|
|
|
 Re: أوائل الشهادة السودانية من عام 60 وحتى 2004م (Re: Murtada Gafar)
|
Quote: 1990
أميرة سيد عبد العزيز ابراهيم
خور عمر بنات |
سلام يا أخ كوستاوي
هذه السنة التي امتحنت فيها
وكان الأول أمير
وهو من خور عمر
وخور عمر بنين فقط
فليس هناك حسب علمي خور عمر بنات
يبدو أن المعلومة إختلطت على الناقل
لكن ما أؤكده أن اول الشهادة في 1990 هو أمير (نسيت باقي إسمو)
تحياتي
| |
 
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: عاطف مكاوى)
|
هلا يا عاطف
ونحي معاك هذه الاسرة وسيرة دكتورنا علي محمد احمد واخوته ودكتور علي صديق اسرة وهو دفعة لخالي ويعملون معا في مدينة ود مدني... والناس ديل عينة مميزة ويوشحهم تواضع العلماء وجيل كبير كبير بالحيل في كل اشيائهم..
وياريت يا عاطف تعدل الكلمة التي كتبت خطا
مع كل الود والتقدير
| |
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: عاطف مكاوى)
|
Quote: لذلك اعتبرها مداخلة (اقتناص الفرصة).
|
هلا يا عاطف وتحياتي..
وشكرا يا خي علي كلماتك...
وبس اخوك موبؤ ياااخي ببلاوي والراس المدوقس ده لامي مشاغل السنين
ولكن باذن الله يا عاطف في الويك اند ده حيكون لنا جلسة في بني محمود ان حضرت او ساضرب لك اكباد الصحاري صوب الخور..
وعليك الله اي شي ولا تشتكيني للثالوث العجيب ده
وحتما سنلتقبي قريبا
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: عبدالكريم الامين احمد)
|
| Quote: ودفعة كلية الطب التي دخلت 1967 وصفت بانها دفعة صاعقة وشطار شطارة تخلع |
الحبيب كيكي
إن لم تخني الذاكرة فإن دفعة كلية الطب التي دخلت عام 1965 كان بها أكبر عدد من مدرسة واحدة هي خورطقت الثانوية وكان عددهم حوالي 15 منهم البروفيسور محمد احمد علي الشيخ الذي كان أول السودان عام 1964 ، دكتور الفاضل محمد حسن ، بروفيسور مامون حميدة ، مامون عبدالرحمن( بالسعودية الآن) مجدوب قادم ، احمد إبراهيم كندرة ، المرحوم احمد الريح ابوعاقلة ، الطيب النعيم ، القوني ، وآخرين نسيت أسماءهم أسأل الله لهم الصحة والعافية.
تحياتي ومودتي ووافر احترامي
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: Kostawi)
|
Quote: لذلك تجدني في بوست الطالبة التي أحرزت 100% في جدة
قد قلت ..... أن الحلاوين شطار جدا. |
شكراً ليك يا عاطف مكاوي ..وانت جزء من هذه المنطقة المهمشة ..فما اكثر العلماء فيها ومع ذلك تربصت الحكومة بزراعتنا وأبطلت المطاحن والمصانع والمحالج نكاية في إنتماءات الحلاوين إما أنصار أو شيوعية ههههههه وقليل من الاتحاديين.
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: عبدالرحمن الحلاوي)
|
Quote: الترابي يقال انو كان اول الشهادة.
سنة كم امتحن الترابي؟؟
اظن قبل 1960, و الله اعلم. |
الترابي لم يكن اول الشهادة السودانية
وليس لديه درجة دكتوارة .. وليس من حفظة القران
ده كلام وإدعات باطله روج لهامريدو الشيخ ومحبي عبادة الاصنام
وهم نفسهم من سارع الي نفي هذه الصفات والالقاب عن شيخهم بعد ما انقلبو عليه
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: خـالد سـوميت)
|
Quote: 1980
امال عبد الحافظ عثمان
بحري القديمة بنات
1981
سارة حميده محمد الهادي
مدني بنات
سنية محمد الحسن الطيب
الخرطوم القديمة بنات
1983
أميرة محمد ابراهيم الامام
امدرمان بنات
1983
خالدة عباس رمزي بكار
مدني بنات
1984
الهام محمد عمر ميرغني
بحري القديمة بنات
1985
انتصار محمد ابراهيم بابكر
الخرطوم القديمة
|
الملاحظ لنتائج هذه السنوات الخمس على التوالي
يجد ان حواء احتلت المراكز الاولى ويعزى ذلك
الى بداية هجرة السودانية الى الخارج وتفتيت رقابة
الآباء على الابناء خاصة الاولاد وكثير من الاغراءات
للاغتراب واصبح حلمهم الاغتراب والتسريع
في تكوين حياتهم مما جعلت حواء تتقدم الصفوف وترتقي
الحبيب صاحب البوست بالله ممكن تجيب اسماء
المدارس الاولى في الشهادة عشان نشوف
اسم مدرسة الدبة الثانوية العليا اولى الشهادة
عام 1976 وكنت وقتها قاب قوسين او ادني
ان اعتلى المنصب الرفيع.
| |
|
|
|
|
|
|
|
|
 Re: أوائل الشهادة السودانية من عام 60 وحتى 2004م (Re: عبدالرحمن الحلاوي)
|
Quote: 1970
جعفر محمد مالك
مروي بنين |
البروفيسر جعفر مالك , بروفيسر في الطب الباطني وطب المناطق الحاره ,
يعد من عباقره الطب الباطني في العالم, كما انه حصل على تقديرات مميزه في امتحانات زماله الكليه الملكيه البريطانيه
وادهش الجميع بقدرته العاليه على استيعاب كميات مهوله من المعلومات الطبيه ,,
الرجل عقليه مميزه في الطب الباطني , ومرجع يمشي على قدمين (ماشاءالله) ,
استاذي , درسني في سنتي التخرج الاخيرتين , كما انني عملت معه لفتره قصيره في وحدته بمستشفى الرباط الجامعي (الشرطه سابقا)
الاهم من دا كلو , أنو دفعه ابوي في مروى الثانويه ,
وتزاملوا في كليه الطب جامعه الخرطوم ايضا ,,
الجدير بالذكر انو بابا كان في العشره الاوائل برضو , بس ما بتذكر الكم بالضبط ..
بوست ظرريف يا عمو هجام (^_^)
-----
زي العندنا باقي نقه كدا ما تمينها مووش ؟
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: داليا الكباشى)
|
Quote: 1967
علي محمد احمد العوض
حنتوب بنين
|
تمام ياكيكى عيادته مفتوحة فى شارع شعبى فى قلب مدينة
ودمدنى ..يتجمع عند باحة عيادته مجموعات من السودانيين
منهم الفقير ومنهم الغنى ..بالقطع لايقف المال حائلا بين المريض
والعلاج ..يقابل الناس بتهذيب عالى وروح سودانية سمحة ..
ذهبت الى عيادته قبل شهور ومعى آخرين وخرجت منه مؤقنا ان البلد
مازالت بخير برغم مايحدث ...
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: داليا الكباشى)
|
Quote: الترابي يقال انو كان اول الشهادة.
سنة كم امتحن الترابي؟؟ |
اظن قبل 1960, و الله اعلم.
أحمد
حسن الترابي أمتحن ما يعرف بشهاده كمبردج حينها....و كان ذلك في العام 49.. و لم يكن هناك أول للشهاده.. و لكنه كان رابع سوداني يمتحن من السنه الثالثه بدلا من سنه رابعه
أما دفع الله فلا أعرف التاريخ
أما اول دفعه 49 في حنتوب اعتقد أنه عبدالله زكريا (اللجان الثوريه)
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: Reader7)
|
Quote: 1962
عثمان محمد الحاج المكي
الخرطوم الحكومية بنين |
ود المكي
أكثر السودانيين عبقرية. مبالغة حافظ كتب الماث في راسو.
حكى لينا أحد اساتذتنا في جامعة الخرطوم أنو سافر ليحضر الدكتوراة في إنجلترا بعد 10 سنوات من ود المكي و في نفس الجامعة. قابلو خواجة بروفيسر عجوز و سأله عن ود المكي بعد ما عرف إنو من السودان.
هذا البروفيسر العجوز حكى انو ود المكي اكثر طالب عبقري مر عليهم في القسم. و حكى ايضا إنهم لاحظوا بسرعة شديدة مدى ذكائه و عبقريته فقرروا أن يختبروا حدود هذه العبقرية. قال إنه أعطى ود المكي كتاب موسوعة به قوانيين أحد هيئات الامم المتحدة على ان يمتحن فيها بعد إسبوع. إندهش الجميع عندما جاوب ود المكي على كل الأسئلة بإمتياز و خاصة أنه متخصص في الرياضيات البحتة. و ختم هذا البروفيسر كلامه بانه مقتنع ان مخ ود المكي مثل الفوتي كوبير ، الحاجة العاوزة فهم بيفهم طوالي و العاوزة حفظ ينسخها و يحفظها تماما.
حكي لي أنا شخصيا أستاذي العظيم بروفيسر عز الدين محمد عثمان (أطال الله في عمره و مده بالصحة و العافية) أنهم كانوا دفعة واحدة بعد ود المكي و د. محمد عبد المنعم العبقري الاخر وهو دفعة ود المكي و كان سابع السودان. قال لي بروف عز الدين أنهم كانوا في كلية الهندسة و كان الجميع يتابع المنافسة الشديدة بين ود المكي و محمد عبد المنعم و كانوا في كلية العلوم قسم الرياضيات. كان تنافسهم فوق 100 وهو نظام متبع في قسم الرياضيات بجامعة الخرطوم حيث يمنح الطالب درجات إضافية في أي سؤال تكون إجابته فيها متميزة. فكانت درجات ود المكي و محمد عبد المنعم عادة 112% و 120% و هكذا.
وهذه فرصة لنسأل الله ان يمد في أعمار هؤلاء العباقرة و خاصة أساتذتي بروف عز الدين و د. محمد عثمان المكي و د. محمد عبد المنعم.
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: Mandingoo)
|
| Quote: أمير سيد عبد العزيز - أو أول الطيور كما اطلق عليه ملازم أول محمد عثمان في معسكر القطينة للدفاع الشعبي |
ده أمير الروسي يا ود البشرى أعتقد
اتعرفت عليه بواسطة صديق في اجازته الفاتت ..يعمل حتي تاريخه مهندس في انظمة الموبايل في موتورلا امريكا
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: لطفي علي لطفي)
|
شقيق د. علي محمد أحمد ودكتور عوض محمد أحمد طبيبا أيضا
وقد رافقته من مدينة ودمدني الي الهلالية ... كان قد دعانا دكتور محمد الامام
لزواج أحد أقربائه ..... وقد كان .... فقد ترافقنا وما أجمل تلك الرفقة
وعندما قلت أن الأخ الذى بينهما أذكي منها كنت أعني ما أقول فذاك الشاب
حينذاك كان من أشطر الأطباء بمستشفي مدني (للأسف نسيت اسمه) ......... الحقوني بالاسم.
أنا لا أُبالع يا عبدالرحمن الحلاوى فقد درست المتوسطة والثانوى في الحصاحيصا ودرس معي
الكثيرون من أبناء منطقة الحلاوين ...... وكانوا دائمل أشطرنا .....
في الثانوى العام كنت فنانا .... هل تعلم يا عبدالر حمن أن الذى كان يُغني معي كثنائي من منطقة
الحلاوين ...... أين أحمد الآن؟ من قرية طيبة الشيخ القرشي.
بلالي القرشي ود الزين ....... بلالي زيارتو بالاتنين ............
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: عاطف مكاوى)
|
1965
ماريو بيتر بوجالي
رمبيك بنين
شفتو الفرق بين المنهج المدروس العادل زمان
وبين المنهج الدراسي في زمن المجرمين العنصريين القتلة
عادي جدا انو يكون الاول وبجدارة من الجنوب او من الاخوة الاقباط المسيحيين
الان وفي زمنا لازم تنجح دين وعربي حتى تنال الشهادة السودانية
ناهيك ان تنافس في العشرة الاوائل
تبا لمنهج يفرق بين ابناء الوطن في التحصيل والعلم
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: خالد العبيد)
|
تحية لاوائل السودان خريجى المدارس الحكومية
الذين لم يعرفوا وقتها الدروس الخصوصية
عهدهيبة التعليم والمعلم الذى كنا نغادر المطاعم وبيوت الافراح حين يهل أحدهم
او نترجل طوعا وإحتراما من الدراجات او نغير الطريق برمته عندما نراه
| Quote: الان وفي زمنا لازم تنجح دين وعربي حتى تنال الشهادة السودانية |
الاقتباس الذى ذكره خالد العبيد ليس صحيحا
أنا شخصيا تخرجت فى جامعة الخرطوم قبل الانقلاب باشهر
وقتها كان النجاح فى العربى والدين وليس شرطا الاسلامى لغير المسلمين
شرطا لمنح الشهادة الثانوية ...حتى فى قسم اللغة العربية بجامعة الخرطوم يوجد
منهج خاص فى العربى لغير الناطقين به يضم أحيانا طلاب مسلمين من ارتيريا
درست جزء من الابتدائى بجوبا الملكية وكان يوجد حصص للمسلمين واخرى للمسيحين فى الدين
عليه حتى قبل الانقاذ التى اعارضها بشدة كان النجاح فى العربى والدين شرط
لمنح الشهادة مع ملاحظة ان الكثير من الجنوبيين يبرعون فى العربية
لاحظ دينق الور/ عبدالله دينق نيال /لام اكول / باقان
اول مدرس درسنى عربى سودانى من دينكا ابيى بالمجلد الشرقية
* النجاح فى العربى شرط لمنح الشهادة قبل الانقاذ
8 النجاح فى الدين شرط لكن الدين وقتها لم يكن يدخل فى مواد البوكسنق بل يرفع النسبة فقط
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: خالد العبيد)
|
Quote: 1986
عمار عبد الله محمد بابكر
خور عمر بنين
|
عمار عبدالله الزبير .. ابن السيد عبدالله الزبير - محافظ مشروع الجزيرة الأسبق
كان يتمنى دراسة الهندسة الإلكترونية وكانت رغبته .. لكنه لظروف درس الطب
والآن أخصائي نساء وتوليد على أعلى مستوى من الإنضباط والتواضع والأدب الجم
وبالمناسبة شقيقته الأكبر منه كانت ثانية السودان قبله بسنتين أو ثلاثة ايضا طبيبة
ربنا يحفظهم .. ومليون تحية لدكتور عمار وأسرته
بوست متفرد جدا
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: Dr. Ahmed Amin)
|
الاستاذ محمد الامين
الصحيح ادناه من موقع وزارة التربية
شروط النجاح في الشهادة الثانوية
القسم الأكاديمي
(أ) يشترط للنجاح في القسم الأكاديمي النجاح في خمس مواد علي النحو الآتي :
(أولاً ) النجاح في المواد الإجبارية الأربعة زائداً مادة اختيارية واحدة ، أو
(ثانياً) النجاح في ثلاث مواد إجبارية بما فيها اللغة العربية زائداً مادتين اختياريتين .
(ب) تحسب نسبة النجاح من المواد الإجبارية الأربعة زائداً أحسن ثلاث مواد اختيارية .
(ج) في حالة الإعفاء يشترط النجاح في خمس مواد علي النحو التالي :
(أولاً ) النجاح في المواد الإجبارية الثلاثة زائداً مادتين اختياريتين ، أو
(ثانياً ) النجاح في مادتين إجباريتين زائداً ثلاث مواد اختيارية .
(د) تحسب نسبة النجاح من المواد الإجبارية الثلاثة زائداً أحسن أربع مواد إختيارية .
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: خالد العبيد)
|
المواد الإجبارية هي :
1- اللغة العربية أو اللغة العربية الخاصة ( بعد الحصول علي موافقة الإدارة ) .
2- التربية الإسلامية أو التربية الإسلامية الخاصة ( بعد الحصول علي موافقة الإدارة ) أو التربية المسيحية .
3- اللغة الانجليزية .
4- الرياضيات الأساسية أو الرياضيات المتخصصة .
(ب) يجوز لكل طالب بالقسم الأكاديمي أن يختار ثلاث مواد كحد أدني وخمس مواد كحد أقصي من قائمة المواد الاختيارية الواردة في الدليل الفني الصادر من المركز القومي للمناهج ، ولن تعتمد درجات المادة الاختيارية الزائدة .
(ج) الطالب الذي يجلس لامتحان اللغة العربية الخاصة لا يسمح له بالجلوس لامتحان اللغة العربية المتقدمة والذي يجلس لامتحان التربية الإسلامية الخاصة لا يسمح له بالجلوس لامتحان الدراسات الإسلامية .
(د) في حالة الإعفاء علي الطالب الجلوس لمادة اختيارية إضافية بدلاً عن المادة المعفاة.
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: خالد العبيد)
|
Quote: الاستاذ محمد الامين
الصحيح ادناه من موقع وزارة التربية
شروط النجاح في الشهادة الثانوية
القسم الأكاديمي
(أ) يشترط للنجاح في القسم الأكاديمي النجاح في خمس مواد علي النحو الآتي :
(أولاً ) النجاح في المواد الإجبارية الأربعة زائداً مادة اختيارية واحدة ، أو
(ثانياً) النجاح في ثلاث مواد إجبارية بما فيها اللغة العربية زائداً مادتين اختياريتين .
(ب) تحسب نسبة النجاح من المواد الإجبارية الأربعة زائداً أحسن ثلاث مواد اختيارية .
(ج) في حالة الإعفاء يشترط النجاح في خمس مواد علي النحو التالي :
(أولاً ) النجاح في المواد الإجبارية الثلاثة زائداً مادتين اختياريتين ، أو
(ثانياً ) النجاح في مادتين إجباريتين زائداً ثلاث مواد اختيارية .
(د) تحسب نسبة النجاح من المواد الإجبارية الثلاثة زائداً أحسن أربع مواد إختيارية |
هى ذات الشروط المطبقة قبل الانقاذ خصوصا فى شرط النجاح فى اللغة العربية لمنح الشهادة
لم يتم ذكر فى الشروط اعلاها للدين مهما كان نوعه
مع ملاحظة قبل الانقاذ فى عهدنا تحديدا كان النجاح فى الدين شرط
لكن لايتم إعتباره ضمن مواد البوكسنق بل يرفع النسبة مع شرط النجاح .....
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: احمد الامين احمد)
|
| Quote: النجاح في ثلاث مواد إجبارية بما فيها اللغة العربية زائداً مادتين اختياريتين . |
ولماذا يمتحن الطالب اللغة العربية ان كانت ليست لغته ولا يجيدها
ولماذا يكون النجاح فيها شرطا لدخول الجامعة
هل جلس طالب رمبيك واول السودان لامتخان اللغة العربية في ذاك الزمان ؟
حدثني شقيقي انه في الستينات وبداية السبعينات
الطالب هو من يحدد المواد التي يجلس لها لدخول الجامعة
لا اذكر تفاصيل المعلومة جيدا
ارجو ممن يعلم تفاصيل الامتحان والقبول في تلك الفترة الذهبية ان يدلو بدلوه هنا
لك الشكر
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: خالد العبيد)
|
Quote: ولماذا يمتحن الطالب اللغة العربية ان كانت ليست لغته ولا يجيدها
ولماذا يكون النجاح فيها شرطا لدخول الجامعة |
اللغة العربية علم مثل غيرها من العلوم لاعلاقة لعنصر بها
مثل اللغة الانجليزية التى هى كذلك علم ولغة تواصل رسمية
لشعوب غير إنجليز بكندا "عدا كويبك" واستراليا ونيوزيلندة
وجامايكا وترينداد وغير ذلك .....
معظم واشهر معلمى اللغة العربية بالسودان من النوبيين بالشمال
تحديدا المحس والحلفاويين كما ان اعظم شعراء العربية بالسودان
كذلك من النوبيين يكتبون بها مثل خليل فرح/ توفيق صالح/ حمزة طنبل/
جيلى عبدالرحمن / محى الدين فارس / عبدالاله زمراوى وغيرهم ...
العربية فى المدراس مجرد علم كسائر العلوم ليس ضرورى ان يكون دارسه ليس عربيا
لاحظ بريطانيا اخيرا فرضت إمتحانات فى إجتياز الانجليزية كشرط لمنح المواطنه
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: احمد الامين احمد)
|
Quote: اللغة العربية علم مثل غيرها من العلوم لاعلاقة لعنصر بها
مثل اللغة الانجليزية |
نحن نتحدث عن الامتحانات التي تضم كل الاجناس السودانية
العربية اصبحت الآن فرض عين على الممتحن لن يمنح شهادة الا اذا اجتازها
سواء كانت لغة متقدمة او خاصة
Quote: معظم واشهر معلمى اللغة العربية بالسودان من النوبيين بالشمال
تحديدا المحس والحلفاويين |
الاحصائية ليس دقيقة بالمستوى الذي طرحته ـ معظم واشهر ـ
الوحيد الشهير هو الاستاذ كدودة مقارنة بمئات الاساتذة من غير اهلنا النوبة
الانجليزية هي الرسمية في استراليا لغة ديوان الدولة
ولكن اللغات الاخرى بما فيها العربية هي لغات معترف بها
ويستطيع اي مهاجر ان يتحدث بلغته في مرفق حكومي مع الترجمة الفورية للانجليزية
لغة الدينكا مثلا دخلت في سيستم الدولة الاسترالية في ـ السنترلنك ـ
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: خالد العبيد)
|
Quote:
1965
ماريو بيتر بوجالي
رمبيك بنين
شفتو الفرق بين المنهج المدروس العادل زمان
وبين المنهج الدراسي في زمن المجرمين العنصريين القتلة
عادي جدا انو يكون الاول وبجدارة من الجنوب او من الاخوة الاقباط المسيحيين
الان وفي زمنا لازم تنجح دين وعربي حتى تنال الشهادة السودانية
ناهيك ان تنافس في العشرة الاوائل
تبا لمنهج يفرق بين ابناء الوطن في التحصيل والعلم |
مبروك يا ود العبيد
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: سيف عبد العزيز)
|
1992
زهير محمود عبد الله ابراهيم
خور عمر بنين
زهير صديق عزيز ومقرب لدى أعتز به جدا حاز على الدكتوراه فى الهندسه الميكانيكيه
من جامعة كاليفورنيافى ساندييغو, و ماجستير فى الهندسه من جامعة ألباما, ماجستير فى الاداره من الرنسليير وقد عمل بأرفع الشركات فى أمريكيا وحاليا يعمل بأحد الشركات الاستشاريه بمدينة لوس أنجلوس الامريكيه.
بالرغم من علمى بأن الكتابه عن زهير قد لاتعجبه و (تغضبه) لزهده فى الشهره والاضواء
الا أنه من أميز السودانيين بل والمهنيين الذين التقيتهم فى حياتى. هذا الشاب ماشاء الله
وحفظه الله له عقل يجلس على حافة العبقريه أو يتخطاها فى تقديرى الخاص وله من الكفاءه والامكانيات
مايفوق الوصف, ماشاء الله على زهير ويا لفخرنا به
| |
|
|
|
|
|
|
|
|
 Re: أوائل الشهادة السودانية من عام 60 وحتى 2004م (Re: سيف عبد العزيز)
|
بوست جميل شكرا كوستاوي
--------------
Quote: الملاحظ لنتائج هذه السنوات الخمس على التوالي
يجد ان حواء احتلت المراكز الاولى ويعزى ذلك
الى بداية هجرة السودانية الى الخارج وتفتيت رقابة
الآباء على الابناء خاصة الاولاد وكثير من الاغراءات
للاغتراب واصبح حلمهم الاغتراب والتسريعفي تكوين
حياتهم مما جعلت حواء تتقدم الصفوف وترتقي |
هذا كلام غريب جدا بل ومؤسف ومحزن !!
لكنه حال سودانيز أونلاين والله المستعان
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: Mohamed E. Seliaman)
|
Quote: Quote: 1985
انتصار محمد ابراهيم بابكر
الخرطوم القديمة
دي اولتنا سنة 85
وكان معاها علي التوالي
ابوعبيدة رحمة الله
عثمان يوسف وحمد حماد وصديق عبدالرحمن واعتقد خالد البيلي |
خليل يا دفعة
لو بتتذكر إنو إنتصار دي كانت اول أول شهادة سودانية يمتحن مرتين. و أذكر حصل لها ظروف في عام 1984 و لم تستطيع ان تحرز مجموع لكلية الطب فقررت أن تجرب مرة أخرى فكان أن جاءت أول السودان.
في يقيني ان أشرف عبد الحافظ شقيق د. آمال عبد الحافظ (الاولى عام 1980) كان ممكن يكون اول السودان لعام 1985 هو او عثمان يوسف عثمان او حمد حماد. بس جميعهم ما كانوا مركزين في إحراز درجة كبيرة في الإنجليزي و هو ما عمل فرق بينهم و بين الاولى إنتصار التي إمتحنت أدب إنجليزي حتى تحرز فيه درجة كبيرة و تنال الصدارة.
بالرغم من ان عثمان و حمد و أشرف أحرزوا 100% في الرياضيات الأولية و الإضافية و ما بين 96-98% في الفيزياء إلا ان المنافسة في المركز الاول تحتاج منهم درجة أكبر في الإنجليزي، و من المعروف إن الطلاب في مساق الرياضيات لا يهتمون باللغة الإنجليزية لانها غير إجبارية في البوكسن.
عثمان يوسف عثمان أحرز في تلك السنة ثلاثة مرات 100% وهي : الرياضيات الاولية و التخصص و التربية الإسلامية (ما شاء الله)
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: حليمة محمد عبد الرحمن)
|
يا سسلام ياعمار وحي دكتورنا الكبير ود المكي الغمام...
| Quote: بروفيسور احمد الامين الشيخ |
وحي ايضا البروفسير احمد الامين الشيخ الغمام..
والبوست ده فيهو فوائد عديدة ومعلومات عن شخوص تعرفهم مثل البروف ود الشيخ وبعضهم درسك مثل ود المكي
ولنكن معلومة اوائل للسودان ما عرفتها الا في هذا البوست.. ولعل ذلك يراجع الي تواضعهم الجم
وبعدهم عن الاضواء منغمسين في تعليم ومعالجة هذا الشعب بكل حب كبير...
في زمن ياتي اليه في الاضواء من هم قال ما يقال جربندية وانتهازيين وناس كيسهم فاضي...
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: حليمة محمد عبد الرحمن)
|
كوستاوي يا خردة ازيك ياخ
جاوب لينا على سؤال استاذ / لطفي دا
Quote:
و الباشمهندس فتح الرحمن عبدالقادر (رفاعة)
|
الزول دا ود خالتي عدييييييل
اسي اظنو بقى ادم ذاتو ( استاذ/دكتور/مهندس )
---------
سلام يا لطفي
و اسفين على اللفحي .. بس ياهو زولنا البنقشر بيو .. ما عندنا غيرو
بس بتعديل بسييييط ( رفاعة ) لو المدرسة ما في مشكلة .. لكن ياخ ( كريعات ) مسقط راسو، و لو فوتنا الفرصة دي تاني ما بنلقاها و لا في الاطلس ذاتو مع التهميش العلينا دا
عدم ورود اسمو خلاني فعلن اتشكك انو هو كان الاول و لّ الخامس؟
تحيات و محبات بالكوم ليك و ليهو .. و لكوستاوي ذاتو بالمرة .. المافي شنو؟
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: حليمة محمد عبد الرحمن)
|
Quote: 1995
الامين حسين الطيب الشيخ
المؤتمر امدرمان بنين
|
الأعزاء
فوجئت ذات يوم بمعلومة إن هذا الشاب المهذب الهادئ والذي كان طبيبا عموميا في وحدتي بمستشفى طه بعشر إنه كان أول الشهادة السودانية. وعندما سألته عن ذلك لم يرد سوى أن إبتسم وقال كله كان توفيق من الله.
قلت ليهو( والله ربنا عارف منو البيستاهل يكون أول الشهادة لانو كان ديل نحن كنا شلناها لافتة نكلم زول زول وفي أي ونسة حتى في الموصلات تلفلف الكلام عشان تجيب سيرة إمتحان الشهادة)
الواضح إن معظم من عاصرت من أوئل الشهادة بيمتازوا بصفات وملكات إنسانية مشتركة مثل الهدوء والتواضع والطيبة وبيفرضوا عليك إحترامهم وحبهم إبتداء من زميل دفعتنا جمال عابدين و لمن عاصرت مثل المرحوم عوض عمر,جمال الشلالي, محمد الغزالي و سارة حميدة.
لهم جميعا الإنحناءة لمقدراتهم تفوقهم وملكاتهم الإنسانية الثرة
لكم الود
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: Magdi Is'hag)
|
| Quote: دخلت لتأكيد معلومة هي ان ثاني الشهادة السودانية لعام 1985 هو البروفيسور مرتضى ابراهيم عبد الماجد القاضي استشاري الجراحة بكلية الطب بجامعة الخرطوم ومستشفي احمد قاسم، وهو ود حلتي في جبل اولياء ونسيب اخوي |
مرحبا حليمة،
ما عارف حسيت إنك فهمتي من كلامي إنو أشرف عبد الحافظ كان ثاني الشهادة لعام 85. أبدا انا لم أذكر هذا. النابغة أشرف لم يدخل حتى في العشرة الاوائل و لكن ما اعرفه انه إمتحن المواد الاساسية فقط و لم يأخذ اي مادة إضافية ليرفع نسبته كما كان يفعل معظم الممتحنين في مساق الرياضيات مثلا و الإمتحان في مادة الجغرافيا و التي كانت تدخل في المجموع للتوزيع لكل كليات الهندسة و العلوم. و يقيني لو ان اشرف إمتحن مادة جغرافيا او ادب إنجليزي لكان اول السودان من غير منافس.
أعتقد ان مرتضى كان ثاني الشهادة مشترك لعام 85 مع الباشمهندس ابوعبيدة رحمة الله الذي ذكره خليل في مداخلة سابقة
تحياتي
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: عمار يس النور)
|
سلامات دكتور عمار يس النور
انا مطالبة بالاعتذار لك.. حقيقة قرات العبارة خطأ والعتب على النظر..
حينما اقول العتب على النظر فأنا اعني ذلك باكثر من 50 في المائة وان كان
ذلك لا ينفي الغفلة..
لذلك جاءت اجابتي مطابقة تماما لفهمي الخاطئ..
فلك العذر ثم العذر، وانت محق تماما في احساسك الذي احسسته حينما قرأت ردي.
يقيني التام ان من تطلق عليه انت لقب عبقري لا يمكن ان يكون الا كذلك.
اعتقد ان مرتضي لم يكن ثاني الشهادة مشترك..
--------
هذه المرة شبه متأكدة.
غايتو كان طلعت غلط تاني.. الا اشتري لي وش جديد للمنبر..
يطير اللفحي..
وافر تقديري واحترامي..
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: Magdi Is'hag)
|
و الباشمهندس فتح الرحمن عبدالقادر (رفاعة)
الاخ قيقراوى
سلام م الله عليك
دعنى أتطوع بالرد عليك ان كنت قد تعرفت على الاخ الفاضل الباشمهندس فتح الرحمن
هو أول الشهادة السودانية فى المتوسطة 1969 و كان ثالث السودان فى الشهادة السودانية فى العام 1973 حيث كان الاول هو الطبيب يسرى الحاج برى
و يعتبر الباشمهندس فتح الرحمن من أذكى طلاب السودان و امتاز بالتواضع الجم و الاخلاق العالية و أظنه الآن فى مونتريال بكندا
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: Magdi Is'hag)
|
و الباشمهندس فتح الرحمن عبدالقادر (رفاعة)
الاخ قيقراوى
سلام م الله عليك
دعنى أتطوع بالرد عليك ان كنت قد تعرفت على الاخ الفاضل الباشمهندس فتح الرحمن
هو أول الشهادة السودانية فى المتوسطة 1969 و كان ثالث السودان فى الشهادة السودانية فى العام 1973 حيث كان الاول هو الطبيب يسرى الحاج برى
و يعتبر الباشمهندس فتح الرحمن من أذكى طلاب السودان و امتاز بالتواضع الجم و الاخلاق العالية و أظنه الآن فى مونتريال بكندا
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: حيدر بشير)
|
استاذ حيدر
Quote:
و يعتبر الباشمهندس فتح الرحمن من أذكى طلاب السودان و امتاز بالتواضع الجم و الاخلاق العالية و أظنه الآن فى مونتريال بكندا
|
هو بالضبط
و شكراً على المعلومة
Quote:
هو أول الشهادة السودانية فى المتوسطة 1969 و كان ثالث السودان فى الشهادة السودانية فى العام 1973 حيث كان الاول هو الطبيب يسرى الحاج برى |
انا مواليد 1971م و طبعاً في ضهارينا ديك بنتداول المعلومات بأسطرة شديدة لحدي ما تكاد الحقائق ما تنفرز من الاساطير
ناس على أد حالنا زي ما بقولوا المصريين
و الصفات الذكرتها جابا من طيبة اهلنا ديلاك و منطقتو اولاً، و من اخوانه الجمهوريين ..
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: Kostawi)
|
Quote: سلام يا لطفي
و اسفين على اللفحي .. بس ياهو زولنا البنقشر بيو .. ما عندنا غيرو
بس بتعديل بسييييط ( رفاعة ) لو المدرسة ما في مشكلة .. لكن ياخ ( كريعات ) مسقط راسو، و لو فوتنا الفرصة دي تاني ما بنلقاها و لا في الاطلس ذاتو مع التهميش العلينا دا
عدم ورود اسمو خلاني فعلن اتشكك انو هو كان الاول و لّ الخامس؟
تحيات و محبات بالكوم ليك و ليهو .. و لكوستاوي ذاتو بالمرة .. المافي شنو؟ |
يا قيقراوي
سلامات
انا عارفو من الضهاري, لكن المدرسة طيب رفاعة, و انت ركز علي الفرصة دي عشان القشرة تكون 100%, ياخ فتح الرحمن ده من اذكي الناس الاول و لا الخامس ده كلو بدون مذاكرة, اجتهاد فصل, ام تواضعو ده براه كوم بالاضافة لانه هو تلميذ الاستاذ محمود محمد طه
تخريمة:
قصة حقيقية:
احد اولادكم اولاد الشيخ بابكر, خدوم جدا, جاء لابو الشيخ, قال ليهو انا داير امش الحج, الشيخ قال ليهو بالحيل, امش جهز صورك, فعلا لو في استوديو في كريعات و لا مشي تمبول يوم السوق اصور, و جابا للشيخ, سلموها لاح الحواريين الكبار لاستخراج الجنسية, و الباسبورت و التاشيرة من غير ان يذهب للخرطوم, المهم ولدكم من كريعات و للمطار و السعودية طوالي, خدمة شديده, في واحد كوبي شافو في الخيمة يخدم خدمة شديدة الداير شاي الداير قهوة اداير ياكل الغسيل, فاعجب بيهو, ناداهو و سالو, من فين انت, قال ليهو انا من السودان, قال ليهو عارف من السودان, بس من اي منطقة في السودان, طبعا زولك طوالي قال ليهو انا من كريعات, قال ليهو و كريعات دي وين, قال جنب تمبول, قال ليه و تمبول دي وين, قال ليهو حدا رفاعة, قال ليهو و رفاعة دي وين, قال ليهو جنب الحصاحيصا, قال ليهو الحصاحيصا دي وين, اها هنازولك استغرب, و بلسان عربي قح قال ليهو انت خلق وين الما بتعرف رفاعة و لا الحصاحيصا.
اسع لو في طريقة شوف لينا اسم اخونا ده منو؟ منكم
طبعا فتح الرحمن اسع في اتصالات كندا بعد ان استقال من عربسات بتونس
لك مني خالص التحايا و للاخ حيدر بشير
لطفي
(عدل بواسطة لطفي علي لطفي on 03-24-2011, 09:01 PM)
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: لطفي علي لطفي)
|
Quote:
1975
سامية بدوي محجوب حاج |
كوستي بنات (طب الخرطوم) وكل الرحمة للمرحوم بدوي محجوب والمرحومة الحاجة منيرة فقد قدما للانسانية فيض من العلم والأدب.. وأشقائها محمد ود. الهادي بدوي (هندسة) وشقيقاتها فائزة ونادية وماجدة طبيبات وشادية محامية (ما شاء الله).. ..
متى يعود التعليم المتساوي لجميع أبناء الوطن على قدم المساواة؟؟
شكراً كوستاوي..
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: عثمان جلال الدين)
|
Quote: إسماعيل البشير علي محمد
النيل الأزرق بنين |
في منتدى مجاور إسمه العريجاء كتب أحد المتداخلين:
Quote: اسماعيل البشير واحد من النوابغ السودانيه وهو حاله اكاديميه لم تتكرر في تاريخ السودان الا مرتين
المره الاولي كان اسماعيل والثانيه هذا العام وهو ان يكون اول الشهاده السودانيه في المساق الادبي
وفوق هذا هو صوت شعري قوي غاب بارادته من الساحه الشعريه السودانيه ولوقدر له السير في هذا
الاتجاه لملا الدنيا وشغل الناس
وهوصاحب مدرسه شعريه متفرده كتب كل الوان الشعر الشعر الشعبي الشعر الفصيح وشعر الحلمنتيش
وكنا في جلساتنا الخاصه با العريجا نلم بطرف من اشعاره وكان مصدرنا في ذلك بعض معاصريه مثل
الاستاذ بله وكان لنوح ابراهيم القدح المعلا في ذلك فهو موسوعه يحفظ مقاطع من شعر اسماعيل الفصيح
اما محمد حسن كان يجتهد ليجمع طرفا من اشعاره الحلمنتيشيه وحفظنا وقتها عن ظهر قلب رائعته
فيفيان التي يقول فيها
مسيحيه ومسلمه مالو يافيفيان
ما سيان
نصون حرية الاديان
جرسكم في الكنيسه يدق
وصلاتنا نحنا با الاذان
وكنا نتابع في تلك الايام شفاهة شعراء تلك الفتره من اصحاب مدرسة حلمنتيش العليا ومنهم المتجهجه
الاممي والجاغوم وغيرهم وكنا نقول فيما بيننا اتنين يتميزون ويختلفون عن غيرهم احدهم اشعر
شعراء الشوايقه محمد ولد بادي والاخر هو اسماعيل البشر
وبعد ان تخرج الاستاذ اسماعيل من جامعة الخرطوم اثر الانسحاب من دنيا الشعر وغادر السودان
مغتربا الي دول الخليج تاركا خلفه اسئله تبحث عن اجابه
والسوال هل هجر اسماعيل كتابة الشعر
ونقول ( سال الحجاج بن يوسف المساور بن هند مالك تقول الشعر وقد بلغت من العمر مابلغت
فقال له المساور ارعي به الكلا واشرب به الماء وتقضي لي به الحاجات فا ن كفيتني ذلك تركته )
ونقول كذب المساور فا الشعر لا يترك صاحبه وصاحبنا يقينا لم يترك كتابة الشعر
ولنا اخيرا ان نسال هل مازال شاعرنا يحتفظ بقصائده القديمه
وهل سيكون لنا شرف قراءة اخر ما كتب
واااااااااااااااااااااااخخخخخخخخخخخخخخر قولنا
لك منا الف عتبي ونحن نقتحم عالمك بلا استئذان |
و للصدفة فلقد رد عليه إسماعيل البشير علي محمد (الأول في دفعة 1977) بنفسه:
Quote: الإخوة أبناء العريجاء الحبيبة في كل مكان من أرجاء المعمورة:
السلام عليكم ورحمة الله وبركاته،
أولاً هنيئا لنا جميعا بإطلاق هذا الموقع الرائع، والذي بإمكاننا أن نتواصل عبره مهما تباعدت بيننا المسافات، وأن نتفاكر ونتشاور ونتجاذب أطراف الأحاديث، ونطلع على أخبار أهلنا أولاً بأول، وتتلاقح أفكارنا في كل ما يخص قريتنا الحبيبة.
وأحب أن أطمئنكم على أن إسماعيل البشير لم يهجر نظم الغريض، وتأليف الشعر، بل لا يزال ينظم الشعر بجميع أنواعه وضروبه (العربي الفصيح، والعامي بكافة أنواعه من دوبيت وحلمنتيش وخلافه)، وفي مختلف أغراض الشعر المعروفة، وإن شاء الله سوف أوافيكم في القريب العاجل بقصيدتي التي نظمتها في وصف قرية العريجاء، لتتلألأ في صفحات هذا المنتدى، وسوف تكون تلك القصيدة أول الغيث الذي سوف ينهمر عليكم مدراراً بعدها بإذن الله تعالى، وكما يقولون إن أول الغيث قطرة.
وإني لأسدي جزيل شكري وتقديري للقائمين على أمر هذا الموقع والمنتدى، اولئك الأفاضل الذين كان لهم الفضل بعد الله سبحانه وتعالى في إطلاقه وبروزه إلى حيز الوجود.مع شكري لهم على اهتمامهم بأمري، وطرحهم هذا الموضوع الذي يدور حولي، وأتمنى أن أكون دوماً عند حسن ظنهم، وإن كنت حتى هذه اللحظة لا أعلم من هم على وجه التحديد، ولكنهم قطعاً من أحبتي أبناء قريتي.
وإليكم يا أبناء العريجاء هذا المقطع الشعري كعربون مودة و(فتحة خشم):
سلام إلى جميع ناس الحلة
(من كشك جريجير إلى الهوير)
سلامي وشوقي ما داب مرجي أخويا وبلة
سلام يغشى الجميع ما يخلي بيت في الحِلة
من بيت ناس سعد لي بيت أخوي عبد الله
ومن فضل الجليل لي خالنا شيخ الحِلة
ربنا يحفظن ما يشوفوا كربة وعِلة
وإزيدن من نعيمو ورحمتو المنهلَّة
كل ما كوجنو اللابري و هلالن هلَّ
وكل ما عاسوا كسرة وسبَّكولن حلَّة
********************
إسماعيل البشير علي |
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: لطفي علي لطفي)
|
استاذنا لطفي
Quote:
احد اولادكم اولاد الشيخ بابكر, خدوم جدا, جاء لابو الشيخ, قال ليهو انا داير امش الحج, الشيخ قال ليهو بالحيل, امش جهز صورك, فعلا لو في استوديو في كريعات
|
لووووووول
كوريا الجلعيين و لّ كوريا الشايقية اللتنين ما فيهن استديو، و لا حتى الرقيل، العيشاب، عد الحاج، و لا حتى الفكي ود العمارة ... اللخ اللخ
و لا ام شانق سيدي البدوي عادل صاحب ( "بان دور"؛ إدمانُ العيش! ) .. لكن بانت امكن! .. خالو الطيب مهددنا كلنا :
Quote:
وعلى الرغم من ذلك فقد كان الطيّب خالي يرد على مكاواة ناس رفاعة بالقول: بانت مدينة ولا كتّر خيركم! وأنا لا أشاركه رأي النصف الثاني من سبعينات القرن الماضي هذا فحسب وإنّما أحنُّ إلى ملامح تلك المدنيّة أيضا.
|
-----
شيخ بابكر سعدت بانو لاقيتو بالدرب العديل، زول رهيف و نضيف يا سلاااااام ياخ
و حيرانو كلهم ناس واصلين ...
اجمل قصة رويت عنو لما جاتو مرا، مودرة غنمايتا.. رايحةمن دغش فاطنة على ابوها محمد، فقعدا قليها نخلص الناس ديل و برجع ليك. لمن انفض مجلسو و طلعوا الحيران .. اتناول عكازو و قال ليها : كب يلاكي نترافق .. باقي انا ذاتي حمــاري رايح ليهو يومين .. ارح نفتشم!؟
اتخلعت رسمي!! .. طبعاً هي كان دايراهو يجيبا ليها بالفاتحة سااااااااااي!!
زولك بجيب ليك اسمو تب، راسمال تلفون لبت السيمت ( امي ) .. ياخ ما تلز تلفون فتح الرحمن لو ممكن.. انا وهو اتعاقبنا بعد جيتو من ( المغرب ) - ما تونس - للسعودية نحن جينا بجاي و هو اتخارج كندا.
سلام و كؤؤد المودات
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: Kostawi)
|
Quote: الاخ العزيز كمال
تحية
شكراً علي الطلة
بالنسبة لصديقي و استاذي دكتور مهندس احمد بابكر حسين و الذي كان رئيساً لشعبة الهندسة الميكانيكية بكلية الهندسة ـ جامعة الخرطوم...كان "اول السودان" ، ما في كلام "اول عموم السودان" في عام 1960م ، و من مدرسة مدني الثانوية و ليست حنتوب الثانوية. بالطبع مدني الثانوية كانت واحدة من المدارس التي تنافس حنتوب و خور طقت و وادي سيدنا في الصدارة.
|
Re: خريجو حنتوب الثانوية....أين هم؟! العالم الجليل &quo...لق المبادرة التاريخي
سلامات ياكوستاوي
المعلومة أعلاه وردت بهذا البوست على لسان الأستاذ صديق عبدالهادي
وهي تناقض المعلومة أدناه ..
والدكتور / أحمد بابكر حسين هو والد زميل البورد / منذر أحمد بابكر (بتاع فلادلفيا) وهو عايش في فلادلفيا ..(فمن نتأكد منها من منذر لو أنتبه للبوست ده )
Quote: 1960
كمال الهادي عبد الرحمن
حنتوب بنين
مصطفي حسن بادي
مدني بنين
|
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: كمال علي الزين)
|
Quote: يسري محمد حاج بري (من تبج)
الخرطوم الحكومية بنين
|
بالحيل ياهو جاري وصاحبي دكتور يسرى بري وهو واحد الوجوه السودانية المشرفة اخلاقا وتاهيلا
وواحد من الاطباء المتميزين جدا وعلى ما اعتقد انه رئيس مركز (الكلي) بمستشفي (بيلر) المشهور
بمدينة دالاس بولاية تكساس..وهوانسان مشرف بحق وحقيقة و( اخو اخوان)
يقف مع اهله السودانيين في كل اوقات الشدة ولقد كانت لوقفته المشهودة والنبيلة ابان مرض الراحل خالي وعمي بدر الدين هباني تاثير كبير على افراد الاسرة حيث كان يزوره دكتور يسري من وقت الى اخر الى ان قرر اخيرا بعد ان تعطلت احدى الكلي للراحل خالي نقله الى مستشفى( بيلر) حيث يعمل دكتور يسري وكان يشرف عليه بنفسه يوميا الى ان توفاه الله
لك المجد والرفعة يا دكتور يسري ولاسرتك الكريمة دوام الامن والاستقرار والازدهار.
شكرا يا( خردة) فقد فتحت خيطا هاما جدا واهتبلته فرصة لشكر هذا الرجل العلامة النبيل اخي دكتور يسري بري.
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: Kostawi)
|
Quote:
1997
احمد مصطفي عبد الله |
كان اول دفعتنا سنة 1997
وكان مجهجه معانا في الخدمة الالزامية
حيث تم طبيق قرار الخدمه الالزاميه فينا لاول مره
فكنا فيران تجارب الخدمه الالزاميه لووووول يكا علي قول الزول ذاتو
من الطرائف كنا نجلس مجموعة من الطلاب المجهجين بالالزاميه برئاسة الشرطة
في الثورة الحاره العاشره حينها .. وكان احمد المصطفي ضمن الجالسين
ابتدر النقاش احدهم : قالوا اول الشهاده معانا هنا يا شباب .. قلنا ايوه
قال كيف الكلام دا ؟ مفروض يعفوه من الالزاميه .. دا زول عقبري .. هسي لو حصل ليهو شي في المعسكر لا قدر الله
البلد بتكون فقدت عقل كان بطورها اكتر من شمال لف ويمين دور ..
علق الاخر .. بالله هو معانا هنا ؟ الزول دا بالله جاء الاول كيف ؟
رد عليهو احمد المصطفي نفسه .. قال ليهو الشهاده دي زي السباق البجري كويس داك بصل
قال ليهو والله شكلو هو كان جاري ونحن كنا واقفين عديل كده
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: معتصم احمد صالح)
|
| Quote: 1982 د. صلاح الدين الزين - الفاشر الثانوية |
you are right
يا معتصم, والله سقط إسمو سهوا
و بنعتذر ليه and I will revise the post...بالمناسبة أنا درست حصة واحدة عن الجيلوجيا في الفاشر الثانوية عام 1983 و كنت حينها في طريقي للجنينة من الخرطوم في مهمة رسمية
ثانوية الفاشر خرجت عباقرة يا معتصم
ودي عايزة بوست منفرد
تحيتي
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: Kostawi)
|
تحياتى
الدكتور يسرى محمد حاج برى (تبج /مركز حلفا)
درس الأولية بمدرسة الخرطوم غرب (1) وكان اول الفصل دائما وحتى امتحان الشهاده للوسطى
درس الاوسط بالخرطوم الأميرية وكان الأول فى امتحان الدخول للمدارس الثانوية
درس الثانوية فى الخرطوم القديمه وكان اول السودان وهكذا الى ان تخرج بجائزة الطب من كلية طب الخرطوم وحائز على الزماله فى الباطنية من لندن وكذلك البورد الأمريكى
الطبيب يسرى تميز عن غيره بحب الرياضه وكرة القدم تحديدا طوال فترات دراسته ومتابعة افلام السينما والنشاطات المدرسية المختلفه من ليالى ادبيه ومهرجانات ثقافية ورياضية
وحريص جدا على علاقاته الأجتماعية
مزيدا من المجد
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: احمد خليل)
|
الاخ العزيز كوستاوي والاخوة المتداخلون
سلامات
وصلتني هذه الرسالة عبر بريدي الالكتروني من الاستاذ حسن صلاح من مدينة العين بالامارات العربية،
وهي تشيد باحدى اوائل السودان هي الدكتورة مواهب حسين سليمان
انشر الرسالة كما هي دون تدخل مني
واقول له الف شكر على كلماتك الطيبات في حق
الاخت لدكتورة مواهب حسين سليمان
ان نجاح اي امراة سودانية اينما كانتهو نجاح لنا جميعا.. وللنجاح في الغربة طعم خاص..يرفعن الرأس كنداكات السودان ديل اينما كن..!!
Quote: سلام عليكم استاذة حليمة
في البدء أعتذر عن الكتابة اليك دون سابق معرفة..ولكن لفت انتباهي موضوع اوائل الشهادة السودانية وبما انني صادفت واحدة منهن هنا في دولة الامارات العربية احببت ان اقول بعض العبارات الصادقة في حقها
هي الدكتورة مواهب حسين سليمان ...وهي الان محاضرة في قسم الهندسة الكهربائية بكلية الهندسة جامعة الامارات
وقد كانت اولى الشهادة السودانية في عام 91
وقد علمت انها تخرجت بأفضل تقدير تشهده كلية الهندسة جامعة الخرطوم منذ انشاؤها
كما انها حصلت على ماجستير من بريطانيا في شبكات الحاسوب بامتياز
وتحصلت على الدكتوراة من الولايات المتحدة الامريكية في هندسة الالكترونيات
وهي ذات سمعة طيبة هنا وسط طلاب الهندسة ..والذين يتسابقون للتسجيل في كورساتها ..وللعمل معها في المشاريع البحثية عند التخرج
حسن صلاح
العين - الامارات
|
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: صلاح عباس فقير)
|
شكرا كوستاوي علي البوست الذي يعتبر تكريم لهؤلاء النوابغ الذين يطويهم النسيان أول ما يدخلوا الجامعة ويدخلوا في دوامة الحياة
غريبة داخل الجامعة كثيرا ما تحصل تحولات فكم من واحد من العشرة الأوائل تعثر أثناء الدراسة الجامعية وتخرج بتقدير عادي وبعض من دخلوا الجامعة بسل الروح علي ظهر حمار أعرج كما كان يقول واحد دفعتنا إمتحن ثلاثة مرات ودخل آخر زول في دفعته لجامعة الخرطوم ولكنه بالمثابرة تخرج بتقدير مميز وواصل دراسته العليا حتي الدكتوراة
من المشاكل في السودان هو عقدة الطب وهي مشكلة تساهم فيهاالاسر والمجتمع فيذهب كل هؤلاء النوابغ لدراسة الطب ليس عن رغبة ولكن إرضاء للأسرة والمجتمع
(ليس العشرالأوائل فقط ولكن أنا أعتبر كل ال 500 الأوائل في كل دفعه هم نوابغ ومشاريع لمخترعين وعملوا لو وجهوا التوجيه الصحيح لغختيار المجال الذي يناسبهم بدل عقدة الطب ولذلك يتخرج هؤلاء في النهاية أطباء شطار فقط)
الظروف جمعتني باربعة منهم وسوف أخصص مداخلة لكل منهم
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: أسامة البلال)
|
بروفيسير عبدالله الصادق
أستاذ هندسة المساحة في جامعة الخرطوم في التمانينات وجامعة الرياض السعودية في التسعينات ومدير مصلحة المساحة ورئيس مفوضية ترسيم الحدود بين الشمال والجنوب وهو أصغر سوداني ينال درجة البروفيسير عندما كان لها شنة ورنة قبل أن تصبح في زمن الغفلة ينالها زعيط ومعيط
وأستاذ كيكي
ربطتنا بأسرته علاقة جيرة وصداقة. وكانت والدته الخالة فاطمة المنا عليها رحمة الله في مقام الأخت الشقيقة للوالدة. وقد تعمدت ذكر والدته الحاجة فاطمة لأنها إمرأة عصامية مكافحة لعبت دور أساسي في نبوغ ونجاح كل أبنائها رغم أنها لم تنال قسطامن التعليم ووجودها بعيدا من العاصمة في ضواحي تندلتي ورغم أن طموح عمنا الصادق وقتها هو أن يكمل أبنائه تعليمهم الأولي ليكونوا بجانبه في زراعته والإهتمام بالسعية ولكن إصرار الحاجة فاطمة ومثابرتها أوصلتهم كلهم إلي جامعة الخرطوم فكان عبدالله أول الشهادة الثانوية من مدرسة كوستي والسفير علي الصادق الناطق السابق بإسم الخارجية وسفير السودان في اليونان خريج إقتصاد الخرطوم والمقدم شرطة عمر الصادق أيضا خريج جامعة الخرطوم واخواتهم اللائي تخرجن من جامعة الخرطوم.
التحية والرحمة للخالة فاطمة المنا المرأة الذكية الصارمة والطيبة فهي أم مثالية بمعني الكلمة وقد قال عبدالله أنها لو نالت تعليما لأدارة بلد بحالها وهو كان يبرها جدا ويقضي كل إجازته معها تحت الراكوبة رغم إمتلاكه للفلل والعمارات فقد ورث عنها الذكاء والصرامة والبساطة فلها ألف رحمة ومغفرة من عند الله
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: صلاح عباس فقير)
|
شكراً استاذة حليمة
دي اول دفعتنا ..
Quote: وقد كانت اولى الشهادة السودانية في عام 91
وقد علمت انها تخرجت بأفضل تقدير تشهده كلية الهندسة جامعة الخرطوم منذ انشاؤها
|
بس كان بتردد على عهدنا انو [ أفضل تقدير تشهده كلية الهندسة جامعة الخرطوم ] كان للدكتور لام اكول
طبعاً انا ذاتي ما عارفو كم؟
و كان بنرددا كأسطورة ...
برجاء اهل الشئ ذاتا ينورنا و تاكيد المعلومة اعلاه؟
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: صلاح عباس فقير)
|
Quote: اخصائي نحرير للطب الباطني ويعمل وسط الشعب بكل تواضع وحب كبير لهذا الوطن بمدينة ودمدني
وهو اخ للبوردابي الدكتور عوض محمد احمد
ودفعة كلية الطب التي دخلت 1967 وصفت بانها دفعة صاعقة وشطار شطارة تخلع
وله المجد والخلود |
زاملت شقيقه الاصغر جمال محمد احمد بمدرسة مدني الثانوية وكلية التجارة جامعة القاهرة الفرع وكان من اعز اصدقائي
عمل بعد التخرج ضابط اداري وبعد ذلك انقطعت اخباره عني
كانوا مجموعه متميزة من ابناء منطقة الحلاويين بمدرسة مدني الثانوية
عشنا اجمل ايام الحياة في رحاب هذه المدرسة العريقة
اسامة
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: اسامة دفع الله ابوالحسن)
|
Quote: Quote: 1976
عوض عمر السماني الحكيم
شندي بنين
إيمان عثمان زين العابدين
الخرطوم بنات
|
دكتور عوض عمر السماني أستاذ الجراحة بجامعة الخرطوم من منطقة الشقالوة ريفي شندي. أول الشهادة السودانية 1976 من شندي الثانوية
كانت صدفة غريبة أن ألتقيه في أواخر عام 1992 وكنت مع الأخ الدكتور بابكر العوض وكنا في إجازة في السودان طلب مني أن أرافقه لزيارة دكتور عوض في السلاح الطبي وكان مصاب في رجله في الجنوب فوجدناه علي السرير الأبيض بعراقي وسروال ورجله في ملفوفة بالضمادات وهو في زهده وبساطته المعروفة وكان دكتور بابكر أحضر له هدية من السعودية حذاء جزمة فتحسسها داخل الكيس وقال إن شاء الله تكون بوت وعندما سالناه لماذا قال إنه سيعود للجنوب عندما تشفي رجله وفعلا بعد عدة أشهر وصلني خبر إستشهاده وهو في ريعان شبابه . نسال الله له الرحمة والمغفرة
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: أسامة البلال)
|
Quote: كان اول دفعتنا سنة 1997
وكان مجهجه معانا في الخدمة الالزامية
حيث تم طبيق قرار الخدمه الالزاميه فينا لاول مره
فكنا فيران تجارب الخدمه الالزاميه لووووول يكا علي قول الزول ذاتو
من الطرائف كنا نجلس مجموعة من الطلاب المجهجين بالالزاميه برئاسة الشرطة
في الثورة الحاره العاشره حينها .. وكان احمد المصطفي ضمن الجالسين
ابتدر النقاش احدهم : قالوا اول الشهاده معانا هنا يا شباب .. قلنا ايوه
قال كيف الكلام دا ؟ مفروض يعفوه من الالزاميه .. دا زول عقبري .. هسي لو حصل ليهو شي في المعسكر لا قدر الله
البلد بتكون فقدت عقل كان بطورها اكتر من شمال لف ويمين دور ..
علق الاخر .. بالله هو معانا هنا ؟ الزول دا بالله جاء الاول كيف ؟
رد عليهو احمد المصطفي نفسه .. قال ليهو الشهاده دي زي السباق البجري كويس داك بصل
قال ليهو والله شكلو هو كان جاري ونحن كنا واقفين عديل كده |
سلام نوفل
أحمد المصطفي أو إسم الشهرة أحمد المكاشفي تجمعني به ظروف الجيرة والغربة في مدينة أوسلو وإلتقيه من وقت لآخر وهو شاب خلوق ومتواضع ويعمل في إتمام رسالة الدكتوراة في النرويج وأيضا تربطناالجيرة في الثورة الحارةالعاشرة في أمدرمان أمنياتنا له بالتوفيق في رسالة الدكتوراة
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: khaleel)
|
1970 -احمد عبدالقادر صالح - من ابناء مدينة تندلتي- هندسة جامعةالخرطوم-الدكتوراه الولايات المتحدة
ربطتنا به علاقة جيرة لفترة محدوده في الخرطوم وإلتقيته مرات محدوده في منتصف التسعينات
كل الأربعة الذين ذكرتهم الشئ المشترك بينهم هو التواضع والبساطة هذه ميزة العلم لأن العلم زينة للعقول ويتناسب عكسيا مع الكبر
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: أسامة البلال)
|
Quote: سلام نوفل
أحمد المصطفي أو إسم الشهرة أحمد المكاشفي تجمعني به ظروف الجيرة والغربة في مدينة أوسلو وإلتقيه من وقت لآخر وهو شاب خلوق ومتواضع ويعمل في إتمام رسالة الدكتوراة في النرويج وأيضا تربطناالجيرة في الثورة الحارةالعاشرة في أمدرمان أمنياتنا له بالتوفيق في رسالة الدكتوراة |
هلا اسامة
بالله بلغو تحياتنا .. والحمد لله انه قدر يواصل مشوارو رغم ظروف سنة 97 المعروفه ديك
تحياتي
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: اسامة دفع الله ابوالحسن)
|
Quote: 1979
محمد الغزالي رحمة الله
سليمان حنتوب بنين
|
كوستاوي سلامات وتحايا ليك ولكل الأسماء الأوردتها..
محمد الغزالي أو "غزالي" كما نعرفه هو جارنا في حنتوب.
والده الأستاذ "رحمة الله سليمان" كان رئيسا لشعبة التربية الإسلامية بمدرسة حنتوب الثانوية وقتها. وكان أقرب اصدقاء والدي رحمه الله..
الجميل أن ثاني الشهادة الثانوية في نفس العام كان إبن عمه "المتوكل أحمد المصطفى سليمان" من مدرسة حنتوب أيضا. وظهرت نكتة وقتها حين ذهب الناس للمباركة: إنتو الوليدات ديل كنتو بتأكلوهم شنو..؟ هههه
"عبدالرحمن" شقيقه الأصغر كان يحمل هم ماذا يفعل عندما يمتحن الشهادة. لأن الناس جميعهم لا يرضون له بأقل من الأول أو الثاني..
"غزالي" درس طب. وعمل فترة في اليمن وذهب لأيرلندا - لا أعرف إن كان لايزال هناك. الـ أبديت بتاعي كان سنة 2002.
من صفاته: هادئ ومهذب لدرجة لا يمكن تخيلها.
التحية للغزالي وين ما يكون ولأسرتيه الكبيرة والصغيرة..
رجا
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: Raja)
|
Quote:
1966
محمود محمد شريف
عطبرة الحكومية بني |
"الشهيد" محمود محمد شريف (المعروف بمحمود شريف)
مدير الكهرباء السابق وأول مدير تقريباً لشركة سوداتل ،
وصححوني لو المعلومة خطأ..
كان له دور في انقلاب 89 وله دور أيضاً في ما يعرف مايوياً بالمرتزقة عام 1976
وهو والد المهندس محمد شريف
توفي منتصف التسعينيات في حرب الجنوب
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: محمد يوسف الزين)
|
[ | Quote: أفضل تقدير تشهده كلية الهندسة جامعة الخرطوم |
كلية الهندسة والمعمار سابقا
كانت تشمل:
معمار
مدنية
كهرباء
كيمائية
ميكانيكا
مساحة
زراعية ....
وكل قسم بعد السنة الاولى
كان مستقل رغم أن اللافتة واحدة
وكذلك العميد
عليه يكون لكل قسم افضل تقدير ...
معذرة يا مهندس Khaleel على التطفل ....
لام اكول غالبا خريج كيمائية او كهرباء مع ترجيح الاولى
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: احمد الامين احمد)
|
Quote: كلية الهندسة والمعمار سابقا
كانت تشمل:
معمار
مدنية
كهرباء
كيمائية
ميكانيكا
مساحة
زراعية ....
وكل قسم بعد السنة الاولى
كان مستقل رغم أن اللافتة واحدة
وكذلك العميد
عليه يكون لكل قسم افضل تقدير ...
معذرة يا مهندس Khaleel على التطفل ....
لام اكول غالبا خريج كيمائية او كهرباء مع ترجيح الاولى |
خريج كيمائية
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: بابكر عثمان مكي)
|
شكرنا استاذنا احمد الامين
Quote:
وكل قسم بعد السنة الاولى
كان مستقل رغم أن اللافتة واحدة
وكذلك العميد
عليه يكون لكل قسم افضل تقدير ...
معذرة يا مهندس Khaleel على التطفل ....
لام اكول غالبا خريج كيمائية او كهرباء مع ترجيح الاولى
|
و شكراً يا كرمبا على الحسم الكيميائي لمصلحة دكتور لام اكول
اها امير الروسي؟
دا واحد من اساطير الاولين - ناس نحنا ديل - لكن بعدكم يا خليل و كيكي .. دفعتنا تقريباً او بعدنا
حد عندو معلومات؟
--------
استاذنا احمد الامين
ياخ ما قلنا ليكم في ضهارينا ديك اسطرة ساااي ..
عاوزنا نفرز دا من دا؟ .. كلو عند العرب صابون ياخ!
استاذ / لطفي
ما ناسيك .. جاييك
ياخ ما تفتح ليك بوست عن شيخ بابكر دا
و اهو دا " زيكو" قريب برضو امكن يكون عندو حكاوي عنو .. رجل يستحق الذكر بالجد
عمنا السمي فتحي مسعد حنفي في سودانيات مرة حكى عنو .. و طلع بعرفو كويس.
ازيك يا زيكو يا صديق
يا كرمبا بوست جميل ياخ .. اول مرة تجيب ليك حاجة فيا فايدة
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: Kostawi)
|
ربما كان هنالك من هم اذكي واقل حظا من اوائل السودان مع تقديري واحترامي لاصحاب المقام الرفيع ومنهم من لم يواصل تعليمه واكتفي بالثانوي او الابتدائي لظروفه الخاصة ---------- من النوابغ الذين اذكرهم في دفعتنا سنة 83 بجامعة الخرطوم خالد حسن حسين وخالد حماد ثم ملهم محمد الحسن والصديقة نازك حماد رابعة السودان حينها وان كنت اري ان الاول شوية عليها ------------------------ التحية للدفعة حليمة محمد عبدالرحمن وللاخ عمار يس الورانا بي دفعتين ودفعة اولادنا خطاب والمرحوم سعد محمد علي والتحية لكل خريجي جامعة الخرطوم بما فيهم الصديق بكري ابو بكر
| |
|
|
|
|
|
|
|
|
|
Re: أوائل الشهادة السودانية من عام 60 وحتى 2004م (Re: عاطف ابراهيم)
|
Quote: زاملت شقيقه الاصغر جمال محمد احمد بمدرسة مدني الثانوية وكلية التجارة جامعة القاهرة الفرع وكان من اعز اصدقائي
عمل بعد التخرج ضابط اداري وبعد ذلك انقطعت اخباره عني
كانوا مجموعه متميزة من ابناء منطقة الحلاويين بمدرسة مدني الثانوية
عشنا اجمل ايام الحياة في رحاب هذه المدرسة العريقة |
الاخ اسامة
السلام
تقبل تحيات صاحبك جمال و هو الان يعمل فى ود مدنى
لو الماسنجر فتح معاى حا ارسل ليك رقمو
| |
|
|
|
|
|
|
| |
Kostawi
Murtada Gafar
ابراهيم قناوي
عبدالكريم الامين احمد
احمد محمد بشير
محمد البشرى الخضر
رشا سالم
عاطف مكاوى
Gaafar Ismail
عبدالرحمن الحلاوي
omer osman
Zomrawi Alweli
داليا الكباشى
محمد عبدالرحمن
Mohamad Shamseldin
عمار يس النور
Mandingoo
GamarBoBa
خالد العبيد
عزان سعيد
Rawia
احمد الامين احمد
عثمان نواي
khaleel
ناصر البطل
سيف عبد العزيز
Mohamed E. Seliaman
حليمة محمد عبد الرحمن
قيقراوي
Dr.Elsadig Abdalla
كمال علي الزين
هشام هباني
fadlabi
نوفل عبد الرحيم حسن
معتصم احمد صالح
أسامة البلال
اسامة دفع الله ابوالحسن
Raja
محمد يوسف الزين
talha alsayed
فيس بوك
تويتر
انستقرام
يوتيوب
بنتيريست