|
|
 Re: ركـــن بنات وأبناء كســـلا ( خيــرات) (Re: Abubaker Kameir)
|
Quote: الخال علي محمد علي بشير ( الحداد )
ولا ما صاح الاسم ده يا خال
تحياتي وحبي لك وقد طالت بنا الايام والسنون ولم نلتقي بعد ولكن ,,,, كتر خير سودانيز او لاين والقائمين علي امرها ,,, |
نعم ,, انا هو خالك بشحمه ولحمه
وكيف اخبارك انتا واخبار الاهل بكسلا والامارات
ووين ياسر وعادل ؟؟
وتقبل تحيات هشام حسن حمد
| Quote: ربنا يرحم فقيد الشباب الاخ صلاح حسن حسين. لقد قابلت الاخ الاستاز سيف حسن حسين اكثر من مرة في اجازتي السابقة |
الاخ كمير
نعم ,, الرحمه لفقيد الشباب صلاح ,, وربنا يجعل الجنه مثواه الاخير
والاخ سيف بصحه جيده ,, وتشكر على الكلمات الطيبه .
| |
 
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: على محمد على بشير)
|
الجميل دوما,,,
والرائع فينا رغم البعد والشتات
الخال علي محمد علي بشير...
وجدت نفسي وانا اطالع ما خطته يداك وبدون سابق إنزار ازرف الدمع سخينا علي كل الذين رحلو من دنيانا سواء إلي الرفيق الأعلي أو إلي البعيد سعياء وراء الاحلام وتحقيق الذات في النهاية كان البعد هو القدر ,,, وما ذادني نحيباً ذكرياتي التي خلت اقصد ذكريات طفولتي بينكم التي راحت في ادراج الرياح ودواليب العواصف إلي غير رجعة فقط تبقي بدواخلنا بحلوها ومرها ... وانني لأضحك كثيراً عندما تعاودني احلام الطفولة حيث انني كنت احلم بعالم سعيد ,, ولم اكن اعلم ان خلف كل قيصر يموت قيصر جديد ( كما ترنمت عقدالجلاد ) ,,, نعم إيها الخال الوفي إن العيال كبرت وليتها لم تكبر حتي لا تعاني تلك الفرقة والشتات والنوي ,, ومهما كبرنا فإننا نحتاجكم ونحتاج وجودكم ودفئكم الذي يعني الإنتماء إلي الذات ,, هذه ليست حروف للنشر إيها الخال البعيد ولكنها حقيقة ما يدور بنفسي و(الرجوع للبيت القديم) هل وقفت مع نفسك يوما لتعلم مدي الحوجة إلي الأهل والذات وحب الإنتماء ...؟
قد تجدني أكتب إليك وكأنني في أسي ولكن تلك هي المشاعر التي إنتابتني رغم فرحي العارم بلقائك علي طريق الصدفة والتي كما قيل افضل من الف ميعاد...
الخال المتواجد فينا ..
نعم متواجد فينا بكل صدق فأنا اتذكرك وبكل تفاصيلك إيها المديد في القامة الاخضر السحنة وقد تكون إذدت خضرة أو عدت إلي السمرة بفعل الزمن الردئ .. لكنني اتذكرك جيدا بشعرك الحالك في السواد إلا أن تكون قد أصابته عوامل التعرية مثل ما اصابني ( والله يا خال صلعتي بقت كبيرة كبر) أو تكون قد ظهرت نيتك عليه متفرقة هنا وهناك أو .. قد إكتسي تماما .. ولكن تبقي انت بداخلي وفي مخيلتي بأخر شكل رايتك عليه ..
فلك الله ايها الخال الأصيل ورد الله غربتك ومتعنا معك بجميل صحبتك ,, وللوطن الجريح ,, فقد علمتناالايام كيف نصنع من احزاننا كرنفالات للفرح نراها عبر ابتسامات الاخرين ..
ولك جل تقديري وإنتمائي إليك إيها المسكون فينا صدقا...
ولك صافي الوداد عطرا
وكيف اخبارك انتا واخبار الاهل بكسلا والامارات
ووين ياسر وعادل ؟؟
أخي ياسر إيضا يجري في تلك الفانية وهو متواجد بالخرطوم وأما عادل فانه في المملكة العربية السعودية مقيم فيها ما أقام البترول بها
أما اخبار الاهل فانهم جميعا بخير وصحة والف رضي عليهم
وأما اخباري انا فأنا بخير وكفي ,,, ولا اريد سوء ذلك ..
ديم علي التواصل فأنا اشتاق ان اجدك مرارا وتكرارا وهذا بريدي الالكتروني
[email protected]
حتي نتلاقي علي المسنجر
خالص الشوق والتحيات للأخ (إبن خالتي هاشم ) وقول ليهو الف مبروك بنيت هاني وتتربي في عزكم وافيدوني بتفاصيل حياتكم واخباركم علي المسنجر يا خال
الاخ كمير
لك الحب والوفاء ,, فالخال سيف الدين بخير وصحة وكل الاصحاب بكسلا علي اتم الصحة فقط البعد هو ما يؤجج الذكري وتشكر ياعم واخبارك شنو ,,,,,
وفي الختام
لكل شباب كسلا وكل الحلوين انتم لا تنقصون شوقا وحبي لكم
منتصر حول
( ود زبيدة )
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: منتصر حسن محمد)
|
الأخ كوليل
مرحب بيك ورسلن ليناتلفونك في الماسنجر الداخلي لمزيد من التعارف
منتصر حسن حول
نرحب بك في هذه الساحة وهذا المتنفس الذي يجمعنا مع أحبابنا الذين فرقتنا بهم السنون
وربنا يرحم الأخ صلاح حسن حسين ، وقد تحدثت الى عمران لضرورة ظهوره ولكن انت عارف مشغوليات السعودية دي ، المهم أتقبلوا ظهورنا من فترة لفترة لانو اليومين دي الدنيا أخر سنة وتقفيل حسابات وعينك ما تشوف إلا النور .. وأنبهكم للأرشفة القريبة لمواضيع المنبر عشان كدة لو بكري عاوز يأرشف وفتح بوست بذلك وانا مافي أدوه الرابط بتاع البوست دا عشان ينقلوا للعام القادم ...
الأمين
ياخي ماشاء الله على ذاكرتك دي والله ماشاء الله كل الحاجات دي بتذكرها كيف ؟
على محمد بشير
يازول العيال مش كبرت ! أنت زاتك كبرتا ، والله الواحد بقى لمن يمشي كسلا يخجل مايعرف أولاد أختو فجاة كدة الواحد يكبر ويناقشك في مشكلة الجنوب 
أبوبكر كمير
ليك مدة مابنتّا ونحن في إشتياق لشوفتك وين أنتا ، تحياتي للمدام ولمحمد وخليفة
منتصر أها البوست أمانة عندك 
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
Quote: الأمين
ياخي ماشاء الله على ذاكرتك دي والله ماشاء الله كل الحاجات دي بتذكرها كيف ؟
|
انت بعد دا خلاص قربت يا صديق بقى ليك شوية واديك الديكودر
من نعم الله علي حباني بي الذاكرة دي بس مرات تسبب لي مشاكل لاني ما بنسى السمح والما سمح
غايتو نافعاني في الشغل قاعدة تاكلني عيش
وما عايز املا ليك البوست واستلموا براي
لاني لو بديت ليك ما بقيف وحاذكر تفاصيل تدهش
| |
|
|
|
|
|
|
|
|
 Re: ركـــن بنات وأبناء كســـلا ( خيــرات) (Re: كوليل)
|
الشاب صديق رحمة
وصية ما علي البال ,,,
الاخبار والصحة انشاء الله تمام
تقبل تحيات ناس البلد
علي محمد علي بشير
الخـــــــال انتظارنا طـــــــــال
وين إنت عشان ما نكتر الســـــــؤال
ولك ودي
كل الحلوين
ابقو ظاهرين الحاصل شنو
up
ود زبيدة
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: منتصر حسن محمد)
|
يا الله يا صديق رحمة
من اين جاء هؤلاء الأحباء
على محمد على بشير
والله وعزة ربي لم تذهب من بالي قط
أذكرك وكل ما له علاقة بك
منتصر ود زبيدة
ود أختي
بالأمس فقط حين إتصلت (عفاف) كانت زبيدة أول الذكريات
أنتم في دمي وأتابع مع عادل كل ما يخصكم ولكن كما قال على محمد على بشير العيال كبرت
وها أنت ود أختي تكبر ويكبر يراعك بكل هذا الجمال الذي يحتوك
للأٍسف الشديد مشغولياتي فوق ما تتصور ولكن لكل أجلٍ كتاب وسأعود منتظماً في هذا الحوش الذي يجمعني دائماً بمن أحب
إلى صديقي ورفيق عمري المرحوم صلاح الدين حسن حسين الديب
حتى أحلامي ما زلت تشاركني إياها
حتى نكاتك ما زلت أرددها
حتى صدى ضحكتك ما زال يرن في أذني
رحلت منذ ثلاثة عشر عاماً وما زلت كما أنت في قلبي ودمي
حتى الدعاء ما زال فمى وقلبي يردده لك
أسال الله لك الرحمة والغفران
وآآآآآآه يا صلاح
منتصر كبر وصار رجلاً
أولاد زبيدة يا صلاح صاروا رجالاً يملأون آفاق الأرض صخيباً صالحاً
.
.
.
.
على محمد على بشير
أين أنت؟
عمران حسن صالح
الرياض
506408622 - 966+
للأمر بقيات كُثر ولكن ليس بيدي وسأعود حتماً لهذا الحوش وبوقت كآفي للتحدث
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
الاخوة و الاخوات الاعزاء
لكم جميعا التحايا و الاشواق
* احر التعازي للاخ منتصر في فقد عمه ، نسأل الله أن يسكنه فسيح جناته ويلهمهم الصبر
الجميل و انا للة و الية راجعون
* الحبيب الاديب صديق ... ليك وحشة ... كيف عامل مع الحياة الزوجية؟ تحياتي لكل افراد
الاسرة
ابوبكر كمير
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
Quote: الذكرى (11) لرحيل الفنان عبدالعظيم حركة
تمر هذه الايام الذكرى الحادية عشرة لرحيل أحد اعمدة الغناء السوداني وصاحب المدرسة المتفردة الراحل الفنان عبد العظيم عبد الله الشهير «بحركة» ولد عبد العظيم حركة عام 1946م بمدينة كسلا وبدأ نشاطه الفني لاعباً لكرة القدم بنادي الميرغني كسلا ولقبه الاذاعي الراحل الوزير محمد خوجلي صالحين «بحركة» لحبه «للمحاورة» عندما شاهده يلعب لفريق التحرير البحراوي «أستاك» سابقاً.
بدايته الغنائية كانت في المدرسة المصرية الثانوية بالخرطوم وحيث تخرج فيها وعمل موظفاً بوزارة الصحة ثم الامدادات الطبية والمناطق الحارة ثم مستشفى التجاني الماحي حيث قدم الفواصل الموسيقية للمرضى وعاون الاطباء في فقرة العلاج بالموسيقى وتدرج في الوظائف حتى وصل الي مراقب اول بالمستشفى.
ثم التحق الفقيد بسلاح النقل بالقوات المسلحة في وظيفة رئيس الفرقة الموسيقية للسلاح وذهب لاداء العمرة ووافاه الاجل المحتوم بالسعودية في 2/4/1993م خلال مسيرته الفتية غنى للشعراء، احمد حميد، عبد الوهاب هلاوي، عبد الله معاطي، حسن الزبير، اسحق الحلنقي، مختار دفع الله، وآخرين.
ولحن له احمد حميد، بشير عباس، عبد الرحمن عمر وأغلب اغنياته لحنها هو.
من الاغنيات على سبيل المثال: ارض الحبايب، يا قلبي توب، قلبي ما بيعرف يعادي، القليب الراسمو حنة، زهرة الياسمين، عشان خاطرنا ترجع، أنا غنيت ليك أغاني انتو يا ناس كسلا، مالو الزمن.
التحية لعبد العظيم حركة في ذاكراه الحادية عشرة والتحية للاذاعة السودانية.
ولكم حبي
|
عن جريدة الأنباء
| |
|
|
|
|
|
|
|
|
 Re: ركـــن بنات وأبناء كســـلا ( خيــرات) (Re: Sidig Rahama Elnour)
|
كسلا السواقي .. وأرض القاش .. يا للروعة
وقطع شك لازم قاطنيها يكونوا بنفس الروعة
سلاااااااااااااام لكل ناس كسلا الحلوين
....
ويا صديق يا رحمة النور
ازيك يا صديقي في زمن ما....
أكيد بصلعتك الشايفها دي ما حتتذكرني
وبيني وبينك لو ما كنا بنناديك باسمك الثلاثي
من الزمن داك ..واللي كان في القرن الماضي
أنا ذااااتي ما كنت حأتذكرك
.....
انا زمان كنت زول شااااااطر وكنت الأول بتاعكم عديل كده
اوعك تنكر ... اعترف
لكن بعد داك والله بقيت بليد بلادة عجيبة خلاص
قبل فترة رسلت ليك رسالة عبر الموبايل وما اشتغلت بي.. طنشتني هاهاها
.........
يا عزيزي ..
اتمنى أن تجمعنا الأيام..فلا زلت احتفظ لك بكثير من الود
الف مبروك زواجك .. وعقبالنانحن عجائز القوم
ولجميع ابناء كسلا الرائعة عاطر التحايا
حاتم أحمد إبراهيم
الرباط
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: hatim ibrahim)
|
حاتم أحمد إبراهيم يااااااااااااااه والله زمن
أشعر كأن الأمس تشّكل في داخلي بزيارتك...
بزيارتك عادت اليّ تلك الأيام ورافقني طنين الصوت منذ إفتراقنا ولا أشعر بفراقك لحظة ...
بالطبع هناك بعض الفسحات التي أتمتع فيها بالسكوت عن طيفك وليس بالنسيان
أذكرك يا صديقي حاتم كما كنت بالأمس ، وأتذكر تلك الطرقات المفضية الى ساحة القلب حين تقسي المدن وتغمرنا بغطاء التوهان وتسقط ذاكرة الأيام في متاهة الإنشغال
فهل لي بلغة مشاكسة ، تعيد إستحداث الأشياء وتسكبها في رمز القول الجاذب ؟؟؟
حتومي
أكتبني على ورقة قلبك ، وأخبرني ماذا فعلت بك الأيام !!! أرسل لي أيميل على عنواني
[email protected] أو [email protected]
وأرسل على تلفوني 508871945 - 966 + ، وحاشا أن تصلني رسالة منك وأطنش هو أنا لاقي ؟
هذا هو صديقنا أبوبكر كمير واحدٌ من الزمن الجميل حين كنا سوياً في مدرسة غرب القاش فأنت الأول باقٍ فينا ، ولن أتخيل أن شخصاً مثلك يملك كل ذلك الذكاء سيهزمه الزمن
كما أنك في الرباط أحدى مدن الجمال التي تجعل اليباس ينحسر عن شفاه الحياة حينما يلفنا السديم ويغلفنا الضباب ...
كنت ألتقي أبوهريرة بإنتظام وأساله عنك بلهفة قبل أن تخطفنا يد الغربة منذ سنوات ...
أكتب لي تفصيلاً ياحاتم عنك وعن هذه الأيام التي فصلتنا وعقبال عندك الزواج والأولاد والفلوس الكتيييييييييرة وربما غدٍ جديد ... أنتظرك
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
بسم الله الرحمن الرحيم
(...يإيتها النفس المطمئنة إرجعي إلي ربك راضية مرضية و أدخلي في عبادي وادخلي جنتي ..)
صدق الله العظيم
كل الأهل والأحبابإبناء وبنات حوش كسلا لكم جل شكري وتقديري ولكل من وارسل معزيا وكل من هاتف بتعازيه في فقيد الأسرة العم محجوب محمد محمد عثمان (حق الله ) وجل تقديري للأهل بكسلا و نسأل الله العلي القدير أن لا يريكم مكروها في عزيز لديكم .. وللفقيد الرحمة والمغفرة وتقبله الله قبولا حسنا ولنا ولكم ثواب العزاء ورفع البلاء وأن لايحرمنا أجره ولا يفتنا بعده ...
إناء لله و إنا إليه راجعون
ود زبيدة
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: منتصر حسن محمد)
|
منتصر حسن
تحياتى الطيبة
وأحسن الله عزاؤكم فى عمك محجوب محمد محمد عثمان " حق الله "
لا أدرى إن كنت تعرفنى أم لا .. فأنا من أبناء كسلا أيضا , ولكن ما أوقفنى هنا .. وأريد التأكد منه حقا .. هو أسم "حق الله" , فهل هو نفسه "حق الله" شقيق الفنان حسن حًول , وباك فريق الترعة سابقا ؟؟.
لك الشكر
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: Dr Mahdi Mohammed Kheir)
|
شكراً لمشاعرك الطيبة التي هي ديدن أهل كسلا وشكرا لكل من واسانا في فقدنا ونسأل المولي أن لا يريكم مكروه في عزيزا لديكم ...
| Quote: أسم "حق الله" , فهل هو نفسه "حق الله" شقيق الفنان حسن حًول , وباك فريق الترعة سابقا ؟؟. |
نعم هو نفس الأسم الذي تعرفه ,, فهو شقيق حسن حول وأنا الإبن الخامس لحسن حول
و أتمني أن يمتد التواصل بيننا
ولك حبي و خالص امنياتي
| |
|
|
|
|
|
|
|
|
|
Re: كسلا ...للفنان التاج مكى (Re: Sidig Rahama Elnour)
|
كســـــــــلا ...
عيد جديد؟؟!!!
سلام من اقاصى الدنيا والزمان لو ابرقت فيه سحابات حوامل لم يكن فيها جنين كالتى من بلادى...
عيد جديد؟؟!!
دعونا الان نقترح القوانين المواكبة لاترباك الموج ؛ نلغيها احاسيسنا..ونصنع من زغاريد النواح المحتدم انشودة للارتياح او شهوة للانسجام..
عيد جديد؟؟!!
وعرس العيد مدخرُُ ليوم عرسهُ نحن .. شربنا كاس ماضيه ..هضمنا كل حاضره.. طبخنا الاخر الاتى وسقنا هذه الوقفه لليل الحزن فى بلدي ..شعاع الموت يابلدى ..ذهاب الماء بعد الماء كارثة ..خيول الشمس دون صهيل كارثة...
وعيد جديد؟؟!!
وتمنياتى لكم بالتمتع بالشوق عند الخفقة العليا ؛ بى همسة التوليف فوق الحاسة العليا..
و بالصحة وترا يدندن كى يزيد العافية اصرارا..وانتعاش الامسيات...
لكم مقعد الفرح ؛ولوحة الطفولة ؛ وفرح للتصفيق..
تعالوا نجرب الضياع المتجرد خلف صورة ماهولة بالمعانى.. ربما صورة ماهولة بالصور التى ودعت مفهوم التقيلد وازدهرت....
كل عام وانتم بخير وصحه ..
والسنه دى قبل الجاية تحقق الامانى ..
دمتم بعافية ويحقق الامانى للجميع ..
من كل قلبى لك الحب..(Sidig Rahama Elnour)..
اول ايام عيد الاضحى
معتز تروتسكى
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: NASERELDIN SALAH)
|
بنات وابناء كسلا الجميلة
ناس الختمية والسوريبة والميرغنية وناس السوق والمربعات والشعبية والحلنقة وجبال التاكا ومكرام والسواقي الشمالية والجنوبية وغرب القاش وناس حي العرب والعمال.
اليكم جميعا اندى التحيات
اسأل عن صديق لي من ايام الدراسة الجامعية اسمه سيف الدين قسوم من ابناء المربعات.. عمل معلما في الثانوية بكسلا لفترة قصيرة قبل ان يغادرها الى ارتريا للانضمام لقوات التحالف ثم غادر ضمن برامج توطين الامم المتحدة الى الدانمارك، حيث انقطعت اخباره عني. ارجو من يعرفه ان يدلني على عنوانه او رقم هاتفه او بريده الالكتروني..
ولكم ولكسلا الحبيبة الى نفسي اجمل التحايا.
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: حسن البشاري)
|
الأخ العزيز معتز تروتسكي
دعني أتبعثر في دف كلماتك حين تنفخ في دمي الحياة وتعيد جذوة الإنفعال
حين ترفرف في الأعماق وتصير شمساً وياسميناً من وراء الغيوم والبحار وتتوهج في سنابل حبك
كل عام وأنت بخير يامعتز والسنة الجاية أخصائي
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
الاخ العزيز طارق أحمد أبوبكر
يالهذا الحنين الذي يمخر دمي عندما رأيت موقع السكناب ، وكيف أن كلمة سكناب تهديني السرور وتملي ذاكرتي بالطفولة حيث ولدت ب(سلّوْم) جنوب بورتسودان
الموقع جميل ويحتاج الى بعض الإضافات وبعض الإبداعات البجاوية التي تتخم وجدان السودان
كما أرجو أن تزورنا في موقع كسلا www.kassalahome.com ، ويسعدنا أن نتعامل معك وتتعامل معنا
شكراً على المجهود المقدر في بناء السكناب
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
اخي العزيز صديق
تحياتي واشواقي
هل تعلم ماذا عمل فيني هذا البوست العجيب نقلني من اقاصي الدنيا بسرعه الضوء الي كسلا التي وضعت بصماتها علي ارواحنا لاادري من اين ايداء اعرفك بنفسي اولا انا دفعتك في كسلا الثانويه واسمي بالكامل اسامه حسين وهبي محمد سعيد من ابناء الميرغنيه حئ السوق درست الابتدائيه في الميرغنيه الشرقيه والمتوسطه في الاهليه ثم كسلا الثانويه ودفعتي خالد حميده ومحمد شاش واحمديه والطيب عبدالرحيم وعباس ايراهيم وقائمه الاحبه طويله جدا وفي البوست مرت اسماء لها مساحه في الذاكره ابوعاقله وكمير واحمد طه فلهم التحيه طبعا الاسماء والاحبه في كسلا كثر وعلى راسهم توام روحي رفيق عمري ياسر هاشم الولي
سنواصل
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: اسامه سعيد)
|
الاخوة و الاخوات
كل سنة و انتو طيبيين و ربنا يحقق امانيكم جميعا
ارحب بكل الاخوة و الاخوات الجدد و خاصة الاخ العزيز: اسامة
نعم يا اسامة كانت ايام جميلة:
الظريف خالد حميدة , محمد شاش , احمدية , ياسر هاشم الولي.
و شلتكم بتاعت سوريا:
انت , ياسر هاشم , خضر خضر , منتصر , عبد العزيز الجاك عمارة , خالد حامد و السر نصر
* طبعا انتو انتقلتو الي بانت و اذكر حضرنا زواج شقيقتكم
* كذلك كانت هنالك رحلات و برامج سوف تظل زكرياتهاخالدة
لكم الشكر و التقدير و الي اللقاء قريبا
ابوبكر كمير
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
صديقنا حسن البشاري
ومن خلال التحية لك والشكر نرسل التساؤلات أيضاً عن الصديق الغائب عزالدين قسوم الذي زاملني في جامعة السودان فترة وجيزة وكان أيضاً طالباً بجامعة ام درمان الإسلامية وإنقطعت أخباره عني بعد ذلك
سأحاول أن أبحث من احد معارفه عن عنوانه أو تلفونه وأمدك به فكن متابعاً لنا وكن دوما بخير
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
الاخ الكريم أسامة سعيد
ذاكرتي الخربة تعتمد في إستحضار ماضيها على طبقٍ مكسور مشوش بغبائن وذبذبات الزمان
كل شيء بدا بعيدا ووحيدا وغامضاً في هذه الغربة ، حتى أسماء أحبائنا وحتى حينما نتجول في كسلا ، تحس وكأنك هبطت الى أرض أخرى لم يكن لك فيها كل تلك الذكريات فلم يبقي لشرفتنا غير الستائر التي تهتز اعلانا عن ميلاد موسم البكاء فلاتغضب مني أذا ضاع أسمك في تلافيف ذاكرتي الخربة والبركة في ناس كمير المتذكرين أي حاجة بتفاصيلها ....
شكراً لحضورك هنا ونرجو ان يدوم التواصل
أخي أبوبكر كمير
لله درك يارجل يحفظ كل هذه الأمكنة والشخوص ، وكل هذه التفاصيل في لمحةٍ من ثانية
كم يعجبني هذا الإحتفاظ وهذا الولاء لماضيٍ أنفصلت عنه قصراً ل15 عام حسوماً ... تحياتي عبرك للأسرة
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
اخي العزيز ابوبكر كمير
لك التحيه والتجله وانت تذكرني باغلي الناس والله يا كمير ذهبت الي كسلا قبل سنتين لكني لم اجدها كماتركتها فعل بها اعداءها الكثير وعاقبوا اهلنا الطيبين هناك عقابا جماعيا لاحظت هناك غيم كثيف من حزن اظنه مقيم منذ زمن طويل لذلك انحزت الي نفر قرر اعاده كسلا الي اهلها عروسا تختال بخلاخيلها
كمير انت وين وبتعمل شنو اسئله كثيره لك اميلي للتواصل
[email protected]
اسامه
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: اسامه سعيد)
|
صديق وكل الشباب سلامات
ياصديق اسامة دا خلي لي الراجل دا اقول عليك شنو بس 00 بعد كم مداخلة بتعرفو تماما
اسامة دا زمان كان يوقف الحركة يا زول
يا راجل انت بي جاي وانا افتش فيك بي هولندا
شوف الاسم المربع دا وشوفو يطلع بعد كم بيت من بيتكم
كدي اول شي رسل تلفون كجبير لانو مالاقيهو وعبد المنعم جوالو مقفول ليهو زمن وما عارف الحاصل عليهو شنو ولا حتى جمال منو خبر
يا حليلك يا اسامة وحليل قشراتك وحليل بقالة الشاذلي 00 مش كان اسمها كدا وللا بخرتو كمان
اسمع عبد الرازق الشنقيطي اتصل عليك
اديني الاخبار يازول
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: الأمين عثمان صديق محمد)
|
اخي الحبيب
الامين
كل سنه وانت طيب والله مشتاقين واخبار الاهل شنو سعدت جدا بمداخلتك وبعدين يا امين لوانا زمان كنت بوقف الحركه صدقني انت كنت الحركه زاته
امين عاوز اعرف اخبارك عرسته ولا لسع واخبار اسامه وعادل علي الشيخ شنو بمناسبه عبدالرزاق قابلت اخي الدكتور محمد احمد طاهر في زقاق كده واداني اخباره
طبعا يا امين انا لقيت الونسه مع ناس كسلا وقعدته نشرب في الجبنه ونقرقر ومن بعيد شايف كداره ماشي مع عادل شنان الظاهر عندهم صبحيه وراهم عمك عطا المنان شايل قفه النيفه وسامع ليك معاويه بركات بشاغل ناس التاكا وربيع مكرب عامل ماسمع وقبل شويه جاماري بيجاي محمد عوض والبعيو الظاهر الليله حل الجديدفيها ربه هو امين انا جاني تلفون برجع ليك شفت يااخوي الهضربه دي
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: الأمين عثمان صديق محمد)
|
الاخ الحبيب الاديب صديق:
يا سيدي كسلا و اهلها و زكرياتها دائما في القلب مهما طال الزمن او جار. و كما قلت في احد
البوستات السابقة انا كنت محظوظ جدا بانني سكنت فترة في حي المرغنية اثناء المرحلة الثانوية
ودية كانت فرصة جيدة لمعرفة المزيد من الاصدقاء.
طبعا كل حي عندو نكهة و مزاق خاص و الحياة فية تختلف بعض الشي عن الحياة في المناطق الاخري. و
ازكر ان خالد حميدة شقيق معاوية حميدة دفعتنا وهو با المناسبة من ظرفاء مدينة كسلا ... كان
يقول لي انت جيت من بانت مسكين و خجول و متخلف و نحنا في المرغنية علمناك الحضارة حتي اصبحت
زول متحضر تعيش في حي راقي ينعم با الكهرباء و الاضاءة و بة السوبرماركت و البوتيقات و النوادي
و الجكس.
الحياة كانت حلوة و رايقة و الناس طيبة و البلد كانت كريمة و حنينة
الاعزاء اسامة و امين:
اتفق معاك يا امين ... اسامة كان راجل قيافة و اخر شياكة. و طبعا بقالة الشازلي عبد الحميد
كانت ملتقي جامع. الناس كانت شلل و برامج و رغم انو انتو كنت شلة اكبر مننا لكن كنا نعرفكم
الشكر و التقدير و الي اللقاء قريبا
ابوبكر
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: Abubaker Kameir)
|
الحبيب كمير اخو صاحبي خليفة
| Quote: اتفق معاك يا امين ... اسامة كان راجل قيافة و اخر شياكة |
ولحدي ما سافر كان قيافة ياخي دا هو ومحمد شاش ماكلين علينا الجو 00 ولد حاكم الاقليم الشرقي واوجه شاب في الاقليم الشرقي 00النبق كلو ماكلنو براهم ياخي ديل كنا ندافس معاهم جنس مدافسة عشان نطلع لينا بي نبقة واحدة وبعد دا يمكن يكون ماخدين منها قرمة | Quote: و طبعا بقالة الشازلي عبد الحميد كانت ملتقي جامع |
البقالة دي كانت نادي بي حالو وكانت عندنا فيها صولات وجولات
| Quote: معاوية حميدة دفعتنا وهو با المناسبة من ظرفاء مدينة كسلا |
كلامك صحيح معاوية دا كان عفوي وحاضر النكتة وخالد اخو برضو راجل لطيف ودمو شربات
كسلا والله لو كتبنا فيها للصباح ما نديها حقها
تسلم يا كمير وخليك قريب
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: الأمين عثمان صديق محمد)
|
أحبتى وأهلى
سـلامات
أخوانى :-
أسـامة سعيد و الأمين عثمان وكمير
عذرآ لمداخلتى فما أروع ما كتبتم وعليكم الله ماتقيفوا. أجد كسلا فى سطوركم. عفوآ لن أستطيع المواصلة .تكفى روائعكم .
الأخ / عبد الرازق الشنقيطى غادرنا للسعودية قبل يومين بعد إستلامه الجنسية الأمريكية وغير أسمه { أبورزقه الأمريكى }.
مع ودى العميق للجميع
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: Abubaker Kameir)
|
نرحب بالأخت عائشة حميدة في بيتها وبين إخوتها هنا ...
الإخ الجليل طارق جبريل ، مرحباً بك وسوف تجد لتساؤلاتك إجابة ، فقط رابط هنا
منتصر حسن ، أبوبكر كمير
سلام ومحبة ... أرجو تقبل غيابي عنكم من محطة عملي الجديدة الرياض
..
..
.
نواصل كلما وجدنا الى ذلك سبيل
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
Quote: الاعزاء ابنا كسلا كيفنكم
هناك اشخاص اعزاء درسوا معي في الزقازيق بمصر لا ادري اين هم الآن:
- الرشيد هاشم الوقيع
- احمد اسماعيل شاويش
- مصطفى محمد الحسن
وايضا لي اهل في كسلا وهم كثر:
- خضر ياسين
- عثمان ياسين
- على وداعة الله موسى |
اولا احي الاخوة الحضورالكرام
وتحياتي لك اخي طارق وانشا الله سوف اوافيك باخبار كل من زكرت فانا اعرف معرفة شخصية وهم كله ابناء حينا ولي معهم صلات حميمة وصداقة جميلة مع فارق السن وعبرك احي اعمامي الاعزاء اصدقاء والدي عليه الرحمة الاعمام عثمان وخضر يس واسرتهم الكبيرة وابنائهم وخاصة الصديق توفيق عثمان يس
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
الأحباب اهل كسلا الوريفة
الشاربة من الطيبة ديمه
لك التحية والاجلال ولكم الود
غادرنا من جدة الشاب الوجيه الحبيب النسيب جلال محمد نور منتقلا لخدمة الوطن الحبيب وخدمة مدينة كسلا الخضراء آثرا بها علمه وخبرته ... بقدر ما حزننا لفراقه بقدر ما سعدنا لمساهمته الفاعلة فى مجال حيوى وهام ونرجو ان يوفقه الله ...
بلغوه تحياتى
ولكم الحب كله
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: أحمد طه)
|
انا لله وانا اليه راجعون
رحم الله العم والوالد ..الفقيد اللواء سجون هاشم الوقيع واسكنه فسيح جناته مع الشهداء والصديقين وحسن اولئك رفيقا والهم اله وزويه والصبر الجميل وحسن العزاء
واحر التعازي للاخوان الاعزاء طارق والرشيد وعلي والاخت حنان والوالدة وكل اسرة الوقيع وال عطا وال عبدالله البشير وال سرالختم الامين وكل اهل الحلة الكرام
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: تولوس)
|
| Quote: انتقل الي جوار ربه بكسلا ظهر امس االاربعاء المغفور له اللواء سجون هاشم الوقيع له الرحمه ولآله الصبر وحسن العزاء ( انا لله وانا اليه راجعون) |
رحم الله الوالد هاشم الوقيع وأسكنه فسيح جناته وألهم آله الصبر والسلوان
والتعزية موصولة للأخ طارق والرشيد وعلي وكل أفراد الأسرة
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: منتصر حسن محمد)
|
وتدور أيامك مدينتي ...
وتفقدين كل يوم ألقاً كان ... وبريقاً كان ........
وتظل حسراتنا تتجدد وأنت تفقدين أحد أعمدتك
إنا لله وإنا إليه راجعون ...
لكم الأحباء الأعزاء طارق ، الرشيد ، على هاشم الوقيع
أحر التعازي ونسأل رب العباد أن يسكنه فسيح جناته
ولا حول ولا قوة إلا بالله .
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
ودعت كسلا الاسبوع الماضى المغفور له بابكر عبد الفتاح (كداره) .. كان الفقيد احد ظرفاء المدينه.. المتجلى دوما فى افراحها راقصا ومشاركا حتى الساعات الاولى وكان رحمة الله عليه اول المداومين صباحا فى الاشغال .. لم يغضب احدا وكان نسيج نفسه له فلسفته ورؤيته فى عالمه البسيط الثري ..رحم الله كداره صديق الجميع.
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: أحمد طه)
|
| Quote: كان الفقيد احد ظرفاء المدينه.. المتجلى دوما فى افراحها |
المحترم احمد طه
صدقت يا اخي
فعلا هذا الرجل من ظرفاء المدينة ولو كان للعفوية والطيبة اسماء اخرى لكانت الاولى بابكر والثانية كدارة
اللهم اغفر له ارحمه رحمة واسعة
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
Quote:
رحم الله الوالد هاشم الوقيع وأسكنه فسيح جناته وألهم آله الصبر والسلوان
والتعزية موصولة للأخ طارق والرشيد وعلي وكل أفراد الأسرة
|
Quote:
ودعت كسلا الاسبوع الماضى المغفور له بابكر عبد الفتاح (كداره) .. كان الفقيد احد ظرفاء المدينه.. المتجلى دوما فى افراحها راقصا ومشاركا حتى الساعات الاولى وكان رحمة الله عليه اول المداومين صباحا فى الاشغال .. لم يغضب احدا وكان نسيج نفسه له فلسفته ورؤيته فى عالمه البسيط الثري ..رحم الله كداره صديق الجميع.
|
عليهم الرحمة جميعا
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: كوليل)
|
رحم الله الفقيد كدارة وأسكنه فسيح جناته وتقبله قبولاً حسن
نرحب بالأستاذ أحمد طه في دياره ، وبالأخ الامين ، والف حمد لله على السلامة يا كوليل وشنو ما وريتنا أخبار كسلا والإجازة ..............
تحياتي للجميع
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
يا شباب كسلا سلام
أنا كسلاوية مية المية
من بنات الميرغنية حي الجسر
ما شايفة اي زول من دفعتي لكن يا ود كيرا الكميرات كانو زميلاتي ناس فاطمة
سلامي للجنرال أحمد طه أبو عزة وعفاف عبد الله
بجيكم بي حكاوي دافية
بس ادوها صنة
أنا شادية التركي
لمن مرقت من كسلا بتكونو كلكم جنون صغار عدا أم سهى عشان أيم الزين حامد أنا كنت في الابتدائي
عليكم الله تهربوا لي جبنة من اي محل تراني جنبكن في ركن خيرات
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: Abubaker Kameir)
|
تحياتي للحبايب ...
احمد طه وصديق وكل الحضور الكريم
ابوبكر كمير ... ياخي طولت الغيبة ونحن في انتظارك..
اختنا شادية عبدالمنعم الف مرحب بيك ...
| Quote: لمن مرقت من كسلا بتكونو كلكم جنون صغار عدا أم سهى عشان أيم الزين حامد أنا كنت في الابتدائي |
طبعا دي شهادة نحن بنعتز بيها ... وعلي ما اعتقد انت بتكوني من دفعة الاخوان الاعزاء الجنرال و صديق رحمة
كوليل سلام ياخي وحمدالله علي السلامة ... وتحياتي لكمال وعاصم وعثمان هاشم والجميع
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: تولوس)
|
مرحباً بالأخت شادية عبدالمنعم في موكب كسلا الزاحف ... ونحن الأستاذ الزين حامد كان مديرنا أيام الثانوية .............. عشان كدة أنت ما دفعتنا
نرحب بالاخوان كوليل وأبوبكر كمير وتولوس
يا تولوس أنت عامل فيها صغير ؟؟؟ يعني فرق السنتين والتلاتة دا بجي بالنقة ساكت
والحزن على فقد آل أب رووف في فقيد الأسرة أبنهم عمر بالحادث الأليم ، تغمده الله بالرحمة وألهمه الصبر وحسن العزاء
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
تسلموا يا شباب كسلا
حأجيكم بالرواقة والمهلة لكن سؤال لأسامة سعيد أسامة أنت كنت في الخرطوم في طيبة شارع علي عبد اللطيف؟؟ في حوار الشباب؟؟
لو أنت أمانة ما وقع راجل !!
انت قايل انجلترا بعيدة؟؟
ولا موية توتيل ما بتجيبك!!
لو أنت هو ولا لا
لك الود مصفى
يا جماعة ما تفتشوا لي دفعتي ده كلام شنو؟؟
بعدين الحاقد القال أنا قر الجنرال ده منو
يا خ الجنرال لو قال بسم الله يلداني في آخر بطانو
أنا دفعة أختو الصغيرة
أها كيف؟؟
وبعدين لي كم سنة كدة رابطة في ال25
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: WADKASSALA)
|
اختنا شادية
اولا مرحب بيك في دارك وسط اهلك اخوانك واخواتك
| Quote: سؤال لأسامة سعيد أسامة أنت كنت في الخرطوم في طيبة شارع علي عبد اللطيف؟؟ في حوار الشباب؟؟ |
بما اني فرده المذكور اعلاه وغريمه في نفس الوقت 
ولحدي ما يجي يكمل ليك الباقي
اقول ليك الزول دا زول دمشق سااااكت من جماعة بشار وكدا
كوليل
حمد لله على السلامة ياخي وما جبت لي خبر عمر النور الراجل دا قالوا هنا معانا وانا ما لامي فيهو
ولدنا يا بتاع حله القعوي
اليويمن ديل شايفك مقلبا مع الاخوة الاشاوس
الجماعة ديل نضمهم كُتر الا تلييق ليهم في القاش وتجيهم
غايتو انحنا في الجوار ومراقبين الوضع في حالة استعداد تام للتدخل السريع اذا لزم الامر
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: Sidig Rahama Elnour)
|
ابناء وبنات كسلا
سلامات
اولا اسمحوا لي ان ابدا مداخلتي بالعزاء في العم هاشم الوقيع فالعزاء موصول الي الاخوان طارق والرشيد وعلي وكذلك العزاء والرحمه للفقيد كداره
اختي شاديه
تحياتي
انا بكل تاكيد ما الزول المعني في مداخلتك انا اسامه حسين ولدت وترعرعت في المرغنيه حي السوق درست كل المراحل في كسلا الابتدائيه المرغنيه الشرقيه المتوسطه الاهليه الثانويه كسلا الاكاديميه والجامعه في سوريا جامعه دمشق لكن بكل تاكيد اختي شاديه ناس حي الجسر وحله القعوي اهلنا واحبابنا لك كل التحايا
امين
ازيك
مالك لما جبنا سيرت العرس كبيت الزوغه غايتو يا امين لو فوت السنه دي تبقي بالغته عديل
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: اسامه سعيد)
|
كيفنك انت يا رفيق المنبت والصبا يادفعة
| Quote: مالك لما جبنا سيرت العرس كبيت الزوغه غايتو يا امين لو فوت السنه دي تبقي بالغته عديل |
انا عايز اقرا
وما خايف من البورة طالما ما انت جبت ليك بنية بنتظرها لحدي ما تكبر
بس اوعا بعدين تقول لي نشاور وكلام الجلاكين داك اعمل حسابك انحنا دافننو سوا
والله مشتاق ليك كتير ومشتاق لي ونستك السمحه
اسمع انت دا منو الكان بقول انا مشتاق لي رقدة فوق عنقريب هبابي واتغطى نص بي توب ساكوبيس وجمبي كوريه لبن اقرطع فيها واتونس
بالله دا منو يا اسامة
ياخي الغربة دي لحست جزء كبير من ذاكرتنا
الليلة بطلع ليك اونلاين ونحتو
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: اسامه سعيد)
|
تمنياتنا للاخ العزيز ياسر هاشم الولي بتمام الصحة وكامل العافية ..
اختي شادية
ناس التركي علي ما اعتقد من المرغنية حلة الجنينة... حلة السوق حاليا للجيل الجديد ... جوار ناس شنان ومن هنا ابعث تحياتي للاخ الكبير والرجل الخلوق محمد شنان ... علي اي حال انا لست حاقد ... ولكني اعتز بشهادتك السابقة ...
صديق اصبرلي وخلينو ارووق شوية وجايك للنم والدوباي
اكبر تحية واجملها للجنرال ...
| |
|
|
|
|
|
|
|
|
|
Re: ركـــن بنات وأبناء كســـلا ( خيــرات) (Re: تولوس)
|
أعزائي
ود كسلا
الامين عثمان
اسامة سعيد
تولوس
نرحب بعودتكم من جديد والركن منور بيكم
ياجماعة أنتو بتمشو وين ؟؟؟
تمنياتنا للأخ هاشم الولي بالصحة والعافية
تولوس تعال بالنمّة والدوبيت ... عشان نحول البوست أو نفتح بوست جديد للنمةّ والدوبيت
تعال قول قولك بالنمّ الجميل أشجينا
وأطرب حالنا خلينا النفشها أي غبينة
سيبك من الهموم قول الكلام البيفرح قلبنا ويهدينا
نبرطع بالفرح باقي العلينا والفينا مكفينا
| |
|
|
|
|
|
|
| |
على محمد على بشير
Sidig Rahama Elnour
Halema2
عمران حسن صالح
حسين يوسف احمد
jini
قرشـــو
Dr Mahdi Mohammed Kheir
sourketti
معتز تروتسكى
طارق أحمد أبوبكر
حسن البشاري
يازولyazoalيازول
WADKASSALA
طارق جبريل
تولوس
أحمد طه
فيس بوك
تويتر
انستقرام
يوتيوب
بنتيريست