|
|
|
 Re: صبرك يا قرد..الموز بي يجيبك(توجد صورة) (Re: حافظ انقابو)
|
| Quote: لكن يا سجيمان حيرتنا عديييييييييييييييييييييل كدا |
ابني
حافظ انقابو
اراك قد احترت في غير موضع حيرة
لا تثريب عليك يا ابن اخي
اما مفردة "كدا" والتي ختمت بها حيرتك..... فهي مفردة جأءت من اضابير التاريخ...واول ما استعملت استعملت في غنية (قليبا...قليبا) وهي من كلمة مقلوب وقلب الشي اي كفاهو على وشيهو
كان صعاليك الالفية الفاتت... في لحظات قعدة.... وعندما يحتسون الكأس الاخير وقبال ما يختو العشاء... يغنونها..... لبس الجلابية بالمقلوب .....او بالقلبا....واتقلب بعاتي.... وقلب الحكومة... وقلب صينية الاكل....
والانقلاب قد يكون للرحم في ساعة تعسر ولادة..... واذا اردت ان تداعي انتاية دعوة ذات بأس قول ليها ( يقلب رحمك)....وارجو ان تستعمل هذه الدعوة الا في ساعة زنقة.....فهي دعوة في عداد الدمار الشامل!!!
| |
  
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: تبارك شيخ الدين جبريل)
|
صديقي علي كِبر....تبارك شيخ الدين
ما عندي مانع ان ابيعك هذا البوست بتلاتة جنيهات........بيعا مشروطا.... و(على المتضرر اللجوء الي الترزي) اضيفت هذه الجملة امعانا في خفة الدم ......
الشرط هو ان تشيل البوست لكن تخلي لي كدايسي وقرودي في بكانن دا......ما بيتبعنك لي هنوك!!!
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: Hatim Elzubair)
|
شكرا يا حاتم
وانا سعيد بهذا الاعجاب.....واثلجت صدري
اهل هذه القرية يقولونها اثلاج الصدر من كسيّر التلج...وهو فعلة قد جلب عليها القوم قلما تجد من لا يكسر تلجاً....
اما العجب فهو اسم دلع واختصار للعجب امو....ودائما العجب امو ما يكون وحيد عند والديه....كفرد....
او جاء بعد بنات...فعجب امه وكان تالتن الما بيغالطن..واحيانا يغالطن ويبكي دلعاَ....
وعجبوني الليلة جو ترسو البحر صددو...تغنى هذه الغنية لمقاولين الحكومة ..والذين وقع عليهم العطاء لردم البحر....
والعاجبة وعا########ي... اسم اناتي....وعندما يغني الكابلي زينة وعا########ي ...فهو يغني لامراتين زينة والعاجبة. تمويهاَ.....
وهو يقصد العاجبة تحديدا عندما يؤكد انها تعجب كل شاعر.....
اما( العجب سيدو )فهو الموبايل... تلقاهو سيدو شايلو ويفتح فيهو ويهبش طول اليوم.
.بالرغم مناسم العجب سيدو على مر العصور اسم مذكر زايغ...
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: عبدالفتاح أبوشيمة)
|
صديقي ابا شيمة
سلامتك وسلامة قلبك.....
يلازمني الاندرال.....
مع افتتاح كهربة سد مروي...تلخبططت كهربة القليب
احلام الصبا تراودني......
الزهايمر يا طرطشة العجايز......
تغني لي كديسة الجحر..
ما بنبلع بطعمو مر .....
السيل بوبا يا الفوتك مو دحين
.... ادفع العليك...... والقشة ما تعتر لك.......!!!!!
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: سجيمان)
|
Quote: الكديسة كانت قاعدة تلد كل شهرين..... لكن حسي ما بعرفا مالا.....؟؟؟؟
|
وديها البيطري .. شكلها دكترتك فكت ذي كورة حبيب نورة
Quote: لكن اول ما تلد بحجز لي واحد...بس انت حدد اللون
|
دايرا ذي لون امها .. واللسانالطويل دا .. تكون صورة منها بالكربون
| |
|
|
|
|
|
|
|
|
 Re: صبرك يا قرد..الموز بي يجيبك(توجد صورة) (Re: سجيمان)
|
Quote:
الزهايمر يا طرطشة العجايز......
تغني لي كديسة الجحر.. |
قلت لي جاك الزهايمر
أرح نزور بس ناس مخيمر
بس سيب كديستك في الجحاير
وإياك تلف درب القماير
ولا التطاول حق العماير
تقوم تفك السكرة وتروح الزهايمر
كان شفتهم من دون علاج
راح تبقى من ناس الضراير
ما كان أخير ليك الزهايمر
بدل تزاوج بين قرد اتكلمت عنه غابر
وبين كدايس متكفلتا فوق السراير
بعدين تعال شن كمان الاندرال
ما سمعناها تب في غنا الخلال
كل الدول لا بد يوم يفوتها دلال
كيفن يلازمك اندرال
ونحن حالنا بقالنا حال
امرق يا زول امرق تعال
دا هنا الحزن عامل دلال
فوق الجبال
عامل جبال
وسيبها عيشةً لات خبال
نحن برانا فارقنا الهلال
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: سجيمان)
|
Quote: كديستي يا ابشيمة...... بقت تجيها كوابيس
|
ما بتنوم ما بتنوم
ما تتوهم
والله خايف كديستك دي
تجيب ليك إنت ذاتك أبو الكباس
ونبقى في:
هوي ياناس
وأها يا ناس
وتخريفات أبو الكباس
جايبة ليك وجع الراس
مالية عيونك كل نعاس
ورغماً إنه في إحساس
بس عيوننا بقى فيها يباس
والباب اللي بجيب الريح
قلنا ليك سدّه واستريح
يا أخي سد سدوده وروح
ولي أسرارك قط لا تبوح
غير إنك تشتري ما تدّي بوح
وكونك تشرّه دا فيه الجنوح
مستحيل يعود بعد ما يروح
ابك نفسك ومعاك كل روح
حبيب اسمعني ماني بس نصوح
وكلامي واضح ما داير له أي شروح
وخليك فوق هناك سيبها ديّ سفوح
كفاك كم جالدت من ألم وجروح
معاناتك مكفّية جروح وقروح
حقه تشرد ويا روح ما بعدك روح
فتش وين تلقى ملايكة وروح
خلي جلسات أبالسة فوقا صروح
ويللا بينا أحسن نفوت ونروح
ما شفت كيفنه الكلام مذبوح
وما تسمع غير كل قول مسنوح
سب وشتم وكل الأدب ممسوح
فهمت حاجة؟ ولا أنا
ياخي إنت بالله بس
خفّف لينا من نصاحتك
اللي كتلتنا بالضحك
وبالله سلم لي على الشباب
كلهم
خصوصاً
كيمو وعبداللطيف وحسن عبدالله الماهو ترا
وكفارة ليكم اليومين ديل
أو أقول ليك إنت ماك فاضي
من كدايسك ديل
خلي إنقابو
يوصل لي السلام عليكم ورحمة الله وبركاته أما بعد
مع تحياتي له
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: عبدالفتاح أبوشيمة)
|
ابشيمة يا صديق
يا رفيق
يا اب بالن طويل .......
حاشاك ماك ابو الدقيق
ابو الدقيق.... عينو في النار ويتلب فيها.....
حليل زمن قداحة النار...وحطب الشِقِل....
ندفأ بيهو...وصوت القنقر يتفقع فوق نارالحطيبات...ونحن نفرك في الايدين راجنو ينجض...
ونشيل القنقرة ونقعد نكُد..... الهامبيرقر يا غلة المسانيح
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: عبدالفتاح أبوشيمة)
|
صديقي ابا شيمة
Quote: أيوة كُد
أصله الكد فيك كم خايل |
كدّ يكدُ..فهو كداد... او مكدد.... او كدوود... كدّ الرجل الدومة.... بعضهم يكدها بانيابه وبعضهم بقواطعه...
اهل الشمال يكدونها قوطاع بالقواطع....اما اهل الوسط والشرق فهم من رعاة الناب....
وانا قد جربت كل الطرق.... الشرقية والشمالية.... فكنت حريفا فيها جمعاء....
و(من كدّ وجد).... كنت عندما تودر مني تعريفة واللا قرش...واللا ابخمسة.... اكد دومة واقعد اكوس تفعيلا للمثل(من كدّ وجد).....
وفي ليلة ليلاء ودرت مني تعريفة.... فكديت شوال دوم ولي يومك دا ما لقيتا......فكفرت بكل الامثلة......
وخصوصا مثل(العاجباهو ...... يبلع اللالوب)....انه مثل مدّمر..... تبارت فيه قوم من بني بلعُـقاع....فعدمو نفاخ النار..جراء التواء المصارين....وقفل المجاري..مما ادى الي طرشقة (الصُرة)....
كانو قوما بوبارين يتبوبرو بقيعانهم...وانها حملٌ لكل مبلوع...اها اليضقو تراهو نسلهم اتقطع!!!!!!
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: سجيمان)
|
Quote: نقابو....لو البالب بالك دخل المنافسة...... ما ح تلقو ولا كديسة
لا انت لا على ميرغني ولا موسى حامد ولا كمال ادريس لا غيركم |
يااااااااااااااخ بالله
يعني نحنا مكانتنا واطية للدرجةدي ؟؟
اها بعدكدا ح انا وانت في الهواء سوا
| |
|
|
|
|
|
|
|
|
|
Re: صبرك يا قرد..الموز بي يجيبك(توجد صورة) (Re: سجيمان)
|
فوق سماء بندر
بندر باللغة الهندية يعني قرد
فوق سماء بندر= فوق قنيقين القرد.... دا لو القرد واقف علي حيلو...اما لو كان قرد تغيان وراقد متشنقل علي قفاهو وبالضرورة وجود سروال (سِر بادوق)....فتكون تحت سماء بندر مع نسبية دوران الكرة الارضية!!!!
من ورقة نقدية بعنوان ( تكك السراويل ورد الاقاويل في جائزة الطيب صالح)!!!!!
| |
|
|
|
|
|
|
| |
سجيمان
حافظ انقابو
.jpg)
أيمن الطيب
عبدالفتاح أبوشيمة
فيس بوك
تويتر
انستقرام
يوتيوب
بنتيريست