|
|
 Re: (3) امتداد الدرجة الثالثة ذلك الحي المتفرد (Re: Tabaldina)
|
ناس الامتداد
علكم بخير
هذه الصورة تجمع بعض غلاة الامتداديين وهم من اليمين
الفاضل سابل . مجدى بركية . عامر تيتاوى . عصام محمد الحسن ( ودعبود )
وقد التقطت فى اول يوم من هذه السنة 2008 بنادى القولد مقابل شارع 61
حيث جرت العادة على قضاء ايام الاجازات هناك مع صاج سمك ولا دجاج ولا حلة
لحمة كاربة وطربيزتين حريق ووست والجبنة والشاى مدورين من روضة ست الشاى
بلاى ياجماعة مايجى زول يشتح لينا البوست انا فوت الصفحة خمسة شان كان
مشتوح
خلوا بالكم بيانك وين ياريس
| |
 
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: Tabaldina)
|
Quote: اها شوفو الشبك ..
يا امنة انت جيتى وراى تجبى كلامك قدامى
حسي يقولوا .. بتاوق عليكم .. وكمان ما ساكن الامتداد ..
ومتصلبط سااااى ...
|
جبتوا قدام عشان تكون انت اول زول في الصفحة السادسة
وعقبال المية وانت معانا يا
| Quote: ومتصلبط سااااى ... |
(وجه ضاحك)
لك الود تبلدينا
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: امنة عبد الكريم)
|
يا طارق جبريل ، الصفحة دي ما تصلحوها قربت احوص ورقبتي وجعتني الصور الكبيرة صغروها- ما قاصد
زول - او اختطف كراعك لسوق اربعة عند السمكرجية خليهم يصلحوا البوست المنفشح دة ...
عزالدين شيش - صديق الطفولة البريئة والله لو نطط فوق صديق الطفولة - عملنا اعلان وما في زول
هبب ، داير في الصفحة السادسة دي ليلة شعرية تكتب قصائد وبعدها معرض عن سيرة الامتداد
وبعدها مبارة كاس وتاني شنو وتاني شنو ... المهم نعمل حاجة في البوست بدلا من فتورو
وللا نرجع الغابة تاني ...
قدرة ... اظهر في الجامعة وشوف عليك الله مرثية فخري انا ما عندي منها نسخة
والصديق امير الجمري ... نسال الله نشوفك في اي حتة لاننا طولنا من بعض تتذكر
متين ... مبروك الصفحة 6 وتتقطع (بكتابة ) العافية ...
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: مصطفي سري)
|
سام 6
سلام شباب الامتداد الحلوين
سرى يا(درش)
| Quote: قدرة ... اظهر في الجامعة وشوف عليك الله مرثية فخري انا ما عندي منها نسخة |
بالغت ياخى ولا فى ارشيف المجلة مافى . جهز ليك واحدة مدنكلة كدى وكويس اليومين
ديل شايفك منور طوالى بجاى واتخيلى الشبة هو السبب فى الضحكة (فهمت طبعا) ما
بتفوت عليك 
ود جبريل بيانك ما عينة لكن
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: عامر تيتاوى)
|
ياجماعة والله ايام يازمان
تربيزة الضمنة بجوار الرابطة
حكاية عجيبةقدام بيت ناس امير الطويل
الله يرحم اعمامنا اللذين رحلوا
من هذه الفانية وكانوا ملء
السمع والبصر وكانت لهم صولات وجولات
فى هذا المكان
مى ياها عصريات الامتداد
التاريخ فبراير 2008
للزمان بس
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: عامر تيتاوى)
|
الله عليك ياعامر
الأمتداد وناااسو مابيتنسوا والأجيال الجديدة وحتي بنوتاتنا القادمين يزينوهو حلا فوق حلاتوا
بالله صورة وصوت ياتيتا وشغل المارشات عشان البيان يظهر ولا شنو ياريس أولا مره أشوف
لي بيان من غير مارشات علي وزن حمااامه بتتكلم متين العوده تاني ياقلبي السراري الفيك دافن
أسراري وبيتي وداري والنادي والناااس الكٌمَل ديل هسي يجيني مصطفي سري ناااطي الحيطه
قائم قاعد ولا ماشي وجااي بجاااي تاني خليه تجلي وتعلم لعب البيلي والدافوري وسكج بكج وحرينا
وماعلينا وين؟؟؟؟؟؟؟؟؟؟؟؟؟؟؟؟؟؟ البيان وينوا وين يانااااس الحله فوقه الأنناااس .
،،،،أبوقصى،،،،
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: عامر تيتاوى)
|
يا سلام على طاولة الضمنة.. و البت الظاهر في الصورة دي هو منزل
العم الراحل محمد على صغير .. والد سمير محمد على حارس الزمالك
المصري الشهير لأكثر من 14 عام متتالية.. وشقيقه الثاني المرحوم أزهري
محمد على لاعب الطائرة الشهير بنادي العمال الخرطوم و كابتن منتخب السودان للكرة الطائرة عام 1974 و الحائز على الميداليات الذهبية في سوريا عام 1974 و الكويت 1976 .. للبطولة العربية للكرة الطائرة ..
ولقد أستشهد الكابتن أزهري محمد على عام 1990 أبان غزو العراق للكويت
مع الأمير سعد العبدالله الصباح وزير الشباب الكويتي آنذاك وكان الراحل
أزهري محمد على مدير مكتبه.. حيث إشتبك أزهري مع مجموعة الضباط العراقيين قبل دخولهم لمكتب سعد الصباح .. وبعد معركة غير متكافئة أطلق
عليه الضباط العراقيون مجموعات متتالية من الرصاص إخترقت جسده الرياضي
القوي و أردته قتيلآ .. ودفن جثمانه في الكويت.. و أقمنا له عزاءآ في نفس
هذا المنزل.. وكان له طفلان من زوجته الكويتية اللبنانية الأصل هما محمد
و شيرين.. ولقد حضرا السودان بعد شهر من موته برفقة إبنة شقيقته والتي
كانت تعيش معهم في الكويت.. ولقد حضر العزاء في السودان سفير العراق
في السودان آنذاك حاملا معه برقية من صدام حسين تعبر عن أسفها لمقتل أزهري على يد الضباط العراقيين عن طريق الخطأ..! و حمل السفير العراقي
شيكا بمبلغ 30 ألف دولار وأعلن تكفل دولة العراق بأبناء الشهيد أزهري
مدى الحياة..!! ألا رحم الله سكان هذا المنزل ذو الباب الأخضر و المقابل لميدان الرابطة وهم الحاج محمد على صغير و زوجته الحاجة إنصاف أحمد خميس و أبنهم أزهري محمد على.. مع تحياتي لبقية أهل المنزل الأخ أمير والكابتن سمير بالقاهرة و بقية شقيقاتهم العزيزات.
و دمتم/ أخوكم عادل نجيلة/ أميركا/ أريزونا.. مربع 2 في الإمتداد
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
اولا الحمد لله علي سادسه
عامر تيتاوي هيجته فينا اشياء
ود عبود سنين ما شوفناه . لكن ماشاءالله الناس كلهم تمام
عينا باردة عليهم.
طريزة الضمنه والله تيتاوي كانت مجنانني جن من المراسيل
عم نقد داير سجار من دكان صالح وعمك الشيخ حران داير صعود من
المحسي . وعم الجمري وعمك حسن خليل وعمك محمد حسين ..... الخ
دايرين مويه باردة من البيت عشان بيتنا كان اقرب بيت للطربيزه
وابوي كان قاعد معاهم مابقدر ازوق ولا اقوال كاني ماني . الف رحمه
تنزل عليهم
والغريبه المويه المسرسرة دي كابه من وين وكمان في شارعنا ؟ ياحليل مويه الماسورة
تتدنقر وتلقي ايدك وتشرب مويه زي العسل ..احييييييييييييه من القارورة
النازله معانا فاضيه وطالعه مليانه (هدت حيلنا وفلسة بينا ) والحمد لله
اخونا تيتاوي تسلم البنيات الحلوات ديل زكروني بااختنا يسري مصطفي حامد
كانت بتلعب كورة معانا جم طاحونه المرحوم محمد احمد.
ياعامر الفاضل سابل مالو بقي عمك كدا
لنا عودة
يااااااااااادكتور
البيان وين........
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
ايها الشعب الامتدادي الأبي
مع تباشير الوئام الذي يسود جميع مكوناتنا السياسية
وبعد جهد مقدر من طرف الفاعلين السياسيين وجمعيات المجتمع المدني
توصلت القيادات الريادية إلى تشكيل حكومي جديد يراعي
المعطيات الجديدة في التركيبة السياسية بعد اتفاقية ركن فاطمة عبد الرحيم التاريخي للسلام
وعليه تم تشكيل حكومة الامتداد على الشكل التالي:
- عامر تيتاوي (الطيب صالح) رئيسا للوزراء
- عماد محمود وزيرا للدفاع
- صديق حمدتو وزيرا للثقافة
- أبو قصي وزيرا للشؤون الاجتماعية
- آمنة عبد الكريم وزيرة الاعلام والناطق الرسمي باسم الحكومة
- فيصل هليل وزير شؤون الأقليات والتراث
- عماد عويس وزيرا للهجرة والمغتربين
- سيد محمد أحمد سيدنا وزير للاستثمار الخارجي
- أمير الجمري (واسيني الاعرج- المتمرد التائب) وزيرا للشباب والرياضة
- بدر الدين يعقوب وزير للاقتصاد والمالية
- احمد جمعة (جومو- الاخضر الابرهيمي) وزيرا للخارجية
- بابكر التوم وزير شؤون المربعات والحكم المحلي
- عبد الله كع وزيرا للطاقة
- مصطفى سري كبيري مستشاري الرئيس للشؤون السياسية
فاصل... ونعود لمزيد من التفاصيل
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
Quote: عامر تيتاوي (الطيب صالح) رئيسا للوزراء
- عماد محمود وزيرا للدفاع
- صديق حمدتو وزيرا للثقافة
- أبو قصي وزيرا للشؤون الاجتماعية
- آمنة عبد الكريم وزيرة الاعلام والناطق الرسمي باسم الحكومة
- فيصل هليل وزير شؤون الأقليات والتراث
- عماد عويس وزيرا للهجرة والمغتربين
- سيد محمد أحمد سيدنا وزير للاستثمار الخارجي
- أمير الجمري (واسيني الاعرج- المتمرد التائب) وزيرا للشباب والرياضة
- بدر الدين يعقوب وزير للاقتصاد والمالية
- احمد جمعة (جومو- الاخضر الابرهيمي) وزيرا للخارجية
- بابكر التوم وزير شؤون المربعات والحكم المحلي
- عبد الله كع وزيرا للطاقة
- مصطفى سري كبيري مستشاري الرئيس للشؤون السياسية
|
يا ود جبرين لكين لقيتك ختري
اعمل حسابك من المعارضة
والوزراء المن الاحزاب التانية العينتهم ديل
| Quote: مصطفى سري كبيري مستشاري الرئيس للشؤون السياسية |
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
..
.
لا لا يا جبريلا
عملتها ظاهررررررررررة
اخوك تنساهو عشرة وصداقة .. ما منك فايدة
طيب لمن قلعت منى وزارة الاعلام واديتها للناس السمحين
كان تعملنى ان شاء الله وزير وزارة شئون اللاجئين والمهاجرين 
الا اكلم ليك اولاد خالتى ناس امير وكمال وهشام مبارك شمس الدين
مربع 14 .. والزلط العملوهو قدام بيتكم دا بدشدش تاجى الا تجى بورا ..
والله مش الاربع حيط دى الا ابيعها وارحل منكم ..
خوتكم نكتها عنصرية .. 
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
..
.
الشغل .. الشغل
والسفر كتر ..
والليل وتر ..
والله ما بقطعنى الا الشديد القووى ..
بعدين
وما حب الامتداد شغفن قلبي
ولكن حب من سكن الامتدادا ..
قصدى انت ..
قرقر قرقر قرقر
انت المرحلك شنو ؟؟
قال داير اسكن العمارات
العمارات عندك فيهو شنو ؟؟
قول .. محل تانى احسن .. جوه الدار البيضاء ..
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: Tabaldina)
|
الانقلابي طارق
بما انك اعلنت تعيني مستشارا في حكومتك فانني ارفض التعيين للاسباب الاتية
اولا لم تراع العدالة اتيت بناس جدد لم نلتقي بهم من قبل ، وهم طابور خامس لجماعات ارهابية
تعمل على تقويض السلطة ليل نهار ، لن نذكر الاسماء لكن انتم تعرفون تلك الاسماء الى جانب
التخابر مع اخرين لابسين عمم وجلابيب وبدل برضو ولدينا الصور الحديثة .
ارفض اشراك فيصل هليل في هذه الحكومة وهو يعمل لصالح دولة اجنبية ولا يخفي ذلك (نهارا جهارا)
المدعوان بابكر التوم - قدرة - وعبدالله كع لم تمض على عضويتهم شهرين فكيف تاتي بهم في الوزراة
عليه فانني ارفض هذا التعيين ولن اشارك في حكومة غير متجانسة وسنقوم بتغيير هذه الحكومة غير
الشرعية ، وادعو اخواني برفض هذه الحكومة ... النصر لنا ...
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: مصطفي سري)
|
Quote: انت تجيب ناس جووا امبارح تووش الحكومة
انا معاي الى جانب ياسر ، صديق حمدتو وهناك تفاوض مضني معه ، وعزالدين عثمان العائد من المنفى
واخرين لن نعلن عنهم الان وهم وسطكم وبينكم ... النصر لنا ... |
بصفتي الناطق الرسمي باسم الحكومة
فانا بحذرك يا سري من اخراج الخلافات الداخلية للمجلس الي الاعلام
والحرص علي مناقشتها داخليا
وح اصدر فرمان بالموضوع ده
*****
لقيتني كيف...ما بنفع مع وزراء الايام دي
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: Tabaldina)
|
Quote: طيب لمن قلعت منى وزارة الاعلام واديتها للناس السمحين
كان تعملنى ان شاء الله وزير وزارة شئون اللاجئين والمهاجرين |
شنو يا فردة ما عجبتك الا الوزارة دي
رايك شنو في وزارة التبلدي ..آآآآآآآآآآ قصدي الزراعة
المهم كان بقيت عليها
كلمني
بشوف ليك طرقة مع الريس ماعندك مشكلة
بس عليك الله وزارتنا دي ابعد عنها يا شوف نا سري
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: بدرالدين يعقوب)
|
بدر الدين ، ينصر دينك
(وان يحال السيد عماد محمود للمعاش لحنيته الذائدة تجاة الفتيات الجميلات .)
اها بدر الدين في اتجاهه الينا في المعارضة هل من مزيد ، حكوكتك يا طارق الا تبقى فيها انت
وتيتاوي ، لكن بعد ما نزل الصور السمحة دي اظنو قابل ياسر حنا وعقد اتفاقاً معه ، يا ياسر
اكشف لنا الاتفاق مع تيتاوي حتى نعلن حكومتنا ... وبدر الدين يعقوب الرجاء ان تواصل معنا
وشوف امير الجمري ... واقول ليك حتى الناس الجداد معانا ... بس عندنا شوية شروط موش ..
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: بدرالدين يعقوب)
|
ياجماعه ختوا الكورة واطه وفرشوا بروش الصبر
وكل زول يجيب برنامجوا الأنتخابي ونحتكم للديمقراطية
وهوووي ياسري بطل حركات التمرد دي وإلا سوف تأتينا
بالمارشات وأنا شامي رئحة عسكرية والريس قال الراجل
يقلب الكاب ده وشتت وأنا شايف ما زال الكاب لم يزحزح
قيد أنمله ،
ونحن هنا نناشد كل قطاعات الشعب الأمتدادي للتسجيل في السجل
الأنتخابي ومافي طريقة تزوير ولا ترحيل من العشش ولا العشرة
ياأخوانا بالله كملوا حصر العضوية عشان حتكون مرجع لسجلات
الأنتخابات القادمه وإلي كل من الريس وحكومته الأنتقالية الأمتثال
للديمقراطية وعلي الجناح المنشق أن يعود ونناشد حكومة المنفي حنا
وأركان قيادته أن تنصاااع للديمقراطية .
قيادة المنطقة الآمنه في حكومة المنفي (وتكرموا علي بوزارة تجمع الشمل والشأن الأجتماعي عصب كل الحكومات والرغيف راقد هبطرش والحجم كبير).
،،،،أبوقصى،،،،
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: صديق حمدتو)
|
صديق حمدتو ، طبعا ساتجاوز كلامك في التغني للحكومة المعزولة ، وانا اعلم وضعك
واعلم انك معنا حسب الحديث الذي تناولنه قبل ساعات وانا اخذت بوجهة نظرك حول
تلك الشخصية التي ذكرتها ، وطبعا الان بدرالدين اصبح موقفه واضح وهناك بالداخل
المناضل الصامد الزعيم ياسر ، وعلمت من مصادرنا ان بركية والفاضل سيقدمون الدعم
اللوجستي والعسكري لاسقاط هذه الحكومة الانقلابية ، وهناك شخصية كبير تم تعينها
لكن نتحاور معها ..
ابو قصي انت قشوقوش بتاع طارق وللا شنو اعمل حسابك بلحقكك فيصل هليل الذي
اصبح يتحدث لوحدو واسالو كمان ؟؟
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: مصطفي سري)
|
هوووي يا أبوربيكا
عشان حركاتك المتمرده دي قااام فيصل خليل بنفيك من مربع 14 وهمشك وعملت حركات الجماعه حقين لندن
وأنتو لمن يجيبوليكم الديمقراطية البتنشدوها تقوموا تجقلبوا دي مش واقفين تحننوا وراكبين تجننوا دي من دقنوا
وأفتيلوا ؟؟؟
بعدين عندما كنا في التحول لم نتحول ماأنوا كانت هنالك مقريات عديدة بالله أدينا المعاك عشان شيش يتحول إلينا
ويتواجد أن شاء الله إقامة مؤقته ،
ياأخي في توثيق عند الأستاذ حيدر عبدالرحمن ياريت لو تأتينا بيهو وبعود بعد ما الحكومة تروووق ونحن لانطالب
بالحقائب بقدرما تهمنا النتائج لكم حبي ،
الزول الراقي معتصم عبدالرحيم شوق أطنان وريد كيمان ولك حق الجانب الآخر من الأمتداد يجب أن يمثل بأكثر من وزارتين
ولا عشان مربعين بس غرب الزلط وركن جحا ما يعملوا مظاهرات ويكسروا العربات أدوهم وزارة ناطقه دي من ألاعيب أبوعاااج أخوي
ياصديق حمتو سلم لي علي الأربعتاشر مربع وكمان الصحافة عشان سري المنفي إليها قصرا من هليل بيك زاده .
،،،،أبوقصى،،،،
| |
|
|
|
|
|
|
|
|
 Re: (3) امتداد الدرجة الثالثة ذلك الحي المتفرد (Re: طارق جبريل)
|
مصطفى سري والله إنت زول أخبارك قديمة خلاص | Quote: وهناك بالداخل المناضل الصامد الزعيم ياسر |
إنت من زمن ياسر مناضل وصامد وبالداخل كمان !!
ياسر وقع الاتفاق معانا أنا وعامر تيتاوي وعاد أدراجه إلى السلطنة وهو الآن من الداعمين الرئيسيين للحكومة "قال صامد قال!!" أما شغل بدر الدين يعقوب، فده أسمه التدافع داخل الحزب الواحد وهو يمثل تيار راديكالي في الحزب مناهض للإصلاحيين وللحداثة والوجوه الشابة لكنه لا يرقى لمستوى التمرد أو الحركة المسلحة.
مصطفى يا أخوي تعال لي في الخاص بهناك إنت في العلني ده فتـــــــان
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: راشد جبريل)
|
امنة كيفك
بتنفعي في حالتين الاولى تجدعي لي الموج برة خالص واعملي بوست بيهو ، والتانية تبقي
مع المعارضة السلطة مفسدة دي حكمتنا ، والثالثة - دي جات اسع دي - تقولي لصديق الموج
ما شغالة بيك ... في الحالة دي انت الناطقة الرسمية للابد غيرها ستكوني مع زمرة الحكومة
ونحن ما بنعرف غير الدوشمان ...
مرحب بالثوار راشد جبريل الذي ركل السلطة ورفض التقرب من طارق الانقلابي وانت قائد ايضا
عندنا اجتماع في لندن لتشكيل حكومة المنفى ... داير ياتو وزارة ممكن كمان وزارتين
ولو جندتا زيادة تلاتة وما تقول لي تاني حاجة ... دة موش ما عندنا كوادر لكن لكي يتعرف
كوادرنا على كل الوزارات مرة واحد ...
صديق المناضل نحن معارضة شفافة ونستفيد من اخطاء حنا الذي لم يكن يستشر احدا ككل قيادات
المعارضات اللاتينية .. ولولا قوتنا لكانت هناك تصفيات ... ومع ذلك فان الثوار غفروا
لهو ... ياخي المثل بيقول ناس البكا غفروا والجيران كفروا ديل ناس طارق ... صديق
عد الى رشد ....
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
Quote: إنت من زمن ياسر مناضل وصامد وبالداخل كمان !!
ياسر وقع الاتفاق معانا أنا وعامر تيتاوي وعاد أدراجه إلى السلطنة وهو الآن من الداعمين الرئيسيين للحكومة "قال صامد قال!!" أما شغل بدر الدين يعقوب، فده أسمه التدافع داخل الحزب الواحد وهو يمثل تيار راديكالي في الحزب مناهض للإصلاحيين وللحداثة والوجوه الشابة لكنه لا يرقى لمستوى التمرد أو الحركة المسلحة.
|
ينصر دينك يا حمدتو
دة الشغل
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: omer abdelsalam)
|
Quote: عليه فانني ارفض هذا التعيين ولن اشارك في حكومة غير متجانسة وسنقوم بتغيير هذه الحكومة غير
الشرعية ، وادعو اخواني برفض هذه الحكومة ... النصر لنا ... |
نؤيد ونعاضد الاخ ســري في رايه السديد, فالتعيين هنا للترضية فقط
بعدين كل الحقائب الوزارية ذهبت الي شرق الظلط في تجاهل ظاهر الي غربه
الا من حقيبة ترضية(عملتها ظاهره يا ابوعاج اخوي).
ضع الامتداد نصب اعينك وابعد عن الجهوبة والمحسوبية وووووو,
وانا من راي ابوقصي الداعي الي نبذ الخلاف
واضيف وخروجاً من نيفاشا وابوجا بنسخها المتكررة و كوكادام وكل التجارب التصالحية
يجب ان توزع الحقائب بالتساوي علي المربعات , وللتسهيل نسمي الحقائب اولاً ثم من بعد نرشح وزرائنا.
ودمتم
معتصم العربي7
| |
|
|
|
|
|
|
|
|
 Re: (3) امتداد الدرجة الثالثة ذلك الحي المتفرد (Re: بابكر التوم)
|
ياسلام ياتيتا انت عارف اول ماشفت طربيزة الكتشينة وكمال متحكر بي غادي
اتخيلت انا بي جاي ...طبعا لينا صولات وجولات انا وكمال واحيانا في نفس الدار (القولد)
لمن كانت جديدة.. صحيت فينا اجمل الذكريات ... ودعبود والله انا قايله قريبه بتاع شندي فوق
الفاضل شايل الكرسي وماشي للقطيعة,,بركيه ياحليلك ...وحليل ايامك علي بالي دوام
ياريس الفيك اتعرفت لكن حاخلي ليك الامتداد ده كله بره ما يرجع 32 سنة نشوفك حتحكم منو؟؟
اخليها ليك حلفا ضغيم ولا باريس شفت ابن عمي فيسل هليل مرقها في المجر .,,,اهجركم لالا ما بقدر,,
الاخ بدرالدين والاخوة في الرابطة لكم التحيه والتجلة لمجهوداتكم المقدرة
فقط عندي اقتراح بخصوص الماليه ..انا ماعارف كيف تدار الماليه في الرابطة
و في السعودية هل مسموح بفتح حساب باسم الرابطة ام كالعادة ممنوع علي الاجنبي ؟؟؟
اقتراحي فتح حساب واشهار رقم الحساب في البوست علي ان يكون دائما امام اعين الاعضاء
وعليه.. يدفع كل الاعضاء داخل وخارج المملكة الاشتراكات الشهريه والتبرعات ,,
وبامكان كل ابناء الامتداد المشاركة في الماليه حتي تستطيعوا القيام بالواجبات
ورابطة من غير مال مؤكد سيحالفها الفشل .....
محمد مصطفي (ستونة) وينك يازول ليك زمان الشوق مطر دايرين نعرف احوالك ..لك التحيه...
قبال اودعكم بجيكم راجع عشان اكمل مشوار ....
محبتي وودادي
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
السيد الرائيس السادة الوزراء
بما انني والا خ بابكر والاخت امنه من الوزراء الجدد
نحي جميع الاخوان الزملاء في الوزارات الاخره و في المعارضه والخارجين علي الشرعيه
ونقول لكم كما قال السيد الريس روقو المنقه شويه وخلو
الامور صغيرة .
الاخوان الراكبين الظلط غلط بدر الدين مصطفي سري وراشد واشرف والمرتزق من جنوب الامتداد
ولقدعانا امتدادنا من الشخصات الديناصوريه المنقرضه التي اكل الدهر عليها شرب . وما كان
علي السيد الريس ان يختار دماء حارة وشبابيه تعيد الامتداد الي مكانه الطبيعي .
ندين المتامرين والخونا
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
عزيزي عامر ,,,و الله الصورة الفوق دي بالغت فيها عديل ( فاضل-مجدي-عامر-ودعبود) و الله اصبتني بدوار و حالة غريبة و دي مابتفكها الا سفرة للامتداد,,, تتخيل اني من 95 ماشفت ود عبود ,,, بس ناقصة فاروق سعيد ,,, بلاهي رسل بعض من الصور علي ايميل,,,
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: abdulgafar mohd saeed)
|
يا سلام على طاولة الضمنة.. و البت الظاهر في الصورة دي هو منزل
العم الراحل محمد على صغير .. والد سمير محمد على حارس الزمالك
المصري الشهير لأكثر من 14 عام متتالية.. وشقيقه الثاني المرحوم أزهري
محمد على لاعب الطائرة الشهير بنادي العمال الخرطوم و كابتن منتخب السودان للكرة الطائرة عام 1974 و الحائز على الميداليات الذهبية في سوريا عام 1974 و الكويت 1976 .. للبطولة العربية للكرة الطائرة ..
ولقد أستشهد الكابتن أزهري محمد على عام 1990 أبان غزو العراق للكويت
مع الأمير سعد العبدالله الصباح وزير الشباب الكويتي آنذاك وكان الراحل
أزهري محمد على مدير مكتبه.. حيث إشتبك أزهري مع مجموعة الضباط العراقيين قبل دخولهم لمكتب سعد الصباح .. وبعد معركة غير متكافئة أطلق
عليه الضباط العراقيون مجموعات متتالية من الرصاص إخترقت جسده الرياضي
القوي و أردته قتيلآ .. ودفن جثمانه في الكويت.. و أقمنا له عزاءآ في نفس
هذا المنزل.. وكان له طفلان من زوجته الكويتية اللبنانية الأصل هما محمد
و شيرين.. ولقد حضرا السودان بعد شهر من موته برفقة إبنة شقيقته والتي
كانت تعيش معهم في الكويت.. ولقد حضر العزاء في السودان سفير العراق
في السودان آنذاك حاملا معه برقية من صدام حسين تعبر عن أسفها لمقتل أزهري على يد الضباط العراقيين عن طريق الخطأ..! و حمل السفير العراقي
شيكا بمبلغ 30 ألف دولار وأعلن تكفل دولة العراق بأبناء الشهيد أزهري
مدى الحياة..!! ألا رحم الله سكان هذا المنزل ذو الباب الأخضر و المقابل لميدان الرابطة وهم الحاج محمد على صغير و زوجته الحاجة إنصاف أحمد خميس و أبنهم أزهري محمد على.. مع تحياتي لبقية أهل المنزل الأخ أمير والكابتن سمير بالقاهرة و بقية شقيقاتهم العزيزات.
و دمتم/ أخوكم عادل نجيلة/ أميركا/ أريزونا.. مربع 2 في الإمتداد
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
Quote: الاخ بدرالدين والاخوة في الرابطة لكم التحيه والتجلة لمجهوداتكم المقدرة
فقط عندي اقتراح بخصوص الماليه ..انا ماعارف كيف تدار الماليه في الرابطة
و في السعودية هل مسموح بفتح حساب باسم الرابطة ام كالعادة ممنوع علي الاجنبي ؟؟؟
اقتراحي فتح حساب واشهار رقم الحساب في البوست علي ان يكون دائما امام اعين الاعضاء
وعليه.. يدفع كل الاعضاء داخل وخارج المملكة الاشتراكات الشهريه والتبرعات ,,
وبامكان كل ابناء الامتداد المشاركة في الماليه حتي تستطيعوا القيام بالواجبات
ورابطة من غير مال مؤكد سيحالفها الفشل ..... |
الحبيب عماد عويس طبعا نحنا بدورنا بنحاول نملك الناس كل الحقائق التي تدور من داخل لجنة التسيير المكلفة بعمل وجمع ابناء الامتداد للنهوض بفكرة الرابطة حتي يتم تسجيلها في السفارة وتكون رابطة معروفة وشرعية وبعدها يمكن ان نفتح باسمها حساب خاص بها والان تم فتح حساب خاص باسم الاخ عماد محمد محمد خيري (امين مال الرابطة الي حين اعلان الجمعية العمومية وتكوين المجلس الجديدوتسجيل الرابطة بصورة رسمية ,, ونحن بدورنا نتمني من جميع الاخوان المشاركة وتقديم الدعم اللوجستي والمعنوي والمادي والمشاركة بتقديم اراء تنفع الرابطة ونستفيد منها جميعا .
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
الرئيس طارق جبريل والاخوة الكرام
نحاول نرجع الي تكوين الحكومة ومادار من جدل حولها, وظهورمعارضةمن الداخل تسعي جاده الي تغير مبدا حكم الفرد والمحسوبية والانفراد بالقرار ... لا يمكن لحكومة تخدم مصلحة امه بحالها ان تدار اجتماعتها في ظل شجرة وفي ركن غير مؤثر من اركان المنطقة( ركن فاطمة عبد الرحيم) ومن هذا الركن جاء الانفراد بالقرار .. لتشكيل حكومة لا تراعي حقوق المنطقة ولا تراعي ان تسود فيها الديمقراطية بين ابناء المنطقة الواحدة ولذلك ومن هذا المنبر نعلن ونشدد علي ان لا تنكسر لنا شوكة ولا نهادن ولا نتراجع حتي يستقيم العدل ويتم تعديل التشكيل الوزاري الذي يخدم مصلحة الجميع .
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: بدرالدين يعقوب)
|
عقدت مؤسسة الرئاسة اجتماعا
هامافترقبوا بيانا تفصيليا
يضع النقاط على الحروف
القريب من التفلزيون فيكم يتابع
قناة الكاس عند الساعة الواحدة ظهرا
فسوف اكون ضيفا على احد البرامج
القناة على النايل سات alkass
ساعود بالتفاصيل بعد قليل
وستقوم وزارة الاعلام بتوجيه
الدعوة لمؤتمر صحفى يعقد
لاحقا
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: نسرين جمال)
|
ياالله وزارة لكل مواطن في التعديل الجديد وبذا تتكون الحكومة من كل المواطنيين وليس هنالك محكوم بل الكل يحكم قمة الديمقراطية
وسوف نفصل لكل واحد وزارة تتلائم معه ولكل سيدة حقيبة وزارة وعلبة مكياااج تلون وزارتها حسب الذوق العااام
لا ............لا .........لا .............. للشتات نعم ...... نعم ...... نعم .......... للتجمع .
،،،،أبوقصى،،،،
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: مجدي عبدالرحيم فضل)
|
ليس هكذا تورد الابل ياوزير الشئون الاجتماعية
Quote: ياالله وزارة لكل مواطن في التعديل الجديد وبذا تتكون الحكومة من كل المواطنيين وليس هنالك محكوم بل الكل يحكم قمة الديمقراطية
وسوف نفصل لكل واحد وزارة تتلائم معه ولكل سيدة حقيبة وزارة وعلبة مكياااج تلون وزارتها حسب الذوق العااام |
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
Quote: ياجماعة بما انو الدكتور طارق تجاوزني في الوزارات
وشكل وزارة من ناس داخلو بعدي البوست دا
انا بقيت مع مصطفي سري وراشد جبريل من المعارضة
وشكرا ليك يا ود حلتي بدر الدين انك اتذكرتني
لكن خلاص انا مع ابو ربيكا وانا حاكون متعاونة معاهم من الداخل
|
شنو يا بتنا
ياخي نحن اديناك اهم وزارة إنسانية
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
سلام اهل الامتداد واهل المعارضة
مرحبا بالاخت نسرين وبدر الدين واشرف الباقر
فى المعارضة ونتوقع المناضل الكبير ياسر حنا
ونتوقع ايضا عصام على و المزيد
انا اخترح للحكومة ان تعمل لكل مربع وزارة
وتوزع الوزارات على حسب الاقدمية وينتهى الاشكال
تيتاوى سلام الساعة كم ح يكون البرنامج
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: طارق جبريل)
|
Quote: شايفكم ياناس الإمتداد الدرجة الثالثة متشاكلين ومنقسمين
دي فرصة الواحد يحرك مليشيات امتداد الصحافة الجسورة
[Bللإنقضاض على محطة سبعة وتحريرها من الإستعمار واعادتها الى حظيرة الصحافة الأبية
أبوانس
القائد العام لقوات الصحافة الباسلة
|
اها يا سري شفت جنس دة
شفت اطماع ناس ابو انس في مثلث محطة سبعة (على شاكلة مثلث حلايب)
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: Muna Khugali)
|
بعد قليل بيان هام فترقبوه
بس امشي السوق وارجع ليكم اصلوا البيان بنطبع فيهو ...
يا شيش الفيك اتعرفت .. انا عارف الغربة سعبة ...
يا طارق حبريل امسكوا الناطق الرسمي بتاعكم دة مني
مرحب بالثوار معتصم العربي ، بدرالدين يعقوب ، نسرين جمال (وزيرة المراة والجندر والطفل في
الحكومة القادمة ) - كان دايرة وزارة تانية كلمي رئيس الوزراء بدرالدين ، ومرحب برئيس
هيئة اركان عمليات راشد جبريل - بعدين لمن الثورة تنتصر انت وزير الدفاع احلف ليك -
اتصل بنا فيصل هليل هاتفيا للانضمام الى المعارضة ، ولكن لاننا لا نأمن جانبه كشفنا اتصاله
الى جماهيرنا ... نحن لا نتعامل مع الذين يعملون خلف قادتهم ... اها يا طارق احبسوهو
| |
|
|
|
|
|
|
|
|
|
Re: (3) امتداد الدرجة الثالثة ذلك الحي المتفرد (Re: مصطفي سري)
|
Quote: يا طارق حبريل امسكوا الناطق الرسمي بتاعكم دة مني
|
استاذنا مصطفي سري
رغم اختلافنا معكم في تشكيل الحكومة
وقيادتكم للمعارضة الا انني ادعوك الي جولة مفاوضات لحل القضيايا المعلقة
بس
ما دايرين الحكاية تكون داخل القصر الرئاسي
تعال علي في رئاسة الوزارة
او
افتح بوست خاص للمفاوضات
| |
|
|
|
|
|
|
| |
عامر تيتاوى
مصطفي سري
بابكر التوم
فيصل محمد خليل
معتصم عبدالرحيم
مجدي عبدالرحيم فضل
بدرالدين يعقوب
عبدالله كع
طارق جبريل
صديق حمدتو
omer abdelsalam
عماد شمت
Ashraf El Bagir
abdulgafar mohd saeed
Muna Khugali
فيس بوك
تويتر
انستقرام
يوتيوب
بنتيريست