|
|
 الموناليزا أختي
|
اختي الموناليزا
انا ماني كشا مشا العزمو فطور و جا عَشا
لكن قلته اصبر لحدي ما الشر حسا
قدر ما قلنا ما بنتحير لقينا رجالا ما بتبرد حشا
كان مستني ديل يا بلدي صباحك باقي عِشا
اول مره اقف قدام قاضي كان عمري تسع سنين و السبب مشاجره . و اول مره يحكم علي قاضي بالسجن كان في امدرمان و انا في السادس عشر من عمري بتهمة تسبيب الاذي الجسيم لعبدالحليم ابوحلمه الذي كان من فتوات المورده الذي كان يفرض سيطرته علي المنطقه امام الطابيه . و في الفيضان لا يكون هنالك غير منطقه صغيره بين الريفيرا و الطابيه لرمي الرماي و عبدالحليم اخرج الرماي الذي يخصني لكي يلقي برمايه.
عندما خلعت ملابسي امام الدكتور بشير الياس رحمة الله عليه قال لي ضاحكا ( انت يا شوقي كنت راعي ) لانه ليس هنالك اي جزء من جسمي ليس فيه قطعة سكين سونكي ، فرار، عكاز ابتداءا من الراس و الوجه. و لكن المعارك مثل التي دارت في البورد اخيرا اخاف منها و اجبن و ابتعد بقدر الامكان . و قالوا ده رقيصا ما عندنا ليه مشاط .
و يبدوا ان الموضوع منظم او اوركسترا كامله . و اخيرا جابوا السبع من ديله و كشفوا المستور و قالوا انو الموناليزا اخت زوجه شوقي بدري . لماذا نعرف دائما النساء بالرجال. في حي الرياض في الخرطوم هنالك يافطه علي امية النور مكتوب فيها امية نعمات و المقصود بنت عمتي نعمات مالك التي لها عزم عشرات الرجال ، فلماذا لا يعرف شوقي بدري بنعمات مالك او امنه بدري .
نحن السودانيون قد ربتنا امهاتنا و السوداني الذي اشرف ابوه علي تربيته اكثر من امه هذا الشاذ الذي يؤكد القاعده . و لكن يبدو ان موضوع الموناليزا اثار حفيظة الرجال اولا لانها امرأه و ثانيا لانها شلكاويه . ففرسان السودان من العاده يوجهون سمهم نحو المرأه و الجنوبيين و هنا اكتملت المسرحيه ( خريف ابسعن صرفه و جراد) بالمناسبه الصرفه نوع من الحشرات . تصرف الرجل الفاضل خالد الحاج و الذي ندين له نحن بالكثير و يجب ان نقيم له تمثالا كان تصرف واعي و مسؤول و لكن فلاحتي في ود مرتي .
تصرف الاخ ابوبكر تصرف سليم ايقاف الموناليزا حتي تضطدح الرؤيه و يمكن بعد ذلك اعادتها او بترها و المتهم برئ حتي تثبت ادانته .
بدأ الهجوم علي الاشتراكيين و الماركسيين و الشيوعيين كالعاده كل حاجه يدرعوها في شماعة الشيوعيين ديل . و بعد شويه يقولوا ليك السودان ما فيهو شيوعيين و كلهم ما بجو الف زول.و الشيوعيين تطير عيشتهم . و لكن حسب معرفتي للموناليزا و انا اعرف والدها قبل ان تولد في ملكال و والدتها حفيدة الرث داقي ، ابصم لكم بالعشره انها لا تعرف الفرق بين ماركس و بابانويل . قد تكون ذات مقدره في النقاش و الكلام و لكن الكلام الانكتب ده ما بتاعا . مع بداية حكومة الانقاذ حذر البروفيسر عبدالله الطيب رحمة الله عليه البروفيسر القدال من العربات الكثيره البتقيف قدام بيته فقال القدال ( ديل جماعه اصحابنا بنلعب كوتشينه) فقال عبدالله الطيب ( ناس الحكومه ديل ما بعرفوا الفرق بين اس الشيريه و البيان الشيوعي ).
حتي اذا الموناليزا قالت الكلام ده ، لماذا توصف بالعاهره و المومس ؟ الموضوع ايمان و عدم ايمان ايه دخل الكلام ده بالدعاره . بل لقد اتصلوا تلفونيا ببعض الاشخاص في السويد لاقامة حد الله في الموناليزا و هددوا بالحضور للسويد ناسين ان الموضوع بحتاج لفيزات . و ديل والله لو طلقوهم ما يلقوا محطة السكه حديد خليك من بيت الموناليزا !!
و الموناليزا و الحمد لله عنها راجل بختني في صفحتو ، هوايته حمل الاثقال .
و اذا عاوزين جهاد في السعوديه قبلكم في ملك راكب في راس المسلمين هو و اهله ، و الجهاد بدا هناك . و هنالك الكفلاء الذين يشغلون السودانيين بالسنين في المزارع و كرعاة و أوجراء و ياكلوا حقهم و يطردوهم .
عاوزين اسلام ؟ ذي ما قلته ليكم في زول في السودان ادعي انه المهدي و انه يأتيه الوحي و ان سيدنا محمد صلي الله عليه و سلم هو قائد جيشه كما ذكر في منشوراته. و له قبه ضخمه في وسط امدرمان يأتيها الحجيج من كل اطراف السودان . و احفاده كانوا يركبون علي رؤوسكم و يعيشون في بذخ و سيركبون علي رؤوسكم مره اخري . و السبب انكم تتفرعنون علي اختكم المسكينه بدون ان تعطوها فرصه . و حتي اذا كتبت هذا الكلام و تراجعت فهذا مظهر توبه و الشريعه لها بالظاهر .
الرجال السودانيون و هذا يشملني انا نعاني من عقدة ان نساء السودان اقوي و افيد من رجاله و الدليل امهاتنا . فالبيت السوداني سينهار في اي وقت اذا كانت المرأه سيئه و لكن مهما يكون الرجل سجمان في السودان فيمكن ان تستمر الاسره في ترابطها اذا كانت المرأه قويه و جيده كعادة المرأه السودانيه.
طيب ، المشكله دي راحت بعد ان اسخنا الرائع خالد بالجراح و جعلنا بكري يحس بدوار بحر دائم و هو علي اليابسه ، ما هي المشكله القادمه؟
شوقي بدري
|
|
 
|
|
|
|
|
| العنوان |
الكاتب |
Date |
| الموناليزا أختي | shawgi badri | 03-14-04, 05:19 PM |
| Re: الموناليزا أختي | jini | 03-14-04, 05:29 PM |
| Re: الموناليزا أختي | tariq | 03-14-04, 05:42 PM |
| Re: الموناليزا أختي | Tanash | 03-14-04, 05:59 PM |
| Re: الموناليزا أختي | فتحي البحيري | 03-14-04, 05:49 PM |
| Re: الموناليزا أختي | doma | 03-14-04, 06:11 PM |
| Re: الموناليزا أختي | Tabaldina | 03-14-04, 07:41 PM |
| Re: الموناليزا أختي | Tumadir | 03-14-04, 08:03 PM |
| Re: الموناليزا أختي | bushra suleiman | 03-14-04, 10:39 PM |
| Re: الموناليزا أختي | بكرى ابوبكر | 03-15-04, 05:21 AM |
| Re: الموناليزا أختي | ودقاسم | 03-15-04, 10:04 AM |
| Re: الموناليزا أختي | حمزاوي | 03-15-04, 11:31 AM |
| Re: الموناليزا أختي | nada ali | 03-15-04, 12:26 PM |
| Re: الموناليزا أختي | mohammed alfadla | 03-15-04, 01:18 PM |
| Re: الموناليزا أختي | Ayman Gaafar | 03-15-04, 01:40 PM |
 Re: الموناليزا أختي | Yasir Elsharif | 03-15-04, 02:31 PM |
| Re: الموناليزا أختي | ahmed haneen | 03-15-04, 02:35 PM |
| Re: الموناليزا أختي | Elmosley | 03-15-04, 03:26 PM |
| Re: الموناليزا أختي | د.كرار التهامي | 03-15-04, 05:28 PM |
| Re: الموناليزا أختي | shawgi badri | 03-15-04, 06:10 PM |
| Re: الموناليزا أختي | hala alahmadi | 03-15-04, 05:38 PM |
| Re: الموناليزا أختي | msd | 03-15-04, 06:26 PM |
| Re: الموناليزا أختي | Ayman Gaafar | 03-16-04, 00:29 AM |
| Re: الموناليزا أختي | عدلان أحمد عبدالعزيز | 03-16-04, 00:33 AM |
|
| |
shawgi badri
فيس بوك
تويتر
انستقرام
يوتيوب
بنتيريست