الجعلي ود العمارات، يعود بنا خمس سنوات الى الوراء!!! أركز للبطان بالمدافع!

Quote: انور: خليني اتناقش معاك عن هذه النقاط بجدية: 1- المعلومة اللي في بروفايلك: انت كده نكرت انتساب المعلومة ليك في الوقت الراهن..يعني افكارك اتغيرت وكده..طيب احذف الكلام ده ياخ! 2- المعارضة السودانية والاحزاب: يا انور عليك الله ما تتكلم لي علي الحكومة ولا الجبهة الحكومة في نظري انا هي: البشير...سلفاكير...الصادق المهدي..الميرغني...منو مناي...وهلم جرا يعني يا حبوب ما في حاجة اسمها معارضة كل الناس دلوقت بقت حكومة كدي تعال وقول لي كضاب حاجة تاني اذا اوكامبو عايز يحاسب المسؤل عن عنف دارفور يحاسب الحكومة كلها ما شخص واحد فقط تتفق معاي ولا لا حاجة تانية انت شايفك ما موجه لومك كله علي الحكومة كلها يعني العالم دي كلها تشارك في الحكومة ولمن تحصل حاجة تتنصل من العقاب؟؟؟ حاجة اخيرة: ليه ما بتتكلم عن ناس عبد الواحد وخليل الضرب امدرمان ؟؟؟ وليه اوكامبو ما عايز يجيبهم للعدالة؟؟انا لا بدافع عن حكومة ولا بعترف انو في معارضة لان المعارضة لاحزاب كلهم اصبحوا حكومة انت عايز الحقيقة ولا اختها...دي الحقيقة! 3- اسرائيل: انت يا انور كان تكون آخر واح يفتح بوست لي بالنسبة لاسرائيل انت غير تثير جدل عقيم وتفرقة وتقسيم يقبل القسمة علي اربعة ما بتعمل شيئ اها انا ضد التطبيع.. ليه؟؟ لانه انا قريت كتب لاسرائيل تريد احتلال الدول العربية من دجلة الي النيل وفي امريكا يوجد صناديق تبرعات: ادفع دولار تشتري طلقة او تقتل مسلم او عربي بعدين موضوع اسرائيل ده حساس وما في حاجة سيئة اسرائيل ما عملتها وهي تريد دمار السودان..الخ انا عارفك بتموت في الجدل وعايز تناقش وتناقش وانا ممكن اقنعك بالحججلكن زي ما قال واحد قبل كده: لو جاكم ابوبكر الصديق تقولوا عايزين عمر بن الخطاب يعني انت حتي لو عارف نفسك خطا ما بتعترف عشان كده انا شكيت انت تابع لناس موون او امكن تكون دخلت في الحزب الشيوعي الكوري لكن انت خالص ما طبيعي وامورك مجهجهة. اها في النهاية ما اغش عليك الموضوع ده حا يادي الي انفصال انت جرب وواصل في الطريق ده وانت لو فعلا ما بتقبل القسمة علي اتنين تتراجع عن موضوع اسرائيل ده والا مهما قلت الناس حا تنظر ليك بصورة غير الانت فاهمها عن نفسك وبوستك ده يا انور مرفوض لانك لايمكن تفتح بوست عنصري وتتهم بوستي بانه عنصري اخيرا انت يا حبوب ما رديت علي كلامي كله في الرسالة السابقة متذكر لمن قلت ليك كروتي كلها فوق اها نزلت ليك جزء منها في الرسالة السابقة لكن انت رديت علي البتقدر عليه وتركت الاهم اتمني يا انور ان تراجع نفسك وترجع انور الكان الناس عارفاه حتي البوست الفتحه ليك صديقك كان قبلاكثر من اربعة سنوات لكن اين ذلك الانور؟؟!!