|
|
 شالوا الفاتحة في المطار
|
كنت حريصا ان أصل مطار الملك خالد الدولي بالرياض قبل موعد حضور الطائرة بساعة لاستقبال احد افراد الأسرة وكعادتي احاول ان اختار احد من المنتظرين للدردشة وقتل الوقت الطويل وكسب معارف جديدة عشان معرفة الرجال والنساء كنز.
المهم صاحب الحظ السعيد كان واحد شاب بجواري لابس جلابية سمنية نضيفة ومشنق الطاقية... وكمدخل ومناورة قلت ليهو .. الطيارة دي بتتأخر ولا جاية في مواعيدها ؟؟؟
والظاهر انو هو كمان كان زهجان من القعدة الطويلة.. وكانت دي ضربة البداية...
قا لوا بيجي بعد ساعة.. وأنا كمان بتي ومرتي جايين وعندنا واحدولد عمنا غايتو عمل لينا تخفيض في التذكرة وحجز في نفس اليوم و.......و.....
الراجل من لهجته طلع رطاني من عندنا .. وطبعا زي كل السودانيين بدأ معاي التحقيق المعهود وسؤال وراء سؤال الاخ من وين؟؟ الشمالية دا ماكبير انت من ياتو حتة؟؟ طيب في الخرطوم من ياتو حي ؟؟ شارع شنو؟؟ محطة كم؟؟
ياخي مش بيتكم قدامو شجرة نيم وتحتو مزيرة؟؟ وقدام منكم في واحد اسمه عم عمر ولده ضابط .. ياخي كمان عنده بت ماتت بالكهرباء قبل كم سنة.
لا يزال التحقيق مستمر وأسألة زي المطر ولكن قطع هذا السيل صوت هرج ومرج وعويل قادم من اتجاه بوبة خروج الركاب...
قمنا انا وصاحبي نشوف الحاصل شنو؟.. لقينا مرأة جاية من السودان على كرسي متحرك وقبل ماتطلع خطوة من بوابة الصالة هجموا عليها خمسة حريم مع راجلين واحضان وبكاء ونواح والمسكينة كانت تشاركهم بدموعها برغم ماكان يبدو عليها من ارهاق شديد والحريم عملن دائرة والمرة بي كرسيها بقت في النص .والراجلين ماشين وراء ويمسحو دموعهم بالعمة والخلق تتفرج من اجانب وسودانيين وكل دا قدام الباب وخروج باقي الواصلين بقى مربوط بي تحركهم. صاحبي قال لي ديل فعلا الرجال البلهاء.. أخ.. ماكنت القى لي .......؟؟
مهما كان الفقد كبير لا يصح ان تفعلوا هذا في المطار اهلي الكرام. كنتو تصلوا البيت وتسووا مناحتكم وخرافاتكم دي. ولا نحنا طول عمرنا حنكون كده؟ سزاجة وبلاهة وعفوية أكثر من اللازم . وهل كان من الضروري حضور كل هذه الجموع الغفيرة من النساء للمطاروالتعبير عن شعورهن أمام هذا الحشد الكبير من ابناء البلد والاجانب من خواجات وعرب ؟؟
أرحمونا ياخواننا وماتضحكوا علينا الشعوب
ان حالة الوعي والمدنية تنعدم تماما في اوساط بعض اهلنا وأي ثقافات خارجية مرفوضة اذا كانت سلبا أم ايجابا بالداخل أم الخارج . ولابد لنا أن نخرج من هذه الظلمة والعتمة التي نعيش فيها والتي هي من الاسباب التي دعت الكثيرين بنعتنا بأننا شعب متخلف.
لما ذا لا نتعلم من الاخرين ؟؟ كيف نغير في تقاليدنا و عاداتنا البالية والتي لا تتناسب مع تطور العصر الحديث !؟خاصة و نحن من أدهش العالم أجمع بصفاتنا الفريدة وتميزنا في شتى المجالات . لابد من تدارك وعلاج هذا الخلل
ولابد من تغيير نمط حياتنا الاجتماعي ، والدفع بعجلة التغيير الفكرية وترك التمسك بثقافة الاجداد بكل حزافيرها ، من أجل إذابة الكثير من الثقافات القديمةالتي باتت تعشعش في دواخلنا بصورة ابدية ...
|
|
  
|
|
|
|
|
| العنوان |
الكاتب |
Date |
| شالوا الفاتحة في المطار | صالح عبده | 07-02-11, 06:55 AM |
| Re: شالوا الفاتحة في المطار | صالح عبده | 07-02-11, 11:03 AM |
| Re: شالوا الفاتحة في المطار | جعفر محي الدين | 07-02-11, 12:12 PM |
| Re: شالوا الفاتحة في المطار | ismeil abbas | 07-02-11, 12:43 PM |
| Re: شالوا الفاتحة في المطار | صالح عبده | 07-04-11, 07:28 AM |
| Re: شالوا الفاتحة في المطار | صالح عبده | 07-02-11, 03:13 PM |
| Re: شالوا الفاتحة في المطار | صالح عبده | 07-06-11, 07:32 AM |
| Re: شالوا الفاتحة في المطار | imad hassan | 07-06-11, 12:47 PM |
| Re: شالوا الفاتحة في المطار | صالح عبده | 07-07-11, 11:03 AM |
| Re: شالوا الفاتحة في المطار | صالح عبده | 07-10-11, 08:46 AM |
| Re: شالوا الفاتحة في المطار | صالح عبده | 08-12-11, 07:04 AM |
| Re: شالوا الفاتحة في المطار | صالح عبده | 08-20-11, 11:48 AM |
| Re: شالوا الفاتحة في المطار | ابوحراز | 08-20-11, 12:10 PM |
| Re: شالوا الفاتحة في المطار | عبد اللطيف السيدح | 08-20-11, 12:20 PM |
| Re: شالوا الفاتحة في المطار | ابوحراز | 08-20-11, 12:30 PM |
| Re: شالوا الفاتحة في المطار | صالح عبده | 08-24-11, 07:28 AM |
| Re: شالوا الفاتحة في المطار | توما | 08-20-11, 12:31 PM |
| Re: شالوا الفاتحة في المطار | صالح عبده | 08-26-11, 08:18 AM |
| Re: شالوا الفاتحة في المطار | صالح عبده | 08-23-11, 08:10 AM |
| Re: شالوا الفاتحة في المطار | abdulhalim altilib | 08-24-11, 08:53 AM |
| Re: شالوا الفاتحة في المطار | صالح عبده | 08-27-11, 09:45 AM |
| Re: شالوا الفاتحة في المطار | علي الكرار هاشم | 08-27-11, 11:09 AM |
| Re: شالوا الفاتحة في المطار | صالح عبده | 09-03-11, 09:33 AM |
| Re: شالوا الفاتحة في المطار | Al-Shaygi | 08-27-11, 11:30 AM |
| Re: شالوا الفاتحة في المطار | صالح عبده | 09-05-11, 08:26 AM |
| Re: شالوا الفاتحة في المطار | صالح عبده | 09-07-11, 08:07 AM |
| Re: شالوا الفاتحة في المطار | صالح عبده | 09-11-11, 02:22 PM |
| Re: شالوا الفاتحة في المطار | تبارك شيخ الدين جبريل | 09-11-11, 02:42 PM |
| Re: شالوا الفاتحة في المطار | صالح عبده | 09-15-11, 07:36 AM |
| Re: شالوا الفاتحة في المطار | صالح عبده | 09-17-11, 09:49 AM |
| Re: شالوا الفاتحة في المطار | صالح عبده | 09-19-11, 08:20 AM |
| Re: شالوا الفاتحة في المطار | صالح عبده | 09-21-11, 07:36 AM |
| Re: شالوا الفاتحة في المطار | صالح عبده | 09-22-11, 08:42 AM |
| Re: شالوا الفاتحة في المطار | صالح عبده | 09-25-11, 07:58 AM |
| Re: شالوا الفاتحة في المطار | صالح عبده | 09-26-11, 08:35 AM |
| Re: شالوا الفاتحة في المطار | صالح عبده | 09-29-11, 08:24 AM |
|
| |
صالح عبده
فيس بوك
تويتر
انستقرام
يوتيوب
بنتيريست