|
Re: تجربتى الجراحيه فى مستشفى الخرطوم ,.,.,. تراراااااااااااا (Re: Mohamed Foto7li)
|
أولاً: أقول ليك يا بت الشيخ ألف حمدالله على السلامة, وما تشوفي شر إن شاالله, والشر ما يعدِّي عليك.
ثانياً: أُهنئك على هذا السرد(الروائي) الذي يعكس بدون أيِّ مجامله قدرات غير عادية على السرد والحكي.. وكان مكضِّباني أسألي محمد السني. أخذتينا معِك لكل الأمكِنة.. العيادات, الأشعة, مستشفى الخرطوم, الجناح الجنوبي, فِضيل,الغرفة الأولى والثانية,غرفة العمليات,رجعنا البيت, ومشينا بيت البِكا(البركة فيكم)..ونطينا معاك الكرامة....بعدين ضيا دا التقول شال جزلاني. أسلوبك المُؤثِّر يذوِّب الواحد في أفراد العائلة, الواحد يحِس بنفس أحاسيسهم! والزيَّنا كِدة طبعاً(جِد) يعني أصبح (رهيف).. تلقى عِويناتو رقرقن في بعض المواقف.
سِنِّي قلمِك يا بِت الشيخ....دا مشروع رواية نادرة جداً تحكي عن أحاسيس ومشاعر حقيقية..تجرِبة وزاد.
ربنا يديك الصحة والعافية.
| |
|
|
|
|
|
|
Re: تجربتى الجراحيه فى مستشفى الخرطوم ,.,.,. تراراااااااااااا (Re: محمد فضل الله المكى)
|
الرائع محمد فضل الله الله يسلمك ويعافيك اسعدنى جدا ردك وحروفك شرف لى ليتنى استحقه والتجارب لمن نعيشها من جوانا بتفجر فينا جوانب ما كنا مكتشفينها لمن بديت اكتب ترددت كتير ولصراحه تراجعت كتير وقولت انسى الفكره وفى يوم توكلت على الله ومسكت قيادة صوابعى لدواخلى وخليتهم مع بعض وانا شخصيا بقيت بقرا فى البكتبه وكانى ما انا الكتباه واحمدالله انى قدرت اصيغه بطريقه نالت اعجاب الاغلبيه ووصلت احاسيسهم لنفس الاحساس الكنت عيشاه يديك الف عافيه لكن مشروع رواية دى ما اظن لو اى انسان بيدى الجواه فرصه تبوح بدون خوف وقلق وخجل حنكتشف كل انسان راوى لكن مشكلتنا بنخاف من تقيم غيرنا والخوف بيضيع علينا نكتشف النتيجه وحتى لو فشلنا اقلها نكون جربنا
| |
|
|
|
|
|
|
Re: تجربتى الجراحيه فى مستشفى الخرطوم ,.,.,. تراراااااااااااا (Re: صلاح عباس فقير)
|
اخى صلاح الله يسلمك ويعافيك تجارب حياتنا دروس ممكن غيرنا يتعلم منها زى ما علمتنا عشان كده حبيت اشاركم ليها وخصوصا انها كانت تجربه الاغلبيه ما توقعت نجاحها فى السودان وفى مستشفى الخرطوم وكتير راهنونى ان نجاحها حيكون نقطة تغير لمفاهيميهم فى طب السودان ومستشفى الخرطوم فترة رقادى فى مستشفى جات ناس وطلعت كميه وعمليات لا تحصى ولا تعد والحمدلله ناجحه مشكلتنا الغلط بيمسحوا بيه اى شى صح اتعمل ولو 10 حالات امورها مشيت تمام وحاله وحده حصلت فيها مشاكل يبقى خلاص بقى حدث الموسم ويتبهدل اى انسان بيحمل نفس المهنه ما فقط مرتكب الخطىء ما لازم نتسرع ونحكم ونثير شكوك غيرنا الخلانا نهجر مستشفياتنا الحكوميه بدل نعمرها ونطورها ونصلحها اسهل شى علينا نجرى ونخلى المكان وما نتاكد حتى من الحصل كان شنو لازم نتعلم نقيف ونفكر وبما اننا متوكلين على الخالقنا يبقى اكيد ما حيصيبنا الا الكاتبه لينا تسلمى اخى الكريم على ردك واحساسك
| |
|
|
|
|
|
|
Re: تجربتى الجراحيه فى مستشفى الخرطوم ,.,.,. تراراااااااااااا (Re: Sayed Bekab)
|
اخى ناصر اخى ابو جهينه اخى بشير اخى محمد ابراهيم عثمان اخى عبد المنعم الله يسلمكم ويعافيكم يا غاليين ,,,,,,,,,,,,,,,,,,,,,,,,,,,,,,,,,,,,,,,, اخى مصطفى الضو بالجد انا بسعد مع اى رد بيكون وصل احساسى لقارىء فيه وامثال امير كثيرين لكن مع الظلام الدامس اصبحت الرؤيا معدومه ربنا يصلح الحال ويدينا خير الدنيا تسلم يا رائع ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, الغالى ابو بكر أعرف متين أبقى المطر وأعرف بتين أصبح حريق ,.,.,.,., تسلم على الحروف الجليله ذات المعنى القيم بالجد يا ليتنى مثلما قولت والدعوات هى كانت زادنا وسندنا والحمدلله ان ربنا استجابها برحمته ربنا يحفظ جميع امته ويفرج كربتها
,,,,,,,,,,,,,,,,,,,,,,,,,,,,,,,,, دكتور عبد المجيد تمنيت ان اكون ذات بصمه مثلكم فمهنتكم تغير حياة البشر وتعيد لها اشراقتها ودكتور احمد التجانى والكثير منكم يستحقون التقدير اعلاميا ودوليا فأنتم فخر لهذا البلد وشعبه ,,,,,,,,,,,,,,,,,,,,,,,,,, اخى سيد ومازال ينجب مشكلتنا ان السيىء دوما يعم ويفوح ويغطى على كل ماهو جميل وقيم
| |
|
|
|
|
|
|
Re: تجربتى الجراحيه فى مستشفى الخرطوم ,.,.,. تراراااااااااااا (Re: omar arbab)
|
الأخت رانية شفاك و حفظك الله رأيت عنوان بوستك منذ عدة أيام و لم أتشجع للدخول إليه لقراءته باعتباره (حسب ما فهمت من العنوان)إنه تجربة بتاعة طبيبة في أثناء عملها .و قلت بيني و بين نفسي موضوع خاص ما بيخصني في مواضيع أهم منه.و اليوم السبت جيت من الصباح قلت كدي أدخل و أشوفه. و من أول سطور إذا لقيته متوافق مع توقعاتي أبدأ بقراءته و إلا فسوف أتركه من السطر الأول.و من السطر الأول وجدت نفسي مرتبط يسلاسل مع التسلسل الحكائي الرائع الذي يفيض بالإنسانية التي تربطنا جميعا .إن أروع ما في موضوعك هو الصدق و أنه يرسل إشارات إلى جهات متعددة. شفاك الله يا رب و حفظك
| |
|
|
|
|
|
|
Re: تجربتى الجراحيه فى مستشفى الخرطوم ,.,.,. تراراااااااااااا (Re: رانيه محمد الشيخ)
|
الأخت رانيا ألف حمدلله علي السلامة وإنشاءلله فاتحة خير عليك
غبت عن المنبر ما يربو علي التلاتة أشهر لكن ما أستطعت مقاومة ألق أمير الذي أعادني للمرة العاشرة إلي الفرح أمير لا يعرّف بوالده الذي قامت علي أك######## مهنة طب النساء والتوليد في الجزيرة وأسهم في كلية طبها حسب ظني مع بشير حمدليخلفهم محمد عوض الله صالح وحتي عمر ميرغني..لا أنسي دور القون أيضاً...أمير يعرف بسماحته ونباهته حتي كان قلبه وبيتهم في أعالي العمارات هو بيت كل زملائه الذين صادقوا أفراد عائلته وليس أسرته فقط.. أمير رجل مثقف ووطني من طراز رفيع كان يجتمع عليه اليمين واليسار أيام الجامعة ويبادر دوماً في مقدمة الملمات..برع أمير في الطب ومشاركاته في الدوريات الطبية والمؤتمرات التخصصية تشهد له ولرفيقه إسحاق آدم بعزيمة لا تلين ونبوغ لا يخور إنتهز هذه السانحة الطيبة لأحي أمير الذي لم أراه منذ أكثر من عشرين عاماً وأحي عبره أخيه د.ناصر وكل زملائه ودفعته النجاب
ماجد السناري
| |
|
|
|
|
|
|
|