|
|
 الدوري الممتاز: المريخ × الهلال .. معركة احتلال الصدارة!
|
ريكاردو البرازيلي يسعى للثأر من هزيمة الألماني له في أول مباراة قمة جمعت الفريقين نهاية الموسم الماضي
يلتقي في الثامنة من مساء اليوم قطبا الكرة السودانية المريخ والهلال في إطار مباريات الدورة الأولى للدوري الممتاز ، ويحتضن استاد الهلال المباراة باعتبارها مباراة الذهاب.
وقد كثف الفريقين من استعداداتهما لهذه المباراة المرتقبة، خاصة بعد النتائج الإيجابية الأخيرة للفريقين في بطولة دوري أبطال أفريقيا والبطولة الكونفيدرالية، والمعززة بالنتائج الإيجابية أيضا للفريق القومي.
يحتل الهلال صدارة الدوري الممتاز برصيد 24 نقطة، متفوقاً على المريخ بثلاث نقاط الذي إثر خسارة الثاني من الموردة في بداية الدوري الممتاز.
وكان الفريقان قد أجرا تمارينهما الختامية أول أمس مع تركيز مدرب المريخ على رفع معدل اللياقة البدينة خاصة بعد الإرهاق الذي أصاب اللاعبين جراء الترحال الدائم داخل وخارج البلاد في الأسبوعين الماضيين.
فيما تعرض مهاجم الهلال النيجيري كليتشي لإصابة طفيفة إثر التحام مدافع الفريق مرق معه ، مما استدعى نقله للمستشفى وإجراء أشعة على قدمه التي ظهرت سليمة.
الهلال حل مشكلة الابراج نهائياً قبل القمة
قام مجلس ادارة الهلال بحل مشكلة الكوابل بشكل نهائي على البرجين الشمالي الشرقي والجنوبي الغربي باجراء صيانة عامة على كوابل البرجين وتتم وضع عوازل لعدم حدوث التماس مجدداً في الكهرباء حتى لا يتكرر الحريق وقال المهندس ايمن هاشم ان هناك تيم من المهندسين سيقوم بتغطية مباراة اليوم كاشفاً ان الحريق الذي حصل في مران الهلال امس الاول كان قد حدث في استاد المريخ من قبل وتمت معالجته·
ادارة القمة محصورة بين 3 حكام
انحصرت مهمة ادارة مباراة القمة اليوم التي تجمع الهلال والمريخ في الاسبوع العاشر علي ثلاث حكام هم حكم كوستي الدولي بدر الدين عبد القادر والفاضل ابو شنب وسبت لبراتو بعد استبعاد حكم عطبرة مبارك سيد احمد واحمد النجومي وخالد عبد الرحمن من القائمة المرشحة لادارة المباراة .
الهلال بالازرق الكامل
تاكد ارتداء فريق الهلال في مباراة القمة اليوم للون الازرق الكامل اكد ذلك الاستاذ الباقر عبد الرحمن الرشيد ممثل الهلال في الاجتماع التقليدي للمباراة الذي جري بالاتحاد العام امس·
المريخ بالاحمر الكامل
اكد مدير دائرة الكرة بنادي المريخ العقيد صديق علي صالح ارتداء المريخ للون الاحمر الكامل في مباراة القمة اليوم·
واعلن صالح ذلك في الاجتماع التقليدي للمباراة كممثل للمريخ بجانب المدير الاداري مصطفي توفيق·
المباراة على النيل الأزرق والإذاعة
ستنقل قناة النيل الأزرق الفضائية اللقاء على الهواء مباشرة، وترددت شائعات عن اعتزام الفضائية السودانية أيضا نقل المباراة ولم تتأكد حتى الآن.
|
|
 
|
|
|
|
|
|
|
 Re: الدوري الممتاز: المريخ × الهلال .. معركة احتلال الصدارة! (Re: Rakoba)
|
.
ازيك يا راكوبة
اول حاجة حقو كان تكتب ( الهلال والمريخ ) وليس العكس
مش لانو الهلال دائما مفروض يكون في الصدارة
ولكن لانو المباراة حتكون في قلعة طلعت فريد
يعني نحن مستضيفنكم ..
ثاني حاجة .. حكاية انو هلال مريخ مباراة ( القمة ) دي انتهت من زمااان
الهلال متربع على القمة وخالف رجليهو
..بقية الأندية بما فيها المريخ شوف ليها ( مسميات ) تانية
ثالث حاجة ..نحن لا الجيش ولا الشرطة ولا كل القوات النظامية وغير النظامية بترهبنا
لانو مصنفين ( كبار) والزول الكبير ما عندو كبير ..
رابع حاجة ... بتمنى أسود الهلال ما يتهورو الليلة ؟؟
.
| |
|
|
|
|
|
|
|
|
|
Re: الدوري الممتاز: المريخ × الهلال .. معركة احتلال الصدارة! (Re: Rakoba)
|
يا راكوبة
ما رأيكم في مقترح سلام شامل يزيل عنا هذه الحــرب التي هلكت
أعصابنا وأقلقت منامنا ؟!
ياخي إنتَ أضرب لي العجب، وأنا بضرب لي هيثم مصطفى، نقول لي
كل واحد طلعوها درون واتنافسوا على حصد النقاط في مباريات
الفرق الأخرى ويا دار ما دخلك شر.
فترنا عديل كده، واتجهجهنا، الواحد يصبح مبسوط وفي أمان الله،
يقوم يتذكر هلال مريخ واحتمالات الخسارة الدنيا تضلـّـم في وشـّـو!
يعني أسي لو الكورة انتهت بي قوون جابو هيثـم كمال  نحن نعمل
شنو يعني؟! وأولادنا ذنبهـم شنو عشان نجي راجعين البيت مبـوّزين
وصارّين وما دايرين كلام في أيّ موضوع؟
أقول ليك حاجة، البلد ذاتها ما فيها كورة
___________________________
ما قادر أقول طـمبـل
| |
|
|
|
|
|
|
|
|
|
Re: الدوري الممتاز: المريخ × الهلال .. معركة احتلال الصدارة! (Re: Ahmed Alrayah)
|
ودالريح
الرشاشة الأكبر
قبل كده عملت اقتراحك ده مع رشاشة مختفي الأيام دي! وكان رد هيثم مصطفى عليهو انو موافق طوالي، ولكن لمن كلمت الملك فيصل رد غاضباً الميدان بس ، وأردف قائلا الجماعة ديل حدنا معاهم قون بي جاي وقون بي غادي وخلي داريو يحاور تاني
قبيل في عالم الرياضة فوزي ظاهر عليهو مغلوب مغلوب! وحكاية البرير الحرش مرق دي عاملة (قلق) شديد جداً
| |
|
|
|
|
|
|
|
|
|
Re: الدوري الممتاز: المريخ × الهلال .. معركة احتلال الصدارة! (Re: Rakoba)
|
| Quote: الغريبة الرشاشات كلهم عاملين ساتر المرة دي |
انت عارف يا راكوبة بصراحة المرة دي القصة شكلها كده (غير)
قبل ساعات اتصلت بالبوردابي الهلالابي (خليل) المشهور بالتكهن بنتائج المباريات
وتكهانتو ما (تخرش منها الموية)..!!
قلت ليهو اها كيف الليلة..
تخيل قال لي 2- صفر للمريخ..
يبدو ان عطلا ما قد اصاب اجهزة الرصد بتاعة خليل محمد خليل ده.
| |
|
|
|
|
|
|
|
|
|
Re: الدوري الممتاز: المريخ × الهلال .. معركة احتلال الصدارة! (Re: Raja)
|
يا عبدالكريم قول جعان وحنباصي ليك سندوتش مدنكل
سلام يارجاء
وبالله باصي السندوتش ده (حسع) دي قبل المباراة
لانو مافي ضمان مباصة بعد ابو الهل ما يمارس هوايته التاريخية الليلة
ويبقي علي الببقي عليكم انتي وراكوبة ودكتور طارق
انتو مغلوبين وانا في انتظار سندوتش لن ياتي ابدا علي قطار هزيمة المريخ
| |
|
|
|
|
|
|
|
|
|
Re: الدوري الممتاز: المريخ × الهلال .. معركة احتلال الصدارة! (Re: عبدالكريم الامين احمد)
|
ياراكوبة لو غلبتوا زاتو
الصدارة دى ما بتشموها قدحة
يادوب درون
وبعدين بترجفوا مالكم
يارجاء
غايتو انتو حضروا السندوتشات
ونحن بنجهز الكلتشات
ياود جبريل
احمركم ده الا نخليهو ليكم زى حق ربيع 3
اما صديقى راكوبة فخايف الليلة ما اشوفوا
بعد الكورة
بعدين دى ما معركة دى اسمها فكفكة
ياحليل الاتحاد السوفيتى السابق
كرومة خليك فى المطامن من الارض
وتحياتى لخليل
معقولة من اغسطس 2001
عيييك زمن
| |
|
|
|
|
|
|
| |
Rakoba
طارق جبريل
Raja
).. كل ما أتذكرها أضحك براااي
هاشم أحمد خلف الله
عبدالكريم الامين احمد
عامر تيتاوى
..
شهاب الفاتح عثمان
Mohamed Abdelmotalib Hassan
Dr.Saeed Zakarya Saeed
سفيان بشير نابرى
bob
Sayed Bekab
Abomihyar
Kabar
رأفت ميلاد
Yassir Tayfour
جلال ناصر
فيس بوك
تويتر
انستقرام
يوتيوب
بنتيريست