|
|
|
 Re: الأسعــــــــــــــــــار.. نار.. وتعبيرات كاريكاتورية!! (Re: Abdlaziz Eisa)
|
الشعب المصري عرف بالنكتة التي انتجتها معاناته مع الديكتاتوريات الطويلة من الحقبة الناصرية مرورا بالسادات ثم حبيس السجن مبارك...
رحلت المعاناة لجنوب وادي النيل وتولدت النكتة فقال المصريون: الجماعة جاعوا!!
اولاد بمبة فاكرين الحكاية جوع فقط..
وما عارفين انها ذل, هوان وانكسار وشناة حال,,,,,,,,,,,,,,,
الآن الأسعار مولعة نار كآخر ما انتجته دكتاتورية الانقاذ جزاءاً لصبر الشعب عليها بفسادها وجرائمها 23 سنة...
وان شاء الله سيكون هذا آخر يونيو في حياتنا وسننزعه من الكاليندر حتى لا نتذكر شئ بغيض اسمه الانقاذ.......
| |
 
|
|
|
|
|
|
|
|
Re: الأسعــــــــــــــــــار.. نار.. وتعبيرات كاريكاتورية!! (Re: Abdlaziz Eisa)
|
Quote: قامت مجموعة من المشجعين البلجيكيين ضاقت ذرعا بعدم تاهل منتخبها بلادها الى
كاس اوربا 2012 لكرة القدم ، بعرض نفسها للبيع على موقع " ايباى"
الشهير للجيران الهولنديين ، وانشأ المشجعون مجموعة على الفيسبوك
للتواصل " مشجعون بلجيك للبيع لكاس اوربا 2012 " حصدت 20 الف
عضو شرحوا انهم بحاجة لفريق يشجعونه ، موضحين انه سيتبرعون
بالعائدات لليونيسف و كتبت المجموعة لم يتم استخدامنا منذ كاس العالم 2002
و بما انه البطولات تصبح اكثر حماسة عندما تشجع فريقك المفضل
قررنا ان نعرض خدماتنا التشجيعية على ايباى ، و تابع " جميع الإيرادات
سترسل الى يونيسيف سنشاهد المباريات ندعم الفريق نحمل الوانه واعلامه
وربما نتعلم النشيد الوطنى "
متابعة للخبر
و قالت المجموعة عندما يتم إقصاء الفريق سندخل فى حداد يوم واحد
ثم نعرض انفسنا للبيع مجددا على ايباى |
الاخ عبد العزيز لك التحية
شكله كده لو اتاخرت الثورة حيجينا عرض من المصريين
على شاكلة المشجعين ديل ، العوجة انهم ما ح يدفعوا
القروش لليونيسيف ..
| |
|
|
|
|
|
|
|
|
|
Re: الأسعــــــــــــــــــار.. نار.. وتعبيرات كاريكاتورية!! (Re: على محمد على بشير)
|
Quote:
الاخ عبد العزيز لك التحية
شكله كده لو اتاخرت الثورة حيجينا عرض من المصريين
على شاكلة المشجعين ديل ، العوجة انهم ما ح يدفعوا
القروش لليونيسيف ..
|
العزيزة/ الاستاذة ندى صالح
سلام
اسبوع والكابوس يبلغ 23 سنة من الذل والهوان..
ثورتنا دي مش اتأخرت.. دي نامت وشخرت..
لو جونا جماعة التحرير نحن بندفع ليهم..
هم شبعوا في اللحوم السودانية المجانية عشان كدا ديل ما مضمونين مع بشة ده!!
نشوف كوبا وكابا
تحياتي
| |
|
|
|
|
|
|
|
|
|
Re: الأسعــــــــــــــــــار.. نار.. وتعبيرات كاريكاتورية!! (Re: Abdlaziz Eisa)
|
Quote: آه يا وطني..................
في مواطن واحد بيرغب في رفع الدعم؟؟؟؟!!!!!!!!!!
استعباط!!!!!!!!! |
من اجل التعليقات ياعبدالعزيز والله .........يعني هي استهبال للمواطن محاولة ايجاد التبريرات لخط الرجعة .......يعني معقول يكون في زول يكون عاوز رفع الدعم عن السلع ؟؟؟؟ياخي هؤلاء الناس بقوا يستهبلو الانسان ويراهنو علي انو غبي .......والله الحكاية المرة دي نجيضة خالص
| |
|
|
|
|
|
|
|
|
|
Re: الأسعــــــــــــــــــار.. نار.. وتعبيرات كاريكاتورية!! (Re: Nagat Sid Ahmed Elshiekh)
|
Quote:
من اجل التعليقات ياعبدالعزيز والله .........يعني هي استهبال للمواطن محاولة ايجاد التبريرات لخط الرجعة .......يعني معقول يكون في زول يكون عاوز رفع الدعم عن السلع ؟؟؟؟ياخي هؤلاء الناس بقوا يستهبلو الانسان ويراهنو علي انو غبي .......والله الحكاية المرة دي نجيضة خالص
|
عزيزي/ ابراهيم النيما
سلام
واحد يقول للشعب شحادين!!!
وواحد يقول للشعب كسول..
وواحد يقول الدفاع بالنظر
وآخر يقول عليكم بالاستغفار!!
الناس ديل درجوا على تصريحات وكلام غريب لا يمكن أن يتداوله شفع الروضة..
طبعا ما ممكن زول يتهم الملايين بالغباء..
هم بيستغبوا أنفسهم زيادة على غبائهم المركب!!
لك الله يا وطن..
مودتي
Quote:
الله يديك العافية ود عيسى ، بهجة عديييل كدا.
|
العزيزة/ نجاة سيداحمد
سلام
المصريون عصرتهم الدكتاتوريات أكثر من ستين سنة.. فخلقت فيهم روح الدعابة والنكتة للبعد قليلا عن المىآسي..
نحن دكتاتورياتنا الأثنين السابقات كانتا أخف وزمنهما قصير..
أما الكابوس الحالي فقد عمل فينا أكثر مما عملته دكتاتورية مصر في ستين سنة!!
والنقد خفيف الدم رسالة قوية تصل للناس وتعكس الواقع بصورة جميلة..
لك التحية
| |
|
|
|
|
|
|
|
|
|
Re: الأسعــــــــــــــــــار.. نار.. وتعبيرات كاريكاتورية!! (Re: أمجد الزين)
|
العزيز/ أمجد الزين
سلام
بعد 23 سنة من الذل, التخلف والعنصرية أصبحنا نطالب بعودة لمجطة 29 يونيو 1989م.. حيث كنا أفضل عشرات المرات مما نحن فيه اليوم!!
الجيل الذي حضر الشئ البسموه استقلال كانوا بيحكوا لينا عن سودان أفضل وأرقى كثيرا مما وجدنا انفسنا فيه زمن المقبور نميري..
كل شعوب الدنيا دي خطت للامام وبنت امجادا ووضعت لها مكانا بين العالم ةالبني آدميين..
نحن الشعب الوحيد المتراجع للخلف
واصبحنا نتقهقر بسرعة ضوئية منذ يوم الغدر والشؤم 30 يونيو 1989م
نحن أصبحنا عكس الامم تماماً..
مودتي
| |
|
|
|
|
|
|
|
|
|
Re: الأسعــــــــــــــــــار.. نار.. وتعبيرات كاريكاتورية!! (Re: Abdlaziz Eisa)
|
يا بوعزيزي مشكور على الرسومات المعبرة دي.
المحيرني اليومين دي الحديث كلو اصبح من شاكلة" قرار الشعب" وإذا الشعب رفض و...ألخ.
كأن الحكومة إكتشفت فجأة في حاجة إسمها " الشعب الفضل"!!
بعدين الناس ديل مش قالوا إنو الجنوب كان عالة على البلاد وأن إنفصاله لن يكون له تداعيات تذكر على الإقتصاد؟
ياخ اول مرة اشوف لي وزير مالية يتعامل مع السياسات النقدية( Monetary Policies) على طريقة ناس التنزيل والزئبق الاحمر!!
بالجد الناس ديل " فاقوا سوء الظن العريض" على حد تعبير الشهيد محمود محمد طه.
محبتي
| |
|
|
|
|
|
|
|
|
|
Re: الأسعــــــــــــــــــار.. نار.. وتعبيرات كاريكاتورية!! (Re: Abdlaziz Eisa)
|
Quote:
Sonia Yousef
الجبهة الديمقراطية العريضة
..........................................................................
تهنئة إلي الرئيس المشير عمر احمد حسن البشير ...
نود إبلاغك بأن الشعب السوداني قبل زيادة المواصلات ودفعها عن يد وهو صاغر ....
وسير يا رمز السيادة واسد أفريقيا ...
شباب سوال خارج النص الاسد دا مش حيوان ؟؟؟!!
لي الكيزان بزعلو لما نقول البشير حيوان مش هو مرة صقر ومرة اسد والأتنين من الحيوانات؟؟؟!!!!
|
الاخت: سونيا- الفيسبووك
سلام
حيوان دي كتيرة شوية...
لكن هو قال للجنوبيين حشرات..
وبعدين جلس يتفاوض معهم...
النبي سليمان ربنا علمه منطق الحيوانات وتكلم مع النمل!!
ياربي بشة ده اتعلمها وين؟!!
ولا جاته النبوة ونحن كنا عارفين غلط ان الخاتم محمد صلى الله عليه وسلم..
مودتي
| |
|
|
|
|
|
|
|
|
|
Re: الأسعــــــــــــــــــار.. نار.. وتعبيرات كاريكاتورية!! (Re: Abdlaziz Eisa)
|
Quote:
انها بداية الثورة انه بداية الطوفان الذي سيقتلع نظام الجبهة الكهنوتي من جزوره ويرمي به في مزابل التاريخ ويلحق طواغيته بفرعون وهامان وحسني والقذافي وغيرهم من مصاصو الدماء .... لكل ظالم نهاية وها قد دنت ساعة زوال هذا النظام الدموي العنصري البغيض لعنة الله تغشاهم اينما حلوا
عمر عطاءالفضيل - الجبهة الديمقراطية العريضة
|
| |
|
|
|
|
|
|
|
|
|
Re: الأسعــــــــــــــــــار.. نار.. وتعبيرات كاريكاتورية!! (Re: Abdlaziz Eisa)
|
Quote: يا بوعزيزي مشكور على الرسومات المعبرة دي.
المحيرني اليومين دي الحديث كلو اصبح من شاكلة" قرار الشعب" وإذا الشعب رفض و...ألخ.
كأن الحكومة إكتشفت فجأة في حاجة إسمها " الشعب الفضل"!!
بعدين الناس ديل مش قالوا إنو الجنوب كان عالة على البلاد وأن إنفصاله لن يكون له تداعيات تذكر على الإقتصاد؟
ياخ اول مرة اشوف لي وزير مالية يتعامل مع السياسات النقدية( Monetary Policies) على طريقة ناس التنزيل والزئبق الاحمر!!
بالجد الناس ديل " فاقوا سوء الظن العريض" على حد تعبير الشهيد محمود محمد طه.
|
عزيزي/ الفاتح ميرغني
سلام
الشعب ذكروه في خطاب الانقلاب..
الكذبة السرقة الغشة وقالوا انقاذ!!
ثم وضعوه في الرف طيلة الـ23 عام العجاف هذه..
الآن بعد ان فرغ معينهم من كل المكر والاكاذيب..
عايزين يفتكروا ان هنالك شئ اسمه الشعب..
الجنوب الحبيب.. وقطعة الجسم التي بترت ليزداد الكل ايلاما..
فهؤلاء بلا بصر ولا بصيرة..
المسؤول المالي سمسار أو تاجر عملة!!
وزير المالية هذا كأنه التاجر الأمي الذي يضع نقده تحت مخدته
فعلا يحتاج لعمليات تنزيل وخدام وجنون... لأن حساب النقد وتعاملات الاقتصاد لم تمر من أمام به اطلاقا..
وسوق الله أكبر لا يعرف الصناديق ولا البنوك... لا القروض ولا البيع والشراء..
فمن خلفه يقول استغفروا فالاستغفار سيخرجهم من ايها ورطة!! وكأنه يقول: تعالوا نغش الله!!
مودتي
| |
|
|
|
|
|
|
|
|
|
Re: الأسعــــــــــــــــــار.. نار.. وتعبيرات كاريكاتورية!! (Re: Souad Taj-Elsir)
|
Quote: الثورة انطلقت منذ ذاك الوقت ولن يوقفها كائن كان
بلّغوا إرهاب البوليس والبلطجية لجمعيات حقوق الإنسان
عاش كفاح المرأة السودانية
عاش نضال الشعب السوداني الذي هزم أعتى الدكتاتورات
عبر التاريخ. إلى مزبلة التاريخ كل دكتاتورٍ إرهابي |
عزيزيتي د. سعاد تاج السر
الثورة انطلقت
الثورة انطلقت
شعارات ترددها الألوف..
الثورة تراكمات نضال من اول لكمة.. من اول دمعة.. من اول نقطة دم..
الثورة ارث من الشهداء
الثورة تلك الصرخة التي تخرج من افواه الجياع
ومن ثغور الحزانى والثكالى..
الثورة مشوار
الثورة ثورة أحرار
ومن أجل ان يتحرر الوطن..
وسننتصر
لك التحية والتقدير..
| |
|
|
|
|
|
|
|
|
|
Re: الأسعــــــــــــــــــار.. نار.. وتعبيرات كاريكاتورية!! (Re: Abdlaziz Eisa)
|
ثلاثة كباري و شارعين و سد
لشاعر الشعب / محجوب شريف
تلاتة كباري وشارعين وسد…
قديتونـــــا قصــادهــــم قــــد…
لو جينـا لكشف حساب وجرد…
أمسك واحد أول بدء:
سرقتو وطن واسع ممـــــتد…
فكفـكتوهــــو…
وزعزهتوهو…
وأرهقتوهــو…
وبشتنتوهــو…
وهديـــــــتوهو هــــدا هــــد…
وهاك التاني أمراً أد :
حكمتو شعب كان زي الورد…
أفقـرتوهـــــو…
وشردتوهـــو…
وجهجهتوهو…
وعنصرتوهو…
وقطعتو حبل كان واصل ود…
أُخد التالت لو ترتد:
وجدتو مصانع لقيتو مزارع…
وسكـــة حديـــد جد بالجــــد…
عطلتوهـــا…
وفرتقتوهـا…
ووقفتوهــا…
وشلعتوهـا…
وقطعتو رزق عمـال من حد…
أحسب رابع وتابع العد:
وين تعليمنا ووين ترنـيمــنا؟
وين آدابنــا ووين كتــابنــــا؟
وين رياضتنا ووين ريادتنا؟
مرمطوهـا…
وأخرتوها…
وأفشلتوها…
وطيشتوها…
وخلفـــتوها جهـــل عن قصد…
شوف الخامس أخذ ورد:
كيف وحدتنا وكيف دولتـــنا ؟
كيف عيشتنا وكيف حالتــــنا؟
ووين ثرواتنا؟
ووين أموالنا؟
وين غيرتنا؟
وكيف سمعتـــنا؟
خرمجتوهـا…
وبشتنتوهـا…
وبـددتوهــا…
ولوثـتوهــا…
وبي سمعتنا مسحتو الأرض….
هاك السادس ونفسك سد:
((رئيساً راقص)) رقصاً شين…
مسئول ((مزواج)) ركاب سرجين…
وزارة تجارة وبياعين…
ناساً عايشة ومبسوطين…
جضوم منفوخة ملمعة زين…
كروش ممدودة متر مترين…
أيادي طرية نعومة ولين…
طالعين ماكلين نازلين بالعين…
مناشر تنشر مطحونين…
بفقه السترة محميين…
ومندسين ومدسوسين…
بفقه ضرورة وقوة عين…
نهابين ومغتصبين…
فساد شفناهو رأي العين…
وشميناهو أبو العفين…
وناس بهناك دايشين دايخين…
بطونهم خاوية وما لاقين…
وجوهم هايمة وفقرانين…
وعينهم طالعة وكمان صابرين…
وليه ساكتين؟؟
ولي متين ساكتين؟؟
بإسم الدين الخداعين…
خلو حياتنا زفت وطين…
تجار الدين الأفاكين…
ملعونين ملعونين…
ملعونين لي يوم الدين…
غشيتونـــا…
وبشتنتونـا…
وعذبتونـــا…
وجننتونـــا…
وبكيتونا دمع ودم ولطخة خد…
وتقولي كمان!!!!!!!
تلاتة كباري وشارعين وسد!!!
بس يــا ود…
حيلك شـــد…
ويد علي يد…
كلنـــــا ضد…
ضد العسكر وحكـــم الفرد…
******************
ضد الظلمــة ومــن أفســد…
نضال وارثـنو أب عـن جد…
أكـتوبر أولى لــنا بتشــــهد…
وأبريل التانية أعادت مجد…
والتـالتة قريبة وما بتبــعد…
خليك واثق واتأكــد…
للأحلى حيكون الغد…
للأفضل راجنو الغد…
للأجمل حنبني الغد…
للأحلى حيكون الغد…
للأفضل راجنو الغد…
للأجمل حنبني الغد…
| |
|
|
|
|
|
|
| |
Abdlaziz Eisa
الامين موسى البشاري
ندى صالح الطيب
على محمد على بشير
ibrahim alnimma
Nagat Sid Ahmed Elshiekh
أمجد الزين
Safia Mohamed
الفاتح ميرغني
Souad Taj-Elsir
فيس بوك
تويتر
انستقرام
يوتيوب
بنتيريست