|
|
 حيران الوصيـــفة ام حمــــد فقدوا المنطق
|
عليك الله يا كرنقو دي عملية تعملها
في داعي ياخي لي للبشتنة دي
طيب على الأقل كان تخلي الشوط الأول ينتهي
قاليك عموم الوصيفاب في البورد بعد نصيبة كرنقو المامعروف أصلها شنو دي ذاتها فقدوا المنطق وراح ليهم الدرب
منهم من ارعوى و منهم من ينتظر
الشبكنا ليك قبل الكورة انهزموا من سكات
والهددنا قال يوم الخميس كل قرد يطلع شدرته
و القال علينا ذوي إحتياجات خاصة -نظام إعاقة ذهنية وكدا
و حنعمل شنو ما عارف
ونفعل ليكم و نترك ليكم
وعليك امان الله من قولة تيف من شمال كرنقو
فيهم القطع الحركة و فيهم اللبد وعمل فيها ما سمع بي سودانيزأونلاين قبل كدة
وفي الكان لابد من يوم الصفع القاسي وواصل على كدة
وفي مجموعة قامت علي الهضربة
باين حمى الوالي المتألم و الدفنس المتصدع فعلت فعلها
قرينا كلام عجيب عن حكم بايعها و عن عنتر وواحد كدة عميان و عن رزق و حمار مدفون
وإتخيل لو كورة هناي ديك دخلت
ولو الشمس اليوم داك ما طلعت
ولو ولو لو لو لو لو
جنس لولوة واحد
و المعزوفة الدائمة و الفرمالة اللتي ملها حتى اهلها عن الإنجازات الخارجية و مقارنتها بالصفر الدولي
و الحديث - الفطير - عن الفضية الغالية اللتي تسوي 60 لقبا محليا او تزيد
وطبعا ناس لن تهزنا و ستظل ستظل ستظل ما تديك الدرب
و ما جادت به القريحة الوصيفة كسيرة الخاطر و الفؤاد من عجيب التبريرات و غريب الأعذار لديمومة الوصافة و الحزن المقيم
رغم المليارات
ورغم الوعود و الأحلام
و نفخ الإعلام
و جيش المحترفين المتقاعدين
و الحديث عن قوات الملك فلان و السلطان علان
لتتهاوى قصور الرمال امام عنفوان الموجة الزرقاء
وتتطاير الأحلام مع غبار شبكة بهاء إثر نصيبة كرنقو
اها البوست دا نستعرض فيه بعض نماذج خطرفات حيران الوصيفة أم حمد قبل المباراة
ومقارنتها مع خيبة الأمل و محاولة إخراج راس الثور من جرة الفشل و الوصافة الدائمة بعدها
وعلى قول طلحة تنظير : يتبع
|
|
 
|
|
|
|
|
| |
محمد البشرى الخضر
فيس بوك
تويتر
انستقرام
يوتيوب
بنتيريست