|
|
|
 Re: طه عبد الله (الزول) وسيف الدولة كامل دقيقة لو سمحتو (Re: khaleel)
|
ومن صفحة الطيب عبد الله علي الفيس بوك
الاسم الطيب عبدالله احمد محمد
من مواليد شندي نشأت فيها وترعرعت فيها ومنها لامدرمان الثورة الحارة 13 ومنها إلي
أحضان الغربة .. أسرتي تتكون من بيتين البيت الأول أو الزوجة الأولي لي منها
ولد وبنت هما الدكتور طارق والدكتورة الها الطيب عبدالله مقيمين في بريطانيا
الان يحملون الجنسية البريطانية .. ومنفصل عن والدتهم من مده طويلة..
الزوجة الثانية توفاها الله في منتصف عام 2000 لها الرحمة ولي منها خمسة
أطفال اثنان بالثانوي وواحد بالمتوسط واثنان بالابتدائي وجميعهم ذكور
ومقيمين معي بالسعودية ألان.
العمر الحقيقي والعمر الفني ؟
يبتسم .. العمر الحقيقي ما صغير انأ .. أما العمر الفني فكانت بداياتي في منتصف العام
1962 والي ألان ..
علي ذكر الغربة والتغرب .. حدثنا أستاذ الطيب عن غربتك وابتعادك عن الوطن ومتى
العودة إلي حضن الوطن ؟
آآآآه (زفره عميقة ) الغربة لايتمناها أي إنسان وانأ تغربت عن البلد لأني شعرت إني
غريب وانأ داخل السودان وهذا الشعور دفعني للبحث عن التغرب والسفر لأني شعرت
إني كفنان مهمش وغريب داخل وطني لايسأل عني احد عند المرض أو الحوجه وأعاني
من عدم الإنصاف كذلك كل الفنانين اما عن العودة انشا ء الله سوف تكون بعد أشهر
قليله وبحصيلة فنيه رائعة كانت حصاد غربتي . والغريب عن وطنه مهما طال غيابه ..
مصيرو يرجع لأهله وأحبابه
الأستاذ الطيب دارت حولك كثير من الشائعات بخصوص صوتك البح والمرض
بالفشل الكلوي ماهي الحقيقة ؟
الشائعات اعتدنا عليها وانأ شخصيا أرد عليها بمزيد من الإعمال الفنية .. وعندما لا
تكون للشائعة صحة فإنها تزعج الأحباب من الأهل والجمهور وفي زمن سابق كانت
الشائعة نصف الحقيقة.. ألان أصبحت جافي الحقيقة وانأ في أتم صحة ومن منبركم
هذا اطمئن كل من يسأل عني إني بخير واجلس ألان أمامك كما ترى ولك أن تنقل
عني للآخرين ما ترى إما صوتي .. فالدهن في العتاقي وانتم شهود .
أستاذ الطيب .. تقييمك للفنانين الشباب اللذين يملؤن الساحة ألان وأغنياتهم واللحانهم ؟
بعض الفنانين كالذباب يتساقطون علي موائد أثرياء الغفلة وهم يعلمون أنهم لايملكون
أي مقومات للفن ولكن يرضون أن يكونوا ارجوازات لإرضاء بعض الأثرياء اللذين
طفوا في المجتمع السوداني كالطحالب وفي نهاية المطاف لا يصح إلا الصحيح وإنما
يذهب الزبد جفاء ويمكث في الأرض ما ينفع الناس .
هل توجه سهام اتهامك هذا لفنان أو شخص محدد ؟
أوجه حديثي هذا لمن يعرف نفسه تماماً وكلامي هذا بدله إنا فصلتها ومن يراها
في مقاسه وحجمه فليرتديها .
أميز الشعراء اللذين تعاملت معهم .؟
تعاملت مع شعراء كثيرين لكن من أميزهم الحلنقي في أنت يا الأبيض ضميرك
ومحمد سعيد العباسي في( يا فتاتي) و الصادق الياس (مسكينة المحبة) وصلاح
حاج سعيد (يخلق من الشبه أربعين) وتاج السر عباس (مد الايد نتسالم)
.. إذا لم تغني يا فتاتي وأنت يا الأبيض ضميرك .. هل كنت سوف تكون
الفنان الطيب عبدا لله المعروف ألان ؟
.. إذا لم اغني يا فتاتي وأنت يا الأبيض ضميرك .. نعم كنت سوف أكون الفنان
الطيب عبدالله لأني تغنيت معهم ليل الفرح والسنين
ولو لم اغني غير هاتين الاثنين لكفوني
http://www.facebook.com/AlTayebAbdullah?sk=info
| |
  
|
|
|
|
|
|
|
|
Re: طه عبد الله (الزول) وسيف الدولة كامل دقيقة لو سمحتو (Re: khaleel)
|
يا سلالالالالام يا خلي يا رائع ,,, والله أصبتنا في مقتل .
يشهد الله يا خليل لي اسبوع ما فتحت الكمبيوتر , وبالصدفة
اليوم وقبل ساعة كنت مع أخ عزيز في مكتبه , اول ما دخلت
عليه لامني لوم شديد , قال لي يا اخي الزول فاتح ليكم بوست
وما بتردوا عليه , وحاتك جري للابتوب فاذا بحبيبنا خلي
يردمنا ردم بروائع الطيب عبد الله ,
وبعدين يا خليل يا أخوي انت بتقرأ الكف ولا دي حاسة سادسة .
اعجابي وحبي للطيب عبدالله منذ الصغر ( قبل40 سنة وما فوق يا خليل )
وأول حفلة حضرتها للطيب عبد الله كانت في حي العمدة سنة 1970
علي ما أعتقد , ورغم صغر السن لكن طربت جدا عندما غني السنين .
تسلم يا خلي وبرجع ليك يا جميل.
| |
|
|
|
|
|
|
|
|
|
Re: طه عبد الله (الزول) وسيف الدولة كامل دقيقة لو سمحتو (Re: سيف الدولة كامل)
|
Quote: يا سلالالالالام يا خلي يا رائع ,,, والله أصبتنا في مقتل .
يشهد الله يا خليل لي اسبوع ما فتحت الكمبيوتر , وبالصدفة
اليوم وقبل ساعة كنت مع أخ عزيز في مكتبه , اول ما دخلت
عليه لامني لوم شديد , قال لي يا اخي الزول فاتح ليكم بوست
وما بتردوا عليه , وحاتك جري للابتوب فاذا بحبيبنا خلي
يردمنا ردم بروائع الطيب عبد الله ,
وبعدين يا خليل يا أخوي انت بتقرأ الكف ولا دي حاسة سادسة .
اعجابي وحبي للطيب عبدالله منذ الصغر ( قبل40 سنة وما فوق يا خليل )
وأول حفلة حضرتها للطيب عبد الله كانت في حي العمدة سنة 1970
علي ما أعتقد , ورغم صغر السن لكن طربت جدا عندما غني السنين .
تسلم يا خلي وبرجع ليك يا جميل. |
حباب ابو السيوف
الجابك يجيب العوض
فاني لا اقدر علي حمل الهوي وحدي
الطيب غناي صاح
| |
|
|
|
|
|
|
| |
khaleel
محمد عبدالرحمن محمد
سيف الدولة كامل
فيس بوك
تويتر
انستقرام
يوتيوب
بنتيريست