|
|
|
 Re: وقابلت معتصم .. ووهبة .. وناذر .. ودلوش قبل الإغتراب .. (صور) (Re: صديق الموج)
|
ارق التهاني واعظم الاماني للابنة بل الحفيدة معزة .. ولي قدام .
هل ادركت اخي عبالله قول الله تعالي (المال والبنون زينة الحياة الدنيا) .. لا شك ان نجاح
ابن وتخرجه من الجامعة هو خير جزاء لمعاناة الوالدين وصبرهما واساس لفرح وفخر
مستحق يعطي للحياة طعما وجمالا ..
واهنأ بمن قابلت من اعضاء المنبر والاهل واسماك النيل .. وعد سالما (لارض الواقع)
عمر علي حسن
| |
 
|
|
|
|
|
|
|
|
Re: وقابلت معتصم .. ووهبة .. وناذر .. ودلوش قبل الإغتراب .. (صور) (Re: صديق الموج)
|
حبيبنا عبدالله كسلا
مبروك تخريج البنية وحمد لله على السلامة
ياخ والله الواحد مؤخرا كدا ما لاقى ليهو زول في طيبتك وتهذيبك ومودتك ابدا
اشهد انك زول جدير بالعرفة والصحبة والمحبة ودمت طيب ياحبيب
________
دوما العزيزة
هو السمع بيك في الخرطوم منو ؟
تلاقيك مشيتي باريتي لي الانعامين وبنات خوجلي
اها خمي وصري ... 
_________
ود الموج
يازول شكيتك علي الله
انت قايلنا برانا تاني في اتنين
قاعدين شمالي بس ما بورداب
وبعدين انت لو ود ام درمان صحي
الصينية دي تاني بتفطر ليها نفرين
هو نحن عملنا حاجة ؟
| |
|
|
|
|
|
|
|
 Re: وقابلت معتصم .. ووهبة .. وناذر .. ودلوش قبل الإغتراب .. (صور) (Re: عبدالوهاب علي الحاج)
|
أخي الحبيب وهبة .. ياخي الواحد يعجز تماماً عن وصفك ..
غايتو مقابلتي ليك إنت ومعتصم وداليا وناذر .. وبقية البورداب القابلتهم ..
كانت من أجمل لحظات زيارتي السريعة دي ..
إن شاء الله ربنا يديم المعروف بين الناس يا وهبة ..
والتعرف عليكم بالجد مكسب كبير ...
شكراً ليك كتير على الإطراء والكلمات الجميلة في حقي ..
وربنا يخليك لي أخ وصديق عزيز يا رب ...
_______________
هل دومة دي فعلاً كانت موجودة في الخرطوم يا وهبة ... لا أعتقد ... وأظن أنها تمزح ..
ولو بقت كانت موجودة بالجد .. تبقى خسارة كبيرة إننا ما قابلناها ...
ولو موجودة لحد هسي ... حاولوا ألحقوها بسمك نيلي ... 
| |
|
|
|
|
|
|
|
|
|
Re: وقابلت معتصم .. ووهبة .. وناذر .. ودلوش قبل الإغتراب .. (صور) (Re: doma)
|
الله يبارك فيك أختنا الحبيبة دوما ...
وعقبال ما نبارك ليك تخريج أحفادك يا رب ...
معقول إتي كنتي في الخرطوم في نفس الوقت ...
والله لو كنَّا عارفين .. ما كنَّا مشينا من دونك أبداً ..
وأكيد معتصم ووهبة ما كانوا حيفوتوا فرصة زي دي ..
وأكيد أكيد سمك النيل كان حيبقى أحلى وأطعم بوجودك ..
أما الصور ... فلسة ... جراب الحاوي مليان حاجات جميلة ..
| |
|
|
|
|
|
|
|
|
|
Re: وقابلت معتصم .. ووهبة .. وناذر .. ودلوش قبل الإغتراب .. (صور) (Re: عمر علي حسن)
|
شكراً ليك ريسنا وحبيبنا العم عمر علي حسن ...
وعقبال حضورك لتخرج كل أحفادك وأحفادنا وإنت طيب إن شاء الله ...
والحمد الله .. هم أصلهم بنتين وولد .. والحمد لله البنات الاتنين إتخرجن .. وإتخارجن ..
فضل لينا الوليد .. وهو ممتحن السنة دي للجامعة .. اسألكم الدعاء له ..
أما أسماك النيل .. فما في أحلى منها يا ريس .. وخاصة مع صفوة بورداب الخرطوم ..
شكراً ليك يا ريس مرة أخرى على المرور والتهنئة ...
| |
|
|
|
|
|
|
|
|
|
Re: وقابلت معتصم .. ووهبة .. وناذر .. ودلوش قبل الإغتراب .. (صور) (Re: فايزودالقاضي)
|
"إبني" فايز ود القاضي ... إبن كسلا الوريفة ...
أنا فعلاً ممكن أكون عمك بالجد .. لأني والله أعلم .. باقي لي درَّست دفعتك في كسلا الثانوية ..
أما صورة البروفايل يا حبيب .. فهي قبال فترة قصيرة ..
لكن التغيير هنا بيحصل بسرعة جنونية ... للأسوأ طبعاً ... وإنت سيد العارفين ...
شكراً لمرورك بجاي وتهنئتك بتخرج أختك معزَّة ...
شكراً ليك يا حبيب ..
| |
|
|
|
|
|
|
|
|
|
Re: وقابلت معتصم .. ووهبة .. وناذر .. ودلوش قبل الإغتراب .. (صور) (Re: ود الباوقة)
|
الله يبارك فيك حبيبنا ود الباوقة ...
وعقبال نهنيكم ونشارككم في أفراحكم يا رب ...
تعليقك على الصورة مبالغة والله ...
فعلاً زي القاعد يقرأ فيها ...
لكن .. لا .. هو فعلاً قاعد ينفخ في اللقمة عشان يبرِّدها ..
ده سمك من الصاج للصنية يا ود الباوقة ... شفت كيف ؟
وألذ حاجة يا ود الباوقة .. إننا حبسنا بشامبيون ..
أما من إلتقيتهم .. فأحلى وألذ وأطعم من السمك والشامبيون ...
تسلم على المرور يا حبيب ...
| |
|
|
|
|
|
|
|
|
|
Re: وقابلت معتصم .. ووهبة .. وناذر .. ودلوش قبل الإغتراب .. (صور) (Re: osama idris)
|
الله يبارك فيك يا ريسنا أسامة إدريس ...
وعقبال ما نهنيكم ونفرح معاكم بتخريج أمورتكم الحلوة ..
وشكراً ليك على الدعوات الصادقة ...
وإن شاء الله لمن تجي بتك معزة هنا .. حتستفيد من خبراتكم في المجال ...
ربنا إن شاء الله يديم المعروف بين الناس يا ريس ...
شكراً مرة تانية على المرور والتهنئة ..
تحياتي للمدام .. وللأمورة الحلوة ...
| |
|
|
|
|
|
|
|
|
|
Re: وقابلت معتصم .. ووهبة .. وناذر .. ودلوش قبل الإغتراب .. (صور) (Re: عبد الله كسلا)
|
عبدالله كسلا ............
ياخ انت منو زيك .....؟
زيارة خاطفة للخرطوم .... وتخريج معزه ..... وحفلة دلويه العسل ..... ومقابلة بورداب ..
والختـــــــــــــام ... سمك عن عوضيه ..لالالالالالالالالالالا ياخ !!!
انت الزيك منو ..؟ ...
لكن بينى وبينك تستاهل كل الحاجات الحلوه دي .. والله عاجزه عن الكلام عنك ..
مليااااار مبروك للحبيبة المهذبة الراقية .. وعقبال الوظيفة السمحة ..
وبورداب الخرطوم بتحبو .. خاصه الكوكبة الحلوه الكانت معاك .. ربنا يديهم العافية ..
| |
|
|
|
|
|
|
|
|
|
Re: وقابلت معتصم .. ووهبة .. وناذر .. ودلوش قبل الإغتراب .. (صور) (Re: طارق جبريل)
|
الف مبروك اخونا عبد الله كسلا و الاسره للابنه معزه.
وفرحنا لك بالاجازة ولقاء بعض بورداب الخرطوم.
وحال البلد ما قصرته ووصفتوا لينا...وربنا يرفع الكرب عن البلد
| Quote: شئ مؤسف أن تعود لأرض الوطن بعد سنواتٍ من الغياب .. لتجد حاله أسواء مما تركته عليه ... والعالم من حولنا يتطور بسرعة الصاروخ ... |
مؤسف جدا.
والاكثر اسفا بعض المدافعين من بورداب الداخل
التقول نحن لما نطالب بالاحسن عشان روحنا!!
نحن بنطالب بالاحسن عشانهم.
قول يا لطيف بس.
| |
|
|
|
|
|
|
|
|
|
Re: وقابلت معتصم .. ووهبة .. وناذر .. ودلوش قبل الإغتراب .. (صور) (Re: Osman Musa)
|
شكراً ليك أخونا عثمان موسى على المرور والتهنئة ...
وعلى التهنئة بالنجاح في مسابقة أكل السمك ...
لكن هو سمك عادي يا عثمان ؟؟ ...
وحالتو قالوا في واحد تاني اسمو شعيب ...
برضو خطير .. ده حنجربو الإجازة الجاية بإذن الله ...
تعال ننسق مع بعض لإجازة في وقت واحد ... عشان ندخل المسابقة دي مع بعض ..
رأيك شنو ؟ 
يا خي السمك النيلي ده ما في ألذ وأطعم منو ...
وما تخاف عليو من الإنقراض ... الخير باااااسط ...
تسلم يا حبيب ...
| |
|
|
|
|
|
|
|
|
|
Re: وقابلت معتصم .. ووهبة .. وناذر .. ودلوش قبل الإغتراب .. (صور) (Re: طارق جبريل)
|
الله يبارك فيك حبيبنا ود جبريل ...
شكراً ليك كتير ... وعقبال عندكم إن شاء الله ...
إنت مش معيِّد في السودان ..؟
أنا حأوصي وهبة يتوصى بيك .. مع إنهم ما بيحتاجوا لوصية ...
وأمشي وجرِّب بنفسك ... أنا خايفك تكون أخطر من وهبة في السمك ...
مع إنك متخصِّص قراريص ...
تسلم يا حبيب ...
______________
نحن منتظرين نعرف حتمر علينا متين ...
| |
|
|
|
|
|
|
|
|
|
Re: وقابلت معتصم .. ووهبة .. وناذر .. ودلوش قبل الإغتراب .. (صور) (Re: عبد الله كسلا)
|
الأخ عبدالله كسلا سلامات
وألف مبروك تخرج معزة وعقبال الدكتوراه
| Quote: وهناك من التلاميذ والطلاب من ترك المدارس لعدم توفر الرسوم .. ولجأ للعمل، أو التشرُّد .. وهناك من لجأ للتداوي بالأدوية البلدية لإرتفاع أسعار الأدوية بالصيدليات والعلاج بالمستشقيات ... |
سردك للحال الذى صل اليها الوطن الحبيب فيه صدق وعمق ألم وأمل وليتك أطلت الاقامة وسردت لنا المزيد من الملاحظات
وحديثك عن أطفال المدارس يدمى القلب
أطفال السودان لهم الله يا أخى وخاصة أبناء الفقراء الذين هم جل أبناء بلادى
عندما تنظر لحالهم لا تملك الا أن تبتهل لله العلى القدير أن يبدل الحال
هؤلاء لا أحد من المسئولين يابه بهم ولا برامج أو أى تصور لمستقبلهم القاتم
وقول لوهبة ومعتصم وبقية بورداب الخرطوم وخاصة الأخ العوض المسلمى وابوجوان
الظاهر عليكم عندكم خيار وفقوس وبتهتموا بس بى ناس ام درمان
وسمك عوضية ده جينا ورجعنا ما عرفنا دربو بى وين واطرشنا ما سمعنا بيهو
معليش يا كسلا منظر السمك الفوق ده ووهبه منقض عليهو يخلى الواحد يزعل
ويا بخت عوضية على الدعاية اللى بالمجان - وهسع أكيد كل مغتربى حوش بكرى يتمنوا زيارة عوضية للأسماك
والظاهر وهبة قبض حق الدعاية دى صينية سمك كل اسبوع (يا وهبة كتر من المشوى وابعد شوية من المحمر)
| |
|
|
|
|
|
|
|
|
|
Re: وقابلت معتصم .. ووهبة .. وناذر .. ودلوش قبل الإغتراب .. (صور) (Re: حسن حماد محمد)
|
Quote: وقول لوهبة ومعتصم وبقية بورداب الخرطوم وخاصة الأخ العوض المسلمى وابوجوان
الظاهر عليكم عندكم خيار وفقوس وبتهتموا بس بى ناس ام درمان
|
سلامات يا حسن ..
اولا انا من ناس الخرطوم وبحب الخرطوم وامدرمان دي بالذات ما بحبها نهائي وما بوديني ليها الا سمك عوضية وقندهار.
ثانيا والاهم فالاخ عبد الله اخبرني بانه قادم الى الخرطوم فتم التنسيق وكذلك نفعل مع كل بورداب الدنيا فقط اذا علمنا بحضورهم باي وسيلة كانت ونسعى اليهم ونبحث عنهم وكثيرا ما عثرنا عليهم وكثيرون سعدنا بلقائهم ووسيلة علمنا بحضور البورداب تقوى وتضعف فتبدأ احيانا بتصريح واضح من البوردابي بانه قادم الى السودان يوم كذا شهر كذا وبرنامجي كذا وهذا مريح لسهولة العثور عليه وآخر يتصل عبر الهاتف او الايميل ( معظم بورداب الخرطوم ايميلاتهم وفواتهم في بروفيلاتهم ) ثم آخر يشير في بوست او يلمح لحضوره واحدهم ظن ان قوة من جهاز الامن والمخابرات تنتظره في المطار فاتبع اقصى اساليب التخفي الى ان غادر باحة المطار وهو يتلفت ثم قضى ايامه وغادر دون ان يسأله احد ولم يسأل عنا .. اخي حسن لك العتبى ان قصرنافي حقك
| |
|
|
|
|
|
|
|
|
|
Re: وقابلت معتصم .. ووهبة .. وناذر .. ودلوش قبل الإغتراب .. (صور) (Re: حسن حماد محمد)
|
Quote: وقول لوهبة ومعتصم وبقية بورداب الخرطوم وخاصة الأخ العوض المسلمى وابوجوان
الظاهر عليكم عندكم خيار وفقوس وبتهتموا بس بى ناس ام درمان
|
يشهد الله ياود حماد ماعندنا خيار وفقوس ... وكل بورداب الخارج
على العين والراس ... ووالله أنا شخصياً ماسمعت أنك شرفت البلد !!
ولك العتبى حتى ترضى ...
تحياتى بالله لابوعسجد ( سيف ) شايفوا بقى كسلاااان من البورد الايامات دى .!
| |
|
|
|
|
|
|
| |
عبد الله كسلا
نصر الدين عثمان
فايزودالقاضي
ناذر محمد الخليفة
صديق الموج
معتصم محمد صالح
ياسر معتصم
Elawad
محمد البشرى الخضر
مزمل خيرى
doma
عبدالوهاب علي الحاج
Hassan Makkawi
خالد عبد الحليم سعيد
لؤى
عمر عبد الخالق سعيد
شمس الدين ساتى
osama idris
محمد عبد الماجد الصايم
جمال الباقر
عفاف الصادق بابكر
معاوية عوض الكريم
Gaafar Ismail
Emad Ahmed
عاطف عمر
بكري عباس علي
Munir
Mohammed Ibrahim Othman
Amani Al Ajab
طارق جبريل
Osman Musa
Tragie Mustafa
حسن حماد محمد
khaleel
البشير دفع الله
Nasruddin Al Basheer
إبراهيم عبد الحليم
فيس بوك
تويتر
انستقرام
يوتيوب
بنتيريست