|
|
|
 Re: الله أكبر .. شمال السودان يسبح على بحيرة من النفط ....... (Re: ود الباوقة)
|
ود الباوقه
سلام وتحياتي ليك
البترول في الشمال موجود بس الشعب في شمال السودان ما بيشوفي
بترول الجنوب في الفتره الفاتت انت اهلك في الباوقه شافوهو
ولا منو من الشعب السوداني شافو غير اهل النظام
الجنوبييين اصحاب الجلد و الراس راحو في شربة ميه (زي ما بقولوا ناس شمال الوادي) ما شافو منو غير الفتافيت والنتيجه انفصال البلد عشان مجموعة بتاعت حراميه عنصريه امثال البشير سيدك
2014 البشير في لاهاي قول امين
| |
 
|
|
|
|
|
|
|
|
Re: الله أكبر .. شمال السودان يسبح على بحيرة من النفط ....... (Re: Adil Ali)
|
| Quote: الله أكبر .. شمال السودان يسبح على بحيرة من النفط ....... |
ود الباوقة سلام
والله وجودك في المنبر دا مهم
من غيرك سودانيزاونلاين خس
تعرف طوالي بفتش على بوستاتك ومداخلاتك
واشوفك وانت تتمترس في دفاعك عن بشيرك
والناس كلها موجهة الهجوم عليك لكن ردودك
رغم انه وديني وايماني قاعد بغيظني
ومرات اضحك لامن القهوة تتدفق فوق منطلوني البيجي
صدقني بحبك رغم انك كوز (على قول دينق) ووجودك مهم
| |
|
|
|
|
|
|
|
|
|
Re: الله أكبر .. شمال السودان يسبح على بحيرة من النفط ....... (Re: ود الباوقة)
|
الله أكبر .. شمال السودان يسبح على بحيرة من النفط ...
Quote: 2014 ستكون البداية الحقيقة لتوطيد دعائم وركائز
ثورة الانقاذ الوطني باذن الله |
لو صدق توهمك دى بس البيهمك؟
اليس البترول ثروة قومية وملك لكل الشعب وهل القصد من البترول هو تدعيم حكم هذا الحزب البغيض؟
معقولة فى ناس بتاعت سياسية وبتفكر بالطريقة دى ؟؟؟؟؟؟؟؟
اجريت اكثر من حوار صحفى مع اثنيين من وزراء الطاقة السابقين فضلا عن عدد من خبراء الجيولوجيا والمتخصصين
فى اكتشاف البترول وطرق استخراجه وعقب انتهائى من اى حوار وفور ايقافى التسجيل كنت اسال عن حقيقة وجود
بترول فى السودان الشمالى وجميعهم اكدوا لى خلو الشمال من البترول ووجود معادن اخرى كالذهب واليورانيوم
والحديد والنحاس وغيره كما ان هولاء المتخصصون اكدوا استحالة وجود البترول مع بعض المعادن
وتحديداً وعلى ما اذكر ان البترول ينعدم فى مناطق الذهب وهذه حقيقة علمية حسب هولاء الخبراء.
| |
|
|
|
|
|
|
|
|
|
Re: الله أكبر .. شمال السودان يسبح على بحيرة من النفط ....... (Re: Amin Salim)
|
ود الباوقة
في بوست سابق للأخ الطيب ود شيقوق أكد فيه أن شركة عملت في منطقتهم وأقتلعت الأشجار وشيدت الطرق الترابية وأحضرت الآليات والمعدات الخاصة بالتنقيب واستخراج البترول ... والآن كل مقار هذه الشركة تلعب فيها (التيوة) عليك أمان مافي الحبة ...
البترول خليهو ..بحيرات الموية العذبة التي أشتهر بها السودان الكيزان عملوا شنو بيها ؟ تعرف كم نسبة المستورد من القمح مقارنة مع الانتاج المحلي ؟ تعرف كم سعر طن القمح عالميا ؟ الكيزان أرهقوا الشعب بسداد فواتير الحروب والاسلحة والدماء والماء والأرض والسلع والخدمات التي لم تكن معروفة قبل 89 ... حتى السماء أعوذ بالله بخلت ومسكت خيرها
الشفيع
| |
|
|
|
|
|
|
|
|
|
Re: الله أكبر .. شمال السودان يسبح على بحيرة من النفط ....... (Re: Amin Salim)
|
ود الباوقه سلام ثم استحي مقدماً ...
في 2013م سيكون الشرق وكل سواحله الممتدة حتى حلايب تبع دولة البجا القادمة المنفصلة عن السودان الفضل ..
عليه من هسه تمرير الجالون عبر اراضينا بـــ 50 دولار ياماعايزين ..
قبل سنوات انا ذكرت في بوست إفادة شخصية من مسئول في الخارجية بعد ماسألته عن تأثير فقد البترول في الاقتصاد السوداني بعد الانفصال فقال لي : حينها سنحفر ابارنا ...قلت ليهو ابارنا ؟!! قال لي الشمال فيهو بترول وفي المستقبل بتعرف..حينها علمت أن الحكومة كانت على يقين او كانت تعمل على انفصال الجنوب لذا كانت تستنزف بتروله ...شواطين واحدين ...
| |
|
|
|
|
|
|
|
|
Re: الله أكبر .. شمال السودان يسبح على بحيرة من النفط ....... (Re: ود الباوقة)
|
Quote: بترول الجنوب في الفتره الفاتت انت اهلك في الباوقه شافوهو
ولا منو من الشعب السوداني شافو غير اهل النظام
الجنوبييين اصحاب الجلد و الراس راحو في شربة ميه (زي ما بقولوا ناس شمال الوادي) ما شافو منو غير الفتافيت والنتيجه انفصال البلد عشان مجموعة بتاعت حراميه عنصريه امثال البشير سيدك
2014 البشير في لاهاي قول امين |
ود الباوقة
سلامات كفي احشااااااااااااا
جبت للمشروع الحضاري الفقركل مرة من هربة لهربة
كفي احشاااااااااا البلدد ماناقصة تخدير
واماني مخصية بالله عليك ساعدنا بالسكات والموضوعية
اذا امكن سمح ياضراعي تردم وتكضب انت ومن شاااابهك
من الهتيفة كفاااااااية شطح ونطح تشرط وتخيط
بوستك مستفز جدا للواقع الانت ادري به
وعامل اضان الحامل طرشة علي حسب معلوماتي انت زول ودبلد
واصيل ليه بتمثل دور مابشبههك
لكل راي وشكراااا
| |
|
|
|
|
|
|
|
|
|
Re: الله أكبر .. شمال السودان يسبح على بحيرة من النفط ....... (Re: ود الباوقة)
|
Quote: ازمة السودان بالدرجة الاولى هي اولائك الذين ارتموا في احضان الاجنبي
للنيل من الوطن
يعني بالواضح ( تجار سياسة ) همهم الاول والاخير تحقيق مصالحهم الشخصية
مهما كلف الامر
دي هي الازمة الحقيقة
عدم وجود معارضة تعارض من اجل الوطن |
تعرف يا بلدياتنا..بلقى نفسي بتفق معاك في كلامك الفوق دا..بس بي طريقة تانية
ثروة البلد في مواردها البشرية..التي هربت نتيجة جبن أو انانية أو عدم سألة!!
كلنا مقصرين في حق بلدنا..
زياد.. ودالباوقة برضو!
| |
|
|
|
|
|
|
|
|
|
Re: الله أكبر .. شمال السودان يسبح على بحيرة من النفط ....... (Re: talha alsayed)
|
الشفيع
| Quote: في بوست سابق للأخ الطيب ود شيقوق أكد فيه أن شركة عملت في منطقتهم وأقتلعت الأشجار وشيدت الطرق الترابية وأحضرت الآليات والمعدات الخاصة بالتنقيب واستخراج البترول ... والآن كل مقار هذه الشركة تلعب فيها (التيوة) عليك أمان مافي الحبة ... |
غايتو بخلوا ليكم صقيعكم بالموترقريدرات ..... مواعدة وبمشوا منكم
وآخرتا يمشوا يخلوا ليكم الخراشة الفي طرف الحلة ظلطة ما تصلح الا مدرسيب للغنم والبقر
قال بترول قال - ود الباوقة ات جنيت؟
| |
|
|
|
|
|
|
|
|
|
Re: الله أكبر .. شمال السودان يسبح على بحيرة من النفط ....... (Re: وضاحة)
|
Quote: قبل كده فى واحد موهوم برضوا وفاضى شبكة قال ناس الحكومة اكتشفوا بئر بترول تحت بيتوا
شدة ما اتوهم لما رفع القزاز وحاتك لى هسي بحلم الغبيان
وهو عربي عناقلى ساى بفلس ما تشترى |
ههههههههههههههههههها كمان من شدة ما فرحت قلت خلاص المرة دي بصير متروس فلوس طااااااب و طوالي أتلهم لي جعلية ادرع لي فيها حبل واقدل مشنق الطاقية في الهامة ومحل رهيفة تنقد .
| |
|
|
|
|
|
|
| |
جمال خضر
Haju Muktar
PLAYER
حبيب نورة
حاتم محمد حاج المهدي
محمد إبراهيم علي
Al-Shaygi
Deng
عمار عبدالله عبدالرحمن
Adil Ali
Mohammed Ahmed Saeed
Zomrawi Alweli
عبد الواحد أبراهيم
Amin Salim
فايزودالقاضي
الفاتح شلبي
مها عبد الله
باسط المكي
زياد جعفر عبدالله
عبدالله السفاح
عبد الحي علي موسى
talha alsayed
الطيب شيقوق
وضاحة
فيس بوك
تويتر
انستقرام
يوتيوب
بنتيريست