|
|
|
|
 Re: لاتعديل -بل الغاء لقانون النظام العام (Re: مريم عزالدين صديق)
|
| Quote: الزى الفاضح غير معرف |
ودي المشكلة هنا ، يعني البشوفو أنا عادي بحكم مجتمعي الأنا عايش فيهو ، وظروف تنشئتي ، وغيرها من الظروف الخاصة جدا جدا .. ممكن جدا غيري يشوفو ما عادي ، ويمكن مبتزل كمان !
المعنى إنو ما بي الضرورة تتوافق/تتسق رؤيتي مع رؤية غيري تحديدا في اللبس.
يعني مثلا أنا ده بشوف إنو البنطلون إذا ما كان ضيّق وبحدد تفاصيل الجسم ، ومعاهو بلوزة مناسبة .. بيكون أفضل بي ألف مرّة وأكتر سترة من عباية مخصّرة ، أو توب شفون ربط مثلا !
ده ما معناهو بكرة تقوم حملة تقول :
لا لإرتداء تياب الشفون الربط في الشارع العام !
لا سمح الله.
القصد إنو الموضوع في مجملو بيخضع للتقيم الشخصي للزول اللابس اللبس المعين ، وبس .
تحياتي يا مريم.
| |
 
|
|
|
|
|
|
|
|
Re: لاتعديل -بل الغاء لقانون النظام العام (Re: Hassan Bakri Nugud)
|
حسن بكرى
سلامات وكيف اخبارك
Quote: المعنى إنو ما بي الضرورة تتوافق/تتسق رؤيتي مع رؤية غيري تحديدا في اللبس.
|
بالضبط كدة ياحسن مافى معيار والسودان بلد متعدد فى كل شى مافى حتى شكل عام ممكن نحددة عشان يحكم
بلد غنى بالثقافات المتعددة
ولايمكن انك تتطبق قانون من غير معيار اذا فرضنا جدلا وسلمنا بانه يكون فى قانون يحدد ماذا نلبس ؟؟
وكيف نتحدث ؟؟ وكيف تبتسم ؟؟ ومع من تجلس ؟؟؟
| |
|
|
|
|
|
|
|
|
|
Re: لاتعديل -بل الغاء لقانون النظام العام (Re: مريم عزالدين صديق)
|
Quote:
ولايمكن انك تتطبق قانون من غير معيار اذا فرضنا جدلا وسلمنا بانه يكون فى قانون يحدد ماذا نلبس ؟؟
وكيف نتحدث ؟؟ وكيف تبتسم ؟؟ ومع من تجلس ؟؟؟ |
تعرفي أمس كنا بنتناقش في موضوع قريب من كده ، أنا قطع شكّ ما بتدعي تفقّه في الدين ولا كده ، لاكين ربنا ما كان غالبو ينزّل في القرآن الكريم ده كل التفاصيل المتعلقة بي حياتنا اليومية زي الكلام الفي الإقتباس ده.
بس جزء من حكمة وجودنا زاته كبشر إننا نستخدم الميزة الميزّنا بيها ربنا من سائر مخلوقاتو ن ميزة العقل .
يعني في ظني إنو ربنا ختّ لينا الخطوط العريضة والملامح العامة ، وباقي التفاصيل خلاها لي رؤيتنا حسب تفكيرنا .. عشان نشغل عقلنا ده .
ده من وجهة نظر إسلامية طبعا ، وأكيد كل زول عندو تفسيرو حسب مايعتقد.
الداير أصل ليهو إنو المسئولية في الدين فردية ، والنظام فردي ، ما عام !
كل نفس بما كسبت رهينة ، وكل شاة معلقة من عرقوبة ، بالتالي بي ياتو حق تجي جهة ما تحاول تعمم المسألة دي !؟
يوم القيامة بحاسبو كل زول براااااااهو مش صاح!؟
يعني البيضمني شنو شكل اللبس ، ولا السلوك ، وغيرها من الحاجات الواردة في قانون النظام العام دي، البيضمني شنو إنو هي البتتطلعني ناجح في الإمتحان الكبير الرهيب بتاع الآخرة داك !؟
لك الله يا وطني.
| |
|
|
|
|
|
|
|
|
|
Re: لاتعديل -بل الغاء لقانون النظام العام (Re: Abdel Aati)
|
نعم لالغاء قانون النظام العام لانه يكرس دونيه المراة ويتدخل في خصوصياتها
تصوري نساء --ضربن في دارفور اغتصبن وهاجرن --اتن للعاصمه باعن الشاي لانها الفرصه الوحيده المتاحه ولا تحتاج الي تدريب طاردوهن وماتت ناديه صابون عليها الرحمه وتركت اسرتها بلا معيل
والشرطي يبدا عمله بالتحرش كما حدث لسلفا الجميله المسيحيه الطفله
لم تستجب الضحيه فتحولت الي مجرمه والعقاب 50 جلده
نعم للالغاء
| |
|
|
|
|
|
|
|
|
|
Re: لاتعديل -بل الغاء لقانون النظام العام (Re: مريم عزالدين صديق)
|
الصديق العزيز حسن بكرى
اولا شكرا لرفع البوست والله مشغوله شديد
وتطبيق القانون دى يحير
تعرف ياحسن لو سالت نفسك سؤال ؟؟
من هم المستهدفين بقانون النظام العام ؟؟
وهل يطبق قانون النظام العام على الجميع ؟؟ ولا على فئات محددة يراد قهرها؟؟
دى اذا فرضنا جدلا انه القانون دى فعلا اجيز لتنظيم المظهر العام
وهل المظهر العام دى قاصر على ناس محددين ؟؟
ولا على الغلابا الباعة المتجولين وستات الشاى والكسرة
ولا على المنتديات الثقافية والفكرية ؟؟
اسئلة كثيرة تدور حول القانون لذا يجب المطالبه بالغاءة
Quote: لا لانتهاك خصوصية الناس بإسم النظام ]
العام
|
الاخ عابدون
تحياتى
| |
|
|
|
|
|
|
|
| |
مريم عزالدين صديق
احمد العربي
Hassan Bakri Nugud
عابدون محمد عابدون
حاتم كاهن
اشرف السر
Abdel Aati
فيس بوك
تويتر
انستقرام
يوتيوب
بنتيريست