Quote: مسو نوركم وشوفو من جبينا صباح الصباح إن لآح لا فايدة في المصباح
روى لي صديق مهتم بهذا الضرب من الأغاني أن الشاعر سيد عبدالعزيز كان مسافر يوم وقفة عيد الأضحى لودمدني بالليل في لوري .. وهو في اللوري سمع صوتها تحادث أمها .. أصاب الصوت من مشاعره وكتم .. تمنى ان تبزغ أضواء الفجر حتى يرى صاحبة الصوت الحنين ( وكان الطريق من الخرطوم لمدني وعر ومافي أسفلت واللوري يقطع المسافة في ساعات طوال ) المهم ومع بزوغ أول شعاع من ذاك الفجر الجميل راى صاجة الوجه الملائكي الحسن واصاب جمالها من قلبه وتحركت مشاعره ينشد هذه القصيد الجميلة مسو نوركم وشوفو من جبينا صباح والصباح إن لآح لا فاية في المصباح
مسو كلمة فارسية ومعناها : أطفو أطفو أنواركم ايها البشر وخلو الظلمة تحل حتى تروا كيف يضوي وجهها الكون ومن جبينها الصباح يلوح دا الصباح إن لآح ( والصباح هو نور جبينها ) لا فايدة من إضاءة المصابيح عندما يهل نور جبينها
07-11-2012, 07:10 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: هل أتاكا حديث الكوكب النضاح قمرة تمطر خُمرة حارسا الفضاح لو تحيجنا محاسن الشمس للإيضاح مابتحيجنا محاسن محيها الوضاح
والكوكب النضاح هو القمر ... مع القمر تابع من التوابع في مجموعة الكواكب المعروفة وهنا أجاد سيد عبدالعزيز في الوصف لتلك البنت الحسناء فهي عبارة عن قمر وقمر يمطر من أندى العطور رائحة ( الخُمرة ) والخُمرة معروفة ومعروف أثر تأثيرها في الرجل السوداني عندما تتعطر بها النساء
وهي من الجمال ما لا يحتاج لإيضاح وافصاح وبيان وشكر ومدح جميلة خلقة وجمالها فاق الحسن إحسانا إبراز وهنا الربط في الوضف حتى بين لنا جمالها الذي لا يحتاج لإيضاح وهل تحتاج الشكس لإيضاح حتى يراها الناس لا وألف لا تحتاج الشمس لإيضاح وهنا جمال الوصف حينما قال الشاعر : قد تحتاج الشمس لإيضاح لكن تلك الحسناء لا تحتاج لإيضاح محاسن محيها الوضاح ووضاح تحمل من المعاني جمال اي واضاح وباين للعيان ووضاح مشرق ومنير تسلم الشاعر سيد عبدالعزيز عليك رحمة الله
07-11-2012, 07:43 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: القوام اللادن والأريج الفاح من جسيما الناعم.. الأسمر التفاح خلا عقلي وخلا في هوايا كفاح جيش هواها إحتلَّ قلعة الأصفاح
القوام اللادن القوام في لمرأة جماله في الطول .. لا هي بنحيفة ولا ناصحة بعيدة مهوا القرط ما يشير لطول وجمال جيد محزحز كفلك عطلك أمشي البنات فاتنك وحزام كلما قلت أضيّق كان الخصر أضيق وأطراف سفلى تمشي بها الهوينة كما يمشي الوجى الوحل وأطراف عُلى ترفعها ترجع بها خصلة رفعة يد ضابط أبـ نيشان ويزين كل هذا جمال وجه بدأ كقمر منير ليلة أربعتاشر وزي القمر والله وأحلى من القمر ولادن اي لدن طري ولين والأريج : هو العطر فاح أي عمَّ وأنتشر
من جسيما وهنا التصغير يوحي بالجمال وليس زم وحسمها ناعم ولونها سمرة تكسوها حمرة كلون التفاح
وجمالها سلبني وسلب أفكاري ودارت في دواخلي أفكار ومشاعر وكفاح وكفاح أشعل النار في حشاي
ماخلاص هجوم كساح وأحتلى قلبي رغم الحصون المنيعة التي أقمتها أتحاشى الحب وهوى الحسان
07-12-2012, 07:17 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: نور جمالا دهشنا معشر الفصاح بين ناطق صامت وبين صامت صاح غانية غانية جمالا فيها شوف ياصاح الجمال الفيها كلو معنى وصاح
معشر الفصاح : اي نحن الشعراء اهل الفاصحة والبيان والبلاغة نور جمالها بهاها دهشنا
اوصارنا الصامت منا أفصح صاح بأعلى صوته والناطق الفصيح إنعقد لسانه دهشة من جمال بهر العيون وكيف لا يكون لها الدهشة هي غانية ( اي غنية بكل هذا الجمال وكل شئ فيها صاح وكامل )
07-13-2012, 06:57 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: فيك نظرنا محاسن يعلم الفتاح لو قفلنا قلوبنا كانت لها مفتاح أدري أو لا أدري صرتَّ كالملتاح لو رضاكي هلكني .. للهلاك أرتاح
يخاطب البت التي شفاها مع طلة الصباح ويقول : فيك شفت كل محاسن الجمال وابداع الخالق في خلقه ويعلم الفتاح اي يعلم الله يشهد قوله بالله للتأكيد ونحن أهل السودان وغيرنا نأكد الخبر بالقسم عادة
وفي محاسنك البديع وحتى لو حاولنا أن نقفل قلوبنا حتى لا تؤثر فيها كان حسنك وجمالك كالمفتاح يفتحها حتى ترق وتتفاعل معه ( لا حيلة من حسنك وجمالك )
غايتو لا اعلم لكن بعد أن رأيتك صرت مالملتاح والملتاح هو المدودو ومزوزي وهي درجة من الجن زهلول وهيام
انت بس ارضي بحبنا وحتى لو كان الهلاك في رضاك نرتاح ونرضى به
07-15-2012, 07:03 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: روضة غنّى جمالا يجلب الأفراح صورة من الجنة وفيها ناس ارتاح كل هذا تراهو مابزيل اتراح من بحبو تمايل واستراح وراح
كنتي كروضة غناء جميلة ومنظرها يجلب ويدخل السرور في القلب وكنتي كصورة من الجنة وفيها من فازوا برضاء ربهميوم البعث وكل هذا الجمال والحسن لا يزيل ما بنا من ولع وهيام وما اصابنا بعد أن وقع سهام عينيك واصاب القلب واستقر وتحكر
وانت تايها في تيهك وجمال ارتاحي واريحي خلق الله ( لو بنظرة لو ببسمة )
07-15-2012, 07:24 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: يا ليالي أحبابي ماشفيتي جِراح لو شفيتي فؤادي بمدية الجراح صرتَّ أتلو حديثي للوجود بصراح لو تليتبو كتابي سميت بالشراح
يناجي الليالي التي شهدت حبه الذي وقع ومن دون مقدمات شاف وحبَّ وصرع اللب من نظرة ومن النظرات مايقتل ومن العيون مايصرع وفعله أليم تصرع ذا اللب حتى لا حراك له وهنَّ اضغف خلق الله إنسانَ
ويقول يا ليالي أحبابي ( اي الليلالي التي سهرتها أذكركم يا أحباب ) ماشفيتي جراح ومادخل على القلب من حب وهيام وكيف تشفي مابي يا ليالي والحبيب لاهي وقلبو بعيد
لو شفيتي جراحي بمدية الجراح وليتك شفيتي مابي وحتى لو بمدية الجراح ( لقد هدني الشوق والهيام ) ويعني انه يا ليالي افضل لو تقطعي فؤادي ( اي تستأصليه من أصله ) يكون افضل لي من الألم والعذاب الانا فيه والشوق الذي أجفل النوم من عيني
ومن شدة مابي من شوق وألم للُقياك صرت لا أفتئ من الحديث عنك في مجمع بشر وتليت وتليت وحتى جفا لساني من الحديث ولو كنت كتبت ما تليته كان دونت به مجلد في حديثي عنك وانت غائبة وبعيدة عني قلب وجسد
الشراح هو الانسان الذي يشرح ويكتب
07-15-2012, 07:46 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: ما جنيت في هوايا وماعليّا جُناح أشتكيت للقُمري لو يعيرني جناح يكفيك لساني الغنّى فيك وليك كم ناح لو رثيتبو حياتي ما إحتجتَّ لمناح
أنا في حبي لك لم أجني جنحة الجنحة معروفة وهي ما يعاقب عليها القنون وما عليّا جنحة بل اشتكيت للقماري لوتعيرني أجنحتها حتى أزور دياركم يا غالية وفي حبي لك عبرت عن مشاعري بغنايا وشعري فيك والذي قلته فيك أنا لو كنت رثيته به نفسي ( لانه يعتبر نفسه انه مات في حبها بحبها صار بين الناس جسد وفؤاده وعقله بعيد ( يا الشلتَّ فؤادي مني .. هواي صادق نبيل ) وأديتك القلب المعذب قلت لي ألمو بتزيلو أبقى في وارف عيونك فرحتو وأحلام مقيلو هسي لو داير تسيبو حتى باقي العمر شيلو
07-15-2012, 08:12 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: وينك يا أبو الخلد ..يا ملتاح إنتا ...سلام وشوق كتير ياخي ...
شكرا على الإمتاع وتوثيق درر الكلام ، وطبعا أظرف شئ شروحاتك المصاحبة ... لأنو الملتاح دي غايتو كان ما فسرتها ...ما كان فهمناها تب ...
سلامي ليك وللجميع بطرفك...
دا ساعات بتوه بالليل أنا وأرحل مع النجمات بعيد بعيــــــــــــــــد وأتأمل الزمن الراح في عيونك سعــــــــد أنا من فقدتَّ الإبتسامة الحلوة ما صادفتَّ عيد كل ماالسنين داوت جِراح يظهر مكانة جرح جديد
الحبيب إبراهيم فضل الله والله مشتاقين للناس الحلوين ومشتاقين لتلك الديار التي جمعتنا مع ناس زيكم أنا ملتاح قادر تتخيلها الذي يتلوح في مشيته الشوق للبلد بي حالا والشوق لكل ناس كوسوفا بريشتينا ولياليها العسسسسل في كل مكان قضينا فيه وقت جميل .. تحياتي للمناضل عمر النور ماناوي الجية عشان يجيب لي حاجاتي ؟؟؟
وسلام خاص لبسيم وناس مكة هوسبتل وتحياتي للفي البيت معاك وبالذات حاج درويش الصغير ( خالد كيش ) هل هو صامد على الدفاع عني ولا نسى ؟
07-17-2012, 06:55 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
العيون النوركن بجهرا غير جمالكن مين السهرا يا بدور القلعة وجوهرا السيوف الحاظك تشهرا علي الفؤاد من بدري انهرا اخفي ريدي مرة واجهرا نار غرامك ربك يقهرا عالي صدرك لي خصرك ضرا في جوز رمان جل البرا الخطيبة وردفك منبرا الشعور البسطل عنبرا الصدير اعطافك فترا والنهيد باع فينا واشترا الوضيب اقدامك سترا لقطيهو قلوبنا البعثرا صيدة غيرك ايه الجسرا تستلم افكارنا وتأسرا حال محاسنك مين الفسرا يا الثريا الفوق اهل الثرا جارحة صالح كل ما يحضرا وفي مدينة الجوف ساكن الضرا الرشيم والرشمة الخضرا زي فريع في موية منضرا هل حبيبي نسي ام لي طرا يا ام شلوخا عشرة مسطرة النسايم بالند عطرا ده الدفق لي دموعي ومطرا حفلة يا ابو الحاج اتذكرا ورنة الصفارة اتفكرا وهبة بي مزيكتو اتحكرا كم طرب افكارنا وسكرا البدور النارت مسفرا قاصدة تشتري قلوبنا تسفرا عبد الرحمن دمت بتظفرا بي نعيم وحظوظ متوفرا
07-17-2012, 07:06 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: العيون النوركن بجهرا غير جمالكن مين السهرا يا بدور القلعة وجوهرا
الغوص في كلم وحديث هولاء ( وأقصد شعراء الحقيبة ) أو ذاك العهد الجميل صعب وصعب شديد لكن أجتهاد منّا نتجاسر فأن أصبنا فهو توفيق من الله عندما كنَّ الحسان عملة نادرة خارج خدورهنَّ وهذا كان سبب الأبداع لهولاء الشعراء كانوا لايرون الحسان إلا في حفل أو صدفة وهم كانوا أناس يعشقون الجمال وكانت تحفة الشاعر أبو صلاح ( بدور القلعة ) من بين تلك التحف الغالية وهي كثر
يقول فيها : النور الذي يلصف ويأخد العيون هو برق لمع ( جمال الحسان في ذاك الحفل ) وقد ذكر أخونا أحمد القرشي أن هذه القصيدة نظمت في حفل في حي القلعة في عرس واحد اسمه عبدالرحمن على ماأذكر يصف الشاعر أن أسسباب سهرهم وغناهم للحسان تلك العيون التي تقع سهامها كبروق تلصف وتجهر عيونهم وذاك الجمال الذي يصرع لب الفرسان والجمال له سلاحه ولا يقاوم وكيف نقدر نقاوم المستحيل ( الجمال )
الجمال صرع ذاك الفارس الصنديد الذي لا يعرف غير صليل السيوف ورمي الرماح والسهام لكن رغم ذلك أصابته رماح وسهام العيون وصرعته رغم أنه حاول أن يظهر في مظهر الذي القوي الفارس في وجه الجمال ولكن هيهات والجمال لا يقاوم فنظم رائعته ( معللتي ) في حب جارية حسناء وهو الذي قال لاتملك الحسناء قلبي كله ** وإن شملتها رقة وشبابُ أجري ولا أعطي الهوي حق مقودي ** أهفو ولا يخفى علي صوابُ
Quote: السيوف الحاظك تشهرا علي الفؤاد من بدري انهرا
ويقصد أن عيون الحسان تشهر سيوفها ووا شقى الذي تقع عليه .. وحينا نجد أنهم يستخدمون كلمة السهام والرماح ونزعهن أليمُ ويصف أن قلبه قد أعياه الحب والشوق من بدري ( اي من زمن مضى ) إنهرا كلمة عامية ( اي تمكن منه المرض وهرا هري اي مزقه مثل الألياف )
Quote: اخفي ريدي مرة واجهرا نار غرامك ربك يقهرا
كانوا نظرة من حسناء تكفيهم ويقصد هنا مرة عايني ومرة أزيحي بصرك يكفينا الله عيونك التي تجهر عيوننا وتتركنا بين الميتا والحياة يقهر الشئ اي يرده وبقوة
07-17-2012, 08:20 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: عالي صدرك لي خصرك ضرا في جوز رمان جل البرا الخطيبة وردفك منبرا
ويا لجمال الوصف عندما تغزل في جمال جسدها ومحاسنه بدور القلعة وجوهرا وحتى في وصفه لم يعيب غيرها من بنات القلعة بل قال أنت بدرهم والنجوم برضو جميلة لكنها أقل درجة والجمال يتفاوت هنَّ جميلات لكن هي تفوق الجمال جمالا
قال في وصفها : انت عالي صدرك وفيه فوران بركان تعلو وتهبط ( وكأموج بحر فعلت الرياح فيه فعلها تعلو وتهبط أمواجه ) الصدر العالي يزينه خصر منبري اي ضيق يبرز جمال يبهر للحسناء ويكمل أبداع جمالها الصدر العالي كان ضرا اي حاجز النظر للخصر الذي رقد تحته ويعلو كفل زاد الجمال جمالاً صدر عالي فيه جوز النهدين كأنها الرمان والرمانة معروفة بجمال شكلها وأجمل النهود ماكان في شكل الرمان .. وفوق دا كلو ( جمال البدن ) انت خطيبة ولبقة ولحديث وقع في النفوس وخطبتك فينا وأنت تعلي منبرك ( ووقال منبرها للخطابة ) كان أرداف الكفل وهذا ما يوضح لنا أنه لها كفل من الجمال والبروز مايجعل رؤيته سهلة فهو كمنبر للخطابة .. المنبر في كل مجمع يكون ظاهر ويراه كل الحضور وكان أبداع الشاعر في هذا الوصف
07-18-2012, 06:10 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
الشعور البسطل عنبرا الشعر هو الديس والعنبر معروف ومعروفة رائحته الطيبة
والصدير أعطافك فترا ويعني من كبر الصدر حتى انه صار حمل ثقيل على الاعطاف وأتعبها والنهود فعلت بنا ما فعلت والبيع والشراء يقصد به انه من جمال تلك النهود صرنا ماعارفين باعونا ولا اشترونا وأحل الله البيع وحرّم الربا الوضيب هو أيضاً الشعر من شدة طوله ستر أقدامك تحت وهناك في الارض كانت قلوبنا مشتتة من شوفتك وشوفت جمالك يا حسناء
07-18-2012, 06:19 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: صيدة غيرك ايه الجسرا تستلم افكارنا وتأسرا حال محاسنك مين الفسرا يا الثريا الفوق اهل الثرا
أنتِ وبس ومافي غيرك ما يسلب الفؤاد ويحركه زمافي صيدا غيرك فعلت ما فعله جمالك في قلوبنا انت من شوفتك طرب القلب وأنفطر وعلاجه حبك واسرتي أفكانا ومحاسنك مين بقدر يفسرها وانت عالية عالية كالثريا فوق ناس الارض واهل الارض هم أهل الثرى وفعلا الجمال له سلاحه الذي لا يقاوم
07-18-2012, 06:35 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: جارحة صالح كل ما يحضرا وفي مدينة الجوف ساكن الضرا
وصالح يقصد به نفسه ( الشاعر ابوصلاح ) انت جرحتي فؤادي ولا يقصد بالجرح هنا جرح هجر لكن الجرح ببعدها عنه بالمشاعر ..
في مدينة الجوف ساكن الضرا اي انت سكنتي في خبايا القلب واغطيك داخل القلب بضلعي ولحمي وجلدي وهذا هو الضرا القصده والضراء كل يأوي الناس ويضاريهم من عوامل الطبيعة من مطر وهوا وشمس وغيرها وفي غرب السودان يقصد بالضرا مكان ( غرفة أو كرنك ) يكون بقرب حوش الرجال يستقبل فيه الضيوف
وانت سكنتي يا حسناء ( يا بدور القلعة وجوهرا ) ضرا فؤادي
Quote: الرشيم والرشمة الخضرا زي فريع في موية منضرا هل حبيبي نسي ام لي طرا
وهنا يصف جمالها الذي زانه ذهب حلت بها نفسها وهذه هي عادة النساء يلبسن الذهب يزين ويزيد الجمال بريق وجمالا
الرشيم : هو دقة من الذهب كانت تربط في أعلى الأذن وتنزل على الخد في شكل زمام يدخل في الأنف الرشمة هي دق بالابرة مع الكحل في صفحة الخد ويكون لونه أخضر مائل للون الأسود الخفيف وكان علامة جمال سابقاً وهو نفس الرشم الذي يفعله الأوروبيون في أجساهم لكن السودانيات زمان كنَّ يفعلنه في الخد او في الساعد فقط ... ومن أنواع ما كنَّ يتزينا به النساء من ذهب زمان الدقا الزرزور الورقة وعقد القصيص الفداية الزمام والحجل الشف وغيرها الكثير والمثير وكل هذه تنضم مع الحجار الكريمة من زمرد .. وسوميت .. ومرجان وامتيد .. وغيرها من الحجارة الكريمة فكان ذلك الرشيم ينزل على خد الحسناء زي ظل فرع من غصن وسبه خدها بالمرآة والرشيم نازل عليها كأنه ظل لغصن انعكست صورته علة صفحة الخد وخدها كالمنضرة ( المرآة ) عكس تلك اللوحة الجميلة
يا ربي هل حبيبي اللذي هواه قلبي لي ناسي وجاهل ام أنا في خاطره وقلبه ؟
07-18-2012, 07:22 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: يا ام شلوخا عشرة مسطرة النسايم بالند عطرا ده الدفق لي دموعي ومطرا
وكانت الشلوخ مظهر للجمال عندما ترقد فوق خد وليس كل خد وكل زمان بي شيتو البعجب ناس زمان كان بتعجبهم الشلوخ والرشم والحجل والدقة والزرزور والفداية ودق الشفاه والورقة وعقد القصيص وعقد الجلاد والرشيم والتــــــوب
ناس محمد المرتضى وشيقوق كان بعجبهم الأفرو .. واحفظ مالك .. السلسل القلب منقوش .. الشراليستون .. والتسريحة عالي ودردقني في النجيلة .. والإشارب الشفون .. المنديل فيه حرف الحبيب
وناس الزمن دا عجبهم برا ومابعرفو
الشلوخ اشهرها شلوخ ثلاثة علي كل صفحة خد وهذا أشتهر به غالب أهل السودان ومثلا الدناقلة والمحس تميزو بالشلوخ الثلاثة لكن رقاق وهناك من النساء من تحب الشلخ العارض اي ثلاثة شلوخ عمودية على الخد وواحد معارض من تحت الثلاثة في كل صفحة خد
وهنا الشاعر قال الشلوخ العشرة وحتى لو قلنا انها مشلخة عارض بتكون ثمانية لكن قد يكون يقصد الشلوخ الستة ومعها فصدات على جنبتي الوجه أعلى الوجه بالجانب الايمن والايسر او قد تكون مشلخة عارض + رشمين في صفحتي الخد مسطرة اي منتمة بشكل هندسي يدهش ومن عطرها تعطر كل الجو وحتى النسيم اصبح يفوح بعطرها المنعش
ودا الخلا عيون دمعها جاري مجرى البسفور دون توقف البكاء للرجال مقطع في المصارين لكن يبدو على وجوههم
07-18-2012, 07:37 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: حفلة يا ابو الحاج اتذكرا ورنة الصفارة اتفكرا وهبة بي مزيكتو اتحكرا كم طرب افكارنا وسكرا البدور النارت مسفرا قاصدة تشتري قلوبنا تسفرا عبد الرحمن دمت بتظفرا بي نعيم وحظوظ متوفرا
هنا رجع يذكر يستشهد بمن كانوا معه في تلك الحفل اليت رأى فيها الحسناء التي رمت قلبه في ثبات الرقيص في الحفل ولقتطه بشعرها السادل مغطي قدميها واستشهد بي أبو الحاج وهو الاج سرور الفنان عليه رحمة الله وتتذكر رنة الصفارة وهل تفكرتها وهي تخرج نغمها الحزين والحلوة تزين الحفل وفي ذاك اليوم وهبة تحكر الجمع بموسيقاه الحلوة العذبة وكم اطرب افكارنا وادهش قلوبنا ونحن نرى ذاك الجمال وصرنا سكارى ونحن ما بسكارى ةكل هذا البدور تنور وفي وسطهم البدر الكبير تلك الحسناء ( بدور القلعة ) قد شرت قلوبنا من دون سعر أو بثمن بخس دراهم معدودات ويا عبد الرحمن العريس دمت ومبروك علي العُرس الذي جمعنا بتلك الحسان ونتمنى لك حياة مليئة بالفرح والسعادة وحظ وافر مع زوجك
07-18-2012, 07:39 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: حفلة يا ابو الحاج اتذكرا ورنة الصفارة اتفكرا وهبة بي مزيكتو اتحكرا كم طرب افكارنا وسكرا البدور النارت مسفرا قاصدة تشتري قلوبنا تسفرا عبد الرحمن دمت بتظفرا بي نعيم وحظوظ متوفرا
هنا رجع يذكر يستشهد بمن كانوا معه في تلك الحفل اليت رأى فيها الحسناء التي رمت قلبه في ثبات الرقيص في الحفل ولقتطه بشعرها السادل مغطي قدميها واستشهد بي أبو الحاج وهو الاج سرور الفنان عليه رحمة الله وتتذكر رنة الصفارة وهل تفكرتها وهي تخرج نغمها الحزين والحلوة تزين الحفل وفي ذاك اليوم وهبة تحكر الجمع بموسيقاه الحلوة العذبة وكم اطرب افكارنا وادهش قلوبنا ونحن نرى ذاك الجمال وصرنا سكارى ونحن ما بسكارى ةكل هذا البدور تنور وفي وسطهم البدر الكبير تلك الحسناء ( بدور القلعة ) قد شرت قلوبنا من دون سعر أو بثمن بخس دراهم معدودات ويا عبد الرحمن العريس دمت ومبروك علي العُرس الذي جمعنا بتلك الحسان ونتمنى لك حياة مليئة بالفرح والسعادة وحظ وافر مع زوجك
07-20-2012, 06:17 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
زول يشيلك في عينو وفي ضلوعو وفي دموعو في بتساماتو وهناهو في شجونو مـــــــا بنعاتبك مـــــــا بنعاتبك
يامــــا جيناك وياما بابك لو بحس دقات قلوبنا كان حكالك كان شكالك وكان بكالك نحن ما ناسك ماعمرك نحن نحن ماناسك شبابك نحن ريدكنحن ما عمر
ليه بتهدم أنت في لحظات تجني البنيناهو في عمر مخضر طويل الدموع في عيونا تتحجر عشانك مابتسيل وقدر مانحاول نشيل همك بتتمرض قلوبنا ما ناسك نحن ماناسك إنتَّ ما علمتنا الحب بسمة صافية فيها عزة وفيها بهجة
دفقتَّ مويتي علي الرهاب شقيش أقبل مـــأ إنفصل بيني وبين نعيم الدنيا باب
الله الله يا الله هو متين بديت مشواري ذاتو ومتين كِمل زاد الطريق يادوب بلملم في خُطاي واخترت لدربي الرفيق إتبدل الحال وا شقاي ضاع حُلمي ضاع قُبال أفيق ورجعتَّ مكسور الجناح وما إنبَّل لي في الريدة ريق الله .. الله الله وكت زولاً تريد وريدتك ولا تعنيلو شي وتصارحو بالحرمان كأنك بتعاتبو وتختشي وتقصّر المشوار تجيهو وتخاف من اللوم في وشي السكة بينكم سراب ودرب المُحال ما بتمشي أحي علي العمر الورد ضيعتو بالأوهام سدى أمنت أحيّا معاك مودة ورحمة لاخر مدى وفرشت ليكَّ جنة سعادة مفرهدة ومتوردة إلا القدر قال كلمتو وما لينا غير نرضى بكدا
07-20-2012, 07:47 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
ساهر طرفي ومـــــا نمتَّ ومن يوم شتك أعلنتَّ بأني أسيرك وسلمتَّ وبمن سواكَّ أمنتَّ
أمنتَّ أنَّ المبدع الفنان أبدع فيكَّ من فنو وأمعن في تفانينو في أحسن صورة سواكَّ وخلقك حتة في حتة
جمالك حيّر الأفكار سطع نورك عمى الأبصار تدور في فلكك الأقمار مثالك أصلي ما شفتَّ بس وريني ايه أنتَّ إنسان .. ولا من الحور جيت من الجِنان فلته
أرحم طرفي يا فنان أنا الفي حبك أسرفتَّ أبا جسمي المنام حائر الليل كلو ساهرتا حسبتَّ نجومو لالحتّا راجي خيالك مــأ جاني بسطتَّ نجومو أخفقتَّ
الحور الحسان سمعت بجمالك جاتنا تستفتَّ شافت حسنك وجمالك قالت للخالق أحسنتَّ في صنعك أبدعتَّ في فنك أمعنتَّ في فنونك قادر انت ومخير تخلق وتفعل مثلما شئتَّ
الخلاني أهواكَّ ومـــا هماني بسواكَّ جمالك فطري سوداني في طبعك وأدبك وفي حياكَّ سيوف لحظيك حارساكَّ أعمل ايه أنا معاكَّ زيد في اسري وهجراني في هواكَّ تعذيبي يحلالّي أموت في حبي وإيماني
قابلتَّ الأسود في الغاب أبداً ماتراجعتَّ وكم فرسان خيول ورِكاب فوق لركابي ماوقعتَّ لكن بعدما شفتك سيوف لحظيك طعنتني هواكا صرعني ورماني هزمني وهدم أركاني والأعجب كمان خفتَّ
07-21-2012, 07:45 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
في هذا الشهر الكريم نترحم على امهاتنا وكل الأمهات اللائي فارقننا للدار الأخرة الأم العظيمة التي حملتنا وهن على وهن لك الرحمة أمي العزيزة التي أورثتنا طيبة قلب بدون مقابل أن نحب حتى أولئك اللذين يبغضونا الأم الجميلة التي رحلت عنّا قبل سنتين بالضبط رحلت قبل رمضان بعد أن جهزت لبنوها عدة رمضان كما عودتهم كل سنة .. لك الرحمة بت بادي نسأل الله أن يحسن إليك ويسكنك فسيح جناته مع الصديقين وحسن أولئك رفيقا
لك الرحمة بعدد زارت تراب الأرض بعدد زارت الهواء لك الرحمة من رب لا يضيم أبدا لم تظلمي حبك باقي في قلوبنا ما حيينا نحن بنوك السبعة نحمل لك كل كلمة طيبة سمعناها منك كل لحظة نحنو لمسناها منك وأنت الحنان والنبع الصافي .. نحمل كل كلمة ووصية أوصيت بها قولاً وفعلا الكلمة الطيبة .. الكلمة الطيبة .. الكلمة الطيبة التي مشيتي بها بين الناس فأحبوك .. احبك كل الناس الجيران البعاد والقرب لك امي كل الدعاء في هذا الشهر الكريم ربنا يرحمك ويحسن إليك واخر دعونا الصلاة على الحبيب الرسول الأمين محمد أبن عبدالله خاتم الرسل والمرسلين
أمي الله يسلمك ويهون عليك مرقدك في روض من رياض الجنة
مودتي ابدية لك يا بت بادي
07-21-2012, 08:16 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: في هذا الشهر الكريم نترحم على امهاتنا وكل الأمهات اللائي فارقننا للدار الأخرة الأم العظيمة التي حملتنا وهن على وهن لك الرحمة أمي العزيزة التي أورثتنا طيبة قلب بدون مقابل أن نحب حتى أولئك اللذين يبغضونا الأم الجميلة التي رحلت عنّا قبل سنتين بالضبط رحلت قبل رمضان بعد أن جهزت لبنوها عدة رمضان كما عودتهم كل سنة .. لك الرحمة بت بادي نسأل الله أن يحسن إليك ويسكنك فسيح جناته مع الصديقين وحسن أولئك رفيقا
لك الرحمة بعدد زارت تراب الأرض بعدد زارت الهواء لك الرحمة من رب لا يضيم أبدا لم تظلمي حبك باقي في قلوبنا ما حيينا نحن بنوك السبعة نحمل لك كل كلمة طيبة سمعناها منك كل لحظة نحنو لمسناها منك وأنت الحنان والنبع الصافي .. نحمل كل كلمة ووصية أوصيت بها قولاً وفعلا الكلمة الطيبة .. الكلمة الطيبة .. الكلمة الطيبة التي مشيتي بها بين الناس فأحبوك .. احبك كل الناس الجيران البعاد والقرب لك امي كل الدعاء في هذا الشهر الكريم ربنا يرحمك ويحسن إليك واخر دعونا الصلاة على الحبيب الرسول الأمين محمد أبن عبدالله خاتم الرسل والمرسلين
أمي الله يسلمك ويهون عليك مرقدك في روض من رياض الجنة
مودتي ابدية لك يا بت بادي
تغمدها الله برحمته الواسعةورزقها أعلى الجنان فى الفردوس الأعلى.
رمضان كريم وتقبّل الله صيام وقيام الجميع ... وكالعادة أنت متقدم علينا بخطوة.
07-22-2012, 06:31 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: تغمدها الله برحمته الواسعةورزقها أعلى الجنان فى الفردوس الأعلى.
رمضان كريم وتقبّل الله صيام وقيام الجميع ... وكالعادة أنت متقدم علينا بخطوة.
ابوالقاسم ابوبكر تقبل الله منّا ومنكم صالح الأعمال أمين ربنا يتغمدها بواسع رحمته
ويتقبل كل الأمهات اللئي سبقنها رحول على عجل واللئي ذهبنَّ بعدها الترحم في هذا الشهر الكريم لكل أمواتنا وأموات المسلمين في مشارق الأرض ومغاربها
السنة دي ما تسوي اي برنامج بإذن الله العيد معك في مسقط سبق السيف اي برنامج غايتو بنعذرك فقط لو ماشي عمرة غير كدا بكون منك جفا تم الاتفاق مع صديقي ايمن الصادق سليمان والعيد هناك بإذن الله و مدَّ الله في العمر وبقت منه فانية
تحياتي ومودتي
07-22-2012, 06:48 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
ليه نندم علي الماضي وزمانا الراح ليه نشكي من الألآم في كل صباح مادام حاضرنا فيهو طريق ملان أفراح طريق مفتوح طريق زاهر بنور الحب محل ماأروح ألاقي النور ألاقي النور مصادفني بنسى الفات وكل الكان كل الكان مألمني وألقى حبيب جمال رؤياهو تسعدني وأنسى الكان مألمني
تعال ياحبيب تعال تعال وأبعد عن الأوهام وماتفكر في يوم تختار مدى الأيام مادام الدنيا فيها النور وفيها النور وزايدا سلام وكل الكون ربيع أخضر وأمل بسام
تعال تعال يا حبيب
07-22-2012, 06:48 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
ليه نندم علي الماضي وزمانا الراح ليه نشكي من الألآم في كل صباح مادام حاضرنا فيهو طريق ملان أفراح طريق مفتوح طريق زاهر بنور الحب محل ماأروح ألاقي النور ألاقي النور مصادفني بنسى الفات وكل الكان كل الكان مألمني وألقى حبيب جمال رؤياهو تسعدني وأنسى الكان مألمني
تعال ياحبيب تعال تعال وأبعد عن الأوهام وماتفكر في يوم تختار مدى الأيام مادام الدنيا فيها النور وفيها النور وزايدا سلام وكل الكون ربيع أخضر وأمل بسام
تعال تعال يا حبيب
07-22-2012, 07:31 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
كلو بمضي وكلو مع الأيام بروح لا سعيد دامتلّو فرحة ولا حزين بدومولّو نوح لاهية بينا الدنيا لآعبة فيها نتغرب نتوه القلوب بالشوق تتحرق والجروح تشفي الجروح وكلو بمضي
كلو بمضي مهما تقسى .. مصيري أنسى أنتَّ ماشفتَّ الصباح كيف بطل زي أحلى همسة يضوي بنورو الروابي ويضوي فوق كل حسن لمسة وتنطلق أرواحنا فيهو بشراع ماليهو مرسى وننسى أو نتناسى أنو كل صباح لابد يمسى
وكلو بمضي وكل أيامنا الخوالي وكل ليلة بكرة تمضي زي فصول دنيانا في موسم رحيلة والسنين واحلامنا والعشرة النبيلة تبقى ذكرى في صحاري الفرقة واحتنا الظليلة يبقى ماضي في بعادي وريدي زادي ورحلة الأشواق طويلة
07-22-2012, 07:38 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
مشي أمرك ياقدر أنت أحكامك مطاعة لو حصل ونحن أفترقنا والليالي الهم أضاعة همسة الذكرى المعايا تبقى زاد روحي ومتاعة مشي أمرك ياقدر
الزمن كان مبتسم والليالي جميلة حالمة كانت الأيام بتمضي حلوة ريانة ومسالمة لا شكينا من الزمن لا لا ألتقينا في لحظة ظالمة وبهنانا الدنيا كانت يا حبيب العمر عالمة أمرك أمرك ياقدر
فجاءة غير مانحن نشعر يافراق طليت علينا وأصبحت كل الليالي الحلوة والأيام حزينة وإرتسم ظل في جبين أيامنا زي آهات حزينة كان طريق مكتوب نسيرو نحن سرناهو ومشينا ومشي امرك ياقدر
عدت من بعدك رجعت عشت متغرب وحيد وأبتديت أشعر بزهر العمر يتساقط بعيد ياخليلك أنت والايام ربيع أخضر سعيد كنتَّ ببكي عليك بعمري الدموع بس مابتفيد مشي امرك ياقدر
07-23-2012, 09:40 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
محجوب سراج والفنان الرائع صلاح مصطفى لمســـــــــة
لوتعيدي علي غرام عشت فيه زمان تكوني فيه من أيامي لمسة أوقدت حبي وحنيني علمتني أحب وأعشق وأحمل الشوق في عيوني يــــــا عيوني
ليه تعيبي علي سنين ساعدتني أحس بيك وأعرف الحب المحنة وأبقى شاعر أغني ليك وأزرعك في قلبي زهرة وبدمايا أجود عليك وأروي إحساستك عطرك وإن تزيدي عليّا ضرك برضي واثق فيك ومدرك إنك أنتِّ بتفريحيني وبكرة ياما تسعديني تسعديني وبتسعديني
كل إنسان عندو ماضي ماضي كامل في حياتو فيهو ليلاتو الخوالد وباقي عمرو وذكرياتو فيهو أحلامو القديمة فيهو غابر أمسياتو لو نساها أقول دا ناكر وإن طراها وقال بواكر إبقى مخلص والله فاكر إبقى عايش بضميرو والوفاء وصفاتو
الاخ خالد عليك الله براحةة علينا والله قطعت قلبي بي كلامك
الله يصبرنا بس
أخي الكريم لك التحية الطيبة سلااام ومودة رمضان كريم ويتقبل الله منا ومنكم صالح الأعمال ومن عمل خير يجده بإذن الله ورمضان شهر عبادة فعماره بالكلمة الطيبة والعمل الطيب
ربنا يصبر القلوب اخي عاطف هرمت من كثرة السهام الطائشة ... وهي تباريح هوى وما أدرانا وأدراكم بالهوى بس الفراق المر أكبر وأخضر
تحياتي ومودتي
07-24-2012, 08:04 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
أنـــا والأشواق في بعدك بقينا أكتر من قرايب أنا والأشوق مانغيب عن بعض أبداً زي أعز أتنين حبايب أنا والأشواق
مــأ فتكرت الشوق يغيب لحظة واحدة عن فؤادي مع الزمن يتلاشى وجدي قلبي يسلاك في بعادي شةقي قال لي مستحيل مرة يتحدى مرادي لازمني زي خلي الوفي وأصبح حبيبي الما بعادي وأنا والأشواق في بعدك بقينا أكتر من قرايب
كل لحظة بعيدة عنك ضايعة من أيام زماني وكل يوم كان لي في قربك أتمنى لو أحياهو تاني وروحي لو غنيتا ليكا مابتصور ما بتصور ماأعاني شوقي أبلغ من غنايا وحبي أسمى معاني وأنا والأشواق في بعدك بقينا اقرب من قرايب
كم رسالة يا حبيبي بسطرا أحكي بالبعد يا سيدي وأحلى كلمة مني ليكا بضمنا باقة من شوقي وحنيني بين حروفها أشوف خيالك وأنت تتبسم لعيني
وقبل ما أختم سلااامي أتمنى لو ردك يجيني
وهل بالمنى تداوى الجراح وسوقني بس معاك يا حمام لدار الحبيب كلو منى ونظل نعيش ونحيى على الأماني السندسية
وقبل ما أختم كلامي وسلامي أتمنى تاني لو ردك يجيني
07-25-2012, 07:26 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
صدقت العيون وكلام المحنة هناني لما عليّا حنَّ قال لي كلمة طيبة كانت منو حلوة مين غيرو البيزرع أيام عمري جنة
فصل الحب القصيّر من البداية والأيام تمر وتمر الرواية عشنا الدنيا شفنا شفنا الكون حكاية البصبر عليها بيلقى في النهاية وقال لي كلمة طيبة كانت منو حلوة ومين غيرو البيزرع أيام عمري جنة
صدقتَّ العيون لما بقيت أسيرا عشقت الموجة ترقص ترقص في الضفيرة وشفتَّ النور هناك والشامة الصغيرة تقول للخدود أحلام الاميرة
07-25-2012, 07:50 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
وتراني وسط مهب الريح مريكب لافحا التيار بقيت مسحور عيونك ديل أتحجرت بقيت تمثال
آه أنا أنا الجربت مآسي الحب تعال تعال شوف كيف حفت كرعي أنا إتبشنت ياخلايّأ فوق درب الفريع الني بقت لي مع العيون قصة مخلفَّ فوق جروحي الكي خيالن مادوام ماثل يحلق في خلاهو الصي
ياحليلي أنا وياحليل أيام سعادتي معاك وكت كان الزمن بسام يشاور لي دوام ضحاك يضمنا كان سكون الليل لا حس همسة ولا كوراك
لقيت تب ياقلب زولك بعد وجعك لقيتو هناك أتاريهو الزمن دولاب قسى ورجعني ألأف سنة
وما لنا إلا ان نقول يازمن وقف شوية وأهدي لي لحظات هنية وبعدها شيل باقي عمري وشيل شبابي شيل عينيا يا عينيا
07-25-2012, 08:22 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
قالوا قالوا علي شقي ومجنون صحيح مجنون وأنتو سبب جنوني يا حلـــــــوين
ويا حلات وجمال لما تكون مجنون بحب عزيز تعشقه وتترنم بهواه
أنتو لي قلبي زاد عمرو وليهو المنية والسلوى جنوني عيون عيون لو شافا عطشان السنين يروى ليه ما أجن الليل البشيل الناس بشيلو هموم أقاسي مرارة الوحدة وأغالب دمعة المحروم أتعذب سنين ماضقتَّ طعم النوم صحيح شقي ومجنون
كتير يا ناس كتير كتير أمثالي من هجر الحبيب جنو ليه ما اجن إن شاء الله أجن وازيد في الجن ايه أنا عندي في الدنيا فؤادي أنتو مالكنّو شبابي الكنتا بحلفبيهو ودرتوه من بدري الصبر كملتو بي صبري
أساهر الليل برايا برايا برايا وبي شوق السنين ممكون أتحسر وأشيل الهم علي يوم بكرة كيف حايكون دموعي الدمعة كابة الدمعة زارفة وانتو بتقولوا مجنون وحات الشفتو في ريدكم صحيح شقي ومجنون
عود لينا يا ليل الفرح داوي القليب الإنجرح خليهو يفرح مرة يوم طول عمرو ناسيهو الفرح عود لينا الفرح
عود لينا ماتبكي العيون الشاربة من بحر الخجل عود لينا ماتعذب قلوب ريانة بتفيض بالأمل عود لينا قُبال الخريف يرحل يسيب أيامنا للصيف للمحل أمكن تفيض أشواقنا يوم وطيفي لطيفك يصل عود لينا ياليل الفرح
لكن يا ليل كيفن تعود تتحدى ليل أسود ومن أحلى العطور رويان يسيل كيفن تعود والليل بيتوسد ضفائر حبي زي طفلاً صغير شايلنو شيل يتغنى بحلو الأغاني الطيبة راجيك من قبيل وعود لينا يا ليل الفرح
07-25-2012, 09:40 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
يــــا غالية يا نبع الحنان يادرة يا ست الحِسان أنا حبي ليك فاق الظنون وإخلاصي باقي مع الزمان
خليني جنبك يا جبيبة قلبي ماتقولي الوداع خليني أشعر بوجودي وأنسى ايام الضياع خليني أنسى عذاب سنين قضيتو بين هم وإلتياع خليني أحيَّ على أمل لُقياك لو كان بالخداع
غصباً عني يا أملي وحياتي لقيت خُطاي سيقاني ليك لقيت مشاعري وكل دقة في قلبي بتسلم عليك وحيات شبابي ياحبيبة سعدي وهناي أنا بين إيديك دايلاك تكوني شريكة ليّا وأكون معاك أخلص شريك
07-26-2012, 08:06 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
يــــا غالية يا نبع الحنان يادرة يا ست الحِسان أنا حبي ليك فاق الظنون وإخلاصي باقي مع الزمان
خليني جنبك يا جبيبة قلبي ماتقولي الوداع خليني أشعر بوجودي وأنسى ايام الضياع خليني أنسى عذاب سنين قضيتو بين هم وإلتياع خليني أحيَّ على أمل لُقياك لو كان بالخداع
غصباً عني يا أملي وحياتي لقيت خُطاي سيقاني ليك لقيت مشاعري وكل دقة في قلبي بتسلم عليك وحيات شبابي ياحبيبة سعدي وهناي أنا بين إيديك دايلاك تكوني شريكة ليّا وأكون معاك أخلص شريك
07-26-2012, 08:24 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
مـــــــــا خلاص قلبي اصبح من عذابك في أسى وهجير شديد وجعاتو ماشافن مساء يوم ألقى إبتسامتك والصباح ويوم احيّا في عمقي الجراح العطف منك ياسماح إتلاشى راح عاد أقبل وين أنا وأحكي الوجعة ياتو خديد اشيل الدمعة وياتو حنيّن أجيب الراح أشيل كليماتك واسافر إتذكر بسيماتك واساهر خلي طيفك إبقى هاجر يخليني في مسحة حزن مـــــا بتنطرح مازي وجيهك كل يوم يصبح سمح اموت جرح وتجيبي جرح وقليبي لا مات لا فرح
07-27-2012, 07:23 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
مـــــــــا خلاص قلبي اصبح من عذابك في أسى وهجير شديد وجعاتو ماشافن مساء يوم ألقى إبتسامتك والصباح ويوم احيّا في عمقي الجراح العطف منك ياسماح إتلاشى راح عاد أقبل وين أنا وأحكي الوجعة ياتو خديد اشيل الدمعة وياتو حنيّن أجيب الراح أشيل كليماتك واسافر إتذكر بسيماتك واساهر خلي طيفك إبقى هاجر يخليني في مسحة حزن مـــــا بتنطرح مازي وجيهك كل يوم يصبح سمح اموت جرح وتجيبي جرح وقليبي لا مات لا فرح
07-27-2012, 07:38 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خالد علي محجوب المنسي
ibrahim fadlalla
فيصل محمد خليل
أبوبكر أبوالقاسم
فيس بوك
تويتر
انستقرام
يوتيوب
بنتيريست