مركز الخاتم عدلان....مشروع لأنتصار الأستنارة

Quote: شكرا يا قيقراوي علي الرد افهم من كده انه كلامي السابق اعلاه ده كله انت ما عندك فيه مشكلة الا كلمة الفرق بين الشهادة و الرخصة كما بينت ادناه بردك. بمشي اجتماع و بجي ان شاء الله اوضح ليك انه ما الدنيا كلها زي السعودية حقتكم دي ياخ، تراخيص و كفيل. و اوضح ليك فرق متطلبات مزاولة المهنة للمراجعين و اختلافها من متطلبات المحاسبين بين خليجكم، و امريكا و انجلترا بعدين احنا كنا بنتكلم عن عمك ارثر اندرسن السلم رخصته/شهادته في امريكا، السودان الجابه شنو هنا؟

اما عن التوضيح فياريت ياخ .. بالمناسبة مشاغلتي ليك فوق دي من باب تلطيف الجو ساااي ما اكتر ..
هو موضوع البوست - حسب فهمي - الاستنارة .. و التنمية البشرية ..
مراكزها و تجاربها .. انتصاراتها و انكساراتها ... و دا موضوع قلوبل و بقبل استيراد تجارب الاخرين مش؟


----

بالنسبة لحتة شهادة / ترخيص دي الما منتبهة ليو يا دكترة ياخ انو الـ CPA و الـ ِACCA
ديل في امريكا و بريطانيا هن ذاتن تراخيص .. لكن الجاب السودان هنا شنو!؟ ( يا عملاتك )*

ياخ موضوع عمك ارثر اندرسون دا سهكناو عديييل هنا : احب المحاسبة

Quote: وبشكل طوعي، بتسليم رخصتها لمزاولة مهنة المحاسبة القانونية في أمريكا بعد أن وجدت مذنبة في تهم إجرامية متعلقة بتدقيقها لشركة إنرون، مما أدى إلى خسارة 85 ألف وظيفة. على الرغم من أن الحكم قد تم قلبه من قبل محكمة الولايات المتحدة الأمريكية العليا، إلا أنها لم تعد شركة فعالة.

لوووووول
ياخ اكتبي لينا بالعربي بالله! .. النبي عربي ياخ!
مع اني ما فهمت كلامك بالوضوح اعلاه ..
لكن مصر على انو كلمة شهادة ما هي ( رخصة )
الشركة سلمت ( رخصتها ) .. و 85 الف فقدوا وظائفهم!!
لو كان - على الفهم البقود ليهو استهتاري في كلمة " كرعينو "* - انو عمك ارثر همسلف سلم ( شهادتو ) بكون فقد وظيفتو برااااو مش؟



* انتو الشافع السغييير بتكلم انقليز ما زي حالاتنا انا و اخوي الكاشف حيدر دا
ياخ بالمناسبة ما تترجمي ليهو هنا ياخ! : غرائب المظاهرات : المومسات يتظاهرن ضد التحرش الجنسي !
انا خايف اتشالق و اطلع فاهم نص كم

** عمك دي تستخدم حتى مع الاشياء .. عمك قوقل مثلاً .. شفت كيف؟


سلام و سلام
و العفو ياخ على اي هفوات
اللوم بجي بالغفلات ياخ

واصلي يا دكتورة في موضوع البوست .. انا انسوني كلو كلو
و اهو الناس ح تستفيد زي ما قالت ست الدار بت بله .. و لّ شنو؟