|
|
 بورداب جـده ,, أهـل الكـرم والشـده .. شكـرا جميـلا ,, (صور كتارات)
|
كانت 50 ساعه ولا أحلـى ,,
روعه اللقاء .. حميميه المكان .. حسن الضيافه .. والكثير من الاصحاب ,,
ما زالت قلوبنا معلقه بالامكنه هناك .. وبرائحه (الزيفه) ,,
شكـرا .. ولا نعتقد أنها تكفي ..
الا أننا عجزنا .. وعجز شكرنا عن الشكـر ,,
شكـرا فقد اهديتمونا أجمل الذكريات .. شكـرا جميلا يا أصحاب ,,
|
|
  
|
|
|
|
|
|
|
|
Re: بورداب جـده ,, أهـل الكـرم والشـده .. شكـرا جميـلا ,, (صور كتارات) (Re: داليا الكباشى)
|
جـدة أول مدينة أهدتني (رطوبة) السفر وعلمتني معنى الغربـة ..
ما زالت رائحـة دكاكينها . تشبه نفس رائحة دكاكينها السابقة التي ما تغيرت واثق تماما في حاسـة شمي تجاه الاماكن ..
حواريها تهديك الامان .. في كل شارع (زوول) وفي كل ملف (زولين)..
دعاش البحـر فيها يمر بكل بيوت الناس الطيبة وتتشبع رطوبتـه بأنفاس الاصدقاء ويمكن ان تشمهم من على البـعد ..
(طعم البيك) فيها ما تغيرت اصالته .. رغم الصفوف الطويلة .. أهلهـا ناس كرم وشـدة ..
اصحـاب يمتعونك بتفاصيلهم العميقة .. يمر من بين ابتساماتهم الوقت مرور السيف ، تحـسب الثواني في سرك علها تتوقف في مكانهـا كلوحـة زيتية بائنة التفاصيل والملامـح ..
اهدتني جدة .. أول أيام الشقـا والعذاب والمساسقة ، واصحابي فيها .. اهدوني أجمل ايام غربتي واختذلوها في ساعات .. اعادة لي شجاعـة مواجهة الغربة من جديد ..
..
البحاول يشكركم بتورط .. في لبن الطير الماف.
لكن ما كمان سودانيين .. وفيكم الطيبة .. والسمته والجودة وسترت الحـال..
شكرا لكل اصدقائي .. اسرهم .. اطفالهم .. شكرا لوقتهم الذي ما بخلوا علينا به .. شكرا لأجمل الالحـان وللشباب المتعونا ورقصنا حتى الصباح .. شكرا لكل الناس الجات ومشت وما قعدت معانا .. شكرا لكل الناس الما جات لظروف كانت اقوى ..
شكرا لكم بكل مساحات الفرح التي ستظل بداخلي كلما داهمني الحنين ..
شكرا يا شباب وما زلت متورط في كيف اشكركم ..
| |
|
|
|
|
|
|
|
|
 Re: بورداب جـده ,, أهـل الكـرم والشـده .. شكـرا جميـلا ,, (صور كتارات) (Re: داليا الكباشى)
|
مساحـة شكر خاصة جدا للاصدقاء ..
فايز ود القاضي .. لمتابعته لكل ما يتعلق من اجراءات السفـر حتى وصلنا لجدة .. وتحية وشكر مثلها للعزيز اسماعيل عبـاس من الرياض ما بيبخل علينا في توفير الحجز في اي زمان مهما صعب الأمر ..
الشكر للعزيز وليد عبد اللطيف .. في تأمين مكان اقامتنا على اجمل ما يكون وتوفير كل سبل الراحـة .. والتنسيق بين كل المجموعة
الشكر للعزيز استاذ علاء الدين صالح .. في كل المشاوير من المطار وإلى المطار .. وفي كل شوارع جده.
الشكر والتقدير لصديقي محمد علي يـس .. لطول اللحظات الجميلة من جـدة إلى مكـة المكرمة .. وفي سعينا وطوافنا بالبيت الحرام ..
الشكر لكل الناس بدون فرز الجاملتنا وجعلت كل اللحظات سعيدة ..
| |
|
|
|
|
|
|
|
|
 Re: بورداب جـده ,, أهـل الكـرم والشـده .. شكـرا جميـلا ,, (صور كتارات) (Re: داليا الكباشى)
|
تمبس وداليا !!!!
انتو متأكدين انكم كنتوا في العممممرة!!! سؤال برئ والله !!
وكمان دايرين تكملوها بي دبي !!!!
انتو محتاجين ليكم حجّتين كاربااااااااااااااااااات بعد تجو من هناك !!
قرررربت تلفق يا علاء الدين .. بس كتروا الدعوات انت والمدام خاصة وانكم جاييين من العمرة (غمزة عين)
الشكر الكتيييير للحبايب في جدة ودائما عهدناهم كذلك جمال شيل وضيّان قبائل .. (ضيّان دي اتعبتني تعب وبعد دا ما عارفها صاح وللا غلط) .
كااامل مودتي
| |
|
|
|
|
|
|
|
|
|
Re: بورداب جـده ,, أهـل الكـرم والشـده .. شكـرا جميـلا ,, (صور كتارات) (Re: داليا الكباشى)
|
| Quote: ما زالت قلوبنا معلقه بالامكنه هناك .. وبرائحه (الزيفه) ,, |
| Quote: ما زالت رائحـة دكاكينها . تشبه نفس رائحة دكاكينها السابقة التي ما تغيرت واثق تماما في حاسـة شمي تجاه الاماكن .. |
| Quote: دعاش البحـر فيها يمر بكل بيوت الناس الطيبة وتتشبع رطوبتـه بأنفاس الاصدقاء ويمكن ان تشمهم من على البـعد .. |
عشان المقالب الزي دي أنا وأخوي (الكاشف) وليد شِرِبنا من النوع أبو ينسون وعلى خفيف.. لا ريحة ولا يحزنون 
زميل وزميلة البورد والله مشتاقين
اها، السعودية كيف على حِسَّكُم؟ 
| |
|
|
|
|
|
|
|
|
|
Re: بورداب جـده ,, أهـل الكـرم والشـده .. شكـرا جميـلا ,, (صور كتارات) (Re: داليا الكباشى)
|
مناسبة من أجمل المناسبات
عرسان من أحلى العرسان
وصحاب من أنبل وأكرم وأوفى الصحاب
صور تفيض بكل ما هو جميل
شكراً داليا وتمبس أن منحتوا الناس فرصة ليجدوا ويخرجوا كل آيات الجمال والخير الموجودة في دواخلهم
شكراً داليا وتمبس وأنتم تنتقلون بالفرح أو ينتقل الفرح معكم قطرًا قطراً ومدينة مدينة وحارة حارة وبيتاً بيت
شكراً داليا وتمبس وأنتم تنقلون للآخرين خارج نطاقكم الجغرافي فرحكم فيفرحون بكم ويفرحون معكم
شكراً داليا وتمبس وأنتم تصنعون يومنا ففي الدنيا جمال وفي الدنيا وفاء
| |
|
|
|
|
|
|
|
|
 Re: بورداب جـده ,, أهـل الكـرم والشـده .. شكـرا جميـلا ,, (صور كتارات) (Re: عصام دهب)
|
Quote: اهلين بزميل البوردي .. و النخلة السامقة ..
وين الناس ؟؟ |
يعني حسع اعتبر ردك دا يا مولانـا رد من لا يخـاف جايبين صورتو وهو بيفت فوقو .. فتتان شديد ..؟
غايتو يا مولانـا .. الجماعة ديل ماخدين فيك مقلب كبير جدا ..
ياخ زول يجي بي عمة .. وملفحة .. وجلابية .. يطلع يلحقوهو اكسسواراتو دي كلها في العربية ..؟
ياريت والله يا مولانـا لو عرفوك من قريب جدا أخو أخوان كيف ..؟
| |
|
|
|
|
|
|
|
|
|
Re: بورداب جـده ,, أهـل الكـرم والشـده .. شكـرا جميـلا ,, (صور كتارات) (Re: داليا الكباشى)
|
| Quote: وتحيات حميمات لزميل البورد,, |
| Quote: أبـو قصي .. وزميل البورد ,, |
| Quote: استاذ علاء الدين , مولانا عصام دهب , وزميل البورد ,, |
| Quote: جعفر محي الدين , البشير دفع الله وزميل البورد ,, |
بصراحة ياتمبس.. مفروض تحتج وترفع رايات الاعتراض..
لقب زميل البورض ده كان (مرحلي).. و(أوانو فات)..و(عدى زمان)..
| |
|
|
|
|
|
|
|
|
 Re: بورداب جـده ,, أهـل الكـرم والشـده .. شكـرا جميـلا ,, (صور كتارات) (Re: أيمن دياب)
|
Quote: بصراحة ياتمبس.. مفروض تحتج وترفع رايات الاعتراض..
لقب زميل البورض ده كان (مرحلي).. و(أوانو فات)..و(عدى زمان).. |
.. والله يا ايمن الايامات دي الواحد بقى يتحسس عديل كدا من الكيبورد زاتووو .. واي حاجة تقوله زميلة البورد بتقول ليها ماشي مافيش مشكلة .. احتمال كبير تطلع حاجة اكبر من المارتديلا .. وعلى حسب علمي المتربصين كانو اخوان الشواطين .. فهمتني ..؟
| |
|
|
|
|
|
|
|
|
|
Re: بورداب جـده ,, أهـل الكـرم والشـده .. شكـرا جميـلا ,, (صور كتارات) (Re: داليا الكباشى)
|
اول شيء خلوني ادخل برجلي اليمين
ثانيا اول مره اعرف نفس اني فنان
اول شيء شعار سودانيز عذبني عذاب شديد لكي اتحصل عليه
ثانيا لو ملاحظة داخل القلبين الاسماء مقاس خط علاء الدين اصغر من إسمك
صاحبنا اسمو طويل ولا احب تكبير مقاس القلوب اكثر من ذلك حفاظا على المساحات المعقوله
لكن بالله شايفه القلوب دي قاعدة ومرتاحة كيف
ربي يملا قلبكما حبا وعطفا وايمان
واضفت ليكم وردة حمراء خلفية للكتابة
بمناسبة اهداني زهرة وضاعف علي الريدة
ولكن كل هذا غير مهم ... انتم تستاهلو كل خير
ولو لا حلاوتكم وخفة دمكم لخرج الحفل غير ذلك
.
.
يادكتورررررة استرينا سترك الله دنيا واخرة
البوست دا ماكنت جايب خبرو جاني شمممممممممار من دبي
مسجل ليكم الحفل وسوف احاول انزاله يوتيوب
اشاهدة في التلفزوين كثيرا واضحك على تمبس ياخي رباها صاح
| |
|
|
|
|
|
|
|
|
|
Re: بورداب جـده ,, أهـل الكـرم والشـده .. شكـرا جميـلا ,, (صور كتارات) (Re: هيثم التوم)
|
 الباشمهندس أحمد عيسى .. لا يتكلم كثيرا لكن .. ابتسامته ساحرة وهو مبسوط ..  الأستاذ صلاح عثمان حيوية وذوق عالي جدا وجمال حديث وجمال السنوسني .. زول فنان عديل كدا .. ..  خالي العمدة شحوتاي .. هذا الرجـل فيه كمية حنين عجيبة .. النوع اللما تكون ماشي جمبو لازم تمسك في طرف توبو وما تفكو ، تحدثنا كثيرا وثرثرنا عن طوكـر وعن اهلها .. يجيد الحديث ويحسن الاستماع
| |
|
|
|
|
|
|
|
|
|
Re: بورداب جـده ,, أهـل الكـرم والشـده .. شكـرا جميـلا ,, (صور كتارات) (Re: هيثم التوم)
|
العزيزين دوما .. علاء الدين ود. داليا
تحية وأحترام وتقدير..
الكلمة ليست سهما ولكنها قد تخرق القلب .. نعم جاءت كلماتكم المعبرة
وهى تحمل فى طياتها كل الحب والتقدير .. جاءت لتقول لنا الناس معادن
جاءت لتقول السعادة ينبوع يتمنى الجميع أن يصلوا اليه وهم لايعرفون
بأنها تحت أقدامهم .. فلكم منا ومن جميع الاخوة فى بورداب جدة عروس
البحر الاحمر كل الحب والتقدير .. لكم منا الشكر الجزيل على تلك
الارايحية السمحة سماحة أهلنا الطيبون .. لقد زرعتم فينا السعادة ذلك
الاحساس الغريب الذى يراودنا حينما تشغلنا ظروف الحياة ..
نسأل الله بأن يجمعنا دائما فى مثل تلك الساعات الرائعة والجميلة والتى
أختلسناها من الدهر .. ستظل تلك الساعات الامل والشعلة التى تشعل قلوبنا
توهجا .. مرة أخرى تحياتى وتقديرى لكل الاخوة فى بورداب جدة على وجه
العموم وللعزيزين تمبس ود. داليا على وجه الخصوص .. وإنشاء الله نتلم فى
السمح والزين .. ودمتم أعزائى ..
تاج السر
| |
|
|
|
|
|
|
|
|
|
Re: بورداب جـده ,, أهـل الكـرم والشـده .. شكـرا جميـلا ,, (صور كتارات) (Re: tmbis)
|
| Quote: يللا بعد كدا الواحد ينزل ليكم باقي الصور بتاعت الجماعـة .. |
علاء يا غتيت اعترف الصور دي حا تنزلها بي صورة كاملة وللا منقحة
لانو شايفك ليك فترة لابد بيها فاكيييييييييييد بتكون وردتك كمية
من التلفونات التحنيسية تطلب الصفح والمغفرة وعدم فك اللعب وطبعا
عارفك حنين بكون قلبك لان..... المهم..... نحن الجمهور المرابط علي
شرفات هذا البوست نطالب الاخ علاء بالتجرد التام والالتزام المهني تجاه
كاميرتو وينزل لينا كوووووووول اللعب هنا دون اللجوء لاي فوتوشوبات
وما الى ذلك.
سريع سريع قبل ما ترد التلفون دا عليك الله
| |
|
|
|
|
|
|
|
|
|
Re: بورداب جـده ,, أهـل الكـرم والشـده .. شكـرا جميـلا ,, (صور كتارات) (Re: الخير محمد عوض)
|
Quote:
مساحـة شكر خاصة جدا للاصدقاء ..
فايز ود القاضي .. لمتابعته لكل ما يتعلق من اجراءات السفـر حتى وصلنا لجدة .. وتحية وشكر مثلها للعزيز اسماعيل عبـاس من الرياض ما بيبخل علينا في توفير الحجز في اي زمان مهما صعب الأمر ..
الشكر للعزيز وليد عبد اللطيف .. في تأمين مكان اقامتنا على اجمل ما يكون وتوفير كل سبل الراحـة .. والتنسيق بين كل المجموعة
الشكر للعزيز استاذ علاء الدين صالح .. في كل المشاوير من المطار وإلى المطار .. وفي كل شوارع جده.
الشكر والتقدير لصديقي محمد علي يـس .. لطول اللحظات الجميلة من جـدة إلى مكـة المكرمة .. وفي سعينا وطوافنا بالبيت الحرام ..
الشكر لكل الناس بدون فرز الجاملتنا وجعلت كل اللحظات سعيدة .. |
تامبا ....
هذا هو ديدن كل بورداب جدة وماقمنا به بتفويض منهم
ودي فرصة نشكرهم على هذه الثقة وحضورهم المشرف
في كل المناسبات التي ندوعهم لها
وتقبل اعتذار كل من الدكتور عارف عفان
والريس يوسف محمد يوسف
وحبيبنا عبد الدايم سيد احمد
بعدم تمكنهم بالحضور حسب ظروفهم الخاصة
وجعل الله ايامهم كل افراح ومحبة
| |
|
|
|
|
|
|
|
|
|
Re: بورداب جـده ,, أهـل الكـرم والشـده .. شكـرا جميـلا ,, (صور كتارات) (Re: الخير محمد عوض)
|
Quote: علاء يا غتيت اعترف الصور دي حا تنزلها بي صورة كاملة وللا منقحة
لانو شايفك ليك فترة لابد بيها فاكيييييييييييد بتكون وردتك كمية
من التلفونات التحنيسية تطلب الصفح والمغفرة وعدم فك اللعب وطبعا
عارفك حنين بكون قلبك لان..... المهم..... نحن الجمهور المرابط علي
شرفات هذا البوست نطالب الاخ علاء بالتجرد التام والالتزام المهني تجاه
كاميرتو وينزل لينا كوووووووول اللعب هنا دون اللجوء لاي فوتوشوبات
وما الى ذلك.
سريع سريع قبل ما ترد التلفون دا عليك الله |
يا الخيــر .. ياخ ما تهيج اشجاني .. كان هيجت اشجاني انا بجيب الكاميرا كلللها وبعمل ليها ايقونه هنا وتختارو العايزنو منها ..
غايتو عندي واحد من اصحابي هنـا .. تاني لو قال اي حاجة .. في اي حاجة .. ح انزل ليهو العفرتية بتاعت الصورة ويمشي يحمضه بي طريقتو ..
يا كمان .. الواحد يبيع بقية الصور الما نزلت دي .. لي الأخ محمد عبد الماجد الصايم .. والله دا ممكن يدفع دم قلبو عديييل كدا
| |
|
|
|
|
|
|
|
|
|
Re: بورداب جـده ,, أهـل الكـرم والشـده .. شكـرا جميـلا ,, (صور كتارات) (Re: tmbis)
|
تهنئة
الاخ tmbis والاخت داليا اشرقت جدة بوجودكم ويبدو عشان كده الجو كان حلو مع الامنيات بحياة سعيدة ومزدهرة .
عتاب
يا بورداب جدة اقترح لما تكون في لمه زي دي والله اي لمه ان يتم ارسال رسالة الى كل البورداب لانو ده واجب قبل ما تكون اجتماعيات
فزعه
داير زول يلمني في تلفون اخونا عبد المنعم اورفلي ده الراجل ده صاحبي بس فقدتو من زمان
كل الحب والود للجميع
| |
|
|
|
|
|
|
|
|
|
Re: بورداب جـده ,, أهـل الكـرم والشـده .. شكـرا جميـلا ,, (صور كتارات) (Re: عاطف عمر)
|
Quote: شكراً داليا وتمبس أن منحتوا الناس فرصة ليجدوا ويخرجوا كل آيات الجمال والخير الموجودة في دواخلهم
شكراً داليا وتمبس وأنتم تنتقلون بالفرح أو ينتقل الفرح معكم قطرًا قطراً ومدينة مدينة وحارة حارة وبيتاً بيت
شكراً داليا وتمبس وأنتم تنقلون للآخرين خارج نطاقكم الجغرافي فرحكم فيفرحون بكم ويفرحون معكم
شكراً داليا وتمبس وأنتم تصنعون يومنا ففي الدنيا جمال وفي الدنيا وفاء |
الف شكر يا عاطف .. وإنت تعبينا بالفرح
شكرا ان تمنحنا كل هذه الثقة ولا محدودية الود .. ربنا يجعله دايمه الموده البيناتنا
| |
|
|
|
|
|
|
|
|
|
Re: بورداب جـده ,, أهـل الكـرم والشـده .. شكـرا جميـلا ,, (صور كتارات) (Re: tmbis)
|
تمبس إزيك ياخي ..
| Quote: يعني ما عايزين تورونـا العجلة دي حقت منـو .. |
أول مرة أشوف العجلة دي قال لي محدثي أنها حقت ( أبونا آدم ) ..
و يبدوأن هذا القول منطقي نوعاً ما ..
لأن المسافة ما بين منطقة الفيصلية حيث تقبع هذه العجلة ( في ميدان الدراجة ) و حي البغدادية حيث ( مقبرة أمنا حواء ) وهي المنطقة التي يعتقد أنها كانت تقيم فيها أمنا حوا حينها كانت و لا زالت بعيدة و لا يمكن لأبونا آدم أو غيره أن يدقها كعابي أو كداري كما يقولون ..
و لأنه في ذلك الوقت لم تكن هناك ليموزينات أو حتى رقشات أو أمجادات فربما كان إستخدام هذه الدراجة ..
و ربما أيضاً بعد ذلك إنتقلت ملكية الدراجة للورثة حتى أختلفوا بشأنها و قرروا وضعها في هذا الميدان ..
| |
|
|
|
|
|
|
|
|
|
Re: بورداب جـده ,, أهـل الكـرم والشـده .. شكـرا جميـلا ,, (صور كتارات) (Re: داليا الكباشى)
|
ذبحتونا بي جِدِة دي...
ما قدامنا غير نؤجل عزومتنا لمن يقيف البرد ويجي ربيع شهر اربعة والدمام تخضوضر بزيارتكم..( وحمد وعوض يمرقوا من بياتهم الشتوى
المهم:
* محمود مصطفي محمود.. يمن بالله كنت فاكرك دب المظهر زيك وزي اساسي واحمد التجاني.. طلعت ما شاء الله سمبتيك وحاجة رشيقة ما تخلص
** جمال السنوسي .. كرفتتك شديدة وعاملة ماتش للارض
*** تمبس .. كرفتتك شينة لو اختارتها ليك زميلة البورض قول ليها اختيني كدة والا كدة وبعد دااك اتسوق مع عمر الفاروق - نصحناكم تبعدو من الهرم بالدائري الجنوبي ما سمعتو الكلام
**** ود القاضي .. فضحتنا والله .. في سواكني بيلبسوهو كدة مع السديري.. تباً لك
***** اساسي .. شين كما عهدناك
****** وليد عبد اللطيف .. بالله زول رياضي مطبوع زيك تقوم ليهو كريشة...!! قوم لف مربوعيين كاملات بحي الصفا وتعال رااجع
(*) جموع بورداب جدة :
ما قصرتو والله ... بس ذبحونا الناس دي بالله تاني ما تعزموهم ( وحالتكم ما شفتو الفيسبوك .. لمن عماد عبد الله بقي يطرد الناس من طرف
| |
|
|
|
|
|
|
| |
داليا الكباشى
tmbis
ابوحراز
الشاذلى خيرى عبد الله
جمال السنوسي
امير عوض الجمري
علاء الدين صالح
عاطف عمر
البدري عبد الله
عصام دهب
محمد عبد الماجد الصايم
بشير أحمد
وليد عبد اللطيف
هيثم التوم
عفاف الصادق بابكر
تاج السر محمد حامد
الخير محمد عوض
طارق جبريل
ادم شحوتاي
قمر الانبياء عبد الحي
اساسي
فايزودالقاضي
طارق عبد اللطيف نقد
جعفر محي الدين
البشير دفع الله
awad okasha
صلاح عثمان
بدر الدين الأمير
HAIDER ALZAIN
ismeil abbas
احمد التجانى احمد
jini
فيس بوك
تويتر
انستقرام
يوتيوب
بنتيريست