|
|
|
 Re: اليوم الحار ومابندار يوم الهندسة والمعمار (Re: الخطاب مساعد الماحي)
|
صلاح مختار
| Quote: شايف العلماء بيقولوا إحتمال نفس القصه تحصل يوم السبت. |
المؤمن لا يلدغ من جحر مرتين
لو حصل الكلام دة يوم الاربعاء وحا يحصل يوم السبت نفس التسارع ..
نحن نقوم نعمل حركة
نلبد ونلغي يوم السبت .. اها
حا تجي الظاهرة الكونية وما تلغي اليوم المفروض تتسارع فيهو.. حا يحصل شنوووو؟
حا تتلفت( زي ابراهيم) .. وكما في افلام الكرتون تلقى تحتها ما في يوم السبت تقوم تقع رررررررررب في الفراغ
وتخلي عيونها واضنيها فوق وبعد زمن كدة يمشوا وراها
نجي طالعين نحن من اللبدة بنهاية يوم السبت .. وكدة نكون ضحينا بيومنا العزيز عشان خاطر اولادنا وبناتنا
(ويؤثرون على انفسهم)
طبعاً اللبدة حا تكون مباااالغة لانها بقيادة الكوتش
رايكم شنو؟؟
| |
 
|
|
|
|
|
|
|
|
Re: اليوم الحار ومابندار يوم الهندسة والمعمار (Re: الخطاب مساعد الماحي)
|
يا جماعة في كبت آراء واضح
وفي تعدي على حريات الاخرين
وفي عدم مراعاة للنظام العام
وفي عدم كفل حق تقرير المصير
وفي شعارات كتيرة كدة الزول البحفظ منها يجي يقولها لينا
المهم
والله نسيت الموضوع شنو
ايوااااا
ابراهيم يلغي يوم الجمعة
وامنة تلغي صراحة يوم الاثنين .. وضمنياً يوم الثلاثاء
وعليه عشان نقصر الموضوع دة
لا للظواهر الكونية
(وش الزول بتاع علاء الدين شايل فاس)
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
سنة اولي مرت بخيرها وشرها
..
لم نكن نعرف الكورة ودوري الكليات
عرفناهو في سنة تانية لانو سنة اولى كانت جايطة
..
قمنا عدينا الميدان الغربي وبقينا برالمة هندسة
وتوطدت علاقتنا مع بعض
اصبحت اعرف زعزوع ودبروس وجلغام
وبريمة وجنكيز
وعرفنا دوري الكليات
وكورة هندسة ندك ليها التيوتوريال
والتشجيع كان في اوجه
نقول لي ناس الطب الى البصات يا دايات
ويردو علينا بلاعة
وللاعب له كرشة ويلبس الرقم 8
تمانية ابو كرشة جيبو الورشة !!
والود وقع براهو ومافي زول رماهو
عندما يقع الخصم
....
مرة عزمت ود عمتي كورة هندسة واقتصاد
وكانت الكورة النهائية
غلبونا فيها خمسة
ما عرفت اودي وشي وين
زمن انور امدوم وحاتم معني ومحمد سيد
نحنا كان حارسنا عتوقة
..
اليوم داك مشيت البيت نمت
عملا بالمثل القائل كان كترت عليك الهموم ادمدم نوم
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
حضرنا دوري الجامعات
المباراة الاخيرة بين الفراعة ومنتخب جامعة الخرطوم
منتخب الفرع كان ملئ بالنجوم
كرار ابو علي هود ابو الحاز
ناس الفرع جابو الحلل الكبار والكمش
ويقولو لينا هاكم العدس ده
تيمنا بقول احمد شندي ( برلومنا رحل البركس يا عديلة
كسر صحانة العدس يا عديلة )
جبنا في ناس الفرع قونين
واحد بشبه قون كلتشي في الهلال
والتاني بشبه قون سادمبا في المريخ
...
انا جبت سيرة البحر ؟؟
( وش برئ)
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
Quote: دا يومنا نجيب سيرة البحر
سيرة السماء
سيرة الجبل زاتو
ما عندنا اي مشكلة |
سيرة الحب فى بوست مجاور
سيرة العريس متين وين ؟
_________
يا اخوانا كان رقتو انا بوصف الشفتو
شفت الشعر جارى لحنتو التحتو > ده كيف ؟ بمناسبة الحب و العريس و الخميس > عموما >
انتظرونى يا ناس الاربعاء اجيب ليكم فهمى فى صورة تجسد الحاله الفوق >
لقيتونى كيف بدعمكم لوجستيا ( ياخى الكلمة عجبانى شديد) ولا امشى انوم واجي بكرة لناس الخميس
_________
تابعوا طارق الكوتش اليوم والايام التالية
> وااااحشنى > الا باكر لما ترجع انا بحكليك عن الحصل
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
Quote: دا يومنا نجيب سيرة البحر
سيرة السماء
سيرة الجبل زاتو
ما عندنا اي مشكلة |
الصلاحيات غير محدودة
..
قبل مباراتنا مع الفرع
لعبنا مع جامعة ام درمان الاهلية
كان معاهم لاعب الهلال ابو ورقة
الولد لعاب وهو فريق بذاته
ولكن طقشناهم
منتخب الجامعة ما كان ساهل
انور ام دوم
حاتم معني
محمد متوكل
اسماعيل الشهير بتنقا
طلال
...
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: حمد محمد احمد)
|
إذا يوم بكرة طلع مافي زي ما قالو ناس الظاهرة
والجمعة اجازة
يبقى المسابقة مستمر حتى يوم السبت
إما لو السبت طلع لاحق امات طه
والاحد ما بعرف شنو
والاتنين شمار في مرقة
والتلاتاء تكملة ظاهرة
يبقى الاربعاء الجاية
يا جماعة بالجد الاسبوع دا بقى في يوم شنو وما فيه يوم شنو؟؟؟
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: Amna Mohamed Arh)
|
خبر باقر
يقول أهل اللغة أن الخبر سمي (عاجل) نسبة (للعجل صغير البقر) وذلك لسرعة حركته
أما اذا كان الخبر عظيما ينسبونه للبقرة نفسها فيصبح الخبر(باقرا).. واليكم الخبر:
مواصلة لخبر تسارع دوران الأرض، واحتمال اختفاء يوم الخميس،
لاحظ علماء (كاسا) للفضاء ملاحظة محيرة تتلخص في الآتي:
بعد أن كان معلوما لديهم ان الشمس ثابتة والأرض تدور حولها، وبعد
حادثة تضاعف سرعة دوران الأرض حول الشمس مما قاد الي احتمالية
اختفاء يوم الخميس، لاحظ العلماء بدء دوران الشمس حول مركزها في اتحاه دوران الأرض حولها
بسرعة تعادل السرعة القديمة للأرض ونصف سرعة الأرض الحالية، وقاد هذا الحدث
الفريد الي ظهور يوم الخميس فجأة، وعليه (انشقت) الأمم المتحدة في قرارها
بين اعلان اليوم الخميس او اعلان الغاء اختفائه، ولكن الملاحظ لكل رجال الإعلام
ان موظفي (الأمم المنشقة) دخلو تحت الترابيز وبدأو في (تمعيط) شعورهم..
والي حين خبر آخر نعلن نحن هنا في اليوم الحار ان يوم الخميس قد بدأ ولكنها بداية
مشوبة بالحذر...
(عدل بواسطة علاء الدين محمد بابكر on 12-31-2009, 05:45 AM)
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: علاء الدين محمد بابكر)
|
أصل كلمة (خميس)
قبل أن نبدأ يومنا (البارك) هذا، وجب علينا أولا أن نحيطكم علما بأصل إسم (خميس)، ولماذا سمي آخر أيام الأسبوع ب (خميس)، ولأننا مسؤولين أمامكم وأمام الكوتش في أن نقدم لكم كل ما هو مقيد في هذا اليوم، قلنا أن خير ما نفتتح به يومنا هذا هو أصل الإسم.
رجعنا الي أمهات الكتب، وحتي آبائهم، فوجدنا كتابا نفظنا ما عليه من عناكب، اسمه:
(شذي الرياحين في سيرة سيد العارفين)
ويتحدث عن سيرة الشيخ (سيد العارفين سامي بن هيثم الناموسي)، وفي بداية التعريف بقرية (ناموس) أنها تقع علي ضاحية (خوراس) علي بعد سفر ثلاث أيام من دون لياليهم (ببقلة فرعاء)، والبقلة هي دابة تقع بين بينين هما الحصان والحمار..
كان شيخنا يقيم لياليه العلمية داخل (متكأ)، وسمي بذلك لأنه يحب الإتكاء علي العامود السابع تيمنا بالرقم (سبعة) وزيادة في تيمنه كان يدهن العامود السابع بلون (الظهرة) وهذا اعتبر له من تجلياته وفتوحاته.
كان يقيم دروسه كل أيام الأسبوع، ما عدا اليوم الأخير الذي يقع قبل يوم (التجمع)، وكان دوما يقول لمتلقي العلم علي قدميه، عليكم بال (خميس).
كانو يظنونه يقصد اليوم، ولكن بمتابعته اكتشفوا أنه يقرأ سورة (ياسين) من بداية اليوم الي آخره، ويقول لأتباعه (خموا ياسين خما)..
أصبحت عادة لأتباعه في (خم) (يس)، في هذا اليوم،
فصاروا اذا جاء آخر الإسبوع يسألون ما هذا اليوم، فيكون الجواب انه يوم (خم..يس)،
وبطول الوقت صارت كلمة واحدة هي (خميس)، ومنها جاء اسم (الخميس)، هذا عندما كانت الدولة الإسلامية عظمي، ولكن بعد أن تعلمنا البهجات والغناء والرقيص..
صار:
الخميس..حفلة ورقيص..وخليك كمان لو بقي راس سنة وكل سنة وانتو طيبين..
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: علاء الدين محمد بابكر)
|
ملاحظات علي البطاقة:
اولا هي بطاقة جامعية تم اصدارها في 17 نوفمبر 1982
ثانيا مكتوب في التوجيهات:
يجب الأحتفاظ بهذه البطاقة وحملها معك دائما، ونلاحظ انهم لم يحددو (نحملها معنا الي
متي، ولذلك ما زلنا نحملها معنا)
ثالثا مكتوب:وتقديمها متي ما طلب منك ذلك،
وعليه وفقا لطلب (الكوتش) فانني أقدم لكم بطاقتي الجامعية للسنة الأولي بجامعة الخرطوم
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
طيب طالما الخميس لسة في ،،
نلحق نقرأ ونرد ،،
قبل ما الكرة الأرضية تزيد سرعتها ،،
خطاب ،،
Quote: شايفك عملت زي الظاهرة الكونية واختصرت يوم الجمعة دة عدييل ..
وهسة قلت ماشي .. |
و
| Quote: ابراهيم يلغي يوم الجمعة |
يوم الجمعة ده ملغي بالنسبة لي أنا ،،
وما من هسع ،،
من زماااااااااااااااااااان ..
وعموما ،،
في إنتظار قروب سارة ،،
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
يا جماعة الأربعاء،
ما قصرتوا،
شكرا كتير،،،
أمنة ،
ختى لى العصير فى التلاجة لو سمحتى،،،
يا جماعة الخم يس،،
مبروك ظهور اليوم من جديد،،،
لكن قدر و لطف،،
أنا من أمبارح محتارة،،
لو الخميس الليلة ما ظهر،
السنة دى ما ح تنتهى؟؟
ولو ما أنتهت هل 2010 ح تبدأ؟؟
طيب يكون فى سنتين ماشين علينا؟؟؟؟
حاجة تحير القرادة،،،
(ما عارفة ليه القرادة لكن ..... المهم)،،،
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
Quote: صلاح مختار عندو راي تاني ،،
ومُصِر على النظرية ،، (جبتها ليكم مشكلة .. عشان ما تقعدو تؤولوا ..) |
الزول الكان بجري كلما يشوف الديك لانو فاكر نفسو حبة قمح
اقنعو الطبيب النفساني انو انسان وما حبة قمح..
اول ما شاف الديك جرى تاني.. يازول مالك؟؟
قال انا اقتنعت .. البقنع الديك شنو
الشاهد من المقولة:
اليوم اصبح حقيقة ثابتة والناس بتبرطع فيهو .. راي شنو تاني؟؟؟؟
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: ابراهيم محمد الحسن)
|
حكمة اليوم:
أن تكون سمينا..لايعني أنك شجاع
يحكي في (غابر) الزمان، وهناك فرق بين (غابر) و (قابر)،
يحكي أن هنالك (ديك) ضخم الجثة، كلما رأي (صقرا) يطير في الهواء
يجري جريا شديدا حتي (تقوم الكتاحة من وراه) وذلك ليختبي من (الصقر)،
فحاولو اقناعه بالمنطق:
ياخي انت حجمك أكبر من (الصقر) دة، ولو وقفت وهرشتو ممكن يطير يخليك..
قال ليهم..
كلامكم صاح لكن انا الخوفة الدخلت فيني من أنا و (سوسيو) أبت تطلع مني ليوم الليلة..
ــــــــــــ
أي واحد تخين وخواف يحاول يكتشف هو وسوسيو الخوفو شنو...
| |
|
|
|
|
|
|
|
|
|
Re: اليوم الحار ومابندار يوم الهندسة والمعمار (Re: الخطاب مساعد الماحي)
|
امنة
-انتو قطركم ما بيقيف؟؟
- القطر دة لما يصفر الاطفال براهم حا يخافو ويجرو من قدامو... شايفهم ما شاء الله اولاد وبنات عاقلين
-الشافع البراهو دة مش حق لعب خليهو يتعفص هو .. واكان ما كلامكم الجادي في طرح القصة دي.. اقول ليك القطر ذاااااتو حق لعب
-نفتح السكتين بين بين.. القطر لا حا يعرف يمشي جاي ولا جاي ولا حا يتقلب .. اذن!!!
-انا حاااااااسي انو الكلام دة فيهو trick لكن وين ما عارف
| |
|
|
|
|
|
|
| |
ابراهيم محمد الحسن
Amna Mohamed Arh
حمد محمد احمد
الخطاب مساعد الماحي
علاء الدين محمد بابكر
فيس بوك
تويتر
انستقرام
يوتيوب
بنتيريست