جعليين: في حالة رواقة (فديوهااااات).

Quote: أولاد جعل ...الحديث عنهم ذو شجون !!! لكن الركزة ماااا عندهم ... تعرف يا محمود، من أدب البطان (الضرب بالسوط) ألا تهتز فيك عضلة و أنت راكز تتلقى الضربة تلو الأخرى ،، وإلا زاع صيتك و تبشتن حالك و حال كل من يعزوك ... إنه زمن جميل : للعزة مكانة و للرجولة ثمن و تضحية و للحبيب قدر و للقبيلة شهامة و هى الضهر ... لعن الله زمن النهب و السلب و الجوع و الفساد و لعنة الله على كل من تسبب فيه ش

الباشمهندس شكري: نعم ولكن اعتقد ان ثقافة الجلد والسياط الان قد اضمحلت عند دار جعل ان لم اكن مخطئا بالرغم من الجلد كان تراث وثقافة لدى قبيلة الجعليين/ الواحد فيهم ينجلد تمام التمام وعينوا ما ترمش بس بيمش البيت معسم بتشديد العين من اثر السياط.. تشكر على الحضور يا جميل.

Quote: الاخ الكريم شكرى ما طوس ...... اعتقد ان(وقع لى ) مقصدك فى مقولة الركزة ماااا...... اسمح لى ان اقول لك لم يجانبك التوفيق فى اختيار العبارة لانك عممت ، الشباب الذين تراهم كلهم من شباب المدن ، تعال عندنا بى قادى عشان الدم يرش نظاراتك و تبعد (انت زاتك) غايتو الركزه دى ان ختت الجعليين يبقى زاتو ما عندها طعم (مزحه خفيفه ) لك ودى . فى ناس تانى لو اخدو سوط واحد والله اكان تلقاهم فى (انجمينا ) والله شنو ؟

Quote: اتكيفنا كيف شديد بلحيل ديل نحنا عيال جعل الشموس بلحيل ..

عثمان جنى موسى كيفنك يا زول? مشتاقين كتير/ طالما متكيف اقترح عليك نقل الشغلانة للاس فيغاس تراث دار جعل غني ويحتاج الى من ينقله لنا بحذافيره ففيه تنوع اليس الشاعر الراحل المقيم التيجاني يوسف بشير منكم? لذا يا ود عثمان اكتبوا لنا ايضا عنه وعن البطان مع وافر التشكرات.

Quote: يا زول ابشر بالخير والله يا الدقم اخوى انا بعذر اى واحد بقول دى هبالة او عباطة او تخلف لانه دى احساس خاص جدا بالجعليين عشان كده خلونا يا جماعة فى تخلفنا ده وانتو الله معاكم سوو البتسو

Quote: جعلية وحمرة عين الضهور بتلاقي السوط والصدور تحضن الرصاص

Quote: قابلت فى جدة احد ابناء الجعليين الذين ولدوا فى كسلا وترعرعوا فيها حتى اغترب يقول لى ان كل حفلاتهم فى جدة لابد ان يكون فيها بطان رغم انه لم يعيش فى منطقة الجعليين البته ... المسألة عزيزتى تتسرب عبر الجينات وتأبى الا ان تبقى فيك وتنتقل الى ذريتك ...

قرشو ياخوي طيب ما تتجالدو لينا هنا دا اتا وعثمان موسى وعمر التاج وعلوبة طبعا معتز القريش ديمة مجلود واعتقد الاخ هجوا ان لقى طريقة برضو بدخل الحوبه وللا الراي شن نفرو عندك.??

Quote: الحمدالله اننى من بنى جعل دين ودنيا ديل اهلى جد بالجد مش اى كلام بجيك صادى تانى

? يازول نايم لك في عنقريب حبال? على كل حال حبابك تب يازول حبابك تب.

Quote: يا محمود زي ما قال أنور بأن الأمر متعلق بالجينات الوراثية والجعلي جعلي كان غفير أو وزير وأهلنا بقولوا الخلا عادتو قلّت سعادتو الموضوع طويل ومتشعب ويحتاج لأن يكتب عنه وفيه الكثير.. لك جزيل الشكر..

شفتا كيف? اخوي ود البشير شاكرا لك التواجد.