|
|
 للناشطين والناشطات: زواج راجل المرة آلا ينتهك حقوق المرأة حسب الجندر
|
أولاً نقر بايماننا الكامل بما أحله الله سبحانه وتعالى من تعدد الزوجات ووضع تعالى (العدل) كشرط له، وأبان بأن (العدل) كشرط يكاد أن يكون مستحيلاً وذلك حسب ما ورد فى الايات الكريمة من سورة النساء:
(وإن خفتم ألا تقسطوا في اليتامى فانكحوا ما طاب لكم من النساء مثنى وثلاث ورباع فإن خفتم الا تعدلوا فواحدة او ما ملكت أيمانكم ذلك أدنى ألا تعولوا ... ) آية 3
ثم قال تعالى :
( ولن تستطيعوا أن تعدلوا بين النساء ولو حرصتم فلا تميلوا كل الميل فتذروها كالمعلقة وإن تصلحوا وتتقوا فان الله كان غفورا رحيما ... ) آية 129
ومن واقع ما نراه فعدل الرجل خاصة فى وقتنا هذا أبعد ما يكون للمكن..
وبانتهاء مارس الذى كان عامراً بالحديث عن قضايا المرأة عبر إحتفالاتنا بـــ (يوم المرأة العالمى) و(عيد الام)..
يأتى سؤالى الذى قصدته فى هذا البوست:
للناشطين والناشطات وحسب مفهوم قضايا النوع (الجندر) زواج الناشطة من رجل متزوج آلا يعتبر إنتهاك لحقوق المرأة التى تنادون بها؟؟؟
ونفس السؤال للناشط الذى يأتى على زوجته بزوجة ثانية ؟؟؟
وهل تتراجع مبادئ ومصلحة المفاهيم العامة أمام المصلحة الخاصة؟؟؟
أم المسألة بيع كلام والسلام!!!
فى إنتظار مداخلاتكم وأرائكم..
تحياتى
|
|
 
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: إحسان عبد العزيز)
|
من الناحية الدينية هناك جهات عدة تناولت باهتمام قضية تعدد الزوجات ومنها:
صدر منذ أيام في مؤسسة الريان/بيروت كتاب "سؤالات في تعدد الزوجات" للداعية السعودي في وزارة الشؤون الإسلامية والأوقاف محمد بن سعد الشهراني، وقد قدّم لكتابه الشيخ ابن جبرين وقرّظ له الشيخ خالد الهويسين، وذكر الكاتب أن سبب تأليفه للكتاب أنه ولج باب التعدد - بفضل الله - فطرأت عليه مسائل مهمة، فشرع في جمع قرابة مئة سؤال يتعلّقن بموضوع التعدد وأودعهن هذا الكتاب، فأحببت أن أنقل للإخوة والأخوات أسئلة مهمة - مع بعض الاختصار - تتعلَّق بموضوع التعدد .
(قال الكاتب حفظه الله :هل يُنصَح الأزواج بالتعدد أم الأفضل أن يبقى كل رجل مع زوجته ولا يعدِّد ؟
هذه المسألة نسبيّة من زوج إلى آخر، وهي مبنيّة على معرفة التفصيل في حكم التعدّد السابق من حيث وجوبه وتحريمه واستحبابه وكراهيته .)
ويمضى الكاتب الى أن يقول:
(ويكون التعدد مكروهاً إذا كان فعله يؤدِّي إلى مكروه، كطلاق الزوجة الأولى بسببه من غير سوء فيها يؤدِّي إلى طلاقها)
تجد الموضوع كامل على هذا الرابط:
http://www.ahlalhdeeth.com/vb/showthread.php?t=142547
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: حليمة محمد عبد الرحمن)
|
Quote:
أن حدث ذلك فهي حقا تجارة خاسرة بالقضايا , أن الذين ينادون بمثل هذه القضايا يجب ان يكونوا هم القدوة الحسنة في المجتمع ,فلا يقبل العقل ان يرفض شخص ما تعدد الزوجات بما يتزوج هو مثني و ثلاث و رباع !! و لكن يا احسان لعلك تتفقين معي في ان عملية المتاجرة بالقضايا اصبحت ظاهرة كبيرة جدا لذلك اختلط الحابل بالنابل , فكم من داعية حقوق مدنية ,يكون هو اول المنتهكين لهذه الحقوق و كم من داعية ديمقراطي , يكون هو اول المهرولين الي السلطة الجديدة في حالة حدوث انقلاب عسكري او حزبي او عسكرحزبي!! و هكذا دواليك. |
يسلم قلمك يا برير يوسف انا برضو بتفق معاك
كلامك صحيح 100 %
العزيزة احسان
هو فعلا موضوع هام وحساس
والمشكلة انو بعد عملتو دى مافى زول قلبو محدثو بخت فيه راى ... تلقى زولك دا ذااااتو لسه شايل شنطتو
ومتجدع ومن طيارة لى طيارة فى حقوق الانسان !!
ــــــــــــــــــــــــــــ
!!!
| |
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: دينا خالد)
|
الفاضله احسان عبد العزيز
هذا خيط مهم جدا
وفعلا مجال المشاعر و (الحبكانات) بيعتبر اكبر واخطر مقياس لمدي مصداقية (القيم) داخل الانسان.
طيب
صحيح انك حاوتلي تضعي الامر في قالب ديني
الا ان بعضهم سيهرب من المحاسبه بادعاء انه بيرفض او بترفض كل الطرح الديني!
لذا دعيني اقول انه مرفوض اخلاقيا حتى لغير المتدينين او لاصحاب الدينات الآخرى.
وهنالك مجال محاسبه آخرى
ماذا عن العشيقات؟!
يعني ماذا عن المدعي بانه (موحد) وهو كل يوم له امراة خارج مؤسسة الزواج؟!
نا اراهو اخطر لانه يظلم المرأتين التي قبل لها ان تكون لها علاقه خارج مؤسسة الزواج في مجتمع متدين محافظ!
وزوجته التي خانها وقد يجلب لها امراض في صمة خشمها!!
التعدد في العلاقات الانسانيه مرفوض ان كان للمرأه او الرجل
المسلمين وغيرهم.
ولي عوده.
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: Tragie Mustafa)
|
تسلمى عزيزتى تراجى
Quote:
صحيح انك حاوتلي تضعي الامر في قالب ديني[ |
أبداً.. لم أقصد وضع الامر فى القالب الدينى، ولكن وكما قلت للاستاذ برير ( قصدت تغطية قضية التعدد من الجانبين لقفل الباب أمام المتربصين حتى لا يتداخل أحدهم بحجة أننا نريد تحريم ما أحله الله ((طبعاً ده حسب الدين الاسلامى فقط))، وبالتالى يجد الفرصة فى تشتيت الكورة وتضييع هدف البوست..)..
ولكن قصدت وضع الامر فى قالب مبادئ حقوق الانسان وموقف الناشطين والناشطات مما يتنادون به من شعارات..
Quote:
لذا دعيني اقول انه مرفوض اخلاقيا حتى لغير المتدينين او لاصحاب الدينات الآخرى. |
وهنا أتفق معك تماماً، فهى النقطة التى نلتقى عندها بمختلف معتقداتنا وهو الخيط الذى قصدته حيث المبادئ الانسانية العامة التى تجمعنا وما عرف بحقوق المرأة..
Quote:
التعدد في العلاقات الانسانيه مرفوض ان كان للمرأه او الرجل
المسلمين وغيرهم. |
بكل تأكيد..
مرحب بك متى تعودين..
تحياتى
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: دينا خالد)
|
دينا خالد
مرحبتين حبابك وسعيدة بحضورك الجميل..
Quote: العزيزة احسان
هو فعلا موضوع هام وحساس
والمشكلة انو بعد عملتو دى مافى زول قلبو محدثو بخت فيه راى ... تلقى زولك دا ذااااتو لسه شايل شنطتو
ومتجدع ومن طيارة لى طيارة فى حقوق الانسان !!
|
ما ده ذاتو المجننى يا دينا، جد أقبح حاجة إنك تتاجر بالمبادئ السامية، تجارة كهذه لا تقل فظاعةً عن التجارة بالدين..
ما تجوا نعمل لينا ميثاق شرف للنشاط فى مجال الحقوق والعمل المدنى، وأى زول يخالفه يحكم عليه بالطرد..
باقى ليك يا دينا ممكن فكرة ذى دى تنجح!!!
فى أنتظار رأيك..
فائق التقدير والاحترام
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: حليمة محمد عبد الرحمن)
|
تحياتى استاذة حليمة
منورانا والله..
Quote: سلامات يا احسان
ياخي من غير وضعه في اطار جندر ومن غير اي مفهوم مستحدث اقول في جملة واحدة: اريتو انتهاك العدو" |
بس بتبقى المشكلة يا حليمة لما المنتهكين والمنتهكات يكونوا هم الناشطين والناشطات فى حقوق الانسان وبالطبع حقوق المرأة والطفل..
فتحت الرابط وقريت (زوجى خط أحمر)، جد مقال رائع ويستحق القراءة والتوقف، وطبعاً المداخلات معظمها لا ترقى لمستوى القضية..
فقط علينا باضاءة الضوء الاحمر كلما كان ذلك ممكناً..
فائق تقديرى
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: برير اسماعيل يوسف)
|
تحياتى لكل المتداخلين/ات
وسعيدة بحضوركم..
سأعقب حسب ترتيب حضوكم الكريم الى هنا..
الاخ برير ..
مرحبتين حبابك ونورت البوست بمداخلتك القيمة..
| Quote: يا احسان لا يمكن ان يتم الجمع بين حقوق المرأة من منظور انساني و أعني بالمنظور الانساني المكتسبات و الحقوق الكثيرة التي اكتسبتها المرأة بعد نضال طويل و مرير و بين الرجوع الي النصوص الدينية لشرعنة هذه الحقوق اي جعلها حقوق كما قال الشرع ذلك!! فاما الحقوق على حسب القوانين و التشريعات التي وضعها بنو البشر و اما الرجوع الى النصوص الدينية !! و اعتقد بأن الحقوق المكتسبة عبر الكفاح و النضال أهم بكثير من تلك التي نصت عليها النصوص الدينية . |
كلامك سليم 100% فقط قصدت تغطية قضية التعدد من الجانبين لقفل الباب أمام المتربصين حتى لا يتداخل أحدهم بحجة أننا نريد تحريم ما أحله الله (طبعاً ده حسب الدين الاسلامى فقط)، وبالتالى يجد الفرصة فى تشتيت الكورة وتضييع هدف البوست..
هذا فيما يختص بالنقطة الاولى التى طرحتها.
| Quote: و لكن يا احسان لعلك تتفقين معي في ان عملية المتاجرة بالقضايا اصبحت ظاهرة كبيرة جدا لذلك اختلط الحابل بالنابل , فكم من داعية حقوق مدنية ,يكون هو اول المنتهكين لهذه الحقوق و كم من داعية ديمقراطي , يكون هو اول المهرولين الي السلطة الجديدة في حالة حدوث انقلاب عسكري او حزبي او عسكرحزبي!! و هكذا دواليك. |
كان هذا تعقيبك على سؤالى:
Quote: انتشرت فى الفترة الاخيرة ظاهرة زواج الناشطات من نشطاء متزوجين..
واسماء بارزة فى مجال حقوق الانسان وقضايا النوع!!!
ألا يعتبر ذلك نفاق إجتماعى وتجارة بالقضايا مثلنا مثل من نحاربهم لانهم يتاجرون بالدين وينتهكون حقوق الانسان وحقوق المرأة باسم الدين؟؟؟ !!! |
ولكن أستاذ برير..
انتهازى السلطة أمر قديم ويوجدون فى كل الازمنة والامكنة..
ولكن يكون من غير المعقول أن نتاجر بالمبادئ الانسانية التى ننادى بها فينطبق علينا ( لا تنهى عن خلق وتأتى بمثله،عار عليك اذا فعلت ذميم)..
| Quote: أن حدث ذلك فهي حقا تجارة خاسرة بالقضايا , أن الذين ينادون بمثل هذه القضايا يجب ان يكونوا هم القدوة الحسنة في المجتمع |
يسلم فمك يا استاذ..
هذا هو الذى قصدته بهذا البوست..
لك ألف شكر وتقدير..
تحياتى
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: ihsan fagiri)
|
الراجل لو اتزوج 25 مرة ما فوكا حاجة
بشرط يطلق ال 20 ويمسك الأربعة :))
ده اكرم للمرأة والنساء كلهم
المشكلة ما هنا يا احسان وما تمسكي العصاية بالقلبة
المشكلة في الرجال البستغلوا النساء وينتهكون اعراضهن دون زواج
زي القيرل فرند وزواجات المسيار والمطيار والبطيخيار
المشكلة في الرجال البملحوا النسوان وداخلين وطالعين معاهم دون زواج
والمشكلة في النساء البرضن يكونن سلعة رخيسة للرجال يتلاعبون بهن متى شاءوا
وبعدين تلقيهم هربوا والأطفال لحقوا المايقوما
الزواج بالدرب شرف للمرأة وابوها وامها واخوها واهلها وجيرانها
وبديها قيمة واحترام دون حدود ومن الجميع
اها انتن امسكن في الضنب وخلين الفيل!!!
بالنسبة للناشطين والناشطات ما اظنك يا احسان تصدقي في التزام وكده
كلو زول عايش حياته حسب هواه والناس عادة لا تتلفت وكل زول بمصلحته
تحياتي يا احسان والضيوف
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: وليد محمد المبارك)
|
العزيزة احسان
Quote: ما تجوا نعمل لينا ميثاق شرف للنشاط فى مجال الحقوق والعمل المدنى، وأى زول يخالفه يحكم عليه بالطرد..
باقى ليك يا دينا ممكن فكرة ذى دى تنجح!!! |
ياستى الناس ديل اصلا بشتغلوا على مواثيق لصيانة الحقوق من الانتهاكات
يعنى اى انتهاك لقيم الانسانية والحقوق هى مجرمة بحسب القوانين ال هم بيشتغلوا عليها .نفسها..
والخصوصية بتجى مش من انها ما مجرمة وعايزة تجريم بمواثيق اخرى
لا .... الخصوصية من انهم معنيين بتطبيقها واحترامها اكتر من غيرهم ...
يعنى لما ناشط يتفوه بكلمات عنصرية اويأتى بفعل تمييز بسبب دين او لون او جنس
دا يجب ان لا يسمح له بالعمل فى هدا المجال وفقا لتلك القوانين نفسها
تلك القوانين تمنع اى شخص من العمل فى هذا المجال يرتكب انتهاك بموجب تلك المواثيق
القيمة الاخلاقية لمثل هذا العمل لو تعلمون عظيمة .. ومجرمة كمان ...
ــــــــــــــــــــــــــــــ
كلام ترجى دا ما ترموه الواطه ... هناك سلوك لناشطين يجب ان يناقش
تحت دائرة الضوء ... لانو بتم قدام عيون الناشطين ومموليهم ...
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: ASHRAF MUSTAFA)
|
مرحب أشرف مصطفى
Quote: الراجل لو اتزوج 25 مرة ما فوكا حاجة
بشرط يطلق ال 20 ويمسك الأربعة :))
ده اكرم للمرأة والنساء كلهم
المشكلة ما هنا يا احسان وما تمسكي العصاية بالقلبة |
ده كله فى نظرك ما مشكلة!!! 25 امرأة !!!
نسوان للبيع يعنى!!!
| Quote: المشكلة في الرجال البستغلوا النساء وينتهكون اعراضهن دون زواج |
Quote: والمشكلة في النساء البرضن يكونن سلعة رخيسة للرجال يتلاعبون بهن متى شاءوا
وبعدين تلقيهم هربوا والأطفال لحقوا المايقوما |
هذه قضية والمقصود بها البوست قضية أخرى..
وجميعها تنتهك حقوق المرأة وتظلمها وتعرضها للاهانة..
| Quote: اها انتن امسكن في الضنب وخلين الفيل!!! |
يا أشرف يا أخوى الكلام البقول فيه أنت ده ما شايفة فيه فيل، كله ضنب فى ضنب..
شكراً لمرورك
تحياى وتقديرى
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: إحسان عبد العزيز)
|
سلام يا احسان
| Quote: وضع تعالى (العدل) كشرط له، وأبان بأن (العدل) كشرط يكاد أن يكون مستحيلاً |
طيب الحكمة شنو منو يسمح وبالاربعة كمان ،،، طالما انو العدل شبه مستحيل ؟!،،،
هنالك اسباب منطقية في نظري تجعل من تعدد الزوجات (حل) احيانا،،،
الواحدة راجلها لو ما عايزها او مفكر في غيرها ،،، يا اما تقول ليهو في ستين يا اما تنطم !
اما لوكان الزواج برضى واقتناع الزوجة الاولى فاظن ده من حقها برضو !
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: أيمن محمود)
|
| Quote: الواحدة راجلها لو ما عايزها او مفكر في غيرها ،،، يا اما تقول ليهو في ستين يا اما تنطم ! |
يا أيمن ياخ والله ما تصدق مدي خيبتي فيما كتبت- حتي لا أقول خيبتي فيك - يا عزيزي في مجتمعاتنا في نساء بيعيشوا مع أزواجهم تحت ظروف لا تليق ببهيمة فقط لان لا خيار لديها،،،وفي مثل سوداني شهير بيقول الجنا قيد هوان...عشان كده ممكن الواحدة تعيش مع زوجها وتنطم بس عشان تربي عيالها،،،الله لا رماك في ضيقة يا ابني ولا عيشك عيشة زوجة مقهورة وبدون خيارات...
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: Afraa Sanad)
|
هناك سلوك لناشطين يجب ان يناقش
تحت دائرة الضوء ... لانو بتم قدام عيون الناشطين ومموليهم
------------------------------------------------------
في التسعينات كنا في نقاش في هذا الموضوع
ولكن ليس على دائرة الضوء !
احد الزملاء كان حزين جدا انو الفنان وردي متزوج من اتنين
بعدها بسنوات تفاجأت بزميل تزوج مرة اخرى
واخر تزوج دون ان يخطر زوجته الا بعد فترة !
الحاجة الما غريبة الاتنين تركو الحزب نهائي
وقالوا ماعايزين نقاش ابدا !!
وانا اشهد على ذلك
منتهى الانحطاط
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: خالد العبيد)
|
سلامات
اكبر انفصام ان تدافع عن حقوق النساء وتنسى حقوق مريتك الفي البيت
بعؤف ناشطين بدقو نسوانهم خلي يعرسو فيهم
حقوق النساء قشرة ما اكثر بالنسبة للرجل السوحاني
عشان كدا قلنا ظلامي عديل ولا مستنير مجهجه
اما النساء الجندريات تلبدخلو في علاقات عاطفية مع رجال متزوجين
في السودان دي بحلة زينب وظاهرة عديل كدا
وكلو رامنو في الحب
متين نصل مرحلة القرون الوسطى في صراع الحب والواجب
ودائما ينتصر الواجب لان انسان دون مبادئ اخير منه الحيوان
في السودان اي حاجة مجوبكة خاصة حقوق اللنسان
عندي قصة طويلة كنبتها في موضوعك بنزلها بعدين
ودا موضوع مهم جدا
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: Kabar)
|
سلام اختنا احسان
يعلم الله أنك طرقت موضوعا حيويا وهاما
ورغم أنني مشغول بما يكفي عن الخوض والمتابعة
إلا أنني أجد نفسي ملزما – بكل المحبة – بالنقاش والمتابعة
أقله محاولة بائسة للتعبير عن اكرامي واحترامي لكل القراء والمتداخلين
انت واختنا احسان فقيري .. التي تعلم اني اكن له امتنانا يفوق حد الوصف
واخونا كبر واختنا حليمة ... اللذان يعلمان علما مماثلا
إلا أن قدري أن اختلف معهم هاهنا ، بكل المحبة أيضا
• فرق كبير جداً بين أن يمنحك البعض أو يضمن لك (حرية ممارسة الحياة) وبين أن يمنحك بعض آخر ويضمن لك (الحق في الحياة) .. البعض الأول يقول لك عش بدون ضمانات .. والثاني يعطيك هذه الضمانات التي ربما كانت بشكل من الأشكال قيوداً. نفس الشيء ينطبق على (الحرية الجنسية) و (الحق في الجنس) ودعونا نتأمل في هذين المصطلحين اللذين يضربان بعنف في مطلب ديمقراطي إنساني آخر لا يقل عن مطلب المساواة النوعية المدّعاة (المفترى عليها) : الا وهو احترام الثقافات المحلية أو ما يسمى باحترام ثقافات الشعوب الأصلية بهذا الكوكب وحق هذه الثقافات في تغليب مسألة الحقوق الجنسية على مسألة الحرية الجنسية .. أو مساواتهما أحياناً
• هذه المسارعة – السطحية إلى حد كبير – في إلزام الناس بالمساواة النوعية في مسألة الزواج [ وهو إلزام يعلم جميع الخائضين فيه أنه لا يمكن أن يتم بمعزل عن الإلزام والالتزام (الكامل) بمبدأ الحرية الجنسية (للمتزوجين وغيرهم) بداهة أن المنظومة الثقافية التي تحاول فرضه على العالم أمّنت عملياً ونظرياً على هذا الارتباط ] تفترض ، وفي آنٍ معاً ، خطل وجور القوانين الاجتماعية التلقائية لثقافات العدد الأكبر من شعوب هذا الكوكب ، ولا أهمية ولا صحة البيانات العلمية الكثيرة التي توفرت على أن الأغلب في كل الظروف هو احتمال تفوق الإناث عددياً على الذكور ، بدءاً مما يسمى بالـ , Sex ratio والذي يميل في كل دول العالم وفي كل الحقب تقريبا لصالح الإناث كلما ابتعدنا من لحظة الولادة تأكيداً للحقائق العلمية الأخرى المتعلقة بكون الأنثى بطبيعتها أكثر مقاومة للأمراض وأكثر تكيفاً مع الحياة وتمسكاً بها ، ولا تكترث – هذه المسارعة – بالتالي بحق الأنثى المجرد في الحب والزواج والجنس في ظل سيادة هذه الحقائق وغيرها من القيود الاجتماعية والثقافية و الاقتصادية [ وربما سنأتي في مداخلة أخرى لدور الخُلُقُ الرأسمالي السيء المختبئ وراء كثير من هذه القيود، ذات الخلق الذي يصر على إلباسنا كرافتة المساواة (والحرية !)الجنسية في الوقت الذي نتضور فيه عرياً لسراويل الحاجات والحقوق والحريات الأساسية والتي من ضمنها بالمناسبة حرية الاعتقاد واختيار الدين وتغييره] وياسبحان الله : باسم النوع وباسم مساواة المرأة يتم الحرمان العملي لكثير من نساء الأرض من أن يمارسن أنفسهن حبا وجنسا وحياة ومن أن يكون عندها (حنان) وفق موروثها الثقافي الذي لا تعوزه الحجية ولا الأصالة ولا المنطق ولا التوافق مع حقائق العلم المجردة حتى ، فمالكم كيف تحكمون !
• والتابو المقدس هنا ليس هو الجندر ولا الدين ولا (الحق في)الجنس – ولا ينبغي لأي من ثلاثتها أن يكون - التابوالمقدس هنا هو الانسان .. وتمتلك هذه الثلاثة القوة والقداسة والقابلية للاحترام .. بقدر اقترابها من خدمة هذا الانسان .. ولم نجد في طول وعرض حياة هذا الانسان على هذا الكوكب .. أفضل من (الأسرة) مصنعاً ومزرعة لأفراده .. فهل نحن نحمي مؤسسة الأسرة وندعمها بالسير في خطى كفالة الحق في الجنس ومشروعية تعدد الزوجات .. أم الهرولة في مسارب المساواة النوعية في الزواج .. والحرية الجنسية المطلقة ؟؟
• (والكلام دا كلو الجابو شنو ؟ ) فالأصل الثابت أن اختيارات الانسان لحياته الخاصة في الزواج وعدمه وأن يمارس أو لا يمارس ذاته نوعياً هي ليست محلاً للنقاش العام .. ولكننا نقول هذا هنا بمناسبة محاولات فرض توجه ثقافي في حقل (شخصي) على جميع المنتمين لثقافات مغايرة بدعوى استطرادات متعجلة لمفاهيم مساواة جندرية تفتقر في تقديرنا المتواضع للعمق وللاستقلالية عن تأثير التفكير الرأسمالي ، من المتعارف عليه ديمقراطياً أن قوانين الأحوال الشخصية ظلت لوقت طويل جدا تخضع للمعتقدات الشخصية ، لا لسواها ، وهذا هو المنطق الذي يظل سليما ً في تقديرنا المتواضع أيضاً ، ومثلما نحن نقف منذ خلقنا الله وإلى أن نموت ضد تدخل الدين في تشريعات مدنية وجنائية ووضع دستور للدولة ، حتى لو كلفنا ذلك حياتنا نفسها ، فإننا سنظل نرفض – بذات القدر – تدخل (شريعة سيداو) في قوانين الأحوال الشخصية للشعوب الافريقية التي تدين بديانات أرواحية تبيح لهم تعدد الزوجات ، أو لشعوب آسيوية في أعالي الهمالايا تؤمن بحق نسائها في تعديد (الأزواج) أو – من الضمن – تدخلها في قوانين الأحوال الشخصية لمسلمين ويهود ونصارى يدينيون بدين يقول لهم أن (لا شيء) في تعدد الأزواج . نحن مع سيداو في النهوض بنسائنا وأمهاتنا وبناتنا ورفع أي ظلم اقتصادي أو سياسي وقع عليهن منفردات أو بالاشتراك مع شقائقهن الرجال .. إلى أن نموت .. ولو كلفنا ذلك حياتنا .. (إلا شوقول بتاأ ثقافات مهلية وأسلية دا أليكم الله ما تكشوا لينا فيهو )
• وما بين القوسين أعلاه – ختاما لهذه المداخلة – تكرم به أحد أعمامنا من القيادات الجنوبية (في عصر ما قبل الانفصال) كان قد دخل مع الانقاذيين في إسلامهم وإجرامهم فحسن إسلامه ... وإجرامه وأبلى معهم ما كتبه الله عليه من بلاء في الجهاد والفساد والحج والخج ووالخ وجاء وقت تنسنس فيه بعضهم عليه في كونه – رغم إسلامه – لم يكتف باربع زوجات كما يفرض عليه دينه الجديد فقال لهم : (شوفو يا ناس اومر بشير انا نكون مأكم واااديه .. نهن هج مأاكم بنهج . سيام بنسوم .. سلاة بنسلي .. اي هاجة دايرنو بنسوي .. بس شوقول بتاأ قبيلة دا أليكم الله ما تكشوا لينا فيهو )
• الخلاصة أن لا شئ يمكن أن يفرض على أي مجتمع من فوقه أو من خارجه .. فنفس هذا التعدد في الزوجات .. يختلف الحديث فيه في اليمن عنه في تونس رغم أن مواطني البلدين يدينون بنفس الدين الذي جاءت أختنا إحسان بنص في قرآنه مصحوبا بشروحات تفيد أن رسول القرآن صلى الله عليه وسلم وأصحابه لم يفهموه (!) وعندما يرفض الناشطون والناشطات في تونس إباحة التعدد في الوقت الذي يرفض فيه أمثالهم في اليمن (تجريمه) فإنهم جميعاً ينظرون إلى طبيعة المجتمع .. وإنهم جميعا يرفضون فرض ما لا يشبه هذه الطبيعة عليها ! (فتأمل !)
• أما إلزام الناشطين والناشطات بالتحلي بأمر ليس في ثقافتهم (ولنقل لم يصل إليه تطور مجتمعهم الذي يتطلب منهم الصدق في نضالهم لأجل كل حريات وحقوق كل أهله (الأساسية على الأقل ) أن ينسربوا في مدنه وقراه وبواديه ومعسكرات لجوءه ونزوحه وجبروناته وزقلوناته وكيتونات متشرداته ومتشرديه ) فهو مطالبة آثمة لهم بالانسلاخ عن ذواتهم وعن مهامهم في آن معا ً
• ولنا بإذن الله عودات وعودات
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: فتحي البحيري)
|
والله يا كبر يخربنى كان فهمت من احترامك دا حاجة !!!
واراك قولت عفراء سند ما لم تقله وربطته بنضالاتها
عفراء لم تتحدث عن نفسها بل هى حاولت ان تبرز ان رضاء المراة
احيانا ما بكون خيار بكون مفروض عليها بواقع مقابل وهى فى الاساس
ضحية من ضحايا العقلية الذكورية السايدة .. ودى ممكن يكون بطلها مراة
ما شرط راجل ....
كلامك معظمه استغلق على.. ليييه ما عارفة؟ المهم ....
سلوك النشطاء المنتهك لكثير من الحقوق التى يعملون عليها
يشمل .. المحابا والواسطة ومنح الفرص لغير مستحقيها ودا كله عشان امور
ميتانه .. لكن المشكلة ما فى الناشط وسلوكو المشكلة بتبقى فى مجتمع العمل
دا كله وقبوله فى تواطؤ وصمت لكل تلك الانتهاكات ..
احسان هنا بتناقش بتركيز على قصة الزواج وجات تراجى اضافت ليها
قالت ليها ما الزواج بس بل حتى العلاقات البتتخذ من هذا العمل ستار تمارس
تحته يجب ان تدان وترفض فى الاطار الكبير للعمل الحقوقى ...
ـــــــــــــــــــــــ
يا وليد خلينا ناخد راى الرجال والنسوان مع بعض ..
العمل على اقناعهم سوا افيد ... ما نكتفى بالقول انو المرا لو امتنعت
الانتهاك ح ينتهى ... خلينا نقنع الرجال ذاتهم انه دا انتهاك وما يسوهو
حتى لو النسوان مرحبات .. فى مشكلة لو قضينا على القصة دى من جانب الرجال بس .. مثلا؟؟
الصاح دا .. مبدأ .. مفروض الراجل يعمل عليه والمراة تعمل عليه
لو بقوا الرجال كلهم اقتنعوا مكسب .. مش؟؟
حتى لو الديك ما اقتنع .. 
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: Siham Elmugammar)
|
الاخت احسان لك و لضيوفك التحية العطرة
يا اخوانا نحن عملنا محامين وشاهدنا كثير من القضاة يسهرون مع الخمر والبنات والميسر وعندما تشرق الشمس و يتربع على كرسي المحكمة يحكم على شارب الخمر بالجلد والزاني بالرجم وهكذا . وايضا نجد بعض من الاطباء يحذرون من التدخين وتلقي الواحد سجارتو في يدو قصبة يبخبخ سااااااااااي .
فإن كان ذلك كذلك فمن باب اولى ان يكون الاقبال على ما هو محلل شرعا مقبولا من الناحية المنطقية .
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: Siham Elmugammar)
|
عزيزتى دينا
Quote: ياستى الناس ديل اصلا بشتغلوا على مواثيق لصيانة الحقوق من الانتهاكات
يعنى اى انتهاك لقيم الانسانية والحقوق هى مجرمة بحسب القوانين ال هم بيشتغلوا عليها .نفسها..
والخصوصية بتجى مش من انها ما مجرمة وعايزة تجريم بمواثيق اخرى
لا .... الخصوصية من انهم معنيين بتطبيقها واحترامها اكتر من غيرهم ...
يعنى لما ناشط يتفوه بكلمات عنصرية اويأتى بفعل تمييز بسبب دين او لون او جنس
دا يجب ان لا يسمح له بالعمل فى هدا المجال وفقا لتلك القوانين نفسها
تلك القوانين تمنع اى شخص من العمل فى هذا المجال يرتكب انتهاك بموجب تلك المواثيق
القيمة الاخلاقية لمثل هذا العمل لو تعلمون عظيمة .. ومجرمة كمان ...
|
انا ما بتكلم عن القوانين العامة البتحكم العمل المدنى، أنا بقصد ميثاق شرف إجتماعى نتوافق عليه ونراقب ونحاسب بعض بموجبه!!!
بكون ممكن يا دينا؟ ولاّ بكون محتاج لمدينة فاضلة يطبق فيها!!!
جد قضية تحير !!!
Quote: ــــــــــــــــــــــــــــــ
كلام ترجى دا ما ترموه الواطه ... هناك سلوك لناشطين يجب ان يناقش
تحت دائرة الضوء ... لانو بتم قدام عيون الناشطين ومموليهم ... |
المناقشة يجب أن تكون عامة وفى حدود عدم التدخل المباشر فى خصوصيات الاخرين، يعنى لما نتكلم عن عموميات فى قضية عامة بنقدر نضع يدنا على لب المشكلة ونحاول تجنبها، لكن مجرد ما نحول القضايا ونضعها فى خانة الخاص بنفقد تضامن الكثيرين ونساعد فى تشجيع المتربصين كما ذكرت على تشتيت الكورة وخروجها من الملعب وبالتالى إفشال الحوار..
أما النقاش فى دائرة الضوء يجب الا يكون إعلامياً بل إجتماعياً وهو ما قصدته (بميثاق شرف اجتماعى) الذى ناقشتك فيه..
تحياتى عزيزتى دينا..
نواصل معاً
مرحب
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: فتحي البحيري)
|
يااااااا البحيرى ما عذبتنا ..
خلينى اوول اشيد بلغتك الجميلة واجتهادك فى التفكير العميق
ولكن ...
| Quote: أما إلزام الناشطين والناشطات بالتحلي بأمر ليس في ثقافتهم (ولنقل لم يصل إليه تطور مجتمعهم الذي يتطلب منهم الصدق في نضالهم لأجل كل حريات وحقوق كل أهله (الأساسية على الأقل ) أن ينسربوا في مدنه وقراه وبواديه ومعسكرات لجوءه ونزوحه وجبروناته وزقلوناته وكيتونات متشرداته ومتشرديه ) فهو مطالبة آثمة لهم بالانسلاخ عن ذواتهم وعن مهامهم في آن معا ً |
معلوم ان منظومة مواثيق الحقوق التى توصل لها العالم شكلت
خلاصات انسانية محضة تسمو على الثقافات واختلافاتها ..
عنت بالجانب الانسانى للانسان وكينونته بوصفه انسان متى ما وجد ووين ما كان ..
التحايل على المنظومة دى بالثقافات القايمه على انتهاك تلك الحقوق لا يجدى ...
واساسا اساسا الناس دى ارتضت النشاط فى تثبيت تلك الحقوق بعيدا عن دعاوى
الخصوصية لانو اى كلام عن خصوصية هو تقييد لتلك الحقوق فى اطارها الكامل ...
على كدا نقدر نقول الختان ثقافة .. مش؟؟
نقدر نقول زواج الصغيرة ثقافة .. زحوا منو ...
نقدر نقول التعدد ثقافة .. والانتهاكات على اجساد الاطفال بخلع اسنانهم الامامية ثقافة
وهكذا تستمر الانتهاكات بصورها المختلفة تحت دعاوى ثقافات الشعوب المختلفة ...
يا بحيرى فى خلاصات انسانية توصل ليها العالم متمثلة فى تلك المواثيق
لا مجال للتراجع عنها اواعادة تفصيلها بمقاساتنا المختلفة .. نو واييييييي ..
ــــــــــــــــــــــــــ
يعنى الناشطين ديل ناشطين فى الحقوق دى .. ما ختو فيها راى
خليهم فى الاول يختو فيها ذى رايك دا بعدين النقاش معاهم بكون بطريقة مختلفة ...
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: Afraa Sanad)
|
يا عفراء - القصد من كلامي واضح ،،، انو الواحدة مفروض تكون حازمة في مسألة زواج زوجها من امرأة اخرى ! - تقطعوا معاهو طواااالي ،،، او تكون مقتنعة فعلا بالاسباب المنطقية - ولو ما عملت كده ما تلوم الا نفسها وتنطم - تسكت .
| Quote: يا عزيزي في مجتمعاتنا في نساء بيعيشوا مع أزواجهم تحت ظروف لا تليق ببهيمة فقط لان لا خيار لديها |
يا عفراء ده الكلام البجيب اللوم ،،، كيف يعني تعيش معاهو تحت ظروف لاتليق ببهيمة لانو ما عندها خيار ؟!!!!
عنها مية خيار ،،،
- تبيع كسرة
- تبيع شاي
- تشتغل في البيوت
- تشتغل غسالة
- اي شغلة شريفة
ولا - تعيش مع زوجها تحت ظروف لاتليق ببهيمة
نساء كثيرات ربن ابنائهن بنفسهن وما قالن - ما عندهن خيار !!!
يا اختي في بيوت كتيرة قايمة على اكتاف نسوان بس !!
ده لو ما اتزوجت تاني !
ارجو انك تكوني فهمتيني صاح
القوانين محتاجة لتغيير - مسألة انو الطلاق بيأدي لرجوع المرأة لبيت (ابوها) مفروض ينتهي !
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: أيمن محمود)
|
إنى امنت بالله الذى لا اله الا هو
يا احسان يا عزيزتى لو تعلمين كم احترمك و احترم نضالك الحقيقى لا جزاءا و لا شكورا
انتى و عزيزتى و صديقتى ندى مصطفى
ليس من اجل اى شىء و لكن من اجل ان نكون مفيدين لبعضنا البعض كأنسان اولا وكنساء ثانيا
ان نحفز ونشجع بعضنا على التفكير وعلى المراجعات و على الاتساق
من هذا المنطلق ابت نفسى الا ان اكتب "هكذا" تعليق
كتبت العزيزة احسان
| Quote: بس بتبقى المشكلة يا حليمة لما المنتهكين والمنتهكات يكونوا هم الناشطين والناشطات فى حقوق الانسان وبالطبع حقوق المرأة والطفل.. |
Quote: ولكن أستاذ برير..
انتهازى السلطة أمر قديم ويوجدون فى كل الازمنة والامكنة..
ولكن يكون من غير المعقول أن نتاجر بالمبادئ الانسانية التى ننادى بها فينطبق علينا ( لا تنهى عن خلق وتأتى بمثله،عار عليك اذا فعلت ذميم).. |
| Quote: القضية قضية مبادى والتزام بالمبادئ ما قضية ترضى او ما ترضى بالبساطة دى.. |
Quote: ما ده ذاتو المجننى يا دينا، جد أقبح حاجة إنك تتاجر بالمبادئ السامية، تجارة كهذه لا تقل فظاعةً عن التجارة بالدين..
ما تجوا نعمل لينا ميثاق شرف للنشاط فى مجال الحقوق والعمل المدنى، وأى زول يخالفه يحكم عليه بالطرد..
باقى ليك يا دينا ممكن فكرة ذى دى تنجح!!! |
وكتبت العزيزة دينا
Quote: كلام ترجى دا ما ترموه الواطه ... هناك سلوك لناشطين يجب ان يناقش
تحت دائرة الضوء ... لانو بتم قدام عيون الناشطين ومموليهم ... |
انا كنت عارفة اننى و انت (وخالد كودى) غير مختلفين مبدءا ولكنه الموروث التقليدى القديم المصبوب فى عقل السياسى السودانى
فى معرفته بالعمل السياسى
فيا احسان ساعدونا وساعدوا انفسكم بإنتاج معارف جديدة تتعلمها اجيال قادمة
وتتسقيم بها العترة فى المشية
الالتزام بالنقد والمراجعة والاعتراف بوجود المشاكل قبل ان يكون هو جزء من الحل
هو مبادئ اساسية للعمل فى منظومة الدفاع عن حقوق الانسان فى مجملها
وحقوق المرأة فى خصوصيتها
قانون الالتزام الفردى بالمبادىء ناديتى بيهو فوق ده و حددتى العقوبة ..نظريا "جميل "
ويستشف منه موقفك الحقيقى من قضايا التغيير لدرجة اقتراحه وانت اعلم بالتعقيد المصاحب
اتمنى ان لا نسهو عن العبارة قديم الازل كشعار اساسى
القانون فوق الجميع
وفيها نجد العدل والاتساق
احسان فى ذمتك عاد كان اغلظتى على القول
ترا انا حساسه شديد
ياخ بس بردى نفسك بحسن نيتى والله عالم بيها
تحياتى
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: Siham Elmugammar)
|
Quote: يا وليد خلينا ناخد راى الرجال والنسوان مع بعض ..
العمل على اقناعهم سوا افيد ... ما نكتفى بالقول انو المرا لو امتنعت
الانتهاك ح ينتهى ... خلينا نقنع الرجال ذاتهم انه دا انتهاك وما يسوهو
حتى لو النسوان مرحبات .. فى مشكلة لو قضينا على القصة دى من جانب الرجال بس .. مثلا؟؟
الصاح دا .. مبدأ .. مفروض الراجل يعمل عليه والمراة تعمل عليه
لو بقوا الرجال كلهم اقتنعوا مكسب .. مش؟؟
حتى لو الديك ما اقتنع .. |
ماف انتهاك
اقتنع بي كلامك انت ولابي كلام الله يا دينا
الله قال ده ما انتهاك
ايوه في مشكلة يا دينا ... دي مشكلتكم وعاوزين تحملونا ليها .. وكمان بتقولوا انتهاك وما انتهاك
وكان الزوجة التانية كائن اخر غير النساء .. حور عين مثلا
نحن يا دينا غير مسئولين عن مشكلتكم دي ... ممكن نساعدكم فيها .. لكن ما تحملونا ليها وكاننا نحن الاساباب وانتم الضحايا
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: وليد محمد المبارك)
|
الاعزاء كل الحضور حسب ترتيب مداخلاتهم:
أسف للتأخير عن الرد لظروف خارجة عن إرادتى، مرحب بكم جميعاً وسأتناول مداخلاتكم واحدة واحدة مع فائق تقديرى وإحترامى لكم ولحضوركم الجميل الذى أثرى نقاش هذه القضية الانسانية الهامة..
*دينا خالد
*ايمن محمود
*عفراء سند
*خالد العبيد
*د.نجاة محمود
*وليد المبارك
*كبر
*فتحى البحيرى
*سهام المجمر
الطيب شيقوث
ومن أصدقائى فى الفيسبوك:
عزام حسن فرح
*أحمد عبد المنعم
*محمد سليمان خالد
*مصعب شرف الدين
*محمد عمراب
ولكم كل الود والاعزاز
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: إحسان عبد العزيز)
|
تحياتى عزيزتى عفراء
منوره البوست وأسعدنى حضورك الجميل..
| Quote: الجنا قيد هوان...عشان كده ممكن الواحدة تعيش مع زوجها وتنطم بس عشان تربي عيالها،،،الله لا رماك في ضيقة يا ابني ولا عيشك عيشة زوجة مقهورة وبدون خيارات... |
لم أجد أبلغ مما رددتى به على الاخ أيمن محمود..
حقاً (الجنا قيد هوان)، مثل قديم متجدد لاننا كمجتنع لم نستطيع أن نتقدم خطوة الى الامام فى هذه القضية، بل العكس تراجع وضع النساء كثيراً فى منظومة الحياة الزوجية وإحترام قدسيتها من جانب الرجل وتزايدت معدلات الزواج مثنى وثلاث ورباع، وانتشرت ظاهرة الطلاق بشكل مخيف، نحن فى مجتمع يتراجع الى الوراء..
لك التحية وفائق التقدير لحضورك الثر
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: إحسان عبد العزيز)
|
دكتورة نجاة محمود
شكراً لحضورك الذى أسعدنى كثيراً..
Quote: عشان كدا قلنا ظلامي عديل ولا مستنير مجهجه
_________________________________________________
اما النساء الجندريات تلبدخلو في علاقات عاطفية مع رجال متزوجين
في السودان دي بحلة زينب وظاهرة عديل كدا
وكلو رامنو في الحب
_____________________________________________________________
متين نصل مرحلة القرون الوسطى في صراع الحب والواجب
ودائما ينتصر الواجب لان انسان دون مبادئ اخير منه الحيوان
_____________________________________________________________ |
توقفت عند هذه الجمل الثلاث الهامة..
*حقاً ظلامى عديل أحسن من مستنير مجهجه لان المستنير المجهجه يمكن أن يخدعك وتقع فى براثن خداعه باسم الاستنارة، أما الظلامى فده معروف ظلامى ولو انجرف معه الاخر يكون بنجرف طواعية..
*الجندريات يفترض ان يكونن أقرب الى قضايا النساء من الجندريين بحكم النوع والاحساس المشترك بين النساء، ولكن يبدو أن الصورة مقلوبة والقضية فى حقيقة بعضهن مجرد شعارات أكثر من كونها مبادئ وقيم والتزام..
وكون انه يرمواه فى الحب، جد بظلموا الحب، الحب ان لم يكن مؤشر نستبين به الحق من الباطل لا يمكن أن يطلق عليه حب.
*وكذلك الفصل بين الحب والواجب مسألة هامة، حتى لا ننتهك واجباتنا تجاه الاخرين وتجاه حقوقهم باسم الحب..
الحب ان كان أعمى لا يسمى حب بل يكون الكره أسمى منه درجة..
شكراً لهذه المداخلة القيمة،..
فتحت رابط القصة (مرحاض ومستنير)، وجدتها مكونة من 27 فصل، سأعود اليها لقراءتها بــ (مزاح) بعد ان أكمل ردودى على الرفاق والرفيقات فى مداخلات هذا البوست خاصة وأن القصة تبدو مشوقة وهادفة، شكراً لاهدائنا الرابط الخاص بها..
تحياتى وتقديرى
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: إحسان عبد العزيز)
|
مرحب وليد مبارك
Quote: طالما انها قضية مبائ .. عليكن باقناع النساء بتبني المبدأ ده . وعدم الزواج من رجل متزوج من امراة اخرى
برضو موضوع المبادي ده في يدكن .. سونو |
ابداً يا وليد، القضية مشتركة، فى يدنا كيف؟!
والراجل مسئوليته شنو !!!
النسوان قاعدات يمشن يزوجنه فى (صمة خشمه) حسب تعبير بستتخدمه (تراجى) وعاجبنى..
لا يا وليد ما بعرس بالرمود كنترول بعرس لانه هو عايز زوجة تانية وثالثة ورابعة!!!
المسئولية الاولى على عاتقه قبل المرأة..
خليك حقانى يا رجل..
تحياتى
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: إحسان عبد العزيز)
|
أوووووووووو صديقى العزيز كبر
كويس إنه الزول يلاقيك فى مناسبة إجتماعية (بوست إجتماعى) ويسمع معاك غنا..
ليتأكد لى أنك فعلاً (بعيد عن السياسة) شخص حبوب وظريف وأخو أخوات..
جد سعيدة بحضورك..
خلينا نمسك كلامك واحدة واحدة، بعد تحديد ما اود التعقيب عليه فى هذا الاقتباس:
Quote: اها يا احسان.. \اها ..كلام المنظراتية.. وين من حركة الواقع الفعلي؟
حبابك يا صديقة..و حبابك ضفياتك و ضيوفك هنا...
الموضوع قلنا راينا فيهو.. من قبل كذا مرة.. و ممكن نثبتو هنا.. لو بخدم القضية.. انو نحنا ناس: الله واحد..وطن واحد...وزولة واحدة كمان...!
______________________________________________________
اتخيل لي يا احسان ، هناك فرقة كبيرة جدا ..بين التنظير و الواقع
_________________________________________________________
فكرة الغنا يا احسان ، انو تروميتر حرااك اجتماعي متجاوز لينا كلنا...
_______________________________________________________
اها يا احسان دي معطيات الواقع الممكن تتحرك فيها الناشطة أو الناشط (مع انو موقفي الرسمي ، و قد يكون هو موقفك او موقف حايمة او عفراء او نجاة ، انهم لازم يكونوا اكثر تجاوزا للواقع حولهم...لكن هل هم /هن في نفس قوتي الشخصية و قدرتها على تحدي عقباتها الخاصة)...؟؟؟؟؟؟!!!
_____________________________________________________________
و عشان نقولها ليك بكل وضوح.. السادة الناشطين و الناشطات... في السودان ، منفصلين تماما عن الواقع القاعدين يتحركوا فيهو...!!!
___________________________________________________
و يا احسان ، عليك الله و كل عزيز عليك، عاميلنا بحسن نيةافترضي فينا الكواسة ، عشان ما نزهج و نسحب النقة السمحة/ الفارقة القلناها هنا.. ياااااخ نحن بشر و لينا طاقة... يعني ممكن نحنبك زي السلامو عليكو..!!
ما تفكي...!!)..
_______________________________________________________
و يا عفراء ، انا لمن اسمع حكاية ( لوكي القرضة و امسكي فيهو).. بشوف وجوه كتيرة خلاس... |
خلينى أمسك النقاط الاخترتها دى واحدة واحدة..
*الحمد لله انك موحد فى كله (الله، الوطن، الزوجة) عشان كدة الكلام بيناتنا بكون ساهل وما فيه مغالطات كتيرة..
*قلت انه هناك فرق كبير بين الواقع والتنظير، ده بالنسبة للراكبين الموجة بدون قناعات، لكن بالنسبة لاصحاب المبادئ والملتزمين بالقضايا كقيم ما بكون فى فرق بين التنظير والواقع..
* الغنا ممكن يكون ليه أثر فى الحراك الاجتماعى لكن ما للدرجة البتخلى أصحاب المبادئ يميلوا كفة الغنا وما تدعو له أغانى البنات (ومعظمها هابط) الى تغيير مواقفهم!!! معقولة بس يا كبر!!!
*بالنسبة لانه دى معطيات الواقع البتتحرك فيه الناشطة او الناشط، ياخى هم الناشطين ديل ما يخلقوا واقع فكرى يتناسب مع المبادئ البنادوا بيها ويعملوا جو بتاع تنشيط افكار وديناميكية مبادئ تخليهم قريبين من الواقع والمبادئ فى وقت واحد بدل ما يخلوا الغنا وغيره من معطيات الحراك الاجتماعى السلبى تأثر فيهم، والا يكون الفرق بينا وبين غير الناشطين شنو!!!!!!!
*وقولك (( و عشان نقولها ليك بكل وضوح.. السادة الناشطين و الناشطات... في السودان ، منفصلين تماما عن الواقع القاعدين يتحركوا فيهو...!!!)) ده كلام صحيح ولكن بختلف معاك فى التعميم، هناك ناشطين وناشطات يؤمنون بما عاهدوا الله عليه منهم من قضى نحبه ومنهم من ينتظر وما بدلوا تبديلا..
*(( و يا احسان ، عليك الله و كل عزيز عليك، عاميلنا بحسن نية وافترضي فينا الكواسة )) ياخى والله يا كبر أنا مفترضة فيك الكواسة وبحترمك وبقدرك ، لكن ده ما معناه انى اتجاوز تجاوزاتك لما تتلبد لينا وتنتظر ظهورنا فى أى ملف عشان تهاجمنا كسياسيين، نحن برضو ما كعبين للدرجة البتخليك تعتبرنا إنتهازيين وبنتاجر بالقضايا وبنكسب من وراها، أسأل عننا حتلقانا ما كدة، ولو ما سألت أكيد حنتلاقى فى يوم فى أى ملف من ملفات الحياة لو كان لنا فى العمر بقية..
*أما مٍسألة ( لوكى القرضة ) دى يا كبر والله الغالبية العظمى من نساء السودان ولا أقول جميعهن (خجلاً) لو ما لايكات القرضة ما كان فى بيت واقف على حيله، المرأة السودانية صبورة ومضحية وتعشق الاستقرار الاسرى..
وكنت محق عندما قلت ((انا لمن اسمع حكاية ( لوكي القرضة و امسكي فيهو).. بشوف وجوه كتيرة خلاس) )فعلاً يا كبر هذا واقع البيت السودانى، نساء السودان يستحقن الاعراف لهن بالتميز الاسرى مهما كانت مرارة ذلك التميز والذى شبهته (ندى القلعة) بلوك القرض..
جدت سعدت بحوارك القيم ومشاركتك الثرة..
سعدت بحضورك كبر أخوى..
تسلم
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: إحسان عبد العزيز)
|
الاخ فتحى البحيرى
لك التحية
خرجت من مداخلتك الطويلة بنقطتين اساسيتين:
*حديثك عن الحرية الجنسية وربطها بالزواج، ولم أفهم ان كنت تقصد أن الدافع للزواج هو الجنس، وهل ذلك فى حالة الزواج الاول ام كل مايليه من صور التعدد؟؟؟
*تبريرك للتعدد بأنه ثقافة، تبرير غير موفق، وحتى لو سلمنا جدلاً بذلك هل من واجبنا كمثقفاتية وناشطين وناشطات الابقاء على الثقافات بعلاتها الى يوم الدين؟؟؟ !!!
أقتبس خلاصتك الاخيرة:
Quote: الخلاصة أن لا شئ يمكن أن يفرض على أي مجتمع من فوقه أو من خارجه .. فنفس هذا التعدد في الزوجات .. يختلف الحديث فيه في اليمن عنه في تونس رغم أن مواطني البلدين يدينون بنفس الدين الذي جاءت أختنا إحسان بنص في قرآنه مصحوبا بشروحات تفيد أن رسول القرآن صلى الله عليه وسلم وأصحابه لم يفهموه (!) وعندما يرفض الناشطون والناشطات في تونس إباحة التعدد في الوقت الذي يرفض فيه أمثالهم في اليمن (تجريمه) فإنهم جميعاً ينظرون إلى طبيعة المجتمع .. وإنهم جميعا يرفضون فرض ما لا يشبه هذه الطبيعة عليها ! (فتأمل !)
• أما إلزام الناشطين والناشطات بالتحلي بأمر ليس في ثقافتهم (ولنقل لم يصل إليه تطور مجتمعهم الذي يتطلب منهم الصدق في نضالهم لأجل كل حريات وحقوق كل أهله (الأساسية على الأقل ) أن ينسربوا في مدنه وقراه وبواديه ومعسكرات لجوءه ونزوحه وجبروناته وزقلوناته وكيتونات متشرداته ومتشرديه ) فهو مطالبة آثمة لهم بالانسلاخ عن ذواتهم وعن مهامهم في آن معا |
*اولاً اى شروحات ذكرتها أنا وتفيد أن رسولنا الكريم صلوات الله وسلامه عليه وكذا أصحابه (لم يفهموها)، أرجو أن تأتى باقتباس هذه الجزئية التى تركمت بنسبها لشخصى، خاصة وان البوست موجود ولم أجرى تعديل عليه!!!
* (إلزام الناشطين والناشطات بالتحلي بأمر ليس في ثقافتهم ) (مطالبة آثمة لهم بالانسلاخ عن ذواتهم وعن مهامهم في آن معا )، هل التعدد ثقافة ملزمة فى المجتمع السودانى!!! لاول مرة أسمع عن ذلك، وان كان كذلك لكان أجيال الاباء والجدود منبوذ فيها من لم يتزوج مثنى وثلاثى ورباعى، اما الانسلاخ عن مهامهم وذواتهم، هل من بين مهامهم التأكيد على أن التعددية الزوجية جزء من ثقافتنا التى يجب المحافظة عليها!!!
جد يا استاذ فتحى أسمع كلاماً غريباً، ومع اختلافى معك لك أكيد إحترامى لرأيك..
تحياتى
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: إحسان عبد العزيز)
|
دينا خالد تسلمى:
Quote: يا وليد خلينا ناخد راى الرجال والنسوان مع بعض ..
العمل على اقناعهم سوا افيد ... ما نكتفى بالقول انو المرا لو امتنعت
الانتهاك ح ينتهى ... خلينا نقنع الرجال ذاتهم انه دا انتهاك وما يسوهو
حتى لو النسوان مرحبات .. فى مشكلة لو قضينا على القصة دى من جانب الرجال بس .. مثلا؟؟
الصاح دا .. مبدأ .. مفروض الراجل يعمل عليه والمراة تعمل عليه
لو بقوا الرجال كلهم اقتنعوا مكسب .. مش؟؟
حتى لو الديك ما اقتنع .. |
كلامك مليان..
ارجو انه الديك يقتنع..
وعبرك خالص التحايا لوليد المبارك
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: إحسان عبد العزيز)
|
الطيب شيقوق
سلامات ومرحب بيك عشرة بلا كشرة..
Quote: يا اخوانا نحن عملنا محامين وشاهدنا كثير من القضاة يسهرون مع الخمر والبنات والميسر وعندما تشرق الشمس و يتربع على كرسي المحكمة يحكم على شارب الخمر بالجلد والزاني بالرجم وهكذا . وايضا نجد بعض من الاطباء يحذرون من التدخين وتلقي الواحد سجارتو في يدو قصبة يبخبخ سااااااااااي .
فإن كان ذلك كذلك فمن باب اولى ان يكون الاقبال على ما هو محلل شرعا مقبولا من الناحية المنطقية . |
اذا اصبحنا الى هذه الدرجة مجتمع بلا مبادئ وبلا قيم ومن ينهى عن خلق يأتى بمثله اذن اتفق معك فيما اتيت به فى نهاية الاقتباس ( إن كان ذلك كذلك فمن باب اولى ان يكون الاقبال على ما هو محلل شرعا مقبولا من الناحية المنطقية )..
شكراً لحضورك الكريم
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: إحسان عبد العزيز)
|
حبابك الف سهام بت المجمر
كدى خلينى اقسم كلامك السمح دة كيمان وارد عليه كوم كوم عشان ما يفوت على منه شئ كمشاركة تستحق التوقف:
Quote: يا احسان يا عزيزتى لو تعلمين كم احترمك و احترم نضالك الحقيقى لا جزاءا و لا شكورا
انتى و عزيزتى و صديقتى ندى مصطفى
ليس من اجل اى شىء و لكن من اجل ان نكون مفيدين لبعضنا البعض كأنسان اولا وكنساء ثانيا
ان نحفز ونشجع بعضنا على التفكير وعلى المراجعات و على الاتساق
يا احسان يا عزيزتى لو تعلمين كم احترمك و احترم نضالك الحقيقى لا جزاءا و لا شكورا
انتى و عزيزتى و صديقتى ندى مصطفى
ليس من اجل اى شىء و لكن من اجل ان نكون مفيدين لبعضنا البعض كأنسان اولا وكنساء ثانيا
ان نحفز ونشجع بعضنا على التفكير وعلى المراجعات و على الاتساق
من هذا المنطلق ابت نفسى الا ان اكتب "هكذا" تعليق
_________________________
انا كنت عارفة اننى و انت (وخالد كودى) غير مختلفين مبدءا ولكنه الموروث التقليدى القديم المصبوب فى عقل السياسى السودانى
فى معرفته بالعمل السياسى
_____________________________________________________
فيا احسان ساعدونا وساعدوا انفسكم بإنتاج معارف جديدة تتعلمها اجيال قادمة
وتتسقيم بها العترة فى المشية
الالتزام بالنقد والمراجعة والاعتراف بوجود المشاكل قبل ان يكون هو جزء من الحل
هو مبادئ اساسية للعمل فى منظومة الدفاع عن حقوق الانسان فى مجملها
وحقوق المرأة فى خصوصيتها
___________________________________________________
اتمنى ان لا نسهو عن العبارة قديم الازل كشعار اساسى
القانون فوق الجميع
وفيها نجد العدل والاتساق
_________________________________________________
احسان فى ذمتك عاد كان اغلظتى على القول
ترا انا حساسه شديد
ياخ بس بردى نفسك بحسن نيتى والله عالم بيها |
*اولاً أشكرك كتير على المقدمة واحترامك للاخر والروح الطيبة للعمل الجماعى لاجل الانسان والمرأة، جد سعيدة بكلامك وروحك الجميلة، وعبرك أسوق التحية للرفيقة د.ندى مصطفى والتى تشرفت بالعمل معها لسنوات طويلة..
فقط احسست بان المقدمة الجميلة دفنت فيها اعتذاراً وتبريراً لمشاركتك ( من هذا المنطلق ابت نفسى الا ان اكتب "هكذا" تعليق)..
فانت يا عزيزتى لا تحتاجى لمبرر لحضورك، وكان البوست ما شالك يشيلك الراس وتشيلك العين، ونحن لاقين مداخلاتك القيمة دى وين وابيناها، مرحب بيك عشرة وبلا كشرة..
*(انا وانت وخالد غير مختلفين مبدءاً) تسلمى والحمد لله الذى جمع بيننا على المبدأ العام لاجل الوطن..
*بالتأكيد العترة بتصلح المشية، ومبدأ النقد والنقد الذاتى والمراجعة والاعتراف بوجود المشاكل اتساق مبدئى سليم يستوعب الشفافية فى مضى الخطى الى الامام وتصحيح المسار، لا خلاف فى ذلك، فقد يجب ان يكون النقد لاجل البناء والتقدم خطوة الى الامام تليها خطوات اخر..
اتفق معك فى اهمية سيادة القانون، ونطمع بالتأكيد فى دولة القانون التى تحفظ حقوق الجميع بما فى ذلك النساء..
*( احسان فى ذمتك عاد كان اغلظتى على القول
ترا انا حساسه شديد
ياخ بس بردى نفسك بحسن نيتى والله عالم بيها):
يا سهام ياخى انت فى زول قال ليك أنا شريرة، لا اعتقد! ونفسى ما بقوم الا تقوموا لى جنس المداخلات البتقوم النفس غصباً عنك، عشان كدة وما دام انت ساكنة فى الخرطوم اتمنى اننا ننسق ونتقابل وحارسل ليكى تلفونى رقم فى الخاص..
تسلمى يا حبيبة
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: إحسان عبد العزيز)
|
وليد المبارك
مرحب بيك الف مرة
Quote: ماف انتهاك
اقتنع بي كلامك انت ولابي كلام الله يا دينا
الله قال ده ما انتهاك
ايوه في مشكلة يا دينا ... دي مشكلتكم وعاوزين تحملونا ليها .. وكمان بتقولوا انتهاك وما انتهاك
وكان الزوجة التانية كائن اخر غير النساء .. حور عين مثلا
نحن يا دينا غير مسئولين عن مشكلتكم دي ... ممكن نساعدكم فيها .. لكن ما تحملونا ليها وكاننا نحن الاساباب وانتم الضحايا |
لا الله قال بشرط العدل يعنى لو مافى عدل بكون ده انتهاك..
وقال ليكم تعالى العظيم (وان لم تعدلوا فواحدة)..
وقال ليكم سبحانه ونتوب اليه (ولن تعدلوا)..
يبقى ده انتهاك ولاّ ما انتهاك..
وليد ما تغالط وانت تعلم وكأنك لا تعلم..
تحياتى
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: إحسان عبد العزيز)
|
صديقى محمد سليمان من 0الفيسبوك)
تحياتى ومنور البوست يا رفيق
| Quote: الأستاذة إحسان : في واحد من بوستات زميلتكم (رانية) حكت قصة واحدة من صديقاتها تعرفت على سوداني (متطور) جاي من أمريكا وتطورت العلاقة لكلام عن الزواج قام السوداني الأمريكي (المتطور) قاليها شوفي أنا ما ح اتزوج وحدة ما تعرفت عليها كويس فدحين أنا مؤجر شقة لوحدي تعالي زوريني فيها حتى نتعرف على بعض كويس. البنت صديقة (رانية) عاينت فيهو وقالت ليهو (هي لكن نحن ما أتطورنا قدر ده). كذلك الناشطين والناشطات السودانيات (ما أطوروا) فأعملن على تطوير الناشطات أولآ والسودانيات عموما حتى بعد كده طالبن النساء بعدم قبول الزواج برجل متزوج وطالبن الرجال بعدم الزواج على زوجاتهم. |
صحيح نحن ما اتطورنا قدر دة (قدر القناعة بزوجة واحدة)..
ولكن لابد أن نتطور..
تسلم
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: إحسان عبد العزيز)
|
الاخ عزام حسن من ( الفيسبوك)
تحياتى
| Quote: أي ظلم وغبن بتشعُر بيهو الزوجة البعرِسو فوقا، ده بِكون شعور مُكْتسب مِن المُسْلسلات والأفلام والبيئة، ما أصيل، الأصيل هو عدم تضرُر الزوجة بِالتعدُد، لأن الأباحا لزوجها هي في رقبتا، هو شرع الله وسُنة رسولو، |
والله الا يكون الرضا ده بفرضية انه شرع الله ، غير كدة اتحداك جيب لى مرأة واحدة تكون فرحانه بزواج راجلها..
مجرد كلام نظرى واستهلاكى..
منور البوست يا عزام
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: إحسان عبد العزيز)
|
الاخ عزام حسن من ( الفيسبوك)
تحياتى
| Quote: أي ظلم وغبن بتشعُر بيهو الزوجة البعرِسو فوقا، ده بِكون شعور مُكْتسب مِن المُسْلسلات والأفلام والبيئة، ما أصيل، الأصيل هو عدم تضرُر الزوجة بِالتعدُد، لأن الأباحا لزوجها هي في رقبتا، هو شرع الله وسُنة رسولو، |
والله الا يكون الرضا ده بفرضية انه شرع الله ، غير كدة اتحداك جيب لى مرأة واحدة تكون فرحانه بزواج راجلها..
مجرد كلام نظرى واستهلاكى..
منور البوست يا عزام
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: إحسان عبد العزيز)
|
سلامات
دي مواضيع عامة يجب ان تفصل على حيوات من يكتبون فيها بالجد عايزننا نكتب كتابة بالقيد
لماذا تفسر كل كتابات المرأة على انها تتحدث عن نفسها؟
دا موضوع اعم ونحنا عايزين نكتب فيه بحكم التجارب الشفناها في غيرنا
يعني لو قلت قيد الهوان مافي زول يتسلط ويقول انا بكتب عن نفسي كما حدث في هذا البوست
الموضوع دا موضوع هام جدا لان الانفصام هو ارجل السوداني
لطيفا خارج البيت شريرا داخل البيت مثقفا خارج البيت وعنقالي داخل البيت
مستنير مع نساء الغير وظلامي للطيش مع من يليه من النساء
ومشكلة المرأة السودانية انها ما مكتشفة موضوع الانفصام دا عشان كدا بقع في هذا الشرك
كم من المستنيرات تزوجن من مستنيرين واكتشفوا انهم اكثر من ظلاميين
بعدين موضوع حقوق الانسان والمنظمات دا المفروض النساء يكونن واعيات جدا لما يظنه الزميل والرفيق عنهن
من اكثر حوادثالتحرشات الجنسية تحدث في هذه المنظمات ممن يدعون النشاط في حوقوق الانسان والمرأة
اخبرتني زميلة اثق قيها انه يوما ذهبت الى ورشة عمل مع شخص كان يجول في هذا البورد ويصول
في صف الاكل سالها لو عايزة يجيب ليها بيرة ولا ريد واين؟(فهل يرضى ان يسأل رجل ابنته او زوجته هذا السؤال؟؟؟؟؟
فالرجال البمشوا ورش عمل ديل معاكم ما شايفين فيكم الا عنقريب
فوتوا عليهم الفرص برفضهم وشكوتهم لو ما قادرات تحافظن على حقوقكن كيف تكونن ناشطات
ولذلك يستوجب توعية كل النساء خاصة الشابات الصغيرات الاتي ينشر لهن هؤلاء الشراك وياخذوهن الى ورش وهمية احيانا ويراودوهن عن انفسهمن
وقد يتهجمون عليهن وقد يتعرضن للاغتصاب من الذين ينظرون عن الاغتصاب في مناطق الحروب
وحصل كثير جدا في اماكن كثيرة تفرح البنت بالسفر الى مؤتمر او ورشة لتكتشف انه هذا الشخص اخذها محظية..
واذا رفضت ييمثل عليها دور المحب الولهان ويتزوجها سرا واذا اكتشفت زوجته الاولى يطلقها بعد ان قضى وطره منها
ولذلك نحتاج لتوعية النساء من السقوط في مثل هذه الاحبولات الشيطانية...وعلى الاسر ان تتأكد من كل معلومات السفر لابنتهم وترى الجهة الداعية
خاصة لو كانت شابة صغيرة وما عندها تجارب في الدنيا العجيبة دي..
نظرة واحدة لمراسلات وشكاوى ناس حقوق الانسان تريك حجم المشكلة في وسط هؤلاء.
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: د.نجاة محمود)
|
تسلمى دكتورة نجاة
| Quote: يعني لو قلت قيد الهوان مافي زول يتسلط ويقول انا بكتب عن نفسي كما حدث في هذا البوست |
هو نوع من تحجيم النساء ومحاولات اسكاتهن عن مناقشة قضايا عامة وحساسة تنتهك حقوقهن..
تحويل القضايا العامة الى شخصية هى فغلاً نوع من التسلط وكبح حماح النساء..
ولكن لن يثنينا ذلك عن طرح قضايانا بكل جرأة ولو نسبت الينا بشكل شخصى، ماذا يعيبنا ان كنا صاحبات تجارب شخصسة؟؟؟ !!!!
جرجرة الحوار الى المسائل الشخصية عهد عليها الكثيرون من أعضاء البورد..
نواصل حوارنا على عموميته ونعطى القضية حقها من النقاش علنا نحرك البركة الساكنة زمناً حتى اعتقد الكثيرون أننا غافلات عما يحدث..
Quote: ولذلك نحتاج لتوعية النساء من السقوط في مثل هذه الاحبولات الشيطانية...وعلى الاسر ان تتأكد من كل معلومات السفر لابنتهم وترى الجهة الداعية
خاصة لو كانت شابة صغيرة وما عندها تجارب في الدنيا العجيبة دي.. |
أضم صوتى اليك
لك فائق التقدير والاحترام د.نجاة
تحياتى
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: يحي ابن عوف)
|
| Quote: عليكن باقناع النساء بتبني المبدأ ده وعدم الزواج من رجل متزوج من امراة اخرى عندما يتزوج الرجل ثانية يتزوج من امرأة أخرى وليس من رجل وهي بكامل عقلها وصحتها. |
وكمان يا بن عوف عندما تتزوج المرأة من رجل متزوج وهي التي عندها حق القبول .. فانها تعلم تماما انها تتزوج رجل امراة اخرى
يسون الشي ويوافق عليه .. وعاوزين يحملونا مسئوليته
النساء هن المسئولات عن الزواج الثاني طالما انه حق الموافقة على الزواج عندهن
نحن منحنا حق محاولة الزواج من الثانية والثالثة والرابعة .. وهن منحن حق عدم الموافقة على ذلك .. فليستخدمن حقهن ولا يوافقن .. موش يطالبو الرجال التنازل عن حقهم وكمان يحملهو مسئولية موافقتهن على ان يكن زوجة ثانية وثالثة ورابعة
اول شي اعترفن انو الزواج الثاني مسئولية النساء ..
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: د.نجاة محمود)
|
لك الود والشكر يا استاذة احسان
Quote: *حديثك عن الحرية الجنسية وربطها بالزواج، ولم أفهم ان كنت تقصد أن الدافع للزواج هو الجنس، وهل ذلك فى حالة الزواج الاول ام كل مايليه من صور التعدد؟؟؟
*تبريرك للتعدد بأنه ثقافة، تبرير غير موفق، وحتى لو سلمنا جدلاً بذلك هل من واجبنا كمثقفاتية وناشطين وناشطات الابقاء على الثقافات بعلاتها الى يوم الدين؟؟؟ !!!
|
قلت أن هناك فرق بين ان يفكر مجتمع ما في إطلاق حريات جنسية لأفراده وبين أن يتخذ بشكل واعي أو غير واعي تدابير تضمن لكل هؤلاء الأفراد حق ممارسة الجنس بشكل عفوي ومطمئن وفق منظومته الثقافية كلها
بعض المجتمعات والثقافات تعلي من شأن الحرية الجنسية على اتخاذ هكذا ضمانات
وقلت أن الحقائق والاحصائيات العلمية برهنت على أن عدد الإناث يتفوق على عدد الذكور - حتى لو كانت النسبة متساوية عند الولادة - بمرور السنوات
فمثلا تزيد نسبة الإناث عن نسبة الذكور (الذين هم في الثلاثين أو الاربعين) كثيرا عن نسبتهن في نفس العينة (للذين هم في سن 15 أو 10) سنوات
وهكذا مع كل تقدم في العمر ، وفي كل مجتمعات الدنيا تقريباً ،
هذه الحقيقة فاجأت العلم والعالم في ميادين مختلفة
في إحصاءات الـ sex ratio وفي تأثرها ببعض الملوثات وفي تفوق النساء على الرجال في قدرتهن على مقاومة الكثير من الأمراض وغير ذلك
ونحن لا نوردها هنا لنلزم العالم بتعدد الزوجات
فقط نريد أن نبرهن على أن إلزام العالم بتجريم التعدد وتحريمه لا يستند على علم ولا على مصلحة انسانية واضحة
وبالتالي فإن وضع تعدد الزوجات في قفة واحدة مع ختان الاناث وزواج الاطفال وتكسير اسنانهم باعتباره من الثقافات المحلية الضارة التي يجب التبرؤ منها أمر لا يستقيم عقلا
إذ أن ذلك سيفضي حتما ً إلى وضع يتم فيه حرمان بعض الإناث من حق الزواج وحق ممارسة الجنس بالتالي
اللهم إلا إذا تم إقرار (فصل الجنس عن الزواج ) و إطلاق الحريات الجنسية في كل المجتمعات التي يراد لها أن تحرم تعدد الزوجات كسر رقبة
وبالتالي فان من يتبنون هذا التجريم وهذا التحريم مطالبون بتبني هذا الإطلاق بشكل واضح وصريح ليكونوا منسجمين مع ذواتهم
وبالتالي - أيضا - تكون الثقافة المحلية التي لا ترى في التعدد بأسا ً خالية من أي (علات) وإنما (العلات) موجودة بكثرة في المسارعة بتبني تحريمه على ما فيه من الظلم الانساني الواضح للنساء من حيث المبدأ كما رأينا ومحاولة فرض هذا التحريم على كل شعوب العالم وأفراده من (فوق) ومن (خارج) و ... كسر رقبة
أتمنى أن أكون وفقت في إيضاح وجهة نظري هذه المرة
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: فتحي البحيري)
|
| Quote: اى شروحات ذكرتها أنا وتفيد أن رسولنا الكريم صلوات الله وسلامه عليه وكذا أصحابه (لم يفهموها)، أرجو أن تأتى باقتباس هذه الجزئية التى تركمت بنسبها لشخصى، خاصة وان البوست موجود ولم أجرى تعديل عليه!!! |
يديك العافية يا استاذة
الموضوع ليس بهذه الحساسية
وانا قصدت الاستنتاج المنطقي الذي يستدل به كثيرون
من قوله سبحانه وتعالى (فإن خفتم ألا تعدلوا فواحدة) و قوله تعالى (ولن تعدلوا بين النساء ولو حرصتم)
وبالتالي فان مراد الله هو عدم التعدد
هذا الاستنتاج - إن صح - يجعل قوله سبحانه وتعالى (فانكحوا ما طاب لكم من النساء مثنى وثلاث ورباع) لغوا وزيادة وحشوا لا داعي له في كتاب الله العزيز
ويدخلنا في التناقض وفي الاعتقاد ان رسول الله صلى الله عليه وسلم الذي مارس التعدد واباحه وأجازه لصحابته رضوان الله عليهم لم يفهم مراد الله من القرآن
والأصل ان الله أمرنا لو خفنا من توفير حدود العدل الدنيا أن نكتفي بالواحدة وقال لنا أن العدل المطلق مستحيل .. والحل هو الالتزام بالحد الأدنى و (لا تميلوا كل الميل)
هذا عن النص القرآني الذي اوردته انتي وشروحاتك له ، وهو - بالنسبة لي على الاقل - غير ملزم لمن لا يؤمن به ولمن لا يفهمه او يستوعبه .. فضلا عن كونه غير ملزم لمن لا يرى في الإسلام دينا يناسب قناعاته عن العالم والحق والعدل والخير والجمال حتى ولو نشأ في بيئة اجتماعية إسلامية .. فحرية الاعتقاد - في تقديري المتواضع - أهم وأولى بكثير من محتويات الاعتقادات لأنها المدخل الأكثر صحة وملاءمة لتناولنا لكثير من الموضوعات الشائكة وعلى رأسها موضوعنا هذا .. ومالم نؤسس لحماية حرية الاعتقاد فلن تقوم لحرياتنا وحقوقنا السياسية والاجتماعية والثقافية والاقتصادية و(النوعية !) .. أي قائمة !
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: إحسان عبد العزيز)
|
Quote: هل التعدد ثقافة ملزمة فى المجتمع السودانى!!! لاول مرة أسمع عن ذلك، وان كان كذلك لكان أجيال الاباء والجدود منبوذ فيها من لم يتزوج مثنى وثلاثى ورباعى، اما الانسلاخ عن مهامهم وذواتهم، هل من بين مهامهم التأكيد على أن التعددية الزوجية جزء من ثقافتنا التى يجب المحافظة عليها!!!
جد يا استاذ فتحى أسمع كلاماً غريباً، ومع اختلافى معك لك أكيد إحترامى لرأيك.. |
من الذي قال أن تعدد الزوجات ملزم في المجتمع السوداني ؟
تعدد الزوجات كان ولا زال (مباحا) في المجتمع السوداني وغير محرم وغير مجرّم
النقطة الآن أنكم تريدون أن تنقلوه من حالة الإباحة لحالة التحريم والتجريم
وهذا هو موضوع نقاشنا واختلافنا معكم هنا
هذه الاباحة تجعل معظمنا ثمرة (مباركة) لها ؛ بمعنى أنه قل أن تجد سودانيا ليس ابناً لزوجة ثانية أو ثالثة ، وأمه ليست كذلك ، وأبيه ليس كذلك ، وكذلك جداه وجدتاه المباشرين والمباشرتين ، وإن (مرق) من كل هذه الاحتمالات الـ7 فمن الاستحالة بمكان أن يخرج منها في صعودنا به في جذور شجرة نسبه العائلي ... وعندما ندخل في قناعة هذا السوداني أن الزواج التاني دا حنك بيش ..و(جريمة) فإننا سنكون أدخلنا في روعه أنه بهذا الشكل أوذاك أنه (ثمرة محرّمة) وفي ذلك من الأذى والتشويه النفسي ما فيه ... ولن نستطيع التحكم فيه بمعايير نظرية بعيدة عن حقيقته النفسية وصيروراتها المتجلية على مدار الثانية
أذكر أنني كنت في مناقشة مستفيضة قبل سنوات مع أحد أصدقائي من الشباب المستنيرين وشعرت أنه يرفل في أسى عظيم .. قال لي (يا فتحي .. أنا ود حرام !!) فصعقت لمعرفتي بأسرته و بقى مخي (المدوِّد) يودي ويجيب .. قال لي (أنا اقتنعت انو مسألة انو الراجل ما مفروض يتزوج غير مرة واحدة ) واستطرد (وانا امي هي الزوجة الثانية لابوي .. معناها انا وكل اشقائي .. أولاد حرام ) .. الناس يا استاذة يتحركون في هذا الفضاء النضالي الثقافي السياسي بوجدانهم كله .. ولو كان فعلا ود حرام لأي سبب من الأسباب .. لناقشته في أنه ليس له ذنب في ذلك وأنه يجب أن يستمتع بانسجامه مع نفسه رغم هذا الواقع .. ولكن تسريب قناعة ان الزواج الثاني والثالث جريمة يجعل مثل هؤلاء الشباب يعتقدون أنهم نشأوا في مجتمع (ماذا اسميه لكي ؟ ) ... وسيفقدهم الإحساس بقدسية الكيانات الأسرية التي أوجدتهم .. وسيؤثر عميقا في تماسكهم النفسي بالتالي .. شئنا أم أبينا
نفس هذا الشيء مارسته الثقافة العربية الإسلامية ضد ثقافاتنا المحلية في مجتمعات الهامش السوداني بتجريمها وتحريمها لأنماط الحياة والتزاوج في تلك المجتمعات فتأثر أبناءها أيما تأثر في مسيرات اندماجهم مع الثقافة القومية لبلادهم عبر التعليم والعمل والتنقل والتزاوج إلخ والحديث في هذه النقطة ذو شجون كثيرة
الانسلاخ قصدت به ان تجعلوا هؤلاء الناشطين والناشطين منفصلين عن ذواتهم الثقافية بنحو مثل هذا ، مقصيين عن ذاتهم الوطنية الجمعية
مشكلتنا دائما يا استاذة اننا بنقعد 17 مثقفاتي ومثقفاتية وننظر وننداح .. ونتخيل أن الكونكلوشن بتاعة الاندياح والتنظير دا هي خلاصة المجتمع السوداني
او بالكتير بنعتقد انو مجتمعات المدن الكبيرة مثلا هي المجتمع السوداني
سكان الريف لا يزالوا أكثر من سكان المدن التي (تريفت) هي الأخرى
ونسبة الاميين ماشة زايدة ... ما ناقصة
ومعظم المتعلمين - مجازا - هم الان خارج السياق الافتراضي لكونهم متعلمين
هناك عدد لا يستهان به من الفتيات والنساء .. قولي من عمر 14 لي 70 سنة يقضين أربعة اخماس الوكت (والعمر ؛ بالتالي ) خارج بيوتهن
في أقسى ظروف وبيئات عمل (إن وجد لهن أصلا عمل ) بمكن أن تتخيليها أو اتخيلها
في (ما يسمى مجازا) مصانع وفي كل الورديات ... ختى خط تحت كل الورديات دي ..
في الأسواق ، وفي الأسواق الشعبية تحديدا وختى سبعمية خط تحت شعبية دي
حايمات في الشوارع يبيعن مناديل وفول وتسالي وعيش ريف وحلاوة سمسمية
قاعدات في الحر يبيعن شاي وقهوة ودكوة وخضروات وكسرة والخ
دا في المدن
الوضع يملك الوانه الاشد توهجا انسانيا في المناطق الريفية والبدوية
ولما تصلي لاماكن النزاعات ... ادى ربك .. الحَزَنْ!
تعالي راجعة للمدن في حبوبات بتاعات سلسيون !
عارفة يعني شنو حبوبات بتاعات سلسيون ؟
يعني زولة كان عمرا 3 سنة في المجاري
قعدت 10 سنة تاني ولدت بتها في المجاري
وبعد 12 سنة بتها ولدت ولد او بت في المجاري
سيبك من دا كلو
اطلعي بالسلم فوق شوية
في خريجات ثانوي ودبلومات وجامعة بالهبل
مالاقيات شغل ... وما لاقيات أي حاجة
المرة دي ختي خطوط تحت أي حاجة دي .. قدر ما تقدري .. مليون خط ... مليار خط حتى
ما لاقيات شغل
ما لاقيات أم أو أبو أو حق تذكرة يرجعن لي الحلة حتى
ما لاقيات قطور
عارفة يعني شنو انو زول يصبح الليلة ما لاقي فطور
بكرة برضو
وبعدو
و12 يوم وشهر وشهرين و3
فطور ماف ؟؟؟
إذا كان طلب الفول أو الكسرة بالويكة ممكن يكون بي 5ج
فطلب الحاجة ديك الممكن بعدها الراجل يكفيهو إنو يستحمى ويمشي يصلي عادي
والبت بتكون بعدها ما عندها حق في أم ولا أبو ولا بيت ولا أي حاجة (إن وجد أيا منها )
ممكن يكون بجنيه واحد
أو أقل من جنيه
متخيلة ؟؟؟؟؟؟؟؟؟؟؟؟؟؟؟؟
أوكي
حاتجي تقولي لي دا كلو علاقتو شنو بموضوعنا
وأنا أقول ليك
في 1857 أو في 1908 أو أيا كان تاريخ البداية
لما النسوان مرقن في مظاهرات كان المطلب واااااضح : حقوق اقتصادية
أجر عمل مجزي يوازي تعب العمل او سد الرمق او اجر الرجل
ظروف وبيئة عمل انسانية (شفتي العلاقة هنا )
حتى جا لاحقاً مطلب الحقوق السياسية للمرأة
ثم بعد تطورات وتطورات فكرت النساء في الجندر والمساواة في النوع
ودا كلو ما عندنا عليهو اعترض من حيث المبدأ
ولا ولن نساوم او ننافق احد حياله
ومن ضمن الاستطرادات كان : تجريم وتحريم تعدد الزوجات
و(محاولات !) فرض هذا التجريم والتحريم على كل المجتمعات والثقافات
ونحن متمسكين بحقنا البديهي في اننا نلتزم كشعوب وكثقافات (أخرى) بهذا الاستطراد .. عن اقتناع
وهذا الاقتناع يتعين عليه أن يمر بهذه الاختبارات - الأسئلة على الأقل :
1- هل هو مصلحة فعلية وحقيقية للمرأة من حيث هي كنوع ؟
2- ألا يمثل انتهاكا صريحا لاحترام وحماية حرية الاعتقاد (لان هناك من النساء والرجال من يربط ربطا وثيقا بين اعتقاده - مجرد الاعتقاد - بجواز تعدد الزوجات وبين أصل دينه وعقيدته وتدينه )
3- الا يمثل انتهاكا لاحترام ثقافات الشعوب المحلية والأصلية (مقروءا مع 1 طبعا .. عشان ما تجي ديناخالد ناطة وتقولي شلوخ وختان ووشم وزواج أطفال !!)
هذه هي الاختبارات أو الاسئلة الضروية اللي فشلت محاولات فرض (حجاب!) تحريم تعدد الزوجات وتجريمه من العبور خلالها ... حتى إشعار آخر
وفوق ذلك
وعلى فرض انو صاح
في ذمتك يا إحسان
وفي ذمتك يا أي زول
واقع المرأة السودانية - وفي أغلب دول العالم الثالث - اللي دا شكلو
لو جبنا رئيصة المظاهرة النسوية الطلعت في 1857 أو 1908
وقنا ليها بناتنا ونسوانا شكلهن عامل كدا
وفي (جهات ) دايرة تفرض عليهن جندر إكوالتي من فوق ومن خارج وكسر رقبة
دون ترتيب لتدابير لحماية حقوقهن في الوجود والحياة والعمل والتعليم والسكن والجنس والمشاركة السياسية والخ
تفتكري يا استاذة احسان الرئيصة دي حا تلطش دينا خالد دي كف ... في خدها اليمين ... ولا (اليسار!!!)
خالص الود والاحترام
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: فتحي البحيري)
|
سلام يا استاذة احسان وضيوفها
يافتحي يابحيري
في مداخلتك في الصفحة الاولى كنت ماشي كويس(مع التحفظ على رايك في الدين)
وفي نهايتا نقضت كلامك انكاثا وقلت
Quote:
ولنقل لم يصل إليه تطور مجتمعهم الذي يتطلب منهم الصدق في نضالهم لأجل كل حريات وحقوق كل أهله الأساسية
على الأقل
|
منو القال انو الاتجاه نحو حال الغرب(ثقافة) هو اتجاه نحو التطور
ونقول هل الكلام داQuote: مصدق ومنزل من قبل المعمل البيولوجي أو الفسيولوجي أو السيكولوجي أو حتى السيوسولوجي
|
سلام يادينا
الزول البقرا كلامك دا
Quote:
معلوم ان منظومة مواثيق الحقوق التى توصل لها العالم شكلت
خلاصات انسانية محضة تسمو على الثقافات واختلافاتها ..
عنت بالجانب الانسانى للانسان وكينونته بوصفه انسان متى ما وجد ووين ما كان ..
التحايل على المنظومة دى بالثقافات القايمه على انتهاك تلك الحقوق لا يجدى ...
واساسا اساسا الناس دى ارتضت النشاط فى تثبيت تلك الحقوق بعيدا عن دعاوى
الخصوصية لانو اى كلام عن خصوصية هو تقييد لتلك الحقوق فى اطارها الكامل
|
بجيو احساس انو الانسانية دي مفصلة على مقاس الغرب
والقول في انسانيتو ومشاكلو وحلولو ماقالته المعامل الراسمالية الغربية
قادر افهم انو التاريخ بكتبو المنتصر
لكن ماقادر افهم اقلام كتيرة هنامعانا ولامع التانين(والكلام عن ماوراء الحقوق الاساسية)
وكلامك هنا
Quote:
على كدا نقدر نقول الختان ثقافة .. مش؟؟
نقدر نقول زواج الصغيرة ثقافة .. زحوا منو ...
نقدر نقول التعدد ثقافة .. والانتهاكات على اجساد الاطفال بخلع اسنانهم الامامية ثقافة
وهكذا تستمر الانتهاكات بصورها المختلفة تحت دعاوى ثقافات الشعوب المختلفة ...
يا بحيرى فى خلاصات انسانية توصل ليها العالم متمثلة فى تلك المواثيق
لا مجال للتراجع عنها اواعادة تفصيلها بمقاساتنا المختلفة .. نو واييييييي ..
|
الكلام دا بذكرني بالقصة دي
Quote:
تقدمت الولايات المتحدة الأمريكية بمشروع قرار (Draft resolution) تحت عنوان: "القضاء على وفيات الأمهات واعتلالهن عن طريق تمكين المرأة" (Eliminating maternal mortality and morbidity through the empowerment of women)، والذي طالبت فيه الولايات المتحدة بتعليم الجنس للمراهقين، وإتاحة وسائل منع الحمل لهم، وإباحة الإجهاض، وتجريم الزواج المبكر مع تقنين العلاقات الجنسية بين المراهقين واعتبارها من حقوق الإنسان، ومن ثم فالمضمون لا يعبر عن العنوان.. وإنما العنوان هو وسيلة لإحراج الوفود المشاركة.. حيث أخبرتها مندوبة إحدى الدول الاسلامية المشاركة بأنها تجد حرجا شديدا في الاعتراض على ورقة تحمل عنوان "القضاء على وفيات الأمهات واعتلالهن عن طريق تمكين المرأة" فهذا يعطي سمعة سيئة لبلدها!! ومع الضغوط التي مارستها الولايات المتحدة على الحكومات، تم اعتماد مشروع القرار مع قليل من التعديلات، وإن كان المضمون لا زال موجودا كما هو.
|
ودمتم بخير
---------------------------------------------------
الدغري مافي زيو
Quote:
يقول الأُستـاذ مصباح عبد الباقي أكاديمي أفغاني :- ( لقد أُرسلت 9 فتيـات أفغانيـات إلى أمريكـا لتشكيل
فريق كرة قدم نسائي أفغاني وقد أصرت أمريكا إصرارا شديدا على هذا الأمر وسيتم تدريبهن وفحصهن طبيـا
وسيلتقين بعدها بعدد من مسئولي الرياضة بأمريكـا في انتظارهن .. لكن المدهش أنه إلى الآن لا يوجد فريق
كرة قدم للرجـال ولم يهتم أحد بذلك وهذا مدعاة لعجب لا ينتهي مادامت في الناس عقـول )
|
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: إحسان عبد العزيز)
|
الصديق العزيز يحى ابن عوف
اولاً كل الشكر لسلامك الطيب وترحيباتك الجميلة، سعيدت كثيراً بحضورك الانيق..
وضعت يا يحى عدد من التبريرات لزواج الرجل باخرى فضلاً عن طلاقها..
وماذا عن نساء ارتضن مرض الزوج وعقمه ونكده وبلاويه!!!
ولماذا يبحث الرجل دوماً عن مبرر لزواجه مثنى وثلاث ورباع ولطلاقه ولكل ما يفعله بالنساء!!!
| Quote: عليكن باقناع النساء بتبني المبدأ ده وعدم الزواج من رجل متزوج من امراة اخرى عندما يتزوج الرجل ثانية يتزوج من امرأة أخرى وليس من رجل وهي بكامل عقلها وصحتها. |
يعنى يا يحى يا عزيزى اتفقت مع الصديق محمد المبارك فى تحميل النساء المسئولية!!!
المسئولية يا عزيزى مشتركة عشان كدة من الاول أنا قلت (للناشطين والناشطات)..
ألف شكر لحضورك ورأيك..
تحياتى
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: إحسان عبد العزيز)
|
| Quote: عليكن باقناع النساء بتبني المبدأ ده وعدم الزواج من رجل متزوج من امراة اخرى عندما يتزوج الرجل ثانية يتزوج من امرأة أخرى وليس من رجل وهي بكامل عقلها وصحتها. |
وليد المبارك تحياتى
شايفة كلام يحى ابن عوف وقع ليك فى جرح وتطابق مع رأيك..
لكن والله يا وليد لو اتلملموا رجال المنبر ديل كلهم واتفقوا معاك ده ما حيغير من انه المسئولية الاولى واقعة عليكم، ولما الواحدة بتزوج راجل مرة ما قاعدة تمشى تخطبو من أهله ولا من مرته، وياريت لو كانت الخطبة بتم عن طريق الزوجات كنا لقينا ليها بصيرة، فى الغالب الخطبة والزواج بتموا من وراء الزوجة ، ده عدل ده يا ود المبارك!!!
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: إحسان عبد العزيز)
|
دكتورة نجاة
صدقتى والله..
Quote: الوفاء يا يحى ما تبحث عنه المرأة اسع لو هو مريض يحق للمرأة تركه
الكلام عن ناس شديدين ولضيضين وززجاتهم سمحات لكن هم
بلاقو واحدات ناشطات ويقعوا في حبهن او يتوهموا ذلك ويتخذوهم زوجات |
ودة فى الغالب يا دكتورة وفى معظم زيجات الناشطات بازواج اخريات..
Quote: مثلا الكوزات مرة عندهم حملة اسمها ذي النورين وهي ان تبحث المرأة لزوجها عن زوجة
عشان يحاربو العنوسة يعني دي حركة ما مستغربة من كوزات ولكن مستغربة جدا
لما ناشطة في حقوق المرأة تزوج راجل مرة النشاط ليها شنو نان؟!! |
فى حالة الكوزات فعلاً غير مستغرب حسب أفكارهم، لكن الكلام على المجعجعاتية بحقوق المرأة وحقوق الطفل وما الى ذلك من تجارة مفاهيم ومواثيق حقوق انسان..
لك التحية
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: إحسان عبد العزيز)
|
فتحى البحيرى
تحياتى
Quote: إذ أن ذلك سيفضي حتما ً إلى وضع يتم فيه حرمان بعض الإناث من حق الزواج وحق ممارسة الجنس بالتالي
اللهم إلا إذا تم إقرار (فصل الجنس عن الزواج ) و إطلاق الحريات الجنسية في كل المجتمعات التي يراد لها أن تحرم تعدد الزوجات كسر رقبة |
جد منطق غريب من ناشط حقوقى يبرر تعدد الزوجات بحجة حل مشكلة العنوسة لزيادة نسبة الاناث عن الذكور!!!
وتزيد الطين بلة يا فتحى بان تضعنا بين قوسين، اما نقر بتعدد الزوجات واما نقر باطلاق الحريات الجنسية فى كل المجتمعات!!!
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: إحسان عبد العزيز)
|
| Quote: ومالم نؤسس لحماية حرية الاعتقاد فلن تقوم لحرياتنا وحقوقنا السياسية والاجتماعية والثقافية والاقتصادية و(النوعية !) .. أي قائمة ! |
فتحى البحيرى
عندما تناولنا الايات الكريمات كدليل لايماننا بما أنزل فى القرأن الكريم، فعلنا ذلك باعتبارنا مسلمون مع اشارتنا المذكورة لحقوق غير المسلمين..
ولا أعتقد ان هناك اسباب تدعو لخوضك فى مسألة حرية الاعتقاد هنا باعتبارها مبدأ مسلم به ولا يوجد ما يشير الى الاختلاف حوله، وكمسلمة لدىّ الحق فى الاستدلال بما اراه من ايات تعضد راىّ حول اى موضوع مطروح دون ان يمس ذلك بقية معتقدات الاخرين من قريب او بعيد..
!!!!!!!!!!!!!!!!!!!!!
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: إحسان عبد العزيز)
|
وليد المبارك
مرحبتين يا صديق
| Quote: كلمة موافقة منها هي التي تحدد هل سيتزوج الرجل بامراتين ام لا |
يعنى دايرنا نعمل شنو!!! نجيب مقص ونقطع اللسان البقول ( موافقة ) ده ولاً شنو!!!
اقول ليك..
نقطع اللسان البقول (تتجوزينى) وبكدة نكون قضينا على السؤال من قبل ما يطلع فتصبح لا إجابة بــ (موافقة) من الاساس ههههههههههههههههههه ارتحت يا ود المبارك!!! خلينا نخلق مدينة بلا السنة..
غايتو جنس عكلتك دى تعمينى!!!!!!!!!!!!
تسلم يا خوى ويسلم لسانك من القص
تحياتى
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: إحسان عبد العزيز)
|
| Quote: أنا نسْواني عايشات في بيت وااااحد ونحنا (أنا/النسوان/الأولاد) في غاية السعادة والسُرور، وعاملات جدَول لأعمال البيت ورِعاية الأبناء وكُل يوم جمعة أو سبت (الإجازة الإسبوعِية) بمرُقن حديقة عامة بالأولاد، وبنشرب يوماتي جبنه العصرِية سوا سوا وبنختِما بدنْدنه على العود، وفيهِن -أي نسواني- إتْنين خريجات جامعة، شُفْتي كيف إنو كلامِك [نظري وإسْتهلاكي] |
عزام حسن
تحياتى
يا اخوى هنيالك وعينى باردة عليك وعلى نسوانك..
كان ستات الشى راضيات شن دخل المحاميات (على راى المثل.. كان سيد الشى راضى شن دخل القاضى)
تسلم
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: إحسان عبد العزيز)
|
Quote: نحن لا نتزوج نساء متزوجات من رجال .. يعني لا نخون ابناء جنسنا
انتن من تخن بنات جنسكن وتتزوجن رجالهن |
والله يا وليد.. متجدع هنا بس بى فرمالة واحدة :)
البتزوج في مرته خان رفيقة دربه وعياله اولا..
وهو المفروض ومتوقع ان يكون أحرص عليهم من المرأة الأخرى لأنه دي أسرته الانتجها
المسؤولية مشتركة كما قالت ست البوست..
لكن جرم الرجل - وغباه- اكبر
____
ازيك يا احسان..
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: نجوان)
|
Quote: والله يا وليد.. متجدع هنا بس بى فرمالة واحدة :)
البتزوج في مرته خان رفيقة دربه وعياله اولا..
وهو المفروض ومتوقع ان يكون أحرص عليهم من المرأة الأخرى لأنه دي أسرته الانتجها
المسؤولية مشتركة كما قالت ست البوست..
لكن جرم الرجل - وغباه- اكبر |
جنس تجدع هو يا نجوان
انت عارفة كلامك ده انا كان ممكن اقبله واناقشو لولا ( حسب الجندر ) الفي اخر العنوان
وكلامك الاخير عن جرم الرجل وغباه
كده انتو خليتوها منافسة جندرية
عشان كده انا ما بشتغل بي كلامك عن خيانة الرفيق .. ما الموضوع جندرة وكده
ولا بقبل ولا بعترف اجرام و غباء الرجل بالعكس
طالما انو الحكاية جندرة
نحن في صف وانتو في صف
ونشوف ..!
هل نحن في صفنا في زول بعرس في عرس نوعه ؟
لا طبعا
انت في صفكن كيف ؟
عرفتي منو المجرم ومنو الغبيان
تعرسن الرجال وتقبلن ان تكون الثانية والثالثة والرابعة
ثم تخرخرن
!!!!!!!!!!!!!!!!!!!!!!!
هسع بالحسابات دي .. كلامك يعتبر ربع صوت النساء المتزوجات والمدبل فيهن
ما جبتو لينا رائي الثانية والثالثة والرابعة
ولا ديك ما نسوان ويسمع رائيهن ؟!
| |
|
|
|
|
|
|
|
|
 Re: للناشطين والناشطات: زواج راجل المرة آلا ينتهك حقوق المرأة حسب الجن (Re: وليد محمد المبارك)
|
تحياتي إحسان ...
وشنو يا أختي شبكتي في الآية (ولن تستطيعوا أن تعدلوا بين النساء ولو حرصتم) وكأنّك عايزة توحي بإنو تعدد الزوجات لا يجوز !!!
معليش على الأسلوب .. بس بتلتّي وتعجني فيها عشان تصلي لي شنو ؟ خلّيك واضحة .. فهل تحرّم الآية تعدد الزوجات ؟
وهو العدل دا إلاّ يكون مع أكثر من زوجة ...
ما مرّات بتكون زوجة واحدة بس وبرضو الواحد ما بيعدل في حقّها وبيظلمها كتير ...
بل مرّات الواحد بيظلم نفسو بي نفسو فما بالك من إنّو يظلم شخص تاني ...
| |
|
|
|
|
|
|
|
|
 Re: للناشطين والناشطات: زواج راجل المرة آلا ينتهك حقوق المرأة حسب الجن (Re: نجوان)
|
Quote: ههههه..
تعرف، ولا ما في داعي..
لن افسد عليك فرحتك ونطيطك هنا يا وليد عشان قريت ليك مداخلة رائعة في بوست مجاور.. |
لا تستطيعي يا نجوان ان تفسدي فرحتي ونطيتي
لا هنا ولا في اي مكان اخر
اما مداخلتي الرائعة فهذه هي قناعتي كما ان قناعتي ان الزواج من الزوجة التانية مسئوليته الاولى تقع على الزوجة الثانية التي ارتضت ان تتزوج فوق بينات جنسها
| |
|
|
|
|
|
|
|
|
|
Re: للناشطين والناشطات: زواج راجل المرة آلا ينتهك حقوق المرأة حسب الجن (Re: رانيه محمد الشيخ)
|
| Quote: هسع بقن عندي اربعة شهادات منcoursera وهسع شغال في دورتين مع بعض |
لكن وحات الله يا وليد المبارك الشهادات ديل كلهن موصن واشرب مويتن لانك طلعت من الكورس ده كله بدرس واحد بس وشابكنا فى كل المداخلات (انتن اقنعن النسوان يقولن ما موافقات، انتن البترضن بعرس راجل المرة، انتن كان ابيتن تعرسن راجل المرة الراجل ما كان عرس مثنى وثلاث ورباع ، انتن البترضن الراجل ذنبه شنو زززززززززززززززززززززززز الخ
ما قلت ليك مرقت بدرس فرد واحد
| |
|
|
|
|
|
|
| |
إحسان عبد العزيز
برير اسماعيل يوسف
حليمة محمد عبد الرحمن
دينا خالد
Tragie Mustafa
مجاهد محمد الهادي
ASHRAF MUSTAFA
أيمن محمود
Afraa Sanad
خالد العبيد
الطيب رحمه قريمان
Kabar
فتحي البحيري
Siham Elmugammar
الطيب شيقوق
يحي ابن عوف
مجدى محمد عبد الله
نجوان
Mohamed E. Seliaman
فيس بوك
تويتر
انستقرام
يوتيوب
بنتيريست