|
|
|
 Re: مهندسيننا.. ناس السوق.. إيه اخر أخبار البناء؟؟ (Re: Hala Hassan)
|
دايرين نعرف:
أسعار المواد،
المناطق الجاذبة،
المفاضلة بين الشقق و البيت التقليدى (من حيث الفائدة الانية و المستقبلية)،
أى معلومات أخرى،
و طبعا ما ننسى الرؤية الهندسية حول موضوع البناء قليل التكلفة،،،
_______________________________
طبعا دة كلو يا شباب،
بدون إعلانات واضحة،
تقيدا بلا ئحة المنبر،،
| |
 
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Hala Hassan)
|
ياهالة
Quote: أحسن بناء، بأفضل مواد،
و أقل تكلفة،،،،
|
جري وطيران
ما ممكن
الموضوع ده ماساهل
في ناس متخصصين بري فاب بكل انواعه
انا شخصيا متخصص كونكريت
لكن مافي مانع نقابل المهندسين المتخصصين في المباني قليلة التكلفه
عشان يكون الطرح علمي وموضوعي
من الاساسات لحدي السقوفات
بالتفاصيل بس الصبر لانو المشاغل كتيرة
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Hala Hassan)
|
| Quote: هاله بوست حيكون مفيد جدا" وخاصه للمغتربين |
قصدك ناس إبراهيم؟؟؟ 
غايتو يا هشام، أنا أفتكر الفايدة ح تعم المغتربين و غير المغتربين،،
بالذات إحنا المهندسين، و بحمدالله بقى عندنا أداة مرئية،
وصوتنا (لحد ما) بقى مسموع،
يبقى المنبر دة لازم نستفيد منه فى نقاشات هادفة خارج نطاق الكلية كمان،
تهم شريحة كبيرة من المجتمع،،،
Quote: فى اول دخله لى فيه اخبركم بان اسعار طن السيخ بعد نزلت تحت حاجز الالفين (بالجديد) رجعت وواصلت صعودهامن جديد
السعر اليوم وصل للاثنين مليون ونصف |
ما عشان ،
حكاية السيخ نزل الاسمنت طلع دى،
صارت المقولة،
إنو الواحد بيبنى للورثة،،
هم ساكت... يقتل!!
السؤال هو:
لازم مسلح؟؟
طيب إيه الخيارات التانية المطروحة؟؟
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Hala Hassan)
|
حمد،،
ليييييه ما ممكن،
هو القالو ناس زمان دة،
ما ياهو ذذاتو المكسر مجاديفنا،،
و خلى الناس محصورة فى خيارات بسيطة جدا،،
أنا عارفة، حكاية أفضل بناء بأقل سعر دى،
تعتبر معادلة غير موفقة،
لكن أنا اقصد هنا،
أفضل (خيار) متاح، بأفضل الاسعار،،
Quote:
الموضوع ده ماساهل
في ناس متخصصين بري فاب بكل انواعه
انا شخصيا متخصص كونكريت
لكن مافي مانع نقابل المهندسين المتخصصين في المباني قليلة التكلفه
عشان يكون الطرح علمي وموضوعي
من الاساسات لحدي السقوفات
بالتفاصيل |
يا سلااام عليك يا حمد،
هو دة المطلوب،،،
أنا فكرتى كمان،
إنو ندعم البرى فاب مثلا (الأساسات و السقوفات) بشوية حديد،
شوفوا لينا الحكاية دى تبقى كيف؟؟
| Quote: بس الصبر لانو المشاغل كتيرة |
5 - 7 سنين كدة؟؟
________________________________
بعدين ما تنس برضو،
فى بناء بالطوب الأخضر،،،
يا ريت تدونا رأيكم كمان...
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Hala Hassan)
|
انا عندي مقترح
هشام مجذوب
عمر الحبر
صلاح مختار
نعمل نموذج
( بيت متوسط )
يلا ونعملو مسلح وتشطيب هاي لوكس مع التكلفة
تشطيب عادي مع التكلفة
لودبيرنق بالتكلفة
بري فاب بانواعه
مع التنوع في الاساسات
من الاسترب والبايل
والايسوليتدطبعا ما بنحتاج نخش في الرافت
انواع التقفيل بالالمونيم بالحديدبالبي في سي
كل ده مع ارفاق التصاميم
زي ما قالت هالة الكلام كبير
خلونا نعمل حاجة تنفع ناس كتيرين ما عارفين يعملو شنو
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: حمد محمد احمد)
|
حمد،
Quote: انا عندي مقترح
هشام مجذوب
عمر الحبر
صلاح مختار
نعمل نموذج
( بيت متوسط )
يلا ونعملو مسلح وتشطيب هاي لوكس مع التكلفة
تشطيب عادي مع التكلفة
لودبيرنق بالتكلفة
بري فاب بانواعه
مع التنوع في الاساسات
من الاسترب والبايل
والايسوليتدطبعا ما بنحتاج نخش في الرافت
انواع التقفيل بالالمونيم بالحديدبالبي في سي
كل ده مع ارفاق التصاميم
زي ما قالت هالة الكلام كبير
خلونا نعمل حاجة تنفع ناس كتيرين ما عارفين يعملو شنو |
ينصر دينك ياخى،،،
صدقنى الحكاية دى ح تكون مرجع لمئات من السودانيين فى الداخل و الخارج،
و أهى فرصة نقدر نطلع بحاجة مفيدة من تجمعنا هنا،،
و الخيارات دى كلها،
معلوماتها ( و صورها) ممكن تكون محفوظة فى الموقع المفترض،،
دة غير فى البداية ،
ممكن تعرض فى معرض خاص (فى دار المهندس مثلا)،،
و ما بعيد،
بعد كدة نوعية البناء دى ممكن تعتمد للـGenerations الجاية،،،
أحلام كبيرة،
لكنها كلها ممكن تتحقق،
إنت بس ألكز لينا الجماعة،،
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Hala Hassan)
|
Quote: ياطارق الزيادة بتكون بسيطة
انت بتحتاج لسقف معلق بدل القريد بيم
والفرق ماكبير
وبتضمن العزل من الارض الفوارة |
غايتو ياحمد نحن بقينا نعمل السقف المعلق فى كل الاحوال
لانو زى ماعارف على المدى الطويل اجدى
بس دائما" المشكله فى الاراضى الطينيه الفواره فى الحوش ولذلك بيتطلب معالجات ناجعه
فى مناطق زى المنشيه كان ما عملت علاج جادى ممكن وقبال ما تسلم الموقع الارضيه بتفور
بتذكر مهندس خريج جديداشتغل معاى فى المنشيه وكان فى مرحلة حوض النجيله
فقال يمشى الجامعه ويستشير الدكتور عمر soil فى الطريقه المثلى لعملها
ف اول حاجه قالها ليه الدكتور (انت البوديك تشتغل فى المنشيه شنو)
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Hala Hassan)
|
يا حمد... هشام....،
ناس السيفيل!!!
شنو الحكاية؟؟؟؟
النومة طولت...............
سايببين الجماعة معلقين،
الناس الدايرين يعرفوا الارض فى شمبات كيف،،
موقفين لوارى الأسمنت و الطوب و منتظرين،،،
طيب جهات ناس سوبا و غرب الخرطوم كيف؟؟؟
ح تفيدونا،
ولا ناخدها من قصيرها،
و نمشى نشترى من ناس أخونا عصام الخواض فى دريم؟؟؟؟
و نبقى نشوف لينا شغل هناك،
ولا من منازلهم.....
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: ELFATIH ABDELLA)
|
الفاتح سلام،
Quote: البيعجب فيك يا هاله .. انو برنامجك محدد..
وتعيش البرمجة .. ويبقى التخطيط .. |
والله بحاول،
لكن إنت عارف يا الفاتح،
التخطيط فى بلدنا دى صعب،
لكن لازم نحاول،،
يعنى ما ممكن الإنسان يعيش فى الدنيا من غير ما يكون محدد ليه هدف داير يوصلو،
طيب تعبان وواصل الليل بالنهار ليه؟؟؟
ما يمشى ينوم،،،،،
خلى بالك،
أنا باقى لى،
السودانيين (معظمهم) ما بوصلوا،
لأنهم مطبقين النظرية دى ....(النوم)،،
أما باقى الكلام الفوق دة،
من باب التهديد،
لكن التنفيذ صعب،،،
لأسباب كتيرة،
و لكن تبقى الخيارات مفتوحة...................
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Hala Hassan)
|
Quote: هالة ،،
الكوشت ،،
الظاهر الجماعة ديل عندهم رأي في مسالة الإستشارات (المجانية) دي ..
خوة مافي ؟ |
ياشباب الخوه موجوده ومتوفره بكثره
لكن حقو الاسئله تكون محدده
من الصعب نجاوب على حاجه معممه زى تكلفة البيت بتكون بكم
فممكن تقول طابق ارضى بمساحه كذا وتشطيبه يكون عادى يكون الرينج كم وهكذا
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Hisham Magzoub)
|
Quote: من الصعب نجاوب على حاجه معممه زى تكلفة البيت بتكون بكم
فممكن تقول طابق ارضى بمساحه كذا وتشطيبه يكون عادى يكون الرينج كم وهكذا |
جدا يا هشام،
ممكن نسأل اسئلة محددة،
بس كل حالة ح تكون مختلفة،
و يمكن ما أى زول يستفيد منها،،،
أنا قصدت من موضوع البوست دة،
إنو يتعمل دراسة (إذا أمكن) عن أنواع معينة من البناء و مقارنتها،
لإستيعاب الفوائد و المضار....
و طبعا التكلفة التقريبية...
يعنى حكاية كدة زى ما اقترح حمد .... فوق،،،
و عارفة طبعا إنو الموضوع دة مرهق زمنيا،
لكن دايرين نشوف المعالجة ح تكون كيف؟؟؟
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: صلاح ليون)
|
Quote: ليون
Quote: جينا نتاوق نشوف اخبار البنا يا هالة
لكن لقيت لسه ما في واحد بدا العمل
نعمل شنو ما فى زول داير يدفع المقدم |
هشام،
الليون الايامات دى،
ما تجيب ليه سيرة دفع،،
خليه فى حالو،،
إحنا نشوف المغتربين،
ناس طارق الكوتش،
نجرب فيهم،
لو عجبنا،
بنشمر،،،،،
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: صلاح ليون)
|
Quote: اها يا هشام مجذوب بالنسبة للضمانات دي
نحن طبعا حتعاملنا على حسب هوا ناس الخليج
أو زي ما في محل اقامتنا ، أها انحنا الضمان
هنا بيكون على الراتب وزول تاني يضمني !!!
رايك شنو |
لكن كمان يا الليون،
ضمان الراتب دة،
ناس هشام ديل يتعاملوا بيه كيف من السودان؟؟
أتصرف أتصرف بسرعة،،
و إلا ح ننط فى الصف قدامك....
_________________________
كمان جابت ليها تهديد ندفع و كدة يعنى....
عجييبة،،
(حقت علاء الدين...)،
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: ابراهيم محمد الحسن)
|
يا إبراهيم،،
Quote: إنتِ ما ملاحظة الناس تلف وتدور ..
وهشام والجماعة ..
عاملين (اضان جلد) ... |
ناس هشام ديل معذورين،
السوق صعب،
و المجاملات الكتيرة ما بتأكل عيش،،
لازم كمان شوية بيزنس،،،
و الموضوع بإذن الله جاررى،،
لكن يا هشام،
كان جاكم زول من البوست دة،
إستشاراتى كلها....
ولا اقول ليكم، بتفاهم معاك بعدين،،،،
_______________________________
إنت يا إبراهيم،
أضان الجلد دة (أطرش) من أضان الحامل؟؟؟
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Hala Hassan)
|
طيب يا هشام مجذوب لما تجي الصباح كدي ادرس العرض المتكامل ده ...
نتلم نحنا البورداب وبعض من المتابعين في البوست يعني قول عشرة..
نشوف واحد مننا عندو ارض تكون قريبة (لاحظ قريبة يعني شوية كده )
للخرطوم ، وده يكون الشرينج بتاعو وخلاص على كده يحجز شقة في الدور
الأول (لاحظ يا هشام الدور الأول) ، الدور الأرضي ده ما حقك كامل تعمل فيهو
الدايرو ، تستثمرو زي ما أنت عايز ، أما بقية التسعة فكل واحد فينا
يبيع قطعتو البتكون في سقط لقط ديك ويديك المقدم ، وبعد داك نقعد
نجادعك بي جاي وبي جاي .. شوية من السعودية وشوية من الدوحة وشوية
من الأمارات وكمان عندك النقاطة بتاعتك حتكون في السودان وعلى كده
افتكر تلاتة طوابق كفاية جدا تشيل العشرة ديل ، وأها يا شباب للجادين
فقط ونبتدي اول حاجة نعرض قطعنا هنا ونشوف ياتا البتصلح للموضوع ده
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Hala Hassan)
|
ليون،
Quote: طيب يا هشام مجذوب لما تجي الصباح كدي ادرس العرض المتكامل ده ...
نتلم نحنا البورداب وبعض من المتابعين في البوست يعني قول عشرة..
نشوف واحد مننا عندو ارض تكون قريبة (لاحظ قريبة يعني شوية كده )
للخرطوم ، وده يكون الشرينج بتاعو وخلاص على كده يحجز شقة في الدور
الأول (لاحظ يا هشام الدور الأول) ، الدور الأرضي ده ما حقك كامل تعمل فيهو
الدايرو ، تستثمرو زي ما أنت عايز ، أما بقية التسعة فكل واحد فينا
يبيع قطعتو البتكون في سقط لقط ديك ويديك المقدم ، وبعد داك نقعد
نجادعك بي جاي وبي جاي .. شوية من السعودية وشوية من الدوحة وشوية
من الأمارات وكمان عندك النقاطة بتاعتك حتكون في السودان وعلى كده
افتكر تلاتة طوابق كفاية جدا تشيل العشرة ديل ، وأها يا شباب للجادين
فقط ونبتدي اول حاجة نعرض قطعنا هنا ونشوف ياتا البتصلح للموضوع ده |
فكرة جميلة،
لكن،
صاحب الارض تعود عليه بشنو؟؟
و هل ممكن تكلفة المشروع تشمل تكلفة شراء الارض؟؟؟
بعدين،
سقط لقط دى،
إنت مشترى ويين بالظبط؟؟؟؟
___________________________
على الهامش:
هشام،
ممكن تدلنى على شركات بتنفذ مشاريع زى دى بكثافة؟؟؟
دى حاجة غير موضوعنا دة...
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Hala Hassan)
|
صباح الخيرات هالة وهشام
هشام منتظرين الدراسات والتقييمات المبدئية
للبقية منتظرين الترشيحات ورؤيتكم المبدئية
هالة:Quote: صاحب الارض تعود عليه بشنو؟؟
و هل ممكن تكلفة المشروع تشمل تكلفة شراء الارض؟؟؟ |
صاحب الأرض قلنا عليهو يعاين لي هشام ده بسوي في شنو
ويقعد يتحكر وينظر وما يدفع حاجة يعني هو ما عليهو شي
ولغاية المشروع ما ينتهي يجي ويستلم في الطابق الأول
Quote: بعدين،
سقط لقط دى،
إنت مشترى ويين بالظبط؟؟؟؟ |
وبداية كده عشان نكون جادين أنا قطعتي في مدينة الفاتح
وهي والله مدينة حتكون حاجة تمام وجنبها في مدينة سياحية
من مدن النخيل الحايمة في البلد دي وجنبها حيكون مبنى
الإذاعة والتلفزيون وعلى الخريطة اعلاها في الوادي الاخضر
وبعد الكبري الجديد بتاع المنشية انتعشت هذه المنطقة
ونزيدكم من الشعر بيت كمان قالو في كبري تاني بهناك
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: صلاح ليون)
|
ليون،
Quote: وبداية كده عشان نكون جادين أنا قطعتي في مدينة الفاتح
وهي والله مدينة حتكون حاجة تمام وجنبها في مدينة سياحية
من مدن النخيل الحايمة في البلد دي وجنبها حيكون مبنى
الإذاعة والتلفزيون وعلى الخريطة اعلاها في الوادي الاخضر
وبعد الكبري الجديد بتاع المنشية انتعشت هذه المنطقة
ونزيدكم من الشعر بيت كمان قالو في كبري تاني بهناك |
فى الحالة دى إذن،،،
ما بعيدة،،،
و لو دايرين فى النخيل ذاتها،،
بنجيبها،،،
و الكوبرى التانى بالمناسبة ح يكون من سوبا،،،
بالمناسبة،
المنطقة دى،
(جنوب الخرطوم)،
كييف؟؟؟
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: صلاح ليون)
|
Quote: طبعا جنوب الخرطوم دي يا هالة حتكون حتة سمحة خالص
وبالذات بعد ما يكتمل مشروع الحلم ، يعني لو واحد
عندو جهة سوبا ولغاية ما تصل ولاية الجزيرة يكون كويس |
بعد كوبرى سوبا،
مدينة الفاتح، و المناطق المجاورة كلها بتبقى قريبة برضو و مميزة،،
ياللا تشجيعا (للبقية)،
أنا أدخل بقطعة فى النخيل،
و لمن لا يعلم،
مدينة النخيل السكنية، ببتميز على بقية المناطق،
بالخدمات:
ماء، كهرباء، أسفلت، مساجد، مساحات خضراء، أسواق...الخ،،،
ياللا قولو 1 ،،،
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: صلاح ليون)
|
ليون ،،
Quote: بس ياهو ده الفضل ليك اكتب عنها انشاء الله شعر
لكن سكن فيها ده ما اظنك تحظى بيهو ياريت
الحكومة تكون بتقرا في البوستات دي عشان
الشعر ذاتو تاني يقلب على بحري |
هيييييييييييييييع
والله نحن أمدر دي ما بنبدلها ...
ومكانتها في القلب محفورة ....
بس،،
ناس بحري بتحبوا 
وأهو الواحد يكون سكن في بحري ،،
وكل يوم مع الغروب يعمل ذي سارة ..
يعمل ليه قروب برااااه ..
ويقيف في ضفاف النيل ..
ويسرح مع أمدر ونسماتها ..
يعني لما تسكنونا في الوادي الأخضر ..
اللوحة الشاعرية دي نصورها كيف ،،،
ما تخلوني هسع أقعد أغني ليكم في أمدر ..
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Hala Hassan)
|
هالة ،،
Quote: يا إبراهيم،
الموضوع هنا شراكة،،
نسائم أم در دى ما دايرة ليها شريك،،،،
ولا كيف؟؟؟ |
أكيد طبعاً ،،
بس الشراكة دي في السكن ...
ولما الواحد يكون عاوز يشم نسائم أمدر ..
يقوم يعمل ليه قروب براه ذي بتاع سارة ..
عشان كده البعد الجغرافي من النيل ..
ما في المصلحة ..
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: ابراهيم محمد الحسن)
|
Quote: عشان كده البعد الجغرافي من النيل ..
ما في المصلحة .. |
بعد جغرافى إيه،
اللى إنت جاى تئول عليه؟؟؟
النيل كلو بهناك يا عم،،،
بعدين عشان أم در دى هواها على قدر ناسها،
أحسن ليك تسكن براك و تحيطك الخضرة و الطبيعة،،
إهنا هنا شغلنا شقق و تقفيل،،،
دى المشاركة القلت عليها،،،
___________________________
يا ليون،
الارض و جبناها،
هشام مجذوب دة نط و لا شنو؟؟؟
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Hala Hassan)
|
يا اخوانا روقو شويه
البشوفكم كدا يقول قروشكم خاتينها فى الدولاب
فى حساباتنا نحن انو الشقق فى بحرى وامدرمان ما عندها قيمه زى فى الخرطوم
والواحد ما بمشى يكب قروشو فى شقه ممكن يوما" ما ياجرها ويستفيد من قروشها
وتكون فى مكان ما مغرى
فما تنفعلوا ساكت الاماكن المقترحه دى كلها اقتصاديا" ما نافعه
الاحسن تختارو ارض فى مكان مناسب رغم ان السعر حيكون غالى لكن 10 اشخاص ممكن تتقسم عليهم
وكل زول يبيع الارض العندو وتبدو بيها المشروع
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Hisham Magzoub)
|
مساء الخير
انتهى اليوم المعرض العقاري السوداني المقام بشيراتون الدوحة
وحضره عدد من الشركات والبنوك العقارية ووزارة الاستثمار وبكرة
إنشاء الله حاجيب ليكم الارقام الفلكية للشقق والفلل المطروحة
ومن اشهر الحاضرين شركة دريم بقيادة الوجيه عصام الخواض...
فعلاً يا هشام مجذوب المكان المناسب هو نقطة الانطلاق عشان كده
انا قبيل قلت ليكي يا هالة عايزين سنتر ، وطبعا هسه هشام
طلع القطعتين بتاعاتنا ديل سقط لقط ...
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: صلاح ليون)
|
من خلال جولتي بالمعرض حاعرض ليكم أرخص أسعار
وطبعا حابتدي بالشقق (الفل دي كلام كبير) وتفاصيلها كالتالي:
اسم الشركة : شركة الإنشاءات الحديثة المحدودة
اسم المشروع: مجمع الثريا السكني ، أرضي + 3 طوابق
موقع المشروع: ارض سكة حديد الشجرة , شرق العزوزاب
مواصفات الشقة: بمساحة 120م2 ، ثلاثة غرف وصالة وحمامين ومطبخ وبلكونة
السعر بالكاش = 167 مليون جنيه سوداني
السعر بالاقساط = مقدم 50 مليون + اقساط 4 مليون على 3 سنة = 199 مليون
الشقق في المرحلة الاخيرة يعني البياض والتشطيبات والتسليم ممكن يكون خلال السنة الحالية .
طيب يا هشام ادينا رايك في الموضوع كشخص في السودان ، الارقام دي هل فلكية ولا حقيقية ولا ممكنة ولا اقرب للمكنة ، وبعدين لو واحد سوداني عندو ال167 مليون دي كاش في يدو ما بيقدر يبني ولا شنو ، ولو عندو المقدم ال50 مليون دي وكل شهر بيقدر يوفر 4 مليون مالو ما يبني براحتو وعلى عشرة سنين كمان وبالطريقة دي افتكر البنا احسن من حكاية الشقق التمليك دي ...
اين المهندسين المدنيين ناس صلاح مختار وفوزي و البقية ما تجو وتدونا راي
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: صلاح ليون)
|
Quote: فعلاً يا هشام مجذوب المكان المناسب هو نقطة الانطلاق عشان كده
انا قبيل قلت ليكي يا هالة عايزين سنتر ، وطبعا هسه هشام
طلع القطعتين بتاعاتنا ديل سقط لقط ... |
هو طبعا القطع بعيدة من السنتر،
و أنا أساسا لما فكرت اخد هناك،
الحقيقة ما فكرت أسكن،
المنطقة دى دايرة ليها فى تقديرى 7- 10 سنين عشان تخش فى كردون الخرطوم العاصمة،
لكن يا ليون،
السنتر دة يكون الرياض مثلا؟؟؟؟
Quote: الاحسن تختارو ارض فى مكان مناسب رغم ان السعر حيكون غالى لكن 10 اشخاص ممكن تتقسم عليهم
وكل زول يبيع الارض العندو وتبدو بيها المشروع |
هشام،
ورينا مكان مناسب الفى بالك دى تكون وين،
حدد المناطق المقترحة،،
و نبتدى نجيب عروض،
ولا كيف؟؟؟
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Hala Hassan)
|
الليون،
لكن مبالغة،،،
Quote: السعر بالكاش = 167 مليون جنيه سوداني
السعر بالاقساط = مقدم 50 مليون + اقساط 4 مليون على 3 سنة = 199 مليون |
و قلت لى وين؟؟
فى العزوزاب؟؟؟
إنت عارف 167 - 199 مليون دى تبنى ليك فيلا فى أجدعها حتة،،
إنت بس وفر الارض،
تقول لى شقة،
تصدق سقط لقط حقتنا دى،
اخير،،،
و دى أرخص حاجة،
كدة ورينا بالله ناس عصام الخواض ديل عرضوا ليكم شنو؟؟؟
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Hisham Magzoub)
|
يا هشام وضح لينا !!ياريت ياريت ياريت!!
دي اغنية ترباس ولا لو زول هسه جه وعندو
199 مليون في جيبو ومشى جاب مقاول ومشى
مدينة النخيل بتاعة هالة ونزل سيخ واسمنت
ما بيقدر يبني ولا شنو ؟؟؟؟؟؟؟؟؟؟؟؟؟؟؟
بالنسبة للفلل بتاعة ناس الخواض انا
بديت النقاش حول اقل نوع وكان بداية
الكلام حاجة كده حوالي 500 مليون وما
عارف بعد داك حسيت كده زي الانافي دريم
| |
|
|
|
|
|
|
|
|
 Re: مهندسيننا.. ناس السوق.. إيه اخر أخبار البناء؟؟ (Re: Hala Hassan)
|
هشام،،
Quote: هاله
Quote: إنت عارف 167 - 199 مليون دى تبنى ليك فيلا فى أجدعها حتة،،
!!!!!! ياريت ياريت ياريت !!!!!!! |
أنا ما فى السوق،
لكن بنيت كلامى دة على حقائق كالاتى:
واحد زميلنا نوى على البناء،
رسم الخرطة و أستشار الاولاد و ..... كلو،
وصل لمرحلة تصديق الخرطة و أستشار شركة إستشارية (أو مقاولات) فى التكلفة،
الاساسى إنو رسم الخرطة على أرضى و 3 طوابق،
و النية إنو يقفل الارضى فقط و يسكن،
و الباقى على الله،،
أها، الشركة المستشارة قدرت ليه التكلفة بتاعة الاساس + سكليتون أرضى فقط = 100 مليون،
طبعا، لا يخفى على الجميع إنو الشركة زى ما ذكرت قبيل يا هشام بتكون أضافت مارجن بتاع ربح لا يستهان به،
أنا من هنا،
قدرت الاتى:
أساس + تقفيل أرضى = 199 مليون،،
و أفتكر، إحنا دايرين أرخص،،،،
رأيك شنو؟؟؟
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Hala Hassan)
|
يا هالة بعد كلامك ده
قدرت افكك واحلل جملة هشام !!ياريت يا ريت يا ريت!!
بس ما حبيت افرد بوست خاص بالتفكيك زي جماعة المنبر
هشام مجذوب قصدو ياريت لو الزول عندو 199 مليون ..
ويا هشام تاني ما تزيدنا حيرة نحنا ما ناقصين..
تعال بالواضح كده واقعد يوم قعدة وورينا تقريبا
القطعة (نقطة الانطلاق) تكون وين والتقدير الباقي
للمقدم وكم سنة كده الموضوع ده بينضج ........
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Hala Hassan)
|
ليون
Quote: دي اغنية ترباس ولا لو زول هسه جه وعندو
199 مليون في جيبو ومشى جاب مقاول ومشى
مدينة النخيل بتاعة هالة ونزل سيخ واسمنت
ما بيقدر يبني ولا شنو ؟؟؟؟؟؟؟؟؟؟؟؟؟؟؟ |
طبعا" ممكن لكن بمواصفات معينه
يعنى ممكن لود بيرينق مع اساسات من الميانى مع تشطيب بدرجه معينه
ساره وتهانى
Quote: في رسالة ليكم من دكتورة تهاني ...
بتقول ليكم عندكم لحدي نهاية 2009 إذا ما سكنتوها
في بيت ملك لا بينها لا بينكم... إتصرفوا
وما على الرسول إلا البلاغ.. |
تفالو خيرا" تجدوه
من حق اى واحد ان يطمح
لكن الشغلانه دايره انكرابه
هاله
| Quote: أها، الشركة المستشارة قدرت ليه التكلفة بتاعة الاساس + سكليتون أرضى فقط = 100 مليون، |
ما ورتينا المساحه قدر كيف
انا حاديكم تقدير جزافى لى اسكلتون
المتر المربع بتاع اسكيلتون للطابق الارضى ويشمل الاساسات حوالى 550 الى 650 جنيه بالجديد (الرينج يعتمد على حجم الاساسات)
افتكر يا هاله بالمنطق دا ال 100 مليون بتاعتك دى بتعمل مساحه بين 150 م2 الى 180م2
Quote: هشام مجذوب قصدو ياريت لو الزول عندو 199 مليون ..
ويا هشام تاني ما تزيدنا حيرة نحنا ما ناقصين..
تعال بالواضح كده واقعد يوم قعدة وورينا تقريبا
القطعة (نقطة الانطلاق) تكون وين والتقدير الباقي
للمقدم وكم سنة كده الموضوع ده بينضج ........ |
ياريت اقتبستها من الاغنيه الترباسيه للدلاله على استحالة البناء بالخرصانه المسلحه مع التشطيب بهذه القيمه
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Hala Hassan)
|
هشام،
شكرا لتقدير التكلفة أدناه،،
Quote: ما ورتينا المساحه قدر كيف
انا حاديكم تقدير جزافى لى اسكلتون
المتر المربع بتاع اسكيلتون للطابق الارضى ويشمل الاساسات حوالى 550 الى 650 جنيه بالجديد (الرينج يعتمد على حجم الاساسات)
افتكر يا هاله بالمنطق دا ال 100 مليون بتاعتك دى بتعمل مساحه بين 150 م2 الى 180م2 |
أنا فعلا ما عندى علم بالمساحة،
لكن ما بتكون أكتر من كدة كتير،،،
لكن إنت ما وريتنا الاساسات دى تشمل كام طابق؟؟
و فى رأيك،
كيف ممكن نقلل التكلفة المهولة دة؟؟
يعنى ما قادرة أفهم،
مافى أى إحتمال لتغيير نظرية،
نوعية البناء التقليدى المعروف فى السودان؟؟؟؟
وبرضو،
لدراسة مشروع الليون الاخير،
نرجو تحديد منطقة معينة لتقدير سعر الارض،
و من ثم تقدير تكلفة البناء ليشمل 10 مشاركين...
أتصور،
البناء ح يكون أرضى + (4 -5) طوابق،
+ سعر الارض،،،،
أدينا المفيد (بالتقريب) يا هشام،،،
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: صلاح ليون)
|
Quote: وهذا يا هشام يعني انو الناس ديل في المتر الواحد بيضربو 66 مليون لوطلعنا مية البنا
طيب ما احسن نبني برانا يازول |
بالظبط يا ليون،،
دة الكلام،
تسلم المشروع لاى شركة فى السوق،
تربح فيك 50-75%،
عشان كدة،
دايرين نستفيد بخبرة الشباب،
و أهو الواحد منهم يطلع ليه بشقة و لا كدة،
برضو مكسب......
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: Hala Hassan)
|
i went to sudan before one month
the cost of one meter square for
the load bearing is 600 thousands
old sudanese pounds
and the skelton will cost 1,2 milion
my friends in sudan like eng.Nader Alsir
building thier homes in load bearing walls which
can be built to three floors
| |
|
|
|
|
|
|
|
|
|
Re: مهندسيننا.. ناس السوق.. إيه اخر أخبار البناء؟؟ (Re: صلاح ليون)
|
نسبة لإنشغال هشام ود المجذوب (مالك الطابق الأرضي- موقتا)
في عمارتنا البمبية في حينا الراقي (الوادي الأخضر- موقتا)
نرجو من الأخوة المهندسين خارج البوست مد يد العون
والاقتراحات والافكار وبالتحديد التي طبقت من قبل
ومشابهه لمشروعنا الحالي ، نرجو منهم تزويدنا بها
على الإيميل:
[email protected]
والكلام ليكم يا لوي نمر وخالد محجوب وعبد المنعم جحا
| |
|
|
|
|
|
|
| |
ابراهيم محمد الحسن
Hisham Magzoub
حمد محمد احمد
صلاح ليون
Tahani abdalla Attia
sara Eltayeb suliman
عمر عثمان
فيس بوك
تويتر
انستقرام
يوتيوب
بنتيريست