|
|
|
 Re: شريط أحمد ربشة(خمسة أغنيات) (Re: خالد الحاج)
|
خالد يا جمبلمان
قاتل الله الكي بورد المنقلش و فاضي و خمج
و كمان مسهوك
بعدين دة ما عذر مفروض أقرا كتابتي قبل ما أطق ليها أمشي كي
بعدين إنت مقدور علي جمبلتك
الغنا ذنبو شنو؟
ربشة دة بكا تاريخ روعتو ما يلقى مني حتى لغة سليمة
و الله أنا ظالم’ أنفع إنقاذي؟
تسلم يا جمييييل
| |
 
|
|
|
|
|
|
|
|
Re: شريط أحمد ربشة(خمسة أغنيات) (Re: rani)
|
أحمد ربشة..يا راني..
فنان يعشق السودان حق العشق
صومالي يمني ..خريج معهد الموسيقي والمسرح السوداني
كان نموذج للإنسان الوفي لفنه غني لمجموعة من الشعراء السودانين
منهم المبدع زميلنا في البورد بشري سليمان.
توفي إلي رحمة الله..
وأرجو لو في معلومة خطأ أن يصوبني الزملاء
وعموما بجيك أستاذنا الموصلي بالقول الفصل
وقد كان المرحوم صديقه وسمح الغنا في خشم سيدو .
| |
|
|
|
|
|
|
|
|
|
Re: شريط أحمد ربشة(خمسة أغنيات) (Re: Tumadir)
|
من يحب معي هذا الولد المعطاء كماء النيل؟
اليك هذه يا ولد بلدي الذي ودعت/ والية احن/ وبذكراة اهدهد منافي الخوف /اليك يا خالد الاسم والعطاء/ وجليل الثري اهدي حرفي الحزين
مات المغني
او اقام علي تخوم الاة
جحرا من وطن
سنبث وحدتنا الية
سنبوح سيرتنا الية
بجحافل سطوتنا المضاعة
سرقونا ام اقاموا
علي تخوم الاة
جحرا من وطن
سنهيم فوق بساطة
الوتر الرخيم
او عبر شرخ الاسطوانة
علامة تهب الطفولة
شكل روعتها الاكيد
سندق اعناق العمامة
ونقاسم الوتر الرغيف
واخر جرعة من غليظ
القول بصحراؤها
غربي السكن
سنشاطر الحرف السرير
وقلادة الحوجة
وشعارات الانتفاضة
فالي من يحفظ الحرف الجميل ويبثة اللحن الشفيف ما تبقي من غناي
| |
|
|
|
|
|
|
|
|
|
Re: شريط أحمد ربشة(خمسة أغنيات) (Re: خالد الحاج)
|
خالد أمير الابداع
دعواتنا لك بتحقيق كل ما هو جميل في حياتك
وامنياتنا الاكيدة بدوام الفرح والحب والبهجة
تملاؤها في قلوبنا دوما لتنفض غبار الحياة المنهكة المتعبة عنا
تسلم ويسلم الحس الرفيع
| |
|
|
|
|
|
|
|
|
|
Re: شريط أحمد ربشة(خمسة أغنيات) (Re: خالد الحاج)
|
خالد يارائع يامبدع يابديع + كل الكلام البشبهك الاتكتب عنك فوق
انت جميل لذلك تكسونا جمالا
وانت رائع ومنك تهدينا الروعة
وفنان ومن فنك تدفق علينا الفرح
ربنا يخليك ويخلى ليك منبع الألهام وخلاصة الجمال
وبينى ما بينك حب كبير وعشق ضارب فى الوجدان وأخوة صادقة
وكل الجمال الفى غناء ربشة
لك الحب والتحية
| |
|
|
|
|
|
|
|
|
|
Re: شريط أحمد ربشة(خمسة أغنيات) (Re: 3mk-Tango)
|
عزيز العزيز...
يكفيني كلامك الجميل وخوتك الصادقة
ويا زول إنت الخير كلو هو أنا سويت شنو مش إنت سيد المكنة
حنينة..
علي شنو الشكر وجايكي سي دي هدية بس رسلي العنوان
رجاء..
تسلمي يا غالية علي الكلام الطيب
خالد تنقو..
طبعا الأغاني محملة ريل بلاير فايل وللأسف مل حتتعمل في شريط أو سيدي
أنا عملت نسخة تانيةMP3 وعندك واحد سي دي علي عنوانك
| |
|
|
|
|
|
|
|
|
 Re: شريط أحمد ربشة(خمسة أغنيات) (Re: Elmosley)
|
ده اسمو توزيع للثروة ياخال ؟؟
غايتو البيسمع براهو بيتخنق
الاسبوع ده عندي فكرة اقبل علي عمك تنقو .. قلت ليهو عايز اشيل حالك اون لاين ..
والاسبوع الجاي عليك لكن حسع دي .. الله يديك العافية لي العمل الجميل ده .. والاغنية الصومالية دي سمعتها بصوت الاستاذعثمان مصطفي قبل زمن .. وأول مرة اسمعه بصوت الراحل أحمد ربشة ربنا يرحمو ويغفر ليهو ..
غايتو كان ما بتخاف من كشف الحال اجدع لينا حاجات زي دي .. بخلي ليك الباب متاكا .
رايك شنو ؟؟
| |
|
|
|
|
|
|
|
|
 Re: شريط أحمد ربشة(خمسة أغنيات) (Re: الجندرية)
|
استاذنا موصلي..
وننتظر جيتك..
تمبس...
خلي الباب متاكا لي خالك
الله لا قفل باب في وشك ونحنا البينا عامرة
ويا علاء ما نحن دافننو سوا يعني زيتنا في دقيقنا
جندرية..
أنا ما بقدر علي الإرهاب
زولا مسيكين من الأول بخت اللنك حتي بعد كده الغنية
| |
|
|
|
|
|
|
|
|
|
Re: شريط أحمد ربشة(خمسة أغنيات) (Re: خالد الحاج)
|
العزيز خالد
ياسلام عليك ياروعه والتحيه للفنان عبدالعزيز خطاب القدر يوصل ليك هذه الدرر عشان نستمتع ونتمتع بيها،واذكر للاسف الشديد واقعه حصلت عندما ذهبت للاذاعة ومعى الفنان ربشه للاتفاق على تسجيل كل اغنياته للاذاعة وكان انذاك مديرها ابوالعزايم،خاصة وان ربشه كان قد قرر السفر نهائيا للخليج،ان اصطدمنا بحائط البيروقراطية اللعين وعدم تقدير المسئولين بالاذاعة لقدرات الفنان احمد ربشه،ورفضوا ان يقيموا الفنان ربشه على انه فنان درجه اولى وذلك لعدم وجود تسجيلات كافيه لديه(كان يتم تقييم الفنان درجه اولى وتانيه الخ بعدد الاغنيات المسجله وليس بجودتها او قيمتها الفنية)وهكذا ضاعت الفرصة على الاذاعة وبالتالى المستمع السودانى فى الاحتفاظ بتسجيلات ذات قيمه فنيه عاليه للفنان ربشه
| |
|
|
|
|
|
|
|
|
|
Re: شريط أحمد ربشة(خمسة أغنيات) (Re: bushra suleiman)
|
منعموش..
الزول الشحمان بالخير..
تعرف الجماعة هنا كلهم هاجروا إنجلترا
لكن عندي زول يترجمها طول لي بالك..
بس إنت شوف لي خالك زولة كدي في عمر الزهور
(سبعتاشر سنة) تترجم لي خالك الأمهرية
عندي غنية مغلباني
أستاذنا بشري..
تسلم يا جميل للطلة وللصورة (طبعا طوالي إستلفناها)
ويا مواسم + السي دي بيجوك بالبريد.
| |
|
|
|
|
|
|
|
|
|
Re: شريط أحمد ربشة(خمسة أغنيات) (Re: يا بت يا نيل)
|
الحبيب خالد
لك الوفاء
فى زمن باكر فتنت بهذا الاداء كنت اغنى مثله واعذف عود مثله ولا انكر ان هذا الاسلوب كان مثلا رائعا لى ..... ذهبت الى الاذاعه لاغتنى الشريط وانا فى ذلك الوقت فى الثانوى واتيت بى الشريط من مكتبه الاذاعه وبه 4 اغنيات
وتسألين
بينى ما بينك
اله فنى
اغنيه صوماليه
وبعدها وجدت بالصدفه اغنيه من كلمات العميرى الله يرحمه
عن طيب خاطرها تحرق طيبها
فالحب ينهى بالفداء ويبتدى
انى صديق رياحكم لما اتت
تجتاح لى امسى ةتغسلى لى غدى
وبعدها اغنيه فى شريط قديم لى صديق
كيف لا اعرف اسمه
واغنيه اخيره من انسانه عزيزه جدا
اهى النسمه البتحرق شوق
اهى النجمه القريبه وفوق
هذه الاغنيات كان يوما ملاذى وشعرى الذى اردده واغنياتى التى هدتنى الى هذا الاسلوب وشكلتنى .... غنى لنا فى منزلنا فى مناسبة خاصه ...ومرت السنوات الطوال وتحدثنا هنا فى الامارات واخبرته بانى احفظ له اغنياته القديمه وتفاجأه
وسرعان ما سافر من الامارات وسرعان ما سمعت بى خبر موته الله يرحمه ويغفر له لقد كان انسانا رائعا
| |
|
|
|
|
|
|
|
|
|
Re: شريط أحمد ربشة(خمسة أغنيات) (Re: عمر بانقا)
|
العزيزة إيمان..
يديكي العافية
وعمر الله وجدانك بكل جميل
يا بت يانيل..
الأغنية الصومالية والأثيوبية والمورتانية
هي الأقرب لنا بحكم السلم الموسيقي وحنية اللحن
ورغم أنهم يحملون لنا الكثير من الود لكننا كالعادة
في مشاعرنا المقلوبة (نجري) نحو العرب وموسيقاهم العجيبة
ونظرتهم الدونية نحونا..والله غالب علي قولهم..
العزيز حمزة سليمان...
أولآ تشكر لمسدار أبو السرة وصل بعد أن حرق روحي
وأظنك كرهتني عديل كده..
رحم الله أحمد ربشة فقد عاصرت تلك الأيام الجميلة
حين كان كل شيئ عندنا مموسق وليس الغناء وحده
وقد ترك أثر واضح علي طريقة الأداء للكثير من المبدعين
وأزعم أن أسلوب الغناء لدي الهادي الجبل ثم محمود
يحمل بصمة واضحة لأداء أحمد ربشة..
الله يديك العافية..
الغالي عمر بانقا...
والتحية ليك أطنان
وكثيرون يا صديقي يحبون أداء ربشا
وإنسانيته وعشقه للسودان..
وتوصل تحاياك ..
| |
|
|
|
|
|
|
|
|
|
Re: شريط أحمد ربشة(خمسة أغنيات) (Re: خالد الحاج)
|
الاعزاء احمد المرضي وخالد
لاشكر علي واجب
وعلي فكره يا احمد
الصديقه البلبله امال طلسم
طالبه منك وايمان المساعده لامريكيه في
مونتريه بتعمل في بحث عن السودان
وشافت بعض لوحاتكما ونود ان نحوز علي البعض لزوم بحثها
ارجو انترسل لي ايميلك الخاص حتي اجعلها تتصل بك مباشرة
اقصد الامريكيه
ارسلهعلي
[email protected]
| |
|
|
|
|
|
|
|
|
|
Re: شريط أحمد ربشة(خمسة أغنيات) (Re: bushra suleiman)
|
يا سلاااام يا خال
يديك العافيه والف شكر ليك
بقالي فتره طويله بفتش علي اغاني احمد ربشه بالسودانيه ,,الله يرحمك يا ود بلدي,,
آخر مره حضرت فيها له حفلة في دبي قبل سبعة سنوات تقريبا,,سمعت له اغاني بالصوماليه كثيره لكن لم يتسنى لي ان اسمع اغانيه بالسوادنيه من قبل
الحين اربعة اغاني دفعه واحده
ما نعدمك يا خال
تحياتي
ليون الصوماليه
| |
|
|
|
|
|
|
|
|
|
Re: شريط أحمد ربشة(خمسة أغنيات) (Re: خالد الحاج)
|
خالد يا حبيبى
عليك الله، وسألتك بالذى ما خلقك
ما تخلينى أريدك أكتر من كده
عشان ما أرتكب فيك جريمة
مرة واحدة بس سوى ليك حاجة كعبة، انت ياخى الحاجات الكعبة دى ما بتعرفها ولا شنو
عشان تنقص الريده دى شويه
حسبى الله ونعم الوكيل
وخليتك لى الله
يديك السعادة
والعافية
والصحة
والأيام الطيبة
ويديك أى شى عايزه
| |
|
|
|
|
|
|
|
|
|
Re: شريط أحمد ربشة(خمسة أغنيات) (Re: THE RAIN)
|
بشري سليمان..
ورابع وخامس وسادسو...
ليون..
أهلك ناس حلوين يحبوننا ونحبهم..
وتجدهم في أي مكان في العالم يقتربون منا
ويطايبوننا الحديث
الله يديك العافية
المطر..
بنحاول يا مطر بنحاول..
الله يرضي عنك ويرضيك إنت زول جميل لذلك لا تري إلا الجميل..
شكرا ليك.
| |
|
|
|
|
|
|
|
|
 أحمد ربشة عبقرى أهملناه (Re: خالد الحاج)
|
الخال خالد الحاج
الأجلال لك وجل الشكر على باقة الورد العبقة ممثلة فى اغانى الرائع الراحل ربشة.لقد حفيت اقدامى لرهط من الزمن وأنا ألف وأدور بحثا عمن يملك تسجيلا قديما لهذا الخالد دون جدوى,وزاد حسرتى وألمى علمى بمسح جميع تسجيلاته المرئية من تلفزيون السودان شأنها شأن تسجيلات نادرة لطلاب معهد الموسيقى والمسرح من بينهم آنذاك على سبيل المثال مصطفى سيد احمد ,سمية حسن ووردى الصغير والذى كنت أعشق سماعه وهو يتغنى برائعة وردى ياسلام منك انا آه والتى قام بتوزيعها الموسيقار الكورى والذى لم اعد أذكر اسمه.مايوجع القلب ان ربشة كان مبدعا أحب السودان وانتمى اليه ولم ينل منا الا الأهمال فرحل عنه.علمت انه اتصل بالرائع مصطفى السنى وعرض عليه فكرة تعاونهما فى اعمال مشتركة وقد كان هذا قبل وفاته بأسبوعين.كذلك أعلم أنه قبل وفاته قد لحن أغنيتين للفنان سيف الجامعه كتب كلمات احداها على الأقل شاعر خليجى وهاتان الأغنيتان ستريان النور قريبا .ربشة فنان متميز ولازلت اذكر كم كنت أطرب لرائعته (بدرى من عمرك)وأنا طفلة وأركض نحو غرفة التلفاز أن سمعته يتغنى بها.ربشة فنان غزير المشاعر مرهفها ,أضعناه ,فهل يجدى البكاء على ماتدفق من حليب؟؟
| |
|
|
|
|
|
|
|
|
|
Re: شريط أحمد ربشة(خمسة أغنيات) (Re: خالد الحاج)
|
العزيز خالد الحاج يديك الف( 1000)
عافية0000
طبعا ما حا اقدر أقول ليك اي كلام00 لانه الشباب ما قصروا
وقالوا كل الكلام فوق0000 لكن بس أقول ليك يأخي ربنا يديك العافية
والصحة 000000 و والله انت زول الواحد بيتمني انك تكون جنبوا
طوالي لانك 0000 زول رائع وأصييييييييييييل وفننننننننان
يديك يا رب الف عافية
| |
|
|
|
|
|
|
| |
Tumadir
الطيب بشير
rani
Outcast
Rawia
أم سهى
عزيز
haneena
Raja
Elmosley
tmbis
الجندرية
منعمشوف
bushra suleiman
إيمان أحمد
يا بت يا نيل
HAMZA SULIMAN
عمر بانقا
Ahmed Elmardi
osama elkhawad
THE RAIN
Abd-Elrhman sorkati
فيس بوك
تويتر
انستقرام
يوتيوب
بنتيريست