|
|
 هيا بنا الي الكراكير والجخانين يا خليل...!!!!!!
|
اشوت انا ولا تشوت ضربة البداية انت ياخلي..!!
شخوص وامكنة وازمنة ونقرشة علي فولدرات الذاكرة في فيافي القري والمدن وملح ارضها وحكاويهم الغميسة
بوست (ون تو) في حضرة الكراكيري الكبير خليل قاسم,,,!!!
وان لم تشت يا خليل شتنا.!!!
|
|
  
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: عبدالكريم الامين احمد)
|
حسين كرنكة وناس بيتهم في المساء بتلمو في الفضاية بتاعة البيت وكلهم بكونو طاشمين
الابو طاشم...والاولاد بكونو واقفين لمبة والام زاااتها بتكون مشعشعة علي خفيف كده..
ولما كان الاب سواق وفقد مهنته ومهاراته من اثر الطشم والمقيل في الاندايات يبدو ان الولد الاكبر والذي هو ايضا طشمنجي اراد ان يهديه الي الطريق القويم..
فقال ليهو
يا ابوي تاني مرة اشوفك ماشي مع ناس عمر كرتونة ديل الا اطلع دينك
| |
|
|
|
|
|
|
|
|
 Re: هيا بنا الي الكراكير والجخانين يا خليل...!!!!!! (Re: عبدالكريم الامين احمد)
|
Quote: واااحد شرير جاء ضيف علي جماعة اسرة كده.. والجماعة طلعو مشوار وخلو مع الخدامة
ولما كان الضيف زول عواليق فكر تفكير كعب ...ونادي الخدامة واداها قروش كثييير كده وقال ليها شيلي القروش دي و اغرفي البلاااااعة ديييك...
الخدامة عاينت للقروش كده
وقالت ليهو
لااااااااع دي ما قروش بلااااااااااعة |
سلام يا الكريم
غايتو زولك ده احسن من الضيف اللقى كورة اللبن صااااااااااااااقطة قام ضربها وكمل بـ ..................
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: khaleel)
|
Quote: متابعين حكاوى الكراكير والجخانين ...الله يستر عليكم
ما(نخرت ليكم دهب) .. |
هلا يا انصاري
وانت زاااتك حضورك ضروري في التمرين..
ادينا طلعة طلعتين كده من حكاوي (ود ابو ذهانة) ونبض الناس الجميلة في نواحي اربجي
وبالمرة احكو لينا حكاية (خرت الدهب) دي يا ناس الجزيرة...
برررري منكم انتو او كما قالت خالتي (النعمة)
وسنتابع
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: khaleel)
|
حضور ومتابعة وفي غاية الإستمخاخ....
ومعي بنات قطار مدريد/أمستردام "بالإشارة للقصة الواقعية التي حكيتها في الفيسبوك" تحت عنوان ما قلنه البنات: ((كيكي مدرسة وخليل حكاية (ونسة جكس في الكرسي الخلفي في قطار بين مدريد وأمستردام) وأنا يلزعني الحنين!)).
ومنهن تحية في شكل لهفة.
محمد جمال
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: عثمان عووضة)
|
بشير الولية معذباهو بي شغل الليل لمن ضهرو إتقص .. يوم طلع من البيت في وكت عادة الحلة كلها بتكون عارفة انو ورديتو شغالة
واحد من شماشرة الحلة قاعد جنب الدكان عاوز يتـ ( ) عليهو , فقال ليهو الليلة مالك حايم في الحلة الوكت ده يا بشير !! بشير رد
بتلقائية , المرة كانت بتعافر في المخزن كايسة الطلح اها ربك رب الخير طقتها عقرب .. وانا اسه ماشي انادي عوض التمرجي.
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: khaleel)
|
ياسلام كيكي وخلي وانتو مدورين في طرائف وعجايب الكراكير
نمشي ليكم لاهل المسنوح ود شيقوق اه واحد كاتل واحده بيريدو
والله ارد انه اسنه كانت صعبه مافي قش للبقر وابوه رسلو الصعيد عشان يسرح بالبقر
اه مالحق يخبر البنيه والكلام ده مارضها قامت كدي وقبلت عليه بالدعا قالت فيه:
ابله(مع ضم الباء وتسكين اللام) لو خربت الديار وكسرت العمار
تمشي الصعيد تجينا حمار
بالله الحقنا بالشرح ياكيكي
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: mona altom)
|
Quote:
نمشي ليكم لاهل المسنوح ود شيقوق اه واحد كاتل واحده بيريدو
والله ارد انه اسنه كانت صعبه مافي قش للبقر وابوه رسلو الصعيد عشان يسرح بالبقر
اه مالحق يخبر البنيه والكلام ده مارضها قامت كدي وقبلت عليه بالدعا قالت فيه:
ابله(مع ضم الباء وتسكين اللام) لو خربت الديار وكسرت العمار
تمشي الصعيد تجينا حمار
|
والصعيد يا مني ظل دوما هو فراق الحبايب
والزولة دي الغتاتة عليها شنو ياااخ.صبر يبل الابري مااافي..لوول
وياريت المسنوح ود شيقوق يدينا طلة وينفحنا بجدعة جدعتين باقي ناسهم ديلك فصاحتهم تجنن
وحاضرين البديهة
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: عثمان عووضة)
|
| Quote: انتو ياكيكي وخليل حاضرين فندق الشرق قبل مايتحجب ويمشي العمرة؟ |
اووووه عمي عثمان
اين انت يا رجل فنحن نسائل عنك اذارا...
واحنا يا عثمان ناس كراكير سااااكت وقيل ايضا ناس كراكير وفندق الشرق ده الا يجيبوهو لينا في اللكندي
والقربين ونواحي ابو حجار حتن بعدها نمشي نشوف الحاصل فيهو شنو لووووول
وتحياتي
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: محمد جمال الدين)
|
Quote: حضور ومتابعة وفي غاية الإستمخاخ....
ومعي بنات قطار مدريد/أمستردام "بالإشارة للقصة الواقعية التي حكيتها في الفيسبوك" تحت عنوان ما قلنه البنات: ((كيكي مدرسة وخليل حكاية (ونسة جكس في الكرسي الخلفي في قطار بين مدريد وأمستردام) وأنا يلزعني الحنين!)).
ومنهن تحية في شكل لهفة.
|
هلا بالقبطان وحبابك يا محمدجمال..
ونرحب ايضا بالاختين العزيزات اللائي عبرن وهج الدهشة في قطار مدريد -امستردام..
ولهن عبرك كل التحايا والود والتقدير
وتاكدو بان روحنا وبصحبة الفتي الشفيف خليل كان ترفرف حولكم في تلك الرحلة التي حكيتهابسردية مدهشة في نواحي الفيس بووك
ذكرتنا ونسات الليالي الخوالي في كراكير ام نخيل
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: عبدالكريم الامين احمد)
|
حسن جنكيز يا زول قاشر ويتمسح الحاجة سألتو على وين يا حسن، قال ليها ماشي لي بارتي في حلة فوق، اها حسن مشى البارتي وما فى واحدة رقصت معاهو، كلما يمشي لواحدة تقول ليهو والله الرقصة دي محجوزة. المهم حسن رجع البيت أخلاقو في نخرتو، الحاجة نايمة في الحوش حست بي دخلتوا، لي التعترا سألتول ليك : يا حسن الباؤتي كان كيف؟
حسن كورك ليك فيا:
يا حاجة هسة إنت ما بتخجلي تلدي ليك اولاد زي الجعارين وتسالي البارتي كان كيف
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: SHIBKA)
|
كيكي و خلي
نديكم شوية من جماعتنا ناس بحري ولي وري
صاحبنا تكويعة عازف بنقز قديم معاهو فردتو أب جنزير عازف الطبلة الشهير
جاهم عداد لعرس في حجر العسل ..اصحابنا سالو ناس الحلة عن مكان الطشمة
واحد قال ليهم شفتو الرواكيب البعيدة ديك ده محل النضيف ذاتو .
اصحابنا طوالي علي الرواكيب هناك دخلو ليهم في كم كباية كده و شالو معاهم
جركانة (روزانا) فيها 6 كبابي لزوم بين الفاصلين و كده ..
جماعتك شايلين الجركانة و راجعين لي بيت العرس لما وصلو نص المشوار من بعيد
كده كحلو ليك الطارة من بعيد مشغلة ليك الونان و جاية دوغري عليهم جماعتك
قال ليك عملو شتات و الطارة وراهم انوارها برق عبادي بس. اصحابنا رمو ليك الجركانة
ارضا سلاح و شتات لحدي بيت العرس دخلو الصيوان نفسهم قايم و الطارة وراهم للصيوان
و الطارة طبعا شايلة العرسان وكده لزوم العريس قال ليك شاويش مليان
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: امير طمبل)
|
إتلميتوا تاني...!!!
الله يستر غايتو
بس كدي النمشي أجيب لي عمة وأربط رأسي ده شديد...
دي حتكون مصيبة دي..
بس....
أوعى اللمبة..........
ياكيكي
أسأل السني من بتاعة الراجل الأودوهوا الإسبير الغلط وإضطر يرجع المنطقة في الحر والنطار داك لبتاع الإسبيرات تاني وهو زعلان جدا والحصل شنو...
ولازم السني يحكي النكتة وقوفا مع آداء الحركة اللازمة
البجنن شنو؟؟ السني حيقوم يعرق ليك جد جد..حتى لو قاعد تحت أحسن (Split Unit) في المنطقة!!!!!
ـــــــــــــــــــــــــــــــــ
وتحيات حارات غاليات لموسى الأمير ومصطفى الخليفة عبر السني.....
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: Azhari Nurelhuda)
|
أسأل السني من بتاعة الراجل الأودوهوا الإسبير الغلط وإضطر يرجع المنطقة في الحر والنطار داك لبتاع الإسبيرات تاني وهو زعلان جدا والحصل شنو...
ولازم السني يحكي النكتة وقوفا مع آداء الحركة اللازمة
البجنن شنو؟؟ السني حيقوم يعرق ليك جد جد..حتى لو قاعد تحت أحسن (Split Unit) في المنطقة!!!!!
ـــــــــــــــــــــــــــــــــ
وتحيات حارات غاليات لموسى الأمير ومصطفى الخليفة عبر السني.....
--------------------------------------
هلا يا اكورديون وحبابك يا مزازيك يا دهشة
ومشتاقين ياااخ
والسني ح اجيبو ليك هنا شخصيا واصلو اليومين دي ملااااااان فل بموسي الامير وفيصل الخليفة وجلسات يا ازهري علي ضفاف الخليج عندما مقهي كده تم احتلاله بواسطة الجماعة ديل ..تمشي تقعد معاهم تضحك حتي تستغيث ..ياااخ ديل ناس فنانين مساخيت وبس
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: امير طمبل)
|
جركانة (روزانا) فيها 6 كبابي لزوم بين الفاصلين و كده ..
اصحابنا رمو ليك الجركانة
ارضا سلاح
هلا يا طمبلاوي ... والخسائر في الارواح والمعدات ياهو جنس الخسائر الفوووق دي
ياااخ دي ثروة يجدعوها عليك دينك لوووووول
--------------
هلا يا شبكة وحبابك
وتابعونا وفالكم طيب او كما يقول تلفزيون قطر
وخلي (سلافة) برضو عليك الله تتاوق مرة مرة بجاي
وتحياتي
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: SHIBKA)
|
عمنا حسن .. شامي ليك عمك خليفة شمة شديدة .. ما بدورو بي الله واحد .. بنصلي كلنا في زاوية صغيرة كدا في الحلة .. مرة الامام اتاخر في صلاة المغرب .. فالجماعة قالو لي عمك خليفة إتقدم وصلي بينا .. يازول عمك حسن ما عجبو الكلام ودق جرس .. فبقي يقول ننتظر شوية ياجماعة عشان ما نحرم الامام من صلاة الجماعة .. وحاول بكل الطرق يمنع عمك خليفة من انو يصلي بالجماعة .. المهم الناس قالت المغرب وقتو ضيق واتوكل علي الله ياعم خليفة صلي بينا .. عمك خليفة أم الجماعة وبدا يصلي .. علي التعترو قوم يا عم خليفة انسي ليك اية من الايات وراحت ليهو مرة واحدة وبقي يقطع و يقول: أحم .. أحم .. أحم .. بعد مسافة واحد من الصف الاخير بدا يصلح فيهو ويتم ليهو الاية .. المشكلة عمك خليفة ما سامع كويس .. وبقي يقول .. نعم .. نعم .. نعم هنا تدخل عمك حسن وقال ليهو : نعم الله عليك يا خليفة المؤمنين ههههههههههه ..
جاتو مقنطرة يفووتا.. يفووتا!!
Real life
Real people
Real drama
Real living
شكرا عبد الكريم شكرا خليل واضحك الله سنكم
خالص الود
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: حبيب نورة)
|
Quote: واحنا يا عثمان ناس كراكير سااااكت وقيل ايضا ناس كراكير وفندق الشرق ده الا يجيبوهو لينا في اللكندي
والقربين ونواحي ابو حجار حتن بعدها نمشي نشوف الحاصل فيهو شنو لووووول |
كيكي امنت بالله انت ياخي وصلت لكراكير اللكندي
والقربين ونواحي ابو حجار
منك خوفه ياخ خلاص بالمر اغشى معاك دونتاي الدبيبه وود بهيجه شرقا
وابونعامه وود النيل والعماره عبل والدالي والمزموم غربا حيث الكراكير الما خمج
وان غلبك اديني خبر مابقصر تب
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: mona altom)
|
الاعزاء كيكي وخلي بوست جميل ولذيذ
اعمامك راجعين من السوق وطبعا السوق فبي البلد بكون يومين في الاسبوع اها الجماعة جوا راجعين وتعبانين تعب شديد
واحد فيهم مشى للامام قال ليو والله نحن الليلة تعبانين اها صلي بينا العشا ده بسور صغيرة قل ليو إن شاء الله
الجماعة وقفوا والامام بدا قرا الفاتحة وبدا إقرا في سورة النجم عمك طوالي قطع صلاتو وقال لي النجمة التهبدك شوفلك زول يرجاك وفرتق منهم
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: khaleel)
|
حاجة نفيسة اولاد بتها كلهم اتعينو في الشرطة
وبقت شهريا اولاد بتها يدوها الشرتيت
مرة مشت الخرتوم والسخانة شديدة خالص
لقت ود بتها في السخانة ينظم في حركة المرور
وعرقان عرق شديد
نزلت من الحافلة ومشت لود بتها وقالت ليهو
اتيمنت ما تشتغل في الشمش دي
قام قال ليها يا حاجة امشي مشوارك
كان ما وقفة الشمش دي
المائة الف دي تلقيها وين
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: ساميه حامد)
|
الجماعة وقفوا والامام بدا قرا الفاتحة وبدا إقرا في سورة النجم عمك طوالي قطع صلاتو وقال لي النجمة التهبدك شوفلك زول يرجاك وفرتق منهم
لوووووول
قلتي لي فكو البيرق وعملو شتات
وحبابك في سيرة الكراكير والجخانين...
قالو في حلة فيها زل (عنصري) خلاااص وعامل فيها هو من الجنس الاري وما بدور (الاجناس الثانية)
وزعلان جدا كون الراعي الفي الحلة بصلي بالناس في صلاة الجماعة والقصة دي ما راكبة ليهو في راسو
(مع انو الراعي ده حافظ قران تقيل) جدا..
اها ناس الحلة يوم قالو ليهو (ياحاج) خلاص تصلي بينا انت..!!
اها عمنا شالتو الهامشية ووقف قدام الناس واقامو الصلاة وكبر.. وفجاة كده حاول يقراء حاجة من القران لقي روحو ما حافظ حاجة.... اها التفت علي (الراعي ) وقال ليهو اقراء يا عب
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: عبدالكريم الامين احمد)
|
الحاج ود صالح رجل بسيط وممسوخ...دخل مع جماعة انصار السنة في الحلة..
واطلق اللحي...وقصر جلبابه...وبدأ يمشي حلقات الدرس بعد الصلوات..
لقّط ليه كم حاجة كده وبقي...ما يصافح النساء...والناس في الحلة...
مستغربين في سلوك الحاج...بعد ما كان زول هظار وضحك...وونسات..
مع ان العارفين بسره...قالوا موديه الفطير بي اللبن..واللقيمات..
يوم سدر البحر...لاقي عمتو حنّون...بتحش في برسيم ورابطة حمارتا
في واطات الحاج...قال لها السلام علي من اتبع الهدي...قالت ليه
تهد فيك اللرضة التاكل دقنك دي جت...آ الكريه...عان الراجل دا
قباحتو...الشيخ قال لكن السلام كدي...ما ردّ عليها..وقال استغفر
الله ومشي...يحش في برسيمو...بعد ما عمّتو انتهت وربطت البرسيم
عدلتين...ورفعتن في الحمارة..جنب الحاج...ولأنو العدلتين عاليات
فوق السرج...ساقت الحمارة علي تقنت الجدول عشان تركب...وبرضو
غلبا...الحاج قال ليها...اجي اشبك آآآ عمتي...قالتلو بشيب حاجبك
انت ايدك ما مديتا لي ايدي لي سلام...داير تمدا لي كراعي...
يا (المتدين) لي الفطير بي اللبن...دينك دا كيفنو.؟؟
قالا والله يا عمتي...السلام دا شيخنا مانعنا منو...علا الشب دا ما
قال لنا فيه شي...
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: عبدالكريم الامين احمد)
|
هدية خاصة للاخ كيكى
• إجتمع حزمة من اهل المهن يوما أطباء ومهندسين وصيادلة وصيارفة واهل تقنية وميكانيكا وساسة وزراعة ورى وتربة وطيران وكان بينهم (مساح) عليه سمات الهدوء والحياء وقد أقترح عليهم أحد الظرفاء أن يحكوا طرفاً ومعان وحكايات من مهنهم وذكرياتهم معها فصال وجال الجميع خاصة الأطباء والزراعيين وأخيرا تركوا المجال (للمساح) بعد ان أرهقتهم الضحك والتداعى فيه فقال : قالوا أن أعرابياً وقع نظره من إمراة موقع شهوة فصار أياماً يلاطفها ويغريها ويعيينه الشيطان حتى قعد منها مقعد الرجل من المرأة فتذكر فجاة معاده وقيامته وحسابه فإستعصم وقام عنها .. وقال : إن من باع جنة عرضها السموات والأرض بفتر بين رجليك لقليل معرفة (بالمساحة) ،فضج الجميع بالضحك وتدبر البعض ( بالله رأيكم شنو ياناس المساحة فى هذا الاعرابى أو هذا المساح الأممى !!! أو قل من هنا بدأ علم المساحة فهل ياترى اعترف الأطباء بعدها أن نكاتهم هى مجرد روشتات (مضروبة)!! بعد العزبة والعربة والعيادة والعروسة
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: عبدالكريم الامين احمد)
|
سلام يا كيكي و خليل ..
خالاً لينا في الحسبة ملقبنو بـ ( إبليس ) .. يا تلقاهو شارب و اللا طاشم ..
يوم كان زعلان و يسبسب ساكت في ( ارض الشام ) ست الطرمبة ..
قال إيه .. و حياة ديني النبي أرض الشام دي يوم القيامة أول زول يخش النار .. عشان عمايلا المعفنة دي ..
ليه يا خال عملت شنو ؟؟
عملت شنو .. عملت عرقي معفن كلو موية !!
ــــ
الزينة ساكنة معانا في الحلة .. ما عندها راجل و كلو سنة عندها مولود جديد .. عيالها أشكال و ألوان .. و حالتها بالبلا فقرانة إلا من مساعدات أهل الحلة .. و الغريبة الزينة أكتر زول مواظب على دروس الواعظ المسائية في الحلة ..
قاموا نسوان الحلة المعاها في الواعظ فكروا ينصحوها عشان تخلي البتعمل فيهو دا ( ولادة الحرام ) ..
ـ إني يالزينة كان ما دايرة تخلي البتعملي فيهو دة .. طيب أبلعي الحبوب عشان ما تلدي و إنتي ما قادرة على ترباية العيال ..
.. هييي الحبوب دي ذاتو قالو حرام .. و بعدين إذ المرحومة ( تقصد المؤودة ) سئلت ؟؟
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: عبدالكريم الامين احمد)
|
مهداة لي ناس الكشتية
واللعبو الحريق بالقروش
ود ام سهمين زارع ليهو بطيخ في الجروف
جاره طوالي في الزراعة ود قوي
الامين ماسك الموية في ارضو وبسقي في الزراعة
ود قوي قال ليهو اقسم لي الموية عشان ما تكسر منك
ودام سهمين قال ليهو يا زول بلاشس كلام فارغ معاك
والله ما اخلص ما تسقي
بعد شوية الموية كترت كترة شديدة في واطة ود ام سهمين والزنقة حصلت
قام نادي ود قوي وقال تعال اقسم خلاص
ود قوي قمرتي قديم قال ليهو
لا هاااااا نقسم بعد زونت
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: khaleel)
|
هاك يا كيكي عن المعلم سمنه ظريف الحله
الحكومه عملت اناره لخور ابوعنجه , و الناس بقت تجي تتكل و تتونس
يوم كدا ناس النظام العام هايجين و بتخلعو في الناس, جو سايقين الطاره
و لقو سته اولاد اي ولد طابق جكسايتو و قاعدين
الطاره لمن كبست في واحده من البنات و الكانت قاعده مع سمنه فحطت و دخلت زقاقات الحله
بقو سته اولاد و خمسه بنات, رفعوهم ودوهم القسم بتاع النظام العام
هناك الضابط قاليهم عاملين فيها بتحبو موش!! الليله بنوريكم الحب علي اصوله
قال ليهم اي واحد يقيف مع جكسايتو, كلهم وقفو إلا سمنه بقي واقف براه
الضابط قال لي سمنه انت جكسايتك فتحت موش!! لازم تورينا البت دي منو و ساكنه وين!!
سمنه رد للضابط: انتو اديتونا فرصه نفهم حاجه, يا دووووب سألتها من اسمها و انتو جيتو جازفتونا
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: khaleel)
|
ود أم قلجي بتاع شاي في السوق جاي من أرياف المدينة .. الله و كفتيرتو ..
يوم جماعة أولاد لذينا من شفاتة الحي جا ماشي بجنبهم نادوهو أدوهو نفسين تلاتة من سيجارة خدرااا !!
ود أم قلجي شال الكفتيرة بتاعتو و مشى قدام دكان عم محمد الحسن ..
خت الكفتيرة في الأرض و و ملص زي ما الله خلقو ثم ( تبول ) ..
.. قال رجالة بس ..
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: عصام دهب)
|
أبو الزيك زول ضعيفوني لكن عامل فيها شفاتي و بيخوف فتحي الما كويس ..
فتحي كرهان أبو الزيك بي الله واحد ..
فتحي معاهو شلة من صاحباتو راكبين في البص ماشين (يواجبوا ) واحدة صاحبتن ..
أبو الزييك جا طالع في البص بالصدفة لقى فتحي .. قام صر ليهو وشو و قال ليهو يا باطل ..
فتحي قام غزا كوعو في نصو و صاح في نص الباص ( هوووووي يا عِرق التبش .. الكنكش و يِبِس .. الرسول يا بنات تقولن بِس ) ..
البنات بصوت واحد قالن ( بِس ) ..
أبو الزييك تلب من الباص و كتل أقرب ملف ..
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: عصام دهب)
|
خالنا ( إبليس ) متلح ( الأطرش ) العزابي تلحة شديييدة خلاص و مكرهو حياتو ..
و الأطرش متحمل الوضع دة غصباً عن حنانو بس عشان ما عايز يعمل مشاكل و يطرودهو من بيت العزابة ..
الأطرش أضانو تقيييييييلة شديد و ما بيسمعك إلا تكورك بأعلى صوتك ..
يوم الأطرش عايز يتخلص من خالنا ( إبليس ) بأي طريقة ..
تقابل الأطرش مع ( يوسف ) شقيق ( إبليس الكبير ) .. و قعد يشتكي ويشمشر .
.
أول أمبارح ولدكم ـ يقصد إبليس ـ دة جاب معاهو بنات في البيت عندي و قعدوا يسكروا .. و يكوركوا الليل كه ( واي .. واي .. واي ) ما خلوني أنوووم ؟؟
رد يوسف متهكماً .. هي يا الأطرش الما خلوك تنوم ديل معناتا بيكونوا صحوا الحلة كلها !!
ــ
فأسقط في حنان الأطرش ..
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: عصام دهب)
|
سلام يا شباب
عثمان فولة شاب فحل أعلن أنه يريد أن يتزوج
بعض العقلاء نصحوه بأنه غير جاهز للزواج
جزم بالله أنه جاهز لكن ناقصاه القروش بس
ــــــــــــــــــــــــــــــــــــــ
بائعة العرقي الخالة رقاش في ضاحية أقدي / الدمازين
الشباب قالو ليها يا خالة بقيتي تزيد العرقي موية
قالت ليهم والله أنا العرقي دا بالذات بخاف فيهو الله
وما بتلاعب فيهو
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: أحمد الشايقي)
|
رسالة من معجب بِالـ[كراكير والجخانين]
Quote:
وهاكم دي من خشم صاحب سيدو:
واحد مغترب مشى عَرّس ونزل في فندق صاحبو صاحب خالو.. وقضى وطره في حوالي شهر، مستعينا بـ[القدوقدو] و[القي قي] و[أقَـش] الدباغة والذي منو بجيبو من حلة [موبي]. وخلي ليك ريحه الفندق زي الكمبو.
وكمان بحوم في الصالة بعراقي [شفيف] يِبْرِز من ثناياهو تضاريس خشنة آلي واتي (عالي واطي) شي فلايت... شي أم دلدوم... شي كُردمه. وكان عينو قوية.. أحيانا بطالب صاحب الفندق بالـ[فكاكا] من الصباح: [ما نـلـقـا إندكم أم فـتْـفِـتْ؟] دا بعد ما يكون شرب القهوة بنص السكرية!! وبالليل وهو حايم في ردهات الفندق تشوف دخان أبيض طالع من إضْنـيـنـو، ما يلبث أن يتحَول لأسَود كثيف يطلع من أي فتحه في جسمو!!
المهم.. الفندق تحَول إلى [كركور] و[جخْنون] خاصة بعد إكتشاف أهل [مايرنو] وما جاورها بعد بلاغ من ناس [الدباغة] إنو ولدُمْ موجود في عرصات هذا الفندق.
وعينك ما تشوف إلا النور... شي [أمجاد] وشي [بكاسي] وشي [سوزكيات حمرا]. والشهادة لله كانو بيجو بحقهم.. ملاح [مِرِسْ] [لوبا عفِن] [كَجيك] [مرا-رو] إلخ من المعفنات والمخمرات مِما يؤكل. ويجو ليك في الفندق قايلين ولدمْ المغترب، إشتراهو عديييييل كدا!!
المهم...
نزلاء الفندق إضايقو وأخلوا الفندق، للفنادق المجاورة.. ومما ذكروه إنهم بالليل بيسمعو [كركبا] شديدة وأصوات عجيييبة من غرفة المدعو إياه: [عواء مرفعين] همس [أبو العفين] صوت مكنه [كومر] فضلاً عن الدخان الأسود وبخْتما بجعير شديد تتخلله همْهمات وكلام غير مفهوم.
كانت خسارة صاحب الفندق من الناحية الدعائية والإعلانية أكبر من خسارته المادية. إذ بعد إجلاء العريس –بالإستعانه بخالو- ظل ناس الخزان يترددون على الفندق لغاية اليوم: ويجو ليك في الفندق قايلين ولدمْ المغترب، إشتراهو عديييييل كدا!! [نِهْنا أهل آبْدو.. قُلنا نقَيِل مآآآكم!!]
|
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: عبدالكريم الامين احمد)
|
كيكي و خليل..حبابكم
عمنا مجوك عايش وسط الحلة ردحا من الزمان .. الفراش مساهم فيهو ..الطهور..العرس.. كل واجب بيشارك فيهو..اها شيخ الطاهر التاصيل قام بيهو وقال يهدي عم مجوك للدخول في الاسلام ..عمنا مجوك قبل بالفكرة و اشهر اسلامو في زفة في جامع الحلة ..قضي اسبوعين شهر عسل ..هدايا وغنائم وفئ وخيرات كتيرة خلاص..
وفي يوم جاهو حاج الطاهر وقال ليهو :اخونا في الله مجوك ..انت اسلمت وحسن اسلامك ..لكن فضلت حاجة لازم تعملها عشان تتمتم بيها اسلامك كويس..
اطرق عم مجوك ..ثم حمحم وتحوقل وسال:اها الحاجة شنو يا حاج الطاهر?الصلاة وقاعدين نصلي.. الطهارة وقاعدين نستحمى تلاتة مرات في اليوم..تكبير و تهليل ما قصرنا..وده كلو داير تمامة?..
قام حاج الطاهر قال ليهو:لازم نعربوك يامجوك..!!!
المهم.. بعد شرح طويل فهم فكرة التعريب اياها وقام عملها عشان يكون مسلم نضيف كما يزعم حاج الطاهر ..
بعد تلاتة شهور ..عمنا مجوك قابل بلدياتو ناس عم دينق وعمنا الفريدو وعمنا جيمس ..اها قامو سالوا عمنا مجوك عن التحولات الجديدة ودين الاسلام..!!
اطرق عمنا مجوك محتارا و هو يتخير مفرداته ورد قائلا:و الله الاسلام ده قاسي خلاص..تدخل فيهو ..يقطعوا(.....)..تمرق منو يقطعوا راسك ..!!
و دمتم
كبر
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: Kabar)
|
في إستاد الدلنج مباراة ديربي مولعة نار حمرا بين الحضارة و التلال ..
اللايظمان مشجع متعصب للحضارة لكن داسيها ..
واحد من ناس التلال في آخر الدقايق عايز يقرش ليهو كورة بالهيد شنق الحارس و لبسها في الشبكة ..
قام اللايظمان من الفرحة نسى نفسو خت الراية تحت أباطو و قعد يصفق ..
الحكم حسب القون و طرد اللايظمان ..
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: Kabar)
|
Quote: اوووه يا مني
ياخ انتي وقعتي لي في الاتو بتاعي (اوكما يقول الفتية في لعبة الوست الشهيرة)
ومعقول ود النيل بكان القمري قيل..
وجبل عبل (مرقد) شيخي الاسطوري شكر الله..(الذي يلازمني في اسفيري جية وذهابا)
وابونعامة حيث تنقرو علي مرمي حجر وقنوفة ومشيريعات واللكندي شرقا علي مرمي (بنقلو) او مركب صغير يحملك والنيل الازرق يتهادي ويتموج ويمنح الخلود...
الدالي والمزموم قبل التحليق في مداراتها من الضروري ان نحي الصهباء ونجول بتركتر (استير) كل المشاريع المدهشة في نواحي كمال جار النبي....
ياخ دي كراكيري الحقيقية ولولا بعضا من (العولمة) وزمانات الطفابيع الواحد مفروض يكون حسسع (جنقو) في الضهاري دي.. طعامه (الكجيك) وقليلا من لحوم البرنتا (برفقة عطا برنتا ) واخريين او اكون مقاول (ام بحتي لي ضل)
وانتي بالجد يا مني الليلة جبتي سيرة كراكير مدهشة بالحيل |
كيكي و الله حيرتني اه انديك دي:
السيراويه صحبة عرقي معروفه ومشهوره بتكون بتعرفها ياكيكي فما بتبيع الا لصفوة القوم يعني ضبابط اداريين وتنفيذيين وضباط شرطه ورؤسا محليات
المهم الجماعه عملوا الكشه و فيها فرض عقوبات لكن بيت السيراويه خط احمر مافي شرطي بعتب عليه لكن ربك رب الخير يوم تيم الكشه فيه ناس جدد وقاموا كشو السيراويه مع الجماعه
اه صحبتنا طلعت بضمان وجات يوم المحكمه و بحضور كل الزباين المزكورين اعلاه بالاضافه الي العمده والناظر و القاضي
وبدا القاضي بالاسئله عملتي عرقي
*السيراويه نعم مولانا
*انتي ماعارفه ممنوع
*ايوه مولانا لكن يا مولانا انت لو عملتو ومافي زول بشتري منك تاني بتعمله وتخسر بلحك (طبعا السيراويه محنكه)
*رد مولانا بنفي واضاف مافي زول بدور الخساره
*زدت انا عندي زباين وماقاعده احسر
*طيب زباينك ديل منو طبعا الجماعه دنقرو روسيين تحت
وصحبتنا بدات بالصف بدون ذكر اسم لكن شغاله وصف واشاره والرمزيه:
هناي ده بيجي بفقوق الحوش وينادي السيراويه نصيه حاره ظبطيه وهنا بتكون مؤشره لواحد من الجماعه ـ ومواصله في كلامها
وده برسل المراسلي حقو وهناي ده بجر مني لاخر الشهر والجماعه رقدوا قش مافي زول بيقول بغم
اه قبل ما تم الصف مولانا قال ليها خلاص لحدي هنا اطلعي وانتو ياجماعه الله يهدكم و تاني متجيبوا اي ست عرقي هنا
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: mona altom)
|
Quote: وده برسل المراسلي حقو وهناي ده بجر مني لاخر الشهر والجماعه رقدوا قش مافي زول بيقول بغم
|
السيراوية دي يا مني ما عترت لي..ولكن مثلها سيم سيم وبالكربون كانت هنالك (الاسطورية) جوووك
وحواء ليمون والشهيرة (بلية)...
ويوم البكشو فيهو جوووك ده يوما بخيت وسعيد فعرقيها وصف في الاثر بانه (زي الصاعقة)
والافندية الرعاديد كانو بحنسو البواليس (ناس ود قنيرة واخريين) (وعليكم الله كشو لينا من عرقي جوووك) الليلة
وبالليل عينك ما تشوف الا الجركانات تتطاقش انطلاقا من تمنة البوليسس...
مرة بوليس نفر جايب عرقي مكشوش لميز المهندسين وعجبتو القعدة..وفجاة حلف بدينو وايمانو الا يبر القعدة دي بخروف وحسسسسع دي
قالوا ليهو يا زول خروف تجيبو من وووين وانت تعريفة ماعندك..!!
قال ليهم دقيقة بس وما عليكم..وطلع
فما كانت سوي لحظات الا وعاد (مقوقي) ليهو خروف كبير خلااااص...
وضبحو سريع والشواشي المرارات اشتغلت تشششششششش
ولاحقا اكتشف القووم بان هذا البوليس جاب الخروف ده من (زربية الهوامل) الموجودة في القرب نقطة البوليس
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: dabeep)
|
يا كيكى
سلااااام
اول مداخلة لى معااك
ياخ ما بحب الجخانين والكراكير
عارف ليه
ما بعرف الراندوك اولا
وثانيا بحس بانى خارج دائرة التعارف الطبيعى
والباقى مرة تانية
ليه
من الجخانين والكراكير الحاجات مشت فى طرق مشربكة شديد
ولى يوم الدين تقريبا
ا عموما
حابب اسلم عليك واديك طله بس
قاسم المهداوى
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: قاسم المهداوى)
|
حاجة الحرم
بيتا جنب الظلط
علي ود اخوها جا من الحواشات تعبان
مشي سلم عليها وعملت ليهو شاي
المهم قدر الله علي مات في بيتا
بعد ان شرب الشاي مباشرة
بسبب صدمة سكري
بعد فترة طويلة جا الفاضل لي ناس حاجة الحرم في البيت
اتونس مسافة طويلة وعايز يمشي
حاجة الحرم قالت ليهو يا الفاضل ولدي ما تعقد تشرب ليك شاي
قام قال ليها
لا هاااااا الشربو قبل كدة قامو
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: قاسم المهداوى)
|
| Quote: متعكم الله بالصحة والعافية كما ابهجتمونا ... ومتابعين ... |
هلا يا دبيب
وعندك عدد اثنين اوسكار والله يديك العافية يااخ علي الطلعات الجوية الابهجتنا بيها دي..
Quote: من الجخانين والكراكير الحاجات مشت فى طرق مشربكة شديد
ولى يوم الدين تقريبا
|
هلا يا مهداوي
والكراكير والجخانين حتما سيعود اليها قوسها وقيثارها ورمحها
وبس دايرة صبر
وتحياتي
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: عبدالكريم الامين احمد)
|
رفع الصبي اليافع التلفون ليجد قريبوا الجنو اسئلة على الخط
وشدة ما زعلانين منو سامنو المفتش كانون
طوالي كانون خش فيهو شمال ابوك في ؟ مافي طلع الشغل
امك في ؟لاطلعت تودي مهوية الروضة العربية ماجات
عبدالعزيز في ؟ لامشى التمرين وهاك يا اسئلة تفصيلية مملة مشو وين وبجو متين
في النهاية قال ليهو ــ انت من اهل البيت
رد عليهو ولدنا لالالا انا من كفار قريش !!!
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: محمد سنى دفع الله)
|
صباحات
ود أب دعاية رجل حبيب ورياد النوع البرص كراسي الحفلة
ويمسك المكرفون يقول نرجو من البنات التوجه لمكان الحفلة
يوم عندو جكسويات ضيوف مصبنن عشان يقعدن في الصف الأول
المهم رص الكراسي ومشى يلبس للحفلة ويجيب الجكس
لما جا مكان الحفة لقى الصف الأول كلو نسوان متزوجات
وأي واحدة شايلة ليها شافع بالجنبة القصة دي حرقتو
قال ليهن هي قومن كدا حفلة ولا تطعيم
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: Abdlaziz Eisa)
|
سواقين وافندية كانو شغالين ليهم في مشروع فيهو كمبو كبييير خلاص وقعدو فترة طويلة ودخلو الكمبو ده
واختلطو مع سكانه.. العمل ليهو صحبة عمل والبقي يجر من ست العرقي بجر والقصة ماشة معاهم اخر بقلاوة
اها في اخر كل شهر ولمن الصرف بتاع الرواتب يجي.. السواقين ديل كانو متعودين يمشو مكاتب الادارة بتاع المشروع ده لصرف المرتبات والقصة دي مشت زي ثلاثة شهور كده...
ولكن بعد الثلاثة شهور انقلب الامر راسا علي عقب... وكان عندما يصيح الصراف مناديا العامل لاخذ راتبه كان ينادي باسمه..
عمر ابكر كرتونة.... فكانت صحبته البتكون واقفة بتصيح نعمممممممممم وبتشيل الراتب وتفرتق
ابراهيم كرتلة ... وهنا تصيح زولة ابراهيم ده نعممممممممممم وبتمشي تصرف قروش ابراهيم وتفرتق
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: عبدالكريم الامين احمد)
|
صاحبنا طالع من الحفر مولع.. بعد شوية سمع ليك جوطة شديدة وعندما قرب لقى ليك الناس العنده كورة والعنده طار وكلهم يضرب ويصرخ... قال ليهم: كدي يا جماعة اقيفوا لحظة.. مالكم؟ الحاصل شنو في البلد؟ قالوا ليهو يا عمو انت ماك شايف القمرة مخنقة (خسوف) يعني؟............. قال ليهم...: لا حول ولا قوة الا بالله... انتو ماكم شايفين ظلم النسوان ده كيف!! مريسة رقيّييييييييق وكاس صغيّيييييير قال بي ريال.. والله قمر يخنق ولا يخنق.. قمر ده يقع ليكم في أرض ده عديييييييييييييل...
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: Abdlaziz Eisa)
|
هلا بالقفشات علها تزيل الحسرات....
قال ليك فيه جماعة راكبين لوري وجعانين شديد دخلوا حلة
فجاء واحد من أعيانها ووقّف اللوري وقال علي بالطلاق إلا تنزلوا
تتغدوا معانا طوالي الجماعة لعابهم سال وتلبوا نزلوا وبعد شوية
جابوا ليهم صينية فيها صحن واحد فيه ملاح أم رقيقة وما فيه ايتو لحمة
وحاجة لزجة وكسرة بايتة.
غايتو الجماعة إحتسبوا وقالوا خلينا نواصل يمكن
نلقا لينا حاجة سمحة لي قدام ولكين الراجل قال ليهم حرم تنتظروا (الحلو) فانفرجت
أسارير المسافرين وقالوا الحمد لله الحكاية فيها حلو واللي منو وبعد شوية جا وليد صغير جاري
فقال له له الرجل يا (الحلو) بالله غسل لأعمامك يدينهم...
تحية للمهندسين كيكي وخليل...
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: عبدالأله زمراوي)
|
حاج بلول من كبارات القوم في واحدة من قرى الشمالية وهو شخصية مهابة (يخافها حتى المرفعين) ...
عنده – الله يكرمكم – احسن حُماراية في الحلة ومعجب بيها شديد وبخاف عليها ، وخصوصا لمّا أصبحت حبلى ... وحاج بلول يترقب الدحش المنتظر بفارغ الصبر ، الحكمة العجيبة (جابولو) دحش فات الكبار والقدرو من شدة حلاتو وقوامو (الفارع) حاج بلول النهار كله مصاقر الزريبة خوفاً من العابثين وخصوصا حمّاد العربي ، زولاً سجمان ومرضان بالخلوة الما شرعية مع أطايب الأنعام وبالعدم ما تيسر .ولكن هنا فقد تم تحذيره بشدة من العبث بهذا الدحش (ذو السلالة الملكية) والرجل تتوق نفسه للكثير !!!
صدق من قال الحذر لا يمنع القدر ، فقد ذهب الدحش في غفلة من حاج بلول صوب المزارع ووقع المحظور ... رجع الدحش (منكسر الخاطر) وخطواته المتثاقلة تفصح عما إعتراه ... حينها جنّ جنون حاج بلول وخرج يبحث عن حمّاد العربي (والشرر يتطاير من عينيه) ولكن حمّاد الحريف توارى عن الأنظار لفترة ليست بالقصيرة وحاج بلول يبحث عنه في كل مكان دون حظ ،،،
واخيراً شاءت الأقدار ... ولكن بما لا تهوى نفس حاج بلول فقد خرج مودعاً ضيوفاً أتوا من قرية مجاورة وإذا بحمّاد العربي قادما من الإتجاه الآخر ويكاد وجهه لا يخفي إبتسامة ماكرة وهو يعلم علم اليقين أن حاج بلول لن يتجرأ أن يمسه بسوء في حضرة ضيوفه ، وحاج بلول يكاد يموت من فرط الغيظ لسوء حظه وهو يواجه هذا الغريم بأيادي مكبلة ... حينما إلتقى الجمع في منتصف الطريق بادر حمّاد الجميع بالمصافحة ، وجاء الدور على حاج بلول فما كان منه إلا أن زفر زفرة حاااااارة وقال لحمّاد أهلاً أهلاً يا ... (أبو النسب) ،،،
________________
يا تفكيكي ما جابني بي جاي إلا حاجتين .. البوست الظريف ... وزعمطة الوصيف
مشتاقين ياخ
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: أمين يحيى)
|
كبرى شقيقاتي زولة طيبانة جداً و أي حاجة بتصدقها ..
و مع إنها زولة متعلمة وناشطة سياسيا و تبؤأت مناصب قيادية و مفروض تكون تفتيحة ..
و ما يميزها كثرة أسئلتها لدرجة تخلي الواحد يبكي عدييل ..
في موسم الحج الأخير حضرت إلى مكة و رغم أنها لم تكن المرة الأولى لكن كان عايزة تعرف أي جبل في مكة إسمو شنو و أي شارع و أي حي سموهو كدة لييه و وين دار الندوة و ووين دار الأرقم و وين المسخوتة و الحاجات دي .. عشان قالت عايزة تتدعى في أي شبر في مكة ..
يوم كانت معي هي و حاجة زميلتها و زوجتي و كنا في الطريق لتوصيل زوجتي للعمل فمررنا بجبل فسألتني دة جبل شنو .. أجبتها دة جبل ثور الفيهو غار ثور و قعدت أتكلم ليها عنو و أشرح .. و هي تدعو ..
أسفل الجبل و على شارع كدي توجد مساحة أرض فاضية الشباب بتاعين الحارة أتخذوا منها ملعب بتاع كورة و خاتين فيهو عراضات ..
أهة لما شافت الملعب قامت سألتني ..
و الحتة الفاضية دي شنو ؟؟
أجبتها بكل براءة .. دا ملعب ..
_ ملعب شنو ؟؟
قلت أحسن أتغاتت عليها فأجبتها بكل جدية:
( دة ملعب بتاع فريق شباب المشركين كان بتدربوا فيهو زمانك قبل الهجرة )
سبحان الله .. قالت الحاجة زميلة أختي ..
اماأختي فطوالي خشت في الدعاء .. وطبعاً هي في لحظتها كانت مصدقاني تماماً ..
أما المدام عايزة تنشرط من الضحك لكن كتمت ضحكتها في حنانا..
بالليل و نحنا عايزين ننوم قامت أختي نادتني و سألتني :
إنتا يا عصام أيام الرسول كان في كورة ؟؟
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: Abdlaziz Eisa)
|
كيكى وخليل وصحبتكم اجمعين تحيات زاكيات
وبعد
قالو لى ياحاج ياخ المطر وقف والمسخة كترت فى البلد وجا الشيخ يصلي بينا صلاة الاستسقا وما برنجعو قمحان نشوف ليه الـ ( الله ) بقسمة شال عصايتو وقال كب أنا اخو الشيخ ومشى معاهم وصل الشيخ ، سلام آلشيخ شديد حق الله بق الله ، يا اخوى والله دة حق قزازتي وما كتيرة على العباد بس يقدرك الله جيبة لينا رُش رُش دايرنها بوووووووووووووووووووووووووو
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: ابراهيم عوض عمر)
|
عم محمد هو جد زوجة شقيقي ..
أول مرة يتصور في حياتو عشان يطلع الجنسية و البظبورتي عشان جاي العمرة ..
جاء من قريته السعاتة و ودهو أستديو في الأبيض صوروهو صورة شمسيةأي كلام و ختوها ليهو في الجواز ..
جاء مع إبنته التي هي نسيبة شقيقي في عمرة رمضان و مسكناهم عشان الحج ..
لغرض إلحاقهم بأحدى حملات الحج طلبوا مننا صور شخصية ..
بعد ما فرهد شوية وديناهو الأستديو و الهندي ما قصر معاهو بالمؤثرات و كدة ظبط ليهو صورة ملونة في السلك يا السني عمك لما أتكيف في حنانو ..
بعد يومين جيت راجع من الشغل ألقى ليك عمك ماسك ليهو موس و بيحاول ينزع البلاستيك الفوق لي صورة الجواز و خاتي الصورة الجديدة جنبو في التربيزة ..
هي !! يا عم محمد بتسوي في شنو ؟؟
بدور أطلع دي و أركب دي ؟؟
هي لكن ما بتبوظ الجواز دة !!
خليه يبوظ .. أولاد الحايلة خاتين لي صورة ككيف ( زي ) البعاتي !!
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: عصام دهب)
|
الحسين شغال عتالي في البندر, برجع الحله كل خميس هلكاااان بلقي المدام دخاخينه تلخم يعدي ليه يومين بي باقي مروتو و يرجع السبت للشغل .. يوم جاي راجع الحله يوم خميس و شايل اكياس الخضار و اللحمه و المصاريف و هو راكب في البص اخدتو نومه و في اثناء نومتو "إحتلم" لمن وصل الحله لقي حكايتو بايظه اول ما نزل من البص لقي ولدو منتظرو,, الحسين قال لي ولدو هاك يا جنا ودي الاكياس و المصاريف دي لي أُمك و قوليها الحسين إتنشل .
| |
|
|
|
|
|
|
|
|
|
Re: هيا بنا الي الكراكير والجخانين يا خليل...!!!!!! (Re: ابراهيم عوض عمر)
|
هلاوغلا والله..
والاوسكارات يعلم تتطاقش وولعتو جمر الحي والله
كنا لاعبين مباراة( ليها ضل) مع فريق حلة جنبنا كده والميدان كان ملان فلللل وجمهور رهيب ولاحظت فيما لاحظت بان الحكم ده كان متحيز جدا جدا للفريق التاني وقدر ما حاولنا نخرخر ونعمل جوطة الا ان الحكم لم يرعوي وواصل في ظلم غريب.. عكس زي كم حالة كده وادي الفريق الثاني بلنتي وارهبنا ارهاب شديد.. قررت بيني وبين نفسي اني اعمل كركبة مع الحكم ده واجووطها مرة واحدة لانو كان ظالم شديد جدا... واها المهم وانا جااري جنبو كده قمت قطعتو (فاووول) وقام الحكم (وقع) والجمهور قعد يضحك وبكورك (قطعو فاول ) (قطعو فاول).. واها الحكم قام اتحتحت وناداني اداني كرت احمر وقال لي اطلع برره يا زول
قلت ليهو يا زول ما بطلع..!! اها اطلع ...ما بطلع.. المهم بعد الشمطة دي قررت اني اطلع...
وانا طالع كده التفت ورا لقيت ناس فريقنا كلهم برضو طالعين وقالو يا زول ما دايرين اي كورة...!!
واها قبل ما اصل اللاين بتاع الميدان الحكم قال لي تعال يا زول...
ارجع العب ولكن تاني احترم نفسسك والعب كورتك...
وفعلا رجعت وكملت المباراة زي الما حصلت حاجة ورجع التيم بتاعنا ايضا..
| |
|
|
|
|
|
|
| |
عبدالكريم الامين احمد
khaleel
أحمد الشايقي
محمد عبدالرحمن
قرشـــو
محمد جمال الدين
عثمان عووضة
خدر
mona altom
SHIBKA
الصادق اسماعيل
امير طمبل
Azhari Nurelhuda
حبيب نورة
ساميه حامد
nazar hussien
Mahadi
حسبو عكاشة
حمد عبد الغفار عمر
محمد أبوالعزائم أبوالريش
عزام حسن فرح
Kabar
قاسم المهداوى
محمد سنى دفع الله
Abdlaziz Eisa
أمين يحيى
فيس بوك
تويتر
انستقرام
يوتيوب
بنتيريست