|
|
 Re: سماسرة المواسير (Re: درديري كباشي)
|
اصبح جميع اعضاء النادي والمشجعين مؤيدين لسفر عضة وعنكبة للدول الافريقية .. وبدات الاجراءات وجمع التبرعا ت لكن اصر الصديقين الا ياخذوا معهم مبلغ من النادي حتى يصلوا نيجيريا او الكامرون ويعرفوا اسواق اللاعبين والاسعار هناك .. وفعلا باعوا اراضيهم وحولوا اموالهم الى دولارات وبدات رحلة الادغال من نيجيريا ... في ابوجا نزل الصديقان في فندق فخم خمس نجوم وبعد ان تزودا بالملابس الفخمة والشنط الدوبلامسية ....
بعد ان استقر الاثنان في غرفتهم بالفندق سال عضه : انت يا اخوي عثمان ليه دخلت الكاميرون في الموضوع هناك اللاعبين غاليين شديد .
عنكبه : وانت اهبل يعني نحن راح نجيب ليهم صمويل ايتو ؟؟؟ انت بس سيب الموضوع دا علي .
رمضان : هوي ياعنكبة انت ورينا راح نعمل شنو بالظبط ...
عنكبة : يا اخوي نحن كل المحتاجين ليه شباب في العشرينات من عمرهم يحملوا جوازات نيجيرية وكاميرونية او اي جنسية افريقية
عثمان : يعني ما مهم يعرفوا يلعبوا كورة ولا مايعرفوا
عنكبة : ياخي في شاب افريقي مفتول العضلات ورياضي عمروا ما لعب كرة قدم .. ,هي اللعبة الوحيدة اليتقنها الافارقة وما عندهم غيرها ..
عضه : يعني كدا نحن ما راح نجيب لاعبين مسجلين في اندية رسميه .
عنكبة : عليك نووووووووور يا دوب بقيت تفهمني ... يعني نحن نجيب لاعب يلعب في نادي؟؟؟؟؟ .. بعدين النادي يقول عايز مليون واللاعب نص مليون ... ياخي انت عارف قروشنا ما تكفي صمويل ايتو يتمرن معانا لمدة اسبوع واحد .. كدي هسع نحن تعبانين ننوم نومتنا والصباح رباح ..
فعلا خلد الاثنان للنوم نتيجة للارهاق من السفر.. ولم يستيقظوا الا الصباح العاشره وقد استيقظ رمضان عضة في الاول على طرقات في الباب .. وفتح الباب ليجده النادل ... وقد كان شاب مفتول العضلان في العشرين من عمره وممشط الشعر بنفس المواصفات التي حددها عثمان .... بمعنى لاعب من النوع الذي يعمل ضجه في الاعلام السوداني ...
وفعلا حاول عضه ان ياخذ منه معلومه وحاول يساله بالانجليزي الركيك الذي بقي في دماغه ..
عضه : What is your name Sadeeq
النادل : الا تتحدث اللغة العربية يا اخي ظننتكم من السودان تعرفون اللغة العربية بطلاقة ....
عضه : مندهشا وهل انت تتحدث اللغة العربية ..
النادل : نعم وانا اسمي عمر عبد السلام مسلم من جزر القمر وانا اتقن اللغة العربية الفصحى باضافة الى لغتي السواحيلية ...
عضه : خلينا من اللغة هل تعرف تلعب كرة القدم بطلاقة
النادل : وما دخل كرة القدم باللغة العربية الفصحى ام هل تريد ان تمحن فصاحتي ؟؟؟؟
في هذه اللحظة يسمع عنكنبة الضجيج وياتي ليشارك
عنكبة : مالك تتحدث مع الجرسون
عضة : شوف يا عنكبة دا ما طلبك زاتوا الراجل ممشط وطويل وقوي وكمان يتحدث اللغة العربية الفصحى يعني نبدا نسجل من هنا ....
عنكبة جارا عضة من يده الى الداخل وشاكرا النادل بعد ان طلب منه ان يحضر لهما شاي بالحليب .
عنكبه : دا شنو الجريتو لينا دا انت عايز تضيعنا ولا شنو .... عايزنا نسجل عامل فندق مشهور عشان اول زيارة للفريق في نيجريا عمال الفندق كلهم يسلموا عليه ويفضحونا ...
عضه : وفيها شنو يمكن يكون لعاب في الكورة ..وبعدين دا قال بيعرف عربي .
عنكبه : ياخي انت غياظ بشكل ... واها العربي دي بالذات مصيبه لوحدها ... نسوق لينا لاعب يعرف عربي اليصدق منو جايبنو من افريقيا حيقول لينا دا انتو جايبنو ا من سنار ولا من مدني ...اها ازيدك اهم شرط انه يكون ما بيعرف ولا كلمة بالعربي .. خليك انت ما تستعجل لمن نطلع الشارع انا راح او ريك الاختيارات الصاح .
حضر الشاي وشرب الاثنان وبعد ان استحما وغيرا ملا بسهم خرجا الى الشارع .... يبدوا انه عضة استسلم لعقليه عنكبه تماما وحتى بطل يساله وهو يشاهده يدخل احد الاسواق ويشتري كرة قدم .. يحملها معه في يده .... اراد عضه ان يسال عن سر هذه الكره ولكنه آثر الصمت ..
وهما في الطريق لاحظ انه انه عنكبه توقف امام محطة بنزين وهو يلاحظ مجموعة من الشباب النيجرين يغسلون السيارات .. وفيهم كل المواصفات الحلم ....
وحتى العمال لاحظوا للشخصين اللذين وقفا يتاملوا فيهم .. واشر عنكبة فعلا لاحدهم .. وانفعل عضه وبدا ينادي :: صديق صديق كم ... قاطعه عنكبه :: صديق شنو انت ياخي فاكرهم بنقلاديش ... عضه ومال ديل ينادوهم كيف ..
عنكبه : تناديهم كدا : ابشوينا يا ابوشينا .... كي...........
وفعلا بدا الشباب يتجهوا ناحية عثمان وهم يبتسمون وخاصة عندما شاهدوه يحمل الكره في يده وهي كما هو معروف عشق الشعب النيجري مثل الشعب السوداني تماما ..
عثمان : في انت نو فوت بول
همهم النيجيرين بكلمات خليط من الانجليزي ولغتهم المحليه ... مما استدعى عثمان ان يفك الكره من الشبكه ويقدمها لهم ليرى مهاراتهم بنفسه ... وفعلا ابدا احدهم مهارات عاليه .. في الاحتفاظ بالكره وركلها بكتفه وركبته .. ,كذا الاخران لكن اقل براعة من الاول ..
هنا اقتنع عثمان باختياراته ... وبدا بكل ما يملك من لغات وكلمات يشرح لهم في انه سيجد لهم عمل في السودان ... لم يتطرق لهم على انهم سيكونون لاعبين كرة قدم حتى لا يطمعوا ولكن عرض عليهم راتب الف دولار في الشهر لو قبلوا يعملوا معه كعمال محطة في السودان ... وافق الشباب فرحين بهذا العرض السخي ... واعطاهم عنوانه في الفندق حتى يبدوا في استخراج اوراقهم الثبوتيه استعدادا للسفر ....
رجع الاثنان الى الفندق تحت دهشة عضة المنعقده ومن كيفية السهولة التي يحل بها عثمان المواضيع وسال :: ليه ياعثمان قلت ليهم انا عاوزكم عمال ؟؟؟
عنكبه : يا اخوي لو قلنا ليهم سيرة كرة القدم اول هم راح يطمعوا فينا وراح يصدقوا نفسهم .. وما بعيد يظهر لينا الاتحاد النيجيري ويحولهم لينا لاوكاشا ورشيدي يكيني ... يعني خلينا بعد نوصل السودان شوف اخوك راح يقلب الامور كيف ..
وفعلا اخذ عنكبة التلفون واتصل برئيس النادي مبشرا له بحصوله على بعض الللاعبين وكيف استطاع ان يتغلب على الاندية الفرنسية التي كادت ان تخطف النجوم الذي اختاروهم لولا حنكته ودفعه السخي .. ليشكره رئيس النادي مع حرارة الشوق والانتظار لرجوعهم ..
|
|
 
|
|
|
|
|
| |
فيس بوك
تويتر
انستقرام
يوتيوب
بنتيريست