|
|
 عيب يادكتور فاروق كدودة....لا يا فاروق الشرع
|
هذا ما اوردته جريدة الصحافة21 ابريل
شيوعى واضح جدا
د. فاروق كدودة : ايوه أنا شيوعى وعندى عمارتين شنو المشكلة ؟
الترابى مكار ونقد مفروض يتنحى والصادق المهدى ما بنفع رئيس جمهورية تانى !!
توقفت بنا عربة الصحافة امام بيت فخم وجدناه ينتظرنا فى مدخل الشارع يرتدى جلابية بيضاء وينتعل سفنجة وفى
يده بقية سجارة رماها ومد يده بالمصافحة وابتسامة مريحة كذلك .. دخلنا فاذا البيت الفخم قصر يجمع الى الفخامة اناقة ... سألنا هو : انا قلت ليكم عازمكم شنو ؟ فأجابت صباح: شاى وذهب لأحضاره وهمست لى صباح : حيعملوا براهو .. كانت صباح قد امدتنى بكثير من المعلومات حول ضيفى وساهمت كثيرا هى فى ان تكون هذه الونسة امامكم الآن ..تحدثنا قبل ان ادير جهاز التسجيل عن الجو وانفلونزا الطيور وبدأت معه بسؤال بايخ:
*الحقيقة وانا جاى وفى ذهنى انك احد منسوبى الحزب الشيوعى وواحد من قياداته ودة حزب المفروض انه مهتم بالفقراء فاذا بى امام قصر وانت شغال فى مؤسسة تعليمية الطالب فيها بيقرأ بالملايين وانت بتصرف برضو ملايين ... مش لى حق اشعر بتناقض فى حالتك دى؟
0( بعد لحظات صمت):انا عمرى ستين سنة وانا ما داير اقول انو انا زول ذكى وكدة لكن لا ينقصنى التفكير السوى ولازم اكون اختزنت تجربة وشوية معارف وعلاقات تخلينى احلحل مشاكل اساسية ومشكلة السكن (الضل) مشكل اساسى .. وفى الحقيقة دة ما البيت الوحيد عندى عمارة صغيرة فى العمارات
* عملتها كيف ؟؟؟
0مشيت لى صاحبى مهندس قلت ليهو داير اعمل لى عمارة وانا ما عندى قروش قول لى بتكلفنى كم لغاية ما تدينى المفتاح قال 13 مليون جنيه ونص فى الوقت داك
* الوقت داك كان سنة كم؟
* 0أظن سنة 92 ..
* * أها ؟
* 0عندى صديقى فى بنك قلت ليهو انا داير 13 مليون ونص
* *براك كدة ؟
* 0 اصلو انا عندى صديقى مليونير الله يرحمه هسة .. قال لى ياخى شيل من البنك انا القدامك دة مديون للبنك سبعمية مليون شفتنى هسة مهموم او ما قادر انوم لا ما فى مشكلة اتوكل وشيل ولو ما قدرت تدفع ابقى انا مديون للبنك سبعمية وتلاطاشر مليون جنيه
* *يعنى بسط ليك المسألة تماما ؟
* 0لا وكمان ممكن يتحمل ديونى ( يضحك) فعلا يازول اخدت البتاعة دى وعملت العمارة الصغيرة وبى كدة وفرنا قروش ايجار عيادة الدكتورة زوجتى ورجعت ال13 مليون وغيرها وساعدتنا فى بناء البيت القلت عليه قصر دة وبالمناسبة هو ما مكلف
* *وانقطعت عن البنوك بعد التجربة دى ؟؟
* لا بالعكس لأنو بقت عندى تجربة وطالما دفعت الملايين ديك قلت خلاص ندور فى الموضوع دة وفعلا مشيت لى بنك تانى قلت ليهم أدونى مائة مليون ...
* *وأدوك طوالى ؟
* 0شوف البنوك عندها مشكلة فى تصريف سلعتها البتبيعها وهى القروش ودى سلعة راكدة وبى نسبة ربح 1%
* * وشلت المية ؟
* 0 وما وقفت خشيت فى ميات لدرجة انى الآن ما عارف شلت كم مائة مليون
* *وما عليك مشاكل ؟
* 0 لا يعنى امكن الآن مديون أقل من خمسين مليون وما عندى قلق .. تعرف الجماعة ديل بسمونى الزبون الجيد لأنى بسدد طوالى وهم قصدهم انى الزبون الجبان لأنو الجماعة الما بسددوا ديل ما بخافوا
* *لكن ما عندك مشاكل ؟
* 0 ابدا اصلو انا عندى بنتين فقط
* *ممكن نعرفهم ؟
* 0 الكبيرة غادة دكتورة فى هندسة الكمبيوتر والتانية ساندرا فى خامسة طب مشهورة كدة
* * ما عندهن علاقة بالحزب الشيوعى
* 0 لا
* *ما حاولت تجندهن ويبقن شيوعيات ؟
* 0 والله انا اتحت الجو عندى مكتبة فوق ممكن تشوفوها فيها كل الدراسات الاسلامية والشيوعية والروائية وكل الأنواع
* *لو واحدة منهن بقت كوزة ؟
* 0طبعا هذا لا يسعدنى لكن بخليها
* * ويسعدك انها تكون شيوعية بعد عمرك الطويل فى هذا الحزب ؟
* 0 (صمت لحظة وشرب قليلا من الماء)والله يسعدنى انها تبقى شيوعية حديثة انحنا شيوعيين قدام و
* *قصدك ناس القوى الحديثة ؟
* 0 لا اقصد شيوعية حديثة يعنى ما متزمتة
* * وكم نسبة ديل فى الحزب عندكم ؟
* 0 والله الشباب وقت شفتهم فى الندوات لقيت نسبتهم كبيرة
* * وهل افكارهم مختلفة ولابرضو زيكم ؟
* لا ما اظنهم مخرفين زينا ... مثلا ابن اخى متدين جدا وبزورنى دائما ويبدو انو كان فى سؤال شاغلو كتير .. ومرة اتشجع وسألنى
* * السؤال شنو ؟
* 0 قال لى يا عمو انت ما بتصلى مالك ؟
* *سؤال واضح هل كانت الاجابة صعبة ؟
* 0 لا ما صعبة ولا حاجة قلت ليهو انت وقت عييت منو الجاك ووداك المستشفى من اعمامك الكتار ومين الراح بورسودان وجاب ابوك للعلاج هنا ومين البقيف مع اهلك اذا دايرين تبرع او مدرسة او جامع قال لى بجوك انت قلت ليهو حصل انا كذبت او قطعت ليك فى زول اذن لغاية هسة انا الاسلام عندى هذا النوع من السلوك
* * كيف يعنى ؟
* 0 يعنى رضا الوالدين والأهل والاقرباء وعدم ايذاء الآخرين وربنا يقدرنى على الطقوس الباقية
* *تقصد الصلاة والصوم والحج والزكاة وال
* 0 ايوة والولد ارتاح جدا انو عمو ما بنكر الاساسيات لكن زى كتيرين جدا من المسلمين هنا وفى العالم الاسلامى مابقوم بكل الشعائر
* * معليش يادكتور اننا نتدخل فى موضوع بينك وبين ربك لكن انت الشجحعتنا؟
* 0(يهز رأسه موافقا )
* *انت مقتنع تماما انك مقصر كمسلم فى الصلاة والصوم وكدة ؟
* 0 بما انو البلد فيها شريعة فأنا ما حأقدر أرد على سؤالك التجريمى دة والأيام دى فى اتهامات زندقة وغيرها وخلينا نكتفى بالقول ربنا يقدرنى على بقية الشعائر
* * ممكن تساهم فى بناء مسجد ؟
* 0 لو كان دة الخيار الوحيد
* * ما فاهم ؟
* 0 يعنى لو قدموا لى لدعم جامع ومدرسة حأدعم المدرسة أصلو الجوامع كتيرة
* * ...................؟
* 0 تعرف للأسف بعض الناس الببنوا المساجد دى بعملوها علشان يتحصلوا على تسهيلات فى مواد البناء وانا بعرف واحد بنا مسجد هنا فى ........... الحقيقة عمل أوضة صغيرة مصلى وفوقها طوابق شقق سكنية ودى ما نية صادقة للمسجد الناس دايرين يبنوا بيوت ساكت
* * طالما نحنا فى محطة البيوت خلينا نسألك هل ابدا حسيت بحرج وانت معارض وساكن فى ذات الوقت فى بيت حكومة ؟
* 0 الناس ما بعرفوا انو البيت الكنت فيه فى حى المطار هو لزوجتى دكتورة اسماء السنى اخصائية الأمراض الصدرية والقرار انها مفروض تكون فى منطقة قريب من مستشفى الشعب عشان تنقذ من يعانى ...وهو الحقيقة ما بيت فاروق كدودة انما انا قاعد معاها
* * لكن ما عندك مشكلة تسكن فى بيت حكومة ؟؟
* 0 أقاطعها يعنى ؟ ليه ياخى ما الحكومة ممكن تشيل منى ضرائب وهى تدينى مرتب
* * انا سمعت انو البيت زاتو كان جنب مكاتب جهاز الأمن ؟
* 0 الحقيقة نحنا كنا ساكنين قبلهم بعد 89 هم اللى جو سكنوا جنبنا
* * عندك علاقات واسعة جدا ويبدو لى عبارة اختلاف الرأى لا يفسد للود قضية تنطبق عليك ؟
* 0 ايوة انا لاتفسد علاقتى مع اللى عندهم رأى من الذين اختلف معهم وطبعا فى كتير من البختلف معهم ما عندهم رأى
* * مثلا ؟
* 0 ممكن تفسد علاقتى مع رجل امن مثلا لكن ما تفسد علاقتى مع دكتور الترابى مثلا ممكن ازوره ويزورنى
* * وعمليا عملت دى ؟
* 0 ايوة وعزمته هنا فى بيتى دة وجانى وقعد فى حتتك دى
* * ونستك معاه كانت فى السياسة بس ؟
* 0 لا انا عزمته بمناسبة افتتاح هذا البيت وعزمت معاه نقد والصادق المهدى و
* * نقد ما اعترض على الترابى ؟
* 0ما كان مبسوط
* * ما صرح ليك بى ضيقو من عزومتك للترابى ؟
* ايوة صرح لكن هو عرف انو الناس التانيين عارفين انو هو جاى.. يعنى مشت كدة
* * اتقابلوا عادى واتونسوا عادى ؟
* 0 ايوة طبعا لو انت فى حفل عام زى دة عادى جدا تفقد كرسيك لو قمت منه وصادف انو الترابى ونقد الاتنين فقدوا كراسيهم فأضطروا قعدوا فى السلم برة وقعدوا جنب بعض وفى صحفى نوبى صورهم جنب بعض وللأسف ما رسل لى الصور وما ظهرت
* * لكن لا الترابى لا الصادق ما سألوك عن المدعوين ؟
* 0 لا انا قلت ليهم عندى مناسبة افتتاح بيت وعازم خواجات وهو فى الحقيقة انا داير اورى الخواجات وبالذات السفراء انو دة السودان
* * شنو البعجبك فى نقد ؟
* 0 صبرو وذكاءه
* * والما بعجبك فيه ؟
* 0( صمت وتفكير )مرات يضيق بالآخر الذى لا يستوعب الأفكار بسرعة .... ما هو مرات فى ناس بتحتاج انك تشرح ليهم النكته ونقد ناس زى ديل ما بستحملهم
* * قلت بعجبك صبرو ... هل هو صبر على الحزب أم على ناس الحزب أم الظروف ؟
* 0 والله طبعا هو صبر على الحزب 16 سنة تحت الأرض وفى المدة دى قطعا ظهرت ليهو مشاكل عائلية مثلا وفاة أخته وكان نصف الحضور أمن قايلنو حيجى ونحنا شايفنهم
* * كنتوا بتلاقووهو تحت الأرض ؟
* 0 ايوة عادى
* * ومالذى يعجبك فى الترابى ؟
* 0 الترابى ذكى وقارئ لكنه اعتقد مكار نقد ذكى لكنه ما مكار
* * كيف مكار ؟
* 0 الترابى فى سبيل مصلحة حزبه مستعد يقتل
* * مكر الترابى دة هو الخلى حزبو الآن أغلبية و يحكم كل هذه السنوات ؟
* 0 الترابى ما اغلبية انا زاتى كنت بتخيلو كدة لكن انتخابات الجامعات وضحت انو ما اغلبية ولا حاجة
* * يا دكتور الآن كذا جامعة اتحاد طلابها فى يد الاسلاميين ؟
* 0 ديل ناس المؤتمر الوطنى
* * انا بقصد ليك الاسلاميين عامة ؟
* لا كان كدة معليش لكن انا بتكلم عن الترابى فى الشعبى وأظنه الآن براجع فى حساباتو تعرف انو الجماعة ديل صاغو سياسة جديدة للتعليم العالى مثلا ان يعطو 7% لأبناء الشهداء والمقاتلين وكدة ومن الباب دة يدخل ابناء الحركة الاسلامية ودة بخليهم اغلبية
* * معقولة يا دكتور ال7% دى تدى الأغلبية للحركة الاسلامية قصاد ال93% الباقية ؟
* 0 المنافسات فى كليات كتيرة فى درجة واحدة ... تحت مسميات كتيرة وظفوها لصالح ناسهم.. مثلا صندوق دعم الطلاب وانا كلفت طلبتى يعملوا بحوث عنه وقالوا انو بدعم الطلبة الاسلاميين بس
* * انت يا دكتور بتعتمد على بحوث الطلبة ؟
* 0 دى احصاءات عملوها واثبتوها
* * طيب معناها اكتر من60% من طلبة السودان كيزان لأنى اطلعت على احصاءات تبين عدد الطلبة البدعمهم الصندوق
* 0 التخريب اللى حصل يحتاج لمراجعة كبيرة وانا دعوت لهذا كثيرا وبالمناسبة دة بنعكس على الخريجين.. انحناوقت اتخرجنا احسن من حملة دكتوراه الآن
* * خلينى أحول ليك الاتهام بما انك استاذ جامعى مش ممكن تكونوا انتو كأساتذة سبب فى التدهور دة مقارنة بأساتذة زمان ؟
* 0 الاساتذة برضو تعبانين ويقال فى بعض الآحصاءات انه 73% من حملة الشهادات العليا خارج البلاد وحل محلهم مئات الخريجين بماجستير من جامعة امدرمان الاسلامية وماليزيا والهند وغيرها
* * ايجابيات الانقاذ شنو ؟
* 0 طبعا نحنا ناس احياء وحتى المجنون عندو حاجات كويسة بعملها ..اول حاجة انو الشعب السودانى بقى بميز بين الناس كويس والايجابية التانية تضاءلت نسبة مستقبل الحركة الاسلامية وانا افتكر لوقامت انتخابات الحركة الاسلامية فرصها حتكون ضئيلة جدا
* * اقاطعك واذكرك اننا بنتكلم الآن عن الايجابيات
* 0 ايوة ما دى من الايجابيات الدين وزجه فى الدولة مشكلة الدين سلوكيات والدولة قهر
* * الدولة قهر حتى ولو كان الحاكم الحزب الشيوعى ؟
* 0 ايوة نعم الحزب الشيوعى وقت حكم روسيا كفر عدد كبير جدا من الروس بهذا الحكم لأنه بقى حزب واحد قاهر ولذلك اعتقد انو الحزب الشيوعى السودانى بعد مؤتمره الخامس حيكون واضح انو لن يسعى للسلطة بفرده انا بتصور كدة او دة رأى حيكون كدة لو حضرت المؤتمر
* * نحنا ما زلنا فى محطة الترابى ... الآن افكاره وآراءه الجريئة عاملة ليهو مشاكل كيف تقرأ هذه الآراء ؟
* 0 طبعا هو يريد ان يتميز يعنى دلوقت الحركة الفكرية فى السودان راكدة فالترابى ما عندو طريقة غير انو يخالف بعض المسلمات او ما كانت مسلمات لكنه بما انو رجل ذكى يعرف انو قضايا ذى امامة المرأة وزواج المرأة المسلمة من غير المسلمين قضايا ساخنة وحيلقى آيات يبرر بيها افكاره وفى هذا الركود لازم يقول حاجة عشان يتميز
* * ممكن تقيف ضد الحملة الضدو يعنى ضد الدايرين يكفروه ويتهموه بالزندقة ؟
* 0 لا شأن لى بها دة خلاف عائلى
* * نأتى للصادق المهدى ... مشكلته شنو سيد صادق ؟
* 0 ( صمت ثم ضحكة خفيفة) دة سؤال مشكلة ... الصادق ايضا مشغول بالتحديث وهو عارف انه لا يمكن ان يحكم حزبه بالطريقة الحديثة لأنه حزب تقليدى لازم يكون فيه امام وكدة يعنى .. وانا شايف انه الصادق ارهق نفسو فى الفترة الأخيرة بطرح نفسو كمفكر اسلامى بينما هوة قائد سياسى وهنا يصطدم بالسياسة والدين ائمة الانصار مختلفين من عبدالرحمن المهدى لغاية الصادق لذلك ربط العمل السياسى بالعمل الدينى فيه مخاطر كبيرة لذلك الصادق الآن مضطرب والا كيف تفسر لى رحلته مؤخرا الى مالى ليصلى صلاة المولد استجابة لدعوة القذافى ونحنا عارفين ليس هناك صلاة مولد مشيتو لمالى عرضتو لاساءات حكى عنها هو فى ندوته الاخيرة
* * يصلح يحكم السودان تانى ؟
* 0 السودان يحتاج الى حكم بطريقة جديدة والصادق المهدى زعيم حزب تقليدى وممعن فى التقليدية والسودان يحتاج الى عقلية جديدة وهو ليس من الطبقات او الفئات الاجتماعية المطروحة لحكم السودان الجديد
* * من ترشحه ليحكم السودان الجديد هذا ؟
* 0 يضحك) دة السبب الخلى جعفر نميرى16 سنة رغم انو جعفر نميرى هو بنصفه انو سفاح وغيرها الا انه الحكم الشمولى بطرح طوالى سؤال ماهو البديل ولذلك الآن يقولون من هو البديل للبشير رغم انه المقابر مليئة بأناس كانوا يظنوا انهم لا يمكن الاستغناء عنهم لذلك دة سؤال بعطل الحركة البديل يأتى نتيجة حراك سياسى الظروف بتطرح الناس المناسبين
* * انت قادر تحكم السودان ؟
* 0 جدا وافتكر انو ما اتيحت لى فرصة اعمل حاجات كتيرة لكن ممكن احكم السودان
* * رغم انك الآن فى حزبك برة اللجنة المركزية ؟
* 0 الاحزاب ما كدة بالذات الحزب الشيوعى آآآآآآ يعنى امكن انا ما عايز لجنة مركزية
* * عرضوا عليك ورفضت ؟
* ايوة امكن ياخى انا ماعايز
* * ما لو انت عندك ثقة فى انك تحكم بلد من باب اولى تكون عندك رغبة تحكم حزبك ؟
* انا بحكم حزبى او بساهم فى حكم حزبى وانتو عارفين كصحفيين انى واحد من البشكلوا الراى العام
* *انت شيوعى متمرد حتى على الحزب ؟
* 0( يتناول كوب الماء مرة أخرى وانتهز الفرصة واصب لنفسى كوب شاى تانى )ما متمرد بالمعنى دة لكن انا مؤمن انو حواء والدة ومافى شخص واحد هو البفكر وخلاص والحزب والحركة بتمشى بمجموع الأفكار وانو على الناس يعبروا عن افكارهم متى ما اتيح ليهم وبالكيفية التى تتاح لهم انا ما باخد اذن عشان اصرح وما جانى اعتراض على تصريحاتى دى حتى الآن
* * ومافى شيوعى شكك فى علاقتك مع صلاح قوش مدير جهاز الأمن والمخابرات ؟
* 0 لا مافى زول قال كدة لكن صلاح قوش من رجال الأمن المقتدرين ... ناس الأمن يجب ان تكون عندهم القدرة انهم يكونوا ظريفين ... فى المرات القليلة القابلتو فيها كان صلاح رجل ظريف
* * لكن قالوا علاقتك بيهو حميمة لدرجة انك اتوسطت لزميلك عشان يتعالج برة ؟
* 0 ايوة هذا هو الظرف الأنا بقصدو وانت قاصد علاج زميلنا محمد محجوب قلت لصلاح بالتلفون ياصلاح محمد محجوب مندوب الحزب الشيوعى فى سكرتارية التجمع أطرش ومعظم الاجتماعات فى السجانة وعشان اعضاء التجمع فى الاجتماع يسمعوه الكلام بكوركو وبى كدة ممكن يا صلاح تسمع تفاصيل الاجتماع وانت فى مكتيك ياخى رغم دة خلى الراجل دة يسافر للعلاج فى لندن
* * ووافق ؟
* 0 قال لى بضمانتك وانو ما يحضر اى ندوة فى لندن قلت ليه بضمانتى وفعلا سافر ودي الظرافة والجانب الانسانى
* *البشير ماقابلتو ؟
* 0 لا الا فى اجتماعات عامة ورسل معاى رسالة لنقد بالمكرفون فى بيت الضيافة وقلت ليه تصل
* * وصلتها لنقد ؟
* 0 نقد بكون سمعها لكن انا ما وصلتها
* * عملت قبل كدة تصريح انو الفوق للستين يتنحى عن العمل العام ؟
* ايوة انا قلت يتنحوا عن القيادة ويكونوا مرجعية فى مجلس شورى لكن القيادة لا مفروض يتيحوا الفرصة للشباب
* * التصريح دة لو كنت رئيس جمهورية بتطلعوا ؟
* 0 لا رئيس الجمهورية ممكن يكون تخطى الستين وممكن يكون فى الثمانين
* * لو قام مؤتمر الحزب تطالب بتبديل نقد ؟
* 0 وتبديل آخرين وامكن دة راى نقد زاتو
* * الآخرين هم الحريصين على وجود نقد فى هذا المنصب ؟
* 0 ما دى مشكلة الأحزاب الشيوعية فى المناطق المتخلفة تلقى الر جل الاول من المهد الى اللحد بريجنيف كان شبه ميت وكيم ايل سونغ لكن فى اوربا الغربية لدورتين فقط ويتنحى وهو فى الستين
* *اى الاحزاب العندو مستقبل فى السودان؟
* 0 الحزب الشيوعى
* * رغم انو الآن صوتو خافت ؟
* صوتو خافت لانو ما عندوش مكرفون
* *الحركة الشعبية ؟
* رغم ترحيب الناس بيها فى بداية وصولها لكن حصل تراجع عنها والليلة فى الجرايد قالوا حينزلوا الانتخابات مع المؤتمر الوطنى ومن الممكن تكتسح الانتخابات ودة يبقى خذلان للشعب السودانى
* *حتى لو جو بالاغلبية ؟
* 0 بالاغلبية والقروش والتزوير من الممكن ان تتحول الحركة لحزب سياسى كاسح رغم وفاة قرنق لأنه الأحزاب السودانية دى ما ملهمة
* * بما فيها الشيوعى ؟
* 0 بما فيها الشيوعى والا قولى يا ابنى بالله كيف تتوسط امريكا الآن بين الحركات المسلحة فى دارفور من اجل اصلاح العلاقة بيناتهم حتى هذه المسألةالأحزاب ما قادرة تعملها دى انا بعتبرها فضيحة .. وعدم كفاءة وعدم جدارة للقوى السياسية
* * تنتقد الأحزاب بشدة ؟
* 0 ياخى القوى المعارضة دى كلها تقول الحل هو المؤتمر الجامع حل لكل المشاكل .. طيب لماذا لا تعقد هذه الأحزاب المؤتمر الجامع دة ... ضرورى اذن من الحكومة ؟ وانعقد كتير آخر مرة قبل كم اسبوع فى تنزانيا وغيره وتقررت فى المؤتمرات اشياء كتيرة المهم ليس من المستحيل عقد هذا المؤتمر هنا وخلو الحكومة توقفه
* * المشكلة فى الأحزاب وليس الحكومة هنا؟
* نعم الحركة السياسية فقيرة هنا فى افقار فكرى وثقافى وكله
* *خلينا نجى لفاروق كدودة شخصيا ... انت حلفاوى الجنسية والميلاد؟
* 0 ايوة انا اتولدت فى عبرى قبل ستين سنة
* * مراحلك الدراسية ؟
* مرحلة الأساس فى عبرى والوسطى فى حلفا القديمة والثانوى فى الأبيض خور طقت ثم جامعة الخرطوم ثم موسكو
* * قريت اقتصاد ؟
* لا فى جامعة الخرطوم قريت قانون
* * ومن وين ليك الاقتصاد ؟
* 0 اصلو انا اترفدت فى جامعة الخرطوم من سنة تانية لأنى كنت رئيس اتحاد طلاب الوقت داك وكنت مشاغب
* *سنة كم ؟
* 61و62 م
* *ومنها لموسكو ؟
* ايوة بس بعد اختفاء بسيط لأن قرارفصلى من الجامعة كان مقرون باعتقالى فاختفيت
* *منو الجندك للحزب الشيوعى ؟
* 0 تتصور مافى زول جندنى انا جيت لقيت نفسى فى المرحلة الثانوية معترض على نظام ادارة الداخلية والأكل وجدت نفسى مع مؤتمر الطلاب ورابطة الطلبة الشيوعيين
* *زوجتك برضو من حلفا ؟
* لا زوجتى اسماء السنى من الخندق وامها من الحلنقة ودة خليط عجيب
* * بتاكل قراصة ؟
* دة بيت ما فيهو قراصة ولا لقيمات دة بيت بتاع مارتديلا وحاجات زى دى
* * واهلك ما بحسو بالغربة معاك هنا ؟
* 0 وقت يجو هنا نتيجة للغة نعم لكنهم ما بأملوا اننا نعمل ليهم قراصة
* * بتحب وردى أكيد ؟
* 0 اكيد وعلى المستوى الشخصى صاحبى واحبه كفنان بالذات فى الغنا بالرطانة ووردى دة كشخص كدة راجل والله
* * غيرو بتسمع منو ؟
* 0 كابلى وفيروز وبالذات فى اذاعة لندن بالليل فيروز بتخليك حاجة تانية
* * بتقرأ كل الصحف السودانية ؟
* 0 والله استطيع ان اتحمل من 6 الى 8 صحف يوميا
* *بمن تبدأ ؟
* بقرأ أعمدة زى أصداء محجوب محمد صالح ووراق كتير لكن عثمان ميرغنى شايفو خفت شوية انا ما عارفو مالو
* *بمناسبة وراق حزنت وقت انشق مع الخاتم عدلان منكم ؟
* 0 والله حزنت لوراق وما للخاتم
* * ليه لم تحزن على الخاتم ؟
* 0 لأنى كنت عارف طموحاته كنت عارف انو كذب على الحزب وقت قال ماشى لزوجته فى بريطانيا الخاتم الله يرحمه عندو طموحات شخصية وعشان كدة اختلف هو ووراق وانا أكن لوراق احترام كبير حتى الان رغم اختلافى معه
* *نختتم بسؤال عن مؤتمركم الذى طال انتظاره ؟
* والله صحى طول جدا وانا افتكر قيادة الحزب تلام على هذا التأخير وانا كنت اعتقد ان المؤتمر يجب ان يقوم بأى شكل والحزب لا تنقصه الأفكار ونحنا ناس شطار
* *ما دام انتو شطار شنو المانعكم تعقدوا مؤتمركم ؟
* 0 يمكن لأنه مناط به مهام كبيرة جدا نتيجة للأحداث الحصلت فى العالم وفى السودان وامكن الاعداد ليه بحتاج لقدرات وافكار اكتر
* * ما قدر شطارتكم الكنت بتحكى عنها الآن؟
* 0نعم بشطارتنا ونحن لها لكن امكن بنحتاج لمال .. انت عارف حكاية انو الحزب دة بقولوا عنو اكبر حزب شيوعى فى العالم التالت وفى افريقيا وفى العالم العربى
* *ودى ما حقيقة ؟
* 0 ايوة دة اعلام ساكت دة حزب عادى جدا وانا بفتكر انو دى حركة من الجهات البتحرض علينا المخابرات الأمريكية والبريطانية وتقول ليهم خلو بالكم دة حزب خطير
* * تقييمك انت للحزب ؟
* 0 حزب سودانى عادى وحزب صغير كمان
©2004 Alsahafa.info. All rights reserved.
Best viewed with Internet Explorer 4.0, Netscape 4.0 or above with a resolution of 800 X 600 .
|
|
 
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: عبدالوهاب همت)
|
خالص التحايا
العزيز
عبدالوهاب همت
حقيقة لم المس اى عيب من خلال ماقاله الدكتور كدوده ؛ربما يكون هناك جانب غير مرئ بالنسبه لي يمكنك توضيحه..
لكن اقول ان الحديث الذى ذكره فيه وعي كبير جدا ..
وحتى طبيعة الاشياء فى ناس ماعارفها انو شكل العلاقات الاتفرضت على المنطقه التى كان يقطنها كدوده ..
نعم بكل زخمها واسرارها لكن كان بالرغم من قمة الاختلافات السياسيه يتداخل الجميع فى اجمل جو..
طبيعة المنطقه او الحى كانت عبارة عن منطقه كبيره مقسمه لكل هيئه او زاره او مصلحة بعض المنازل ..
لذا ترى الوزراء واساتذه الجامعات ووهلمجرا من الوظائف..
احبت ان اوضح هذه النقطه لانه من شكل الحكم من بعد دون المعايشه يصعب على الكثيرين تخيل شكل الصوره..
والتحايا النواضر..
| |
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: معتز تروتسكى)
|
الاخ الصديق همت
تحياتي
اللقاء يخلو تماما من العمق بل أن السذاجة كانت طابعا عاماً اتسمت به أسئلة الصحافيين واجابة الدكتور.
يبدو أن المشهد السياسي قد افقد الكثيرين بوصلتهم، بل أن بوصلة البعض منهم تدور في فراغ عريض، دون ان تعرف متى وكيف تتوقف عند الاتجاه الصحيح.
العزيز معتز تحياتي
| |
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: دفع الله خطاب)
|
Quote: * *بمناسبة وراق حزنت وقت انشق مع الخاتم عدلان منكم ؟
* 0 والله حزنت لوراق وما للخاتم
* * ليه لم تحزن على الخاتم ؟
* 0 لأنى كنت عارف طموحاته كنت عارف انو كذب على الحزب وقت قال ماشى لزوجته فى بريطانيا الخاتم الله يرحمه عندو طموحات شخصية وعشان كدة اختلف هو ووراق وانا أكن لوراق احترام كبير حتى الان رغم اختلافى معه
|
وقع ليك يامعتز تروتسكي ياخوي؟
| |
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: عفاف ابوكشوه)
|
عزيزى النادوس
ازيك ياخ اخبارك وصحتك سيدى..
جميل ان نتخلف مع زيكم لانه اكيد سنخرخ بفائده منكم...
كنت اود ان ارد عليك لكن وجدت فى مداخلة الاستاذه عفاف ملخص لما اريد ان اقوله..
الدكتور كدوده لايغلبه ان يتكلم بلغة عاليه لكن طبيعة الحوار املت طريقة الاجابه والنقاش وكان فى منتهى السلاسه
كذلك انتم متبحرين فى الاعلام اكثر مننا ولا يُخفى عليكم بان كل كلمه يمكن تفكيكها لبناء منها مواضيع نقاش..من حديث الدكتور
هذا بخصو الجانب الحوارى ..
اما ماتطرقت اليه مسبقا اننى ذكرت نقطه معينة الا وهى المعايشه ..
وتشكرك كتير يالنادوس...
التحايا النواضر..
Quote: التحية للاستاذ
عبد الوهاب همت
ولاسرة جريدة الصحافة
وللزميلة المجتهدة صباح
والصحفي الذي اجري معها الحوار
والتحية والتقدير للبروف كدودة
لقد استمتعت غاية الاستمتاع
وانا اقرأ الحوار الخفيف الظل كخفة ظل الدكتور كدودة
وضحكت بملئ فيه ضحكات مجلجلة
وفي ذاكرتي الطريقه التي يتحدث بها دكتور كدوده
مازحا , ساخرا في بعض الاجابات
المهم في الامر ان الدكتور كدودة اجاب اجابات واضحة ولماحه
وتحمل في طياتها ملامح لمضامين هامه فيما يتعلق بعلاقته بالاخر
ورؤاه لتجديد دماء الحزب الشيوعي بعاصر شابه
تفرضها ضروريات المرحلة القادمة
فالتحية لك مجددا دكتور كدوده بقدر مااسعدتنا هذا الصباح
والصباح رباح
مع خالص ودي وحبي لاسرة جريدة الصحافة الغراء
عفاف ابوكشوة |
| |
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: معتز تروتسكى)
|
الأخ معتز تروتسكي
يعجبني دائما تأدبك، وحرصك على الآخر وحتى وأنت مختلف معه.
الأستاذة عفاف أبو كشوة
أؤمن على حقكم في أن تثمنوا هذا الحوار، ومتيقن من معاملتي بالمثل،
ولهذا لابد من أن أفصح عن حيثيات ما أوجزته أعلاه، وأنطلق من موقف مبدئي بأنني أقف في خندق واحد مع د.كدودة وكل من يدعو لنظام تعددي، ولا عداء لي أو مع أصدقائي من عضوية حزبه، طالما يحترمون حقي في الاختلاف، دون أن يفسد هذا الإختلاف ودنا، وهؤلاء كثر.
ولكن ما أستغربه بالفعل، وما دفعني للكتابة هو أن ضرورة أن يتعامل ضلعا مثلث الحوار الصحفي (الصحفي، وضيف الحوار) مع الضلع الثالث (القاريء)، بقدر كبير من الإحترام له ولوقته الذي يفترض أن يكون ثمين، فيا أستاذتي عفاف حينما أشتري صحيفة لأقرأ حوار مع كدودة فبالتأكيد أنني لا أبحث عن خفة الدم، ولا لأضحك، ولا ليحدثني عن عن عمارتيه، أو عن أين يسكن، وهناك مليون مشكل ومشكلة يمكن أن يكون له فيها رأي كمتخصص، أوبصفته قيادي في الحزب الشيوعي.
وكنت أتمنى من الصحفيين استغلال فرصة لقاء شخص قيادي بمقام د.كدودة يجلس مع آخرين على قمة حزب سوداني معارض وعريق، أن يستلهموا ما يدور في رأس (القاريء)، ويتولوا الأسئلة بالنيابة عنه. ويأتون بإجابات لا أحد يطالب بحلول ولكن فقط رؤية هؤلاء في ما يمر به الوطن وما ينتظره...
| |
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: عبدالوهاب همت)
|
* دة بيت ما فيهو قراصة ولا لقيمات دة بيت بتاع مارتديلا وحاجات زى دى
0 حزب سودانى عادى وحزب صغير كمان
عادى جدا تفقد كرسيك لو قمت منه وصادف انو الترابى ونقد الاتنين فقدوا كراسيهم فأضطروا قعدوا فى السلم برة
* نأتى للصادق المهدى ... مشكلته شنو سيد صادق ؟
* 0 ( صمت ثم ضحكة خفيفة) دة سؤال مشكلة ...
مقاطع اعجبتني ليس اكثر..
استاذة صباح ..فعلا مقال خفيف الظل ..وزي ما قال احد المتداخلين يمكن تفكيكه لمعاني كتيرة جدا وللدكتور فاروق المقدرة علي ذلك ان اراد.
| |
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: Basheer abusalif)
|
خالص التحايا الجميع ومن القبل الدكتور كدوده..
استاذ النادوس ياخ يسعدنى كتير نجابد معاكم
زى ماقلت ليك سابقا واضيف الحديث لايقتصر على كونها عماره او عمارتين او حتى بمايختص فى مسائلة الصلاه وووهلمجرا من حديثه...
الملدول فى حديثه عن العمارتين او ماذكره يقود الى الحديث عن كلام كثير فى يختص بحقوق تدول بعض المصطلحات (مثل الطبقه العامله والبروتاريا وو الخ)
وحديث كثير وكبير يرمى من وراءه الدكتور الى اشياء انت تعلمها بخصوص بعض الفهم الدال عن الشوعيه والراسماليه والالتقاء والاختلاف وووالخ..
وذى ما انت عارف ده براهو موضوع يمكن النقاش فيهو بى بوست الاستاذ عدلان..كلما اقتربت الشيوعية من الواقع.. ابتعدت عن الماركســية!..
لانه لايخفى عليكم كما ذكرت سابقا.. ان..
الدكتور كدوده لايغلبه ان يتكلم بلغة عاليه لكن طبيعة الحوار املت طريقة الاجابه والنقاش وكان فى منتهى السلاسه
كذلك انتم متبحرين فى الاعلام اكثر مننا ولا يُخفى عليكم بان كل كلمه يمكن تفكيكها لبناء منها مواضيع نقاش..من حديث الدكتور
هذا بخصو الجانب الحوارى ..
حديثه شامل كل الجوانب المتعلقه بالوطن مشاكله بطريقه غير المؤلوف عليه وبالولج الى عمق الاشياء بكل قوه وكمان بسلاسة (كالسكين التى تشق الذبد بكل قوه وسلاسله)..
التحايا النواضر..
| |
|
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: عبدالوهاب همت)
|
سلام جميعا
الدكتور كدودة يريد عبر هذا الحوار أن يركب للجميع قنابير
قال عزم الترابي و نقد و الصادق المهدي بمناسبة افتتاح بيته ... ده اغرب تصريح و تبرير سياسي اسمعه في الآونة الاخيرة
و هل اتى نقد الى بيت د. فاروق و تفاجأ بوجود الترابي هذا ما يحاول تصويره الدكتور اللبق الظريف
اتصاله بصلاح قوش لعلاج محمد محجوب امر محمود لمساعدة صديق في محنة و هنا اضطرار
لكن تصويره لصلاح قوش كرجل امن ظريف و مقتدر امر لم استطع بلعه، وهل كان اقتدار السيد صلاح قوش هو الذي اتى به لهذا المنصب ام انتماءه السياسي.
شيء محزن فعلا و اذا كان للدكتور كدودة تصور معين فليخلق اعذار تحترم ذكائنا من دعوة زعماء ثلاثة احزاب سياسية فقط بمناسبة افتتاح بيت ...
الحوار قديكون ظريفا في نظر البعض، لكن على حد تعبير الأخ نادوس هل عندما يكون حوار مع قيادي في الحزب الشيوعي في جريدة سياسية رصينة يبحث القاريء عن ظرافة و خفة دم ام مواقف و آراء
و في خضم كل هذه الظرافة لم يرى كدودة بداَ من توجيه سهامه الخبيثة و ضربات تحت الحزام خارج اطار الظرافة للاستاذ الراحل الخاتم عدلان و لسخرية القدر ابان ذكرى رحيله الاولى، الخاتم مشى لزوجته... بئس التعليق و نكران الجميل لشخص افنى في خدمة ذلك الحزب 30 عاما... و هذا دليل آخر لمن يعتقد في حيادية هؤلاء و نقاء سرائرهم مع من يختلف معهم في الرأي، فلا يستطيعون حتى كتمان ما يعتمل في صدروهم من غل و حقد تجاه هذا الرجل، و رميه بالاتهامات الغير مؤسسة، فالرجل خرج بتكليف من قيادة الحزب في مهمة حزبية معينة يريدون تصويرها بعيد وفاته كرحلة استجمامية.. و قد خرج في احرج وقت كانت فيه الجبهة الاسلامية في أوج عنفها و ظلمها تجاه الاعداء السياسيين
لكنهم لا يفعلون شيئا و لا ينسون شيئا و لا يغفرون شيئا...
حوار مؤسف للغاية
| |
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: Amjad ibrahim)
|
Quote: * عملتها كيف ؟؟؟
0مشيت لى صاحبى مهندس قلت ليهو داير اعمل لى عمارة وانا ما عندى قروش قول لى بتكلفنى كم لغاية ما تدينى المفتاح قال 13 مليون جنيه ونص فى الوقت داك
* الوقت داك كان سنة كم؟
* 0أظن سنة 92 ..
* * أها ؟
* 0عندى صديقى فى بنك قلت ليهو انا داير 13 مليون ونص
* *براك كدة ؟
* 0 اصلو انا عندى صديقى مليونير الله يرحمه هسة .. قال لى ياخى شيل من البنك انا القدامك دة مديون للبنك سبعمية مليون شفتنى هسة مهموم او ما قادر انوم لا ما فى مشكلة اتوكل وشيل ولو ما قدرت تدفع ابقى انا مديون للبنك سبعمية وتلاطاشر مليون جنيه
* *يعنى بسط ليك المسألة تماما ؟
* 0لا وكمان ممكن يتحمل ديونى ( يضحك) فعلا يازول اخدت البتاعة دى وعملت العمارة الصغيرة وبى كدة وفرنا قروش ايجار عيادة الدكتورة زوجتى ورجعت ال13 مليون وغيرها وساعدتنا فى بناء البيت القلت عليه قصر دة وبالمناسبة هو ما مكلف
* *وانقطعت عن البنوك بعد التجربة دى ؟؟
* لا بالعكس لأنو بقت عندى تجربة وطالما دفعت الملايين ديك قلت خلاص ندور فى الموضوع دة وفعلا مشيت لى بنك تانى قلت ليهم أدونى مائة مليون ... |
| |
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: hatim)
|
الاعزاء
نادوس
بهاء
امجد
حاتم
وكل الاعزاء المتداخلين
اسمحوا لي ان اوضح بعض الحقائق الفنية التي تتعلق بالحوار
علها تغيير اتجاهات الحوار الذي بدا هجوميا علي الدكتور كدودة
والصحفيين والشكيك في مقدراتهم المهنيه والذي لايعرفه الكثيرين ان
لجريدة الصحافة صفحات متخصصة ومتنوعة ومن ضمنها صفحة ونسه ودردشه
والتي لها استايل معين للحوار
عفوا ساتوقف لظرف طارئ
واواصل معكم ماانقطع من حوار
| |
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: عفاف ابوكشوه)
|
الأخت عفاف
تحياتي
إحقاقاً للحق أنني لا ولن أشكك في مهنية أي صحفي من مجرد مقال أو حوار واحد، فأنا هنا بالتحديد بصدد تقييم هذا اللقاء كمتلقي، واتفهم تماما أن يكون الحوار خفيف في شكل دردشة، ولكن د.فاروق هو الذي أخرجه من السياق، بتناوله لموضوعات جادة بكثير من التسطيح، وأيضاً هنا أنا لا أقيم د.فاروق وانما اقيم إجاباته في هذا الحوار.
ولنأخذ هذه الإجابة:
Quote: *بمناسبة وراق حزنت وقت انشق مع الخاتم عدلان منكم ؟
* 0 والله حزنت لوراق وما للخاتم
* * ليه لم تحزن على الخاتم ؟
* 0 لأنى كنت عارف طموحاته كنت عارف انو كذب على الحزب وقت قال ماشى لزوجته فى بريطانيا الخاتم الله يرحمه عندو طموحات شخصية وعشان كدة اختلف هو ووراق وانا أكن لوراق احترام كبير حتى الان رغم اختلافى معه
|
ً
ألا توافقيني أن الحزن والفرح فعل عاطفي، ولو قال د.فاروق أنه قد حزن أو فرح لوفاة/خروج هذا أو ذاك لما احتجنا أن ندلق كل هذا الحبر، أو على الأصح "الكيبورد"، ولكن أتى تسبيبه فاجع، -بفرضية صحة رواية سفره (عليه رحمة الله) للخارج للحاق بأسرته، هل تعتقدي أن في هذا سبب كافي جداً لتقييم تاريخ شريك نضال، والكارثة أن يأتي من "بروفيسور" أكاديمي كدكتور فاروق كدودة، والذي كنت أتوقع أن تحكم الضوابط الموضوعية كل أحكامه وتصريحاته خاصة الموجهة عبر الوسائط الاعلامية.
وشكرا جميلا لجميع المتداخلين، ولعفاف لدفاعها المستميت عن مهنتها والعاملين بها.
| |
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: عفاف ابوكشوه)
|
خالص التحايا
الاساتذه الاعزاء
banadieha
و
Amjad ibrahim
ازيكم واخبارك الصحة والوليدات ..؟!
| Quote: وقع ليك يامعتز تروتسكي ياخوي؟ |
وقع لي عزيزى وفايت اضانى. .
وده النقطه ال انا مختلف فيها لكن ليس كلها؛ لانو بقدر ماهو يتفق مع وراق انا كذلك اختلف مع وراق واجد اننى اتفق مع اطروحات عدلان..
بس تعرف ياسيدى..انا الكلام قريتو لكن دى النقطه المابقدر اقول فيها شي لانو فى النهاية رائى شخصى وانطباعو عن شخص يمكن يكون بعرفو جيد جدا
او حتى لو كان خلاف ذلك ده يدل على انو فى اشياء لاعلم لى بها ولا غيرى سوى من قال هذا الحديث
* وزى ماذكرت ليك دى طبيعة الاشياء انو يكون فى اختلاف لكن مجمل الحديث جيدا جدا فلا يُعقل ان ننظر لنقطه لانستطيع ان نجزم او نقول عنها شيئا سوى الدكتور نفسه ..
عموما انا لست بصدد الدفاع عن تصريحات الدكتور ولكن اتناولها من وجة نظرى ؛خلاف كونها علاقة او غيرها..
ولكم جميعا خالص الود..
| |
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: معتز تروتسكى)
|
إجابتين من حوار واحد، في مسألة جوهرية!!!!!!!!!!!!!!!!!!!!!!!!!!
Quote: 0 * 0 ايوة انا لاتفسد علاقتى مع اللى عندهم رأى من الذين اختلف معهم وطبعا فى كتير من البختلف معهم ما عندهم رأى
* * مثلا ؟
ممكن تفسد علاقتى مع رجل امن مثلا لكن ما تفسد علاقتى مع دكتور الترابى مثلا ممكن ازوره ويزورنى
|
Quote: * * ومافى شيوعى شكك فى علاقتك مع صلاح قوش مدير جهاز الأمن والمخابرات ؟
* 0 لا مافى زول قال كدة لكن صلاح قوش من رجال الأمن المقتدرين ... ناس الأمن يجب ان تكون عندهم القدرة انهم يكونوا ظريفين ... فى المرات القليلة القابلتو فيها كان صلاح رجل ظريف
* * لكن قالوا علاقتك بيهو حميمة لدرجة انك اتوسطت لزميلك عشان يتعالج برة ؟
* 0 ايوة هذا هو الظرف الأنا بقصدو وانت قاصد علاج زميلنا محمد محجوب قلت لصلاح بالتلفون ياصلاح محمد محجوب مندوب الحزب الشيوعى فى سكرتارية التجمع أطرش ومعظم الاجتماعات فى السجانة وعشان اعضاء التجمع فى الاجتماع يسمعوه الكلام بكوركو وبى كدة ممكن يا صلاح تسمع تفاصيل الاجتماع وانت فى مكتيك ياخى رغم دة خلى الراجل دة يسافر للعلاج فى لندن
* * ووافق ؟
* 0 قال لى بضمانتك وانو ما يحضر اى ندوة فى لندن قلت ليه بضمانتى وفعلا سافر ودي الظرافة والجانب الانسانى |
الأخ العزيز معتز
تحياتي
| |
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: معتز تروتسكى)
|
أخوي معتز تروتسكي..أولا أعتذر للأخ بهاء أنو أنا رديت عليك طوالي بدون ما أقرأ باقي المداخلات ومداخلته بالذات..والصديق الحبيب عبدالوهاب همت لا يمكن أن يعنون بوسته بهذا العنوان إلا "من وحي" الجزء من الحوار الذي أشرنا إليه..فوهبة زاملهم كلهم! ووفر الحماية لكثير من أقطاب الحزب الشيوعي في وجه شراسة الإنقاذ أول أيامها وساعد في "تهريب" عدد من الكبار إلى خارج الوطن واعتقد أنه لطبيعة وهبة ذات ال low profile وعدم حب الظهور لم يحاول أن يستقل البوست للتعقيب على مفاصل الحوار..واعتذر لعبدالوهاب همت عن تطاولي هذا.
| |
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: charles deng)
|
| Quote: Can anybody explain to me what Faroug Kadoda meant by alleging that that our colleague and nationalist, late al-Khatim Adlan, had personal ambitions? |
Dear charles deng,
My understanding to this statment that ustaz Khatim Adlan had ambition to lead a rebelion within the SCP and become then new leader of the party
of course, only Dr. kadouda could explain what he meant in this interview.
mohamed elgadi
| |
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: عبدالوهاب همت)
|
الاخ نادوس.
أتفق معك.
Quote: اللقاء يخلو تماما من العمق بل أن السذاجة كانت طابعا عاماً اتسمت به أسئلة الصحافيين واجابة الدكتور.
يبدو أن المشهد السياسي قد افقد الكثيرين بوصلتهم، بل أن بوصلة البعض منهم تدور في فراغ عريض، دون ان تعرف متى وكيف تتوقف عند الاتجاه الصحيح. |
دينق.
| |
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: Deng)
|
عبد الوهاب والمتداخلين.... تحياتي...
الحوار كما قرأت من البوست منقول من جريدة الصحافة... يبدو لي غريبا جدا.....تري هل كان هذا ما قاله الدكتور فاروق بالنص؟؟؟
لقد شهدنا الكثير من (الشتارة) من الكثير من السياسيين في السنوات الأخيرة لكن هناك بعض المبالغة هنا تجعلني أشك في خطأ ما....
| |
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: عبدالوهاب همت)
|
لأنى كنت عارف طموحاته كنت عارف انو كذب على الحزب وقت قال ماشى لزوجته فى بريطانيا الخاتم الله يرحمه عندو طموحات شخصية وعشان كدة اختلف هو ووراق وانا أكن لوراق احترام كبير حتى الان رغم اختلافى معه
الاخ العزيز
نادوس
التحتو خط اعلاة هى الحقيقة مجردة لما فعلة المرحوم الاستاذ الخاتم عدلان, ولا يعرفها فقط د. كدودة فهى موثقة فى وثائق الحزب الشيوعى , ويعرفها شهود احياء بعضهم اعضاء فى هذا المنبر عايشوها بالتفاصيل ويعرفون اكثر ان هذا الكذبة واضحة الدلالات كانت البداية, لخطة الانقسام
وتصفية الحزب الشيوعى التى خطط لها وحاول تنفيذها المرحوم الخاتم والذين معة.
ولك ان تتصور كم هى بعيدة وغير واقعية كلمات الثناء المجانى التى يطلقهامن لايدرون انهم لايدرون
على شخصية تبدأ بالكذب وتنتهى الية .
لة الرحمة
ولك التحية
| |
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: عبدالوهاب همت)
|
العزيز نادوس ................. سلام
تم تصعيد الراحل الخاتم عدلان لسكرتارية اللجنة المركزية بالحزب الشيوعي السوداني , بعد ان تقلصت عضويتها وصار بها عضوان فقط , لائحة الحزب الشيوعي تقول ان الحد الادني لعضوية اي هيئة ثلاثة اعضاء . عمل خاتم في السكرتارية بجانب الاستاذ سليمان حامد . بعد استقالة خاتم قالوا ان تصعيد الخاتم كان خطا , لم يحاسب الذي صعد خاتم لقيادة الحزب الحقيقية !
خرج الخاتم من السودان في مهمة حزبية وافقت عليها السكرتارية المركزية ( وسليمان حامد ) تحديدا" , وارسلت فاكسا" لقيادة الحزب بالخارج ( التيجاني الطيب ) تحديدا" . انكر التيجاني علمه بمهمة خاتم او استلامه لهذا الفاكس , وبالرجوع لسليمان حامد انكر هو الاخر , وهنا صار الخاتم كاذبا" كما قال كدودة .
وصل الخاتم لندن , وسلمه احد اعضاء الحزب ( لازال عضوا" ) صوره عن الفاكس الذي انكره القياديان البارزان في الحزب الشيوعي !!!!!!!!!! من هو الكاذب الان ؟
| |
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: عبدالوهاب همت)
|
• هل كان من حق الخاتم عدلان التطلع لقيادة الحزب الشيوعي حينما كان عضوا" به ؟
قال الدكتور كدودة انه يعرف طموح الخاتم الزائد للترقي لقيادة الحزب , اعتقد ان هذا طموحاا" مشروعا" لمن هم علي شاكلة الخاتم لاسباب كثيرة اوجزها في الاني :
1- حق التطلع للقيادة حق مشروع لكل عضوية الحزب بموجب اللائحة .
2- الخاتم مستوفي لشروط الترقي لكل المناصب القيادية , بما فيها منصب الامين العام , حيث ان قدراته الفكرية والسياسية ووكذلك قدرته المذهلة علي التحليل والاستقراء تجعل منه قائدا ملهما" .
3- قضي الخاتم بصفوف حزبه السابق اكثر من ثلاثون عاما" , قدم فيها كل مايستطيع لتقدم هذا الحزب , مما ادي لتراكم خبراته , التي جعلت منه عضوا" مميزا" ملم بكل تفاصيل العمل الحزبي.
4- حينما تطلع الخاتم لقيادة الحزب ( علي حسب قول كدودة ) كان عمره يفوق عمر الشهيد عبدالخالق الامين العام السابق للحزب , وكذلك الاستاذ نقد الامين العام الحالي , كما قضي فترة اطول منهما بصفوف الحزب ( عبدالخالق حتي استشهاده ونقد حينما تسلم القيادة )
*من يحترم من ؟
ملخص حديث كدودة انه لايحترم الخاتم , وحقيقي كان يمكن لكدودة ان يمارس عدم الاحترام هذا من غير التصريح , لان الشخص الغير محترم هذا غير موجود وبالتالي لايمكنه الرد علي كدودة , واخلاقيا" كان يمكن لكدودة ان يصرح بعدم احترامه هذا في حياة الرجل المحترم جدا غصبا" عن كدودة , واعتقد ان كدودة كان سيفكر مليون مرة قبل ان يصرح تصريحاتة هذه , لانه ببساطه غير مؤهل اخلاقيا او معرفيا" ليقول ماقاله في الخاتم .
كدودة هذا قائد اليوم بالحزب الشيوعي , ماالذي يجعل من كدودة قائدا" ؟ ماذا قدم كدودة لحزبه طيلة فترة عضويته الطويلة ؟ اعتقد ان كدودة اضر الحزب بتصريحاته حينما كان ناطقا" باسم الحزب , كدودة اثار شكوكا" كثيرة بسلوكه المشبوه حينما يدعو الترابي بمنزله ليقابل نقد , ويكذب حينما يقول ان ذلك تم مصادفه , كدودة يتحدث عن ظرف صلاح قوش , وعن انسانيته حينما سمح لمواطن سوداني بالسفر للعلاج , كدودة سعي سعيا" حثيثا" لتطبيع علاقته بالترابي , وحاول غسل الترابي حينما وصفه بالسياسي الذي يمكن التعامل معه . صلاح قوش والترابي هما من اغتالا الشهيد علي فضل , وليس الخاتم الغير محترم !!!!!!!!!!!!
في العام 1992 وعدت السلطه من ياتيها براس الخاتم بملايين الجنيهات لتصفيته , وفي نفس العام منحت بنوك السلطه المحترم كدودة مبلغ 130 الف دولار لبناء قصره الذي يتباهي به ويدعو فيه الترابي , ليتخيل كدودة ان الخاتم الغير محترم ذهب لاحد بنوك السلطه في ذاك العام ليطلب قرضا , ماذا سيفعل موظف البنك معه ؟
وبعد هذا كدودة المحترم الذي لايحترم الخاتم !!!!!!!!!!!
| |
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: بهاء بكري)
|
سلام يابهاء
ومن لماحية عبدالوهاب همت في عنوان البوست إضافة فاروق الشرع لمعنى ما وقع لي، هل ربما لأن كدودة معناها في كلامنا هو الزول الصغنتوتي ؟ بت الآن موقنا أن البوست رسالة موجهة للشيخ فاروق كدودة وأن كلمة "فاروق الشرع" دي فيها إن كبيرة يعرفها من يهمهم الأمر.
أين غابت "محاسن موتاكم" عند ذكر الخاتم في الحوار؟ أكيد أن هذا لقى استهجان الكثيرين باختلاف درجة قربهم أو بعدهم من المرحوم الخاتم..وقد عرفت أن الشيخ فاروق كدودة أرسل تأبينا مستنكرا في ذكرى رحيل الخاتم إلا أنني لم أطلع عليه..فماذا أرسل؟
| |
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: بهاء بكري)
|
سلام يابهاء
ومن لماحية عبدالوهاب همت في عنوان البوست إضافة فاروق الشرع لمعنى ما وقع لي، هل ربما لأن كدودة معناها في كلامنا هو الزول الصغنتوتي ؟ بت الآن موقنا أن البوست رسالة موجهة للشيخ فاروق كدودة وأن كلمة "فاروق الشرع" دي فيها إن كبيرة يعرفها من يهمهم الأمر.
أين غابت "محاسن موتاكم" عند ذكر الخاتم في الحوار؟ أكيد أن هذا لقى استهجان الكثيرين باختلاف درجة قربهم أو بعدهم من المرحوم الخاتم..وقد عرفت أن الشيخ فاروق كدودة أرسل تأبينا مستنكرا في ذكرى رحيل الخاتم إلا أنني لم أطلع عليه..فماذا أرسل؟
| |
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: banadieha)
|
| Quote: 0مشيت لى صاحبى مهندس قلت ليهو داير اعمل لى عمارة وانا ما عندى قروش قول لى بتكلفنى كم لغاية ما تدينى المفتاح قال 13 مليون جنيه ونص فى الوقت داك |
شال قروش من البنك ؟؟؟؟؟؟؟
مغقول الكلام ده حصل سنة 92 لما كان الكيزان بعتقلوا ابهاتنا عشان شوية
ميات استدانوها من البنوك للزراعة.....
اظن انه نحن نستحق نفسيير من اخوانا الشبوعبة.....
ولا كيف يا معتز
| |
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: عبدالوهاب همت)
|
Dear Banadieha
I agree with u I couldn't undertand what Wahab meant by this Faroug Alsharaa
Quote:
ومن لماحية عبدالوهاب همت في عنوان البوست إضافة فاروق الشرع لمعنى ما وقع لي، هل ربما لأن كدودة معناها في كلامنا هو الزول الصغنتوتي ؟ بت الآن موقنا أن البوست رسالة موجهة للشيخ فاروق كدودة وأن كلمة "فاروق الشرع" دي فيها إن كبيرة يعرفها من يهمهم الأمر.
|
We hope that whab could explain
Amjad
| |
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: عبدالوهاب همت)
|
• بعد مغادرة الحاج وراق لصفوف الحزب الشيوعي , قالت صحيفة الميدان لسان حال الحزب الشيوعي : ان له علاقات بجهلز الامن . ونفس الصحيفة في نعيها للراحل الخاتم عدلان قالت : انه حافظ علي اسرار الحزب التي كان يعلمها جيدا" . هذا هو موقف الصحيفة من الاثنين .
هل لاحترام كدودة للحاج وراق واحتقاره للخاتم علاقة يصلاح قوش ؟ وماهي معايير الاحترام لدي كدودة ؟
قال كدودة انه اقام بمنزل حكومي منح لزوجته الدكتورة لتبقي قريبا" من مرضاها ! كان من الممكن ان يكون حديث كدودة سليما" اذا كانت هذه الحكومة تهتم يصحة المواطن , هذه الحكومة التي صورها لنا كدوده بانها حكومه عقلانية , هي نفسها الحكومة التي رفعت يدها عن كل مايخص هذا المواطن , بل صرح بعض قادتها ان الامور الهامشية التي تتعلق بالمواطن مثل الصحه والتعليم والماوي لن يلتفتوا اليها لان لهم ماهو اهم وهو مشروعهم الحضاري .
المهم ان كدودة رحل في النهاية من هذا المنزل , ولاادري هل نقلت المستشفي بالفرب من منزله الجديد ؟ لتبقي زوجته الدكتورة بالقرب من مرضاها .
| |
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: عبدالوهاب همت)
|
عوووووووووووووووووووووووووووووووووووووووووووووووووووووووووع!
*معجب بي صلاح قوش، يفتخر بعلاقته به، بينما رفاقه ماتو في زنازن التعذيب علي ايدي قوش!
*معجب بالترابي!
*والاهم مفتون بي مغتنياتو، اوبيتو البعمل ليهو حفل افتتاح يعزم فيهو مع الترابي، الخواجات عشان مايشوفو سودان الكيزان اوصلاح قوش تمام كيف، رغم الحاصل!
*ايضا بيطلق علي لغتو "النوبية" صفة الرطانة!
*اما كلامو عن المرتدلا اوتعاليهو اورفضو للقراصة هو سبب عوعاينا! الراجل واضح انو بتاع بوبار اومظاهر، Selfcentered, egotistical
*هويطمح ويتطلع اويتفشخر كمايشاء، لكن الخاتم لا!
ليه بس؟
غايتو اتصدمت نهائي.
ياحليل الاتعذبو والاتشردو، واغتيلو معنويا بتهمة العمالة للامن، من بسطاء اوبرولتاريا الشيوعيين!
ده بيفضح طبيعة التركيبة العشائرية لي عائلات القيادات الشيوعية الاقطاعية!
شيئ مقرف.
الاخت عفاف سلامات:
شايفك مبسوطة من مستوي صحافة الانقاذ الصفرا!
علي كده انبهارك بي كلام كدودة بتاع المرتدلا والبقول علي اللغة نوبية رطانة، ماغريب!
مابعيد كلامك ده سببو المجاملة بحكم المعرفة!
| |
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: عبدالوهاب همت)
|
Quote: ثمَّ إنك لن تكونَ "خاتمَ" رُسُـلِنا إلى الفكرةِ البديلة.
لقد عاش غيرك – يا سيدي الخاتمُ – أرذلَ الخياراتِ وأسهلها ، ليكون له أن يموتَ في أرذل العمر.
أمّا أنتَ فقد اخترتَ – إمتثالاً للتاريخيِّ في الواقع ، وللعقلانيِّ في الذات – أن تعيش شرطَ اليساريِّ القاسي ، في غربته وتجلده ، في صدقه وتنسكه ، في نقده للذات كما في انكشافه المريع ِ ، أيضاً ، لقمع السلطةِ وبطشها.
وقد اسـتطعتَ – في ثباتٍ ومثابرةٍ – أن تمنحَ فضاءنا السـياسيَّ شاكلة ً راسخة من جسارةِ الفكرةِ وبسالةِ الفعل وجدارةِ الإنتماء إلى خيار ٍ نظيف.
محمد النعمان |
| |
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: عبدالوهاب همت)
|
Quote: ظللنا صامدين
وممسكين بجمر القضية لم نهادن ولم نساوم ولم نهاجر |
الاخت عفاف تحياتي
قلتي فلنتحار بموضوعية.
طيب وين عدم الموضوعية في سطريني الفوق ديل؟
ولا مجرد اسلوبنا المباشر الدغري الخالي من التصليح اوبهار الكلام طوالي عدم موضوعية في تقديرك؟
اما تاريخك واسهامك اوبطولتك، صراحة مابعرف عنها حاجة، اوياريت بدل عرضها في "فترينا" للمارة كان تسيبيني اعرف بي طريقتي.
اما هجرة امثالنا فمافاهم الجريمة هنا شنو، والغريبة في نفس السطر كخط رجعة قلتي انك بتحترمي الهاجرو!
مع الاحترام احنا كاعضاء في المنبر ده، ماعلينا بالتواريخ او انساب الناس او احسابم، بل علينا بالكلام المكتوب هنا كاساس.
بالنسبة لي صحافة الانقاذ الصفراء، في بالي كانت صحفية الغفلة صباح، زميلة محمد حامد جمعة عميل الامن، الطالبت بفصل الجنوب عقب احداث اغتيال د.قرنق، كنموزج لي صحافة الانقاذ الصفرا الانتي فخورة بيها!
فياستي ماتعملوا لينا فيها ابطال او بطلات لانكم اخترتو البقاء في السودان اوجبرتكم الظروف مع الايحاء بي انو الهاجرو خونة.
اذا لابد اومهم جدا، فشخصيا خرجت من السودان في 87 ك"Privet Citizen" لاينتمي لاي تنظيم ولايحترف السياسة.
ده طبعا حسب فهم يسار السودان القديم، العقائدي الديماغوغي والجهوي- جريمة بل خيانة.
طبعا ده فهم ستاليني يعتمد علي غسيل المخ والارهاب الفكري كاداة اساسية!
فيااخت عفاف، وبما انك عندك صلة شخصية بي كدودة، في الاول غضيتي الطرف عن استدراكك اللاحق بخصوص ماقالو عن المرحوم الخاتم، مدفوعة برضو بالمجاملة اوتطييب الخواطر!
اهي دي قيم الصحافة والصحفية المحترفة ولانقول الثورية؟
رايك في علاقة كدودة بي صلاح قوش شنو؟
رايك في حفلات افتتاح القصور المنيفة، للماسكين بي جمر القضية، لم يهادنو ولم يساومو ولم يهـــــــــــــاجرو، لكن بشتغلو كاطباء للسفارة الامريكية- شنو؟
رايك في دعوتو للخواجات لي حفل الافتتاح للقصر، عشان مايثبت كيف سودان الانقاذ، سودان الجلابة- بخير، شنو؟
المرة الجاية تواضعي قليلا، اوخاطبي المتداخلين معاكي بي اسماهم.
مع خالص الود.
| |
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: Bashasha)
|
الاستاذ بشاشه
تحياتي
بدءا اشكرك علي وضوحك وشفافيتك
واعتزر عن عدم ذكر الاسم لاني قرأت سريع المداخلات كلها وبدأت ارد
من الذاكرة بدون الرجوع للبوست وذكرت اسم بهاء لاني اعرفه
واطلاقا لم اقصد تهميش احد او التعالي علي احد واترك لك الفرصة
لتسأل عني الاعداء قبل الاصدقاء وبعدها يمكنك ان تقيمني كما تشاء
وتصفني بالاوصاف التي تروق لك واكد لك انني ليست بطله ولامناضله ثوريه
ولكني اصنف نفسي ضمن الاقلام الوطنية الديمقراطية التي تقف مع قضايا الجماهير
واذا كنت تري غير ذلك فهذا رايك وانا احترمه.
وسارد عليك بموضوعيه وصدق وبدون مجاملة
تصدق او لاتصدق انا عندما قرأت حوار د. كدوده لم اهتم كقارئة
في تلك اللحظة بالتفاصيل لكن اعجبني الحوار في مجمله
لاني اعرف تماما د. كدوده واجريت معه عشرات الحوارات السياسية والاقتصادية
بوصفه قيادي بالحزب الشيوعي وناطقه الرسمي في مرحلة من المراحل
وكخبير اقتصادي ولكن لم احاوره حوار اجتماعي مثل هذا الحوار
الذي تمت معالجته بنفس المفردات الدارجه التي تحدث بها.
واعتقد ان هذا( استايل ) تعالج به صحيفةالصحافه حورات الدردشه والونسه
وعندما قرات هذا الحوار رديت بسرعه كقارئه واعربت عن اعجابي بطريقة الاسئله
السريعه والمباغته والاجابات السر يعه واللماحة والساخرة و التي لاتخلومن( الزوغان)
في بعض الاحيان وهذا ما اضحكني بالضبط . ما عارفه بالضبط هل قدرت اوصل ليك
الموقف ؟ اما مازال الموقف يحتاج لمزيد من التوضيح؟
* وانا مازلت فخورة بالصحافة السودانية والصحفيين الذين عملوا
في ظل قوانين الانقاذ و طوال فترة حكم نظام الانقاذ وتعرضوا للاعتقال والتعذيب
والتشر يد. وكذلك اني فخورة بالمؤسسات الصحفيه التي ارتضت ان تعمل
في ظل نظام شمولي قهر وقمعي واستبدادي وتعرضت ايضا للمصادره والاغلاق
والخسائر المالية المرهقة من اجل البحث عن الحقيقه ونشر اخبار المعارضة
والحكومه بمهنيه عالية وتنوير الرأي العام المحلي والاقليمي والدولي بما
يدور في الساحة السياسية السودانية وهذه الصحافةة التي اطلقت عليها
اسم صحافه صفراء قامت برصد كل انتهاكات حقوق الانسان في الشمال والجنوب
والغرب والشرق واستخدمت فن الممكن بالتحايل علي القانون تارة والرمزية
تارة اخري.
عفوا استاذ بشاشة ساتوقف هنا علي ان اعود لمواصلةالحوار معك والرد علي
جميع تساؤلاتك المشروعه جدا وازالة سوء الفهم وذلك نسبة لظروفي الصحية
التي تتطلب عدم الجلوس لساعات طويلة .
مع خالص الشكر
عفاف ابوكشوه
| |
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: عبدالوهاب همت)
|
الاخت عفاف تحياتي مرة اخري، واحي فيكي هذه الروح.
بالنسبة لصحافة الانقاذ الصفرا، فبالنسبة لي دي القاعدة، وماعداه استثناء.
كنموزج للصحافة الصفراء انا اشرت للصحفية صباح بناءا علي اسهاماتا هنا في المنبر.
حتي الاستثناء يااخت عفاف، مع تقديرنا واحترامنا الشديد لي تضحياتم اللي هي قناعات شخصية حسب فهمي لي مواقفي شخصيا- للاسف سوادم الاعظم نمط تفكيرم لم يخرج عن محيط عقلية السودان القديم او السودان المصري، اي السودان الجهوي العروبي.
او علي كده، كاننا يابدر لارحنا ولاجينا!
انا مامتابع لصيق للصحافة السودانية، بل لااطيق تصفحا الا مضطرا، حقيقة.
اتمني ان لا يفسد اختلافنا للود قضية.
| |
|
|
|
|
|
|
|
|
|
Re: عيب يادكتور فاروق كدودة....لا يا فاروق الشرع (Re: عبدالوهاب همت)
|
: زاوية منفرجة كدودة عملها وأنا رحت فيها جعفر عباس بريد إلكتروني: [email protected]
أنا كان مالي ومال فاروق كدودة، كي أتصدى للحديث عنه «بالخير» عندما وصف ابن اختي عبد الوهاب همت حديثا أدلى به كدودة الى جريدة «الصحافة» بأنه «عيب».. ولم يزد على ذلك، ولأنني أعرف ان همت هذا ينتمي من ناحية الأب الى عائلة تحمل اسم «مهناب»، مشهود لها بالعبارة اللاذعة و«المُكر» بمعناه السوداني (لأننا في السودان نصف الشخص بأنه يتسم بالمكر إذا كان داهية وذكيا يقول ما يريد باستخدام حيل بلاغية)، المهم لأن همت هذا مهناب فقد أدركت أنه اكتفى بوضع عنوان «عيب يا كدودة .. فاروق الشرع» ووضع الحوار بنصه الكامل على موقع سودانيز أونلاين وترك للآخرين حرية التعليق.. وكان هناك من اتفقوا معه على ان ما قاله كدودة عيب، ورأى كثيرون ان كدودة كان ودودا وصريحا في ذلك الحوار و«عدَّاه العيبش.. ثم كتبت أنا ما كتبت هنا عن كدودة وخلاصته انه لم يكن في الحوار ما يعاب عليه،.. و«عينك ما تشوف إلا النور» وهي عبارة بالعامية المصرية تعني إنك تتلقى لكمات وصفعات حتى لا تصلح عينك لالتقاط شيء سوى الضوء الباهر.. ويقال ان سيدة أمريكية التقت بواحدة فرنسية وأخرى عربية وشرعن في الحديث عن الأزواج المفترين ، وقالت الأمريكية إنها زهجت من زوجها الذي يجلس في البيت مجرد تنبل بيده الريموت كونترول يأكل الفشار ويتنقل من قناة الى أخرى، ولا يكلف نفسه حتى وضع كوب الشاي على التربيزة التي أمامه بل يتركه على الأرض.. وتقول الأمريكية انها أضربت عن أعمال البيت.. في اليومين الأول والثاني لم يحدث شيء، وفي اليوم الثالث «رأيته يقوم بغسل الحمامات وأواني المطبخ ويكنس الغرف»... وجاء دور الفرنسية وقالت إنها أيضا توقفت عن الاهتمام بشؤون البيت عندما رفض زوجها مساعدتها .. وأضافت: ظل التنبل يدخل ويخرج دون ان يفعل شيئا طوال ثلاثة أيام ، ولكن وفي اليوم الرابع /شفته/ رأيته يقوم بأمور النظافة والترتيب والطبخ».. وجاء دور المرأة العربية فقالت إنها أبلغت زوجها: كفاية أنا مش خدامة عندك.. إما تساعدني في شغل البيت وإلا خليه وسخان ومبهدل حتى يلم الذباب اللي في البلد كله.. وتساءلت رفيقتاها الخواجيتان: أهه وبعدين ماذا حدث؟ قالت السيدة العربية: في اليوم الأول استطعت ان أشوف بالعين اليمنى وبحلول اليوم الثالث كنت عاجزة عن الشوف (الإبصار) تماما.. ونشر مقالي عن كدودة وفي اليوم نفسه شُفت بعض المداخلات في منتدى سودانيز أونلاين بعضها يتفق معي وبعضها يختلف معي بكل تهذيب، ولكن وبمرور الأيام انتقل المقال الى مختلف المنتديات، وهناك أيضا من رأوا أن كدودة لم يقل شيئا يجعل همت يتهمه بإتيان العيب، ولكن آخرين عرضوا أخوكم للشرشحة وقالوا إنني بدفاعي عن كدودة ارتكبت العيب الذي نفيته عنه.. لحد هنا كويسين الى حد ما.. وجاء دور المكالمات الهاتفية وكان معظمها عدوانيا: كيف تدافع عن الرجل الذي قال وفعل.. أنتم النوبيون عنصريون والنوبي يقف مع أخيه ظالما او مظلوما! كيف يا جماعة يقف معه ظالما؟ قالوا: بتشجيعه على الاستمرار في ممارسة الظلم!.. ألا يتفق معي القارئ ان في هذا ظلم لي ولأهلي النوبيين؟ ألا تلمس غمزا مبطنا في ذلك الاتهام؟ فالحديث النبوي الشريف يدعو الى نصرة الأخ ظالما بمنعه من ارتكاب الظلم ولما جاء الدور علينا نحن البرابرة يقال إننا نشجع بعضنا على التمادي في الظلم.أحد المآخذ على كدودة، ومن ثم عليَّ، هو أنه قال انه لا يحترم العزيز الراحل الخاتم عدلان لأنه كان طموحا، في حين أنه يحترم الحاج وراق الذي خرج مثل الخاتم من الحزب الشيوعي.. يبدو أن ما آلم محبي الخاتم ان ذلك الكلام نشر بالضبط في ذكرى مرور عام على وفاة الخاتم.. قلت لهم إنني لا أعتقد ان كدودة تعمد ان ينسب اليه ذلك الكلام في ذلك اليوم بالتحديد لأنه ليس من يحدد موعد نشر المواد في «الصحافة».. ولكنني توقفت بعد ذلك عند كلام كدودة عن الخاتم واقتنعت بأنه عاب عليه أمرا محمودا: ما العيب في ان يكون الإنسان طموحا حتى لو كان ذلك الطموح هو الوصول الى السلطة عبر منبر غير الذي كان يقف عليه من قبل؟ ما أعرفه جيدا هو ان الشيوعيين غاضبون على الخاتم لأنه «لم يسكت» واستغل قدراته الخطابية والكتابية للتحدث عما حدا به الى ترك الحزب الشيوعي ثم دخل في ملاسنة مع قادة شيوعيين بارزين.. وإذا كان الخاتم قد أخطأ في تلك الملاسنة فإن خطأ الشيوعيين الذي دخلوا معه في مهاترات كان أفدح.. وقد أتى على الشيوعيين حيناً من الدهر توقفوا فيه عن ذكر من يغادرون الحزب بالخير او الشر.. حدث هذا مثلا مع الأستاذ عبد الله علي إبراهيم.. ترك الحزب بموجب رسالة قصيرة وكان فراق بمعروف.. أذكر أنني عندما بدأت في دراسة أدب شكسبير فوجئت بأن الطموح ambition في قاموس العصر الاليزابيثي يعني الخبث والسعي الشرير لتحقيق الغايات.. في حين ان الطموح وفي كل اللغات يعتبر مزية وخصلة محمودة.. وعلى كل حال فأنا أعرف الخاتم أكثر مما يعرفه الشيوعيون الذي قضى في صفوفهم معظم سنوات حياته القصيرة.. سمعت من أديبنا الكبير الطيب صالح ان عبد الخالق محجوب السكرتير العام للحزب الشيوعي الذي قتله نميري عمدا في يوليو من عام 1971 كان شديد الذكاء «ولو لم ينشغل بالسياسة لربما نال جائزة نوبل في مجال إبداعي أو فكري».. لم التق بعبد الخالق وجها لوجه ولكنني سمعت من كثيرين عن نبوغه وذكائه.. واستطيع ان أقول بقلب جامد إنني لم التق طوال مسيرة حياتي بشخص يضاهي الخاتم ذكاء وحضور بديهة وسعة إطلاع.. علاقتي بالخاتم كانت اجتماعية عائلية فبحكم انه كان دفعة شقيقي محجوب في جامعة الخرطوم فقد توطدت أواصر مودة بينهما امتدت لتشمل العائلتين والى يومنا هذا ما زال إخوته وأخواته يتواصلون مع أفراد عائلتي.. وأذكر انه بعث الي رسالة في نحو عام 1990 وكان وقتها متواريا عن الأنظار هربا من الاعتقال طمأنني فيها على أحواله ، وقال عبارة غامضة «تصالحت مع ضميري الفلسفي» واتصلت بالصديق محمد سليمان عبد الرحيم المقيم معي في العاصمة القطرية الدوحة وناقشته في دلالات العبارة وتوصلنا الى استنتاج بأنها تعني ان تغيرا طرأ على قناعاته الفكرية.. وبعدها بنحو عامين كان قد أعلن تركه الحزب الشيوعي ، وقلت له في اتصال هاتفي: أنت خارج الحزب الشيوعي كالسمكة خارج الماء فلماذا لا تبق داخل الحزب و«تناضل» من أجل أفكارك لإصلاحه فقال لي: أنا لم أعد أريد إصلاح الحزب لأنني لم أعد مقتنعا بالماركسية اللينينية! شخص لم يعد يؤمن بالفكر الذي من أجله انتمى الى تنظيم سياسي ينبغي ان يتصالح مع ضميره الفلسفي بالخروج من التنظيم.. والتقيت به كثيرا بعد ان غادر السودان وأسهم في تأسيس حركة القوى الجديدة (حق) وكان هو، هو: نفس التوقد الذهني والحماس للعمل السياسي، ولا أظن ان كدودة يعتقد ان حركة حق كانت المطية لطموح الخاتم لتحقيق مجد شخصي.. فالحركة بدأت صغيرة وما زالت صغيرة وتعرضت لعثرات كثيرة ولا أظن ان أعضاءها يأملون في أن تصبح تيارا سياسيا بعضوية على مستوى كل البلاد قبل عشر سنوات من الآن.. دعك من ان يصلوا الى كرسي الحكم.وإلى كل من شتموني أقول إنني ما زلت أحب كدودة، واعتبر نفسي محظوظا لأنني أعرفه واستمتعت بمجالسته فهو شخص حبوب ومثقف وصلب العود ومرح وبشوش، ولو التقيت أنت به، ولم تجد له مكانا في قلبك فمعنى ذلك إنك تعاني من خلل جيني.. وقد كان الخاتم قامة فكرية باسقة ولا شك عندي في ان الساحة الثقافية والسياسية فقدت بموته «رُكَّازة» صلبة... وبالمناسبة فلو دخل الخاتم مجال الكتابة الساخرة بقدراته الفكرية الرفيعة وروح الدعابة الذكية التي كان يتحلى بها لما وجد أمثالي مكانا يكتبون فيه آراءهم سوى الجدران (القرافيتي).
| |
|
|
|
|
|
|
|
| |
عبدالوهاب همت
معتز تروتسكى
nadus2000
دفع الله خطاب
banadieha
عفاف ابوكشوه
Amin Elsayed
بهاء بكري
hatim
Deng
عمر ادريس محمد
Waly Eldin Elfakey
Bashasha
Muhib
فيس بوك
تويتر
انستقرام
يوتيوب
بنتيريست