|
|
 مريخ البطولات . . لا وألف لا للإساءة إليه
|
أيها السادة الكرام
السلام عليكم ورحمة الله وبركاته
أسعد الله نهاركم أينما كنتم وتقبل الله صيامكم ونبارك لكم الشهر الكريم .
نادي المريخ السوداني هذا الكيان الشامخ صاحب البطولات والانجازات الفريدة أول نادي سوداني حقق الدوري بدون هزيمة أو تعادل محققاً الدرجة الكاملة من النقاط مسجلاً أسمه من نور في كتاب جنيس كأول نادي يحقق ذلك ، وكذلك حقق الدوري بتعادل واحد ، مريخ الملايين حب شريحة عظيمة من السودانيين النادي الوحيد الذي حقق للسودان بطولات خارجية صاحب الكاسات المحمولة جواً والذي يمثل السودان خير تمثيل .
درج البعض هنا الإساءة لهذا الكيان العظيم وتشويه صورته باكاذيب مختلقة من خيالهم واوهامهم ، والترصد به وبالذات في هذه الايام والمريخ يناضل ويقدم في احلى سيموفنية عذبة واداء سلس أعجب الأجانب قبل السودانيين (المذيع الإماراتي خير دليل على ذلك) وهو يحقق الانتصار تلو الانتصار فشككوا في الفرق المشاركة واستخفوا بهم (الما يطول العنب يقول عليه حامض) وكذلك استهانوا ببطولات المريخ الداخلية والخارجية وهي مدونة ومثبتة في سجلات الاتحاد المحلي والعام بالسودان وكذلك سجلات سيكافا والاتحاد الافريقي لكرة القدم (الكاف) يريدوننا ان نلغي هذه السجلات والحقائق وهذه الاتحادات ونصدق اوهاهم ومقارناتهم السمجة . وأخر المصائب هجومهم على صحفي السودان ابناء الوطن بانهم يكذبون وينافقون (لا حول ولا قوة الا بالله ) ما ذنب الصحفي هذا اذنبه انه عشق المريخ العظيم مريخ الملايين مريخ الكاسات المحمولة جوا المريخ النادي الذي يُعلم الاخلاق قبل الكورة ويربي ويهذب النفوس قبل البطولات . . لا والله انها لكبيرة ان تهاجموا هذا الصحفي المحترم الفذ صاحب القلم الأمين (مزمل ابوالقاسم) ، بهذه الطريقة السمجة الغير مهذبة
والله الذي لا أله الا هو أننا نستطيع ان نرد الصاع صاعين وان ندافع عن مريخنا وعن صحفيينا ونكتب بكل كلمات القبح ولكننا نترفع عن ذلك لان نادي ومنسوبي وصحفي المريخ علمونا الأدب وكيفية مخاطبة الآخرين ، فمن هنا اطالبكم ان تكتبوا عن ناديكم وقولوا فيه ما تشاءون وأتركوا المريخ في بطولاته وانجازاته وانتصاراته .
العزة والشموخ لمريخ السودان ، ولابناء السودان ، وكل عام وانتم بخير
|
|
 
|
|
|
|
|
|
|
 Re: مريخ البطولات . . لا وألف لا للإساءة إليه (Re: keiga2000)
|
أخوي الهميم حمزاوي
رمضانك كريم
| Quote: نادي المريخ السوداني هذا الكيان الشامخ صاحب البطولات والانجازات الفريدة أول نادي سوداني حقق الدوري بدون هزيمة أو تعادل محققاً الدرجة الكاملة من النقاط مسجلاً أسمه من نور في كتاب جنيس كأول نادي يحقق ذلك |
إنت يا حمزاوي جاد في كلامك ده ولا الصيام فعل أفاعيله.. أها منتظر ردك عشان عندي كلمات داير أقوله.
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: حمزاوي)
|
شقيقي العزيز اسماعيل وراق (ابومحمد)
نهارك سعيد
نعم انا متاكد من كلامي دا
لنا الصدر دون العالمين او القبر
كيف اخبارك انت يا اخوي مالك مسجل غياب
ما شايفنك متداخل شنو الحكاية
شقيقي الاستاذ كيقا
شكرا جزيلا
كما عهدناك دايما هميم
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: حمزاوي)
|
| Quote: لا والله انها لكبيرة ان تهاجموا هذا الصحفي المحترم الفذ صاحب القلم الأمين (مزمل ابوالقاسم) ، بهذه الطريقة السمجة الغير مهذبة |
عزيزي/ حمزاوي
رمضان كريم
كنت من الذين انتقدوا مزملاً غير مرة، بعثت له ذات مرة رسالة تفضل -مشكوراً- بنشرها عبر عموده المقروء وكانت عن استنكاري لإيجاده العذر لفئة غير مهذبة من جماهير المريخ هتفت ضد حكم إحدى مباريات الفريق بألفاظ نابية وصلت لمسامع الملايين عبر الإذاعة، غير أنّه اكتفى بشكري على رسالتي وأكد حرصه على سموّ الأخلاق قبل غيرها ثمّ انصرف عن الدعوة للتحلي بالخلق القويم والكتابة لمصلحة الكرة بالسودان إلى مهاترات مخجلة مع صحفيين -أخطأوا هم بدورهم-، مزمل كاتب جيّد لا شكّ عندي في ذلك، لكنّه ليس فوق النقد (المهذب) إن أخطأ، راجع يا عزيزي حمزاوي العبارات التي كتبها ونقلتها في مقال تاج السر الحسن فأنا لا أودّ تكرارها مرة أخرى هنا، بقى أمر أخير، وهو أنّي أعيب على مزملٍ تناوله لمستوى الكرة السودانية استناداً لنتيجة مباراة بعينها دون النظرة الشاملة، فهو يكتب هذه الأيام كلاماً منمقاً عن المريخ تشعر بعد قراءته أنّ المريخ اكتملت صفوفه وأنّ الفرق العالمية لن تترك لاعباً منهم إلا وضمته لها وكذا الحال لكتاب الهلال، نظرة سريعة لترتيب السودان في التصنيف الدوليّ تجعل مزملاً وغيره ينظرون بواقعيّة لحال كرتنا السودانيّة فربّما تنصلح الحال، الصحافة الرياضيّة طرف أصيل ذو أثر ملموس في ارتفاع أو تراجع مستوى الرياضة والصحفيون الرياضيون هم من تقع عليهم مسئولية النقد من أجل التطوير فهلا أبتعدوا عن السباب الشخصيّ والمكايدات غير المفيدة؟ أتمنى ذلك.
أحمد الريّح-هلالابيّ
___________________________________________________________________________
بعيداً عن فيروس الخلافات الشخصية الذي ضرب المنبر الحر، فقد كتبت هذا التعقيب Re: فيروس يضرب المنبر الحر للأستاذ ودقاسم في مقاله (فيروس يضرب المنبر الحر)، لم أرَ منه رداً ولا ريب أنّه لم يطلع عليه، وعلى أيّة حال، إن هو آثر الاطلاع عليه وعدم التعقيب بقصد قفل تلك الصفحة بما فيها فلا تثريب عليه ودوافعه عندي متفهَّمَة، فما أوردته هنا إلا تأكيداً على اهتمامي على الرد على كل أمرٍ بدأت جدلاً حوله.
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: حمزاوي)
|
شقيقي الاخ / احمد الريح
السلام عليكم ورحمة الله
شهر مبارك ورمضان كريم
لك الشكر والتقدير على المداخلة ، فأنت من الاشخاص الذي أكن لهم الاحترام والتقدير ، فعلاً كما ذكرت ليس هناك شخص فوق النقد ، ألا تتفق معي في كيفية النقد وأسلوبه والغرض منه والموجه نحو الاخ مزمل ابوالقاسم وبهذه الطريقة الرخيصة .
كتبت :
تشعر بعد قراءته أنّ المريخ اكتملت صفوفه .
أنا مع مزمل في ما يكتبه عن المريخ في هذه الايام عن المريخ فعلا المريخ مكتمل صفوفه ونحن المريخاب فرحون به وهذا ما يميز الاستاذ مزمل ابوالقاسم انه يتكتب الحقيقة مجردة عندما يرتفع مستوى المريخ يكتب عنه وعندما ينخفض مستواة كذلك يكتب عن انخفاضه والسبب .
بخصوص مداخلتك في فيروس يضرب المنبر الحر وعدم التعقيب من الاخ ودقاسم ساقابل الاستاذ ودقاسم يوم الخميس في الافطار الجماعي لبورداب الرياض وساعرف منه السبب .
لك الشكر والتقدير من قبل ومن بعد .
| |
|
|
|
|
|
|
|
|
 Re: مريخ البطولات . . لا وألف لا للإساءة إليه (Re: حمزاوي)
|
نعم أنى اعترف المريخ هذه الأيام مكتمل وحديد
فقد أنتصر على دكان (يمانى) بدبى اسمه (باريس قلرى) ، أقصد تعادل.
وفاز على غريق الشرطة العراقى الذى لا يجلس افراده فى مراكزهم فالزرقاوى من امامهم وأمريكا من خلفهم.
المريخ قوى لأنه يتفسح جيدا فى دبى وهى مقبله على فصل الشتاء.
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: حمزاوي)
|
المريخ قوي وبينازل فرق قوية وانت قبل اي شخص مقتنع بس مكابر
دعك من المكابرة واعترف
وذي ما قلت ليك انت بينطبق عليك المثل (المايطول العنب يقول عليه حامض)
وين وين تلقوا ذي دا
مريخنا رهيب وين تلقوا ذي دا
كاسات محمولة جوا وين تلقوا ذي دا
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: حمزاوي)
|
سمعت مرة أن المناضله اليساريه (فاطمه أحمد أبراهيم) منعوها فى مرة من أن تركب (بصا) من ناحية أحد الأبواب ، وعندما استفسرت الكمسارى عن السبب فقال لها : ده باب الرجال.
فردت عليه الرجال فى كندا !!!
يا ايها (المكابرابى) رقم واحد بالمناسبة (المكابرابى) ده الص ما حفى الدقاهو (أبو جريشه) البدافع عنو (الصحاف) ، رغم أنه مريخابى لكنو بقول الحقيقة.
عموما ما همانا لكن (الأقوياء) قاعدين فى السودان!!!
وبعدين صحح معلومتك الهلال هو أول فريق فى العالم يفوز بكأس دورى بلد بى حالها فى حجم السودان بدون هزيمه.
لكن بالنسبة للدورى المحلى فمن الجائز جدا انه مثلا أحد فرق (السواح) ناس كيقا او غيرهم من أى اقليم يفوز ببطولة الدورى المحلى دون هزيمه او تعادل ، فذام ليس بالغريب.
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: حمزاوي)
|
العزيز تاج السر
Quote:
وبعدين صحح معلومتك الهلال هو أول فريق فى العالم يفوز بكأس دورى بلد بى حالها فى حجم السودان بدون هزيمه.
|
اهه لكن الشبيك ما عندكم
Quote:
لكن بالنسبة للدورى المحلى فمن الجائز جدا انه مثلا أحد فرق (السواح) ناس كيقا او غيرهم من أى اقليم يفوز ببطولة الدورى المحلى دون هزيمه او تعادل ، فذام ليس بالغريب
|
المريخ دى نطقها صعب و لا شنو عليكم؟؟؟ اهه النسألك لمن المريخ على حسب كلامك فاز بالدورى المحلى لاول مرة ، ناس الهلال ديل كانو وين؟؟؟
اهه نختهاواطة و لا لسه نخليكم تحاولوا
و لكم الشكر
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: abdalla BABIKER)
|
الفهم قسم !!!
مرة اخرى اكرر ان (الزعيم الهلال) هو اول فريق فى العالم يفوز بدورى عام دون هزيمه فى بلد بحجم السودان.ولا ننكر ان (الهلالاب الزعلانين) قد فازوا بدورى العاصمه دون هزيمه او تعادل فأى الأنجاذين
أكبر ؟؟؟ ان كان (هلال بورتسودان) فاز عليكم بتسعة لاعبين؟؟
وعندما فزتم على حى العرب بهدف ذهب (الوالى) وحاشيته لأستقبالكم بمطار الخرطوم.
طبعا (السواح) انا بقصد بيهم أى فريق أقليمى يمكن ان يحقق ذلك الأنجاذ، بمعنى يمكن لسارديه ان تنتصر على جميع فرق شندى دون ، والصوفى القضارف يمكن ان يفعل ذلك بأندية القضارف.
لذلك فهذا ليس أنجاذا غير مسبوق ، وأنما الغير مسبوق هو أن يحصل فريق على كاس عموم السودان دون هزيمه.
لكنكم دائما تتنكرون و(تشقلبون) الحقائق ، والفهم قسم.
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: حبيب نورة)
|
شيبا والله الزول دا كرهتو الكوره ذاته مان تو مان محل مايمشي يلقاك خليه يحترم نفسو ويشوف ليه نومه بلا هلال ولا الله اداني كاس الناس ديل متين يجيبوا كاس خارجي دعواتكم ليهم في شهر رمضان هذا عسى ولعل الله يستجيب لينا نحن المريخاب عشان ماممكن نجيب في الكاسات برانا وفوق فوق مريخنا فوق ودائما منتصرييييييييييييييييييييييييين في المنبر ذاتو منتصرين ايه رايكم نفتح بوست لاحصائية البورد مابين اسياد البلد المريخاب وهلال المحلييين
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: keiga2000)
|
حمزاوى
رمضان كريم
انت يازول الرشل=اشات ديل خلى ليهم كيجا دا بقدر عليهم
قلت لى ياكيجا اسى حتعملو شنو...بتفرشو مع الجماعة ولا بتمشو وتجو
الناس حادين وانتو عاوزين الكاس عشان تعيدو بيه وعشان البشير
يرقص رقصة العيد....تراه ما حيرقص رقصة كيرى.....
اها ودعتكم الله بعد 40 يوم الدورة سوف تستمر ..والله خسارة كبيرة
لكين مع ناس فاروق جبرة كويسة ...قالو كل مرة بشترى مسجل...
لووووووووووووووووووووووووووووووووووووووووووول
قال كرة قال
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: حمزاوي)
|
ما قلنا ليك ابعد من سيد الكورة فريق المريخ
وخليك في فريقك المحلي
نحن راضين بالكاسات المحمولة جوا والفرق اللعبنا معاهم ومستواهم
نحن برانا بنعرف مستوانا
انت الحارق رزك شنو
سيدو راضي شن نخص القاضي
قال نحن حققنا وحققنا يا اخوي انتو امشوا كدا جيبوا سيكافا بالاول
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: حمزاوي)
|
كذبة نوفمبر
| Quote: تعرفي كل الصحفيين والصحفيات مريخاب |
نعم خالد عزالدين مريخابى
والمريخ أكثر انجاذات من الهلال
وكاسات الذهب حصل عليها المريخ
وكاس الكوؤس المنافسه الأولى افريقيا عشان كده الأتحاد الأفريقى الغى منافسات كاس الأنديه
ولون الجمال والحب هو الأحمر
سمعت ببنك اسلامى ، وطيارة اسلاميه ، لكنى او مرة اسمع (بكذب اسلامى)!!!
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: حمزاوي)
|
المريخ هو اول فريق عاصمى يفوز بكاس الدورى العاصمى دون هزيمه ، لكن هذا لا يعتبر أنجار فمن فلا بد أن يكن هنالك فريق آخر فى منطقة أخرى لم نتابعها .
يا اخوي نحن هنا بنتكلم عن إنجازات المريخ واكيد كان بيلعب في دوري الخرطوم حسب النظام القديم واكيد مريخ العاصمة مريخ الملايين بيلعب في دوري الخرطوم مش في دوري عبري ولا الكبكابية نحن فرحانين بانجازاتنا .
قال المناطق الأخرى قال .
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: حمزاوي)
|
... لا للإساءة للمريخ ولكن هل يعني هذا إمكانيّة الإساءة للهلال؟ طبعاً لا... لا للإساءة للهلال أيضا، أقترح أن نكتفي بالمناكفات اللطيفة بدلاً عن تحويل الأمر لجدلٍ عقيمٍ لا طائل منه، أعلم أنّ التعقيبات على مسئوليّة صاحبها ولكن يا عزيزي حمزاوي أنت من تقع عليك مسئوليّة ضبط المقال في اتجاهه الذي أردته له، أمر هام أردت لفت الانتباه إليه: انتقاد كاتب مريخيّ (بطريقة مهذبة طبعاً) لا يعني الإساءة للمريخ بأيّ حال من الأحوال... أليس كذلك يا عزيزي حمزاوي؟
هاك هيثم مصطفى ده 
أحمد الريّح
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: Ahmed Alrayah)
|
أخى أحمد لك ودى وأحترامى واعتذارى ن اصابك (رائش) منا.
ولكن هل هنالك كذب اكثر من أن يقل الأنسان ان الصحفيين والصحفيات جميعهم مريخاب ، من يقل مثل هذا الحديث (مشجع مخلوع جديد لنج يادوب نزلوا اللورى فى سوق ليبيا)!!!
فالمريخاب طيلة عمرهم يشتكون أن الهلال العظيم دائما الكل الى صفه مسوؤلين وصحفيين وحكام ..الخ.
وقد رد عليهم مرة تعليقا على ذلك (على صديق) الملقب (بعلى كوره) ماهو ذنبنا ان كان الجميع معنا.
ونح علينا واجب فى المجال لرياضى ان نثقف وننتقد بوعى وان كان لاذعا، فلقد ضللت الصحافة التى تريد توزيع مطبوعاتها الجمهور كثيرا ، وللأسف هناك روؤساء تحرير (هلالاب) قشره ، يسكتون لأكاذيب الصحاف لكى يستقطبوا القارئ الساذج المريخابى اضافة الى (الهلالاب) لكى يحصلوا على ربحهم ولا يهمهم ماقيل كذبا فى حق الهلال.
مرة أخرى أنجاذات السودان الخارجيه كما يلى وبالترتيب:-
- حصول الفريق القومى السودانى على كأس فريقيا عام 1970
- وصول الفريق القومى السودانى لنهائيات أولمبياد (ميونخ) وعندها قدم الفريق القومى السودانى مبأرة جميله ضد روسيا انتهت بخسارتنا 2/1 ، احرز الهدف السودانى الأسطورة (جكسا) ، وقد خسرنا الثلاث مباريات التى خضناها أخرها ضد بورما وأنتهت ب صفر/2.
- وصول (الهلال العظيم) لنهائى كاس الأندية الأفريقيه ابطال الدورى لمرتين أولهما فى مصر وانتهت بفوز الأهلى المصرى وبعد أنحياذ سافر من الحكم المغربى لاراش.
- والثانية امام الوداد المغربى وأنهزم الهلال فى اخر 15 دقيقه من عمر المباراة بعد ان قدم عرضا طيبا ، ومن المعلوم ان الأتحاد الأفريقى يختار مكان المباراة النهائيه لتقديم الكأس بمواصفات معينه للكثير من العناصر منها الملعب الذى تقام فيه المباراة، ومعلوم لو ان المباراة اقيمت بالسودان لكانت حظوظ الهلال فى الفوز با لكاس فى ذلك الوقت كبيره للغايه، فلسوء حظنا اننا لعبنا ضد مصر والمغرب الدولتان المتقدمتان علينا فى كل جانب بل كأنتا مرشحتين لستضافة نهائيات كاس العالم.
- انجاذ المريخ بفوزه بكاس الكوؤس المنافسه الثانية افريقيا التى الغيت الان لضعفها واستبدالها بالكونفدراليه التى تلعب فيها الأنديه المتساقطه من منافسات كاس الأنديه، وفى عتقدى ان الهلال أستفاد منها احتكاكا جيدا يجعله يفوز على أى فريق محلى بكل سهوله.
- لا توجد انجازات اخرى تصنف المنتخب و الأندية السودانيه، اللهم الا عربيا بوصول الهلال للمباراة النهائيه فى تونس ، وقد اخطا الهلال من ناحية تكتيكيه فقد كان بمقدوره اخراج صاحب الأرض الملعب التونسى لو انهزم الهلال من الفريق الفلسطينى ن ثم فاز على الرفاع البحرينى ، وتلك فرصة ماكان يضيعها فريق مصرى ان وجدها ، ولقد تعدل الهلال مع الفريق الفلسطينى وفاز على الرفع البحرينى بثلاثة اهداف، وبذلك ول معه صاحب الأرض الملعب الى المباراة النهائيه التى خسرها الهلال بهدفين.
نحن نتحدث عن حقائق تغيظ وتوجع الذين يريدون ان ينتصروا وهما وكذبا.
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: حمزاوي)
|
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: sheba)
|
معذرة للأخوه المتداخلين سوف أتوقف عن هذا البوست ، فقلد وصلت اليه الرائحه النتنه المتمسحة فى العظماء وتاريخهم الناصع.
مرة أخرى نحاور الراس أما الذيول الجبانه فلا أحترام ولا مكانه لها عندنا ولن نعطيها فرصة للتحاور ، وليموتوا بغيظهم فالحقيقة واضحة وضوح الشمس.
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: حمزاوي)
|
والله انت فى زول اداك عين عديل كدة .. يا عين ياعنية يا كافرة يا نصرانية ..امرقى منو ... ويمكن فى زول سحرك وعمل ليك عمل " غايتو على الطلاق ما انا " .. شوف ليك دكتور عشان الحمى .. وشوق فكى عشان العين ... وكمان لازم تتحصن بالقران خصوصا فى هذا الشهر الكريم
لكن فى حاجة يا اخوانا الناس يمكن ما حسو بيها .. وانا " سبحان الله لاحظتها " .. وهى انو لغة الحوار بتاعتو فى البوست ده بقت فيها رنة من الحزن وقريبة جدا لحد البكاء .. قلنا يمكن هو بقى يحاسب على كلامو خصوصاً انو فى ناس بتترصد اخطاؤه وما اكثرها وبتستغلها على احسن ما يكون ..
والله انا زعلت للحزن المخيم عليهو .. وانا دمعتى قريبة طوالى " بكيت " اهى.. اهى ..اهى
اوعة تكون قايل البتكتب فيهو ده اسمو حوار ؟؟ بالغت عديل ؟؟ بعدين ناوى تكب الزوغة " على فين انشاء الله" حا تامشى منى وين يعنى؟؟ طول ما انت فى المنبر ده انا معاك ما نحنا اصحاب وفرد ..بالانجليزى... وى ار فرند ..
شوف انا بحبك قدر كيف ؟؟ انت براك بس الخاتيها معاى قرض ؟؟ ما عارف انا عملت ليك شنو بس ؟؟ كلمنى بصراحة عشان احاول ارضيك ؟؟ والله نحنا ما بنحب زعلك
... ؟؟ وكمان اوعة تكون عايز تفتح بوست جديد والله تكون بالجد بالغت عديل كدة .. وحا نودى اسمك لى موسوعة الارقام القياسية
مسكين وحالته تدعو للرثاء
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: حمزاوي)
|
اخوي احمد الريح
الرجل الصالح
انا متاكد انك رجل فاهم وقدر الكلمة التقولها وعندك اسلوب في الحوار ومنطقي ولكن نعمل شنو مع ناس تلاميذ الابتدائي عفوا الروضة اليجوا يقولوا ليك باكم سوا وسنتر فرودنا ما عمل ليكم ، دول يا اخوي احمد كشفوا حالهم براهم الله يهديهم .
انا فتحت البوست دا عشان الناس تتناقش بهدوء وتوقف اسلوب الهجوم على الكيانات الرياضية مهما كانت حجمه ووزنه وكذلك على الصحفيين وترك اسلوب الهمز واللمز والطعن وفاحش القول فأرجوا من الجميع ان يفهموا مغزى هذا البوست هو لترك السباب واللعن والطعن في من يعملون في مجال الرياضة من الصحفيين وكذلك الاندية . . واضح كلامي .
ولكم الشكر والتقدير جميعاً
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: حمزاوي)
|
أخوي شيبا
عفيت منك والله
قول وفعل ذي ما بيقولوا الخليجيين
صدقني نحن معاه محل ما يمشي
قبلي جاي قبلي جاي ذي ما قال ترباس
اخوي اللذيذ حبيب نوره
البيت بيتك
وبيت كل المريخاب
تعرف يا اخوي انت دايما عاجبني
كنت بسأل نفسي ليه العزيز دا عاجبني
حسع عرفت السبب
واصل ابداعاتك
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: حمزاوي)
|
حبيب نورة
اها يا زول الدوره زاتها وقفوها تاني في شنو انت محكر لي كده وتسوي في المشاكل بس
شيبا الحبيب خلاص يا اخونا كده كفايه وعليك الله خليها مهاترات لذيذه وما عاوزين مشاكل
حمزاوي الحبيب
كلامك لي احمد الريح صاح كلنا عاوزين كده يا زول
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: حمزاوي)
|
عباس حبيب الناس
لك حبي وتقديري
صدقت نحن هنا في البورد نعتبر على مستوى معين من التعليم والثقافة ونستخدم احدث تقنية في الاتصالات ولازم يكون كلامنا ونقاشنا على مستوى عال وباسلوب راقي وفي كل المجالات وانت خير دليل على هذا المستوى فارجو من الاخوة الكرام الاقتداء بامثالك .
واصل ابداعاتك وتقديم النصح .
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: حمزاوي)
|
الأحباب الأعزاء .. مودتي موصولة
معلومة هامة جداً
فاز فريق الاتحاد مدني بالدوري المحلي بمجموع النقاط التي جمعها في المرحلة الأولى من الدوري
يعني بالواضح لم يستطيع الثاني في نهاية الدوري الوصول بعدد نقاطة الى عدد نقاط فريق الاتحاد التي تحصل عليها في المرحلة الأولى
أظن هذا أفضل من أي انجاز في دوري محلي .. ولا رايكم شنو
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: حمزاوي)
|
العزيز عباس
دايما بقول طالما فى ناس زيك فى المنتدى مافى مشكلة وجودك بنسينا الهلالاب المكابرين
ولكن نقول :-
الهجوم المتكرر (اكثر من 4 بوستات والارشيف موجود ) على الصحفى مزمل ابوالقاسم وهو ليس بعضو فى هذا البورد ليدافع عن نفسه هنا تنتفى ابسط مقومات العدالة .وهو امر غير مقبول وهذا ليس بالمكان المناسب لمعارك كهذه
الهجوم على المريخ والاساءة اليه وامحاولة انقاص مكتسباته وبطولاته والتقليل من شانه فهذا ما لا نقبله وبالاخص انا ومستعد " اشاكل " و "اهاتر" كمان لو دعت الضرورة الى ذلك
ليس لدينا مشكلة مع من يمجد الهلال بعيداعن الاساءة الى المريخ وكتابه وصحفييه فالمنبر الحر يمتلى بالهلالاب وعشرات المقالات تمجد الهلال ..فلماذا لم نهتم بها او تثير غضبنا ؟؟
البعض يكابرون ويرفضون الاستماع لصوت العقل وترفض بصيرتهم رؤية الحقيقة مجردة من دون اي تعصب هولاء نحن لهم بالمرصاد
الكتابات الموضوعيه والمناكفات اللذيذة ليس عليهاغبار والنقاش بين الهلالاب والمريخاب لن ينتهى طالما فى الدنيا هلال ومريخ ... ولكن فقط اذا كانت النفوس نظيفة والود يسود
ده كلو كوم وصديقى العزيز كوم تانى اصلو انا بعزو شديد وبحبو كمان
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: حمزاوي)
|
مهاجم المريخ خالد الزومة
* أحدث نكتة حدثت بعد نهاية مباراة المريخ والمنتخب اليمنى فى دورة راشد و في غرفة الملابس بعد نهاية اللقاء ...حينما سأل محمود سعد مدرب المريخ مهاجم المريخ خالد الزومة الذى لم يشارك فى المباراة وكان خالد حزينا جدا ً :-
( اللي ما بيلعبش يزعل و يمد بوزو يا خالد) ....اكتفى خالد بالابتسام ولم يرد..
وجاء الرد الساخر من اللاعب جندي نميرى الذي قال لمدربه ( يا كوتش هو ما زعلان.. ..بوزو أصلو كده )!!
وانفجر الجميع ضاحكين
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: sheba)
|
نحن نعترف فعلنا كل هذا وزيادة، لماذا ؟؟؟
لأن (صلاح قوش) ذيل( الصحاف) اساء لقبيلة الهلال العظيم ، وذاك اقل ما يستحقه هذا (الذيل) (صلاح قوش) المنبر.
قلب الحقيقة ( مقتطفات من مقال لأحد أبناء الهلال بصحيغة المشاهير)
ناجي احمد البشير
Quote: الحيدوسى وكفى
لا باس ان نرد بكلمات جميلات فيها بعض من المجاملة والدبلوماسية فى حق اى صحفى مريخى او محايد يمجد نادى الهلال العملاق بكلمات هى اقل ما يمكن أن يكتب فى حق النادى الملايينى .. ولا مانع من ترجمة مثل تلك العواطف والاحاسيس الموقتة ببعض التلميحات والتصريحات الصحفية , ولكن ان يقوم النادى العملاق بتكريم ألد خصومه واعدى اعدائه ممن أكالوا له السب والشتم للنادى ولامة الهلال الكبيرة امة الامجاد والانتصارات الرياضية والثقافية والوطنية فهو ما لانرضاه حقا .. ومبادرة بعض أعضاء مجلس الهلال بتكريم من اشبع الهلال وجماهيره الوفية سبا وشتما فيه ازلال واجحاف لحق هؤلاء , واذا عجز المجلس واعضائه عن رد الصاع لمن تجرأ على هذه الامة فلا نطالبه بذلك ولكن نطالبه بعدم تكريم امثال هؤلاء من المعتدين الاثمين على الهلال وامته العريضة ويجب ان لا تخدعنا بعض الكلمات فى حق الهلال وتنسينا الشكاوى الكيدية والبحث والنبش خلف كل ما هو هلالى على الملأ وليست قضية الصلوى والموزمبيقيان ببعيدة عن الاذهان.. ورحم الله امرىء عرف صديقه من عدوه. |
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: sheba)
|
الذيل بائن عليهو(قون) ذى (الصحاف) زولو الفارش بيت البكى بى هناك وزانقو زنقه كلب فى طاحونه، لكن صاحبنا (صلاح قوش)المعروف بالكذب وهى شيمة لا يتصف بها الرجال يزيف الحقائق، فالصحاح هناك للمتابعين داقى الجرسه ويشكو لطوب الأرض ، عشان قلنا قون ذى(ذيلو) ، الأنتصار بالكذب معروف شيمة(الأقوان).
فاكر نفسو الود ماهميه وبعمل فى حركات بغطى بيها الغيظ الفيهو ، من فضحنا له وللصحاف وللوهم الكانو عايشين فيه.
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: حمزاوي)
|
تجتوج المكابر اتلقال انو شاعر
انت والله حالتك متاخرة خالص زى حالة ياسر عرفات الله يشفيهو.. واعتقد كمان انك يمكن تكون مت دماغيا مع انو دماغك اصلها فاضية
تفتح بوست وترد عليهو براك ... يا دا الهنا النحنا فيه ..انت جاى المنبر تعمل شنو ؟؟ يعنى لو ما نحنا .." الله يخلينا ليك " كنت لحقت امات طه .. واى بوست ليك كان زمانو فى اخر صفحة من المنتدى ..حقو تشكرنا بدل ال انت بتعمل فيهو ده ؟؟
من الطبيعى ان يصاب البعض بفوبيا اسمها "مزمل" واصبح اسم مزمل ابوالقاسم لوحده يشكل "بعبعا " حقيقيا لهم
وفرعليك التعب ياصديقى .. لا يكلف الله نفسا الا وسعها فقد ارهقت نفسك بالانفعالات والشكوك والتهامات الزائفة والارشيف يقول ان لك اكثر من اربع او خمس بوستات كلها عن مزمل ابوالقاسم حتى اصبحت ترى كل من حولك مزمل ابو القاسم وتلك لعمرى حالة مرضية تستحق العلاج
انت زعلان منو ليه مزمل ده ؟؟ هو عمل ليك شنو .. عشان سماك فى منتدى المشاهير " غزز كيعانه " الاسم ده ما عاجبك والله حتى ده اسم حلو وموسيقى ويتلاءم تماما معاك .. بس انا عندى ليك اسم تانى جميل ويتناسب تماما مع حالتك دى ..والاسم ده حا اخليهو ليك مفاجاة
حتى كتاباتك الفوق دى مبهمة وما واضحة هناك وما عارف ايه خلى الناس تفهم معاك ..انا بقول ليك الكلام ده عشان مصلحتك .وداير اشوفك احسن زول.. " والله انا جادى معاك "
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: sheba)
|
*** هذا رأى شخص أمين وصادق وصديق (للصحاف) ، فماذا عن باقى (الأقوان) خاصة (القون) (الذيل) ؟؟؟؟
لقد استتب الأمن هناك تماما بعد أن شكى (القون) الراس لطوب الأرض، ولم تتبقى الا بعض المناوشات والطلقات المتفرقه (للذيول) أو (الأقوان الهاربه).
| Quote: السبب الحقيقي في تحويل الصحفيين الى مشجعين من الدرجة الثالثة وليسوا بنقاد كما هو مفترض0 ومزمل (الذي هو صديق عزيز وأخ احترمه) فضل منذ زمن اللعب على المضمون (اي الانحياز لما هو سائد) وقد تناقشنا في هذا الخصوص طويلاً وكنت وما زلت أصر على أن للاخ مزمل مقدرات عالية كان من المفروض تطويعها لصالح الرياضة بشكل عام والصحافة الرياضية على وجه الخصوص، ولكنه على أية حال راهن على الكسب السريع بمسايرة المألوف |
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: تاج السر حسن)
|
التاج ما تخليك امين مرة. الزول الصادق و امين دا(عطبراوي) ما برضو قال عن مزمل
| Quote: فهو من جهة يمارس عملاً محترماً في الخليج كناقد رياضي حقيقي وفي ذات اللحظة يمارس لعبة الصحفي المشجع والمثير للشغب في الصحافة الرياضية |
وقال ايضا
| Quote: ليس هناك من جديد في اطروحاتكم المنشورة على هذاالمنبر فيما يخص الرياضة، وهذا مبلغ نقدي0 بل في الحقيقة لقد تم من قبلكم استيراد نفس الاسلوب وذات العقلية0 |
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: حمزاوي)
|
Quote:
هذا رأى شخص أمين وصادق وصديق (للصحاف) ، فماذا عن باقى (الأقوان) خاصة (القون) (الذيل) ؟؟؟؟
لقد استتب الأمن هناك تماما بعد أن شكى (القون) الراس لطوب الأرض، ولم تتبقى الا بعض المناوشات والطلقات المتفرقه (للذيول) أو (الأقوان الهاربه).
|
ان ما تكتبه مع " احترامى الشديد لك " يجعل سيبويه يتالم فى قبره كل صباح
انت متاكد انو الكلام ده ما عندو علاقة بروايات المغامرين الخمسة والشاويش فرقع بتاعة زمان؟؟
انا يخيل لى ده كان لغز "البيضة المجوفة " .. ياربى ؟؟
Quote:
ومزمل (الذي هو صديق عزيز وأخ احترمه) .. وكنت وما زلت أصر على أن للاخ مزمل مقدرات عالية
|
طيب من الاول خليك عاقل لزومة شنو البهدلة دى ؟؟
بسم الله الرحمن الرحيم ؟؟ اكيد ده ما انت الكتبت الكلام ده .. الهكرز ظهروا فى المنبر تانى
و شالو الباسويرد بتاعتك وكتبوا الكلام الفوق ده
وكمان احتمال تكون الكاميرا الخفية ..كدة امشى اشوف الكاميرا دى مختوتة وين واجى
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: حمزاوي)
|
نحن فتحنا البوست دا مخصوص عشان انت تتعلم الادب في مخاطبة قامة وكيان مثل المريخ ، المريخ هذا الصرح العظيم نحن توارثناه من اباءنا واباءنا توارثوه من اباءهم وهكذا مثله مثل القصر الجمهوري والقيادة العامة للقوات المسلحة وكوبري النيل الابيض وكوبري النيل الازرق ومستشفى الخرطوم ومشتشفى العيون والخرطوم عموم والخرطوم بحري وام درمان وفندق السودان والمديرية والطوابي وبوابة عبدالقيوم والخ والخ والخ
حاجات قيمة جدا توارثناها من اباءنا واجدادنا وتجي انت اليوم وتسئ اليهم تعلم كيف تكتب عن تراث الوطن ومكنوناته ، المريخ نادي عظيم يمثل احد اعمدة الحياة السودانية عامة .
فأرجوك ان تخاطب هذا الكيان بادب واحترام وكذلك مشجعيه وصحفييه .
| |
|
|
|
|
|
|
|
|
|
Re: مريخ البطولات . . لا وألف لا للإساءة إليه (Re: حمزاوي)
|
المريـــخ
المريـــخ*المريـــخ
المريـــخ*المريـــخ*المريـــخ
المريـــخ*المريـــخ*المريـــخ*المريـــخ
المريـــخ*المريـــخ*المريـــخ*المريـــخ*المريـــخ
مهما حصل المريـخ هو البطــــل
المريـــخ*المريـــخ*المريـــخ*المريـــخ*المريـــخ
المريـــخ*المريـــخ*المريـــخ*المريـــخ
المريـــخ*المريـــخ*المريـــخ
المريـــخ*المريـــخ
المريـــخ
_____
أتق الله حيث ما كنت واتبع السيئة الحسنة تمحها وخالق الناس بخلق حسن
| |
|
|
|
|
|
|
| |
keiga2000
إسماعيل وراق
ودقاسم
محمد الامين احمد
عصام عبد الحفيظ
Raja
sheba
حبيب نورة
abuguta
Habib_bldo
ابو عثمان
abas
saifkeli
Frankly
فيس بوك
تويتر
انستقرام
يوتيوب
بنتيريست