برغم كل شي لن يهزمنا المريخ في العاشر من يونيو

Quote: منوعات الجمعة نبدأ منوعات الجمعة بمأساة يوسف محمد المصاب. . والذي غادر البلاد وهو حزين. قال إن الهلال لاحقه في أنغولا أثناء مونديال الأمم الإفريقية شئ بالموبايل وشئ بالفيس بوك وشي بالفاكس ولاحقني مجدي شخص الدين شمسياً حتى مقر إقامتي قال: ولثقتي فى الشعب السودانى الشقيق وقعت وبصمت بالعشره وفجأة أصبت إصابة بالغة. ونقلت على عجل لبلادي وظللت مواصلاً العلاج. الهلال من كبيرهم حتى أصغر مشجع ضربوا مني طناش.. وعملوا فيها أضان جلد ذهبت لجنوب إفريقيا وواصلت رحلة العلاج ولا حياة لمن تنادي ضربت أخماس في أسداس، وقلت أحسن أجي وأختهم أمام الأمر الواقع لقيت سيد الزبدة في مصر.. وما في زول قال لي جيت لشنو توكلت على الحي القيوم واتصلت بالأرباب في مصر رد علي بأن أنتظر نص ساعة وصاح يا عبد الشكور وقفل السماعة مين عبد الشكور ده؟ حقيقة أنا مندهش للطريقة التي قابلني بها هؤلاء الهلالاب أنا كنت قايل ده بلدي التاني والأرباب ده أبوي فقد كان يقول إن يوسف محمد ده ابني.. في زول في الدنيا دي بعامل ابنه كده؟ (يا اخوي الكلام ده قبل الإصابة ولا بعد الإصابة) السطر ده من عندي يوسف قال سمعت بقصة أمولادي وكيف عامله الهلال لكن ما صدقت اعتقدت أن تاريخي في الهلال سيشفع لي. النصيحة ليك يا الله يا صلاح إدريس اتلومت تب انت عارف ما في زول غيرك بدفع تعملها عبد الشكور وحليلو قال سايب البلد في المؤتمر الصحفي صحفي مريخابي حاول الاصطياد في المياه العكرة. وقال ليه هل صحيح إنك وقعت بعد انتهاء فترة التسجيلات في أنغولا يوسف محمد أكد أنه وقع يوم 15 /1 أمام مجدي في مكان إقامته المنتخب منحه عربة لمكان إقامة مجدي على بعد ساعتين غايتو يا ولدي أظنك كنت قايل القبة تحتها فكي مجلس الهلال أهملني والأرباب تجاهلني.. شينة. أجمل ما في الموضوع أنو الوكيل حافظ القوانين. وأكد أن هوت ما زال ساخناً وهو لاعب الهلال واختتم هوت المؤتمر بأنه مسافر ولكن حقو ما بخليه قروششششي شي شي شي. الجماعة بتاعين العرضة الشمالية بجيبوا لينا الكلام كل زول يجيب محترفين على قدر كاساتو الجوية والهالة الاقتصادية السويتو في هوت بتلقوا الليلة من السوكرتا وديسي قال إن أبو الهل لن يفلت من حي العرب اليوم وديسي الخطير قال اسألوني عن سادومبا قسم يا قسم خليك عاقل والزم الجابرة.. بورتسودان الليلة بتسخن شديد يا أبو خطاب المسمار محمدكم. نشد الرحال غداً لمدني السني لمتابعة لقاء الزعيم مع الأفيال وكما قال قريش: اللقاء مهم لأنه يسبق مباراة القمة. احترام الخصم من أول بشريات الفوز. نحترم المدرب المتطور فاروق جبرة الذي صنع فريقاً كبيراً ويظل دائماً المريخ متفوقاً بمن حضر. نحن قادرون على تجاوز الأفيال البمرق الجماعة شنو من مطب السوكرتا بركة الجمعة الجامعة والدعوة السامعة تدينا الفي مرادنا