|
|
|
 Re: أجمل تعليق علي الأطلاق مكتوب علي ظهر ركشة بالصور (Re: زهير الزناتي)
|
الاخ زهير لك كل الاحترام
واحد بتاع حافلة كاتب عليها كتابة بالرسم راسم ((ساعة)) و((وديك)) و((منجل)) المهم انا والشباب غلبتنا ليك ؟الاواحد قال دى اغنية لسيف الجامعة بتقول ((فى الساعة ديك حسيت بانى مذبوح بمنجل))
واحد كاتب (( مكلف))
واحد ((كعب العدم))
واحد بتاع حافلة ماشى شديد فى الزلط وكاتب عليها ((النار ولعت)) جاء واحد فاتوا ليك وكاتب على الحافة من الخلف (( بقلبى بطفيها))
ولك منى كل الحب
| |
 
|
|
|
|
|
|
|
 Re: أجمل تعليق علي الأطلاق مكتوب علي ظهر ركشة بالصور (Re: زهير الزناتي)
|
شكراً الأستاذ كمال إدريس علي الثناء
مثل هذه الدراسات تعكس الحراك الاجتماعي وتعطي مؤشرات للأحوال السياسية والاقتصادية والاجتماعية
والثقافية ، وهي مرآة صادقة للمجتمع ، وفي الغالب يستفيد من مثل هذه البحوث والدراسات المختصون
في علم الاجتماع ، وكذلك في مجال الدراسات السياسية وايضاً السياسيين ، ولكن هؤلاء لا ييستفيدون من الدراسات والتجارب ذات التأثير الأكبر ناهيك عن عبارة مكتوبة في ركشة أو عربة كارو
سعدنا بمرورك ومداخلتك ، وأبتدارك للصفحة الثانية
| |
|
|
|
|
|
|
|
|
|
Re: أجمل تعليق علي الأطلاق مكتوب علي ظهر ركشة بالصور (Re: زهير الزناتي)
|
العزيز نور الدين
نادوس
إسم محبب لنا كلنا ، ومن التقاليد المتبعة في هذا الأمر أن تسمي العربة بالعبارة
المكتوبة عليها ، وكل ما كانت العبارة جميلة وغريبة لصق الإسم بالعربة ، ويمكن
أن يلحق بالسائق أيضاً إذا كان صاحب العربة ، أو عمل مع صاحب العربة لوقت طويل
لذلك تجد عدد كبير من السائقين ألقابهم أسماء أغاني أو ما شابه ، وقد يأتي أحدهم
للموقف بلقبه ،، ويكتبه في عربته أو ركشته .
| |
|
|
|
|
|
|
|
|
|
Re: أجمل تعليق علي الأطلاق مكتوب علي ظهر ركشة بالصور (Re: زهير الزناتي)
|
قد تعجب أحدنا عبارة يظل يرددها لسبب أو لآخر ، وأحياناً لجرسها الموسيقي
ويتخيل لي لو كان لدي ركشة لكتبت عليها (إيلي حبيقة) فهذا الإسم لقائد لبناني
ظلت تردده وسائل الإعلام إبان الحرب اللبنانية فظللت أردده طويلاً لجرسه الموسيقي
فقط ، وأعتقد بأن من كتب رجل أعمال قد أجبته العبارة لسبب مشابه
| |
|
|
|
|
|
|
|
|
|
Re: أجمل تعليق علي الأطلاق مكتوب علي ظهر ركشة بالصور (Re: زهير الزناتي)
|
| Quote: لكن يا مان الحق ناس جريدة حكايات عاملنو موضوع في الصفحة الاولي ودي سرقة بالموسيقي لو لم يستاذنو منك وعندك حق انك تعمل معهم اي حاجة |
والله يالعبيد أخوي عليك جنس حسادة..!
أها، قطعوها ليك في راسك يافتّان يا كعب 
عمري كلو في الجرايد ما لاقيت مصور موهوب عندو حس صحفي زي زهير ده، رايك شنو أنا داير أشيل البوست ده (كلو كلو)، وأعملو صفحة كاملة في حكايات..
يا زهير عندك إشتراك مجاني في حكايات إبتداءًً من عدد الجمعة الرايح ليك، وممكن أدي الطيب الكعب ده نسخة برضو..!
إيميلي [email protected]
| |
|
|
|
|
|
|
|
|
|
Re: أجمل تعليق علي الأطلاق مكتوب علي ظهر ركشة بالصور (Re: وجدي الكردي)
|
يا وجدي شكرا علي المرور
لكن ما تحاول تاكل الزول حنك
اتمني في صرفية ستة نلقي اسم زهير في الخزنة
وما تحاول تستنكح الراجل ساي
العدد في ناس كتير اشترتو عشان الموضوع دا
وبعدين معاك زاد عدد التوزيع
ولذلك فاني اطالب منك كرئيس للتحرير اعتماد الاستاذ زهير صحفي من انترنتهم
ويجب ان يحفز اكرر يجب ان يحفز
وفي الختام اشيد بصحيفة حكايات وجراءتها في الطرح
لكن مرات عندها جراءة كدي لمن غلط وافتكر فهمتها دي
مع خالص تحياتي يا وجدي كردي
| |
|
|
|
|
|
|
|
|
|
Re: أجمل تعليق علي الأطلاق مكتوب علي ظهر ركشة بالصور (Re: زهير الزناتي)
|
العزيزة الجندرية :
كنت أفكر هل هنالك كتابات في الدول المجاورة ، أذكر إني قد رايت بعضها في مصر ، ولكن ليس
بالكثافة الموجودة في السودان ،، اتوقع وجودها في الدول ذات المستوي الاقتصادي والسياسي والاجتماعي
المشابهة ، وعليك الله مدينا بالمزيد من هذه الكتابات للمقارنة والدراسة
| |
|
|
|
|
|
|
|
|
|
Re: أجمل تعليق علي الأطلاق مكتوب علي ظهر ركشة بالصور (Re: زهير الزناتي)
|
العزيز محمد مختار
أتفق معك حول أن هذه الكتابات هي تعبير عن ما يدور في النفس لأن الإنسان في هذه الدول لا يستطيع أن يعبر عن أشياءه السياسية والاقتصادية والاجتماعية وغيرها ونلاحظ الميل في كل هذه الكتابات إلي الرمز رغم بساطة العبارات ، لم يستطيعوا أن يعبروا عن إنفسهم تماماً كما يريدون ، ولكن في الكتابات التي يضمن الكاتب فيها عدم وجود الرقيب الرسمي أو الشعبي يطلق العنان لكبته ويخرج كل ما في صدره من هواء ساخن ، وكمثال علي هذه الأمثلة ما يكتب علي جدران الحمامات العامة أو في وسائل المواصلات خاصة في الكنبة الأخيرة وقبل الأخيرة ، كل ذلك يعني أن هنالك أشياء مكبوته وهذا رد فعل طبيعي لهذا الكبت ، ولكننا يجب أن لا نغفل أن نتيجة الكبت قد تتجاوز الكتابة إلي أشياء أخري
اسعدتني مداخلتك وأتمني أن تكتب لنا باستفاضة عن تجربة تلك الصحيفة الجدارية في كلية الفنون
لك كل الود
| |
|
|
|
|
|
|
|
|
|
Re: أجمل تعليق علي الأطلاق مكتوب علي ظهر ركشة بالصور (Re: زهير الزناتي)
|
Quote: يا وجدي شكرا علي المرور
لكن ما تحاول تاكل الزول حنك
اتمني في صرفية ستة نلقي اسم زهير في الخزنة
وما تحاول تستنكح الراجل ساي
العدد في ناس كتير اشترتو عشان الموضوع دا
وبعدين معاك زاد عدد التوزيع
ولذلك فاني اطالب منك كرئيس للتحرير اعتماد الاستاذ زهير صحفي من انترنتهم
ويجب ان يحفز اكرر يجب ان يحفز
وفي الختام اشيد بصحيفة حكايات وجراءتها في الطرح
لكن مرات عندها جراءة كدي لمن غلط وافتكر فهمتها دي
مع خالص تحياتي يا وجدي كردي |
شكراً يا ود العبيد ،، وبعد كلامك ده نمشي نقيف في الصف بتاع الصراف بس إنشاء الله الجماعة
ما يكونوا صرفوا ، عشان ما يقول لي الصراف والله ياخي قروشك دي رجعت أمانات وعدي علينا الشهر الجاي
بخصوص ما تطرحه حكايات سمح القول في خشم سيده ، يجي أستاذ وجدي الكردي يدافع عن جريدتهم ، واضح إنك
متأكد من الأتهام الطرحته بخصوص الجرأة أستاذ وجدي عنده فكرة عنه .
انا كمان عندي راي تاني في حكايات ، إنها مرات كتيرة بترسخ لأضطهاد المرأة في كتير من تحقيقاتها
الصحفية حول المواضيع الاجتماعية علي وجه الخصوص ، وبرضو الملاحظة شايفها انحسرت في الفترة الأخيرة
شكراً ليك كتير علي المرور والدفاع عن حقوق العمال (وجه ضاحك)يا جماعة ما تورنا يجيبوا كيف
| |
|
|
|
|
|
|
|
|
|
Re: أجمل تعليق علي الأطلاق مكتوب علي ظهر ركشة بالصور (Re: زهير الزناتي)
|
يا زهير
الجرايد المحترمة
بتقول ليك يا اخي
نحن نزلنا ليك مادة
في عدد كدا
بتاريخ كدا
في الصفحة الكدا
وعندك امانة تجي تاخدا
مش يقول ليك نحن اخدنا اذن
اذن شنو يا عمك
نظام احتسب دا وقته راح
جرايد جايبة قروش
عشان كدا يا زهير انا بقول دايما وكل يوم ان الصحافة السودانية بستفيدوا منها اصحاب الجرايد فقط وناس وجدي الكردي يتعبو ويجو ياخد قروشهم اخر الشهر والباقي يروح لاصحاب الصحف واكبر دليل علي ربحية الصحف انه لم يستطيعو زيادة سعرها
رايك شنو
| |
|
|
|
|
|
|
|
|
|
Re: أجمل تعليق علي الأطلاق مكتوب علي ظهر ركشة بالصور (Re: زهير الزناتي)
|
العبيد أخوي
مساك جميل زي ضميرك
طبعاً اخوك ما صحفي محترف ولا هاوي ،،، وما عندي علاقة بالصحافة دي إلا قراية الجرايد ، والكتابة هنا في المنبر العام ده ، عشان الزول عنده حاجات كتيرة حاسي إنه عايز يقولها ويعبر عن نفسه ونحن ما زي ناس العربات ديل برضو عايزين نفضغض بس اختلفت الوسيلة ، لكن كمان مرات كتيرة في حاجات تلاقيك زي موضوع الركشة دي ، تحب تشرك فيها الناس وتناقشهم في الظاهرة ،، يعني يمكن تاني الزول ما يكتب حاجة زي دي لي فترة طويلة ،،، والكتابة دي بتكون في هامش هامش وقتك الفاضي فيهو ، يعني بعد الشغل وهموم البيت والعيال والاشياء الاجتماعية التانية ،،، عشان كده استاذ وجدي عندما أستأذن سمحت ليهو مباشرة دون تردد ودون أن يدور في خلدي موضوع المقابل المالي ،،،،
لكن أتفق معاك تماماً إنه أي إنسان مفروض ياخد المقابل في أي مجهود يقوم بيهو ،، خاصة في الكتابة للصحف وأي مجهود يقدموا في مختلف وسائل الإعلام ،،، لانه فعلاً في جهات بستفيد استفادة مادية مباشرة
من المجهود ده ،،،، وموضوع الصحف ده موضوع طويل وعايز ليهو نقاش منفصل
| |
|
|
|
|
|
|
|
|
|
Re: أجمل تعليق علي الأطلاق مكتوب علي ظهر ركشة بالصور (Re: زهير الزناتي)
|
يا جميل انا عندي تجارب كتيرة مع ناس الجرايد ولفيت علي اكتر من عشرة جرايد ولقيت انو اصحاب الصحف هم اكتر ناس مستفيدين والدليل علي كلامي كل الصحف السودانية الان او غالبيتها مملوكة لاسر بعينها
ويجب ان الا يفهمني اخي وجدي الكردي غلط وعتقداانه يجأر بالشكوي المرة من هذه النقطة
وفي الختامك المسالة ما دام فيها تراضي سياسي نعتبرها صافية لبن ولكممني خالص التحايا ولناس حكايات العتبي حتي يرضو
| |
|
|
|
|
|
|
|
|
|
Re: أجمل تعليق علي الأطلاق مكتوب علي ظهر ركشة بالصور (Re: زهير الزناتي)
|
العزيز العبيد أتفهم دوافعك تماماً ، وأتفق معك في ما يفعله أصحاب الصحف والتي تدر عليهم مليارات الجنيهات ، لا ينوب أصحاب المجهود الحقيقي إلا الملاليم فقط ، وتذهب هذه الأموال لشراء المنازل الفخمة والسفر ودراسة الأبناء في الجامعات الأجنبية وغيرها من ملذات الحياة ،، وكثير من الصحف تبخل حتي بهذه الملاليم ، وليست قضية الأضواء ببعيدة عن الأذهان ،،، وكنت أتمني أن تعود ارباح الصحف للمحررين ، ولتطوير العمل الصحفي ، والطباعة ، والأرتقاء بهذه المهنة ، إلا أن كل الصحف السودانية دون إستثناء تعاني من أنيميا صحفية ، ولا تشبه الصحافة الحقيقية إلا في الأسم ، وهذا كما قلت لك باب آخر يطول فيه الحديث ، ولك مودتي الحقيقية ، وسعيد بتعرفي علي إنسان حقاني ، يطارد الحق أينما كان
| |
|
|
|
|
|
|
|
|
|
Re: أجمل تعليق علي الأطلاق مكتوب علي ظهر ركشة بالصور (Re: زهير الزناتي)
|
| Quote: سعيد بتعرفي علي إنسان حقاني |
كنت داير أقول ليك: أنا كمان..!
بس خايف من صاحبك الغتيت ده يقول لي (كسير تلج) عشان أملحك..!
برضو حعمل صفحة من الصور دي (بلوشي)
بعدين يا زهير شايفك بتسأل من الوجوه بيلقوها وين، وانت بتكتب في المداخلة عاين في إيدك اليمين حتلقى عبارة Smilies Library أنقر فوقا حيظهر ليك جدول فيهو الأشكال، أنقر في الشكل الدايرو حيظهر ليك علامتو في المداخلة..
ممكن تتأكد من شغلك قبل ما ترفع البوست بإختيار: مشاهدة الموضوع قبل نشره..
هاك دي        
| |
|
|
|
|
|
|
|
|
|
Re: أجمل تعليق علي الأطلاق مكتوب علي ظهر ركشة بالصور (Re: عمر سعد)
|
سلامات يا زناتي
تعرف يا زناتي أن الغالبية ترى في سائقي الركشات والحافلات مجرد رمتالة وعلى العكس تماماً العديد من هؤلاء دفعت بهم ظروف الحياة لإرتياد هذه المهن فكثير منهم يحمل شهادات عليا ..
أحدهم كتب على حافلة : الشغلة ما حقتنا دي الظروف جبرتنا ..
وتعليق أخر على تنك دفار : الكــــلام الجّاز ..
فتناك بي عافية ..
| |
|
|
|
|
|
|
| |
Mohamed Moatasim
كمال ادريس
زهير الزناتي
سيف بخيت موسي
Research In Motion BlackBerry 9300(1600x1200).JPG)
نورالدين بابكر بدري
حيدر حسن ميرغني
عبدالكريم الامين احمد
Elsamani A.Malik
العبيد الطيب عبدالقادر
Ashraf Abdel-Muty
الجندرية
محمد مختار جعفر
ناذر محمد الخليفة
عمر سعد
فيس بوك
تويتر
انستقرام
يوتيوب
بنتيريست