معاناة المغترب/ة في الحصول على زوجـــــ/ة

مرحبا Guest
اخر زيارك لك: 03-28-2024, 08:26 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الاول للعام 2013م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
01-22-2013, 03:14 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
معاناة المغترب/ة في الحصول على زوجـــــ/ة

    معاناة مستمرة ومتجددة
    يواجه الكثير من المغتربين/ات معاناة شديدة في الحصول على زوجـ/ة
    ليس لعيب فيهم ولكن لعدم وجود المساحة والزمن الكافيين لإنجاز المشروع الحضاري (الزواج)
    فالمغتربين اجازاتهم قصيرة وبها الكثير من المهام
    التي تتطلب من المغترب انجازها في وقت قصير
    هي فترة الاجازة القصيرة التي يقضيها المغترب هناك
    أهمها المجاملات الاجتماعية فغالباً ما تبدأ اجازة المغترب
    ب 3 أيام للضيفة تطول أو تقصر حسب ظروف المغترب
    ثم تاتي فترة تعزية اقربائه واصدقائه وجيرانه واهله الذين لديهم بكيات
    خلال فترة تواجده بالخارج وهو واجب حتمي عليه أدائه
    وإلا فاللوم سيكون نصيبه
    يتبعها فترة الاجراءات التي تأخذ منه يومين خصماً من اجازته
    فتقصر المساحة والزمن اللازمين لانجاز المشروع الحضاري
    ..
    ..


    ___
    يتبع
                  

01-22-2013, 03:36 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: الامين موسى البشاري)

    المغترب الذي يأتي من السودان وهو مرتبط/ة تكون مهمته أسهل بالتأكيد
    أما الزول/ة البكون ماشي يفتش لعروســ/ة
    بتكون مشكلته عويصة شديد وسوف يقضي نصف اجازته في الترشيحات
    ثم تقليص الترشيحات الى قائمة قصيرة (شورت لست)
    معظم المغتربين يتزوج عبر مشاهدة الصور/ة للمرشحـ/ة
    بدون الدخول في تفاصيل كثيرة فيكون معياره الشكل فقط
    وما ينقله له اهله من انطباعات حول زوجـ/ة المستقبل
    وهذه الانطباعات قد لا تكون صحيحة في المطلق ..

    ...
    ...


    __
    يتبع
                  

01-22-2013, 03:38 PM

ناصر حسين محمد
<aناصر حسين محمد
تاريخ التسجيل: 01-09-2013
مجموع المشاركات: 5233

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: الامين موسى البشاري)

    تحياتي ياجاري ،،
    جيب من جوه بالله
    وحاول اتطرق للزواج عبر الانترنت ( هو منتشر جدا بالمناسبة )




    البوست بتاعك ده ( جوه القووون )
                  

01-22-2013, 03:41 PM

عادل الباهي عبدالرازق
<aعادل الباهي عبدالرازق
تاريخ التسجيل: 10-18-2010
مجموع المشاركات: 4905

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: الامين موسى البشاري)

    ود البشاري سلام

    أيوة دا نوع البوستات البينفع الناس وتذهب بوستات السياسة جفا

    لقد هرمنا لقد هرمنا


    هاديء قعدة ولمن ترفعوا التوصيات خلونا نجهز الشيلة ههههه
                  

01-22-2013, 03:57 PM

ناصر حسين محمد
<aناصر حسين محمد
تاريخ التسجيل: 01-09-2013
مجموع المشاركات: 5233

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: عادل الباهي عبدالرازق)

    Quote: هاديء قعدة ولمن ترفعوا التوصيات خلونا نجهز الشيلة ههههه



    قعده ساي ،،
    النشوف اخرتا ،،
    لكن بتاع الانترنت مافيه شيلة ،،


    حسب علمي وتجربة صديق ،،
    رسالة رسالتين
    وعايز اشوفك
    وعايزا اشوفك
    كويس
    نتلاقى في ...................
    ظابط كلوا تمام
    اصل البيت واكتب ،،
    واطبق مرتك واتخارج على اقرب فندق
    بعد يومين ثلاثه غشوه لاقرب مول وكم فستان وووهلمجراء
    والموضوع خلّص
                  

01-22-2013, 03:56 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: الامين موسى البشاري)

    خلوني ابدأ بحكاية الصور دي واحكي ليكم الحكاية دي
    قالوا في مغترب عايز يتزوج وعندو اجازة قصيرة
    اها ماف طريقة الا يرسلوا ليهو صور
    صاحبنا بعد فترة كدي بقى عنده البوم صور
    المهم صاحبنا اتوكل على الله واختار احلى واحدة في الالبوم
    ومشى السودان في الاجازة وفي يوم حفلة الزفاف
    شاف ليهو واحدة احلى من مرتو والغريبة كانت بتتونس مع اخواته
    المهم اثناء الحفلة بقى مركز ليك فيها
    وفي جولة من التبشير على المعازيم كما هي العادة
    العريس قصد ليك البنت الحلوة العجبتو دي وطبعا عايز يقول ليها
    ابشـــري كما جرت العادة في التبشير
    اها لما وصل عندها ومن الخلعة الهو فيها بدل ما يقول ليها ابشري
    قام قال ليها (ويده مرفوعة بالتبشير):
    مالك ما اتصورتي
    مالك ما اتصورتي
    مالك ما اتصورتي
                  

01-22-2013, 04:04 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: الامين موسى البشاري)

    ناصر جاري ،،
    وعادل الباهي صاحبي ،،

    تحياتي يا شباب والبوست بوستكم
    قاعد اكتب من المكتب وفي دوشه كتيرة خلاص
    المهم احتياطي كدا البوست بوستكم واخدوا راحتكم بالكامل لغاية ما ارجع ليكم

    كونوا بخير

    (عدل بواسطة الامين موسى البشاري on 01-22-2013, 05:57 PM)

                  

01-22-2013, 04:19 PM

عمران حسن صالح
<aعمران حسن صالح
تاريخ التسجيل: 11-26-2004
مجموع المشاركات: 10159

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: الامين موسى البشاري)

    ده شهراً ما عندنا ليهو نفقة
                  

01-22-2013, 04:25 PM

Hussein Mallasi
<aHussein Mallasi
تاريخ التسجيل: 09-28-2003
مجموع المشاركات: 26230

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: عمران حسن صالح)

    فعلاً مشكلة عويصة ولا يعلم فداحتها إلا من كابدها.
                  

01-22-2013, 10:15 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: Hussein Mallasi)

    Quote: فعلاً مشكلة عويصة ولا يعلم فداحتها إلا من كابدها.


    صدقت يا ملاسي

    فهي أم المشاكل للمغترب/ة وساتطرق لذلك بالتفصيل إن شاء الله
    مرة واحد مغترب سألوه وقالوا ليهو مواصفاتك شنو؟
    قال ليهم: واحدة بيضاء لونها فاتح وشعرها طويل
    فكان الرد: إن كانت هذه مواصفاتك فعليك بمذيعات النيل الأزرق
    الملاحظ أن المغترب يركز على المظهر بصورة كبيرة
    وطبعاً قصة انو يتعرف على الزوجة أو الخطيبة ويدرسها
    دي ما متوفرة لقصر اجازته وعدم خبرته

    تحياتي
                  

01-22-2013, 04:30 PM

شهاب الفاتح عثمان
<aشهاب الفاتح عثمان
تاريخ التسجيل: 08-28-2006
مجموع المشاركات: 11937

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: عمران حسن صالح)


    كلنا ذلك الرجل ,

    الاختيار صعوبة من نار !,,

    اللهم يسر امرنا واحلل قيدنا , ومتن يدنا :)
    اللهم امين


    ______________________________________________________
    ليتهم يعلمون ان عمر اللحظـه في بعـدك يا خـرطـوم سنين طـوال
    د شهـاب الفاتح ـ كوالالمبـور
                  

01-22-2013, 04:34 PM

درديري كباشي

تاريخ التسجيل: 01-08-2013
مجموع المشاركات: 3211

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: شهاب الفاتح عثمان)

    سلام يا امينو

    هي مشكلة عانت منها الاجيال القادمة

    لكن ما تنسى المغتربين بفوا زي الجوالات

    الجيل الرابع والجيل الثالث

    قبل فترة حضرنا زواج من الجيل الثالث

    وهم اولاد مغتربين درسوا مع بعض

    اتخرجوا

    ارتبطوا

    اتزوجوا

    وهاك يا افراح افراح
                  

01-22-2013, 04:52 PM

ناصر حسين محمد
<aناصر حسين محمد
تاريخ التسجيل: 01-09-2013
مجموع المشاركات: 5233

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: درديري كباشي)

    يا جار وكل المتداخلين تحياتي ،،
    بمعايشة ثلاثة مواقع (مع صديقي الذي تزوج زواج انترنيتي )
    الشغلانية والله جادة للغاية ،،،
    وتكاد تكون الوسيلة الاولى للزواج بالذات للبنات المغتربات بره الوطن ،،،
    مع ظهور التقنيات الحديثه الصور بقت ما مضمونة
    وبعدين قصة الاختيار بالاهل زمان كانت متيسرة لسهولة معرفة (البنت ) والفيها والعليها
    اما الان لا اعتقد لقلة التواصل الاجتماعي ولاندياح الاناث في سوق العمل ،،،


    ولطغيان عنصر المادة ،،،
    عندما تحدثت مع صديقي المتزوج اعلاه
    كان يبحث عن عاملة وبرر طلبه بان طموحه في انجاب وتربية وتعليم الاولاد عالي مما يتطلب سند قوي ووجد ضالته في الانترنت
    فتاه وجميلة ومهذبه و( مريشه )
                  

01-22-2013, 05:04 PM

عادل الباهي عبدالرازق
<aعادل الباهي عبدالرازق
تاريخ التسجيل: 10-18-2010
مجموع المشاركات: 4905

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: درديري كباشي)

    Quote: اليك صاحبنا يالبشاري نزل المطار اها رفيقو الجنبو في الكرسي
    جوهو بنوت حلوات يستقبلنو قام شاف ليو واحده كده شديد شده لامن بي
    غادي قام طوالي زكاهم ليك عرف بيتم والاسبوع التاني اتعارفو التالت
    افراح افراح الخاتيها بي الجنبه دي في العرس اهل البت ماشاء الله عيني
    بارده كلهم يقولن ياليل ما اطولك الادوها ليو دي سنترليق على قولت الباهي
    ان شاء الله تقع ليو فصحبك العريس كلما تجيو واحده تسلم عليو تبارك ليو
    يقوليها يومتا مالك ماجيتي المطار يومتا ماليك ماجيتي المطار
    لي ماجيتي المطار كااااااااااااااااااااااااك اوعه من المطار
    بتتموسرو برضو الخلع الجيران وتشاهد غدا ياباهي اقع البلد بالروري لاجوه

    هههههه

    ياحامد بدري عندنا صاحبنا ذهب السودان ورجع ونحن بنشاهد في حفل الزفاف
    عندنا صاحبنا كدة متسرع ومتقلب الاراء وعندو إسهال عاطفي عديل كدة كل
    مايشوف ليهو بنت بيقول عاوز يتزوجها ، ونحن بنشاهد شاف ليك بنت ناس
    وطوالي الكواريك رقدت بس دي البنت الحتشاركني في بقية حياتي وسأل صاحبنا
    بتعرف البنت دي ؟ قال ليهو لا لكن بكره بسأل ليك زوجتي في السودان أو نسيبتي
    إخلاص . صاحبنا من كثرة ما متضايق قال ليهو لالا هاك دا تلفوني تضرب لخالتي
    إخلاص هسع . المهم صاحبنا ضرب لنسيبتو في باقي الليل داك وعرفوا البنت بنت
    الجيران ، حلف التلفون ماينقفل الا إخلاص تمشي تكلم البنت وأمها ، نحن مساهرين
    في خطوبة الجن حتي منتصف الليل وبعد كم يوم البنت قابلتوا في الاسكاي بي
    من شافا طوالي قفل الاسكاي بي ونطا من موضوع الخطوبة دخل ليك صاحبنا ونسيبتوا
    في إضافرهم لمن مشينا نتكلم معاهو قال لينا ياناس هوي البنت مصلعة والله صلعتا
    زي صلعة الطاهر مالك ولمن شفتها في شريط الزفاف إحتمال كانت لابسا باروكة ، أنا
    إبيت ماعاوز أعرس العاوزا يمشي يتزوجا هههههههه .
                  

01-22-2013, 05:31 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: عادل الباهي عبدالرازق)

    بوست كله محركة
                  

01-22-2013, 06:04 PM

احمد حمودى
<aاحمد حمودى
تاريخ التسجيل: 01-11-2013
مجموع المشاركات: 4364

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: طارق جبريل)

    البشارى تحياتى
    عشان تقضى واجب العزاء بس فى الخرطوم عاوز ليك 7 يوم
    وعاوز لك 3 يوم فى الضهارى لان الموت بقى بالجملة
                  

01-22-2013, 10:01 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: احمد حمودى)

    Quote: جيب من جوه بالله


    ناصر

    سلام يا حبيب واصبر لي التقيل جاي ورا
    بالجد معاناة شديدة يلاقيها المغتربين في هذه الحته بالذات


    تحياتي
                  

01-22-2013, 10:05 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: الامين موسى البشاري)

    Quote: أيوة دا نوع البوستات البينفع الناس وتذهب بوستات السياسة جفا

    لقد هرمنا لقد هرمنا


    هاديء قعدة ولمن ترفعوا التوصيات خلونا نجهز الشيلة ههههه


    هههههههههه شكلو البوست دا وقع ليك في جرح يا عادل
    غايتو اصبر شوف التوصيات واتبع خارطة الطريق التي يرسمها البوست

    كن بخير
                  

01-22-2013, 10:32 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: طارق جبريل)

    Quote: بوست كله محركة


    والحركة فيها بركة ياخ .. حبابك في هذا الخيط الرفيع جدا
                  

01-24-2013, 05:29 AM

منتصر كبلى

تاريخ التسجيل: 01-02-2013
مجموع المشاركات: 44

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: الامين موسى البشاري)

    تحياتى استاذ البشارى
    فى الحقيقة دى مشكلة حقيقية .ولأسف شكل جغرافية الاختيار بالنسبة للمغترب بتم بشكل صورة ولا فيديو ذى ماذكرت
    والمشكلة بتكمن فى شكل الواقع فى بعض الاحيان وفى البعض الاخر بتظبط المسألة بشكل دا خاضعة للمعاير الصدفة
    ياخابة يا صابة ودا اساسا خاطى لان فكرة موسسة الزواج دى محتاجة اختيار دقيق بعتبار الاجيال الجاية فلازم التركيز
    طيب الحل شنو؟
    مقترح لازم يكون فى حبيبة مهم !
    تخريمة كدا..........

    حبوبتى زمان بتقول انو المراة 3*4 بمعنى استاندر زمان
    3 بيضاء و3 سوداء و3 رقائق اى نحيفة و3 سمينة
    أما البيضاء (سنون وعيون واظافر)

    ولنا عوده انشاء الله
    قنب عافية
                  

01-22-2013, 10:43 PM

شرف الزاكي
<aشرف الزاكي
تاريخ التسجيل: 08-17-2012
مجموع المشاركات: 445

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: عادل الباهي عبدالرازق)

    عادل الباهي الله يقطع مصارينك زي ما قطعت مصاريني
    Quote: من شافا طوالي قفل الاسكاي بي ونطا من موضوع الخطوبة دخل ليك صاحبنا ونسيبتوا
    في إضافرهم لمن مشينا نتكلم معاهو قال لينا ياناس هوي البنت مصلعة والله صلعتا
    زي صلعة الطاهر مالك

    اسي حنك الاسكايبي ده يعني حنك بيش نقوم نكسرها منو ولا كيف؟


    اللمين بشاري ازيك ياخ
                  

01-23-2013, 09:17 AM

إدريس محمد إبراهيم
<aإدريس محمد إبراهيم
تاريخ التسجيل: 03-13-2006
مجموع المشاركات: 2762

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: شرف الزاكي)

    Quote: كان يبحث عن عاملة وبرر طلبه بان طموحه في انجاب وتربية وتعليم الاولاد عالي مما يتطلب سند قوي ووجد ضالته في الانترنت
    فتاه وجميلة ومهذبه و( مريشه )



    لو عندها أخت وبنفس المواصفات عليك الله لو ما باصيتها لي أخوك ......
                  

01-22-2013, 10:25 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: درديري كباشي)

    Quote: لكن ما تنسى المغتربين بفوا زي الجوالات

    الجيل الرابع والجيل الثالث

    قبل فترة حضرنا زواج من الجيل الثالث

    وهم اولاد مغتربين درسوا مع بعض

    اتخرجوا

    ارتبطوا

    اتزوجوا

    وهاك يا افراح افراح


    دريري كباشـــي

    كيفك يا جميل وانا سعيد بقراءة حرفك هنا
    عارف الناس الفوق ديل طلعوا من قائمة المغتربين الانا بقصدهم
    ديل درسوا مع بعض واتخرجوا سوا
    يعني اتيحت ليهم مساحة للاختيار بروية
    وكان عندهم فرصة يعرفوا بعض كويس ودي حاجة ما متوفرة للمغترب البجي اجازة
    عشان يفتش لعروس وديل يا دريري بعتمدوا على اقاربهم بدرجة كبيرة في اختيار الزوجة
    والحاجة دي بتفقدهم حاجات حلوة كتيرة ياخ ويجعل اختيارهم مبني على الشكل فقط

    تحياتي
                  

01-22-2013, 10:19 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: شهاب الفاتح عثمان)

    Quote: كلنا ذلك الرجل ,

    الاختيار صعوبة من نار !,,

    اللهم يسر امرنا واحلل قيدنا , ومتن يدنا :)
    اللهم امين


    شهاب يا صفوة تحياتي،،،

    شكلها تجربة خطيرة جد واجتزتها
    عارف التوفيق في اختيار الزوجة نعمة كبيرة جدا
    مفروض الزول يحمد عليها الله بكرة وعشيا

    كن بخير
                  

01-22-2013, 10:09 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: عمران حسن صالح)

    Quote: ده شهراً ما عندنا ليهو نفقة


    ابو محمد الجميل تحياتي ،،

    مجرد مرورك بجاي هو نفقة ياخ
    وبعدين شايفك رافع الراية البيضاء عالية خفاقه

    ودي الذي تعلم
                  

01-22-2013, 10:38 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: الامين موسى البشاري)

    Quote: لبشارى تحياتى
    عشان تقضى واجب العزاء بس فى الخرطوم عاوز ليك 7 يوم
    وعاوز لك 3 يوم فى الضهارى لان الموت بقى بالجملة


    احمد

    تحياتي وطبعا أنا اختصرته المدة باعتبار المغترب ما عندو زمن
    وعايز ينجز المشروع الحضاري بسرعة
    أتفق معك تماماً فيما ذهبت اليه

    كن بخير
                  

01-22-2013, 10:59 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: الامين موسى البشاري)

    Quote: اسي حنك الاسكايبي ده يعني حنك بيش نقوم نكسرها منو ولا كيف؟


    اللمين بشاري ازيك ياخ


    شـــرف الزاكي .. كيفنك ياخ!

    انت ما سمعت بالمقولة دي ولا شنو؟
    شـــرف يا أخوي الكيبورد موصل غير جيد للمشاعر
    (الحقوق محفوظة طبعاً)


    تحياتي
                  

01-22-2013, 11:12 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: الامين موسى البشاري)

                  

01-22-2013, 11:09 PM

عادل الباهي عبدالرازق
<aعادل الباهي عبدالرازق
تاريخ التسجيل: 10-18-2010
مجموع المشاركات: 4905

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: الامين موسى البشاري)

    الامين ياخوي ماتنسي الشواكيش دي براها كوم ومعاناة للمغترب والمهاجر
    الواحد ينضرب شاكوش بيعمل حمد لبد عشان كدة الواحد بيخاف يمد رأسو.

    واحد مغترب بيحب ليهو واحدة حب موت وهي بتبادلو نفس الاحساس والحي
    كلو عارف العلاقة دي والبنت منتظرا صاحبنا وصاحبنا منتظر الكفيل
    لمن زهجت أول واحد خبط علي بابهم وافقت عليهو .المهم صاحبنا أول
    مانزل من الطائرة ناس البيت قالوا ليهو فلانة أتزوجت أتصدمت صدمة
    مبالغ فيها بعد كم يوم شباب الحي قالوا ليهو يأخ خلي روحك رياضية
    والزواج دا قسمة ونصيب أمشي للناس ديل بارك ليهم في بيتهم .صاحبنا
    جاء يآخر رجل ويقدم رجل ضرب الجرس ، فتح الباب زوج البنت ومن ماشاف
    صاحبنا عرفو ليك دا الجكس القديم لكن آكلا في حنانو ،مافي مفر غير
    الترحيب بيهو زول جاء يبارك. شبك ليك زوج البنت الف مبروك بيت مال
    وعيال وقعد . صاحب المنزل عاوز يخارجو سريع قام نادي علي زوجتة حتي
    تسلم علي صاحبنا عشان يديهم عرض أكتافو ، البنت جاءت وهي قايمة من
    حفرة الدخان صاحبنا بارك وقعد وقام سرح أسع الكفيل ود الحـرام دا
    لو قدم إجازتي ماكان مفترض البنت دي تكون زوجتي وبي هناك زوج البنت
    قال لي زوجتو في شنو جاهز؟ قالت ليهو والله الا اللبن دا بس سخنتوا الان
    قال ليهاجيبهوا ليهو يطفحوا عشان يتخارج سريع . جابوا ليكم اللبن المسخن
    لصاحبنا وهو سارح في دنيا تانية ، صاحب البيت قال ليهو إتفضل لبن . صاحبنا
    قال ليهو والله ماعاوز . صاحب البيت قال ليهو يأخ والله مسخن ،صاحبنا وهو سارح
    قام نطا وقال لزوج البنت : مدخن ؟؟؟ الزوج قال ليهو لالا يا معلم المدخن دا
    حقي أنا لوعاوز المسخن دا أطفحوا ووريناعرض أكتافك


    غايتو البوست لو مامشي الخور بنحرس التوصيات أنتو فصلو
    ونحن بنلبس ههههههه
                  

01-23-2013, 05:32 AM

خالد عبدالوهاب

تاريخ التسجيل: 01-18-2013
مجموع المشاركات: 559

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: عادل الباهي عبدالرازق)

    سلام يابشاري

    عارف .. ده المفروض يكون الهدف الاساسي لكل تجمعات المغتربين
    اللهو خلق جو اجتماعي تواصلي بين افراد الجالية يخلي الامور تمشي في طريقها الطبيعي
    قصة الزول يمشي اجازة شهر يلقى فيهو شريك الحياة دي بقت مانافعة
    وقصة الزواج بالصور دي كلام فاضي ساي

    شكرا على البوست البحك محل الاكولة بالظبط :)
                  

01-23-2013, 06:47 AM

مرتضى احمد عبد القادر
<aمرتضى احمد عبد القادر
تاريخ التسجيل: 12-30-2009
مجموع المشاركات: 2484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: خالد عبدالوهاب)

    Quote: واحد مغترب بيحب ليهو واحدة حب موت وهي بتبادلو نفس الاحساس والحي
    كلو عارف العلاقة دي والبنت منتظرا صاحبنا وصاحبنا منتظر الكفيل
    لمن زهجت أول واحد خبط علي بابهم وافقت عليهو .المهم صاحبنا أول
    مانزل من الطائرة ناس البيت قالوا ليهو فلانة أتزوجت أتصدمت صدمة
    مبالغ فيها
    قلته لي واحد مغترب يا عادل كويس مالك إتصدمت إنته
                  

01-23-2013, 07:19 AM

saidahmed shami
<asaidahmed shami
تاريخ التسجيل: 01-08-2013
مجموع المشاركات: 2348

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: مرتضى احمد عبد القادر)

    الفيس بوك بس يا عمك

    بس انت وحظك مره واحد صاحبي بفتش في عروس بالصدفه في الفيس

    لقي واحدة أسمها قمر 14 المهم وصوره نار منقد

    ما صدق طوالي ركوست وهاك يا ونسه نزل أجازه قصيره

    السودان وقابل البت تخيل بعد دقيقه طلع التلفون أها انتو وين

    وانا جاااي عليكم البت طلعت شينه شينه شينه والباقي تمو خيال

    راجع ليكم اماني الفيس دا فيهوا جنس بلاوي
                  

01-23-2013, 07:46 AM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: saidahmed shami)

    التحية لكل الذين عبروا من هنا وسأعود حتما لكم للتعليق
    غايتو يا عادل الباهي يا ابو الصحب
    ما عارف حكاية الفسيبوكاااب معاك شنو شغالين ليك رش شديد
    تلاقيك كاتل الجدادة وخامي البيض بهناك
                  

01-23-2013, 08:05 AM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: الامين موسى البشاري)

    أمبارح جاتني رسالة من أخ مغترب شكلو واقع في نفس الورطة دي هههههههههههههه
    وقد سمح الأخ مشكورا بنشـــرها والرسالة

    Quote: اذا كنتا ود البشاري ياخ
    احييك وأحي حنانك زاتو
    نازل بعد أسبوع واحد
    واجازتي شهر وعاوز افتش وبوستك موباااالغة

    تحياتي

    انشـــر المسج لو عاوز وآسف للازعاج


    وانا احيييييك واتمنى تكمل مشروعك الحضاري بسرعة
    وتتوفق في اختيار عروس مع اجازتك المسكول دي
                  

01-23-2013, 08:57 AM

عادل الباهي عبدالرازق
<aعادل الباهي عبدالرازق
تاريخ التسجيل: 10-18-2010
مجموع المشاركات: 4905

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: الامين موسى البشاري)

    Quote:
    قلته لي واحد مغترب يا عادل كويس مالك إتصدمت إنته


    يا مرتضي يأخ خطأ إملائي كنت قاصد إتصدم صدمة يعني الواحد
    مايدقس معاكم عاوزين طوالي تلبسوني قصة المدخن والمسخن


    Quote:
    غايتو يا عادل الباهي يا ابو الصحب
    ما عارف حكاية الفسيبوكاااب معاك شنو شغالين ليك رش شديد
    تلاقيك كاتل الجدادة وخامي البيض بهناك


    يا الامين الفسيبوكاب المحترمين ما عندي معاهم مشكلة شفت كل الناس البتهاجم
    دي إسم لشخص واحد إسمو الفاتح أحمد عباس الي الآن ماعارفو
    زكر أم أنثي قال شنو زعلان مني لاني قلت ناس السنترليق ،جأني
    بي هناك بطلب صداقة دقيت فتاشة علي قول تمبس لحسابو في الفيس
    بوك ما أقنعني بروفايلو عملت ليهو رفض ليهو يومين تعبان ويلهث
    في اليوم بيعمل ليهو خمسة حسابات في الفيس بوك مره بأسم إميرة
    مره بأسم ولد ، أكشف لحسابو القاهو ليك إنضم للفيس بوك منذ أربعة
    ساعات أرفض طلب الصداقة وإركلو بالحذاء فخليهوا يقعد يهوهو زي
    الكـلب الاجرب ولمن يفتر من النبيح أقرب خـور ينوم فيهو
                  

01-23-2013, 09:53 AM

جمال عبد الناصر محمد
<aجمال عبد الناصر محمد
تاريخ التسجيل: 01-10-2013
مجموع المشاركات: 310

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: عادل الباهي عبدالرازق)

    االأمين البشاري
    يا حبيب بوست في السلك
    وموضوع كبير يجب مناقشتة جيدا
    المغترب حقيقة يعاني في كل الاتجاهات
    ليس في اختيار شريكة الحياة فحسب بل في كل مناحى التواصل مع الجذور
    المغترب يتخيل أن له عمرين
    عمر يجمع فيه المال
    وعمر آخر يرجع ليعيش به في وطنة بنفس نمط الععيشة السابقة
    لذلك تجده بعيد كل البعد لما يجرى هناك
    ياخي لو داير تعرس مشكلة
    لو داير تشتري عربية
    مشكلة لو داير تشتري قطعة أرض مشكلة
    لو داير تتونس ساكت بتكون برة الشبكة
                  

01-23-2013, 03:37 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: جمال عبد الناصر محمد)

    المغترب فعلاً مغترب
    ببساطة لأنه اصبح غريباً على وطنه ولا يعرف كيفية تعامل الناس مع بعض
    المهم تبدأ رحلة المعاناة من بلد الاغتراب في كيفية تحضير الشنطة
    وطبعاً اثناء هذه الفترة المشاورات بتكون شغالة تش
    اهلنا في السودان كثيراً ما يشتكوا من ذوق واختيارات المغتربين
    فما نحسبه هنا استايل وجميل وموافق للموضة والعصر
    يتفاجأ المغترب هناك بان ما اختاره بعيد عن اذواق الناس وخصوصاً في الملابس
    مما يضطر الكثير من المغتربين للشراء مرة أخرى من السودان
    الحاجة الأهم هي إنو المغترب بشتري حاجات وهو ما عارف صاحبتها منو
    طويلة ولا قصيرة ولا متوسطة الطول ودي معضلة كبيرة كمان
    قد تؤدي به الى الشــراء مرة اخرى من السودان بسبب المقاسات
    الحاجة الرئيسية هي في كيفية اختيار العروس ذات نفسها بعد وصول المغترب
    تكثر الترشيحات من الاهل والأقارب وفي ذات الوقت تكثر شروط المغترب
    دي ما سمحة
    ودي ما مثقفه
    ودي ما متعلمة كفاية
    ...
    ..

    الخ
    الخ
    كل الكلام دا والاجازة تتناقص يوماً بعد يوم
    المغتربين برضو عندهم حاجة وهي شروطهم التعجزية في الاختيار
    وطبعا ماف زول سوف يجد المواصفات 100% في زوجته
    وعشان كده بنصح أي مغترب لو توفرت له 70% من المواصفات المطلوبة يتوكل على الله
    معظم المغتربين بتزوجوا بنات لم يتعرفوا اليهم من قبل او شافوهم عبر الصور
    أو تم ترشيحهن لهم بواسطة الاهل والاقارب والحتة دي بتخلي المغترب
    يبدا حياته مع زول غريب عنه وبحاول يكتشفه من خلال حياته اليومية معاه
    ودا بخلي حياتهم الاثنين على المحك فاما التوافق والتعايش او الانفصال
    ..
    ..




    بالجنبه:
    ____
    اخواتنا وين من المشاركة وابداء رأيهن في الموضوع
    ياخ البوست كلو عزابه
                  

01-23-2013, 03:43 PM

ناصر حسين محمد
<aناصر حسين محمد
تاريخ التسجيل: 01-09-2013
مجموع المشاركات: 5233

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: الامين موسى البشاري)

    Quote: لو عندها أخت وبنفس المواصفات عليك الله لو ما باصيتها لي أخوك .....


    راااقد ياعمك
    والله يا ادريس الشي زي ده ( هب اطرش )
    بس داير قلب جامد لانو السناريو حكيتو ليك مافيه جاي جاي
    وكلوا عبر النت ،،
    رسالة والتانية وعايزا اشوفك
    واتقابلنا
    وبكره في البيت
    وبعده كتبنا
    واقرب شقة والموضوع خلص ،،
    يعني فرصة لؤلوة مافي ،،
    بطيخة
    يا ابيض
    يا احمر
                  

01-23-2013, 03:57 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: الامين موسى البشاري)

    Quote: لو عندها أخت وبنفس المواصفات عليك الله لو ما باصيتها لي أخوك ......



    إدريس محمد ابراهيم يا صاحب

    ما عارف أقول ليك شنو لكن برسل صورة من المداخلة للمدام

    ___


    Quote: الامين ياخوي ماتنسي الشواكيش دي براها كوم ومعاناة للمغترب والمهاجر
    الواحد ينضرب شاكوش بيعمل حمد لبد عشان كدة الواحد بيخاف يمد رأسو.




    بمناسبة الشواكيش دي يا عادل

    والله عايشت مأسأة غريبة فيها كمية من الوفاء والحب ما عادية ياخ
    بعرف لي واحد كان متفق مع واحدة قبل اغترابه على الزواج منها
    وعندما اغترب رفضت والدته زواجه منها بحجج واهية وحلفت عليهو ما يتزوجها
    اها صاحبنا قعد 10 سنوات ما نزل السودان ولم يتزوج
    والبنت انتظرته ما يقارب ال 7 سنوات ولم تتزوج ايضا
    بعدها تزوجت ووالدة صاحبي توفت وشاءت الاقدار انو البت زوجها يتوفى ايضاً
    ورجعوا اتزوجوا بعد 12 سنة انتظار


    ____


    Quote: قلته لي واحد مغترب يا عادل كويس مالك إتصدمت إنته


    مرتضى بلاش فضايح ياخ خلي الزول ينداح شوية

    ___

    Quote: وانا جاااي عليكم البت طلعت شينه شينه شينه والباقي تمو خيال

    راجع ليكم اماني الفيس دا فيهوا جنس بلاوي


    سيد احمد منتظرين عودتك يا راحل ياخ
    تعال ومعكـ آخـــرووووووووون
                  

01-23-2013, 04:47 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: الامين موسى البشاري)

    Quote: عارف .. ده المفروض يكون الهدف الاساسي لكل تجمعات المغتربين
    اللهو خلق جو اجتماعي تواصلي بين افراد الجالية يخلي الامور تمشي في طريقها الطبيعي
    قصة الزول يمشي اجازة شهر يلقى فيهو شريك الحياة دي بقت مانافعة
    وقصة الزواج بالصور دي كلام فاضي ساي


    شكرا على البوست البحك محل الاكولة بالظبط :)


    خالد عبد الوهاب

    حبابك في الحوش ومن ثم في هذا البوست
    عارف كلامك الفوق الملون بالأحمر دا هو عصب الموضوع زاااتو
    المغتربين في الاغتراب دا الواحد بتضيق دائرة معارفه وبكون محصور في نطاق ضيق
    وضيق جدا من المعارف بالاضافة الى انهم يقضون معظم اوقاتهم في العمل
    نطاق المعارف الضيق دا هو سبب المشاكل كلها وخصوصاً لاخواتنا
    وبرجع لموضوعهن دا بالتفصيل الممل جدا لاحقاً
    غالبية المغتربين هم في الخليج وطبعا غالبيتهم في السعودية
    اها هنا الحياة منفصلة الرجال لوحدهم والحريم لوحدهم وبقت حياتنا زي اهل البلد
    أو تقدر تقول قوانين البلد فرضت علينا العزلة دي
    وبالتعود كدا لينا نحن ناس السعودية لما تشوف مرأة ولا عباية
    البت ما بتجفل بجفلوا الرجال منهن .. والله صحي ()
    اها الحتة دي بالذات مشكلة كبيرة جدا جدا
    وهنا احكي لي حكاية حصلت قدامي في الخرطوم
    مرة كنا ماشين في الشارع وفجاة كدا نسمع ليك كواريك في الشارع التاني
    مشينا طبعاً نشوف الشمار شنو بتاع الكواريك دا
    لقينا ليك واحد من اخواننا الجنوبين بدق ليهو في واحد وواحدة
    المعركة كانت حامية وفيها سواطير وحراب وعكاكيز ... الخ
    المهم الناس اتجمعت في الشارع ومع كترة الناس قدرنا نسيطر على الوضع
    بمساعدة بعض الاخوة الجنوبيين طبعا بعدها عرفنا انو الزول البدق في الناس
    هو أخو البت وقام لقاها ماشه مع الشاب دا والظاهر هو كان لمحهم مجكسين بعض في الحدائق
    وقعد قنص ليهم في الحلة لغاية ما جو راجعين
    المهم بعد الشكلة دي كان في جنوبي واقف جنبي وشارك معانا في حجز الشكلة دي
    المهم صاحبي الواقف جنبي دا قام قال لي: ياخ والله جنوبيين دا راح يفضحونا في كرتوم دا
    انا قلت ليهو: كيف الكلام دا؟ وليه يفضحوكم؟
    الجنوبي : يعني شوف زي دا هسي بعمل في مشاكل اشان اخت بتاعو ليه ما عارف
    انا : كيف يعني ما فاهم؟
    الجنوبي : يعني هسي ولد ماشي مع بنت دا لو ما طلع معاهو واتونسو سوا سوا يعرسوا كيف؟!!
    بصراحة منطق صاحبي دا عجبني شديد وقلت ليهو معاك حق والله

    تحياتي
                  

01-23-2013, 05:32 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: الامين موسى البشاري)

    Quote: المغترب يتخيل أن له عمرين
    عمر يجمع فيه المال
    وعمر آخر يرجع ليعيش به في وطنة بنفس نمط الععيشة السابقة
    لذلك تجده بعيد كل البعد لما يجرى هناك


    الحبيب عبد الناصر

    ايد لأيد تجـــدع بعيد ياخ
    يلا سن قلمك وتعال نشوف آخر المغترب دا شنو؟

    تحياتي
                  

01-24-2013, 02:03 AM

احمد سيد احمد
<aاحمد سيد احمد
تاريخ التسجيل: 01-23-2013
مجموع المشاركات: 1257

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: الامين موسى البشاري)

    كلو ضياع.....في الحالتين انا ضايع

                  

01-24-2013, 02:28 AM

محمد جبره
<aمحمد جبره
تاريخ التسجيل: 01-12-2013
مجموع المشاركات: 940

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: احمد سيد احمد)

    البشاري سلامات

    زمان كان جننا وجن المغترب النازل اجازة يعرس ويكون ما محدد زولة
    لانه بجهجه ليك شباب الحله كلهم يخلي ليك اي واحد خايف على الحمام بتاعو يطير منو
    والعجب كان الواحد شاف المغترب دا داخل بيت الحمام ولا الحمام ذاتو كتر المشي لبيت ناس المغترب
    نفسياااااااات عديل
                  

01-24-2013, 04:48 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: محمد جبره)

    Quote: البشاري سلامات

    زمان كان جننا وجن المغترب النازل اجازة يعرس ويكون ما محدد زولة
    لانه بجهجه ليك شباب الحله كلهم يخلي ليك اي واحد خايف على الحمام بتاعو يطير منو
    والعجب كان الواحد شاف المغترب دا داخل بيت الحمام ولا الحمام ذاتو كتر المشي لبيت ناس المغترب
    نفسياااااااات عديل


    ههههههههههههه محمد جبره كلامك صاح ... والله صحي
    خصوصاً بعد ما يبهلوا ليك الشنط والضحاكات
    أي أم عروس يسيل لعابها ومعاها بتها كمان

    تحياتي
                  

01-24-2013, 02:46 AM

د.نجاة محمود


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: احمد سيد احمد)

    سلامات
    من قبل فتحنا بوست لشباب المنبر وكلهم عملوه ضحك وحركات
    السعودية فيها بنات يغطن عين الشمس
    افتكر الجاليات تعمل برامج مختلطة مثل ورش القيادة والتنمية الذاتية
    وتتيح للشباب يتقابلوا في بيئة مسيطر عليها للتعارف
    الطريقة التي يتزوج بها المغتربين رفعت نسبة الطلاق في البلد
    زواج بدون معرفة ومبني على الشكل بعكس فهم غير مسؤول لمؤسسة الزوجية
    لما كلكم تعرسو البيض امات عيون غلاد وشعر طويل الخدر البعرسهن منو؟!!!!
    بعدين ناس الفيس بوك بنات عايزات زول يشتري ليهم حاجات
    اخبرني احدهم ان البنت التي تعرف عليها عبر الفيس غير الطلبات ما عندها حاجة
    في شاب صيني وسيم ومتعلم و يعمل في وظيفة كبيرة في جامعة وهو يحب عمله جدا
    في زواج ابنتي دعوته وقلت له يمكنك احضار' القرينفرين'
    قال لي ما عندي واردف ضاحكا انه امه طلبت منه الذهاب الى حفلات ينظمها القسيس في الكنيسة
    للشباب من الجنسين للتعارف عشان يلقى بنت لطيفة ولكن قال انه ما عنده وقت ويسافر كثير
    يلا على الجهات الاجتماعية تعمل برامج للجنسين للتعارف كما اسلفنا
    ما دام في نكات بتتحكي نحكي نكتة
    واحد مشى السودان اسبوعين جاب زوجة وجا اها كل ما يمرق تسألو ماشي وين لو.اتأخر تسالو
    لما يوم قاليها هوي ها عرفة من متين انت كمان تحققي وتسألي! !!!!
    ---
    قرينفرين تساوي قيرلفريند
                  

01-24-2013, 05:17 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: د.نجاة محمود)

    د. نجاة محمود

    وعليكم السلام وسعيد بتشريفك للبوست ومساهمتك فيه
    Quote: افتكر الجاليات تعمل برامج مختلطة مثل ورش القيادة والتنمية الذاتية
    وتتيح للشباب يتقابلوا في بيئة مسيطر عليها للتعارف


    يا نجاة البرامج موجودة وهي عبارة عن لقاءات غير منتظمة
    ممكن كل شهر او شهرين
    ولكن اللقاءات دي نفسها يا نجاة ما مجدية وخصوصاً في السعودية
    الرجال لوحدهم والنساء لوحدهم وكما تعرفين الاختلاط ممنوع
    أما دعوتك المقتبسة فوق فتقابلها العديد من العقبات
    اولها تركيبتنا كسودانيين فهناك من يرون في مثل هذه الدعوة
    دعوة للفجور والابتذال .... الخ
    التانية قوانين البلد نفسها التي لا تسمح بمثل هذه الاشياء
    المشكلة بقينا سعوديين اكثر من السعوديين انفسهم
    توزع الناس في روابط اقليمية او قبلية يضيق محيط التعارف
    وبالتالي تضيق الفرص..
    عارفه يا دكتورة المشكلة الاكبر هي عند الفتيات
    اول حاجة المغتربين ينظرون لها كبنت مدلعة ولا يمكنها تحمل مسؤولية البيت
    وناس السودان بصنفوها على انها بت حنكوشه ويخشون من طلبات اهلها وامها بالذات
    وبالتالي تواجه معظم بنات المغتربين مشكلة تأخر الزواج..
    واحكي ليك دي مرة واحد دخل بيت عزابة وعرض بناته للزواج لمن يريد الزواج
    واحد برضو اخونا قال يا اللمين انا ماشي ابني لي بيت واقعد في السودان
    قلت له: ليه؟
    قال لي: لازم اقعد هناك وبناتي ديل اهلهم يشوفوهم واولاد عمهم يعرفوهم عشان يتزوجوا
    يا اللمين انا لو قعدته هنا بكون جنيت على البنات
    يا اللمين انت بتعرف بناتي كويس كيف مؤدبات
    يا اللمين ياخ في بنات اقل جمالاً وادباً من بناتي تزوجن وانجبن وهن لسه قاعدات
    انتظر المزيد من المساهمات من الاخوات وشكراً لأنك فتحتي الباب يا دكتورة

    تحياتي
                  

01-24-2013, 04:46 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: احمد سيد احمد)

    Quote: كلو ضياع.....في الحالتين انا ضايع


    احمد سيد شكراً على المرور والمشاركة
                  

01-24-2013, 02:45 AM

احمد سيد احمد
<aاحمد سيد احمد
تاريخ التسجيل: 01-23-2013
مجموع المشاركات: 1257

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: الامين موسى البشاري)

    كتب الاخ جمال عبد الناصر محمد :

    Quote:

    االأمين البشاري
    يا حبيب بوست في السلك
    وموضوع كبير يجب مناقشتة جيدا
    المغترب حقيقة يعاني في كل الاتجاهات
    ليس في اختيار شريكة الحياة فحسب بل في كل مناحى التواصل مع الجذور
    المغترب يتخيل أن له عمرين
    عمر يجمع فيه المال
    وعمر آخر يرجع ليعيش به في وطنة بنفس نمط الععيشة السابقة
    لذلك تجده بعيد كل البعد لما يجرى هناك
    ياخي لو داير تعرس مشكلة
    لو داير تشتري عربية
    مشكلة لو داير تشتري قطعة أرض مشكلة
    لو داير تتونس ساكت بتكون برة الشبكة



    اقرا المقال دا ربما يفيدك يا اخ جمال


    Quote:

    أيها المغتربون استمتعوا حيث أنتم

    د.فيصل القاسم

    مهما طالت سنين الغربة بالمغتربين، فإنهم يظلون يعتقدون أن غربتهم عن أوطانهم مؤقتة، ولا بد من العودة إلى مرابع الصبا والشباب يوماً ما للاستمتاع بالحياة، وكأنما أعوام الغربة جملة اعتراضية لا محل لها من الإعراب.

    لاشك أنه شعور وطني جميل، لكنه أقرب إلى الكذب على النفس وتعليلها بالآمال الزائفة منه إلى الحقيقة. فكم من المغتربين قضوا نحبهم في بلاد الغربة وهم يرنون للعودة إلى قراهم وبلداتهم القديمة! وكم منهم ظل يؤجل العودة إلى مسقط الرأس حتى غزا الشيب رأسه دون أن يعود في النهاية، ودون أن يستمتع بحياة الاغتراب! وكم منهم قاسى وعانى الأمرّين، وحرم نفسه من ملذات الحياة خارج الوطن كي يوفر الدريهمات التي جمعها كي يتمتع بها بعد العودة إلى دياره، ثم طالت به الغربة وانقضت السنون، وهو مستمر في تقتيره ومعاناته وانتظاره، على أمل التمتع مستقبلاً في ربوع الوطن، كما لو أنه قادر على تعويض الزمان!

    وكم من المغتربين عادوا فعلاً بعد طول غياب، لكن لا ليستمتعوا بما جنوه من أرزاق في ديار الغربة، بل لينتقلوا إلى رحمة ربهم بعد عودتهم إلى بلادهم بقليل، وكأن الموت كان ذلك المستقبل الذي كانوا يرنون إليه! لقد رهنوا القسم الأكبر من حياتهم لمستقبل ربما يأتي، وربما لا يأتي أبداً، وهو الاحتمال الأرجح!

    لقد عرفت أناساً كثيرين تركوا بلدانهم وشدوا الرحال إلى بلاد الغربة لتحسين أحوالهم المعيشية. وكم كنت أتعجب من أولئك الذين كانوا يعيشون عيشة البؤساء لسنوات وسنوات بعيداً عن أوطانهم، رغم يسر الحال نسبياً، وذلك بحجة أن الأموال التي جمعوها في بلدان الاغتراب يجب أن لا تمسها الأيدي لأنها مرصودة للعيش والاستمتاع في الوطن. لقد شاهدت أشخاصاً يعيشون في بيوت معدمة، ولو سألتهم لماذا لا يغيرون أثاث المنزل المهترئ فأجابوك بأننا مغتربون، وهذا البلد ليس بلدنا، فلماذا نضيّع فيه فلوسنا، وكأنهم سيعيشون أكثر من عمر وأكثر من حياة!

    ولا يقتصر الأمر على المغتربين البسطاء، بل يطال أيضاً الأغنياء منهم. فكم أضحكني أحد الأثرياء قبل فترة عندما قال إنه لا يستمتع كثيراً بفيلته الفخمة وحديقته الغنــّاء في بلاد الغربة، رغم أنها قطعة من الجنة، والسبب هو أنه يوفر بهجته واستمتاعه للفيلا والحديقة اللتين سيبنيهما في بلده بعد العودة، على مبدأ أن المــُلك الذي ليس في بلدك لا هو لك ولا لولدك!! وقد عرفت مغترباً أمضى زهرة شبابه في أمريكا اللاتينية، ولما عاد إلى الوطن بنا قصراً منيفاً، لكنه فارق الحياة قبل أن ينتهي تأثيث القصر بيوم!!

    كم يذكــّرني بعض المغتربين الذين يؤجلون سعادتم إلى المستقبل، كم يذكــّرونني بسذاجتي أيام الصغر، فذات مرة كنت استمع إلى أغنية كنا نحبها كثيرا أنا وأخوتي في ذلك الوقت، فلما سمعتها في الراديو ذات يوم، قمت على الفور بإطفاء الراديو حتى يأتي أشقائي ويستمعون معي إليها، ظناً مني أن الأغنية ستبقى تنتظرنا داخل الراديو حتى نفتحه ثانية. ولما عاد أخي أسرعت إلى المذياع كي نسمع الأغنية سوية، فإذا بنشرة أخبار.

    إن حال الكثير من المغتربين أشبه بحال ذلك المخلوق الذي وضعوا له على عرنين أنفه شيئاً من دسم الزبدة، فتصور أن رائحة الزبدة تأتي إليه من بعيد أمامه، فأخذ يسعى إلى مصدرها، وهو غير مدرك أنها تفوح من رأس أنفه، فيتوه في تجواله وتفتيشه، لأنه يتقصى عن شيء لا وجود له في العالم الخارجي، بل هو قريب منه. وهكذا حال المغتربين الذين يهرولون باتجاه المستقبل الذي ينتظرهم في أرض الوطن، فيتصورون أن السعادة هي أمامهم وليس حولهم.

    كم كان المفكر والمؤرخ البريطاني الشهير توماس كارلايل مصيباً عندما قال: " لا يصح أبداً أن ننشغل بما يقع بعيداً عن نظرنا وعن متناول أيدينا، بل يجب أن نهتم فقط بما هو موجود بين أيدينا بالفعل".

    لقد كان السير ويليام أوسلير ينصح طلابه بأن يضغطوا في رؤوسهم على زر يقوم بإغلاق باب المستقبل بإحكام، على اعتبار أن الأيام الآتية لم تولد بعد، فلماذا تشغل نفسك بها وبهمومها. إن المستقبل، حسب رأيه، هو اليوم، فليس هناك غد، وخلاص الإنسان هو الآن، الحاضر، لهذا كان ينصح طلابه بأن يدعوا الله كي يرزقهم خبز يومهم هذا. فخبز اليوم هو الخبز الوحيد الذي بوسعك تناوله.

    أما الشاعر الروماني هوراس فكان يقول قبل ثلاثين عاماً قبل الميلاد: "سعيد وحده ذلك الإنسان الذي يحيا يومه ويمكنه القول بثقة: أيها الغد فلتفعل ما يحلو لك، فقد عشت يومي".

    إن من أكثر الأشياء مدعاة للرثاء في الطبيعة الإنسانية أننا جميعاً نميل أحياناً للتوقف عن الحياة، ونحلم بامتلاك حديقة ورود سحرية في المستقبل- بدلاً من الاستمتاع بالزهور المتفتحة وراء نوافذنا اليوم. لماذا نكون حمقى هكذا، يتساءل ديل كارنيغي؟ أوليس الحياة في نسيج كل يوم وكل ساعة؟ إن حال بعض المغتربين لأشبه بحال ذلك المتقاعد الذي كان يؤجل الكثير من مشاريعه حتى التقاعد. وعندما يحين التقاعد ينظر إلى حياته، فإذا بها وقد افتقدها تماماً وولت وانتهت.

    إن معظم الناس يندمون على ما فاتهم ويقلقون على ما يخبئه لهم المستقبل، وذلك بدلاً من الاهتمام بالحاضر والعيش فيه. ويقول دانتي في هذا السياق:" فكــّر في أن هذا اليوم الذي تحياه لن يأتي مرة أخرى. إن الحياة تنقضي وتمر بسرعة مذهلة. إننا في سباق مع الزمن. إن اليوم ملكنا وهو ملكية غالية جداً. إنها الملكية الوحيدة الأكيدة بالنسبة لنا".

    لقد نظم الأديب الهندي الشهير كاليداسا قصيدة يجب على كل المغتربين وضعها على حيطان منازلهم. تقول القصيدة: "تحية للفجر، انظر لهذا اليوم! إنه الحياة، إنه روح الحياة في زمنه القصير. كل الحقائق الخاصة بوجود الإنسان: سعادة التقدم في العمر، مجد الموقف، روعة الجمال. إن الأمس هو مجرد حلم انقضى، والغد هو مجرد رؤيا، لكن إذا عشنا يومنا بصورة جيدة، فسوف نجعل من الأمس رؤيا للسعادة، وكل غد رؤيا مليئة بالأمل. فلتول اليوم اهتمامك إذن، فهكذا تؤدي تحية الفجر".

    لمَ لا يسأل المغتربون عن أوطانهم السؤال التالي ويجيبون عليه، لعلهم يغيرون نظرتهم إلى الحياة في الغربة: هل أقوم بتأجيل الحياة في بلاد الاغتراب من أجل الاستمتاع بمستقبل هـُلامي في بلادي، أو من أجل التشوق إلى حديقة زهور سحرية في الأفق البعيد؟

    كم أجد نفسي مجبراً على أن أردد مع عمر الخيام في رائعته (رباعيات): لا تشغل البال بماضي الزمان ولا بآتي العيش قبل الأوان، واغنم من الحاضر لذاته فليس في طبع الليالي الأمان.

                  

01-24-2013, 07:47 AM

othman mohmmadien
<aothman mohmmadien
تاريخ التسجيل: 12-13-2002
مجموع المشاركات: 4732

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: احمد سيد احمد)


    السلام عليكم صاحب البوست/ الأمين موسى بشاري ...
    وبقية الأخوة المتداخلين ...

    المعترب أحسن حالا من الكثير من الشباب الذين يضج بهم الوطن ولا يجدون فرص عمل أو يجدونها مع تدخل متدني لا يفي بأغراض معيشته ما بالك زواجه ...،،،
    هنالك الكثير من الرجال تخطى الاربعون ولا يستطيع أن يتزوج في كل مدن السودان ... وهم قابعون ومستسلمون لهذه الحال ...

    يلاحظ في الآونة الأخيرة كذلك ارتفاع حالات الطلاق بين المتزوجين خاصة داخل الوطن لأسباب تحتاج الى دراسة وتمحيص هل يا ترى أسباب تتعلق بعدم المسؤولية من الجنسين أم طموح زائد ما بعد الزواج أم ماذا؟ .... المغترب نراه أكثر تمسكا بالزواج واقل طلاقاً لبعده عن الآثار المحيطة بزوجته والمترتب عنها الطلاق خاصة الأهل ... والعادات الاجتماعية والترسبات الناتجة عن خلخلة المجتمع في الآونة الأخيرة...

    بالنسبة لحالة بلدي السودان توفير متطلبات الزواج هي الشغل الشاغل للمغترب وغيره ، ولتأخير سن الزواج أثر مرهق نفسي واجتماعي وآثار سلبية على المجتمع ككل، لتدخل الظروف الاقتصادية اسباب والعائد غير المجزي وحالة الغلاء المستشري في كل الدول وبالنسبة للمغترب الاختيار هو المعوق الاساسي والرئيسي وراء تأخر الفكرة للزواج،.

    المغترب ذو البنات في الغالب تدفع بناته الثمن ... لأنه حين عودته للسودان يرى الغالب الأعم أن البنت المغتربة لا تصلح كزوجة ... بل المغترب نفسه من السودان لا يرى أن البنت ذات النشأة في بلاد الغربة لا تصلح له، يراها مدللة مدلعة لا يمكنها العودة والتأقلم للعيش في بلده بل يريدها المؤصلة المفصلة المتمسكة بتقاليد البلد وفق تفكير الغالب الأعم... وكذلك البنت المتربية في بلاد الغربة ترى في الرجل السوداني المقيم في السودان شئ من الانغلاق والتخلف بل التمسك بعادات تراها هي ضرب من التخلف وهو متزمت في نظرها في الغالب الأعم ... وفي أحايين كثيرة حتى ثقافة الأكل تختلف بسبب الهجرة ... وأعرف أخت كريمة ترى في أكلنا السوداني ضرب من التخلف ولا تتناوله البتة لنشاتها في السعودية وفي لندن ... بل لكنتها السودانية موغلة في العامية ... وانجليزيتها بريطانية ... ومن جهة أخرى لو نظرنا لمسألة فتاة الشهادة العربية إن بعض الشباب ينظرون إليها كأنها أجنبية أو دخيلة على المجتمع لطباعها التي تكون مختلفة عن بقية فتيات نشأن في السودان وقلما يحدث توافق بينهما.... في كل شئ ... وايضا لدور تربية الأسر الأثر الأعظم ....

    في الغالب الأعم وفي عادة الزواج تميل معظم الأسر في التقاليد بإرضاء الآخر ليخرج زواج ابناؤها قمة في النجاح المتمثل في الصرف البذخي اللامحدود وتتباهي بذلك و لو أثقل الكاهل ... وظلم الصغار في حقوقهم ... عاداتنا مخلة ومتخلفة جداً ... على سبيل المثال تجد أن أسرة توفى راعيها ولم يترك لهم الا قطعة أرض كان يأمل ببنيانها في حياته لتهنأ الأسرة فيها وتنصرف عن شر الايجار ... فيكبر الابن البكر ليهاجر بما تركه المرحوم راعيها من مال ... ثم يبدأ العمل وتكاليف الحياة الباهظة .... وتفكر الاسرة بزواجه ولكي تتم الناقصة وترضى الآخرون وتتباهي بزواج ذلك الابن المغترب تلجأ لبيع تلكم القطعة ليغرق الكل في مشاكل والعودة الى الصفر إقتصادياً ويبدأ ضرب من المشاكل ربما ينتهي بالطلاق وتزداد الخسارة فوق الخسارة ... بل مثل هذا السلوك يحرم الصغار من حقوقهم ويظلمهم ظلما كبيراً ...

    أنا أمثل حالة من حالة المغترب الذي عانى كثيرا وأمر الزواج وقضية الاختيار ولكنني أنصح واقدم النصح لكل انسان بأن يلجأ بالزواج في البلد الذي يعيش فيه سواء من معارفه من أهل بلده السودان أو سواء من أهل البلد الذي يعيش فيه ....ومحاولة التعايش مع المتناقضات أجمع ... التي تنتج عن ذلك ... وتحمل الأمر بكل مسؤولية ومحاولة خلق التوافق مهما حدثت من متناقضات فحالتنا استثنائية .... والقادم أمر من حالة عدم استقرار وغلاء في بلادنا ....والسلام
                  

01-24-2013, 05:32 PM

أمير عثمان
<aأمير عثمان
تاريخ التسجيل: 08-11-2009
مجموع المشاركات: 805

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: othman mohmmadien)

    امين ... سلامات ..
    بوست موفق بس ناقصه الحبر الأعظم سعادة اللواء أبو بستلة ...
    ياخى شوفوا الزول ده لحقوه التسجيلات الجديدة دى ...
    والله حيكون اضافة نوعية للمنبر ...
    بالله يا أمين شوف الموضوع ده ... ولك تحياتى ..
    ---------
    قلت لى لو دقشك ما بيقول سورى!!
                  

01-24-2013, 05:36 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: othman mohmmadien)

    الأخ عثمان محمدين

    وعليكم السلام واشكرك على هذه المشاركة الطاعمة والضافية
    والتي غطت أغلب جوانب الموضوع ...
    Quote: المعترب أحسن حالا من الكثير من الشباب الذين يضج بهم الوطن ولا يجدون فرص عمل أو يجدونها مع تدخل متدني لا يفي بأغراض معيشته ما بالك زواجه ...،،،
    هنالك الكثير من الرجال تخطى الاربعون ولا يستطيع أن يتزوج في كل مدن السودان ... وهم قابعون ومستسلمون لهذه الحال ...


    اتفق معاك في أن المغترب أحسن حالاً مادياً ما عنده مشكلة
    ولكن مشكلته في الاختيار دوماً
    فهو يعتمد على غيره في عملية الاختيار وظروفه لا توفر له فرصة اختيار زوجته بنفسه
    وهذا ايضا سبب الكثير من الطلاقات التي تحدث في المجتمع
    يتزوج المغترب بأي واحدة ولو ما نفعت معاه سيبحث عن غيرها
    الحكاية كلها شنطة مليئة بالملابس والريحة والتي لا تكلفه أكثر 10 ألف ريال
    ويرسلوا ليهو واحدة طرد ليبدأ معها حياة جديدة

    Quote: المغترب ذو البنات في الغالب تدفع بناته الثمن ... لأنه حين عودته للسودان يرى الغالب الأعم أن البنت المغتربة لا تصلح كزوجة ... بل المغترب نفسه من السودان لا يرى أن البنت ذات النشأة في بلاد الغربة لا تصلح له، يراها مدللة مدلعة لا يمكنها العودة والتأقلم للعيش في بلده بل يريدها المؤصلة المفصلة المتمسكة بتقاليد البلد وفق تفكير الغالب الأعم... وكذلك البنت المتربية في بلاد الغربة ترى في الرجل السوداني المقيم في السودان شئ من الانغلاق والتخلف بل التمسك بعادات تراها هي ضرب من التخلف وهو متزمت في نظرها في الغالب الأعم ... وفي أحايين كثيرة حتى ثقافة الأكل تختلف بسبب الهجرة ... وأعرف أخت كريمة ترى في أكلنا السوداني ضرب من التخلف ولا تتناوله البتة لنشاتها في السعودية وفي لندن ... بل لكنتها السودانية موغلة في العامية ... وانجليزيتها بريطانية ... ومن جهة أخرى لو نظرنا لمسألة فتاة الشهادة العربية إن بعض الشباب ينظرون إليها كأنها أجنبية أو دخيلة على المجتمع لطباعها التي تكون مختلفة عن بقية فتيات نشأن في السودان وقلما يحدث توافق بينهما.... في كل شئ ... وايضا لدور تربية الأسر الأثر الأعظم ....


    تلخيص جميل ودقيق جدا اتفق معاك فيه 100%
    رجاء راجع ردي لدكتورة نجاة فوق

    Quote: أنا أمثل حالة من حالة المغترب الذي عانى كثيرا وأمر الزواج وقضية الاختيار ولكنني أنصح واقدم النصح لكل انسان بأن يلجأ بالزواج في البلد الذي يعيش فيه سواء من معارفه من أهل بلده السودان أو سواء من أهل البلد الذي يعيش فيه ....ومحاولة التعايش مع المتناقضات أجمع ... التي تنتج عن ذلك ... وتحمل الأمر بكل مسؤولية ومحاولة خلق التوافق مهما حدثت من متناقضات فحالتنا استثنائية .... والقادم أمر من حالة عدم استقرار وغلاء في بلادنا ....والسلام


    عارف دي ذات نفسها مشكلة يا عثمان
    ماف مساحة لأي عزابي انو يتعرف على واحدة وخصوصا في السعودية دي
    اعرف الكثيرين اتجهوا لدولة المغرب للزواج منها
    المشكلة هنا الاسر نفسها تساهم في عزل بناتها وتضرب حولهم سياج

    تحياتي
                  

01-25-2013, 00:15 AM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: الامين موسى البشاري)

    حبيبنا أمير عثمان

    كيف أحوالك يا حبيب .. ما تخلينا كده كويســـين ياخً
    اخوك هنا في البلد دي رابط الكرفته وقاعد كافي شره بخيره
    غايتو الحبر الأعظم لو جاء هنا في الحوش دا النتائج بتكون ما مضمونة
    والله صحي ()
    يا امير الناس بقت جارية وراء الرزق ولقمة العيش
    تصدق طولته ما قابلت الزول دا ولا حتى تلفونات ما بيناتنا

    تحياتي
                  

01-25-2013, 07:12 PM

شرف الزاكي
<aشرف الزاكي
تاريخ التسجيل: 08-17-2012
مجموع المشاركات: 445

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: الامين موسى البشاري)

    فوق
    لمزيد من التشاور وانا جاي بي اللوري


    اها قصرت معاك يا اللمين
                  

01-27-2013, 09:46 AM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: شرف الزاكي)

    Quote: اها قصرت معاك يا اللمين



    شـــرف ما قصرته والله
    لكن الزمن مقصـــر مع اخوك شوية
    ستكون لي عودة للبوست إن شاء الله
                  

01-27-2013, 10:04 AM

محمد عبد الله الامين

تاريخ التسجيل: 01-14-2013
مجموع المشاركات: 1764

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: الامين موسى البشاري)

    يا البشاري يا عمك

    عرس المغتربين ده ذي البطيخة ...

    ياحمرا يا قرعه .........

    أظفر بذات الدين تربت يداك ....
                  

01-27-2013, 07:40 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: محمد عبد الله الامين)

    Quote: يا البشاري يا عمك

    عرس المغتربين ده ذي البطيخة ...

    ياحمرا يا قرعه .........


    الأخ محمد عبد الله

    تحيــاتي ،،،
    عارف المغتربين ديل احسن ناس بمسكوا النســـوان
    دا لو الواحدة ختت الرحمن في قلبها ومسكت بيتها
    وأحسن حاجة انو الواحد يلقى ليهو واحدة من نفس جهة اغترابه
    مرة كنا في ونسة كدي في السفارة السودانية في الرياض
    قام واحد قال لينا عارفين البنات البعرسوهن هنا ديل أحسن من بنات السودان
    قلنا ليهو: كيف؟
    قال لينا : بالتجربة البنات البجن من السودان متعودات على الطلعات والمرقات واللف
    بين الاهل والجيران والاصحاب
    أها لما تجي هنا وراجلها يكون عنده دوام 10 ساعات بره البيت
    سوف يصيبها الملل والزهج واول ما يجي الراجل تدور معاهو الشكلة
    نظام هي موجودة وكده ..
    بينما بتنا المتعودة على حياة البلد دي بتضربها ليك نومة لغاية الساعة 2 او 3
    ولا يهما الراجل وغيابه ما هي عارفه ومقدره الظروف
    شافت ابوها واخوها بعملوا كده .. اها هي متكيفه مع الوضع دا تماماً وما عندها مشكلة
    غايتو صاحبنا البكلمنا دا شكلو متعود على خبيز الخميس والجمعة في السفارة
    وبنى كلامه دا على تجارب معاشه ومشاهدات مختلفة

    كن بخير
                  

01-27-2013, 11:26 AM

محمد عمر الفكي
<aمحمد عمر الفكي
تاريخ التسجيل: 10-15-2006
مجموع المشاركات: 7313

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: الامين موسى البشاري)

    المغتربين عرفناهم ، ابو الزهور مالو؟
                  

01-27-2013, 07:45 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: محمد عمر الفكي)

    Quote: المغتربين عرفناهم ، ابو الزهور مالو؟


    انت يا محمد عمر الاغتراب دا إلا يقطعوا ليهو بحر ولا كيف؟!
    ابو الزهور دا زول مرهف وفي غربه مع نفسه داخل وطنه ياخ
    النبي فيك تعال احكي عن أعراس جده الما خمج ديك
    تحضر الحفلة بالليل الجماعة كلهم حلب
    ومع شروق الشمس عييييييييييييييييييك الله لا يوريك
    البدره كلها بتذوب


    تحياتي
                  

01-27-2013, 09:56 AM

محمد عبد الله الامين

تاريخ التسجيل: 01-14-2013
مجموع المشاركات: 1764

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: عادل الباهي عبدالرازق)

    Quote: . صاحبنا
    قال ليهو والله ماعاوز . صاحب البيت قال ليهو يأخ والله مسخن ،صاحبنا وهو سارح
    قام نطا وقال لزوج البنت : مدخن ؟؟؟ الزوج قال ليهو لالا يا معلم المدخن دا
    حقي أنا لوعاوز المسخن دا أطفحوا ووريناعرض أكتافك


    كاااااااااااااااااااااااااااااااااااك ود الباهي يا مسخن موتنا ضحك ياااخ
                  

01-27-2013, 10:31 AM

طارق ميرغني

تاريخ التسجيل: 12-25-2006
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: الامين موسى البشاري)

    صديقي امين

    لذلك يستعين اكثر العرسان باصدقاء او اقارب او اخوات يختصرن هذا الزمن

    ويعمد هؤلاء علي مفاتحة البعض من ذوي الخبره والمفهوميه لمساعدتهم علي زوجات المستقبل

    والاهم في كل هذه العملية ان تكون العروس بت ناس ومحترمه

    لذلك يا صديقي لو في واحد من عندكم بالذات اسالني ونحن مستعدون لمساعدته في ايجاد العروس المناسبة

    بعد تحديد الاشتراطات او المواصفات التي يرغب

    لست بخطابين لكن نساهم فقط في التقريب بين الناس

    وعمل الخير وحل مسالة العنوسة للطرفين

    والله من وراء القصد
                  

02-05-2013, 10:09 AM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: طارق ميرغني)

    Quote: لذلك يستعين اكثر العرسان باصدقاء او اقارب او اخوات يختصرن هذا الزمن

    ويعمد هؤلاء علي مفاتحة البعض من ذوي الخبره والمفهوميه لمساعدتهم علي زوجات المستقبل

    والاهم في كل هذه العملية ان تكون العروس بت ناس ومحترمه


    العزيز طارق ميرغني

    سلامي وتحياتي ،،
    ما ياهو دا كلامنا وقلنا المغترب ما عنده طريقة الا يشوفوا ليهو
    اهله واصدقائه واقاربه عروسه
    وغالبا الاختيار دا بتم بناء على الشكل في اغلب الاحيان
    مع عدم اغفال جوانب الادب والاخلاق
    كثيرين منهم تزوجوا ولم يتعرفوا على زواجاتهم الا بعد الزواج

    كن
                  

02-05-2013, 10:20 AM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: الامين موسى البشاري)

    Quote: كاااااااااااااااااااااااااااااااااااك ود الباهي يا مسخن موتنا ضحك ياااخ


    محمد عبد الله

    سلام وود الباهي مسخن شديد جدا جدا

    تحياتي
                  

02-20-2013, 11:33 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: معاناة المغترب/ة في الحصول على زوجـــــ/ة (Re: الامين موسى البشاري)

    في ظاهرة متفشية جدا الايامات دي
    وهي انو المغتربين والمغتربات بقوا يسجلوا كتير في مواقع الزواج
    ولو في زول عايز يطلع على المأساة دي يخش ليهو اي موقع للزواج
    ويشوف كمية السودانيات / والسودانيين اللائي يبحثن عن عريس/عروس
    لدرجة مرة قريت في موقع واحد بتكلم عن اخواته وانه يبحث لهن عن ازواج
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de