|
|
 2/8/.... سفيان بشير نابري.. جاء دنيانا..
|
"و شرب الشاي معانا"
جئتك و صوتها
و بعض من الوان القزح،،
إحتفالاً،، بيوم حضورك،،
"Soufi" الملقب بسفيان،،
أنشدها أعوام قادمة..
عالية الاصوات فرحاً،،
هادئة اليالي حباً،،
راقصة النهارات خطاً
و الاصدقاء إلي جانبيك،،
يتمايلون قلوباً
مزدهرة،، تفتح اذرعها
احتضانا للعالم،،
أملاً و تسامح،،
|
|
 
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: منتصر الامين)
|
[B] الى الفتى الاسمر المهذب سفيان بشير نابرى ..
كل الحروف شموع تضىء ابتهاجا لك وكل الاوتار تدوزن لحنا جميلا وكل عام وانت اجمل وعقبال مليون شمعه..
سفيان لن انسى بشاشتك وتهذيبك واستقبالك الحار لى واسرتى يوم التقيتك بالمركز الالمانى ..سعيد انا وفخور جدا بمعرفتك يازول يافنان ياراقى..
الغالية سوميته لك الشكر اجزله وكل الامتنان ..
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: Soumeta)
|
سوفي
ليه لا لاه بالجمبة موحي الي لا لاه ...
مع العتذار للاغنية
_________
والله يا سفيان شايف في انحرافات في حركة الهامش
ظهر ليك اهل واخو عريس وعزومة غدا واكتر من ده ظهر ليك عيد ميلاد !
أسه البوست ده لو شافو ماو حتودي وشك منو وين ؟
...
...
سوميتا ، اسه عليك امان الله الجاء دنيا التاني منو؟ نحن ولاهو؟
| |
|
|
|
|
|
|
|
|
|
Re: كل سنة وانت طيب سفيان (Re: ملكة سبأ)
|
سفياااااان
صحبي وود اهلي السمح
كل سنة وانت بالف خير وجمال
ودوما بيننا وحول اصدقائك تمنحهم الدهشة والروعة
وتمنحنا الرحيق والبرتقال( الاثنين مع بعض)..,,
,,
والف شكر يا سوميته علي هذا الاحتفاء بسفيان الجميل,,
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: lana mahdi)
|
| Quote: استعدلت الصورة عشان ارفع راسك يا سفيان واخلي لنا مهدي تعرف انو استاذ لؤي ما قصر مع ناس كنبة وراء |
والله لكن ياشمس الدين لقيتك غتيت غته ... مباااالغه.....
قلت لى عدلتها عشان ترفع ليهو راسو .... بس اعمل حساب الفقر ....
وهو الزول دا لى هسى ما ظهر مالو ......
انت عارف هو ما فى الكنبه الورا .. لسه ما شاف السبوره....
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: Mohammed Elhaj)
|
سفيان ...
من شاكلة الأصدقاء الذين لا يمكن لأى ذاكرة و لو كانت خربة كحال ذاكرتى أن تتخطاهم و لو بالخطأ
فهو من النوع الذى يدخل القلوب من أوسع أبوابها ، ثم يتمدد فى الدواخل، يرفض الخروج لاعناداً بل محبة
لا تفارقه الإبتسامة حتى و هو فى أصعب المواقف و أحلك الليالى و الظروف...
كل عام و أنت بكل الحب و الخير ياصديقى
سوميتا ... صاحبة الذوق الرفيع فى إختيار الأصدقاء و بقية الأشياء الجميلة لك وافر الوّد و الإحترام
ثم ...
Quote: سفيان بشير نابرى ، تاريخ الميلاد : 8/2/1957
|
أخخخخخخ حليلنا ياعمو سفيان ناس تسعطاشر سنة عمر الزهور عمر المنى...
وردد فى سرك ليت الشباب يعود يوماً
____________________
تعرف يانابرى إنت من النوع المابعجز ماعارف السر شنو؟
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: Soumeta)
|
طيب،،
اها،، سوفي أظنيتو خجلان،،
ولي شنو ما بعرفو،،
لكن النفتح اضانو،،
شفت يا سفياااااااااااان يا ود امك و ابوك،،
الناس الهنا دي كلها بتحبك،،
حُب شديد،،
و كلهن جو،، يحتفلو سوا بعض معانا
بي عيد ميلادك،،
و إن جيت يا سلاااااااام،،
و إن ما جيت انا بونسن ليك زييييينتك،،
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: Soumeta)
|
...
عفيت منك ياعزوزه
4 يوم قطع وشو من النت..
أنا لو عارف كدة كان كل يوم نزلت ليهو عيد ميلاد
غايتو بالحركة دي ضمنت إنو (سوفك) ده بقى حقنا برانا..
زمان كان حقنا وحق سودانيز سوا بعض..
هاف آند هاف.. ومرات هافين أونلاين
..
ياخ ياسفيان أغشّك؟!
والله أنا قصة عندك أخوان وأسرة دي استوعبتها بالرجالة..
وموضوع عيد الميلاد ده برضك أقنعت بيهو روحي غصب..
لكن حكاية خجلان دي والله ماوقعت لي كلو كلو!!
...
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: Soumeta)
|
منتصر الأمين ,,
يا رفيقي وصديق الخطي والأحلام
دوم كما أنت طيب القلب وحبيب
كل عام وانت صديقي
ضحية إبراهيم
فرحت بيك فرح اطفال وانت بتنادي علي ، حضنتك بمحبة وشوق وشعرته أني بعرفك من زمان زمـــــان خالص .
اسرتك يا صاحبي ببساطة تعاملت معي و احببتهم ملّ روحي ، طفليك الجميلين افرحاني جداً أنا اعلم أن الاطفال عادةً لايرحبون بالانسان الذي يشاهدونه أول مرة أما هم بكل حفاوة ومحبة كانوا يغمروني امضيت معهم وقت سعيد وفرحت فرحت بهم .
انا جد فرحان بمعرفتك وصداقتك وباسرتك الجميلة وصديقتي هذه
وشقيقها .
كل عام وانت صديقي واسرتك اسرتي
يا عماد
يا صاحب العصفورة
يا صاح القلوب للمحبة والارواح هي النوافذ
مسلك المحبين يتهادي بين محبرة ودواية - هذا في رواية اهل الله المريدين
عاصري الخلوة مقيمي الليل ، ما ظهر منهم الصباح ، أما ما بطن فعلمه خلف حجاب منيع-
وللمحبين مسلك أخر في كل نظرة سر الحب وفي كل شفة نطق الحب وفي كل قطرة ماء صفاء قلب محب في كل صياح لحن للهوي وفي كل صباح نجمة عودة لحبيب أو حبيبة .
يا مالك العصفورة ليتني بين الصوفية فما بي منهم سوي أني احب أن أحب الناس.
يراعك مترع وقلبك خافق أن حي علي الحياة حي علي الصِلات ..
هكذا أنت عندي وكذا العمار بيننا
والما عندو محبة ما عندو الحبة ..
كل عام وانت صديقي
رندااااا
وفي روايتي رندة ,,
يا دفعة
ممنون لهذا الفضاء الذي نكتب فيه معاً
ومبسوط لبساطة القبول التي تحف أرواحنا
كل عام وانت بخير
محمد مكي حنفي
كابو ,,
صاحبي وصديقي
تعرف يا كابو لو لم تكون صديقي لتمنيتك .
كل عام وانت صديقي
معاذ الدخري ,,
الف تحية وشوق يا اصيل
وين ما باين ياحبيب
لساتنى منتظرك بذات الشوق ,,
كل عام وانت بخير
الطاهر ساتي
الصحافة والتوثيق والارشفة
سلام يا حنين
بين التوثيق والارشفة أضاعت بلادنا تاريخ لا يضاع
وبذات التوثيق والارشفة بذر تاريخ نحن في نكبته إلي الحين
الامر الذي يجعلني أسأل في أي يوم ولدت وفي إي الفصول
وما كان الوقت ظهراً- صباحاً أم مساء وماهو التوقيت .
كل عام وانت بخير
طلال عفيفي
سلام ياصاحبي وصاحب الحكايات الجميلة والسلام العطوف
لاول مرة أبلغك بأن لك سلام يشبه روحك دافي وعطوف
وينم عن حميمية لا تغيب عن خاطر أو عين ..
كل عام وانت صديقي
سارة حمزة
سلاماً عليك اينما كنتي
وشكرا انك هنا
كل عام وانت بخير
ناجي
ياملك الملوك
أحبك صديقي فقط
أحتمل طيشي وجنوني
بقلبك الوهيط
كل عام وانت صديقي
معروف سند
معروف يا شربات الزمان الصحو
ياخليلي هاهي السنوات تمضي ولم نلتقي
نتسقط أخبار بعضنا بخفقان ولهفة أعلم أنك بعيد وقلبك هنا
ما كان بيننا لن يغشاه حزن أو ظلام ففي الصداقة والمحبة مصباح لا يخفت
نوره .
كل عام وانت صديقي
مني خوجلي
سلاماً سلاماً علي روحك الطيبة
سلاماً علي حديثك البسيط الجميل وعلي قلبك الكبير العطوف
اعزك واقدرك واحتفي بانك صديقتي .
كل عام وانت صديقتي
هنادي فضُل
أو بت الفضُل هنادي
تحياتي يا رفيقة الخطوات في زمان كان يصعب فيه حتي أن نلتقي من أجل حُلم
كل عام وانت صديقتي
الشفيع شوشتا ,,
يا باهي يازاهي وكامل الحضور
سلام ومحبة دائمة
كل عام وانت صديقي .
شمس السنوسي
سلام يا دفعة يا صديق
لو التقينا يا شمس سيدور بيننا حكي عن تفاصيل جميلة
افرح بك وسعيد أنك صديقي .
كل عام وانت صديقي .
إبراهيم يا قرمبوز
سلام ومحبة
ولماو مثل حظك مرتين
يا صاحب ماو ده بيذكرني بملكيادس جالب العجائب في مائة عام من العزلة
فهو لا ينفك يشطح لنا بعجائبه في الحكايات وخياله الجامح وحين تطالبه بنسب الحديث بسهولة يقول :- يقال في الاثر ! فلا تخرج من بشي سوى المحبة .
كل عام وانتم أصدقائي
صلاح واسبا
سلام ومحبة يا صلاح
في مساء البت الجريدة (عواطف) تعرفت علي أسرتك منعم كان مشغول وكنت اقف في الاستقبال ، صاح منعم من بعيد :- سفيان ديل أهل صلاح واسبا ، اذن هم أهلي ودمائي أنتهي الامر لا شي أخر .
كل عام وانت صديقي
ياسر طيفور
صاحبي وصديقي الذي احب
الشوق يازول شوق كتير ومحبة كتيرة
كل عام وانت صديقي .
ناذر الخليفة
سلام ومحبة
كل عام وانت صديقي
الخال طارق
الكتوف لابد تتلاحق يا خال
محبتي لك ولاسرتك
وكل عام وانت صديقي
مجدي بشير شبندر
استاذي وصديقي ومعلمي
ما اسعدني أني اعرفك واتعلم منك
في زمان كان كل أنسان يخشي الاخر
كن دوماً صديقي يا صديق
لؤي شمت
النسمة واللطف الذي اره كل ما التقيت حرفك أو اسمك او صورتك
سلاماً يا معلم منك عرفت الكثير ولا زلت .
كل عام وانت صديقي
ملكة سبأ
سلام بقدر محبتك للناس
وكل عام وانت صديقتي
عبد الكريم الامين
فرح بك يا صاحبي وسعيد
سلاماً عليك واليك
وكل عام وانت صديقي
انعام عبد الحفيظ
كل سنة وانت بالف خير
وكل عام وانت صديقتي
وائل طه
يا صاحب سلام ومحبة
وكل عام وانت صديقي
دوما ,,
سلام ومحبة
وكل عام وانت بخير
ريهان الريح الشاذلي
ريهان أو الزهرة
سلام يا صاحبة وكل سنة وانت بالف خير
لنا مهدي
سلام ومحبة يا أميرة
كل عام وانت ويعقوب والجميع بخير
حاشاك التقصير بس رسليهم بي (555)
محمد الحاج ,,
يا صاحب اهو بالضبط في التالت اخدنا خطوات واسعة
ولازالت الاقدام تقول انظر وامضي بقوة فانك بالغ مبتغاك
سيبدو العالم سعيد حينها سيكون نخب الحياة .
شكري علي الهدية وكل عام وانت صديقي
عبد الرحمن عزاز
صديقي وأبن ارض من ارض بلادي اعشقها والوذ اليها حين أبحث عن الهدوء
لا ادري ماذا استطيع أن اكتب لك !؟!! فقط انت صديقي وستظل .
نجوان ,,
سلام وتقدير
افرح حين أجد حرفك سعيد بك
كل عام وانت بالف خير
أميرة الحبر
سلام وتقدير
ابو ساندر جايلني عنوة كده واقتدار
يعني (حكم أبتكو) نسوي شنو عاد
كل عام وانتي بخير
مامون التلب
الصاحب الجميل العطوف الرحيم
اشكرك أنك هنا واني صديقك
كل عام وانت صديقي
وديدي يا وديدي ،،
أنا حق ناس كتار اكتر مما تتخيل
بس انتو اصاحبي ما بقدر اخليكم
يا صاحب ما تردد اشاعة ماو المغرض
لانو لو أنا رددته القالو ليّ مش ح تعرف تغمض عينك
محبتي لك وكل عام انت صديقي
محبتي للجميع متمنياً لهم كل السعادة في الحياة
حاولت أكتب لي كل واحد براهو بس ما قدرته .
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: سفيان بشير نابرى)
|
صديقي سفيان
أحسدنفسي في بعض الأحيان.. أغبطها في سري دون أن تعلم هي..
على نعمة عظيمة خصني بها الله في جملة من خص، و أحسبهم قلة في
هذه الدنيا. هي نعمة الأصدقاء الأماجد القادرون وحدهم على اجتراح
الجمال، الدخول الحر إلى كوامن النفس، المكوث مد الأبد في مسام
الروح، و سبر غور ما يبدو مشكلا على الكثيرين. بعضهم كان أن من
الله عليّ بإلتقائه عيانا، و بعضهم ظلت أرواحنا فقط قادرة على
اجتراح الرؤيا في غفلة من جبروت العسف الرجيم. و أنت أيها الجميل
جئت برزخا تحدث النفس ذاتها سرا بألا تكل عن الدعاء له بطول الحب
و جمال الحب و حب الحب و أن تزدان حياتك جيدا بالسوميت.
نشدت صورا و رموزا معيارا للأماني السعيدة في هذا الفضاء فلم أجد
سوى رسم الحب أهديه إليك. إنه البياض الجميل أعلنه عليك.
حياتي ، يا صديقي، هذه الأيام أحزان ماحقة.. كارثية.. فقط عصمتني
و أعشت نظري يومين أن أخف إلى رؤية يوم مولدك الأجمل.
كل عام و أنت الجمال .. كل لحظة و أنت حامل مشعل الحب الأسمى.
بوعسل أبوعسل
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: Soumeta)
|
أبو عسل
يا صاحبي يا صديقي
يقول صديقنا الصادق الرضي :-
الحزن لا يتخير الدمع ثيابا
كى يسمى بالقواميس بكاء
هو شىء يتعرى من فتات الروح
يعبر من نوافير الدم الكبرى
ويخرج من حدود المادة السوداء
شىء ليس يفنى فى محيط اللون
أو يبدو هلاماً فى مساحات العدم
الحُزن فينا كائن’’ يمشى على ساقين
دائرة’’ تطّوف فى فراغ الكون
تمحر من شعاع الصمت
ذاكرة السكون المطئنه
وفي دهر ما من ذاكرة تنمو يا صديقي ، كنت أتحسس الحزن الملازم للتربية ، وأتعجب ، علمت أن مكسبي وحظي في الحياة هو التجربة ومذ ذاك وأنا أحب واعشق وأتعايش وأتداخل ، لو أني يا صاحبي استكنت لقطار ألشفاهي وذاكرة التآمر والتخابث لفنيت وقضيت نحبي .
أجمل الأوقات لما تأتي يا صديق والكارثية والأحزان من كوة في داخل عقلنا مظلمة وقاحلة ومجدبة ، سنغمرها بالمحبة وتطويع القلوب وتعليمها التوادٌد والمرحمة لينهض العفو والتسامح بذرة علي الناس وبالناس المسرة هذا الحلم الطفو لي هو حلمي وأنا أطارده لازلت لذا أنا طفل صغير وعنيد .
يا أبو عسل أنضر القلوب أنت في الأصحاب ندي الروح فنان تنسج حرفك فتحيل المحبة عطر يضخ ويعبق الوجود يتسرب لروح روح الصدق دم بخير يا صاحبي وأعلم أنك قوي وعصي علي نوائب الزمان فمن يملك مثل روحك ومحبتك سيظل عصي علي الأحزان ، هي تقلباتنا بين الحياة وطبيعي أن تصيبنا بلؤمها !
كن بخير كن صديقي وكل عام وأنت بخير
عزان ،،
سلام ومحبة
والف شكر لك علي الهدية
وكل عام أنت بخير
نهال كرار
سلامي وتقدير
وكل سنة وانت بخير
والف حمداً علي سلامة وصولك
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: Soumeta)
|
ابو مهيار
الإعلامي و صاحبي الذي عانقت
ابن الجروف ونسيم النيل أبن رفاعة العلم والمعرفة والأدب
كنت سعيد حين التقيتك ذات زهرة ، الآن أنا ابتسم إذ أكتب لك
مرحي لي بك ولننعم بالترقب لحين لقيا .
كن بإلف خير وكل عام وأنت سعيد
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: Soumeta)
|
كتبت Soumeta
Quote: شفت يا سفياااااااااااان ....،،
الناس الهنا دي كلها بتحبك،،
حُب شديد،،
و كلهن جو،، يحتفلو سوا بعض معانا
|
وأضيفي يا سوميتة واحد حب من عندنا.
سفيان: ما صدقت إنو الواحد سافر وأعلنت عيد ميلادك.
ولا يهمك، أكون طالبك عيد ميلاد والشهر الجاي نحتفل بيك تاني وتاني.
كل المنى
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: Soumeta)
|
يكفي أنك صاحبي يا إسماعين التاج
صديقي الذي اشتاقه فاجده حاضراً
يا إسماعيل كتير بتذكرك وانت في الغربة
تاني يوم أو تالت يوم تكون واقف وراء باب
القزاز بتاع المحل ونضحك هاهاهاهاها
إسماعين :- كعادتك سافرت دون أن تلوح بالوداع
سانتظرك دوماً كما أنا .
اعلم يا صاحبي كثير من الحديث لم يدور بعد
وسنفض الاسئلة حتماً مع صباح قادم وجديد وواضح
كن كما انت وكل عام وأنت بالف خير وكل عام وانت صديقي.
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: محمد حنفي)
|
حنفي ...
نشد من اذرك ونستصف خلف بيانكم الشامل للناس .
حنفي ...
قف ، نحن اذ نلتف حول موقفك انما تضامننا مع روح اخونا
سفيان بشير المشتت بين العائدين والعاملين بالخارج والبنات .
قف .
ده كلو من البت دي . ...
ونقترح لسيادتكم دعوة لإجتماع هام
وعاجل للجنة حماية شباب سفيان بشير الطبيعية و مكافحة الانترنيت والعادات الضارة ."
أبنكم المتضرر : ابراهيم الجريفاوي
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: محمد حنفي)
|
Quote: حنفي ...
نشد من اذرك ونستصف خلف بيانكم الشامل للناس .
حنفي ...
قف ، نحن اذ نلتف حول موقفك انما تضامننا مع روح اخونا
سفيان بشير المشتت بين العائدين والعاملين بالخارج والبنات .
قف .
ده كلو من البت دي . ...
ونقترح لسيادتكم دعوة لإجتماع هام
وعاجل للجنة حماية شباب سفيان بشير الطبيعية و مكافحة الانترنيت والعادات الضارة ."
أبنكم المتضرر : ابراهيم الجريفاوي |
ابنهم المتضرر الجريفاوي وصديقنا في الجوي والنوي وكل شي كل شي
يا صاحب مافيش اضرار دي كلها فوائد جمة ، بعدين ثم تانياً هم البنات
مش أجمل حاجة في الحياة؟!! طيب ليها يا حبيبي بتضرر فيني وبتحاول
نغويني وأنا ديني محبة ؟!!!
يا حبيب كدي روق وسيبنا من يشجب ويدين ويندد ويلا هيلا هوب يا UN كبسوك
ناس رافعين مزكرة ، صدقني الصحة عال العال والقلب شغال علي (نجة عشرة)
والدليل (الولو) .
وحماية شبابي في البنت وللبنت احوال واهوال متفاني في في سبرها
وياصديقي دم بخير حال ومافيش داعي لقضاية زي دي.
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: Soumeta)
|
Quote: يا اصدقاء سفيان وحشود المعجبين اتحدوا ....
يا اخوانا سفيان يعاني من مرض سايبري خطير وبقى ما بيقدر يزح من قدام الكمبيوتر حتى بقى ما عندو كبير غرض بالمرقة مع الاصحاب ... قللو ليهو ارجوكم من الدفقة المعنوية الاسفيرية دي خلوهو يرجع انسان واقعي
حنفي |
محمد مكي حنفي
المدعو كابو
وفي رواية الليل والاصدقاء (كافو)
يا حبيب مرض الفضاء السايبيري ده ابتلاني لحوجة العمل والوظيفة فماذا أنا فاعل
فما وجدت سوي هذا الجلوس وهذا الشقاء بديل !!!؟
هؤلاء الاصحاب يا صاحب خففو عني الكثير لو يعلمون ، دونهم لكان جلوسي هذا ناشف
ومجدب وفقير العواطف .
هم ظهري حين يحتاج ما يستند عليه ، هم بسمة يقتلعونهم ذات حرف بهي وندي حين يكتبونه!
الحمد لله أنهم في حياتي هذه !
هذا كل مافي الامر اما مايخص المرقة مع عزوتي وصحبتي ودمي فهم هم اجدهم فيّ واجدني فيهم
بس كمان في الامر اكل عيش وكده .
لك محبتى
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: Ibrahim Algrefwi)
|
سفيان مش إنت سالتني عن صورتك إتصورت وين ؟
وقعدت أقول ليك كلام خارم بارم وأنجر من راسي
العامل زي الدومه ده ؟
أها انا إتذكرت يا معلم ، زيس فوتوس وير تيكن
في حفلة تكريم عمك محمد المك إبراهيم :
حتى كان في عمك ( برضو ) وردي :
والأستاذ الفاضل ، الفاتح وديدي سقاه الله ن زمزم :
إتذكرت ؟؟
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: Soumeta)
|
يارندا
سلام يا عزيزة ياصديقة
مودتي يارندا لك ولاسرتك
الصغيرة والكبيرة ولقلبك
الطيب المحب المسالم
ثم بعد يا اليفة عيد حب سعيد
فانا افهم أن الحب والمحبة
جُبل عليهم الخلق وهو الدين
والمعتقد والايمان
المحبة أساس الحياة واساس الوجود
فعليك والارض السلام وبالناس المسرة
فلتدم المودة بين الجميع.
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: سفيان بشير نابرى)
|
صيقي الماجد
سفيان
و إن سمحت ال"السوميتا"
سوفي،
هأنتذا في يومك الأجمل لا يفوتك أن توقد شمعة في ليل أحزاني الماحق هذا .
ثم تحلق كما فراشة من نور أو طائر من نار مبشرا بأزمنة الحب الأطهر الذي
يجعل الغرباء يبتسمون للمارة في الطرقات، و الفتيات يمضين في دروب الوطن
الماجد بلا خوف أو رقيب سوى ضمير الحب.
شكرا أنك كنت هنا في هذي الحياة.
شكرا للمراة التي أهدت الدنيا نورك.
شكرا للرجل الذي وهبك الحياة.
شكرا للوطن الذي أنجب سماحتك.
شكرا لله الذي قال:
كن سفيان!
بوعسل أبوعسل
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: ابوعسل السيد احمد)
|
ابو عسل يا صديقي
سلاماً عليك
يا صديقي يشهد الله اشعر بحرفك تعتصره
الآلام ولا أدري ماذا بك ، لكني أعلم أنك
قوي وأشعر أن مابك دليل عافية ودليل محبة
وأن كل مايشغل قلبك وروحك وخيالك هو الاخر
والقبول لديه .
يا صاحبي ماعايز ادور في النفس البشرية
وانها وأنها الخ فأنت تعرف اكثر مني بها
فقط حاولت جهدي أن اعرف ما بك وفرحت جداً
حين وجدت هذا فعرفت جزء مما يشغلك :-Quote: الله يعينكم و يهون عليكم شري الغربة و الصقيع.
و لعلها فرصة لنا جميعا كي نتفكر في أؤلئك الذين
لا شيئ يأويهم من هذا البرد و إن اختلفت درجاته و
حر الجوع الذي يأكل الروح. لنتفكر في كل متشرد
سواء أكان في جنوب أو شمال الكرة الأرضية.. لنتفكر
أكثر في بني جلدتنا المشردين بين مخيمات النزوح و
اللجوء و طرقات المدن الغريبة القاسية. ليس لهم
من بطاطين أو ثياب تقي البرد.. ليس لهم من تدفئة
يلجأون إليها سوى إيمانهم بالله و الأمل.
سلام |
لك محبتي وكن كما انت ربما تشقي لكن هذا هو ما ملكة يمينك.
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: سفيان بشير نابرى)
|
منان صديقي الجميل المهموم بالحكايات والتاريخ والانسان
لم يكن تأخير أنت في عمق الحكاية إن كان عمري يعني شي
دعني من الاحتفاء واخبرني ماذا عن صديقنا العتيق حسن ادول
ماذا عن التاريخ وهل في الامكان أن نصل دون أن نرجع لعمقنا؟!
هذا هو المهرجان وأنت سيده فخبرني يا سيدي!
ومن ثم كن مقيم هنا .
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: Soumeta)
|
دائما نجيء فى أخر المولد.. يا سفيان.. التقيتك فى اكثر من لفة سايبرية وشعرت اننى اعرفك من قبل فالارواح جنود مجندة.. وكما تعشق الاذن قبل العين احيانا فقد جاز ان نحب ونصادق اثيريا.. انت انسان تبعثر الحب عبر الأثير .. اليك فى عيد الحب تهنئة وحب وامنية بعمر مديد يحاصره الجميع بالحب.. جئت متأخرا ولم ار عدد الشمعات التى اطفأتها.. كم دقيقة اخذتها فى النفخ لإطفاء الشمعات.. هنا يضعون شمعة واحدة يكتبون عليها عدد سنوات العمر الماضية ويتركون الباقى للامنيات الحلوة من امثال عقبال 100 شمعة ولا ادرى لم يتوقف الناس عند المائة.. ما يزيدوها كمان حبة مثل الف ليلة وليلة.. دمت صديقا..
ولك الحب حتى تستغيث..
نورالدين منان
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: النذير حجازي)
|
سلامات
وعوافي
"عندما كانت التسعينيات ترقص علي ايقاع الانهزام والحسرة كنت انا استبيح الزمن في صحبة هذا الولد الظريف وهو يعتمر طاقيته القديمة ويرتدي قميصه "الدموري" الانيق كبقية الاصدقاء النظيفين .. وهو جوال بين الاصدقاء يحمل معه دائما "ابتسامة" بيضاء وكيس صعود من الجمهورية..
الولد دا .. عجيب .. ساحر .. طيب .. قلبو وطن .. وضحكتو تخجل الربيع ...
زول مفطوم بالمحنة والبشاشة والحاجات السمحة كلها ..
بقول ليهو ..
ياسفيان كل عام وانت حديقة يتجمع عندها الاصدقاء
كل عام سيدي وانت باهر الجمال والضياء
كل عام والعام يستعير اناقة روحك والصفاء
كل عام وقلبك لين ورطب بمحبة الناس ومن في السماء
كل عام وانت صديقي ..
كل عام وانت رفيقي
كل عام والاشواق بيننا لاتعيقها الجغرافيا ولا تحول بينها حوائل الظروف
وكل عام وامنياتك من سنة اولي ابتدائي والي عامك "الاربعيني"هذا "وش ضاحك" هذا تتحقق حتي تصل المئوية وانت فتي الروح والقلب والخاطرة ..
والعيد القادم انشاء الله "تقضيهو مع ست الحب ذاااااتا" قول امين ..
انا عارفك دي بتكون غمتها بي الف ااااااااامين
وكل عام وكل الحاضرين في هذا المكان طيبين كالانبياء
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: Soumeta)
|
النزير ود عم حجازي
كتلتني بالضحك ياخ
لقيت يدك فوقي هاهاها صح
صاحبك معروف فوق شبكني حاكو حاكو
وانت جيت ختيته لي Quote: لكن يا سفيان ما كُنتا قايلك عينة الرُجال "اللي بولدوهم فى فَرِد يوم!" أفو يا الجعلي؟
|
ياصديق اهو شفته كيف كل حكاية وحكاية ممكن تبقي تيراب محبة ومحنة
سلامى لك وتقديري
وكل عام وانت بالف خير
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: altahir_2)
|
الطاهر 2
أو صاحبي الفنان ضياء الدين ميرغنى
شكرا يا ضياء علي السقيد الفنان الانسان
وما اجمل الخضوع للهوي وما اندى شغف القلوب
في امرهِ
يا ضياء ماذا عن صديقتناالمضيفة (ايرشا) إن
لم تخني الذاكرة ، انا لازلت يا صديقي كلما
اتذكر تلك المصادفة التي جمعتني بها اضحك
ملّ قلبي وتلمع في عيناي دمعة واترحم علي
الانسان مصطفي سيد أحمد ماذا عنها يا صديقي
اخبرني .
ثم كن دائماً بخير حال .
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: Soumeta)
|
Quote: سوميتا صاحبتي الزمان
كل سنة و سفيان طيب و جميل
|
غايتو يا فاضلابي انت التجي
ترد ليك سوميتا صاحبتك زمان
بس أنا عايز اقول ليك :-
عندي في ماسنجري صورتين
واحده فراشه والتانية
صورة مدينة أم طرحه
ولو جاني من رضيت ......
ورضيت ..... ورضيت
ما اظن اديهو
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: Soumeta)
|
هيثم عبد العزيز
أو الملقب بهيثم القوز
سلام واشواق وتحيات يا هيثم
نحنا اولاد القوز يا هيثم أولاد نادي القوز
ونادي الاصلاح يعني أولاد حلة يا صاحب والقوز
بلد تيرابه كان في الرميلة وبتقت ملت البلدات
كن بخير وكن صديقي .
وكل عام وانت بالف خير
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: Soumeta)
|
Quote: كل سنه وأنت أجمل
كل سنة والوطن يقترب من عرس الخلاص
عيد ميلاد سعيد
وعزرآ لتأخر التهنئيه |
الجيلي أحمد
سلام ياحبيب
مافي تاخير والحبيب حبيب مهما يتاخر ويغيب
كل عام وانت بخير وكل الاماني محققة (خاصة عامة)
كن بخير وكن صديقي
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: Randa Hatim)
|
رندا حاتم
سلامي يادفعة
ببساطة يارندا قاليك:-
بطلي التقلية الحمراء
الزي عين الديك دي
لانو الوندوز ما متعلم
علي الدخاخين والبخار
يا تسوي كده يا بوديك
الخور ايوة الخور اي نعم
هو لانو خواجاتي فالخور دي
قاله كده شوفي براك:- occured
ياخى ركزي ياخ حتي بالامارة
قال ليك المحل الما بخطر علي
بالك
هذا مع تحياتي
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: رأفت ميلاد)
|
رأفت ميلاد
شقيق الروح والمحب الكبير
كيفك يارأفت والغربة وشجونه وسجونه؟
من ثم السلام والاشواق
وكل عام وانت بالف خير ودوماً صديق
صادق وصدوق وعطوف
رنندا يا رأفت دفعة الفصل البهناك
ولانها مهرجلة كبيرة بتحب ترسل الناس
المصيبة أنها عامل الفصل (تُكل) ترمي
(طرقة) الكِسرة وتلحق حلة (التقلية)
وتقليته ماسمحه النكلمك
كن بخير يا صاحبي
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: معتصم دفع الله)
|
(شفنا أي شئ وما شفنا شئ)
حميد
...............
ياخينا مبروك وبيت مال وخواجات عديل والسنة الجاية زي ما داير (بالمناسبة إنت داير شنو)
غير الانا عارفو ياسفيان . مرات النفس البشرية دي بتتغاتت علي الاصحاب وبتكون عندها إجندة
خفية , لكن ليك علي أي جند يتحقق ,
أمس جاتني قرفة (قصيرة التيلة) فكت أول ماالليل دخل المهم إسترجعت بوست قديم مخزنو في فلاش
راسي المضروب كان فيهو حكي ياسفيان عن شاهندا وخالد وأغنيات غنيناها سوا .... لعنت الحركات
العاملة كيف كيف ثم تزكرتك جداً وإتذكرت ايام الشظف وإقتسام اللقمة والتفاوض الابودي ولا بجيب
وعموم الحركة الطلابية بالاهلية . تعرف إتذكرت شجرة المستقلين وموسكو وشجرة السيدين الكبيرين
دي طبعاً علي وزن (الاحزاب الكبيرة وكدة) فجاتني مغصة مغصة الله والرسول دي ياخينا.
الجو الزمن داك كان معلب زي برطمانيات الزبدة المالية البلد اليومين ديل لي دة كان من الصعب
جداً إنو الزول يتعمق ويقرا (جوة البرطمانية كان في شنو) وده التحليل الوحيد ياصاحبي أنو أغلب
معرفتنا بالاخرين في الزمن داك كان عرفة (مطابع) وأغلفة .
ياخي الدينا دي وسخة وبت حرام عديل
وكل سنة وانت سفيان وده صدقني أنا شخصياًبكفيني وبفيض لي
خضر
| |
|
|
|
|
|
|
|
|
|
Re: 2/8/.... سفيان بشير نابري.. جاء دنيانا.. (Re: خضر حسين خليل)
|
خضر حسين خليل
يكفي ياخضر أن ما تعارفنا عليه
سنانا سن
بقانا ناس
ايوة نخطي ونصيب ياخضر ومافينا عيب
لانو ببساطة متواكين بعض وعارفين تمام
انو الضلام لابد يطش وانو النجوم تحنان تجي وتحنان تعم
وانو الصباح بيشرق مع صوت المزارعية الغبش وقومة العمال فجر
وانو الجمال وشن قسيم تحلف يمن القمرا ساعة كمال وطير الغراب
يرحل يهج تالا الغياب والنمة والزرودة والفال الحميم تعبق تضج وكل
الطيور الدايحة داجة في البعيد برفيف جناحه وعلي جناه تضمو زين.
ياخضر يكفي انك خضر واني سعيد في حضرتك يا صديقي
| |
|
|
|
|
|
|
| |
Soumeta
منتصر الامين
ضحيه ابراهيم
Emad Abdulla
معاذ الدخري
الطاهر ساتي
طلال عفيفي
الملك
Marouf Sanad
Muna Khugali
hanadi yousif
Shams eldin Alsanosi
Ibrahim Algrefwi
Salah Waspa
Yassir Tayfour
ناذر محمد الخليفة
طارق جبريل
مجدي شبندر
لؤى
ملكة سبأ
عبدالكريم الامين احمد
انعام عبد الحفيظ
وائل طه محى الدين
doma
ريهان الريح الشاذلي
lana mahdi
Mohammed Elhaj
عبدالرحمن عزّاز
نجوان
اميرة الحبر ادريس
مأمون التلب
الفاتح وديدي
سفيان بشير نابرى
ابوعسل السيد احمد
عزان سعيد
Abomihyar
Ahmed Abdallah
إسماعيل التاج
altahir_2
Mannan
الجندرية
عادل فضل المولى
النذير حجازي
ودرملية
fadlabi
Haytham Abdulaziz
الجيلى أحمد
Amin Elsayed
فيصل نوبي
رأفت ميلاد
معتصم دفع الله
خضر حسين خليل
فيس بوك
تويتر
انستقرام
يوتيوب
بنتيريست