|
Re: صور افطار...... بورداب الدوحة...نجوم المنبر ( افطار خمسة نجوم ) (Re: هواري نمر)
|
قناتى الجزيرة (مباشر) و العرب القطريتين ذانت الحضور بهاء و ضياء و تم التوثيق فى جو مهنى عالى و لا استطيع انتظاراً حتى ارى النتيجة...
شباب للؤهلة الاولى ظننتهم (بورداب) من أندامجهم و تفاعلهم مع الحضور و إلفتهم، ربما احسسناهم بها أو من هم من تحسسوها،،...فاندمجوأ معنا إلفة و حب..وتوثيق.. فلهم منا كل الشكر و التقدير و هاهنا نبادلهم حب بحب.....و توثيق بتوثيق...
صديق القاعد بعيد
| |
|
|
|
|
|
|
Re: صور افطار...... بورداب الدوحة...نجوم المنبر ( افطار خمسة نجوم ) (Re: Emad Abdulla)
|
;; تحية اجلال وتقدير
الكاميرا ذكورية حتي النخاع اظهرت وجوه الرجال اكثر من النساء وهنا يظهر التمييز ؟؟؟
ما عدا لقطة واحده لم تبرع الكاميرا في التقاط صور لبناتنا وزوجاتنا واخواتنا لذا باغتباري من اعضاء لجنة التحكيم اوصي بان ترصد الكاميرا وجوه الحضور رجال ونساء
نعم نعلم ان كثير من الحضور مرات لا يقبل الرجل تصوير اسرته او لا تقبل كثير من النساء الصور وهنا يجب التوضيح حتي يعرف القاري رجل او امراة ما تم
الدوحة بها كوكبة رائعة من اسماء العمل العام
اخص في مجموعتها السني ذلك الانسان وفي شخصه بنشوف اشخاص
اتمني اثرا طيبا في الافطار القادم
تحية طيبه ولمه مباركه
| |
|
|
|
|
|
|
Re: صور افطار...... بورداب الدوحة...نجوم المنبر ( افطار خمسة نجوم ) (Re: haroon diyab)
|
بت الشيخ سلام
ويا اخي ان شاء الله دائم تامين ولامين يا رقيقه انت وهميمه.
Quote: تراجى مصطفى ....سلااااام
العصيدة دى والملاح من افطار السنة الفاتت وهى جهد خالص للدكتورة منال بوب يربنا يديها العافية والسنة دى كمان كمية من العصايد والقراريص اشكال والوان بس تابعى الصور.... نتمنى نشوفك يوم فى الدوحة ,,
شكرا لحضورك ومشاركتك الجميلة والحلوة يا تراجى وبورداب الدوحة مش حتقدر تغمض عينيك
ايضا كنت سعيدة بحضور ومشاركة الاخ عاطف مكاوى فله التحية والتقدير ....
حيدر المشرف لابس قميص بلو يا تراجى فى نفس الصورة وزول صغيرونى ما تتخيلى كبير كدى ركزى حبة وحتكتشفى |
وحاتك ملاح روبكم ده مفور بطني عليكم(هههههه) وكان جيتكم هناك يا اني الكساره ركبه في بيت د.منال بوب(ههههههه) سلامي لها بالله.
اها انت يا الهميمه ان شاء الله ارتحتي من فتر العزومه اصلا حروريت قلبك دي ياها المكملاك من لحم الدنيا. يتلموا عليك رمضان وبورادب الدوحه وقلبك الحار؟؟!! ياكي البتكملي يا بينه.
خلي بالك من نفسك يا حبيبه. محبتي.
ويا هارون دياب كان فائزين فايزين وكان ما فايزين برضو فايزين.
وبانتظار الفيديوهات.
ووين يا ناس سمعه (اسماعيل محمد الحسن) وزوجته (الرائعه هدى عبد المنعم)؟؟؟
ويا احلام وهبه واحشاني صورك الحلوة.
وابو ساندرا وكوكبته طبعا ناقصنكم ربنا يقومه بالسلامه.
معتز القريش طبعا بقى زول سفارات ساي. الا ود الامير وينه؟؟!!
ود رميله فعلا خرج ولم يعد؟؟!!
| |
|
|
|
|
|
|
Re: صور افطار...... بورداب الدوحة...نجوم المنبر ( افطار خمسة نجوم ) (Re: Tragie Mustafa)
|
سلامات يا ام حازم
Quote: ويا هارون دياب كان فائزين فايزين وكان ما فايزين برضو فايزين. |
الله يجبر بي خاطرك بركة الصباح
وصدقيني انو الشباب بذلو كل الجهد
لانجاح هذا الافطار ...عشان كده زي
ماقلتي ....نجاح الافطار هو الفوز .
Quote: ووين يا ناس سمعه (اسماعيل محمد الحسن) وزوجته (الرائعه هدى عبد المنعم)؟؟؟ |
الاستاذ اسماعيل ( سمعة ) بخير اما الاستاذة ( هدي ) فقد كانت في اجازة
في السودان مع ابنائها .
Quote: ويا احلام وهبه واحشاني صورك الحلوة.
وابو ساندرا وكوكبته طبعا ناقصنكم ربنا يقومه بالسلامه. |
احلام حضرت وفطرت وغادرت مبكرة
اما ابو ساندرا ففي مرحلة النقاهة
ربنا يتمم عليهو الشفاء
شكرا لاهتمامك بنا وباحوالنا
يديكي الف عافية
وفي انتظار زيارتك للدوحة
اختك بت سلالاب حتقوم بالواجب
من عصيدة وملاح روب واللزي منو.....؟
سلام
| |
|
|
|
|
|
|
Re: صور افطار...... بورداب الدوحة...نجوم المنبر ( افطار خمسة نجوم ) (Re: haroon diyab)
|
عملت لفة سريعة علي صور افطار الجماعة المنافسين ( مجرد محاولات منهم)
واليكم التقرير
لا وجود لمنافس للدوحة علي المركز الاول ( كالعادة) ناس الامارات وجدة بتنافسوا علي المركز الثاني بفارق كبير عن المتصدر ناس طارق جبريل بالمغرب نديهم المركز التالت ( عشان اخدوا الاجر في الطلبة العذابة ) شباب ماليزيا والله كانت لمتهم حلوة ( الرابع ) وطبعا الاعادة ما محسوبة ناس الخرطوم طبعا السنة دي حالتهم صعبة تحنن الكافر ولكن شايف في اجتهاد(الخامس) كويس معاهم ناس الرياض ( السعودية ) بنين صورهم كانت ما واضحة نديهم محاولة تانية ( السادس مشترك) ناس امريكا والطائف (السادس مشترك ) ناس القاهرة في انتظار صوركم عشان نحدد مركزكم ( ماتخافو توجد معالجات)
لو نسيت زول طبعا انا معذور (الصيام وكدة)
بكري عباس عضور لجنة الترشيحات الما ( محايد )
| |
|
|
|
|
|
|
Re: صور افطار...... بورداب الدوحة...نجوم المنبر ( افطار خمسة نجوم ) (Re: معاوية الزبير)
|
Quote: نظم "بورداب الدوحة"، أعضاء أشهر موقع سوداني "سودانيز اونلاين"، إفطارهم السنوي الجمعة الماضية بمركز أصدقاء البيئة، وقضى الأعضاء وأسرهم وقتا طيبا، وتنوعت فقرات الأمسية الرمضانية التي قدمها الاعلامي لقمان همام. وشارك مركز حمد الدولي للتدريب التابع لمؤسسة حمد الطبية بخدمة مجانية لقياس السكري وضغط الدم، وفي فقرة "صوموا تصحوا" قدم الدكتور نادر احمد خير إرشادات طبية لمرضى السكري،كما عدد فوائد الصوم.الأمسية الرمضانية سجلتها "الجزيرة" و "النيل الأزرق" و "قناة العرب". وقدم المسرحي محمد السني دفع الله فقرة بمشاركة الأطفال ركزت على تشجيعهم على الصيام، والعادات الحميدة. استهل الطفل اكرم احمد الزبير الأمسية بتلاوة آيات من الذكر الحكيم، وألقى صلاح عبد الله كلمة"بورداب الدوحة" ركز على القيم والتقاليد السودانية من خلال "الإفطار الجماعي"، وأهمية التواصل بين" البورداب" وحيا صاحب موقع "سودانيز اونلاين" الأستاذ بكري ابو بكر المقيم في الولايات المتحدة، الذي جمع السودانيين في الداخل والخارج في الفضاء الاسفيري. من جهته تحدث المهندس معتصم الطاهر، عن "رمضان في السودان" والاستعدادات لهذا الشهر الفضيل وتحضير "الحلو مر" أشهر مشروب رمضاني، إلى جانب ما تحتويه "مائدة رمضان" من أصناف سودانية متنوعة منها "العصيدة" و"البليلة" وحرص الناس على التمسك ب "الإفطار الجماعي" خارج المنازل. الشاعر عبد الاله زمراوي قدم قراءات شعرية نالت استحسان الحضور وابتدرها ب "لكل ربيع زهرة". وزمراوي شاعر وقانوني ومترجم له العُمر ُ ثلاث مجموعات شعرية صدرت (طبل الهوى) و(صهوة غنيات اللَّيْلْ) حيث يلتمع في وهج معزوفته الوطنية إنه ُ الشقي) و (أ شاعر جدير بالقراءة وجدير بالاستقرار في حافظة الجمهور القاريء .zomrawipoet.blogspot.com : أو من خلال متابعة مدونته |
دا الخبر كوبى بوست من جريدة الراية
| |
|
|
|
|
|
|
Re: صور افطار...... بورداب الدوحة...نجوم المنبر ( افطار خمسة نجوم ) (Re: SHIBKA)
|
فنجان جبنة بي شمالو يساوي الدنيا بي حالو
سوي الجبنة يا بنية في ضل الضحاوية
هوي دنيا ما بتنقدري شلتي ام العيال بدري
أوشيك أخوي ادت لي شوتال جرحو ما تبري
الجبنة يا بنية لو ماتحضري قليها حق ما تشربيها
سوي الجبنة بي رواقة والسارحة التروم لحاقة في البال نجيها بالفاقة هوي كان طول بروك الناقة
ودخلنا من هذه الكوة إلى عالم الجمال
التحية لكم
| |
|
|
|
|
|
|
Re: صور افطار...... بورداب الدوحة...نجوم المنبر ( افطار خمسة نجوم ) (Re: معاوية الزبير)
|
شبكة
الكلام دا على الجزيرة مباشر...
طيّب الناس على حسب الظهور
- لقمان همّام مقدّم (عريّف) الحفل
- صلاح عبد الله (كلمة بورداب الدوحة)
- الشاعر عبد الإله زمراوي
- الباشمهندس معتصم الطاهر
- الفنان فرح
(المشاركون في الغناء عاطف مكاوي، هارون دياب، كمال علي الزين، عمر سعد
عبد الكريم كيكي (إنتليجنسيا: على قول خليل)، عمر بوب، وزول كدا ما عرفتو: له العتبى)
- د. نادر أحمد خير (إبداع منتظر)
- أميرة الشيخ (ثرية عن التعريف)
- زينب عبد الكريم (حديث عن الأطعمة والمشروبات السودانية في رمضان)
- فيصل الزبير (علم على رأسه نار مولّعة)
- محمد السني دفع الله (نحن أفقر من التعريف به)
- سوسن دفع الله (إعلام السودان في الزمن الجميل)
- عمر بوب (البوب .. وكفى)
- عادل التيجاني (رب الحاجات دي كووولها)
- وجدان الجمري (أيقونة قناة النيل الأزرق)
- هارون دياب (مسك الختام ..وهل من مزيد!)
| |
|
|
|
|
|
|
Re: صور افطار...... بورداب الدوحة...نجوم المنبر ( افطار خمسة نجوم ) (Re: محمد أبوالعزائم أبوالريش)
|
سلمت يا ابو العزائيم وشكرا على التصحيح تعرف الصيام ده اسكت ساكت انت اخبارك شنو انشا الله طيب بعدين مش انت محمد الكنت في مسقط ولا برضو لسه انا مطشش .. على كل اجمل التحايا ليك ولي نادر .. لكن تعرف الذ حاجة انت الزول اصل ما يقدر يطش في اسمك ده كان جلت ابو العزائم تتلقاهو ابو الريش ياخي ده اسم محكم التنزيل والميزة التانية ممكن نقول ابو العزائم وممكن ابو الريش يعني خاتف لونين ولا زي جناح ام جكو تلبس في اي وضع ياخ رمضانكم كريم وتصومو وتفطرو على خير وكان ربنا رفع القدم العيد ده هندكم مودتي
| |
|
|
|
|
|
|
Re: صور افطار...... بورداب الدوحة...نجوم المنبر ( افطار خمسة نجوم ) (Re: عماد الشبلي)
|
Quote: : يا سلااااام على كل هذا الجمال وكل هذه المحبة يا بورداب الدوحة القطرية...
وكأننا أشقاء، أحباب في الله ودراويش، جمعنا هذا الوطن المسمى بسودانيزأونلاين، فصرنا بفضله إخوانا...
المحبة الخالصة والإنحناءة لهؤلاء النفر الكريم..
عادل التيجاني الذي فتح ابوابه لنا كعادته في السراء والضراء.. الشابة الرائعة أميرة القلوب وشعلتنا التي لا تنطفىء(أميرة الشيخ).. الشاب الرائع هارون دياب، عمدة الأسافير وسابر أغوارها.. الفنان الكبير ذو القلب الكبير السني دفع الله.. الشاب القوي الأمين كيكي.. خليل ذلك الشاب الخلوق ، المشاكس الفنان.. ساني الأنيق الجميل المبتسم في وجه هذه الدنيا العابسة فيصل الزبير الخلوق المهذب الوديع معاوية الزبير الذي لا يضاهيه مخلوق في الأدب والأخلاق لقمان همام الذي فاق كل شىء جمالا وادبا وعلما وفهما عماد الشبلي الفنان ذو الكاميرا الساحرة الفنانة صدبق الفاعد بعيد وهو اقرب الينا مما يتصور. الزعيم الكبير كمال سالم.. هشام المجمر الذي تحبه دونما سبب المهندس الشاعر الجميل معتصم الطاهر الرائع نادوس حسام الصحافة ولدنا الخلوق محاميتنا الخلوقة الرائعة نجلاء قرافي (جيفارا) صاحب العزيمة والبسمة الدائمة ابوالعزائم أبوالريش.. إحلام وهبي الرائعة الجميلة .. الشريف الشاب الوديع الراقي معاذ السر الخلوق المهذب الفنان الصوفي المتبتل في محراب الفن مأمون إبراهيم الروائي الرائع المهذب الجميل عبد الغني كرم الله..
وآخرون كثر لم تسعفني الذاكرة لإيراد أسمائهم الوضيئة، جملوا ليل الدوحة في أمسية الجمعة الرمضانية وأدخلوا في نفوس أطفالنا وضيوفنا البهجة وأضاءوا ليالي دياجيرنا بالغربة، قمرا تلألأ في الدجى أنوارا...
لكل من لم أذكره سهوا أهديه هذه الخواطر:
هذا الشموخ ورثته عن كابرٍ والنبلُ زانك إرتداك إزارا
بادٍ تُقاك على الجبينِ مرفرفا إن التواضع قد كساك نوَارا
إني عرفتك باذلا متبتلا لله درك حين صرت منارا..
الليلُ يشهد إن سألت نجومه أن المروءة إنتقتك خيارا
قطرٌ حللت بدوحها مستأنسا فوجدت فيها الصاحب المغوارا
وهكذا يجمعنا هذا الوطن الإسفيري الجميل ولا يفرقنا فهنيئا لسودانيزاونلاين بهذه الكوكبة المضيئة المشرقة..
[ICQ] [URL] [Email] [Profile] [Edit]
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
اكرر مرة أخرى الاغتراب عندكم يا ناس الدوحة... الاكل ما شاء الله... وكذلك المحبة والود بيناتكم هاطلة كالمطر وقد وصف لنا الشاعر عبد الإله زمراوي هذه المشاعر الدفاقة في السطور أعلاه...وما دام الافطار فيه تغطية إعلامية من قناة الجزيرة فمفروض الدعوة تكون موجهة لكل بوردات العالم في الدياسبورا المهجرية... عشان نمثل السودان كيد واحدة... والله يديكم العافية جميعا |
| |
|
|
|
|
|
|
Re: صور افطار...... بورداب الدوحة...نجوم المنبر ( افطار خمسة نجوم ) (Re: معاوية الزبير)
|
Quote: يابودابى هل جاك الخبر؟.. رمضان فطورو فى(ساوثرن تاور ) (هبتنا) كيف ذاعت خبر ليها الجميع لَبى وحضر جونا الضيوف سلمى وسيف بسلامة نادينا اتْعطَر وحقيقة كان فطور رهيب ولمّة ذِكرى للعُمُر شوف النِعْم مالذّ طاب شَهى وبالمنظر يَسُر عصيدة والرووب سَلاط ولِحوم وجِداداً يدور يِفِر تَقَلِية وأصنافاً كُتَار مُزْدانة بِى شَيّة جَمُر بَلِيلة بتمر وخشاف ومويات فايضة تقول بحر آبري أبيض وكركدى وأحلاها كان الحِلو مُرْ والتحليات كُلْ طَيّبات بسبوسة كيف وكُنافة شَهتنا الفطُر تَسلم أيادى من طبخ أكلاتنا سودانية صَرْ (الشيف) أُسامة كان حضر بِدورلو منكن درِس عصُر (وهِبتنا) ذي أُم العروس تسأل فى زولاً مافَطَر؟؟ بعد الصلاة ومولانا كيف رتّل جَهْر قضيتا ساعات من سمر بيها الجميع جد إنبهر متولى كان مبدع خطير زولاً هميم تَب ما كَشْر وبسلمى كيف عبق المكان قالت نِكات تَضْحك شهر إيمان بدُر ثقافة فن كلاما منظوم ذى دُرر بِت بله كانت فى الحضور وشذاها فتّح للزهر محاسن تَرتِب فى الاِمور هميمة تتوشح صبُر خالد يوسوِس فى دبذ جايبين شمار ظاهر خطر ودْ كروم الموجو أزرق وجادين هناك زعيمنا الخطر أحمد خضر حاضن رزان ياربى ماتشوف أىّ شَرْ عبدالله كيف بارم شواربو وشوفو كيف لابِس قَشِر إبراهبم وود البشير ونعمان كمان بيهٌم إحْلوّ السمر أيمن (والاياهب) (والخالِدين) ودبورة وسط الناس ظهر وصلاحنا وأزمنة الرحيل ديوانو ينبوع من شِعِرْ أبوجديرى نكّتْ للحضور وقالو صوتو كمان خطر ودْ الحسن عجبو السمر وقال ل(ساكدو) جاكم خبر ودْ الجزولى عمّار وصالح وشوفوكيف تحكى الصُور والمبدعين ياسر عليش بالفيديو واللقطاط وثّقوا جو السمر كوستاوى لظروف إعتذر حالف طلاق يعزمنا فى هذا الشهر أبو فاطمة بتراجكم عديل نِتلمّ مرّه فى كل شهر بى سيرتو بكرى تقول حضر لولاهو ماتلمينا ولاعلى بال خطر يرعاك إلهنا ويحفظك وينجينا من شر الهكر
ودْالبدوى أبوفاطمة
|
يا أمـيرة الشيخ: فتناكم بي الشعر المحلي ده
| |
|
|
|
|
|
|
Re: صور افطار...... بورداب الدوحة...نجوم المنبر ( افطار خمسة نجوم ) (Re: haroon diyab)
|
Quote: رغم ضيق الوقت الا اني تشرفت بلقاء عدد من الاخوان والاخوات الاخت خفيفة الدم شبكه والاخ هارون دياب والاحت الهميمه اميره الشيخ والاستاذ زمراوي والاخ ابوالريش والاخ كمال الزين والاخ كمال سالم والا خ المهذب كيكي
وبحق كانت لمه حلوه .
كل سنه وانتو طيبين |
الأخت نجلاء قرافي ....
الشرف كان لينا ...
والجايات أكتر إنشاء الله .... بس خليك إنتي قريبة.
| |
|
|
|
|
|
|
| |