وثيقة ترتيبات إعلان الثورة السودانية 2011

Quote: انت بترد على نفسك براك انا ما جبت سيرة فور اوول. بل قصدت انو دا مكان الناس - ركز الناس ما عادل - المقتنعين بالوثيقة دي و بتمثلم. ما فرضوها على زول، و في نفس الوكت ما قدموا الدعوة لزول محدد لتبنيها. الما بتمثلوا هداك ارض المنبر واسعة .. و العندو زول عاوز يطالعو برضو يمرق ففي خلاء المنبر دا ذاتو مستع لذلك. انت هنا بتشوش مجهود ناس - برضو ركز لي على ناس - و بتفه احلامم و بتبصق على افكارم .. ليه؟ اها المشروع السياسي - المزعوم زعماً صاعقاً زاعقاً ساي كدا بس - دا انا شايف مكانو اللائق مزبلة التاريخ بس و الحكومة الجابتو - مش هو جابا بالمناسبة - سطت على السلطة بليل بهيم و ليس لها شرعية انا شرعيتي ثورية .. و منو يدي منو الشرعية ذاتو!؟ .. علاقة " المشروع الحضاري " شنو بالمدنية؟ هو ذاتو ياتو مشروع .. و ياتو حضارة دي البتكلم عنها؟ في قمة العصر دا - السنة الاولى من العقد الثاني في اللالفية التالتة - حضرنا و لم نجدكم لا وجدنا مشروع لا وجدنا حضارة دمار للمجتمع المدني .. فساد .. ظلم بس اللقيناهو.. فقررنا المغامرة .. انت كيف ؟ سم سانين : ياتو دستور دا البتتكلم عنو؟ .. بتاع الساعة كم!؟ خذ من دمي ملْ ما وسعت يداك و لا تحدثني عن ديمقراطية او تحول ديمقراطي في العهد الغيهب دا المهم ... سلام يا صاحبي فتك بعافية