ناكل
ماذا فعلنا للوطن
|
لاشئ بتاتا !
يعني انا جيت جاري بفتش لافطار مثلا ،بس شفت العنوان مشابه لعناوين واجهة المنبر وعملت
من الموضوع دعابة..
Quote:
اما دعوت الكيزان يشرفنى تواجدهم فى هذا البوست
وانا بدعو للتسامح وتقبل الاخر
|
دعوتك لقبول الاخر ما اظنها في البوست دا بس وانما المنبر والوطن الفسيح..
طيب منو الماقاعد يتقبل الاخر..؟ بل يحرم الاخر حق الوجود اصلا بالدعوة الي قتله
ووصف ابناءه باولاد الزني وحرمانه من الميراث وعزله عن المجتمع ...
طبعا ح تقولي ديل التكفيريون ومادخل الكيزان..واقول الحكومة سكتت عن ادنتهم وتجريمهم
ومعاقبتهم بما يعني الموافقة..
وهل نحن ساذجون لدرجة ان نسامح من يبشرنا بالقتل والتصفية ومنهم كيزان متواطئون في
في البورد او خارجة؟
هل في كوز هنا ادان مثل هذا السلوك ؟؟
اخيرا كتبت :
| Quote: بعدين انا من النوبة ولستو عربية |
لم اجد علاقة مع ما كتبته!
| |
|
|
|
|
|
|
|
|
|
Re: هام جدا دعوة لبورداب الداخل والخارج (Re: عبداللطيف حسن علي)
|
Quote: طيب إنت ما عايز توجـه الدعوة للكيزان حزبكم دا فيهو (كمهم)؟؟
والله يلموكم في امجاد ما تملوهـا ..
|
ممكن يكون الحزب مكون من خمسة افراد ويقنع 39 مليون ببرنامجه..
وبعدين انا ماجبت سيرة حزب ولا انتمي لحزب اصلا رغم انني اقرب واعتبر نفسي
صديق للشيوعيين (بعد التعديل)
| |
|
|
|
|
|
|
|
|
|
Re: هام جدا دعوة لبورداب الداخل والخارج (Re: نجلاء سيد أحمد)
|
Quote: \ فبول الاخر دة غير متوفر هنا فى الفسحة سودانبز اون لاين فما بالكم بالوطن الواسع
استند فى حكمى بوجود العنف الفظى مثل كوز-- متنوضل-- امنجى وووووووالخ |
تحية وتقدير أختنا نجلاء سيد احمد
ومبارك عليك الشهر الكريم
قبول الآخر في المنبر دا قاسي شديد لكن حاولي
العنف اللفظي أصبح سمة غالبه لأسماء بعينها بهذا المنبر
ويوجد عنف وعنف مضاد
الكوز بقول للآخر يا متنوضل
المتنوضل بقول لكل من يؤيد المؤتمر الوطني يا أمنجي
لا أعتبر لفظ كوز عنف لفظي ( رأي شخصي )
| |
|
|
|
|
|
|
|
|
|
Re: هام جدا دعوة لبورداب الداخل والخارج (Re: البشير دفع الله)
|
تسلم اخى البشير دفع الله
كل عام وانت بالف خير
والعنف حالة غير طبيعية
ومرفوضة فى العالم المتمدن واحنا عندنا دستور 2005 اذا طبق فى الوطن مع وجود ثقافات تدعو للتعايش
السلمى حيكون عندنا وطن مثالى لتوفر الموارد الطبيعية والبشرية بس ادى الحلق للماعندو ودان
شكرا على المداخلة
| |
|
|
|
|
|
|
|
|
|
Re: هام جدا دعوة لبورداب الداخل والخارج (Re: نجلاء سيد أحمد)
|
نتكلم عن دور الفرد فى العنف
يمكن ان يكون الافراد غير عنفونيين وبالتالى نشر هذه القيم عن طريق المجتمع
دة الحاصل اليوم فى السودان الجرايم التى تنتهى بالقتل ودى ظواهر جديدة بس غير مستبعدة
والاسباب كتيرة بس دة ماالموضوع بتاع البوست
ان العلاقة بين المؤسسة الانسانية والهيكل الاجتماعى هى صميم النظرية الاجتماعية وهى اساس لفهم الصراعات
لذا فان التغيير الاجتماعى يصبح عرضة للنتائج المحددة بواسطة تاثيرات المؤسسات الانسانية وليس فقط نتائج لتطور الهيكل الاجتماعى
ومن هذا المنظور فان الصراع هو مكان او محيط للفعل الاجتماعى وفى نفس الوقت ناتج لهذا الفعل
ان النماذج الحالية للعنف يمكن اعادة تشكيلها بواسطة المؤسسات الفردية والتى هى نفسها شكلت
الكاف مضمومة بواسطة الهياكل والعمليات المؤسسية
لذا فان فهم الصراعات يتطلب تحليل مفصل لشكل العلاقة بين الافراد والملامح الهيكليية للظواهر
السياسية لتحديد العلاقة بينهما ان الطرق التى تشكل بها الهياكل الاجتماعية ذاتية الافراد والهكس
بالهكس يعتبر ذا اهمية قصوى
وقد اثبتت الادلة فى الصراعات المعاصرة ان السلوك والافعال الفردية لمؤسسى العنف يعملون من اجل
تاكيد الهوية الذاتية العرقية اوالحزبية حتى تصبح الهياكل العرقية او الحزبية هى الملامح
الاساسية التى تعرف الافراد والمجتمع وبهذه الطريقة فان العنف درجة عالية من العنف او العنف المحتل يمكن ان تبدا
| |
|
|
|
|
|
|
|
|
|
Re: هام جدا دعوة لبورداب الداخل والخارج (Re: نجلاء سيد أحمد)
|
نجلاء سيد أحمد
ســــــــــتلام مطبوق
شان تفتحي المواضيع الحارة دي يلزمك الآتي:
خوذة كلامية ترتكز على قواعد إملائية سليمة...
الخوذة تلبسيها وتجي خاشة
ولامن النقاش يسخن بدل ما
إنتي لابساها تلبسيها للقدامك
في وشيهو
ودي نظرية الحوار هنا وواحد من إتنين
يا حتطلعي كوزة أمنجية
يا شيوعية متنوضلة
| |
|
|
|
|
|
|
|
|
|
Re: هام جدا دعوة لبورداب الداخل والخارج (Re: جلال جبريل)
|
نجلاء كيفنك
لقد سبق أن فتحت بوست مشابه بس مش خالص
اقترحت أن لا نرد على الأمنجية .ماعندى مانع فى الرد على
الكزان بس ما معقول نقعد نناقش فى ناس جاية تشتغل
وأقترحت أن نرفض الألفاظ النابية ونابية دى بتشبه لى مجموعة كلمات جابتم
الرائعة تماضر شيخ الدين زى لمخضرم والمحنك .أها أنا قلت بلاش النابيه دى
أول ما أصابنى هكرو كلمة المرور ومجابدة حتى رجعت لى
الله أستر عليك من التهكير
دعوتك مثالية أنا ما رافضاها لكين نحنا ما مثاليين
يعنى يا نجلاء براحة كدى لو متأكدة من أمنجى بناقشك
بتتعاملى عادى كأنو زول وأى حاجة
العزيزة نجلاء داخلين انتخابات وكوز دى حنقولا كتير
بس غايتو أعزرينا فى دى
بعدين دايرة أقول فى زول شال قروش العمارة والعمارة قامت وقعت
كدى اقترحى لى كلمة قريبة من حرامى تكون شنو
بلاش واحد أمر الجنود بالاغتصاب أها انسب حاجة أقول عليهو شنو
ااصورى القصة صعبة ياخ دى جابت ليها عيلنا أولاد حرام
أها لو لقيت واحد فى المنبر مؤيد عبد الكريم دا متوقعانى أقول شنو
الفصة دى معقدة
ربنا اوفقك وبرضو بدعمك بالبقدرو عارفاك قاصدة فى حدود المنبر
بسفى هنا ممقلين للناس ديل وشغالين ليهم وشغالين علينا
| |
|
|
|
|
|
|
|
|
|
Re: هام جدا دعوة لبورداب الداخل والخارج (Re: سليمان الرفاعي)
|
الاخت نجلاء
موضوعك هام و جدير بالنقاش الهادي و الموضوعي
لك التحية علي تقبلك النقد بخصوص الاخطاء بروح تستحق
الاحترام و التقدير و هذا مؤشر علي صدق نواياك في طرح
هذا الموضوع.
ممارسات النظام الحاكم علي مدي 20 عام و حتي الان لم تخلو
من العنف تجاه الرأي الاخر و ثبت لهم عملياً انه لا يمكن تصفية
أو الغاء الرأي الاخر بالعنف و هذه حقيقة.
الفصل من الخدمة, السجن, التعذيب, القتل كل هذه المرارات ما زالت
عَبرة في الحلوق و ما زالت الاسر تعاني من تلك المظالم و هذا بالطبع
له انعكاساته و مؤشراته و دلالته في الحياة العامة و مجتمع سودانيزاونلاين
خير دليل.
غياب هيبة القانون و الاستهتار بحقوق المواطن من الجهة التي يجب تحمي
حقوقه يولد عنف و اخر مثال هو اعتقالكم مع زميلاتك لمجرد انكم و قفتم مع
الاستاذة لبني اعتقال غير قانوني. و قد ضحكت كثيراً عندما علمت ان
الاستاذ و المحامي اكرر المحامي و القانوني و نائب رئيس الجمهورية
قرر العفو عنكم؟؟؟ و لم يوجه لنفسه سؤال ما هي تهمتكم؟؟؟
اذا كانت التهمة حقيقية فالتتحاكموا؟؟ و ان كانت باطلة فاليتحاكم من اعتقلكم؟؟
و اذا كان هو قانوني يحترم مهنته فاليحقق في القضية بما فيها توجيه الالفاظ
البذيئة لكم؟ يعفو عنكم و يخلي ديك؟؟ مش حاجة تضحك
أوردت هذه القصة عشان اقول ليك ان الناس ما ح تسكت علي الاهانة دي و اهانات كثيرة
من 20 سنة و كثير من الناس عينم في الفيل و يطعنو في ضله (بالسوداني)و ظله باعربي
الفصيح
تحتاج لبذل الكثير عشان نمحو الاضغان و الجروح و نخلق جو تسوده ثقافة المحبة و السلام
و التسامح و للاسف النظام الحاكم غير مؤهل لهذه المهمةعملياً و نظرياً لان فاقد
الشيءلا يعطيه اسف للاطاله و لي عودة
ـــــــــــــــــــــــــــــــــــــــ
خارج الموضوع: مبروك فوز الهلال و حظ اوفي لبخاري في المرات القادمة
| |
|
|
|
|
|
|
| |
نجلاء سيد أحمد
HAIDER ALZAIN
omer osman
عبداللطيف حسن علي
Deng
tmbis
صديق الموج
humida
البشير دفع الله
MOHAMMED ELSHEIKH
ibrahim alnimma
الامين موسى البشاري
جلال جبريل
زينب بدر الدين
ALGARADABI
Abdlaziz Eisa
فيصل نوبي
محمد عبد الماجد الصايم
معتصم محمد صالح
Hamid Elsawi
محمد حيدر المشرف
فيس بوك
تويتر
انستقرام
يوتيوب
بنتيريست