|
|
 Re: دفتر احوال ضابط الشرطة المناوب (Re: Ali Sirelkhatim)
|
Quote: اهدى كلمات الاستاذ محجوب شريف للاحباب فرح جيلانى..على جويلى..فيصل عثمان..مجدى خليل..وكل الطيور المهاجرة
لكم حبى جميعا..
|
شكرا ياابو علوة
على الاهداء الرقيق دايما بتجيب من بيت الكلاوى
ماتحاولها فيديو لو امكن بصوت صلاح مصطفى ...
Quote: الاخ الحبيب السيد على جويلى
وين صور الرحلة مع الاولاد ما زلنا فى الانتظار.. |
الرحلة الجاية انشاء الله ياابو علوة حصلت مشكلة فنية اثرت فى الصور ..
| |
 
|
|
|
|
|
|
|
|
Re: دفتر احوال ضابط الشرطة المناوب (Re: على جويلى)
|
الصديQuote: : اهدى كلمات الاستاذ محجوب شريف للاحباب فرح جيلانى..على جويلى.
.فيصل عثمان..مجدى خليل..وكل الطيور المهاجرة لكم حبى جميعا.. |
ولك منى يا أعز صديق , محبة ومعزة كاملة الدسم , وربنا يجمعنا واياكم فى ربوع الوطن
الحبيب بعد أن تعود له عافيته ورحابته التى تسع الجميع .
أين الصديق ابراهيم الرشيد مسجل غياب لعله بخير . الصديق عبده عوض وينك يا رجل
الفارس فارس موسى ما زلت فى انتظار تلفونك , تحياتى عبرك للعزيز فريد الخليفة , عادل حمزة
مسجل غياب لعل المانع خير , ياسر عبدالكريم ماك باين .دكتور مشرف ما حكيت لينا عن بانكوك
تعال ورينا الحاصل , وين الصديق بابكر عبدالمطلب الزول ده عمل عملية وما سمعنا عنو حاجة أتمناه
بخير , الصديق الطيب عثمان يوسف متوقع منك بوست كارب ما عارف ليه , احتمال عشان عودتنا على
العودة القوية , الصديق أسامة الكرور هل ما زال بالسودان .
| |
|
|
|
|
|
|
|
|
|
Re: دفتر احوال ضابط الشرطة المناوب (Re: Adil Hamza)
|
أهنئ أبناء الدفعة 56 بنيل وسام الخدمة الطويلة
الممتازة ...
والف الف الف الف
مبروووووووووك
ونتمنى لهم مذيدا من الترقى و التوفيق في عملهم
جميعا ناشطين ويستحقون ماكلفو به ..
التحية والشكر اجزله للعزيز عمر عثمان الذى توج بجدارة
فى مقدمة هذه الدفعة الابية ...
وللعزيز جدا عادل حمزة عمدة الدفعة 56 فى المهجر ...
| |
|
|
|
|
|
|
|
|
|
Re: دفتر احوال ضابط الشرطة المناوب (Re: على جويلى)
|
| Quote: وللعزيز جدا عادل حمزة عمدة الدفعة 56 فى المهجر ... |
دى قوية جدا يا سيد على جويلى
عمدة الدفعة 56 فى المهجر مرة واحدة
الواحد لما يصل لى عمدة الدفعة مفروض يضمو للدفعة
القدامو يعنى 55 عشان ننافس ابراهيم الرشيد فى الاقدمية(المداخلة
دى حا تجيبو ليكم من غيابو الطول) اتمنى انو يكون بخير
عادل
| |
|
|
|
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
عزيزى / على
استشهد اثناء تادية واجبة العقيد شرطة محمد عبدالعزيز - المعلومات المتوافرة فى بوست اخونا عمر عثمان بالمنبر العام .
نامل من الزملاء الاطلاع والتعليق
عن الاستهداف الباين العنان للشرطة --- فماذا حدث ؟؟؟؟؟؟؟؟؟؟؟؟؟؟
المسالة تستحق الدراسة والاراء
ودبرى
| |
|
|
|
|
|
|
|
|
|
Re: دفتر احوال ضابط الشرطة المناوب (Re: Adil Hamza)
|
نسال الله ان يتقبل دفعتنا واخونا محمد عبدالعزيز ادم قبولا حسنا وان يسكنه فسيح جناته مع الشهداء
والصديقين وحسن اؤلئك رفيقاوانا لله وانا اليه راجعون
لا ادرى ماذا اقول, وتعجز الكلمات وتتقاصر امام تلكم الهامة المرفوعة للشهيد وقد كانت اخر
كلماته التى نطق بها اشهد ان لا اله الا الله واشهد ان محمد رسول الله ولا حول ولا قوة الا بالله ثم
اسلم الروح لبارئها وارتسمت ابتسامة على شفتيه رايتها وهو ممدد على تربيزة التشريح وراها كل الحضور.
رحل محمد وترك من خلفه ابنه الصغير يوسف ووالدة ثكلى واخوات باكيات, اما عمنا عبدالعزيز والد الشهيد
فحكاية اخرى فى الجلد والثبات والقبول بقضاء الله وقدره وحق له ان يكون والدا لمحمد وهو يردد (محمد مات
شهيد فداء الوطن ويا اولادى ماتبكو انا مافقدت ولد انتو كلكم اولادى)
رحل محمد وخلفه سيرة عطرة, فقد عرف بدماثة الخلق وطيب المعشر, كريما سخيا فقبل شهرين فقط من استشهاده ولبذله
وعطائه وتجرده فى العمل قام مديره الهمام سعادة العميد خالد بن الوليد بكتابة تقرير لرئاسة الولاية يوصى بمنحه
نوط الواجب وتمت مكافاته ماديا, فاستلم مبلغ المكافاة وقام بتوزيعه على صف الضباط والجنود العاملين معه بقسم
الحاج يوسف ولم يبقى لنفسه شيئا, لله درك يامحمد, ولكن كن مطمئنا ان اخوتك فى الدفعة 55 وكل قبيلة الشرطة
اباء ليوسف وابناء للعم عبدالعزيز.
| |
|
|
|
|
|
|
|
|
|
Re: دفتر احوال ضابط الشرطة المناوب (Re: ابراهيم الرشيد عبدالرحمن وراق)
|
Quote: نسال الله ان يتقبل دفعتنا واخونا محمد عبدالعزيز ادم قبولا حسنا وان يسكنه فسيح جناته مع الشهداء
والصديقين وحسن اؤلئك رفيقاوانا لله وانا اليه راجعون
لا ادرى ماذا اقول, وتعجز الكلمات وتتقاصر امام تلكم الهامة المرفوعة للشهيد وقد كانت اخر
كلماته التى نطق بها اشهد ان لا اله الا الله واشهد ان محمد رسول الله ولا حول ولا قوة الا بالله ثم
اسلم الروح لبارئها وارتسمت ابتسامة على شفتيه رايتها وهو ممدد على تربيزة التشريح وراها كل الحضور.
رحل محمد وترك من خلفه ابنه الصغير يوسف ووالدة ثكلى واخوات باكيات, اما عمنا عبدالعزيز والد الشهيد
فحكاية اخرى فى الجلد والثبات والقبول بقضاء الله وقدره وحق له ان يكون والدا لمحمد وهو يردد (محمد مات
شهيد فداء الوطن ويا اولادى ماتبكو انا مافقدت ولد انتو كلكم اولادى)
رحل محمد وخلفه سيرة عطرة, فقد عرف بدماثة الخلق وطيب المعشر, كريما سخيا فقبل شهرين فقط من استشهاده ولبذله
وعطائه وتجرده فى العمل قام مديره الهمام سعادة العميد خالد بن الوليد بكتابة تقرير لرئاسة الولاية يوصى بمنحه
نوط الواجب وتمت مكافاته ماديا, فاستلم مبلغ المكافاة وقام بتوزيعه على صف الضباط والجنود العاملين معه بقسم
الحاج يوسف ولم يبقى لنفسه شيئا, لله درك يامحمد, ولكن كن مطمئنا ان اخوتك فى الدفعة 55 وكل قبيلة الشرطة
|
البركة فى ابنه واخوانه واخواته وفيكم يا ابراهيم , أسأل الله أن يتقبله القبول الحسن , ويتغمده بواسع رحمته ومغفرته
ويجعل الجنة مثواه , ولا حول ولا قوة الا بالله العلى العظيم .
مؤسف أن يخرج الانسان لعمله ولا يعود , نعم أنها مشيئة الله الغالبة , لكن هناك تدابير لو ضمنت اتفاقيات السلام لتجنبنا
الموت المجانى لهذه الأرواح الطاهرة , لعل القائمين على أمر هذا الوطن يتداركون هذا الوضع , خصوصا وأن هذه الأحداث
قد تكررت وبنفس السيناريو , السلاح فى أيدى من لا يدرون متى يستخدم هو خطأ جسيم لا يقل فى سوءه عن التحريض على الجريمة .
| |
|
|
|
|
|
|
|
|
|
Re: دفتر احوال ضابط الشرطة المناوب (Re: فيصل عثمان الحسن)
|
ألف رحمة ومغفرة من الله على روح الشهيد العقيد محمد عبدالعزيز ..
أسأل الله أن يسكنه فسيح جناته مع الصديقين والشهداء وحسن أؤلئك رفيقاً ..
وأسأل الله أن يصبر أهله وأصدقائه وكل الزملاء على فقده ..
عزائنا لكم أخي إبراهيم الرشيد ولأخواني في الدفعة 55 .. ولأهل المرحوم وأسرته ..
وأسأل الله أن لا يريكم مكروهاً في عزيز لديكم ....
| |
|
|
|
|
|
|
|
|
|
Re: دفتر احوال ضابط الشرطة المناوب (Re: عبده عوض)
|
Quote: مناظير
زهير السراج
اغتيال العقيد !!
* أحدث اغتيال العقيد شرطة محمد عبدالعزيز آدم وإصابة عدد من زملائه جرحا غائرا فى نفوسنا، ولكن عزاءنا أنه مات وهو يؤدى الواجب فكتب عند الله والناس شهيدا، نسأل الله له المغفرة والرحمة وأن يمن على زملائه بالشفاء، ويلهم أسرته وزملاءه الصبر وحسن العزاء.
* ويدعونى هذا الحدث المأساوى الى إعادة فتح ملفين فى غاية الأهمية، الأول هو وجود القوات الخاصة والمليشيات المسلحة بين المدنيين، حيث اوردت بعض الصحف أن الهجوم على الشهيد وزملائه قامت به مجموعة تنتمى لقوات القائد فاولينو ماتيب وتقيم بين المواطنين وهوأمراعتقدنا انه قد حسم بانضمام قواته لجيش الحركة الشعبية تنفيذا لنصوص اتفاقية السلام التى تحصر العمل العسكرى فى الجيش السودانى وجيش الحركة الشعبية والجيش المشترك الذى يتكون من قوات محدودة من الجيشين تقيم فى اماكن محدودة ولها مهام محدودة، فمن اين جاءت المجموعة المسلحة التى نفذت جريمتها البشعة ولاية جهة تنتمى ومالذى يجعلها تقيم وتتجول بين المدنيين وهى تحمل السلاح بدون رقيب او حسيب ؟!
* لقد سئم الناس من سماع التبريرات والاعذار والوعود المستمرة كلما وقع حادث فقدنا فيه أعزاءعلينا، وكلنا نذكر تصريحات الحكومة بعد حادثة حى المهندسين الشهيرة بام درمان ووعودها بان هذه الحوادث لن تتكرر ولن تترك المسلحين يهددون حياة المواطنين، ولكن هاهى الحادثة تتكرر فتثير الفزع وتقتل ضابطا برتية رفيعة وتصيب عددا من زملائه، فإلى متى يستمر اطلاق الوعود بدون أن تجد طريقها الى التنفيذ؟!
* الملف الثانى هو أوضاع الشرطة .. فالشرطة التى تتحمل الكثير من أعباء الأمن وتقدم الشهداء فى ساحات السلم والحرب تتعرض لأبشع أنواع الظلم والتمييز فيما يتعلق بامكانياتها وتأهيلها واستحقاقاتها، وكلنا نعرف ذلك ونسكت عنه للأسف الشديد !!
* كلنا نعرف الظروف السيئة التى تعمل فيها الشرطة سواء ضعف الامكانيات او ضعف التدريب أو ضعف المرتبات مقارنة بما هو مطلوب منها من أعمال تهد الجبال !!
* نعرف أن الوضع سئ جدا فى بعض المراكزوالاقسام لدرجة أنه لا توجد ورقة فلسكاب واحدة لكتابة التحريات، وإما وقع العبء على الشرطى أو على الشاكى، ونعرف أن معظم جنود الشرطة لا يحصلون على اى نوع من التأهيل بعد استلام الوظيفة .. ونعرف أن مرتب الشرطى الذى قضى عشرين سنة فى الخدمة ووصل أعلى درجات السلم الوظيفى لا يزيد عن ثلاثمائة جنيه .. نعرف كل ذلك ونسكت عليه ثم نطالب الشرطة بأن تجيد أداء عملها ونشن عليها اعنف انواع الهجوم إذا أخطأ أحد أفرادها، بل إن أحد زملائى بالصحيفة وهو الاستاذ (الزومة) يستنكر ويستكثر فى عاموده على أحد منسوبى الشرطة تولى منصب وزارى فى حكومة ولائية بجنوب السودان لانه فقط عريف شرطة، هل هنالك ظلم أكثر من هذا؟!
www.alsudani.sd
[email protected]
جريدة السودانى، 31 أكتوبر، 2009
|
| |
|
|
|
|
|
|
|
|
|
Re: دفتر احوال ضابط الشرطة المناوب (Re: عبده عوض)
|
Quote: الاخ ودبرى والاخوة الزملاء
من هم هؤلاء السلاطين وماهى صفة وجودهم بسلاحهم فى العاصمة وماهى التدابير اللازمة لمنع حدوث مصيبة اخرى ؟ |
سؤال وجيه - محول للوزارة الداخلية ورئاسة الشرطة
من هم هولا السلاطين الذين يتسببون فى مقتل رجال الشرطة فى احداث تكررت فحادثة جبل اولياء- المهندسين - سوبا- واخير ابوسعد .
الا اننا نامل فقط فى (اجابة فقط الاحترازات لعدم التكرار ذلك مستقبلا ) - وهذا والله عملا مضنيا نامل ان يتوفق المسئولين عن ذلك - حتى لايكون تاريخا والتاريخ لايرحم
نامل التوفبق والسداد
عبدالرحيم محمد عبدالرحيم
ودبرى
| |
|
|
|
|
|
|
|
|
|
Re: دفتر احوال ضابط الشرطة المناوب (Re: عبد الرحيم محمد عبد الرحيم)
|
Quote: ألف رحمة ومغفرة من الله على روح الشهيد العقيد محمد عبدالعزيز ..
أسأل الله أن يسكنه فسيح جناته مع الصديقين والشهداء وحسن أؤلئك رفيقاً ..
وأسأل الله أن يصبر أهله وأصدقاءه وكل الزملاء على فقده ..
عزاؤنا لكم أخي إبراهيم الرشيد وللزملاء فى الدفعة 55 .. ولأهل المرحوم وأسرته ..
وأسأل الله أن لا يريكم مكروهاً في عزيز لديكم .... |
إنا لله وإنا إليه راجعون....
ولا حول و لا قوة إلا بالله العلى العظيم...
| |
|
|
|
|
|
|
|
|
|
Re: دفتر احوال ضابط الشرطة المناوب (Re: عبدالحفيظ حسن)
|
الاخ ودبرى
لقد قام الاخ عادل عبدالحميد باجراء اللازم ولقد قمت بتكليفه بالمهمة لمعرفتى التامة بتمكنه من الحاسوب واجراءات التقديم . ولفداكمل المهمة على اكمل وجه .
ان شاءالله يكون حظك من النوع ابواستك{ابورزقة الدولى}
الف شكر يا اخ عادل عبدالحميد
| |
|
|
|
|
|
|
|
|
|
Re: دفتر احوال ضابط الشرطة المناوب (Re: عبدالحفيظ حسن)
|
Quote: ألف رحمة ومغفرة من الله على روح الشهيد العقيد محمد عبدالعزيز ..
أسأل الله أن يسكنه فسيح جناته مع الصديقين والشهداء وحسن أؤلئك رفيقاً ..
وأسأل الله أن يصبر أهله وأصدقاءه وكل الزملاء على فقده ..
عزاؤنا لكم أخي إبراهيم الرشيد وللزملاء فى الدفعة 55 .. ولأهل المرحوم وأسرته ..
وأسأل الله أن لا يريكم مكروهاً في عزيز لديكم ....
| |
|
|
|
|
|
|
|
|
|
Re: دفتر احوال ضابط الشرطة المناوب (Re: على جويلى)
|
اللهم ارحم الشهيد محمد عبدالعزيز
والله تالمت كثيرا للطريقة التى مات بها
سلاطين شنو وسط البلد وبى سلاح
خالص التعازى لاهله ودفعتوا وكل قوات الشرطة
يا على اخوك مزنوق شديدوالكمبيوتر ما عندى
ليهو وقت وشكرا على التلفون وتحياتى للجميع
حتى اعود فى وقت قريب و---مشيناها خطا
| |
|
|
|
|
|
|
|
|
|
Re: دفتر احوال ضابط الشرطة المناوب (Re: ياسر عبدالكريم محمد)
|
Quote: ألف رحمة ومغفرة من الله على روح الشهيد العقيد محمد عبدالعزيز ..
أسأل الله أن يسكنه فسيح جناته مع الصديقين والشهداء وحسن أؤلئك رفيقاً ..
وأسأل الله أن يصبر أهله وأصدقاءه وكل الزملاء على فقده ..
عزاؤنا لكم أخي إبراهيم الرشيد وللزملاء فى الدفعة 55 .. ولأهل المرحوم وأسرته ..
وأسأل الله أن لا يريكم مكروهاً في عزيز لديكم |
| |
|
|
|
|
|
|
|
|
|
Re: دفتر احوال ضابط الشرطة المناوب (Re: Adil Hamza)
|
مرورى متفقداً الأحوال بعد اجازه ممتعه بالسودان
التحيه لكل الإخوه الزملاء
ورحم الله الأخ الشهيد العقيد محمد عبدالعزيز وألهم آله وأصدقاءه الصبر الجميل
........................
سعدنا فى السودان بلقاء إخوه أعزاء
سيد الحوش .. على سرالختم بعد غياب طويل
وعبدالرحيم محمد عبدالرحيم .. المستشار والصحفى والكاتب الكبير
التلب والذى إجتهد وجمعنا أكثر من مره بالإخوه الأفاضل
وأمير محمد عثمان
و فقيرى
وبدرالدين عطا
والأخ العزيز هشام ميز
والسيد العميد خالد حسن
وابراهيم الرشيد
وعمر محمد عثمان
وكانت ايام ممتعه سنواصل فى سردها
| |
|
|
|
|
|
|
|
|
|
Re: دفتر احوال ضابط الشرطة المناوب (Re: عبدالحفيظ حسن)
|
Quote: ألف رحمة ومغفرة من الله على روح الشهيد العقيد محمد عبدالعزيز ..
أسأل الله أن يسكنه فسيح جناته مع الصديقين والشهداء وحسن أؤلئك رفيقاً ..
وأسأل الله أن يصبر أهله وأصدقاءه وكل الزملاء على فقده ..
عزاؤنا لكم أخي إبراهيم الرشيد وللزملاء فى الدفعة 55 .. ولأهل المرحوم وأسرته ..
وأسأل الله أن لا يريكم مكروهاً في عزيز لديكم |
نسال الله للفقيدالرحمة والمغفرة ولآله وذويه الصبر والسلوان
عاطف نورالهدى
| |
|
|
|
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
الاخ العزيز عاطف نور الهدى
عنتر
حللت أهلاً ووطأت سهلاً ونسأل الله لك التوفيق ونتمنى منك الإفادة والاستفادة والتواصل معنا عن قرب فيما يصب في مصلحة قبيلة الشرطة الكبرى ...والشكر الجزيل للسيد الباشمهندس بكرى ونتمنى ان يستجيب للقامة السامقة الزميل العزيز النور يوسف فهلا تكرمتم ...
اجمل التحايا والاشواق للحبيب ابو علوة ولكل الزملاء ..
| |
|
|
|
|
|
|
|
|
|
Re: دفتر احوال ضابط الشرطة المناوب (Re: على جويلى)
|
| Quote: انتو عاطف عنتر ده زهجانين منو ولا شنو فى شان شنو زول فيكم رحب بيه مافى ..مالكم ياناس |
يكون هو الزهجان مننا لانو ادوهو الباسوورد
و ما داير يظهر بى هنا
الف مرحب بيك الاخ عاطف الدار حا تنور
سلام يا ابوعلوة
عادل
| |
|
|
|
|
|
|
|
|
|
Re: دفتر احوال ضابط الشرطة المناوب (Re: Adil Hamza)
|
سلام للكل
مرحبابسيادتو عاطف عنتر ومنتظرين طلتك
عادل حمزة
| Quote: ننافس ابراهيم الرشيد فى الاقدمية |
انت ماعارف انو سيادتو ودبرى ادانى اقدمية جديدة قدام ناس عبده عوض وعلى السر
يعنى بقيت فى ذيل الدفعة 51 (هسه يجينا ناطى الطيب عثمان يوسف)
بامناسبة رسل لى رقم تلفونك والايميل بتاعك فى الخاص
تحياتى
| |
|
|
|
|
|
|
|
|
|
Re: دفتر احوال ضابط الشرطة المناوب (Re: ابراهيم الرشيد عبدالرحمن وراق)
|
| Quote: انت ماعارف انو سيادتو ودبرى ادانى اقدمية جديدة قدام ناس عبده عوض وعلى السر |
الحبايب
السلام والتحايا - وحمدالله سلامة الرجوع لاخونا اسامة الكرور
وندعم بشدة منح اخونا النور يوسف شرف العضوية لنستمتع بكتاباته الشيقة .
وبالمناسبة الاقتباس الفوق
اثناء عملنا بالخرطوم شمال انذاك وكان بالقسم المرحوم النقيب عبدالرحيم الطيب وهو مشهور بالسخرية اللاذعة .
وكانت هنالك تشاكش بينه وبين الملازم اول حينها عمر موسى عمر (الدفعة 50 )
ففى احدى المرات فيما يتعلق بالاقدمية - عمر موس قال لعبدالرحيم الطيب - الفرق البينى بينك انو انت دخلت الكلية قبلى .
فرد عليه المرحوم . وانا حميتك
رحم الله العزيز الغالى عبدالرحيم الطيب
وخالص الامنيات لاخونا عمر موسى بطوال العمر وللجميع
ومع التحايا للجميع
| |
|
|
|
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
Quote: عادل حمزة
Quote: ننافس ابراهيم الرشيد فى الاقدمية
|
انت ماعارف انو سيادتو ودبرى ادانى اقدمية جديدة قدام ناس عبده عوض وعلى السر
يعنى بقيت فى ذيل الدفعة 51 (هسه يجينا ناطى الطيب عثمان يوسف)
بامناسبة رسل لى رقم تلفونك والايميل بتاعك فى الخاص |
الاخ ابراهيم
تستاهل الاقدمية الجديدة عشان تبقى اقدم من الطيب ...
التلفون و الايميل رسلتهم ليك فى الخاص
و فى العام
0014104302386
[email protected]
الاخ الطيب غيابك طال.. ياخى تعال ادينا قيد..
عادل
| |
|
|
|
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
Quote:
ابو سالم زلمة في الخمسينات من عمره تعرض لنوبة قلبية ودخل المستشفى وعملو له عملية قلب وقسطرة و و و و و الخ
بعد شهر زمان قعد يتحركش ب ام سالم فرفضت بشده وقالت له :- لأ يا زلمة انت مريض وهذا يمكن يأثر عليك وعلى القلب ومن هالحكي ....1 فقال لها ابو سالم ما تخافي ... عادي ... الدكتور قال لي اني تمام وممكن امارس
امور حياتي طبيعي ... قالت له لأ ... الا اذا جبت لي ورقة من الدكتور ب هالحكي ...1
راح عالدكتور و قال له القصة ... ف الدكتور قال له نعم صحيح وانا مستعد اكتب هالحكي ... و اخذ ورقه و كتب عليها
الى ام سالم
انا الدكتور "فلان الفلاني " اشهد بان السيد ابو سالم طبيعي
ويستطيع ان يمارس حياته
مثل شاب بالعشرينات من عمره و انه ..... فقاطعه ابو سالم وقال له :- صحيح هالحكي بالله عن جد يا دكتور؟؟ .. قال له الدكتور آه والله ... فقال له ابو سالم :-طيب بالله لو سمحت يا دكتور اشطب لي عبارة الى ام سالم واكتب بدالها
الى من يهمه الامر |
| |
|
|
|
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
Quote: يا ابوخليل سيد النور ده ما بجيبو انا ..سيد النور ده بجى برااااااااااه يا اخوى بى
ضراعو الاخدر ده يديهو العافية ..هسه عليك الله انحنا كلنا كان ربّطونا بنكتب زيّو كده؟ |
يا على بطل الكلام الكثير , جهز الحفلة والبساط الأحمر وطابور الشرف , وشوف
وين الفرقة المسيقية فرقة نحاسية ما بتنفع دايرين قرب .
| |
|
|
|
|
|
|
|
|
|
Re: دفتر احوال ضابط الشرطة المناوب (Re: فيصل عثمان الحسن)
|
Quote: بسم الله الرحمن الرحيم
عقيد الطاهر عبد الحفيظ الدفعه 56
ابارك لنفسى (منتهى النرجسيه) حصولى على العضويه بهذا الموقع لا لشئ الا واعجابى الغير محدود بفكرة دفتر احوال
الضابط المناوب تلك الفكره العبقريه للاخ على سر الختم |
الف مرحب بالاخ/ الطاهر
منور البوست والله وشكرا يا اخ عادل على التوصية وشكرا للاخ بكرى ابوبكر..
الف مرحب بكم بواحة الشرطة{دفتر الاحوال} الذى قصدت منه ملتقى للماضى والحاضر والداخل والخارج واستراحة نمسح فبها ما صبّ من عرق الذكريات الذى تسبب فيه المبدان الاحمر
مرة اخرى الف مرحب بالحبيب الطاهر عبدالحفيظ
| |
|
|
|
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
بسم الله الرحمن الرحيم
عقيد الطاهر عبد الحفيظ الدفعه 56
ابارك لنفسى (منتهى النرجسيه) حصولى على العضويه بهذا الموقع لا لشئ الا واعجابى الغير محدود بفكرة دفتر احوال
الضابط المناوب تلك الفكره العبقريه للاخ على سر الختم
وكعادة الذين يستضافون او يتداخلون بالبرامج التلفزيونيه اوالاذاعيه اود ان اشكر الاخ الدفعه عادل عبد الجميد على
تزكيته لنا والشكر بالطبع موصول للاخ بكرى
ونرجو ان يسمح لنا وقتنا المزدحم بالتواصل
ونرجو المعذره ان لم نوفق فى ادراج البروفايل الخاص بنا هذه المره باعتبارنا مستجدين وكده
الطاهر
| |
|
|
|
|
|
|
|
|
|
Re: دفتر احوال ضابط الشرطة المناوب (Re: الطاهر عبد الحفيظ)
|
Quote:
يا على بطل الكلام الكثير , جهز الحفلة والبساط الأحمر وطابور الشرف , وشوف
وين الفرقة المسيقية فرقة نحاسية ما بتنفع دايرين قرب . |
الفرقة جاااااااااااااااااااااااااهزة وسوف تعزف با سيد فيصل ونحن سيدالنور حانعمل ليه بوست بتاع ترحيب منفصل براه فى المنبر العام عشان القراء فى انحاء العالم يعرفوا حاجة ..بس خلى هو يستلم الباس ويرد فى الاول.
نحن فى انتظار الحفل الذى سوف ترقص فيه الصحائف فرحة بلحن الحياة الذى سوف يخطّه يراع سيد النور عليها
| |
|
|
|
|
|
|
|
|
|
Re: دفتر احوال ضابط الشرطة المناوب (Re: على جويلى)
|
مرحبا بالاخ الطاهر عبدالحفيظ ابن امدرمان ( ود قلبا)
وقول بسم الله ياهادى وابدا لينا طوالى بالبحث والتنقيب
فى الاضابير والارشيف وطلع لينا الدرر المخبوئة زى
مذكرة التسليم والتسلم للسيد ابوحراز التى سبق وكتبت
عنها فى موقع الرئاسة.
تحياتى
| |
|
|
|
|
|
|
|
|
|
Re: دفتر احوال ضابط الشرطة المناوب (Re: ابراهيم الرشيد عبدالرحمن وراق)
|
الشكر الجزيل لكل الساده الذين رحبو بنامع الاحتفاظ بالالقاب ودون اخلال بالانضباط
الذى تفرضه الاقدميه الحقيقيه واقدمية العضويه بالموقع(قيصل - جويلى - على-ابراهيم -عادل)
وللاخ عادل نعم اتذكر تلك الفتره بكل تفاصيلها..ولسيادتو ابراهيم نرجو ان يسمح لنا الوقت..وان نكون عند حسن
ظنكم
| |
|
|
|
|
|
|
|
|
|
Re: دفتر احوال ضابط الشرطة المناوب (Re: الطاهر عبد الحفيظ)
|
Quote: ودون اخلال بالانضباط
الذى تفرضه الاقدميه الحقيقيه واقدمية العضويه بالموقع(قيصل - جويلى |
الأخ العزيز القمندان الطاهر عبدالحفيظ أطيب التحايا والتقدير , الصديق جويلى من منسوبى الدفعة
46 وشخصى الضعيف أمام القمندان جويلى من منسوبى الدفعة 47 , طبعا ده بالقديم يا الطاهر
سعيد بطلتك البهية ومشاركتك لنا فى هذا المنتدى .
| |
|
|
|
|
|
|
|
|
|
Re: دفتر احوال ضابط الشرطة المناوب (Re: فيصل عثمان الحسن)
|
السادة جويلى وعنتر وشباب نورث كارولينا وعادل عبدالحميد وناس ميرى لاندواشنطن وفرجنيا والقرشى بملواكى وعبده عوض وكل البوليس بالولايات المتحدة اللقاء العام القادم الفورث اوف جولاى7/4 بكولومبس اوهايو ودا اقتراح ولو فى زول عنده راى تانى اليقولوا
لقاء لكل بوليس امريكا ان شاء الله..رايكم شنو يا شباب؟
| |
|
|
|
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
ألف مرحب بالعزيز العقيد الطاهر عبدالرحمن ... رواد وأعضاء المنبر والبوست منورين وسعيدين بطلتك ..
وزي ما قال الإخ الحبيب إبراهيم الرشيد .. نحن في الإنتظار ..
- الدفعة علي سرالختم .. إقتراح ذي الورد .. وأنا أول الحاضرين بإذن الله إذا أمد الله في أعمارنا ...
نشوفكم ونلتقيكم في أتم الصحة والعافية بإذن الله ..
| |
|
|
|
|
|
|
|
|
|
Re: دفتر احوال ضابط الشرطة المناوب (Re: Adil Hamza)
|
Quote: مرحب بالعقيد الطاهر عبدالحفيظ والاخ الكومندان فيصل عثمان
تزكرتك بعد اكثر من 25سنه عاطف عنتر |
عاطف عنتر يا صديق منور المنبر والدفتر , أنا طبعا أصلا ما نسيتك , ومتذكرك
تماما وأقول ليك حاجة , حتى اصابتك بفأس أو ساطور عند تكسير أحد المساكن العشوائية
أنا متذكرها , الموضوع ده لازم تفتح ليهو بوست عشان الناس البعتقدو أنو الاحتياطى هو الذى
يقوم بالتعدى على المواطنين وضربهم يعرفوا كيف المسؤولية بتخلى ضابط الاحتياطى يغامر
بحياته حتى لا يؤذى مواطن هو الآخر مغلوب على أمره , وقد كان فى مقدورك ازهاق روح
ذلك الرجل وأنت تحمل سلاح نارى فتاك , وكنت فى حالة دفاع شرعى عن نفسك , لكنك آثرت
أن تصاب وتسيطر على ذلك المتفلت بأياديك . ياخ ما عندك خبر من أبو جديرى الزول ده أنا سألت
عنو طوب الأرض وما لقيت ليهو خبر , تحياتى عبرك للصديق مكاوى سيد أحمد .
| |
|
|
|
|
|
|
|
|
|
Re: دفتر احوال ضابط الشرطة المناوب (Re: فيصل عثمان الحسن)
|
عاطف عنتر والطاهر عبدالحفيظ ......... الأول قريبي والثاني دفعتي ........ سعيد جداً بوجودكم معنا في دفتر الاحوال (نادي الشرطة) ......... بالمناسبة اكتر ناس نشيطين في دقتر الاحوال هم ناس الاحتياطي المركزي وبرضوا في دار الشرطة بتلقاهم اكتر ناس ......... السر في كده شنو ؟
نحن طبعاً بوليس مدينة عشان كده بتلقونا بنعافر مع الملكية بهناك اكتر ومرة مرة نجي هنا .......
| |
|
|
|
|
|
|
|
|
|
Re: دفتر احوال ضابط الشرطة المناوب (Re: omer osman)
|
عمر عثمان قال فى البوست بتاعه :
Quote: في اليوم الثالث اجتمعت بافراد التيم وطرشتهم كلام فارغ بلغة العساكر وبانهم ما فيهم فايدة وانتو مفروض ينقلوكم الاحتياطي المركزي
مش المباحث المركزية (مع كل الاحترام والتقدير لكل ضباط وافراد الاحتياطي المركزي على ما يقومون به من اعمال بطولية في سبيل أمن
|
وهنا جاء قال :
Quote: بالمناسبة اكتر ناس نشيطين في دقتر الاحوال هم ناس الاحتياطي المركزي وبرضوا في دار الشرطة بتلقاهم اكتر ناس ......... السر في كده شنو ؟
|
لعلم السادة فيصل عثمان والتلب وعلى السر
( كلتش ابو لستك مابحلك منه الا تعمل القلته ليك )
تحياتى
| |
|
|
|
|
|
|
|
|
|
Re: دفتر احوال ضابط الشرطة المناوب (Re: ابراهيم الرشيد عبدالرحمن وراق)
|
Quote: لاخ العزيز صاحب السعادة النور يوسف
وصلنى البريد اعلاه من الاخ بكرى ابوبكر ويرجو منك ان ترسل له بريد الكترونى حتى يرد لك بالباس ويرد
يبدو ان هنالك مشكلة فى بريدك الالكترونى ياسيد النور |
مرحبا بالشباب من المنتسبى موخرا - ونامل فى اثراء المعرفة والتواصل .
اما موضوع النور يوسف ده قصتوا غربية . نامل ان يكتمل العقد
مع مودتى للكل
ودبرى
| |
|
|
|
|
|
|
|
|
|
Re: دفتر احوال ضابط الشرطة المناوب (Re: الطاهر عبد الحفيظ)
|
العنوان أعلاه هو ( بوست ) للأخ الدفعه عمر محمد عثمان بموقع سودانيز أون لاين .. لفت إنتباهى لأسباب أربعه فمن ناحية موضوع ( البوست ) والذى يعنينى بصورة مباشره بحكم إنتمائى الذى أعتز به لهذه الدفعه وبصوره غير مباشره إهتمامى ( المعلن ) بالتوثيق للدفعه بدءاً من دخولها الكليه إلى الآن وذلك من خلال مقترح بإستكتاب (9) من منسوبى الدفعه ممن هم ملكة الكتابه والصبر عليها ليكتب كل واحد منهم عن زملائه بالعنبر ( تعتبر دفعتنا من الدفع المحظوظه بعدم إنتقالها طيلة فترة تدريبها بالكلية – إنتقالها إلى غرف تحوى عدد بسيط من الطلاب سواء بعنابر ( كاتنقا ) .. أو بالعمارة المزعومه والتى ظللنا نوعد بالرحيل إليها منذ دخولنا الكليه إلى تخرجنا حتى صار السؤوال عن أمر الرحيل واحد من الأسئله المحفوظه التى يرددها بعضنا للمشرفين على الدفعه كلما سنح الأمر ( بخصوص البوشيرت .. ؟ بخصوص العصايا .. الخ ) وأقول من الدفع المحظوظه بإعتبار أن بقائنا بهذه العنابر والتى تحوى ما بين 18 إلى حوالى 22 من زملائنا بكل عنبر جعل العلاقه أوثق وأقوى بين دفعتنا ككل وبين منسوبى كل عنبر ( بصوره أخص ) .
| |
|
|
|
|
|
|
|
|
|
Re: دفتر احوال ضابط الشرطة المناوب (Re: الطاهر عبد الحفيظ)
|
قلت أن المقترح عباره عن إستكتاب (9) من الدفعه ليكتب كل واحد منهم عن زملائه بالعنبر لتكون الحصيله عدد من المقالات بعدد أبناء الدفعه يتم دمجهــا ( المقالات ) بكتاب تكتب مقدمته فلنقل بواسطة قائد الدفعه السيد/ الفريق عوض وداعة الله على أن يحوى الكتاب لوحه للشرف بها صور وأسماء جميع قادة ومعلمى الدفعه بالإضافه لصور منسوبى الدفعه نفسها .. وقد رشحت للكتابه كل من شخصى ( وفقد بدات فى ذلك فعلاً بكتابة " 6 " مقالات بهذا الموقع ) والآخ علاء الدين محمد الحسن والأخ حسن مصطفى والأخ عمر محمد عثمان .. وتركت أمر ترشيح البقيه للآخرين .. لذا انتهز هذه السانحه لاحياء هذه الفكره كتابة عبر هذا الموقع وعسى ولعل أن ترى النور ويحفظ لى الحق الأدبى .
| |
|
|
|
|
|
|
|
|
|
Re: دفتر احوال ضابط الشرطة المناوب (Re: الطاهر عبد الحفيظ)
|
والسبب الثانى ( طبعاً بتكونوا نسيتوا أننى قلت هناك (4) أسباب لفتت إنتباهى لمقال الأخ عمر محمد عثمان .. ويذكرنى هذا الأمر وطالما أن الموضوع عن الدفعه يذكرنى بالمرحوم العم سلمى عطرون والذى عندما أوقفنا فى إحدى الإدارات الداخليه ذكر أنه يود الحديث عن (3) مواضيع وبدأ فعلاً بالحديث عن الموضوع الأول بأن قال ( أولاً ) .. وبالطبع لا أتذكر ما كان فى ( أولاً ) هذه ولكنه لا يخرج من كلام معلمى الميدان الذى لا تعرف أوله من اخره .. وأستمر عمنا المرحوم سلمى فى أولاً هذه ولمدة تجاوزت الساعتين ثم بعدها قال ( ثانياً ) وعندها فقط تذكرنا أنه لديه (3) مواضيع يود الحديث عنها ( إذا كان اولاً براها ساعتين ثانياً وثالثاً هتكون كـم ساعـه ) والغريب أن ثانياً وثالثاً لم تتجـاوزا الـ 5 دقائق ..
طيب ... ثانياً .. الأسلوب الرشيق الذى خط به يراع الأخ عمر محمد عثمان وكعادته مقاله .. مما جعلنى وبقية متصفحى البوست فى تشوف للمزيد .. والحق أننى من المتابعين لكتابات الأخ عمر محمد عثمان بهذا الموقع بإعتبار أنه يمثلنا ومعه الأخ عادل عبد الحميد بهذا الموقع رغم أن الأخير مقل فى الكتابه ويتداخل فى فترات متباعده .. وإن كنت أعيب عليهما عدم دعمى فى الكتابه بهذا الموقع ( فإن عرفنا سبب ذلك من الأخ عمر بعدم منافسته وهو يعرف قدراتنا فلا نعرف سبب تجاهل طلبنا بواسطة الأخ عادل .. المهم إستبعدنا الفكره لأنه لا أظن أن هناك وقتاً للكتابه .. فيكفينا التصفح .
| |
|
|
|
|
|
|
|
|
|
Re: دفتر احوال ضابط الشرطة المناوب (Re: الطاهر عبد الحفيظ)
|
وثالثاً .. هو موضوع الوسام نفسه والذى ما أن نمى لعلمى خبر حصولنا عليه ضمن آخرين إلا وأطلقت ذفره طويله من الهواء ولا اكذب إن قلت أن حوالى الـ (22) عاماً قد مرت احداثها امام ناظرى حلوها ومرها بل مر امام ناظرى كل شخوص أبناء الدفعه .. ورغم ما فى الوسام من فوائد معنويه وماديه فأننى لا أدعى أننى فرحت كثيراً به وذلك لسببين (برضو) أولاهما الإحساس بتسرب العمر من بين أيدينا ونحن فى غمرة إنغماسنا فى هذه المهنه التى أحببناها وما زلنا .. وثانيهما هو اللونين الأحمر والأصفر فى الوسام ( دى ما دايره ليها شرح )
| |
|
|
|
|
|
|
|
|
|
Re: دفتر احوال ضابط الشرطة المناوب (Re: الطاهر عبد الحفيظ)
|
ورابعاً .. أننى كنت أتحين فرصة للإستيلاء على أحدى مواضيع أو مقالات الأخ عمر ليتزين بها موقع الشرطه الإلكترونى ولرد ديناً لى عليه إذ سبق له مشكوراً أن نقل (3) مقالات لىَ من موقع الشرطه إلى موقع سودانيز أون لاين .
فألى ( البوســت ) .....
| |
|
|
|
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
بسم الله الرحمن الرحيم
قلنا
فلندخل من باب واحد .. نألفه ..
فسكان هذا الحوش كأخوة يوسف ..
حين استيأسو منه .. خلصوا نجيا ..
ومن قبل .. دخلوا من أبواب متفرقة
فسلام عليكم أيها ( المتفرقون )
فى الفيافى والمنافى والمرافى
تعيشون نهاركم ( أدبا )
وتقضون ليلكم ( دأبا )
وتحلمون ولا يفتيكم ( أحدا )
............................
أهل الديار والمنازل
( ويا منازل لك فى القلوب منازل )
سيد القهوة
على الفنجرى .. سلام
.. وشكراً على حرصك أن أكون بينكم
وليس كل ما يتمنى المرء يدركه !!
أداعب الحروف .. ويغلبنى الكلام .. ( خمسة / اتنين )
أشجع الطيش .. وأحبكم للطيش .. وفى النهاية
الكورة واطة ... والمؤتمر وطنى !!
درجة كم ؟؟
الدرجة التى ( تمكنك ) من إصابة الهدف
أو الدرجة التى (تمكن ) الهدف من إصابتك
ولا خير فى حكم الساحة .. ولا فى الثلاثة الذين خلفوا ...
و لا المراقب الهمام
وشريكى السلام الذين ( يلهطون ) باليل والناس حمام
حمام يا ود برى
ميت وشبعان موت
كيف تشبع موتاً أيها المنسى .. وأنت لم تشبع طول عمرك ؟؟؟؟؟
ألم تسمع بتفتيحةٍ فى برى ؟؟؟
باصاته بينية .. ومهاراته فردية .. وقفشاتو بحزن
نية
سلام يا عبد الرحيم يا صاحب يا ركازتنا
( فى بلد غاطس
لحد الليلة فى الوجعة )
سعدت كثيراً بوجودك الجميل
.............................
فيصل عثمان الحسن
كريم الوجه واليد واللسان وسفيرنا الدائم فى هذا الفضاء الفسيح
نحن يا صديق فى بلدٍ تقتلنا كل يومٍ ألف مرة
ثم لا تستقيم فى الذاكرة
فإن قصرت حروفنا .. نأمل أن تطالنا مساحات الود منكم
..........................
على بن جويلى حفظه الله
التحايا يا بنج
معطونة فى تراتيل الفجر وأذكار الصباح
..............................................
عمر محمد عثمان .. وآخرين !!
لاتعلمهم الله يعلمهم !!
تظل كما العهد بك كعودٍ زاده الإحراق طيبا
فكن
كيف شاء لك المجال ... إننى بك معجب
لك ولأسرتك الرائعة خالص الود ومحض الهوى
.............................................
أسامة الكرور
قلت له ......
فى ذات وعد نضير
حملتنا جمال القدرة الى حيث مضاربهم
فى بادية المنطقة الشرقية , فصافحتنا دورهم
ـ طائية المذاق وعامرية العشق ـ قبل أن تصافحنا
أيدهم السنابل ......
الله
حين تحادثك الجدر وتعانقك المبانى
وتبتسم فى راحتيك , فناجيل الصباح
الله
حين ترى ظلك المخبوء يترنح نشوةً
فيسندوه ويسندوك ....
ويدنون منك ما استطال وما استباح
الله
حين يكون زادك فى مسارات الهجير
وردُ وودٌ ,,,,,, وعطرُ كلماتِ صحاح
يكفينا أن ختمنا بمعرفتك ليل الشرطة الدافئ
...............................................
صلاح الزبير وصلاح بابكر وود نور الدائم
الطهاة فى مطبخ المشاعر
يقدمون لك الذوق والشقاوة بالنكهة التى تناسبك
ثم لا يفوتهم تغليفها بأوراق المضرة والإبتسام
وباللون الأصفر
فى كثير من الأحيان
مشتاقووووووووووووووووون والله
...................................
التلب
التلب اللزوم ماك حاشى
التغيان تفشو وللضعيف بتراشى
ماك داب دفعتك نحنا بيك نفاشى
مشتاقون الى جلسة يعلوها عطر بحرينى
وقليل من مِلك شيك
.......................
عبدو عوض , عادل حمزه
من اليمين الى الشمال أو من الشمال الى اليمين
أيكم أقرب الى مغيب الشمس !!
إزيكم , كيفنكم
وزيدوا فى الجرعات مساحة
أصلو بعيده عنكم ,, بقينا ناكل فى الحروف
ونتعشى بى خبز الكلام
ونشرب الأفراح مناحة
...........................
ابراهيم وراق
الورارييق أهل الأباريق البلحلقو فى الضيق
ويحلو العدو والصديق
أيها الشرطى أصلاً ومنشأ ... دام عشقك
........................................
ثم من !!!
قبل من .. وبعد من !!!
أخونا ( فى زمن الأسى المشدود على وتر الكتابة
................. فى زمان الحرقة والخوف والرتابة )
الراقى جملةً وتفصيلا .... الطيب عثمان يوسف
( بعزك ما كلام منى
,,,,,,,,,,,, ولا ريق العشم جفّ
ولا فى لحظة اتجليت
,,,,,,,,,, طلع منى الكلام صدفه
بعزك عن وعى وإصرار
,,,,,,,,,,,, وعن تقدير وعن عرفه )
,,,,,,,,,,,,,,,,,,,,,,,,,,,,,,,,,,,,,,,,,,,
بعزك وفى جواى
كلام مشحون
بلون النيل ... وعمر العمر
,,,,,,,,,,,,, ونفحة نون
بعزك وفى دنياى
حروف مروية من قيمك
تباهى الناس
تحاكى الشهد ,,,,,,,,,,, طعم ولون
بعزك ولسه بتأمل
أكون واياك ,,,,,,,,,, نعيش اللحظه
عرض الدنيا ,,,,,,,,,,, طول الكون
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
بعزك قدر ما تحصد
قلوب الناس ……… ضمير وعيون
وأعزك كل ما طغت
على العشاق …… هموم وشجون
تراحيب باديه
بى مطراً …… سحابو هتون
وفرح العافية
للكان ...... بالسنين ممكون
وأحب أرتاح
مع نجواك ........... أعيش الشكل والمضمون
يا خى مكانك شاغر وبس !!!!!!!!!!!!!!!!
..............................................
وتمتد تباريح الهوى الى كردفان الغرة
الى الأبيض ـ أب قبة فحل الديوم وعمدتنا الغالى عبد الحفيظ حسن
التحيات الزاكيات أخى الفاضل ... على أمل التواصل هناك
فى القضية العادلة والعدالة العجيبة !!
وآفاق الحل المندثرة !!
يا عبد الحفيظ .. هناك يبيعون الناس كلاماً ثم يطلبون منهم التغابى
.......................................
وتتقاصر الحروف
حين ينتهى بنا الحديث عن أستاذنا .. حمدى الصائغ
ستظل أخى الصائغ علامة فى تاريخ الشرطة
تذكرك الأجيال
متى ما ظلت الذكرى ... وفاء
................................
ختاماً
جئتكم من هذا الباب .. لاطعم ولا رائحة
ولا لون .. غير ألوان شتى من المغص ..
وشائج زاكيات .....
الباسويرد صارت لغز لم أدرك كنهه
والباشمهندس ضنّ علينا بما تفضل به على كثير من خلق الله
يبدو أنها لعنة الصالح العام ما زالت تطاردنا
أرسلت تلاتة إيميلات قبل هذا الأخير الذى كان احتراماً لك يا على
غايتو ولا يهمك
ففصيلة ( ذوى الحظ العاثر ) لم تنقرض بعد
شكراً لكم جميعاً والسلام
النور يوسف
الرياض
المملكة العربية السعودية
| |
|
|
|
|
|
|
|
|
|
Re: دفتر احوال ضابط الشرطة المناوب (Re: على جويلى)
|
Quote: فيصل عثمان الحسن
كريم الوجه واليد واللسان وسفيرنا الدائم فى هذا الفضاء الفسيح
نحن يا صديق فى بلدٍ تقتلنا كل يومٍ ألف مرة
ثم لا تستقيم فى الذاكرة
فإن قصرت حروفنا .. نأمل أن تطالنا مساحات الود منكم
|
صديق الكل وحبيب الكل سعادتو النور يوسف صاحب القلم الأنيق والأحرف الندية , من
يقرأ مثل هذا النبع العذب من الحروف والكلم لا بد أنه أسير حسن ما تجود به قريحتكم
وقلمكم السيال , شخصك الكريم هو من تتشرف به المنابر وتسعى له منقادة طائعة , لأنك
تثريها بذوقك الرفيع قبل كتاباتك الماتعة وتبعث فيها الحيوية والحراك , حزين لعدم استلامك
للباسوورد , ربما الباشمهندس بكرى مشغول , أتمنى أن يعجل بالرد على رسالتك .
وفى انتظارك يا صديق .
| |
|
|
|
|
|
|
|
|
 Re: دفتر احوال ضابط الشرطة المناوب (Re: فيصل عثمان الحسن)
|
Quote: ثم من !!!
قبل من .. وبعد من !!!
أخونا ( فى زمن الأسى المشدود على وتر الكتابة
................. فى زمان الحرقة والخوف والرتابة )
الراقى جملةً وتفصيلا .... الطيب عثمان يوسف
( بعزك ما كلام منى
,,,,,,,,,,,, ولا ريق العشم جفّ
ولا فى لحظة اتجليت
,,,,,,,,,, طلع منى الكلام صدفه
بعزك عن وعى وإصرار
,,,,,,,,,,,, وعن تقدير وعن عرفه )
,,,,,,,,,,,,,,,,,,,,,,,,,,,,,,,,,,,,,,,,,,,
بعزك وفى جواى
كلام مشحون
بلون النيل ... وعمر العمر
,,,,,,,,,,,,, ونفحة نون
بعزك وفى دنياى
حروف مروية من قيمك
تباهى الناس
تحاكى الشهد ,,,,,,,,,,, طعم ولون
بعزك ولسه بتأمل
أكون واياك ,,,,,,,,,, نعيش اللحظه
عرض الدنيا ,,,,,,,,,,, طول الكون
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
بعزك قدر ما تحصد
قلوب الناس ……… ضمير وعيون
وأعزك كل ما طغت
على العشاق …… هموم وشجون
تراحيب باديه
بى مطراً …… سحابو هتون
وفرح العافية
للكان ...... بالسنين ممكون
وأحب أرتاح
مع نجواك ........... أعيش الشكل والمضمون
يا خى مكانك شاغر وبس !!!!!!!!!!!!!!!!
..............................................
|
*** إلى أن تجف المآقى ، إثر ما قرأت الآن ...و إلى أن يقضى الله أمرا كان مفعولا ،
سأظل محتكرا رهانى بك أنك نور المدينة الفاضلة .
*** أعدك و أعد كل من يسأل عنى ، بعودة ،،، خاطرك و معزتك و ( حرام سيد فيصل )
سوف أحاول أن أستغلهما فى إذابة مرارة من كأس جرعنى إياهاأقرب أقربين لم يشفع لى عنده تلاقينا حزنا و حبا بلا حدود فى ذلك الغريب الفريد الذى ارتحل
| |
|
|
|
|
|
|
|
|
|
Re: دفتر احوال ضابط الشرطة المناوب (Re: الطيب عثمان يوسف)
|
Quote:
سيد القهوة
على الفنجرى .. سلام
.. وشكراً على حرصك أن أكون بينكم
وليس كل ما يتمنى المرء يدركه !!
|
والله انا ما قادر افهم ليه سيد الحوش طلب منى ان اخبركم بارسال بريد الكترونى ياسيد النور.. والله انا محتار فى الامر!!!!!!!!
الاخ الطيب عثمان يوسف
الف مرحب بيك عائدا لى دارك..
الاخ ياسر عبدالكريم اتصل بى من المطار متوجها الى الحج ..ان شاءالله ربنا يوصلك بالسلامة ياياسر وحجا مبرورا وسعيا مشكورا مقدما وبلغ تحياتنا لى ناس السودان بعد الحج..
الاخ ميز
وصلنى الايميل وانا بصدد اجراء الحجز ان شاءالله
| |
|
|
|
|
|
|
|
|
|
Re: دفتر احوال ضابط الشرطة المناوب (Re: Adil Hamza)
|
Quote: عبدو عوض , عادل حمزه
من اليمين الى الشمال أو من الشمال الى اليمين
أيكم أقرب الى مغيب الشمس !!
إزيكم , كيفنكم
وزيدوا فى الجرعات مساحة
أصلو بعيده عنكم ,, بقينا ناكل فى الحروف
ونتعشى بى خبز الكلام
ونشرب الأفراح مناحة
|
كتابتك جميلة و سلسة يا سيد النور
نتمنى ان نراك قريبا معنا على صفحات الدفتر
اخونا الطيب
مرحب بيك اظهر و بان و ادينا من وقتك شوية
و خلى الزعل
| |
|
|
|
|
|
|
|
|
|
Re: دفتر احوال ضابط الشرطة المناوب (Re: عاطف نورالهدى الطاهر)
|
[QUOTE]الى الأبيض ـ أب قبة فحل الديوم وعمدتنا الغالى عبد الحفيظ حسن
التحيات الزاكيات أخى الفاضل ... على أمل التواصل هناك
فى القضية العادلة والعدالة العجيبة !!
وآفاق الحل المندثرة !!
يا عبد الحفيظ .. هناك يبيعون الناس كلاماً ثم يطلبون منهم التغابى
|
الأديب الأريب العزيز النور يوسف......
القليل الذى رأيته.....
والكثير الذى سمعته...
مما يخطه يراعكم الأنيق...
أكد لى أنكم....
تملكون ناصية البلاغة..
وجوامع الكلم...
وبراعة الأسلوب...
ورصانة المعانى...
وسحر البيان...
فإن من البيان لسحرا....
إخى....
واهمون هم من يظنون أننا نستسلم..
واهمون هم من يأملون أن نتخلى عن القضية..
وأن نعمل (جنبا سلاح) للقلم...
رغم أنه قد....
وهن العظم منا...
واشتعل الرأس شيبا...
إلا أن فينا بقية من رمق...
| |
|
|
|
|
|
|
|
|
|
Re: دفتر احوال ضابط الشرطة المناوب (Re: عبدالحفيظ حسن)
|
الأديب الأريب العزيز النور يوسف......
القليل الذى رأيته.....
والكثير الذى سمعته...
مما يخطه يراعكم الأنيق...
أكد لى أنكم....
تملكون ناصية البلاغة..
وجوامع الكلم...
وبراعة الأسلوب...
ورصانة المعانى...
وسحر البيان...
فإن من البيان لسحرا....
إخى....
واهمون هم من يظنون أننا نستسلم..
واهمون هم من يأملون أن نتخلى عن القضية..
وأن نعمل (جنبا سلاح) للقلم...
رغم أنه قد....
وهن العظم منا...
واشتعل الرأس شيبا...
إلا أن فينا بقية من رمق...[/
| |
|
|
|
|
|
|
|
|
|
Re: دفتر احوال ضابط الشرطة المناوب (Re: عبدالحفيظ حسن)
|
Quote: تعازينا الحارة للاخ وحيد عبدالله فى وفاة شقيقه
رحمه الله رحمة واسعة و اسكنه فسيح جناته مع
الصديقين و الشهداء و الهم آله و زويه الصبر
و حسن العزاء
انا لله و انا اليه راجعون
|
البركة فيكم يا اخ وحيد واحرالتعازى للاخوة صلاح وعماد عبدالله..الدوام لله وانا لله وانا اليه راجعون
| |
|
|
|
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
حجا مبرورا
و سعيا مشكورا
وعودا حميدا
رافقتك السلامة يا حاج ياسر وماتنسانا
من الدعاء بظهر الغيب فانه مستجاب والعقبة
لنا ولكل الزملاء ااميين ...
| Quote: البركة فيكم يا اخ وحيدواحسن الله عزاءكم و للاخوة صلاح وعماد عبدالله..الدوام لله وانا لله وانا اليه راجعون |
| |
|
|
|
|
|
|
|
|
|
Re: دفتر احوال ضابط الشرطة المناوب (Re: على جويلى)
|
مكالمة تلفونية من محمد اسماعيل محمد فضل اصالة عن نفسه وانابة عن زملائه مبسوطين للطيش بقدوم البوليس لكولومبس اوهايو العام الفادم شهر سبعة..
دحين السمع يكلم الماسمع عشان يكون رى يونيون من النوع ابوكديس
Jul/4th/2010
| |
|
|
|
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
الاخ فيصل عثمان الحسن بخصوص معركة تكسير السكن العشوائ الاصابه كانت بنشاب ولكن يهون في اداء
الواجب ولازال حبنا للبوليس بلا حدود
اما بخصوص محمدحسين ابو جديري سالت عنة في السودان قبل ثلاثة اشهر ولم اجد لة طريق
ولكن سمعت انة اصبح تاجر محاصيل في القضارف*
واخونا مكاوي سيد احمد هو معي الان واسرته الكريمة ويهديك السلام الحار وزكريات الترحيل
ومواقفك الشجاعة والنبيلة*
حفظك الله ورعاك
عاطف عنتر
| |
|
|
|
|
|
|
|
|
|
Re: دفتر احوال ضابط الشرطة المناوب (Re: عاطف نورالهدى الطاهر)
|
Quote: الاخ فيصل عثمان الحسن بخصوص معركة تكسير السكن العشوائ الاصابه كانت
بنشاب ولكن يهون في اداء الواجب ولازال حبنا للبوليس بلا حدود
اما بخصوص محمدحسين ابو جديري سالت عنة في السودان قبل ثلاثة اشهر ولم اجد لة طريق
ولكن سمعت انة اصبح تاجر محاصيل في القضارف*
واخونا مكاوي سيد احمد هو معي الان واسرته الكريمة ويهديك السلام الحار وزكريات الترحيل
ومواقفك الشجاعة والنبيلة*
حفظك الله ورعاك
عاطف عنتر
[Email] [Profile] |
الصديق عاطف عنتر , تعرف يا عنتر علاقات الشرطة دى من العلاقات البتبارى الانسان حتى القبر
لذلك كان الجميع يحرصون عليها ويصونوها بالمواقف الكريمة والتعامل الانسانى الراقى , وهى علاقات
تنداح متجاوزة الدفع والرتب وغيرها , والواحد منا كان فى حالة تعلم حتى من الذين يلونه فى الرتبة والأقدمية
بمواقفهم الشجاعة وثباتهم عند المحن والبلاوى التى كثيرا ما تعترى مسيرة الشرطى , لذا تجدنى كثيرا ما أحتفظ
بالمواقف البطولية التى سطرها بعض الزملاء , وشخصك الكريم كان أحد أبطال تلك المواقف , كما أن الاحتياطى
المركزى كانت له نكهة خاصة من حيث العلاقات الاجتماعية وترابط الزملاء , ولا أكون مبالغا ان قلت أنى تعرفت
على أفضل خلق الله بتلك الوحدة , وكان حزنى مضاعفا يا عنتر عندما سمعت بخبر رحيل العزيز حسن الزبير جاه الله
ذلك الرجل النبيل الانسان , ألف رحمة ونور تتنزل على روحه الطاهرة , وكم أفتقد العزيز أبو جديرى وأتوق لأخباره , عندما
تم اعتقالى كان الصديق أبو جديرى ونفر كريم من الزملاء الأفاضل هم من يبحثون عن مكان اعتقالى , وأجزم أنهم من وفر لى
بعض الحماية ضد التعذيب المميت والسحل الذى مورس فى حق الكثيرين , أما الصديق الحبيب مكاوى سيد أحمد فقد جمعتنا أجمل
اللحظات ابان عملنا بالمباحث الجنائية المركزية وجمعنا ترحيل الخرطوم وكانت بيننا الكثير من المناكفات والمقالب وكنا نضحك
كالأطفال لا أحقاد ولا ضغائن ولا كراهية , تحياتى لك يا عاطف ولمكاوى ولأسرتيكما .
| |
|
|
|
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
يا شباب سلامات , اخونا عمر عثمان فاتح بوست وقال أنو مغادر المنبر بغير
عودة وبدون توضيح الأسباب , يبدو أن الرجل زعلان من شى لم يفصح عنه
حاولت الكتابة له فى ذلك البوست , الا أن البوست المعنى قد حذفت منه خانة
أضف رد , عليه أرجو ان يوافينى الأخ عمر برقم هاتفه عبر الماسنجر , وان
كان أحدكم لديه هاتف الأخ عمر أرجو أن يمدنى به , مع أطيب التحايا للأخ
عمر وللجميع .
| |
|
|
|
|
|
|
|
|
|
Re: دفتر احوال ضابط الشرطة المناوب (Re: Ali Sirelkhatim)
|
الاخ عمر محمد عثمان
يا دفعة قريت البوست بتاع مغادرتك لسودانيس اونلاين..
البوست مقفول و لا يمكن المشاركة به كما قال سيد فيصل..
دا خبر كعب عديل..ياخى واصل معانا و لو زهجت اخد ليك
اسبوعين تلاتة راحة و تعال راجع.. يا عمر انت بتكتب
مواضيع جميلة انا شخصيا باستمتع بيها جدا..
الرجاء الاستمرار معنا و لو بمشاركات قليلة و بعدها تسترد
نشاطك الذى نعرفه..
عادل
| |
|
|
|
|
|
|
|
|
|
Re: دفتر احوال ضابط الشرطة المناوب (Re: Adil Hamza)
|
مشاركة السودانيين المقيمين بالولايات المتحدة الأمريكية في إنتخابات رئاسة الجمهورية
Nov 17, 2009, 06:28
سودانيزاونلاين.كوم Sudaneseonline.com
ارسل الموضوع لصديق
نسخة سهلة الطبع
مشاركة السودانيين المقيمين بالولايات
المتحدة الأمريكية في إنتخابات رئاسة الجمهورية
تفيد السفارة السودانية بواشنطن ان المفوضية القومية للانتخابات قد قررت فتح مركزين لتسجيل الناخبين بالولايات المتحدة الامريكية ، بالسفارة السودانية بواشنطن (المكتب القنصلى) وبالبعثة الدائمة بنيويورك وقد بدأ التسجيل فى العاشر من نوفمبر وسيستمر حتى الثلاثون من نوفمبر من العام الحالى.
استنادا على التفويض الممنوح للجان التسجيل بالسفارات والقنصليات بالتحرك خارج المراكز لتسجيل الناخبين فى مواقع تجمعاتهم فسيتم تحرك لجان التسجيل بمركزى واشنطن ونيويورك وفقا للجداول التالية:
البعثة بواشنطن:
الجهة
موقع التسجيل
الفترة الزمنية
دالاس – تكساس
دار الجالية2440 West Irving Blvd. Irving, Tx 75063
19-20/11/2009
شيكاغو- الينوى
Holiday Inn O’hare Area
5615 N. Cumberland Ave.
Chicago , IL 60631
21-22/11/2009
اوماها - نبراسكا
يحدد لاحقا
23-24/11/2009
قرينزبورو – نورث كارولينا
Marriot
304 N. Greene Street
Greensboro’ N.C 27401
25-26/11/2009
المندوبية بنيويورك
الجهة
موقع التسجيل
الفترة الزمنية
بوستن - ماساشيوستس
يحدد لاحقا
يحدد لاحقا
اوكلاند- كاليفورنيا
يحدد لاحقا
يحدد لاحقا
فلادلفيا
يحدد لاحقا
يحدد لاحقا
شروط التسجيل:
1. ان يكون الناخب سودانى الجنسية 2. ان يكون بالغا من العمر ثمانية عشر عاما عند بدء التسجيل
3. ان يكون سليم العقل 4. ان يحمل جواز سفر سودانى واقامة سارية.
كما تنص قواعد التسجيل على حضور الشخص الراغب فى التسجيل بنفسه
لمزيد من المعلومات يمكن الرجوع الى موقع المفوضية WWW.NEC.ORG.SD وبريدها اللالكترونى [email protected]
| |
|
|
|
|
|
|
|
على جويلى
Adil Hamza
Ali Sirelkhatim
عبد الرحيم محمد عبد الرحيم
عبده عوض
عبدالحفيظ حسن
ياسر عبدالكريم محمد
أسامه الكرور
عاطف نورالهدى الطاهر
omer osman
الطيب عثمان يوسف
فيس بوك
تويتر
انستقرام
يوتيوب
بنتيريست