|
|
|
 Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
سألتو عن فــــــؤادي
لم يجيب
وتركني .. عاني .. يا ظالم كيف لما تظلم
سألتو عن فؤادي
أجابني ماهو عارف
وعن سبب هيامي
أجابني ماهو داري
عشقتو هو وجمالو
نظمتو في فنوني
جفاني وصدَّ عني
تركني لي ظنوني
إذا تلاشى صبري
ترعرعت شجوني
إذا إنبرى فؤادي
لعهدي ما بخالف
سألتو عن فؤادي
أجابني ماهو عارف
وعن سبب هيامي
أجابني ماهو داري
حبيبي يا مدلل
بحق صفاء جمالك
حرمتني وصالك
وغبت عني مالك
أنا صريع محاسنك
أنا أسير جمالك
تعال شوف تعالَّ
زفيري والعواطف
سألتو عن فؤادي
أجابني ماهو عارف
وعن سبب هيامي
أجابني ماهو داري
يافرحة الحزانة
يازينة المواهب
يا مضرب الحقيقة
يا زهرة الكواكب
زماني جار معاكا
وهاهو ليَّ ناكر
بعدك صلاني
يادرة المعاني
سألتو عن فؤادي
أجابني ماهو عارف
وعن سبب هيامي
أجابني ماهو داري
جمالك المكمّل
لهاني عن سواكا
وتيهك ودلالك
رموني في هواكا
حبيبي أنت داري
وأيه يكون دواكا
تعال لي تعال
كفاكا كفاكا
سألتو عن فؤادي
أجابني ماهو عارف
وعن سبب هيامي
أجابني ماهو داري
أهوّى الذي ضناني
رماني بنبالو
ولا سأل في حالي
ولا خطر في بالو
يراني أو أراهو
أقيف زليل أمامو
وأقولو أنت سيدي
وفيما عني صارف
سألتو عن فؤادي
أجابني ماهو عارف
وعن سبب هيامي
أجابني ماهو داري
http://www.youtube.com/watch?v=hHyNpWip6u8&feature=related
| |
 
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
يـــا حنيّن زي عُش العصفور
مفروش بالنور كلو محبة
يا الشلتَّ حنان كل الحلوين
ما سِبتَّا وراك زول إتحبَّ
يا حنـــــــــين
يا حنين قلبي متين يرتاح
من بحر الريدة وامواجا
والدمعة معاك تصبح شمعة
الزهرة كمان تلبس تاجا
لو سبتّا العين تتأمل فيك
ما بتأخد من حسنك حاجة
وعينك للريد فيني مبيّن
يا حنــــــــين
يا حنين بيك الليل ضوّا
رقة وأحساس طيبة وخوة
لو تعرف أصل الريد هوا
لا سلطة بتحكمّو لا قوة
وآه منو الريد لمّا يصيبك
يتغلغل في الأعماق جوة
يا حنــــــــين
يا حنين لما تسيبني تروح
تروح وراك الدنيا تصبح آها
تبقى الأيام غير الأيام
والبهجة بتفقد معناها
أنا ليك بتقطّر حنية
بستنى بسيمتك أيها
ألقاها متين أنا ماعارف
يا حنـــــــين
http://www.youtube.com/watch?v=ETYcS5h_oPs
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
الفارقت سيد بيتا
الشاعرة
من منطقة شندي ( اسمها الملكة بت حاج أحمد )
حمل الفنان عثمان الشفيع كلمات القصيدة الأصلية وأعطاها للشاعر ودالقرشي
وقد أجرى عليها بعض التعديلات وتغنى بها عثمان الشفيع .. وللأسف لم اسمع مرة
أن ذكر فيها في الإعلام المرئي او المسموع ذكر اسم صاحبة القصيدة
الملكة بت حاج أحمد عيلها الرحمات تنزل من رب العالمين
قصة الأغنية
عندما فرق القدر بينها وبين زوجها ( اليوزباشي بشير بادي عبدالرحمن محمد ابراهيم .. يوزباشي هي رتبة في الجيش قديماً وهي رتبة نقيب حالياً )
ألتحق اليوزباشي بالجيوش التي حاربت في اسرئيل تحت العلم المصري وكان أيامها مازال السودان تحت إمرة الحكم البريطاني في أوئل الخمسينات ) .. شارك الجنود السودانيون في هذه الحروب .. وكان معسكر الجيوش السودانية في منطقة عين شمس المعروفة قرب مصر الجديدة ..
كتبت عن اليوزباشي بشير بادي الصحف المصرية عن شجاعته وكان ينعت باسم النمر الأسود
قتل في تلك الحروب وكرم بوسام الشجاعة والقيادة الجسورة في تلك الحروب التي خاضها في سرائيل ( في العمق الداخلي ) ..
كتبت الشاعرة الملكة بت حاج أحمد هذه القصيدة يوم وداع زوجها في محطة شندي ( عندما سافرت الجيوش السودانية بالقطار لمصر .. ) وكأنها كانت تعلم أن الفراق هذه المرة دون لقاء جديد .. الذي حملني لترجيح ذلك أن بشير بادي شارك في الحرب العالمية الثانية في جهات متعددة ( اثيوبيا وليبيا ) ولم تنظم له قصيدة لكنها نظمتها في ذاك اليوم يوم الوداع في محطة القطارات في شندي .. الدمع يسبق قولها
الفارقت سيد بيتا الليلة وين ياروحي
كان لها بنت واحدة من زوجها بشير بادي
اسمها سعاد بشير
ولبشير بنتين
سعاد من زوجته الملكة بت حاج أحمد( عليها رحمة الله )
وبدرية من وجته الأولى وبنت عمه ( النسا بت الشيخ عبد الرحمن عليها رحمة الله )
رحل عثمان الشفيع من شندي قاصد الخروطوم مطربا وحمل معه بعض اشعار المنطقة ومن ضمنها هذه القصيدة التي اجرى عليها الشاعر ودالقرشي بعض التعديل الطفيف ونسبت له
وللأسف لم اسمع أو نسمع يوماً أن أنصفت هذه الشاعرة وذكر اسمها في وسائل الإعلام مسموعة أو مرئية ول صدفة
أأسف لهذا كان لابد ومفروض أن ترد حتى لو بعض من الحقوق لاهلها
قتل اليوزباشي بشير بادي في اسرئيل .. كرمه جمال عبدالناصر بوسام الشجاعة والقيادة الحكيمة والجسورة وجاءت باخباره الصحف المصرية وكان يلقب ( بالنمر الأسود )
عليك الرحمة عمي وخالي بشير بادي عبدالرحمن
والرحمة والمغفرة ( لكل من زوجاته ... الملكة بت حاج أحمد .. والنسا بت الشيخ عبدالرحمن )
وربنا يعطي الصحة والعافية بنتيك ( بدرية وسعاد )
للملكة بت حاج أحمد الكثير من الشعر الذي ضاع .. لكن لها قصيدة اخرى ايضاً تغني بها الفنان عثمان الشفيع
وهي ( وين يا سمير ماجيتا .. حجبوك ولا نسيتا )
والتي كانت تقول فيها
وين يا بشير ماجيتا .. حجبوك ولا نسيتا
وهذه القصيدة عندما غشت غمامة داكنة علاقة زواجهم .. وما عادت أن إنقشعت وزالت وعادة المياه لمجاريها
نظمت قصيدة
وين يا بشير ما جيتا .. حجبوك ولا نسيتا
في فترة الفراق والإنفصال
قصة هذه الأغنية
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
كلمات الأغنية
الفارقت سيد بيتا
الليلة وين ياروحي
شوفي كيفن رايق
يفتخر بتيهو
صويرلو عيوني
الباكية من عينيهو
وأعريضيلو قليبي
المخلص الحابيهو
لا تهابي جمالو
ولا الدلال البيهو
قولي ليهو سميرك
أمسى كالمجنون
الليلة وين يا روحي
كم جلست معاهو
وأحتميت بنورو
كم قسمت معاهو
الحب وضوقتا سرورو
كم تعبت معاهو
يوم حرقني نفورو
هو الحبيب الحازم
والوديع في خدورو
بلغيهو سلامي
الحاجبو يحكي النون
الليلة وين ياروحي
القطار فرقنا
ليه القطار فرقنا ؟
آه حزنّا ملكنا
بإتصالنا الروحي
برانا فيهو برعنا
في الرمال الباسمة
يحكي الرياض مجلسنا
فيها هلَّ هلالّو
وبين ربوعا نشأنا
الوداع يا حبيبي
الوداع يا روحي
ربي لينا يصون
الليلة وين ياروحي
وتحت شجر النيم في محطة شندي كتبت هذه الكلمات
التي ظلت وصمدت تنشد نغما ليومنا هذا
لك الرحمة الحاجة الملكة بت حاج أحمد ولك الرحمة بشير بادي
http://www.youtube.com/watch?v=2ubixYJXXuU
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
ليه يا بشير ما جيتا
حجبوك ولا نسيتا
وكما قلنا نظمت هذه القصيدة ايام الجفوة التي طلت على علاقتهم الزوجية
والحمد الله عادت كما قلنا المياه لمجاريها في فترة قصيرة
سوف احاول ان أكتب كلمتها كما قالتها الملكة بت حاج احمد
ليه يا بشير ما جيتا
حجبوك ولا .. جفيتا
البيت قصاد البيت
ورسلتَّ ليك ماجيت
فاكر الحكاية هظار
متأسفة الماجيتا
طير ياحمام بالبر
وجيب لي منو خبر
بيتم الناصية
خشم باببن الأخدر
( حقيقة بيت ناس بادي ودعبدالرحمن والد بشير ناصية وبابهم لونه اخضر وليومنا هذا )
أمالي وأمالو
وأفكاري وأفكارو
الساعة ست تمام
خلف الوعد مالو
( وكانت أرسلت له مرسال الشوق أن يلتقي بها في تمام السادسة حتى يكون التفاهم والعودة .. ولكن بشير تجبر وأخذته العزة ورفض ان يذهب لذاك الموعد الذي حمله له المرسال )
http://www.youtube.com/watch?v=jhELk5vxIb8
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
الفراق مهما كان مؤلم
وحتى لو كان الفراق لحين ( سفر مثلاً )
فما بالك بالفراق الأبدي
القطار المرَّ
هو قطار حمل المحبوبة من موقع الحبيب لمنطقة أخرى وبعدت بينهم المسافات
وايامها كانت صعوبة التواصل الذي هان في زماننا هذا
الحبيب كان ماري بالقطار ماراً بمدينة العاشق الولهان مرور .. وكان العاشق منتظر
في لهفة القطار ليرى ويمتع عينه من الحبيب ( ايام الحب صادق وعفيف )
كلمات الأغنية
القطار المرَّ
وفيهو مرَّ حبيبي
ولي علي مامرَّ
ونلت مقصودي
في الرصيف مستني
وللثواني بحاسب
أمتى يظهر نورو
الليهو ديمة أراغب
ألقى فيهو هنايا
يلقى فيَّ هناهو
وينسجم في هنانا
الكون يامريودي
الأشرجي تراهو
الإشارة أداهو
نزلو السميافور
لمرورو براهو
قلبي زاد خفاقانو
وزاد كمان في ولاهو
للحبيب الماري
الليهو طال شوقي
القطار يتهادّى
حلَّ في وادينا
يللا نجري لروحي
المن زمان ناسينا
السلامة .. سلامة
يا ليت سلامة سلامة
يللا أنزل بينا
ما مهلنا دقيقة
بس طار بمحبوبي
آه.. أه خلاص جنيت
آه خلاص حنيتا
وفي المحطة بكيتا
للسعادة الكنتَّ
أنا ليها إستنيتا
قلبي ديمة معاكا
لو أبيت وجفيتا
يا القطار تدشدش
الشلت محبوبي
الرصيف : هو رصيف القطار الذي يقف عليه في المحطة
ويبدو أن القطار مرَّ بالليل .. لذكره فجاءة يظهر نوره المنت ليهو براغي وهو واقف في المحطة على الرصيف ينتظر بفارغ الصبر مرور القطار ليرى الحبيب الذي اختاره القلب .. ويظفر منه بوعد ولو لحين وبعدها يكون اليسر من الله في تحمل الفراق الذي إنكتب وقدر من المولى ...
الأشرجي وهذا كان معروف تعطى الإشارة من الأشرجي لعامل السمافور ليكي ينزل السمافور إيذان بدخول القطار للمحطة والرصيف المخصص له ( لتفادي اي حوداث ) خصص السمافور ان لايدخل القطار للمحطة لو كان السمافور ما نازل
وعامل السمافور تكون غرفته العالية التي منها يسهل له رؤية القطارات القادمة هذه الغرفة تكون في كل محطة أثنين من الجهتين
وهناك التابلت وهو شئ من السلك المجلد بالجلد وهذا ينظم حركة القطارات .. القطار داخل المحطة يسلم تابلت المحطة القادم منها لعامل المحطة في اول الرصيف وهو خارج يسلتم تابلت المحطة التي تحرك منها ...
السافور عمود به حديدة متعارضة يسهل حركتها والتحكم فيها من غرفة السمافور العالية عن طريق سحب سلك واصل بين الغرفة والسمافور خارج المحطة ...
فكان المشهد درامي ومحزن وصورها الشاعرة في لوجة من الجمال تبهج روح المستمع لهذه القصيدة
وابدع الفنان عثمان الشفيع في الأداء واللحن
ويا القطار تدشدش
الشلتَّ محبوبي
http://www.youtube.com/watch?v=q5exmG6QRRE
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
رب الفن
ولا شبه في قول رب الفن
الرب هو الراعي .. ومنها جاءت رب البيت والأسرة
تعال يا رب الفن
نظم الشاعر ودالقرشي هذه القصيدة في زمان
كانت هناك جفوة بينه وبين عثمان الشفيع .. ومن قول عوازل حسدوهم للعلاقة التي بينهم حملوا لودالقرشي قول لم يقله الشفيع .. ولم يتثبت ودالقرشي من الوشاية وزعل من الشفيع ووصل الخبر لعثمان الشفيع ( واوصله نفس اللذين حملو القول الزور والبهتان ) .. المهم صارت الجفوة .. وذات مرة جاء القرشي للخرطوم وكان عادته يطيب له المقام مع الشفيع في بيته لكن هذه المرة نزل مع صديق مشترك لهما لا أذكر اسمه .. وهذا الصديق هو الذي أعلم القرشي ان ما نقل له عن عثمان كذب وبهتان .. وحينها عندما علم القرشي بحقيقة الامر كتب هذه الأبيات مطلع القصيدة .. فحملها الصديق الوفي واطلع الشفيع بحقيقة الامر وكيف حاك الأعداء لهم هذه القصة حتى تكون معضلة بيهما .. وعندما قرأ الشفيع ذهب للقرشي في منزل صديقهما وتصافو ورجعت المياة لجراها صافية لا يشوبها عكر وظلت لحين وفاتهما عليهما رحمة الله صداقة طيبة طاهرة بينهما وامتعوا الشعب السودان بجمل الكلمات وحسن اللحن وروعة الأداء
كلمات القصيدة التي كملها القرشي بعد التصافي والعودة
تعال يا رب الفن ياسيدي
وفيك نظمت الدر نشيدي
تعال ياحبيبي تعال
تعال بيكا الآمال جديدة
تعال اللحظة معاك سعيدة
تعال ياحبيبي تعال
أوريك فنوني ياوحيها وعوني
أوريك شجوني مرسومة في عيوني
تعال أنا ليك في قلبي ريدة
معززة تشتاق لوحيدا
تعال يا حبيبي تعال آه
حذاري تألمني حذاري
كتير يا الليك ماطاب مزاري
تعال يا حبيبي تعال
بخليك لأنك ما أرواني دنك
وأقول هجرتك وتكفي الذكرى عنك
أنا في الهوايا عفيف وباري
ويصح تحديدي وإحتقاري
كتير بندم وآه آه
( وهنا الأبيات التي قالها بعد أن جاءه عثمان الشفيع يصافيه .. وكانت الأبيات الأولى هي التي ارسلها له مع صديقهما )
هبَّ الحبيب وجاني حباني بلطفو
قال لي كنتّ عنيد أنا حبي بتعرفو
ماقصدتَّ أهوى براك شوفوهو
شوفوهو بظرفو
تعال يا أخلاق الملايكة
ودنيا الحب أسلاكا شائكة
تعال يا حبيبي تعال آه
ترنم نغماتك واسبح في آهاتك
وغني البلابل منتظرا صيحاتك
أعزف ليك بعودي يارب الفن بذاتك
أنا وأنتَّ الأحلام نعيدا
وروحي ياروحي الليك أكيدة
تعال يا حبيبي تعال آه
http://www.youtube.com/watch?v=oxUdN81xQk4
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
في الضواحي
في الضواحي وطرف المدائن
يللا ننظر شفق الصباح
قوموا خلّو الضيق في الجنائن
شوفوا عز الصيد في العسائن
يللا نطرد نقنص نعاين
النهار من حر الكمائن
######ي ياجمجوم أصلو خائن
شوفوا كيفن يبرى الملائن
هبَّ شالا وكشح المراح
للقنيص الخيل خفّا راسن
نحن مانخاف من ميراسن
المكارم غرقنَّّ ساسن
والمجاهل مين غيرنا ساسن
إن عطشنا نمز مر وآسن
وإن عشقنا بنعشق محاسن
وفي المحاسن كفى يومنا راح
يا الطبيعة الواديك ساكن
مافي متلك قط في الأماكن
يا حلات النال في ثراكن
وياجمال البرعن أراكن
وبي قفاهن تور قرنو ماكن
لا غشن لا شافن مساكن
في الخزام والشيح والبراح
شوف نخيل الوادي وجمالو
شوف نسيمو وصيدو ورمالو
شوف يمينو وعاين شمالو
شوف فريع الشاويني مالو
شوف نسيم الليل صاحي مالو
البدر خجلان من كمالّو
والصباح لاح وبهل الوشاح
يا ام لساناً لسع معجن
كلمة كلمة وحروفا ضجّن
ديل عيونك من نظرة سقّن
وخدودك غير داعي وجّن
دا دلالي .. دا دلال معجن
ومحّن الامات يا ردارح
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
Quote: في الضواحي وطرف المدائن
يللا ننظر شفق الصباح |
في الضواحي
الضواحي هي اطراف المدن
ضاحية .. او ريف
هذه الأغنية كتبها الخليل مجارة لاغاني كانت قد كتبت
في التغزل وبين
وغيرها
فكانت دعوة من الخليل لأهل المدن للتنزه في البادية بدلاً من التكدس داخل المدن وحدائقها
في الضواحي حيث الهواء الطلق والجمال الطبيعي
ويللا ننظر شفق الصباح مع بزوغ الشمس
هذه حقيقة الشمس والقمر لهما معناهم وصورتهم التي تبهر في الضواحي أكثر من داخل المدن
وبالذات القمر ..
وفي الضواحي الطبيعة خلقة الرب العلي القدير تتجلّى
من عشب ووديان وأشجار
الحيونات ترتع وتمرح وكل ذلك له في النفوس وقع جميل
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
Quote: قوموا خلّو الضيق في الجنائن
شوفوا عز الصيد في العسائن
يللا نطرد نقنص نعاين
النهار من حر الكمائن
######ي ياجمجوم أصلو خائن
شوفوا كيفن يبرى الملائن
هبَّ شالا وكشح المراح |
وهنا كانت الدعوة صريهل المدن والبندر ( اهل الحضر )
قوموا خلّو الضيق في الجنائن
والجنائن هي المتوفرة لاهل البندر من حدائق او بساتين مشجرة بشجر ثمار مثال في اطراف العاصمة الجريف وسوبا وبتري والجيلي والفكي هاشم والحلفاية وغيرها من الجريف شرق وام دوم
وتجد اهل البندر يوم عطلتهم متكدسين في الجنائن والحدائق يبتغون الترفيه لهم ولاسرهم التي صابها الملل من التكتل في حجرات المنازل .. يا اهل البندر اتركو الضيق وافسحوا لأنفسكم في الضواحي تجدوا الجميل من الطبيعة والمثير
وتعالوا
وشوفوا عز الصيد في العساين
العساين هي كل مرتفع من تلال وهضاب ( ما أرتفع قليل من سطح البسيطة يسمى عيسنة والجمع عسائن )
الصيد تطلق كلمة صيد على الغزلان والريم والجدي ( جرت العادة صديهنَّ )
ومعروف عن الغزلان وانواعها الجمال
تشبه المرأة الجميلة بالصيدة .. الغزالة .. الريم .. المها ..
يللا نطرد نقنص نعاين
الرطد والقنيص هو الصيد بالكلاب السلوقية المدربة اصلاً للصيد
ويرطرد اي يلاحق
أما عن الكلاب
بكري عذبنا بمسح اي كلمة ترمز لاساءة
المشطوبة كلمة أم او ابو الجرو
وال###### السلوق هو نوع من الكلاب نحيف البطن طويل الأرجل له موصفات لا تجدها في اي من الكلاب وهي كلاب معروفة وتوجد اصلاً في بلاد اليمن في منطقة سلوق ولذا يطلق عليها السلوقية ( تغذى وتطعم بطريقة معينة واكل معين حتى تحتفظ بصفاتها في الطرد والقنيص
تعالوا نذهب للبادية ونرى العاسين تكسوها الخضرة والجمال عشبا ونرى الصيد والغزلان
ونطرد ونقنص ونعاين لذاك الجمال في البيعة مجتمع ...
النهار من حر الكماين
تعالوا نذهب هناك مبتعدين من حر البندر الذي يشوي الوجوه كأنه نار الكماين
والكمينة هي المكان الذي يحرق فيه الطوب اللبن ليصير طوب أحمر وعادة تكون على أطراف البحر ( الكمينة )
ونارها موقده حمرا تحرق فيها جزوع الشجر الكبيرة
يصف حر البندر بحر الكماين
######ي ياجمجوم أصلو خائن
شوفوا كيفن يبرى الملائن
هبَّ شالا وكشح المراح
######ي ياجمجوم
تحمل على تفسرين
جمجوم اسم ال###### السلوقي المستخدم للصيد ( ###### الشاعر )
وقيل جمجوم صديقه الذي كان معه يصف له ال###### وكيف يطرد القطيع
أصلو خائن ويعرف كيف يجيب الفريسة ( كف في الواطا )
شوفوا كيف يبرا الملاين
الملاين : القطيع من الغزلان
عادة ال###### يجري في محاذاة القطيع ( لايجري خلفه ليختار فريسته )
يجري محازي وكف يلفح الصيدة التي اختارها
هبَّ شالا وكشح المراح
اي ينكشح الرماح عندما يقع ال###### بفريسته ارضاً
ينكشح اي يتفرزع ويتفرق
في البدء بكون جاري مع بعض ولما ال###### يقف من الجري فرح بفريسته يتفرق القطيع
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
Quote: للقنيص الخيل خفّا راسن
نحن مانخاف من ميراسن
المكارم غرقنَّّ ساسن
والمجاهل مين غيرنا ساسن
إن عطشنا نمز مر وآسن
وإن عشقنا بنعشق محاسن
وفي المحاسن كفى يومنا راح |
وهنا يصف كيف كانت رحلتهم في البادية ( للقنيص ) ويفتحر في الأبيات هذه
للقنيص الخيل خفَّ راسن
اي هبت الخيول خفاف تطرد وتقنص وعلى ظهورها الفراسان من جمعهم
ونحن مابنخاف من ميراسن
اي نحن متعودين على ركوب صهواتها وبنعرف نطوعها يمين وشمالا خلف وأقداما نمارس معهن هذا الشئ بدراية وعلم
ونحن في المكارم من أخلاق وادب ومعاملة ساسنا غارب اي بنعرف هذه الاشياء جيداً
ومافي شئ مجهول لم نخضه ونسكتشف مجاهله
وعندما نعطش نشرب خمور .. ورمز لها ( مر وآسن )
وعندما نعشق بنعشق الجميلات ذات الحسن
وكفى دائما رائح يومنا بين الحسان
وكفى يومنا راح وقد تحمل بمعنى يومنا نكفه بالراح الراح هي الخمر
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
Quote: يا الطبيعة الواديك ساكن
مافي متلك قط في الأماكن |
وهنا يصف طبيعة البادية في الضواحي
كل شئ يكون ساكن وليس سكون جمود إنما سكون يريح ويجلي مقلة الناظر المتأمل لجمال الطبيعة
هدؤ وسكون مريح جداول تسير تنساب مياهها في تأني مندفقة .. شجر مخضر تحركه النسايم وكأنه
يتراقص على موسسقى حالمة هادئة .. عشب يرقد على سطح الأرض كبساط من سجاد فارسي .. طيور تصدح
بفجر يوم جديد متفائلة تغريدا وطربا .. غزلان تشرف برقابها تطالع كل ذلك الجمال .. أناس يتسامرون قبل البدء في ممارسة هواياتهم من طرد وقنيص .. نواح بعير وخوار ثور من بعيد يأتيك تطرب له الأذن سمعا لما يخلقة من تناغم بين طبيعة الأرض ونسمات النسيم والسكون الهادئ .. جمال في جمال وتكتمل لوحة الأبداع فنا ..
البادية وجماله ما لها مثيل في كل مكان
| Quote: يا حلات النال في ثراكن |
ويا روعة وحسن النال فوق الثرى يزينها فتبهرج كعروس يوم زفافها
والنال نبات ينبت في ارض البطانة بكثرة
Quote: وياجمال البرعن أراكن
وبي قفاهن تور قرنو ماكن
لا غشن لا شافن مساكن
في الخزام والشيح والبراح |
ولجمال البرعن ( اي الحيوانا التي ترعى في الأراك )
الأراك نوع من الأشجار
وبي قفاهن : اي خلفهن
التور يقصد به الذكر الفحل من النوع
لو كانت غزلان فهو اكبر ذكر ويسمى الفحل او التور
قرنو ماكن : اي قرونه ضخمة كبيرة
لاغشن لا شافن مساكن
اي يرتعن فقط في خلاهن .. لم تستأنس في البيوت
فقط تترتع في الخزام والشيح ( وهي انواع من النباتات العشبية ) والبراح هو المكان الفسيح
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
شوف نخيل الوادي وجمالو
شوف نسيمو وصيدو ورمالو
شوف يمينو وعاين شمالو
شوف فريع الشاويني مالو
شوف نسيم الليل صاحي مالو
البدر خجلان من كمالّو
والصباح لاح وبهل الوشاح
..............................................
أيضاُ هنا يواصل الشاعر في وصف جمال الطبيعة في البادية
جمال الوادي وعلى جانبيه خضرة النخيل باسق طلعه نضيد
والنسيم عليل والغزلان ترتع في الرمال
كان لابد في هذا الزخم من الجمال أن يذكر المحبوبه التي اشاطت
نيران الهوى في قلبه ( شوف الشاوني مالو ... أي ما به يتعمد هجري وعذابي )
وحتى البدر وجماله الذي ترنو إليه قلوب العاشقين خجل حياءً من ذاك الجمال الطبعي للبادية
عندما تصحو مع الصباح الباكر .............. والصباح بهل وشاح جماله على البادية
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
Quote: يا ام لساناً لسع معجن
كلمة كلمة وحروفا ضجّن
ديل عيونك من نظرة سقّن
وخدودك غير داعي وجّن
دا دلالي .. دا دلال معجن
ومحّن الامات يا ردارح |
وهنا يرجع يذكر المحبوبة
ويقول لها
يا ام لسان لسع معجن
وما احلى العجنة واللجنة واللعثة في اللسان عند الحبيبة
ياذات العيون الحلوة الجميلة التي عندما تنظر لها تراها والمع تمتلئ من حياء وخجل ودلال
والخدود التي تحمر خجلا
ودا دلالي .. معناها اي وا وجعي من هذا الدلال الذي يبدو عليها عندما تنظر لها
وما اصلو دا دلال وعجن محن اي ترك الامهات في محنة من امرهن يا رداح
ورداح هو صديق للشاعر كان معه في رجلة الصيد
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
سلام يا ناس...
الفين تحية ... ومرحبا
عايز اقول ليكم بإنـُّـو
الليلة ... آهه..!
وكل يوم قِـدَّام ..
..
ح نكون سوا
في النص
في وسط الدايرة ...
في مهرجان .. إسمو
مليون عروسة لقت عريس
شلال أغاني ..
كلـُّوا دايخ في الرقيص
سبت .. وتلات
ستة ايام بهجة .. سابعن خميس ...
....
المهم ..
إنت هناك
قوماك تعالا ...
بطل تنقنق.. وحالتي حالة
وما بغامر
ودي استحالة
كلـُّوا هنا....
كلـُّوا سوا ..
آهه.. آهه ...
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
كتبت شازلية - أم درمان
كلمات حب
ذاك القوى التى تجتاح كياننا وتتغلغل داخل اعماقنا وتتأصل فى قلوبنا فهى غرس للقلوب.
وكلمات حب
تسقى الغرس الذى يعصف بكل القيود وتحلق بنا فى عوالم لم نلمسها من قبل تلك
كلمات حب
فهى الوقود الذى يجعلنا دائما نسمو فوق صغار الامور يجعلنا نحب من يحب ومن لا يحب
كلمات حب
نبرح بقوتها جميع الامكنة ونشعر اننا لسنا ها هنا حبيبى امنحنى امنحنى كلمة حب امنحنى سقى لقلبى ودعنى اشق لها الانهار داخلى امنحنى هذا حبيبى نسمو فوق هذا العالم المادى ونحيا سوياً فى عالمنا لا يعرفنا الا من يعرف هوانا عالم توجنا على عرشه
حبيبى ونفسى وذاتى ان اغضبتنى يوما فكلمة حب منك تذيب غضبى وتهدمه كما تهدم الامواج بيوت الرمال من راودته نفسه يوما وحقر كلمة للحب وكانت صادقة فلن ينل حب ولا يذوق حلاوة لهذا الحب مرة فالغيث اوله قطرة والحب اولة كلمة قد نرى ان القطرة واهية لكنها تنبت من الجدب زرعا يانعا
كلمة حب
قد تكون صغيرة لكنها تجعلنا اقوى اناس وتوهبنا ارق مشاعر فلا تضيع الكلمة بجهل واصبر عليها كى تنمو داخلك وتنبت وامنح قوامها أحرف من نور تضىء الدنيا بأكملها ويسطع ضؤها فوق الرؤس فتلمس اوتار الحب
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
شازلية - ام درمان
فارس ألاحلام
في زمن مر علينا في حياتنا .. وفي مخيلتنا فقط .. في أحلامنا الوردية ..والتي هي جزء من مراهقتنا .. تداعب احاسيسنا برونقها وسحرها الخلاب .. حيث أنها إحتضنتنا ونحن نسرح بخيلنا لذلك العالم الذي فيه الفرس الأبيض يعلوه فارس الأحلام يحمل معه باقات من الزهور وأكاليل الورود ..في صورة تلونت بألوان الحياة الرومنسية ..يتخللها الشعور بالسعادة والأمان بتحقيق الذات وتجسيد الأحلام .. وعلى هذا الشعور الفطري بنيت آمالي ورتبت أحلاميييييييييييي .. في كل ركن او زاوية زرتها وحلمت بان ازورها مع فارس احلامي وجاء فارس احلامي ولكنه حطم قلبي وكنت اريده ان يبني معي قلعه احلامي .
نعتوني بأني حالمة و احيا عالم الخيال .. عالم الروايات والأفلام .. ولم يعرفوا ان هذا إحساسي الذي أودعه الله فيٌ ..
وانا لا زلت في بداية مشواري في العالم الوردي .. الذى بدأ وردي .. تصورى له عالم من الحب والحنان توجد به مصداقية إندماج شخصين في جسد واحد فتذوب الفوارق بينهما يكون لهم هدف واحد وعالم واحد وإحساس واحد ..اما عن مسمياته فوجدتها كتبت بأحرف الإخلاص ومعاني الصدق والوفاء .. ولكنها كانت زيف فقد ضاعت احلامي التي بنيتها وتناثرت امالي أعرف انه قدري ولاكن يتردد في ذهني الكثير من الأسئلة لا اعرف لها تفسير .؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
Quote: جدية أم قنفا
العيونو كحيلة
هلك عشاقا
فات وخلا مقيلا |
أم قنفا... اي ذات الجيد الجميل
ومقيل الجدي والغزلان هو مرتعها
لكن الشاعر يقصد به هنا المكان الذي كان يلتقي فيه بالمحبوبة
وفات وخللا مقيلا
اي هجرتني وتركتني
Quote: جدية ام قنفا
وين جدية أم قنفا
جدية ام قنفا
أم جويجبن داير
قمحي لونا
والخديد الناير
يوم ماروّح خلا مقايل
أبكي عليهو
أنا دمعي السائل
شيخ القبة
أنا جيتك زائر
ثبت قلبي
المن محلّو طاير |
حويجبن : تصغير للحاجب
والحواجب تقول هلال
أحين أحسن نموت حلال
يا نسايم الليل
قمحي لونا : لونها لون القمح لاهو بالأبيض لاهو بالاسمر الفاتح
واللون القمحي فخاتف لونين وهو لون يحبه السودانيين ( السادة لونو خمري ... ولون الخمر قمحي )
الخمر هنا يقصد بها الخمور الفرنجية وليس خمورنا البلدية التي لها ألوان مزعجة وماعارف كيف بطفحوها
البشر في بطونهم لا لون ولاطعم .. الواحد يكفح الكأس لما يغمض الجابرك شنو ؟؟ ولله في خلقه شئون
والخديد الناير وما أحلى الخديد الناير وخلقة طبيعي لا بودرة لا مكياج ..
والرشيم زي رفع في صفحة منضرا
والرشيم كما اسلفنا هو نوع من سلسلة الذهب كنّض يتزينَّ بها النساء تربط في الشعر وتتدلّى راقدة على الخد
وتربط بزمام في الأنف
وصفحة منضرا .. يقصد بها
كأن الخد من صفائه منضرا .. والمنضرا هي المرآة العاكسة للصورة
شبه خدها كأنه منضرة فتظهر الرشيم كأنه صورة لفرع من شجرة جميل
ويستعين بي الفقرا أهل القبب
أن يثبتوا قلبه الذي فارق مكانه ببعاد الحبيب عنه
وقد جرت العادة عند أهلنا التبرك بالقباب وأهلها الصالحين .. والإستعانة بهم ويندهوهم لقضاء حاجاتهم
والله قريب يجيب دعوة الداعي إذا دعاه
شيخ القبة أنا جيتك زائر .. زائر اي قصدت زيارتك لكي تجيب طلبي ( ثبت قلبي المن محلو طاير )
والشبب هو هجران الحبيب له
Quote: أنا فكري الحائر
أكلي هموم
كمان شرابي سجائر
الزول خاصمني
قفل الموبايل
المسكول خليهو
مابجيبا رسائل |
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
جدية ام قنفا
Quote: بالخلا متقنع
بعيدة مقايلو
بالحدب مدلّي
ياست الريدا
أنتِّ مابتتخلي
بقنص ليك
بالسلاح العندي
اقبض فيهو
ياناس نيشاني محلي
أجر التتك
الماسورة تعلي
توتوتوتو
الزخير تجلي |
الخلا : هو بعيد من المناطق السكنية مكان رعي البهائم والوديان التي توجد فيها الحيوانات غير الستأنسة
وبالخلا متقنع : اي جعل من الخلا قناع وستار له
والحدب هو مناطق الحافة من الروابي
ويقال حدب القيف اي طرفه المائل بعد الماء ويكون عادة هدّام اي إذا وقفت فيه يمكن أن ينهدم
ياست الريدا إنتِّ ما بتتخلي
اي صعب علي نسيانك والاصعب أن أتركك أنتِّ لي وأنا لك وكيف يكون الفراق
وليه بنهرب من مصيرنا
ونقضي أيامنا في عذاب
ليه تقول لي إنتهينا
ونحن في عز الشباب
اي في عمر الزهور لحبنا النامي الجارف الصادق
بقنص ليك
وهنا بلاغة وبالعامية وياجمال البلاغة عندما تكون في عاميتنا السودانية
بقنص ليك
لانه شبه المحبوبة بالجدية والجدية لكي تحصل عليها لابد من صيدها وصيد الغزلان يكون عن طريق القنيص
اراد أن يقول انا سوف اسعى لكي أعيد المياه لمجاريها
لكي تعود المحبوبة له ( الوصل ولو ضنى الحبيب )
لكنه وضح لنا ذلك في صورة بلاغية جميلة
بقنص ليك بالسلاح العندي وهنا سلاحه بندقية
وهو معروف بالنيشان المضبوط
أجر التتك : تأمين البندقية وهو زر بارز صغير
الماسورة تعلي : وهي مساورة البندقية
لكن للأسف عندما علت الماسورة جلت الطلقة .. ويقصد انه قدر ما يسعى في الوصل لتقريب البعاد تنفر المحبوبة ومبتعدة
وهذا هو الضنى والعناد
وحب من يحبك ولا تحب من احببت
وهنا يكون الوفاء والأخلاص
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
Quote: بنية أم قنفا
بالحدب متقنع
عزالو حجبو
هجرو
تاني ما يقابلني
طول الليل
أنا ابكي أغني
كلما سهيت
الدموع بلنّي
صدقني خايف
يا حبيب لأني
أمشي ازورك
بالعيون تشغلني
قُبال ما أسلم
فرحة بس تكتلني |
وكان البعاد وكان الفراق وكان الهجر وليس منك
بل من عزالنا وحاسدين غرامنا وابو ان يشوفوا غيري وغير حبيبي
ابعدوك عني .. وكان الهجر منك
ديل بضيعوك ويودروك وانت برئة مابتعرفي صليحك من عدوك
وهم استغلوا الطيبة الفي قلبك وبأسم العواطق ضيعوك وودروك
وانا كلما اسهى اي أغمض عيني الدموع بللت خدي حزنا على فراقك يا المحبوبة
وخايف والخوف يصد ويقف حاجز بيني وبينك أن اصل لمكانك وازورك
وخوفي .. أخاف ان أراك وتصرعني سيوف ألحاظك
وقبل أن أقول السلام اقع صريع واموت من فرحتي بيوم لُقياك
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
Quote: جدية أم قنفا
وين جدية أم قنفا
عسل نحل
من خليتو معلب
لا تفاح لا منقا لا قرين لا محلب
أهلوا محرصين ومراغب
سلك شائك برا سورهامزرّب
شفتا حرسك باالبخانة مجرب
محلفنّو بالرشوة ما يتلاعب
عندم سونكي بالزخيرة محرب
واقع ضربو علي النشنكا مدرب
أسود قلبو كمان جبينو مكرّب
حالف قسم لو واحد قرب
بشرب دمو بيردبيهو جهنم |
وأنت يا حبيبتي في طعمك زي العسل الذي علب من خليته
لا تفاح لا منقا لا محلب زي طعمك وحلاوتك
اهلك حرصين على أن تكوني بعيدة من العيون
وزربو البيت ومكان أقامتك بسلك شائك يصعب أن يتعداه أحد
ومعينين ليك حارس مسلحين بالجبخانة
ومحلفين قسم أن لا يتلاعبوا في إدخال اي زول اي لا حيلة لنا معهم إن أردنا التلاعب مع الحارس
أن نرشيه رشوة ليدخلنا لكي نراك
وحراسك سلاحهم في مقدمته السونكي اي يطعن اولا وان اقتربت اكثر يضرب رصاص
وقولبهم ليست فيها رحمة البقرب ضاع .. وجبينهم مصرور لايعرفوا المزاح
الحراس الواحد فيهم حالف قسم لواحد قرب .. ان يشرب من دمه ويرد به نار جنهم اي يقتله والقاتل مأواه نار جنهم خالد مخلد فيها أبدا
والحراس مافارقة معاهم لو قرب زول بيرد به نار جهنم
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
هواك وهواي بي جارو
سبن أفكاري نظراتك
أحب تعطف تزيل وجدي
أحب كل البحب ذاتك
أحب لونك وأحب نونك
وأحب يا حبي نفحاتك
أحب في خدك الزهرة
وأخاف ترميني لمحاتك
أحب قربك أخاف بعدك
أشوفك بين دوحاتك
أخاف صدك اخاف جورك
أحب تتهنّى بي حياتك
بحبك حبي للعافية
كمان ياسيدي وحياتك
بحب فيك الهوى العُذري
وأذوب من حالي صيحاتك
إذا في حبكم ضعتَّ
إذن أقُبر في ساحاتك
أكون للحظ دوام شاكر
أقبل إمتى راحتك
شعاع الشمس من نورك
زهور الروضة وجناتك
سكرتَّ وتتوهت دون خمر
وكان أسبابي لجناتك
حلاتك حلاتك يوم اراك رافل
في منصب عز في جناتك
وأشوفك زي بدر كامل
وبيك تنور تدجناتك
منعم يافريد عصرك
سعيد وسعيدة ساعاتك
منزه يافريد صافي
عفافك ملي مافاتك
وديع وبديع مثال رقة
حشيم وريني وصفاتك
اسرت فؤادي ياظالم
ودمي خِضاب في كفاتك
زيد يادمعي في الهملان
وزيد ياصدري زفراتك
حبيبك ودعك راحل
وزيد ياطرفي عبراتك
خمام الأيك خين مرَّ
تعال أسمعني نغماتك
طريت أم در مقر أهلي
يازماني كفاي عباراتك
http://www.youtube.com/watch?v=2HMfBjbB6H0
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: فيصل محمد خليل)
|
Quote: هواك وهواي بي جارو
سبن أفكاري نظراتك
أحب تعطف تزيل وجدي
أحب كل البحب ذاتك |
الجور ظلم الظلم حرمه الله على عباده
يشكو الشاعر من جور هواه وهوى المحبوبة عليه
وأكيد التي جارت وظلمت ذاك الحب الجميل هي محبوبته لكن التجرد عند من حبُّ بصدق
أن تجد العذر لمن ظلمك وضنى وأختار البعاد
هواك وهواي بي جارو
وأنا افكاري وعقلي وقلبي اسيرة بين نظرة من مقلتيك
كل مناي أن تعطف وتحن حتى يزول مابي من ألأم للفراق والبعاد والهجر
أنا صرت احب كل شخص يحبك ويهواك
وعاوز أكون منك قريب
وابقى اي حاجة قريبة منك
كان ابوك كان أخوك
أبقى عمك
ابقى قشة في حويشكم
لما تكنسي تكنسيها وتكنسيني
وما مهم لو تكنسيني
بس ابقى اي حاجة قريبة منك
أو حفير بخشم بابكم
تدفينها وتدفيني
وما مهم لو تدفينّي
بس مهم شوفتك عيونك
وأبقى اي حاجة قريبة منك
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
Quote: أحب لونك وأحب نونك
وأحب يا حبي نفحاتك
أحب في خدك الزهرة
وأخاف ترميني لمحاتك
أحب قربك أخاف بعدك
أشوفك بين دوحاتك
أخاف صدك اخاف جورك
أحب تتهنّى بي حياتك |
أحب لونك ... ومن الألوان التي تعجب وتسلب اللب
لون زينب ( وهي الخدضرة الباردة )
اللون القمحي
وكما قال الشاعر أسماعين ودحسن
لونن زي لون القمح
شوف ضراني كيف
الله يضرك يا الضرضر صوابي
ومع انه يختلف العجب والبعجب والمزاج لكن هذه الألوان يتفق عليها الكثير من السودانيين
أحب نونك ... والنونّة هي ( طفقة ) في صفحة الخد وهي ترمز للجمال ( جمال الوجه )
وما أجملها عندما يتبسم من عليه نونّة
أحبو وأحب نوناتو
نوناتو في الوجناتو
والوجنة معروفة ( منطقة محددة في الخد الاسيل )
واحب حتى نفحة نسيم تحمل أريجك المسكر
أحب قربك أخاف بعدك
ومافي زول بختار البعاد .. والقريبة كل محب بكون خائف من لحظة الفراق وحتى لو لحين ( سفر مثلاً )
وهسي خايف من فراقك
لما يحصل ببقى كيف
زي ورد في عز نداهو
خوفي بكرة يزورو صيف
والقريبة الساعة جنبك
تبدو تبدو أقصّر من دقيقة
والدقيقة وأنت مافي
مرة ومابنقدر نطيقا
أقلَّ حاجة تخلي سفرك
حتى لو أسبوع أقلُّ
ودا برضو فراق وحار فما بالك بالهجر .. وحتى كلمة هجر تحسها من حروفها مؤلمة وحزينة ومحزنة
هجر .. وما اقسى الهجر .. ومرات يكون من
غير ذنب وأسباب
يجافوك الأحباب
أخاف صدك أخاف جورك
وحتى لو حصل من كل قلبي بتمنى ليك السعادة وتتهنئ بحياتك
والحب تجرد : مادام أحببت إنسانة مستحيل أن تطفو على قلب من أحب صادق غيمة كره وبغض
وإن حصل تأكد أن حبك ليس صادق كان
والله القسمة مامعروفة
ليَّ وليكا كانت خافية
يدوم سعدك مع غيري
وتملى حياتك العافية
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
Quote: بحبك حبي للعافية
كمان ياسيدي وحياتك
بحب فيك الهوى العُذري
وأذوب من حالي صيحاتك
إذا في حبكم ضعتَّ
إذن أقُبر في ساحاتك
أكون للحظ دوام شاكر
أقبل إمتى راحتك |
العافية سمحة وسمحة العافية
والعافية لاتقدر بثمن .. وعندما وصف حبه للمحبوبة مثل حبه للعافية قد عبر عن الكم الحبي لها بأغلى شئ عنده
وهو عافيته اي روحه
وحبك عذري عفيف وهذا الذي حببني فيك وجذب روحي إليك
ولو راحت روحي فداء حبك أحب ان يكون قبري بساحتك اي مكان مقامك وحينها أكون لحظي شاكر اني قبرت في ساحتك
ومتى لو لم امت استطع ان اقبل راحت يدك وحينها يكون شرع الله يجمعنا
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
Quote: شعاع الشمس من نورك
زهور الروضة وجناتك
سكرتَّ وتتوهت دون خمر
وكان أسبابي لجناتك
حلاتك حلاتك يوم اراك رافل
في منصب عز في جناتك
وأشوفك زي بدر كامل
وبيك تنور تدجناتك |
أخذت الشمس ضوءها ورمز له بالشعاع من نورك يا حبيبي
في حين نصف نحن أهل الشرق ونشبه الجمال بالقمر ( نقول انت كالقمر ) نجد أهل أوروبا يشبهون
البنت بالشمس .. وافتكر ان تشبيه الاروبيون هو الأصح لان الشمس مضئة كلها والقمر له وجه مظلم
ما نراه نحن اهل الارض فقط هو المضئ
والله أعلم
زهور الروض الجميلة جمالها من جمال وجناتك وفوق الوجنة نُونة
اسكرنا جمالك المدهش دون خمر وكان سبب سُطري اللجنة في لعسة لسانك
وياحلاتك ويا جمالك يوم اراك تقدل في عز بين جنانك ومن جمالك نور يضوي ليلك الداجن
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
لك الشكر أختي شازلية على هذا الحديث الطيب
عن الفراق
الموضوع من شازلية - أم درمان
الفراق
بكت ورقة الشجر الندى
وبكى الغيم المطر
بكى الزهر الشهد
في لحظة صمت فيها كل شيء سوى نبض صدق خنق أنفاسي وأدمى فؤادي
سوى أشجان حب أحرق آمالي
نعم
رغم صدقك الذي يطير بي دوماً إلى آفاق عالية بعيدة كل البعد عن أكاذيب البشر وخداعهم
رغم آمالك العظيمة وأمنياتك الخلاقة كانت تعانق روحي في كل توافق جمع بين أمنياتنا
دوماً
كلماتك لا زالت تأسر روحي لازال رنينها الأول يقرع قلبي
منذ أول كلمات سمعتها منك
والآن بعد رحيلك
أصبح شكي يقيناً في أن لا تجمعنا الآيام
ولا أطمح برويتك إلا في جنة الخلد
حيث نتمنى فتتحقق الأمنيات
فقط
أمنحني قصيدة شعرية
وأهديني إياها
على ضفاف شواطئ أحزاني
وأكتب على رمال الطريق
وإعترف ولو لمرة واحدة
بأنني كنت أعشقك
وأنني كنت أحبك حباً جنونياً
وأنني بكيتك حد الهلاك
وأنني أحببتك حتى الممات
فلنعمل
لقد بات هجرك لا يخيفني
فهو راحتي
بعد تلك المسافة الطويلة من هذه الحياة
بعد كل ذلك الكم من
التعب .. والشقاء
العناء .. والبكاء
فلا تحزن .. ولا تيأس
ولا تذرف دموعك هناك
عند شاطئ البحر
يا قلبي
لا تحـــــــزن
ياقلبي
لا تحـــــــزن ... بعد الفراق
وكيف جرت بك الدنيا من بعده
وكيف أصبحت الدنيا بعد غيابه
وكيف أصبحت لون الأيام بعد رحيله
لا تبكي ياقلبي
حين تتذكر تفاصيله
ولا تنهار بدموعك
ما عاد هناك من ينتظرك بشغف
وينتظرك بخوف
وينتظرك بحنين
وينتظرك بشوق
وينتظرك بألم
وينتظرك
وينتظرك
وينتظرك
وانت تفكر في ذلك القلب
الذي ما عاد يبكي اللحظات بدونك
وما عاد هناك من يشكي
مرور الوقت في غيابك
وما عاد هناك من يحصي
الثواني للقاءك
لا تبكي
لأن الدنيا حرمتك منه
لا تبكي
فأنت من فتح لي أبواب قلبك
في لحظة صدق
ووهبه الحب بلا تردد
ومنحه الأمان بلا حدود
وغمره بأحلامه
حبيبي
يقولون بأن المسافة بين الميلاد والموت
تقاس بعدد الأيام التي أحببت فيها
فاحسب مسافاتي
بأيامي الرائعة التي عشتها معك
ويـــارب يكــون موتي
آآآخــــر الأحـــزااان
أحبيبي
سأضل أذكرك ويعتصر القلب حزناً وتبكيك عيوني
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
اقول لك أختي شازلية الله بعين
وعذا حال الدنيا تجمع لتفلاق وتفرق لتجمع ونحن مساكين ماعارفين الخير وين
وعسى ان تكرهو شئ وهو خير لكم وعسى أن تحبو شئ وهو شراً لكم .. ونقول قسمة ونصيب
اقول كلام لو كان الموضوع بخصك .. ولو كان هوى كاتب الله يعين من ألمه وعذبه ألم فراق
الصبر والتجرد للحب افضل
دائماً تذكر او ذكري من حولك
ان لا يكره ويبغض المحب من أحب وحتى ولو فارقه وقسى عليه واختار البعاد والهجر
وتمسكي وذكري الناس هذا البيت شعرا
قلبي ما بعرف يعادي
أصلو مابعرف يعادي
ومهما يبدأ القسوة قلبك
تلقى بالحنية بادي
ومابعرف يعادي
وكتبت شازلية القارية - أم درمان
هذا الموضوع
لهيب الفراق
الفراق ... حزن كلهيب الشمس يبخر الذكريات من القلب ليسمو بها
إلى عليائها فتجيبه العيون بنثر مائها .. لتطفئ لهيب الذكريات ..
الفراق ... نار ليس للهبه حدود .. لا يحسه إلا من اكتوى بناره..
الفراق ... لسانه الدموع .. وحديثه الصمت .. ونظره يجوب السماء ..
الفراق ..هو القاتل الصامت .. والقاهر الميت .. والجرح الذي لا يبرأ .. والداء الحامل لدوائه ..
الفراق ... كا الحب تعجز الحروف عن وصفه وإن أبيني تفرقا..
الفراق .. كالعين الجارية التي بعد ما أخضر محيطها نضبت ...
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
يـــا مولاي بكشكيلك شقايا وغلبي
وحظي الديمة من ريدة الأليف جافلبّي
طالت السفرة وإتحفّت مياسم تلبي
هب الريد وعاوك الحنين يا قلبي
يا مولاي
آه من غلبي ومن النار وحرقت قلبي
يا مولاي
الناس عيدّت ومرقت علي أصحابا
وأنا فريت علي الجاهلة السمح ترحابا
فاطراً يحكي براق البدودّي سحابا
ولفت قلبي زي لف طرحتا اللفحابّا
يا مولاي
مالك نفسي مطعونة وتملي تنيني
مالك عيني للغميض أبيتي تليني
عَطشان وكفح الموية مابرويني
وكاتلاني الطرفية البريدا قريني
يا مولاي
إتمنى الدهب لو لونو يشبه لونك
إشتهت الدرر لو هيَّ تبقى سنونك
مجنون ليلى حالتو أقلَّ من مجنونك
مادام ليلى كانت في المحاسن دونك
يا مولاي
شعرك منتظم زي السلاسل فتلّو
عينك تكسر الحجر إن بقت شافتلّو
الطاؤوسة قاصدة مشيك ما عرفتلّو
وأعصاب من راك إتكهربت تفلفتلّو
يا مولاي
أخدر ليهو ضُل فوقو المحاسن شرَّن
أفلج فاطرو زي برق السواري القرَّن
إتقسم مقاطع في المشي ويتحرّن
زي فرخ القطى الأماتو ركن وفرّن
يا مولاي
ختت إيدى فوق إيدي إنجذبت ودرتَّ
حبيت أمشي من كُتر الطرب ماقدرتَّ
بقت الحنة بيني وبين إيديها ندرتَّ
لولا الحنة بيني وبينا كنت ودرتَّ
يا مولاي
عمي الهادي : الزول البريدو ضربني
قسّم نومي من تيبان حيايا سلبني
حاد من حالو أبا يقبل سؤالي صلبني
وصبري الكان جميل حربتو كلو غلبني
ويا مولاي
بشكيلك شقايا وغلبي
وحظي الدية
من ريد الأليف جافلبّي
http://www.youtube.com/watch?v=j1l-fhyJG7c&feature=related
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
Quote: يـــا مولاي بكشكيلك شقايا وغلبي
وحظي الديمة من ريدة الأليف جافلبّي
طالت السفرة وإتحفّت مياسم تلبي
هب الريد وعاوك الحنين يا قلبي
يا مولاي |
كثيراً ما نمشي للشقاء والحزن بأرجلنا
نختار الحب وفي الحب شقانا وبؤسنا وألم قلوبنا
لما أصبح المعنى الحاضر للحب هو الحزن والألم
دائما يختار الإنسان شريك لقلبه بعد درارسة وتأني من بعيد لبعيد
كيف وكيف ندخل بأسم أجمل شئ وهو الحب ليكون سبب لتعاستنا وأحزان وألآم تعتصر قلوبنا
ألآم دامية .. وا أسفي على شئ أسمه الحب الذي ضاع بين أرجل شخوص زماننا هذا
ويامولاي بشكيلك شقايّا وغلبي
والشكوى لغيرك مزلة أنت المنصف العادل من فوق سماك العُلى .. كنت افتكر ان الحب يسعدني لكن عاد وأحزنني فلك الشكوى ولك الملاذ الملجأ والمأوى .. يا رب زد علي نعمت النسيان .. أدعوك يا رب أن تعين كل من طعن في قلبه وحبة وتعينه على النسيان .ز ان ينسى قسوة حبيب في لحظات تجني جنى على أجمل شئ بينهم ( الحب الصادق العفيف ) ..
أشكو لك يا ربي حظي .. حظي الذي أصبح مثل دقيق فوق شوك نثروه .. ثم قالوا لحفاة يوم ريح أجمعوه .. صعب الأمر عليهم وقالوا .. كيف من أشقاه ربه أنتم تسعدوه .. حظي الدائما فاري وجافل من ريد الأليف الذي يختاره قلبي لأنعم معه نشوة حب صادقة تؤلج بنا ربيع سعادة دائمة نسعد بها ونسعد من حولنا
لقد طال بي الأمد وانا أسعى وابحث عن من أدع قلبي عنده أمانة يصونها ويرعاه
والسفر هنا يعني بها : مدة الزمن التي يبحث عن الحبيب الصادق الأمين المخلص للحب ,
إتحفّت مياسم تلبي
الميسم هو خف الجمل
التلب هو الجمل ( البعير )
وهنا أراد الشاعر أن يوضح لنا طول سفره في رحلة البحث مسافر من مكان لأخر
حتى ان مياسم تلبه الذي يرتحل به في رحلته هذه حفت
وحفت معناها تآكلت من كثرة المشي
إتحفت .. من الحفى
حفيان اي لا ينتعل حذاء يحمي أقدامه من خشونة الأرض التي يسير عليها
ومع هذا كله هبَّ الريد وعاود الحنين قلب كواه الألم والحزن
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
Quote: الناس عيدّت ومرقت علي أصحابا
وأنا فريت علي الجاهلة السمح ترحابا
فاطراً يحكي براق البدودّي سحابا
ولفت قلبي زي لف طرحتا اللفحابّا
يا مولاي |
العيد سعادة يوم يسعد فيه الناس
وقال رسول الله صلى الله عليه وسلم ( للصائم فرحتان .. فرحته عند فطره وفرحة يوم عيده )
وإن شاء الله مايغشى عيد ومسلم حزين
العيد فرحة يستقبلها الناس في السنة مرتين عيد فطر وعيد أضحى يوم يضحو أضحائهم وتسيل دمائها
العيد زيارة
والعيد تصافي ومصافحة
والعيد لمة أهل وأحباب
والعيد فرح وبهجة
يوم أكل وشرب وتبعل
والناس عيدّت ومرقت علي أصحابا
وأنا فريت علي الجاهلة السمح ترحابا
الناس ذهبت للزيارت وأنا فريت .. ولكلمة فريت ( فرَّ ) وقع يوحي انه ذهب على عجل وكما يكون الفرار من شئ يخاف على عجل ودون تفكير في درب المسير يحملك قلبك للمخرج وحملت شاعرنا أقدامه فاري لبيت الحبيب معيداً وأن يكون أول من يزوره في يوم عيده
وأنا فريت علي الجاهلة السمح
جاهلة اي صغيرة في سنها وكلمة جاهلة جرت العادة ذكرها لبنت كبيرة أيضاً تعبر أنها لم يطرق الحب قلبها قبل
وسمح تراحابا
سمحة المحيّا مستقبلة باسمة مرحبة بقدوم شخص تعزه
وبعدها
بدأ يصف في محاسنها
الفاطر هو موضع البسمة في الفم
ويحكي لنا انه لها فاطر يحاكي البرق عندما يلمع كأبتسامة مارد يرنو إلى الدنيا بطرف ساحرِ .. فاطرها يشبه ذاك البرق يوم مطر يدودي سحابا اي رعده يدوي في الظلام كأنه لعنات جِن في الظلام القاهر .. وهنا يكون البرق وخاصة بالليل لمعانه يأخذ العيون من شدة الضوء الذي ينشر ..
جاهلة ( وهنا يوضح لنا أنها صغيرة السن ) ومازالت تلبس الطرحة وما بقت لي لباس التوب
لفت قلبي زي طرحتا اللفحابّا
متلحف اي لفَّّ شئ من ثياب حول جسمه او حول رأسه
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
Quote: مالك نفسي مطعونة وتملي تنيني
مالك عيني للغميض أبيتي تليني
عَطشان وكفح الموية مابرويني
وكاتلاني الطرفية البريدا قريني
يا مولاي |
ثم عاد يناجي روحه ونفسه الحزينة
مالك : اي ما بك يا نفسي ؟
مطعونة وتئني في صوت خافت .. وفعلاً هناك حزن يطعن في النفس تحسه وكأنه وخزة تؤلمك بوجعة
ومالك يا عينيا أبيتي الغمدة ولم يقول النوم لانه يتمنى بس الغمضة بعد أن فارق النوم عينيه .. مالك ياعيني حتى للغميضة ( الغفوة ) ابيتي تليني والين هنا ترضخي
عطشان وعطشي ليس لماء إنما أنا متعطش لحب صادق يروي قلبي حنين ومودة وحنان ومهما أشرب من ماء لايطفئ النار التي تشتعل في قلبي شوقاً ولهفة للحبيب ..
آه يا الأهيف
وابا ما يلين ومن بعدو
صار قلبي حزين بنار الفرقة
هو جسمو سليم وأنا جسمي معذب
وقليبي كليم بنار الفرقة
معذب أنا وهو رافل بين اترابه هنئ سعيد بحياته
لا لوم عليه اللوم على الحب الذي جمعنا وقسمة الحب التي لم تكمل لنا قسمة تسعدنا جوار بعض
وعاد وقال انا أعلم ان مابي اصلي مقتول بسهام طريفية التي وقعت في غرام ندي .. والقرين هو الند المنافس له
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
Quote: إتمنى الدهب لو لونو يشبه لونك
إشتهت الدرر لو هيَّ تبقى سنونك
مجنون ليلى حالتو أقلَّ من مجنونك
مادام ليلى كانت في المحاسن دونك |
الحبيبة الغالية المحة وزينة وملكة بنات جيلا
أتمنى الدهب أن ياخد من لونك الصافي ( المعروف ان لون الذهب يخلب العقول وله في العيون وقع
من صفاء لونه البديع الذي تجده في النفوس إنجذاب ومتعة
وحتى الدهب تمنى أن يكون مثل لونك
والدرر الكريمة سلبها بياض أسنام وتمنت أن تحل مكان الأسنان حتى يظهر جمالها للبشر في فمك تتبسمي
وعاشقك فات مجنون ليلى هياماً وعشقا وسهاد وغياب من الدنيا وما حوت وعاش لحبك
وكيف مايكون على هذه الحالة مادام أنت فقتي ليلى العامرية جمالاً ونضارة وحسنا
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
Quote: شعرك منتظم زي السلاسل فتلّو
عينك تكسر الحجر إن بقت شافتلّو
الطاؤوسة قاصدة مشيك ما عرفتلّو
وأعصاب من راك إتكهربت تفلفتلّو
يا مولاي |
ويعود تاني يصف مفاتها ومحاسنها
وبدأ بالشعر ( الديس )
وما أدرانا بالشعر ومن اسماء الشعر بالعامية
الروبة .. الديس .. الوضيب .. الهضليم وغيرها من الأسماء التي لا علم بها
ودخلت في ليلي شعرك والدجى
والشعور بالسطل عنبرا
يابدور القلعة وجوهرا
ولامس كتفو كفلو وماتجد العفر
يمم ديسو درعو وفي بعضو إنضفر
والحديث في الشعر طويل ويطول
قال الشاعر يصف شعر محبوبته
يقول شعرك منتظم في الطول ويظهر المحبوبة كانت تضفره ضفائر لانه قال
زي السلاسل فتلو .. وشكل السلسل او الجنزير منتظم في حلاقته فتلا
وعيونك من الجمال تكسر الحجر إن وقعت عليه من شدة تأثيرها على كل من تصيبه سهامها
والحجر معروف صلد وقوي ( تشبيه قوي )
معروف الطاؤوس في مشيته متبخترا وهنا المبالغة في البلاغة إذ قال وحتى الطاؤوسة في مشيتها هي بتقلد في مشيتك ويرضو ما عرفت تمشي زيك
وكأن مشيتها من بيت جارتها
مر السحاب لا ريث ولا عجلُ
في قدلتك تحاكي عايمة الوز كأنك
كفلك عطلك أمشي البنات فاتنك
وكل من وقعت عليه سهام عيونك تكهرب وتلبش وبقى يشبه ويسلام من الدهشة وأثر العيون وسهامها
وفتكها بأعصابه
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
Quote: أخدر ليهو ضُل فوقو المحاسن شرَّن
أفلج فاطرو زي برق السواري القرَّن
إتقسم مقاطع في المشي ويتحرّن
زي فرخ القطى الأماتو ركن وفرّن
يا مولاي |
أخدر : اي ونها لون زينب ( خدرة صافية كخمور النبيز المعتق في المخابئ )
أخدر ليهو ضل
اي طويلة والجسم ممتلئ ( وكان زمان الرجال يحبون المرأة السمينة )
فوقو المحاسن شرّن
شرن : اي انتشرن في كل مكان
وهذا بلاغة ليس لالوجه والجسم من الحسن حظ بل المحاسن أنشرت في كل جسم المحبوبة
كل تراهو فيها جميل وحسن
أفلج : اي هناك تباعد معقول بين الرباعية من الاسنان في الفك العلوي صغيرة وتسمى الفلجة
وهي من علامات الجمال ( الفلجة )
افلج فاطرو زي برق السواري القرن
السواري من أنواع المطر
ومنها الضهراوي الصباحي والطوفان ( انواع المطر بالعامية )
ومطر السواري ينزل ومعه رياح تسمى الشهفوفة وهو مطر غزير وكثير الرعد والبروق
وهنا اراد أن يقول ان المحبوبة عندما تتبسم تبين أسنانها فتبدي الفاطر ( الفم ) يلصف بريقاً زي بروق مطر السوارد التي تراكمت سحبه وتراكم السحب فوق بعضها يكثر من الإحتكاك الذي يتولد منه البرق تلامس لشحنات كهربائية سالبة وموجبة فتنج الشرارة التي نسميها برقا ويتبعها دوي الرعد صوتا
يتقسم مقاطع : اي في مشيته يمشي الهيونة وبخطوات منتظمة عددا ثم يقف ملتفت يمينا وشمالا
وقال يتقسم اي يتثنى في مشيته مشاشياً مسافة معروفة ثم يقف ثم يكمل سيره
وحسب مسافة المشية حتى يقف بالمقطع
والمقطع معروف
وهو قياس في الاقمشة
للرجال المقطع ( خمسة متر )
وللنساء ( ثلاثة أمتار )
وشبه هذه الحركة ( مشي المحبوبة ) زي مشيت فرخ القطا عندما تطير اماتو تراهو يجري حطوات ثم يقف يبحث عهن ثم يتابع السير مرة أخرى ويقف ويتلفت يمين وشمال وهكذا
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
Quote: ختت إيدى فوق إيدي إنجذبت ودرتَّ
حبيت أمشي من كُتر الطرب ماقدرتَّ
بقت الحنة بيني وبين إيديها ندرتَّ
لولا الحنة بيني وبينا كنت ودرتَّ
يا مولاي |
السلام مصافحة وبالذات لمن تريد فيه لذة حب وحنان تحسها تسري في كل جسمك وتتمنى أن تبقى يد المحبوبة في يدك وما تزح ابداً وتطيل في السلام ( كيف حالك إن شاء الله طيبة كيف الأهل كلهم إن شاء الله طيبين وتاني أخبارك كيف .ز كيف المدرسة والشغل وهاك لحدي تحس الاصابع بدت في الإنسحاب البطئ إنسحاب جيش هزم وخجلان من الإنسحاب )
عندما لامست راحة يدها يدي ااحست بإنجذاب كهرومغنطيسي وودرت (والودار ان تغبي ولا تدري ماذا فعلت ) ويقال فلان مودر إذا كان به من النسيان والسهو وعدم التركيز في حديثه وكل هذا مع حركة سريعة من إلتففات هنا وهناك وسرعة في الحديث والسرد وكلام غير منتظم وفي مواضيع شتى .. يقال دا زول مودر .. وقال الشاعر انا عندما صافحتها ولامست يدي يدها ودرت وغبيت عن عالم البشر ...
وبعد السلام حبيت امشي ماقدرت حتى علي المشي من أثر الكهرومغنطيسي إنجذاب وطربا لهذا الشعور الجميل الذي أحسسته
وكانت في يديها حنا وقال الحنة كانت عامل عازل بين الراحتين ولو هذا العازل الذي كان بيني وبينها وهذا ما ادرك الموقف ولولا الحنة كنت أكون في حالة ما يعلم بها إلا ربي فوق السماء
Quote: عمي الهادي : الزول البريدو ضربني
قسّم نومي من تيبان حيايا سلبني
حاد من حالو أبا يقبل سؤالي صلبني
وصبري الكان جميل حربتو كلو غلبني
ويا مولاي
بشكيلك شقايا وغلبي
وحظي الدية
من ريد الأليف جافلبّي |
وهنا يشكو حاله ما به لعمه الهادي
ان الزول البريدو ضربني
والضرب هنا هجر وحرمان وبعاد وعدم أهتمام لحله ( ومن الحب ماقتل )
وحتى نومي تقسم اي مانمت نومة متوصلة ( نومي خزاز ) وحتى الحياء سلبت منه بقيت زولاً مودر هضرب بيها في وحدتي وبين الناس ومل يرد على سؤالي لما الهجر والبعاد وصلبني ( والصلب هنا ان يتركك شخص لا امش لا تعال وتبقى واقف ولي ميتن مامعروف مصلوب في موعد تصنقع للسماء وتدنقر وانت منتظر الحبيب في موعد وتقول أمكن انا الما جيت
وحتى الصبر الذي كنت أوصف به اني شخص صبور أنتهى ونفذ صبري
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
حبيت عشانك كسلا
وخليت دياري عشانا
وعشقتَّ أرض التاكا
الشاربة من ريحانا
ظُلم الزمان الخاني
يا ريتو لو كان خانك
ليه جرتَّ واتنكرتَّ
لي الساب ديارو عشانك
قدر عشانك كسلا
( ونحن نقول وقدر عشانك وين ما أنت ساكن يا حبيب )
كلمني .. قول ليَّ
فاكر ليالي القاش
لما الحنين عاودني
لعطفك الجياش
جافيت حبيب ماخانك
من نور بسيمتك عاش
أنا تاني مابتلقاني
يوم في طريقك ماش
صوت السواقي الحاني
ذكرني ماضي بعيد
وعلي الرمال أثارك
طرتني ليلة عيد
ألمني قلبك ينسى
يرفس غلاوة الريد
باقي الطريق بمشيهو
خليني فيهو وحيد
والحب عذاب أين ما كان
فرحة ليالي الريد
ونداوة البسمات
خلتني أبكي وأندم
على عمري روّح فات
فرحة سنيني الراحت
مابترحما الجايات
ندمان عليك ياعمري
ندمان علي الكلمات
http://www.youtube.com/watch?v=r_dKk5Xkc_A
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
رسالة في الأميل من الجميلة روحاً شازلية القادرية .. وكان بعيدة نادوها ليَّ .. وكان قريبة لازماها جية .. البنية السكرية حلاوة نبق يا سلام عليكم الله خلوني
شكراً لك عزيزتي شازلية على هذا الحرف عندما تجمع ليضع نغم شوق حورية في البحر
رسائل بحر
أعود من تأني ارسل ليك أفتش لي حروف قدرك
افجر كل حس جواي أبادلك قلبي بالعندك
اجيك طاوي العشم طريان أترجاك تفتح لي مدن قلبك!!!!!!!!!!!!
رسائل بحر
اشابيلك واناديلك واقيف في القيف عشان ارفع شراع شوقي اعديلك
رسائل بحر
بحسك في مسارب الروح
محل ماتروح انت معاي
شوق وحنين وتوأم روح
رسائل بحر
شكيتك للبحر هاج تكبر
شكيتك للقمر غاب وتعزر
شكيتك للقلب مات في حبك
حوريه
الشوق والبحر والبحر خضم والموج يحكي سر حياته الغامض
ونحن منه وإليه ذلك السر الكبير
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
شازلية القادرية - أم درمان
رسائل بحر
مليت تباريح الجراحات البقت بعدك أسئ وزمناً قسي
وحالا أسيف وبقيت أفتش عن خطاويك القبيل واتضاري من زمناً ورآك ملاني زيف
رسائل بحر
سلامات
سلامات يالساكنين مساماتنا
مقامكم في سواد العين وتعجز عنه كلماتنا
سلام اكثر يشيلو الشوق وفي أعماقنا اتحكر
ولمن تبعد الخطوات نشيلو حنين ونتزكر
نقول يمكن نلاقيكم نبل الشوق ونتعطر
رسائل بحر
عندما تتزايد الأشواق بدواخلنا تحرقنا فتصير مسكاً
يفوح شذاه وحينما يغلبنا الحنين
لا نجد إلا الرسائل لتحمل المسك إلي الأعزاء
رسائل بحر
الزمن قادر يفرق والظروف مجبورة تجمع
والقلوب تصبح حيارى تبقي ليها الذكرى مرجع
والزمن لو بينا أجحف والسنين لو بينا طالت
ما بتقلل من مشاعري بس تأكد انو زادت
حوريه
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
مافي داعي تقولي مافي
مافي داعي تقولي مافي
ياالربيع في عطرة تافي
لهفة الشوق في سلامك
في كلامك في غرامك
ما هــــو خافي
مافي داعي تقولي مافي
إرتعاشاتك بتحكي
قصة أحلامك معايَّ
كل خفقة في قلبي
نغمة تحكي ليك
شوقي وهوايَّ
إنتِّ في بهجة شبابك
وحبك.. حبي ليك
من غير نهاية
ومافي داعي تقولي مافي
قلبي أخضر
ولسة في ريعان شبابو
بحرارة شوقو
بسطر كتابو
شوفي كيف نشوانة
تتراقص حروفو
كل لحظة شوق تجدد حروفو
مافي داعي تقولي مافي
عشنا في دنيا الصبابة
والسعادة فتحنا بابا
بهجة الدنيا وشبابا
في إبتسامتك حبابا
ومافي داعي
http://www.youtube.com/watch?v=pol1b31yQZQ
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
غلطة
ونحن بنقول تجرداً لحبنا الوفي دائما لم يكن ما اختار القلب غلطة
لكن قدر الله وما شاء الله فعل ونحن نؤمن بما هو مقدر ومسطر لنا مسلمين
لكن يبقى الحرن معشعش في قلوبنا وساكن وطاب له المقام
ونريد قول فقط
قاسي قلبك عليَّ ليـــــــــه
لو بحب ابقى ذنبي ايــــــه
قلبي توب من عــــــــواطفك
ايه نهاية حبي ايـــــــــه
ارى أن باقي كلام القصيدة قسوة وتجريح احببته في يوم وحنَّ له قلبك
وهذا يديدنا قلبي مابعرف يعادي
ومهما يبدا القسوة قلبك
تلقّى بالحنـــية بادي
ومابعرف يعادي
القصيدة كاملة رغم تعارضنا قلب وقالب مع بقية المقاطع منها لكن تبقى مشاعر إنسان طعن في حبه الغالي الصادق والمجال لبث تباريح الهوى وألم الشوق والبعادة عندما يختار الحبيب الكان قريب راضي الهجر
غلطــــــة
قاسي قلبك عليَّ ليـــــــــه
لو بحب ابقى ذنبي ايــــــه
قلبي توب من عــــــــواطفك
ايه نهاية حبي ايـــــــــه
علطة كانت غرامي ليك
وا خسارة دموعي فيك
غلطة قلبي سلمتو ليك
ماكان مكانو وماكان لقيت
يوم لقيتك ماكان علي يوم
يا مسبب شقاي انـــــــا
عني ايه قالوا عني ايه
كنتَّ تايه وكنتَّ غريب
وافتكرتك أعز حبيب
ياما قلبي يخطأ ويصيب
والعذاب كان لي نصيب
من عرفتك جفاني حتى النوم
يا مبدد شجوني آه
إنتَّ حبك جنيت علي
كان طلعتَّ القمرا وجيت
ولو حلفتَّ برب البيت
ما بريدك مهما بقيت
غلطة كانت وتاني ابيت
يا الفراقك كان علي مكتوب
يا مبدد شجوني آه
إنتَّ حبك جنيت علي
http://www.youtube.com/watch?v=D-YUQwLAIaU&feature=related
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
عندما تكون في غربة عن أهلك وصحبك وكل الناس الحلوين
وتهزم في حبك يكون وقع ذلك أكثر ألم
وتصير الغربة غربات وتتكدس كل حاسة ومشاعر حزينة تؤرق نومك
وتسهدك
وهذا صلاح أحمد إبراهيم وغربة واحدة وهو بعيد عن الحبيب كتب كل هذا الجمال والروعة من كلماتك فما بالك بأناس فاض بيهم الحنين للأهل والحلوين وهجرهم حبيب قاسي في خضم كل هذه الأشجان
فتصبح فيهم الأشجان كيمان .. ونسأل الله أن لا يضيم قلب بعد اليوم
وبالله يا طير طير وزد في السرعة لديار المحبوبة
انقل إليها
وفايّض ليها
وحبي الأكيد
وغريب والطير المهاجر
غريب وحيد في غربتو
حيران يكفكف دمعتو
حزنان يغالب لوعتو
ويتمنى آه يتمنى
إتمنى في أوبتو
طال بيهو الحنين
وفاض بيهو الشجن
واقف يردد من زمن
بالله يا الطير المهاجر
للوطن زمن الخريف
تطير بِسراع
تطير ما ضيع زمن
أوعك تقيف وتواصل
الليل بالصباح
تحت المطر وسط الرياح
وكان تعب منك جناح
في السرعة زيد
في بلادنا ترتاح
ضل الدليب اريح سكن
فوت بلاد وسيب بلاد
وإن جيت بلاد ....
بتلقى فيها النيل
بلمع في الظلام
زي سيف مجوهر
من نجوم من غير نظام
تنزل هناك وتحيّ
وتحيّ ياطير بإحترام
وتقول سلام
وتعيد سلام
على نيل بلادنا سلام
وشباب بلادنا
ونخيل بلادنا سلام
بالله ياطير قبل ماتشرب
تمر علي بيت صغير
من بابو
من شباكو
بلمع ألف نور
بتلقى الحبيبة
بتشتغل منديل حرير
لحبيب بعيد
تقيف لديها
وتبوس يديها
وأنقل إليها
وفايَّ ليها
وحبي الأكيد
http://www.youtube.com/watch?v=wyieY3dyb8k&NR=1&feature=endscreen
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
صوت السواقي الحانـــــي
ذكرني
وليت الذكرى تشفي مابي
ذكرني ماضي قريب وقريب شديد
وعلى الرمال اثار حروفك وضحتك
طرتني ليلة عيــــــد
ألمني قلبك ينسى
يرفس غلاوة الريد
باقي الطريق بمشيهو
خليني فيهو وحيد
لك من القلب مودة أماني بسعادة لا ينقطع سرسراها نيل متهادي بين الوديان ليوم يبعثون
أنعم بعمرك وانا اصلي مخلوق للعذاب
ولحين ميسرة
لو مدّض الله في العمر الذي اراه قد دنى أجله
لو يينا لبكرة سوف نعود للغوص في تباريح الهوى
وما أشقانا غير الهوى والحب
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
ويبقى السؤال أختي شازلية القادرية ( حورية )
وكتبت العزيزة شازلية ( حورية ) - أم درمان
فارس ألاحلام
في زمن مر علينا في حياتنا .. وفي مخيلتنا فقط ..
في أحلامنا الوردية ..والتي هي جزء من مراهقتنا .. تداعب احاسيسنا برونقها وسحرها الخلاب ..
حيث أنها إحتضنتنا ونحن نسرح بخيلنا لذلك العالم الذي فيه الفرس الأبيض يعلوه فارس الأحلام
يحمل معه باقات من الزهور وأكاليل الورود ..
في صورة تلونت بألوان الحياة الرومنسية ..يتخللها الشعور بالسعادة والأمان بتحقيق الذات
وتجسيد الأحلام .. وعلى هذا الشعور الفطري بنيت آمالي ورتبت أحلاميييييييييييي .. في كل ركن
او زاوية زرتها وحلمت بان ازورها مع فارس احلامي وجاء فارس احلامي ولكنه حطم قلبي
وكنت اريده ان يبني معي قلعه احلامي .
نعتوني بأني حالمة و احيا عالم الخيال .. عالم الروايات والأفلام ..
ولم يعرفوا ان هذا إحساسي الذي أودعه الله فيٌ ..
وانا لا زلت في بداية مشواري في العالم الوردي ..
الذى بدأ وردي .. تصورى له عالم من الحب والحنان توجد به مصداقية إندماج شخصين في جسد واحد
فتذوب الفوارق بينهما يكون لهم هدف واحد وعالم واحد وإحساس واحد ..
اما عن مسمياته فوجدتها كتبت بأحرف الإخلاص ومعاني الصدق والوفاء ..
ولكنها كانت زيف فقد ضاعت احلامي التي بنيتها وتناثرت امالي
أعرف انه قدري ولاكن يتردد في ذهني الكثير من الأسئلة لا اعرف لها تفسير .؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
ويبقى السؤال أختي شازلية القادرية ( حورية )
وكتبت العزيزة شازلية ( حورية ) - أم درمان
فارس ألاحلام
في زمن مر علينا في حياتنا .. وفي مخيلتنا فقط ..
في أحلامنا الوردية ..والتي هي جزء من مراهقتنا .. تداعب احاسيسنا برونقها وسحرها الخلاب ..
حيث أنها إحتضنتنا ونحن نسرح بخيلنا لذلك العالم الذي فيه الفرس الأبيض يعلوه فارس الأحلام
يحمل معه باقات من الزهور وأكاليل الورود ..
في صورة تلونت بألوان الحياة الرومنسية ..يتخللها الشعور بالسعادة والأمان بتحقيق الذات
وتجسيد الأحلام .. وعلى هذا الشعور الفطري بنيت آمالي ورتبت أحلاميييييييييييي .. في كل ركن
او زاوية زرتها وحلمت بان ازورها مع فارس احلامي وجاء فارس احلامي ولكنه حطم قلبي
وكنت اريده ان يبني معي قلعه احلامي .
نعتوني بأني حالمة و احيا عالم الخيال .. عالم الروايات والأفلام ..
ولم يعرفوا ان هذا إحساسي الذي أودعه الله فيٌ ..
وانا لا زلت في بداية مشواري في العالم الوردي ..
الذى بدأ وردي .. تصورى له عالم من الحب والحنان توجد به مصداقية إندماج شخصين في جسد واحد
فتذوب الفوارق بينهما يكون لهم هدف واحد وعالم واحد وإحساس واحد ..
اما عن مسمياته فوجدتها كتبت بأحرف الإخلاص ومعاني الصدق والوفاء ..
ولكنها كانت زيف فقد ضاعت احلامي التي بنيتها وتناثرت امالي
أعرف انه قدري ولاكن يتردد في ذهني الكثير من الأسئلة لا اعرف لها تفسير .؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
من حورية البحر عندما طلعت من بحرها تبوح لنا
وكتبت الأخت شازلية
رسائل بحر
ولكم احببت ان تدخل الي قلبي لكي تعرف مدى حبي
وكم اشتقت ان القاك في حلمى وفي صحوى
رسائل بحر
يالباقي في جواى وفاء مالينى لحد الجنون
مشتاقة اشوفك لحظة بس واقفل عليك باب العيون
برعاك في جواى سكون ومحبه اصدق ماتكون والباقي كله فداك يهون
رسائل بحر
الشوق في حقيقته خطاب ... مداده اللهفة
حروفه عزاب ... نار والجوه لما تزيد
تشيلوا لنسمه ساعي بريد
علي ضفاف امل وعتاب
جناحو الحاني غادي يطير في سما الأحباب
حوريه
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
كلمات القصيدة
عثمان خالد ( عليه رحمة الله )
يا قلبي يا مكتول كمد
ياقلبي المكتول كمد
أعصر دمــــــــوع
وهات غنوة لسيد البلد
ياحليلو ياحليلو
حليلو قال سايب البلد
حليلو كيفن يبتعد
كيفن نسيبو يروح بعيد
في رحلة مجهولة الأمد
يا حليلو يا حليلو
كل العمر كان لحظة واحدة
نشوفو والشوق يتقد
نسكر نغيب من لطفو
من دلّو .. الحبيب
من لونو ...
من كرز المغيب
الرامي ...
محلو الثمر
في شفايفو زي ياقوت ندر
في شكلو زي نص القمر
مبتل مثير
مخلوق عشان أحلّى الثغور
وأشواقنا تتعطر تطير
من نفحة من مجرى العبير
من لفتّة من جيدو النضير
من لفظة من ثغرو المثير
الفيهو ريان السمر
بيهو القلوب كم تأتمر
لو مرة سيد الناس أمر
بنظرة بتذوب حجر
ببسمة بطوّل عمر
حليلو قال ناوي السفر
ناح الغروب جمرو استعر
وا غربة الفل والزهر
وا غربة النيل والقمر
وا غربة الطير في الشجر
وا غربة النجمة البعيدة
وا غربة النسم الرقيق
وشوقا لعناق الشَعَر
حليلو قال ناوي السفر
خلاني ألعن في القدر
مالو القدر
أهديتوأنغام الزهر
كأس الزهور
جرعني كأسات الكدر
ماراعى للقلب الحنين
الفيهو عايش من سنين
جوة الضلوع
فرهد كبر
يا حليلو ياحليلو
حليلو قال سايب البلد
كم ليل طويل
وأنا جفني لا نام لا غمض
مسروف أمام لوحة جمال
لحسنو أخاذ ما أتوجد
ألوانا بداعب الخيال
بحرف ريان ما أتولد
النهد فيها عنيد عنيد
عمرو في يوم ما سجد
لربو.. لا اتهجد عبد
قولو الصلاة
ماتقولوا لا
تكفيهو من شر العيون
من شر حاسد كان حسد
والوجه في قلبي الحنين
من شفوتو لا وال لا ابتعد
وعيون بنظرات الحنان
كم زول شقا وكم زول تعب
قداما كم مرهف بكى
قداما كم فنان سجد
قولوا الصلاة
ماتقولوا لا
الليلة مالك يازمان
تحسدني في أجمل نِعم
ما كنتَّ عايش في امان
ماكنتَّ تغمرني السعادة
الصادقة لآمن يبتسم
وحلاتو وكتين يبتسم
أرحل أطير
أنسى الزمن
وأعيش على واحة عبير
تحملني أرجوحة نغم
حليلو قال ناوي السفر
من بعدو ماعارفين مصير
غير الدموع غير السهر
وعلشانو ما أحلّى السهر
وعشانو ما أحلّى الدموع
الصادقة لآمن تنهمر
مادموع رِجال
بتهد جبال
هدارة زي رعد المطر
ما حب عنيف لكن رقيق
في لطفو زي أنسام سحر
مين بعدو يحرق جبين
بنظرة والحب يستعر
مين يرضى بشاعر خجول
بقضي ليلو مع القمر
الحب عندو سفر خيال
في كون عيون وقت السحر
مين يرضى بإنسان بعيش
الدنيا من أجل الشعر
مين بيفهم الحب البيسري
مع الأنامل في خدر
مين يرضى بفنان بيعصر
قلبو لو الحب أمر
مين يرضى بعابد جمال
عايش وحيد بين البشر
مين يرضى بصياد حروف
مكتول جمال مصروع قدر
من بعدو مين يدي الحنان
يكفكف الدمع الطفر
يا حليلو يا حليلو
حليلو قال ناوي السفر
حزن النهار والليل بكى
دفّق دموعو عليك بحر
وا غربة القلب اللعاش
ياغالي نشوان بيك عُمر
وا ضيعة النغم اللذوّب
نفسو في ثغر الوتر
يغني علي الوجه الصباح
والليل على خصلة شعر
وا ريدي يا سيد القلوب
لضو شروقك للسحر
وا ريدتي يا أجمل صباح
وا ريدتي لليل للقمر
يا ويلي من لحظة وداع
أماني فيها تطير ذِكر
يا ويلي من عمراً أعيشو
براكا يا فاتن. ووين العمر
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
العزيزة / شازلية ( حورية )
بقيت اعشق هوى الدنيا
بقيت اسرح مع الاحلام
رسمتك في ضفاف النيل
عشقتك في صدى الامواج
حلمت معاك اكون انسان
اشوف الدهشه في الواقع
اشوف اللهفة في عينيك بتغمر طرفك النعسان
رسائل بحر
رسلت ليك موج البحر ما كلمك
مشتاق كثير رغم البعاد وسط الزحام بتذكرك
رسائل بحر
وتبقي الفكره ذكري فيها حنين
مانى هاجر لو اغيب انا من عيونك
انت في عيني حاضر
مانى ناسي ومانى قاسي
الا بس مشتاق وصابر
رسائل بحر
ما يكفي لو شوقي ليك امتد الي طول الدرب
وشرب من ريدك بحر
واشواقي ليك كبت مطر
واحساسي فات كل شئ
ما يكفي لو قلت فيك كل الكلام
ودوبت معانى الريد هيام
وتميت دروب الريد مشي
رسائل بحر
لو تهاجر
حوريه
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
أنا ظُلمت
وخانني زماني وما إبتسم
وكانت بسمة باهتة
سحابة صيف وعدت
ما أصلو كل مرة يشقيني الألم
( لكن هذه المرة
لمَّ ألآمو واستبدا )
وطاب له المقام
وشال الفرح ..
الحزن ينعق به
غراب هابيل
فوق راسي ازيز ( زحام مرور وصخب )
وفي صدري ضيق
في نفسي وروحي هم
وبين جوانحي غم
وبين كل الألآم ألم
والبحر خضم والشاطئ بعيد
الريح عاتية
وصرت في مهب الريح
ولحين ميسرة من الله لـــــو مدَّ الله في الأجل
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
مشئية اللة نافذة فينا
قدر الله لي أن ألتقي الشاعر الدسوقي خالد شقيق الشاعر عثمان خالد عليه رحمة الله
في دبي في معية صديق فنان بمعنى الكلمة ( المهندس الصادق أبوعشرة ) وكانت لنا جلسات
الصادق من أبناء نيالا أطربنا الصادق فيها بعزفه المميز على الأورغن والأكورديون والصفارة حينا
وهذا الصادق فهو فنان في كل شئ يحب الشعر والأدب .. خطيب مميز وكاتب ومحلل لا يقارع .. وحتى فن الريشة والرسم
له فيه باع طويل تتبعته في كل شئ وجدته فنان فنان وملحن بديع وعنده اكثر 15 عمل ملحنة .. وأنا والحمد الله
رغم اني لا أجيد غرض الشعر ولا هذا ولا ذاك من فنون وابداع . لكن الله وهبني أذن جيد لسماع الجميل حرفاً ولحنا
ووجدت في كل ما لحن الصادق أبوعشرة الجمال والجمال والجمال ... ألتقيت الدسوقي معه في منزله العامر دوام في مدينة دبي
وصار لنا شئ يمكن ان نسميه صالون الصادق للفنون فيه نناقش ونتحدث عن كل الفنون وحيناً تجذبنا السياسة ونعطيها
من الحق قدرا .. كنت أـحدث مع الدسوقي كثير عن الجمال في الحروف والشعر واعرض عليه بعض ما أحفظ من أشعار لشعراء
في بلادي ( كل شعراء الحقيبة والعهد الذي تلاهم .. ود الريح حسن ابوالعلا .. وشعراء الجمال .. محمد المهدي المجذوب - سيف الدين الدسوقي - مصطفى سند - الفيتوري - فضيلي جماع - محمد احمد موسى - النجيب - كجراي - لكاظم - الصادق الياس - حسين بازرعة - قصائد الطيب عبدالله - القدال - محجوب شريف - ازهري محمد علي - محمد الحسن حميد وغيرهم من فاتني ذكرهم ) حقيقة كنا نهتم في الكلمة والشعر ونطرق الباب وقد لا نعلم من هو قائها وجدت عنده الكثير من المعلومة الصحيحة عن الشعراء ومن قال هذه القصيدة ومن قال تلك .. وتحدثنا عن شقيقه عثمان خالد
نعم في منزل الصادق ألتقيت الدسوقي
الصادق الذي وهبه الله من الفنون جمال أجتمع فيه وحتى في الطبيخ يحسنه ويجيده .. وكان لابد لفنان مثل الصادق
أن يربح معية وصداقة رجل شفيف مرهف وشاعر مثل الدسوقي ..
الشاعر دسوقي خالد له ثلاثة دواوين مطبوعة
لحن من أعماله الصادق على ما اعتقد ثلاثة اعمال او اربعة
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
هي سلسلة طويلة من الإبداع والفن والتألق والجمال تحكي لناعن الفن والأبداع في منطقة كردفان ..
كردفان الغرة أم خيراً برا
الزعيم اسماعيل الازهرى ( رئيس ومحرر السودان)
1-الشاعر الكبير فضيلي جماع (دموع الغربه)
2-محمد عوض الكريم القرشي ( شاعر اغاني الشفيغ)
3-محمد المكي ابراهيم ( شاعر ديوان امتي) قصيده عصماء ) غناء وردى ( جيلي انا جيل العطاء المستميت ضراوة ومصادمة )
4-قاسم عثمان ( شعر غنائي)
5-حدباي ( شاعر غنائي)
6-عثمان خالد الي مسافرة
عبد العزيز العميرى
عبد القادر سالم
صديق عباس
ام بلينا السنوسي ( مع وردي في الملحمة)
عبد الرحمن عبد الله ( شقيق) بارا
ابراهيم موسي ابا
أميقو عازف
خالد الفحيل ( مسيقار)
الفاتح النور ( صاحب اول صحيفة صحيفة كردفان)
الحلاج ( ممثل)
عوض ابراهيم عوض ( مذيع)
بخيته الجبوري ( اول اعلاميه)
الدسوقي خالد ( شاعر )
وغيرهم كُثُر ونتمنى لو يلحقونا ودالقرشي والاستاذ فضيلي
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
وتبقى مصيبة
كان السنة إنعدمت بين الناس
وتبقى مصيبة لو القرش الأحمر
قسم الخلق أجناس اجناس
يــــأ زاهية
يازاهية قلبي الشلتي جيبي
يا لآهية عبثك بي لو سبتي
في عيونك الدلال ظاهر سكران
أما ثغرك بان لعينيى أجنان
وأناواقف في خيال طيفك هيمان
أشكي وأبكي للزمان منك حبي
يا زاهية يا زاهية
خطواتك وقعها الألحان
في تجاوب قلبي زاد خفقان
أنا خايف في الدُجى وحدي سهران
فيكي مكتول وخشى بعبد ربي
يا زاهية يا زاهية
في إبتسامتك السعير ألوان
وفي خدودك الويد نديان
ياظالمة في خيال طيفك هيمان
يا حالمة وعدك يروي صبي
يا زاهية يا زاهية
قلبي الشلتي جيبي
يا لآهية يا لآهية
عبثك بي لو سبتي
http://www.youtube.com/watch?v=BY4CfOPz6RM
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
رئا من البحر ( حورية ) ... شازلية
رسائل بحر
علّمّني هذا البحر
دروسا لا تُنسى
علمني أن الشمس
تُغازل كل صباح
وسناها يحلو إن أمسى
والنجم يزفّ الليل وظلمته
لن يغدو النجم له ألقٌ
إن عاش النجم بلا هدفٍ
بلا مبدا يحاصره
بلا مرسى
****
رسائل بحر
علمني هذا البحر فنونَ الصبر
فبين يديّ يفرّ البرُّ
ويغدو البحر بلا عنوان
****
رسائل بحر
علمني هذا البحر بأن
اليأسَ صديقٌ للأمواتْ
يموجُ البحر جبالا
تفزعُ راكبه
وإذا ما البحر تهادى
يشبه نيلا أو كفرات
علمني أن الأمة مهما تضعفُ تضعفُ
يوما تشمخ مثل السروٍ
في الطرقاتِ
وفي الغاباتْ
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
حورية ورسائل من البحر
رسائل بحر
علمني هذا البحر بأن البحرَ الهاديءَ
محضُ خيالْ
علمني أن البحر هو الإعصارْ
علمني أن المرء الصامتَ
في عينيه كلامْ
قد يحتل زجاجَ العين شرارْ
***
رسائل بحر
علمني هذا البحر بأن العمرَ قصيرٌ كالأمواجْ
علمني أن الإنسانَ
ومهما يكبرُ
يهجر مسرحَهُ يوماً
كالموجاتْ
تتدحرجُ
حتى يتلقفها بحرُ اجاجْ
****
رسائل بحر
علمني هذا البحر
بأن البحرَ
وبحر الشعرِ وبحرَ القهرِ
تكالُ جميعاَ بالميزان
لا يوجد طرْفٌ في الدنيا
يرتدّ بلا حسبان
رسائل بحر
علمنّي أنّ الإنسان
بقوته
بحكمته
بحنكته
قد يرسم
سرا
جهرا
فخرا
قهرا
طهرا
فجرا
قد يرسم لوحته
يطويها في صرح الكتمان
لكنّ اللهَ يراقبُ ما يطوي ويعلمه ُ
مهما كانَ المرءُ عظيما …
بعيون الناس واياً كانْ
***
رسائل بحر
علمني أن الأمس .. اليوم .. يمر ..
فيغرق في بحر النسيان
نذكر ذاك اليوم
ونرجو لو عاد
نصوّب ما قد ران بذاكرةٍ
لكنْ احداً
أبداً
لنْ يفلحَ
انْ يُرجعَ يوماً منْ ايامِ زمانْ
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
أمكن جيت في زماناً مازماني
وخاني العشم ...
وحليت في مكان وكان مكاني
إلا الشخوص ماناسي ضُم
والخير والنخوة بقى ممتهن
وزي ماقال ودبادي العكودابي
كل فضيلة في الأجداد
أبت ماتبقى في الأولاد
ومسكت في النعوش الطاهرة
وإندفنت مع الجثمان
وكل فضائل العابرين
معاهم راقدة في شبرين
وبقت أمجادنا
كانوا زمان وكانوا زمان
ليه يازمن وقفت
ماتواصل المشوار
بكل الجمال الكان
في أهلنا زمان
زمن الزمن زين
والناس حنان وحنينين
ومافي خداع وغش
والقلوب فوق بعض متلمين
زمان الضكرة والسمتة
وابشري والشبال
والعديل والزين
والناس كلهم زينين
وسقتنا يا زمان
لبلاد ما هلينا
وناسها جوهم شاحبة
زي بنيان
قالوا دا الزمان الأهم
ودا التقدم معاصرة
ونحادي الأمم
تبعنا خُطاهم وين
مادخلوا دخلنا
وقلنا إحم
كونك تكون متحرر
من قيود الفضيلة
وترفض شرع وعُرف
دا الأهم
تكون أنت إستايل
وسستم
تغير لونك وحديثك
ويصبح هاي
ولوووووول
وواااااااو
دا النضم
ودا التحضر والثقافة
حليل وسجم رحم أماتنا الحمل
تعاكس الناس
انت غير متحضر ومواكب الزمن
ليه دوام جارين ورى الزبد
ليه ما نبلس سماح
يزين سماحتنا وسماحنا
ونصلح حالنا مع أنفسنا
ونصلح قلوبنا
البقت غير الخداع ماليها هم
ويا الناسين ضميركم
وماخايفين عذابو
يوم الحق هناك
يوم واقفين في بابو
يوم يسألكم الله
يا الناسين حسابو
خالد محجوب 31/08 / 2012
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
بنت أم درمان والأبيض شازلية ( حورية البحر )
وما كلَّ القلم ولم يجف مداد الحبر وربنا يحفظها زخراً لنا وأن تجود علينا
كل يوم بنفح عبير شذي يروي ما بنا من أحزان عله يخفف
لك كل التقدير حورية البحر
تحياتي ومودتي
رسائل بحر
أذهلني هذا البحر
فإن الغدرَ كلونٍ البحر له ألوانْ
غدرٌ في أنياب القرشِ
وجوفِ الحوت
وفي القيعانْ
والغدرُ الأخطرُ يسبحُ في الإنسانْ
****
رسائل بحر
علمني هذا البحر
بأن الزهرَ القابعَ في البستان
له أسنانْ
لا يُعقلُ أحدٌ في الدنيا
ليسَ بذي شانْ
****
رسائل بحر
علمني أن الإنسان هو الإنسانْ
في شتى أطراف الأرض
تختال الشمسُ بسحنته
أو سار بعيدا خلفَ خطوط العرضْ
لكنّ الفرق الواحدَ
احسبه
ما كرّمه الخلاقُ وأكرمه
وبه يمتاز الإنسانُ عن الحيوان
لو شاء يعيشُ كما الانسانْ
****
رسائل بحر
علمني أن ركوبَ الصعب
له طعمٌ
وركوبَ البحر به أهوال
لكن ركونَ النفس
تؤمّ بريقَ السهل
هو الزلزالْ
****
رسائل بحر
علمني أن المظهر
خداعٌ ومريبْ
فالماء سرابٌ في البيداءْ
والمُتقنُ بسمتهُ سحراً
قد يخفي
آلاما وعناءْ
والغارقْ في بحر نفاقٍ ورياءْ
تعرفه من بعض ثناءْ
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
طراطيش حديث يجيش في النفس
نثرا
وقفت أتأمل وممعنا
ذاك البعيد النجم البعيد
وقد بدء لعيني دانيا
قَرُب من الأرض
بارقاً.. متلطف يهون ما بيا
وقد كان بين النجوم
لوجيني اللون زهيا
فاق الند بينه
حجماً وتوهجاً ونُديا
فسطع بين أترابه
يزيل ما بالنفوس عشية
كأنه عروسأ في حُلتها
طلت في زينة متأهبة
يوم زفافها
ولها كل الأيادي معانقة
تهاتفت عليها التهاني
النظرات متوقدة
أعجاب .. وغيرة من بعض ندها
وكلهما نظرات تحسب
رصيداً لها
هذا يومها وهي السيدة
يانجم أنت بعيد في الأفق
ونحن نراك تضئ متألقا
تروي النفوس بجمالك
وكم أنت كريما وعاليا
ولا تعرف للهجر سُبلا
تشرق متأنق باهي
لا تخلف الزمان والمكان موعدا
أشبهت الحبيب بك
في الحسن جمالاً وتوهجا
لكنه ضنين الوعد
وأنت لم تخلف موعدا
وأختار الطريق مفارقاً
وترك الحبيب للسهاد والردى
ويا حسن الشبه في الأُولى
وبا حزني في وجه الخلاف
وأنتَّ كنتَّ الأجملا
وهو ضنى وجفا
وكان الهجر منه مؤلما
يــــأ زاهـــة قلبي الشلتي جيبي
يــــا لآهيـــة عبثك بي لوسبتي
خالد في يوم
2/09 / 2012
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
وبعض من مبدعي منطقة كردفان الغرة أم خيراً برا
لك الشكر أختي شازلية وفي راوية أخرى ( حورية البحر )
سوسن علي تاور ( مزيعه)
فيصل احمد سعد ( مسرحي )
عبد العزيز دهب ( مسرحي)
يوسف القديل ( فنان ومسيقار )
امير عكاشه ( راوى وناقد)
الحلاج ( استاذ مسرحي )
عيون كديس ( فنان تشكيلي)
ملكة الدار محمد عبد الله (مولفه ) كتاب( الفراغ العريض )
زغاء الطاهر ( مولف وشاعر)
عمر الحاج موسي ( ناقد سياسي)
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
من حورية البحر الجميلة
شازلية بت كردفان الغرة أم خيراً جوة وبرة
رسائل بحر
يوم مولد حبنا أبحرت بسفينتي
عبر شاطئك
لنبدأ رحله الحب والعمر معاً
فقد أبحرت علَُّ مرسى سفينتي يكون علي شاطئ السعاده
تلاطمت امواج .........
وليت أشرع سفينتي تحمل عتاوة الأمواج والريح والمطر
وكانت الأماني أن تكون انت القبطان وانا الحوريه التي وجدتها في بحر العشاق
فقد كنت أنت يا حبيبي أجمل من سمعت أذناي. هذا الصوت الحنون يدندن ومعي للأبد
ولكن عيني قد أشتكت من عدم رؤيه هاتين العينين الساحرتين
فأبت الامواج إلا ان تحطم سفينتي وكان القدر ولا مفر من القدر
هزمت الامواج القبطان !!!!!!!!!!!!
| |
|
|
|
|
|
|
|
|
|
Re: تباريح الهوى .. إستراحة محارب .. منجمين في إنجمامتنا (Re: خالد علي محجوب المنسي)
|
إلى حورية البحر
عبرك يا حورية أبث لساكني البحر شكواي
أحكي عني يا حورية لموج البحر في رحلتك عبر البحار والمحيطات
وقلي له أن القلب أضنحل وفي حالة خفقان علو وهبوط ... يحاكي
مسيرك .. وتهيج به كل نسمة من طرف الحبيب فيزيد في الخفقان دقات
الشوق ... الشوق يؤلمني
البعد .. البعد أضنى قواي
والمحنة أكلت من طاقاتي الكثير
وفي الشوق تتجدد أشواقي حنين لمن ضنو بالوعد
لاتنسي الوصية يا حورية
وأبلغي كل موجة في علوها أو هبوطها لتعلو من جديد
سلامي
وحملتك رسالة يا ساعي البريد
للسافر وطوّل في البلد البعيد
وما اقسى السفر لما يكون دون عودة
تحياتي ومودتي حورية البحر
| |
|
|
|
|
|
|
| |
خالد علي محجوب المنسي
فيصل محمد خليل
فيس بوك
تويتر
انستقرام
يوتيوب
بنتيريست