|
|
 منو الما ذكى ومفتكر غيرو ما ذكى؟
|
السلام على الجميع
والسلام على من إتبع الهدى والتى أرى انه صارت مهمه شديد
يعنى تجى داخل حته تقول السلامين لانو مافى ضمان
الاسلام بتاعك ممكن يكون ما نفس اسلامهم
وعليه يجوز لك ان تلقى لهم بتحية غير المسلمين
والله أعلم
طولت من فتح البوستات و رفعت يدى عنوة واقتدارا
واكتفيت بالمداخلات و فيها ارجع او ما ارجع على حسب ظروفى
العملية و النفسية و ركزو لى على النفسية دى باللاهى
لانو و كما اعلنت لاصدقائى فى ساحات الفداء الفيس بوكية
انى عندى شحتفة روح و خمة نفس و زدتهم بالامس انو حيلى ما شايلنى
ولكن
ابت نفسى الامارة بمنتهى الثقالة والبايخة الا ان تحملنى
مسئولية فتح بوست ....يعنى ناس منو ومنو ومنو ح يجو يكتبو لى
وانا لازم ارد غض النظر عن حالاتى المتذبذبة المشروحه اعلاه
بينى وبينكم حبيت الفكرة ..طولت منكم ياخ
وين انتو بلاهى... قاتل الله الكسل و البياخة
مشتاغون للجميع
كنت اتمنى ان ابطل عادتى القبيحة و اكون اكتر تنظيما
و ابقى راقية واكتب فى كراس اول وبعدين اجى الصق هنا
لكن بصراحة بياخة وثقاله قدر ده ما بقدر عليها حسى
فكونى يا جماعة فكووووونى
واعذرو التداعيات المامرتبة
ويا ملاسى من هسه دى
ده حنكى للتملص من اى اخطاء املائية او لغوية
فك دربها بلاهى
____________________________________________
الموضوع: نقاش حول هل الكيزان عارفين انهم ما عارفين
انهم ما اذكياء والا هم عارفين انهم ما اذكياء لكن ماعارفين
انو باقى الناس عارفين انهم ما اذكياء
والا هم عارفين انهم ما اذكياء و عارفين نحن (باقى الناس) عارفين
انهم ما اذكياء لكن فينا من الغباء ما يكفى لنصدق انهم اذكياء
هذا بالرجوع لموجة محاربة الفساد الحايمة فينا ليها
فترة ... وجعنى فيها الموضوع اعلاه:)
اولا احب اثبت انو: محاربة الفساد مرحب بيها الف كما تداخلت سابقا فى بوست سابق
ولكن
هل هى محاربة حقيقة والا ذر الرماد فى العيون و تسكين الشعب المغلوب على امره
و توفير مادة عشان تشغله؟
هل الاشخاص الذين تم القبض عليهم و نشر غسيلهم الفاسد تم سااااى كدى؟ والا هو مخطط ليهو؟
هل الصحف التى قامت بالنشر كانت لتقوم به لو ما ادوها الامان؟
منو الوفر المعلومات والوثائق؟
لماذا تم اختيار هؤلاء الناس تحديدا ليكونوا "كبش فداء" لاخرين؟
____________________________
معليش حصل طارىء مضطرة اقيف هنا
فيها ارجع لو ما مت
|
|
 
|
|
|
|
|
| العنوان |
الكاتب |
Date |
| منو الما ذكى ومفتكر غيرو ما ذكى؟ | Siham Elmugammar | 02-09-12, 08:59 AM |
| Re: منو الما ذكى ومفتكر غيرو ما ذكى؟ | Hussein Mallasi | 02-09-12, 09:21 AM |
| Re: منو الما ذكى ومفتكر غيرو ما ذكى؟ | Hussein Mallasi | 02-09-12, 09:24 AM |
| Re: منو الما ذكى ومفتكر غيرو ما ذكى؟ | Siham Elmugammar | 02-09-12, 09:34 AM |
| Re: منو الما ذكى ومفتكر غيرو ما ذكى؟ | Siham Elmugammar | 02-09-12, 10:09 AM |
| Re: منو الما ذكى ومفتكر غيرو ما ذكى؟ | محمد المرتضى حامد | 02-09-12, 11:30 AM |
| Re: منو الما ذكى ومفتكر غيرو ما ذكى؟ | محمد المرتضى حامد | 02-09-12, 11:36 AM |
| Re: منو الما ذكى ومفتكر غيرو ما ذكى؟ | Siham Elmugammar | 02-09-12, 12:47 PM |
 Re: منو الما ذكى ومفتكر غيرو ما ذكى؟ | قيقراوي | 02-09-12, 01:07 PM |
| Re: منو الما ذكى ومفتكر غيرو ما ذكى؟ | talha alsayed | 02-09-12, 01:27 PM |
| Re: منو الما ذكى ومفتكر غيرو ما ذكى؟ | Siham Elmugammar | 02-09-12, 01:55 PM |
| Re: منو الما ذكى ومفتكر غيرو ما ذكى؟ | Haitham Labib | 02-09-12, 03:51 PM |
| Re: منو الما ذكى ومفتكر غيرو ما ذكى؟ | Siham Elmugammar | 02-09-12, 04:52 PM |
| Re: منو الما ذكى ومفتكر غيرو ما ذكى؟ | هيثم طه | 02-09-12, 05:10 PM |
| Re: منو الما ذكى ومفتكر غيرو ما ذكى؟ | احمد التجانى احمد | 02-10-12, 03:34 PM |
| Re: منو الما ذكى ومفتكر غيرو ما ذكى؟ | احمد التجانى احمد | 02-10-12, 03:39 PM |
| Re: منو الما ذكى ومفتكر غيرو ما ذكى؟ | Siham Elmugammar | 02-11-12, 12:07 PM |
| Re: منو الما ذكى ومفتكر غيرو ما ذكى؟ | Siham Elmugammar | 02-11-12, 09:08 PM |
|
| |
Siham Elmugammar
فيس بوك
تويتر
انستقرام
يوتيوب
بنتيريست