|
|
 يا حبيبة الليل طويل..والصبر قاسى
|
احبيتى انا غلبنى الصبر الليله وكل يوم انتى وين يا امى انا؟؟؟ وين مشيتى
كنا بنتناقش حول بوست خدر قامت ايه قالت لى يا خالتو ده ما كلام ديدى زاتووو مش قالت الناس بتخاف من التغيير
جيت راجعه البيت قلت اشوف مداخلتك اليتيمه غلبنى يا امى انا غلبنى حبيبتى انا
ياخ مخك كان كبير خلاس
فى كل موضوع انا بتذكرك واقول يا ربى كنتى ح تقولى شنو؟؟؟ موضوع عام والاخاص
طوالى بفكر يا ربى ديدى كان ح تقول شنو؟؟ مرات بقدر اتخيل ومرات اقول ياخ دى دايما كانت بتفاجئنى
هسه الناس ياماما انا بتتكلم عن الوضع فى السودان و التغيير و غير
وانتى قلت الناس بتخاف من التغيير !!!
اها رايك شنو؟؟؟
مرقت قبل يومين لقيت بنات من الحله واقفات شايلات شموع قلت يا حليل غادة وسطن
قلت ليهن انتو بيت واحد رايكم شنو نجيب لينا صينية و نقعد ندقها نخلى الحلة دى كلها تمرق
ما استجابن لفكرتى
قلت لو انتى كنتى معانا كانا مشيتى جبتى صينيتك و جيتى
انا تعبانه من التكفير المدور طوالى والراس البتهز دلاله عدم التصديق
جاتنى دوشه
شنو؟؟مالك ؟؟ ما صحى هسه دى عملها تعلميها
الناس لما تقول لى يا سهام غاده هسه ليها كده شهر
انا بتخلعك .... اهون عليك قدر ده
تخلينى وتمشى
مافى زول بقول لى ماااااماااااا لما اجى داخله
وافتح لى حضنه الحنين
محمد وحسام على حسب بسووفى شنو!!!! يعنى لو الكوره مسخنه مممكن عادى ما يشتغلو بى
الليله اجرى اسكهم سك... بطلع البيت بلقى فاااضى انتى مافى
زول بحكى لى قصه ولا يكون منتظرنى بى موضوع مااافى
يا حليل دربكينك يا امى...ما كنت قايله ح افتقدو كده
خضر حسين كل مره فاتح لينا بوست بخصوص العيش والازم منو للعيش الناس
انتى رايك شنو؟؟؟؟
دحين صحباتك نزلو الجامعات ما ناسينى بيضربو لى طوالى
سلمى قالت عاوزه تنتهى من الامنحانات و ح تجينى اوديها ليك
عاوزه تزورك...تصدقى هديه نجاحها من المدرسه ضربت قالت عاوزه تدينا ليها
نعملها بيها حاجه على روحك... قلنا ليها انتى ح تكونى سعيده اكتر لو هى استفادة بيها لنفسها
دى انا متأكده منها...موش صاح كلامى؟؟؟
انتى ما ح تردى على انا عارفه؟؟
طيب انا قاعده ادعى ليك كتير ...دعاى قاعد يصلك يا امى يا حبيبتى؟؟؟؟؟
اسأل الله انو يكون واصلك
لااعتراض فى حكمو ياماما
لكن القصه صعبه شديد
اهااااا انا اسوى شنو؟؟؟
ترا الناس فى المنبر ده عزونى وشدو على يدى لمن فترو
تانى انا جيت ليهم بى احزانى وعدم صبرى
انا الودانى افتح المكتبه شنو؟؟؟
الله يخليك يا خدر كلو منك انت وايه
فى البوست لقيت فى اخونا الشيخ محمد ابو ادريس كتب "كل واحد جالس تحت الشجرة ويالف لينا في قصص
اين المصدر"
شوفى الزول ده فجع فيك كيف؟؟؟ الناس بيعزو وهو بس جاء كتب كده وما رجع تانى
ده حالتو ما عرفك
فعلا اين المصدر؟؟؟؟
انا زاتى عاوزه فى الليل ده اعرف المصدر بتاع الخبر ده شنو؟ من وين و كيف ومتين؟؟؟؟؟؟؟؟؟؟؟؟؟؟؟؟؟؟؟؟؟؟
|
|
 
|
|
|
|
|
| العنوان |
الكاتب |
Date |
| يا حبيبة الليل طويل..والصبر قاسى | Siham Elmugammar | 01-21-11, 10:25 PM |
| Re: يا حبيبة الليل طويل..والصبر قاسى | Ishraga Mustafa | 01-21-11, 10:34 PM |
| Re: يا حبيبة الليل طويل..والصبر قاسى | jini | 01-21-11, 10:35 PM |
| Re: يا حبيبة الليل طويل..والصبر قاسى | ساميه حامد | 01-21-11, 10:40 PM |
| Re: يا حبيبة الليل طويل..والصبر قاسى | GamarBoBa | 01-21-11, 10:41 PM |
| Re: يا حبيبة الليل طويل..والصبر قاسى | omer osman | 01-21-11, 10:37 PM |
| Re: يا حبيبة الليل طويل..والصبر قاسى | كمال سالم | 01-21-11, 10:43 PM |
| Re: يا حبيبة الليل طويل..والصبر قاسى | خضر حسين خليل | 01-21-11, 10:39 PM |
| Re: يا حبيبة الليل طويل..والصبر قاسى | سارة علي | 01-21-11, 10:43 PM |
| Re: يا حبيبة الليل طويل..والصبر قاسى | محمد الجيلى | 01-21-11, 10:57 PM |
| Re: يا حبيبة الليل طويل..والصبر قاسى | Siham Elmugammar | 01-21-11, 11:22 PM |
 Re: يا حبيبة الليل طويل..والصبر قاسى | Yassir Tayfour | 01-21-11, 11:34 PM |
| Re: يا حبيبة الليل طويل..والصبر قاسى | Tumadir | 01-22-11, 05:27 AM |
| Re: يا حبيبة الليل طويل..والصبر قاسى | سناء عبد السيد | 01-22-11, 05:49 AM |
| Re: يا حبيبة الليل طويل..والصبر قاسى | عفاف الصادق بابكر | 01-22-11, 07:31 AM |
| Re: يا حبيبة الليل طويل..والصبر قاسى | Mahassin Ibrahim | 01-22-11, 08:02 AM |
| Re: يا حبيبة الليل طويل..والصبر قاسى | الجندرية | 01-22-11, 08:25 AM |
| Re: يا حبيبة الليل طويل..والصبر قاسى | Amira Elsheikh | 01-22-11, 08:40 AM |
 Re: يا حبيبة الليل طويل..والصبر قاسى | محمد عبد الماجد الصايم | 01-22-11, 08:43 AM |
| Re: يا حبيبة الليل طويل..والصبر قاسى | Siham Elmugammar | 01-22-11, 11:05 AM |
| Re: يا حبيبة الليل طويل..والصبر قاسى | Ishraga Mustafa | 01-22-11, 11:45 AM |
|
| |
Siham Elmugammar
فيس بوك
تويتر
انستقرام
يوتيوب
بنتيريست