تيسير كيفنك وحمدالله علي السلامة وكل سنة وأنت والأسرة الكريمة بخير
ضغطة وبتروح كلنا نمر بها عدا شيقوق يدلك في ممرات سوق الأوراق المالية بمسقط .. يشرب في الكابتشينو ويعاكس الناس ما مخلي حتى الهنود ( ما بسلموا من لسانه )
تحياتي تيسير
12-23-2008, 03:32 PM
salma subhi
salma subhi
تاريخ التسجيل: 06-29-2006
مجموع المشاركات: 4817
إحزم حروفك واركب لجـة الشجـن...من أول الوجـد حـتى آخـر الحزن حتى مداك وحتى تستحـيل إلـــى...لا شـئ غير صـدى ينأى عن الأذن فلتقـشـعـر إذا واتاك نامـسـه...لا خير في الشعر إن لم يسر في البدن هـذا قصـيدك و المقصود رقته...... بيت القصـيد وباب المقصـد الحسـن
وهذه قصة أعجبتني وأتمنى أن تنال إعجابكم....
يحكى أنه كان لأحد الملوك وزيرا حكيما وكان الملك يقربه منه ويصطحبه معه في كل مكان يذهب إليه ، وكان كلما أصاب الملك ما يكدره قال له الوزير "لعله خيراً" فيهدأ الملك. وفي إحدى المرات قُطع إصبع الملك فقال الوزير "لعله خيراً" فغضب الملك غضباً شديداً وقال ما الخير في ذلك؟! فأمر بحبس الوزير ، فقال الوزير الحكيم "لعله خيراً"، ومكث الوزير فترة طويلة في السجن. وفي يوم من الأيام خرج الملك للصيد وابتعد عن الحراس ليتعقب فريسته، حتى وصل إلى قوم يعبدون صنما من دون الله ، فقبضوا عليه ليقدموه قرباناً لذلك الصنم ، ولكنهم بعد أن اكتشفوا أن قربانهم إصبعه مقطوع تركوه, فانطلق الملك فرحاً بعد أن أنقذه الله من الذبح تحت قدم تمثال لا ينفع ولا يضر بسبب إصبعه المقطوع ! وأول ما أمر به فور وصوله القصر أن أمر الحراس أن يأتوا بوزيره من السجن واعتذر له عما صنعه معه وقال أنه أدرك الآن الخير في قطع إصبعه، وحمد الله تعالى على ذلك ، ولكنه ما زال متشككا ، عندما أمرت بسجنك قلت "لعله خيراً" فما الخير في ذلك؟ فأجابه الوزير، أنه لو لم يسجنه لصَاحَبه في الصيد أي أنه كان سيُقدم قرباناً بدلاً من الملك.
تقديري للجميع...
(عدل بواسطة salma subhi on 12-23-2008, 03:39 PM) (عدل بواسطة salma subhi on 12-23-2008, 04:44 PM)
12-23-2008, 05:03 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
انجماماب اجمع كلو تمام يا فندم كومبيتر ما شغال خاشين من كومبيتر فى تكساس فى تكساس الضرب رصاص يا الوابور جاز ما شفنا زول شايل مسدس لغاية الان ياخ تكساس حارة بشكل رغم انه الشتاء لكن البرد هنا ببح ماكو برد تكساس عالم مصغر للعالم كل اجناس الدنيا تعيش هنا من كل صوب وحدب جاءوا لكن اغليهم من امريكا اللاتينية حتبقى تينية متين ؟ الله اعلم قمت دخلت النت لقيت خالد اون لاين خالد يا منسى ازيك وازى الناس المعاك ؟ ياجماعة مشتاقين ليكم لكن الله يهون علينا بكومبيتر حقنا دما ولحما ولغاية ما نتلاقى هدية ليكم اتمنى ان تعجبكم
البيبسى اب حديدة كان والدى عليه الرحمة يشتغل فى السكة الحديد ، تنقل بين محطاتها ومدنها التى يعبرها شريط السكة الحديد من اقصى الشمال الى ابعد حدود الغرب والجنوب والشرق ومثلما تعلق بالقطار ، بتنا مثله ،عشقناه جميعا كاشقاء يجمعنا ذلك الحب ،فما من واحد من اشقائى وشقيقاتى الا وله قصص تطول حول القطار وذكريات السفر ينتقلون من خشم القربة الى القضارف ، الى نيالا ، الى الابيض وقبل ذلك عطبرة حيث كان مولدى لكنى لم اعش فيها سوى بضعة اشهر ، انتقلت منها الى امدرمان النقلة الاخرى كانت لمدينة الابيض حيث تكونت الذكريات والاصدقاء والذاكرة الذاكرة تلكم التى لاتنى تفيض بتلك الايام حبا وحبا فى العيد غالبا ما كان والدى عليه رضوان الله ورحمته يجلب لنا ضمن ما يجلب (افندية السكة الحديد) المشروبات من هيئة المرطبات التابعة للسكة الحديد حينها المهم ان احد مميزات تلك الزجاجات كنا نسميها (ام كرش ) فهى طويلة العنق ومتضخمة فى اسفلها وغالبا ما كانت تحوى الجنجبيرة والليمونادة البيبسى لم يدخل الى ثقافتنا حتى ذلك الحين (منتصف السبعينات ) لكن امى عليها كل الرحمة كانت لا يهمها ان كان هناك بيبسى او ليمونادة ، معنية كانت بعصير مصنوع من المواد المحلية (الكركدى ، التبلدى ـ القنقليز ، او ما يعرف لدى اهل كردفان بالحمر ، بضم الحاء ، او القضيم ) تغلى المواد هذه وتضيف اليها السكر (المعقود ) وتحفظها فى (برطمانات ) كبيرة فى الثلاجة ، فاذا ما حل ضيف تامرنا ان (نحل ) بعضا من عصائرها ونقدمها هنئيا مريئا لكن بعض النساء اللاتى كنا نسميهن (مفلهمات ) لايشربن عصير امى واحيانا حتى البيبسى حين بات ضيفا علينا ، وهو ما كان يسميه شقيقى معاوية ( البيستى كولا ) وهو اسم ظل محببا لدى كل واحد منا ، نطلقه لغاية الان ، مشروب كنا حين نشربه نحس تنميلا لذيذا لحظة ان نتجشا نملا يمشى الى صدغيك وحلقك صديقنا قاسم نصر رد الله غربته كان من عاشقى البيبسى كولا وما اسماه (ملازمات البيبسى كولا ) حيث يرى انها احد مقومات الحياة الرغدة ، ان تعيش فى العالم الاول حيث البيبسى كولا والاثارة والصخب ، لذلك يعيش الان فى السويد رساما للكاريكاتير بعدان هجر الموسيقى وقاسم نصر حكاية طويلة ، بدا حياته عاملا ك(سجان ) فى سجن القضارف ، حكى لنا انه فى تلك الايام حين كان يعمل سجانا يجئ صحبة المساجين الى سجن امدرمان ، لكنه بمجرد تسليم (عهدته) يروح مؤملا الى مقعده الاثير امام بيت البلابل فى امدرمان ، يجلس الساعات الطوال عسى ان يلمح واحدة من البلابل ليعود مبشرا اهل مدينته بذلك الكشف التاريخى ، ينسج الاساطير حول ملاقاته تلك ويظل فى غبطة حتى عودته مرة اخرى والجميع مصدق انه اكثرهم حظا لانه (شاف البلابل ) لكنه سرعان ماتخلى عن تلك الوظيفة ودخل الى معهد الموسيقى والمسرح ،ودرس البيانو ،كان له صوت جميل ، ويعشق احمدعمر الرباطابى، وخاصة (فى امدر) فى المعهد بدات واحدة من هواجس ابداعه الفالت تتراءى ، فكان ان سافر ايامها الى تونس حيث المقر لجامعة الدول العربية لكتابة النوتة الموسيقية للسلامات الجمهورية والملكية للدول العربية ، لكن مشروعه حالفه الفشل ، ومن ثم عاد الى السودان ، ليجد انه تم فصله من المعهد بسبب الغياب، لكنه رضى بما صار من امره وكتب السلام الجمهورى للسودان فى كتيب صممه الفنان لاعب الجيتار صلاح خليل ، مع ذلك ظل وفيا للمعهد لم يغادره قط ، ظل احد طلابه المواظبين على الحضور حتى كان ان دخل فى تحد مع نفسه ليدرس الرسم والخط كل ذلك ليؤهله ليغدو رساما للكاريكاتير فى احد اهم الصحف السويدية (سرحت ) عذرا لكن الحديث ذو شجون ، والبيبسى له شجون ايضا حدثتنا صديقتنا وزميلتنا سامية عبد الله او من كنا نسميها (بت العرب ) انهم فى (حلتهم ) فى الجزيرة كانوا ان حل عليهم ضيف (مهم ) فتكريمه لا يتم الا (بقزازة بيبسى ) من دكان الحلة لكن البيبسى بطبيعة الحال لم يكن موضوعا الا فى الارفف ، قالت حين نمشى للدكان سائلين (سيد الدكان قزازة بيبسى ) فاول سؤال يتبادر قوله بعد ان ينظف الزجاجة من تراب علق بها ـ العيان منو ؟المقبوض لكم منو ؟ نعل مافى عوجة ؟ وكانى به صيدلى يتيح الدواء لطالبه اما جدى عليه الرحمة فكان ان (ابى احدنا الاكل بدعوى المرض ) تجده يقول ـ مسكين ابى الاكل عيان تب جيبو ليهو بيبسى بنصح اما حكاية (البيبسى اب حديدة ) فهى تعود الى زميلنا صلاح شعيب وزميلنا رمزى كنا فى احد نهارات الجريدة (الخرطوم ) تغدينا غداءا اليفا وحميما رغم انه (فاتنى ) قلت لهم ـ الناس الما اتغدو معاكم محتاين لحاجة باردة كنت قد تغديت بطحنية وجبنة ، والغداء كان على شرف الزميل صلاح شعيب ، حيث قامت الزميلة وجدان بتقطيع سلطةاشهدونى انها (كاربة )وفاتتنى بادر لحظتها رمزى بالتصدى لطلبى فجاء بزجاجات المشروبات ، كنت الوحيدة التى طلبت (بيستى كولا) ، لكنه فاجانى (بعلبة) من البيبسى كولا مادا الي بها قائلا ـ جبنا ليك البيبسى اب حديدة ، لانه سيد الدكان ما عنده (قزاز) اها البيبسى اب حديدة كيف ؟
عن جريدة اجراس الحرية
01-18-2009, 06:01 PM
سلمى الشيخ سلامة
سلمى الشيخ سلامة
تاريخ التسجيل: 12-14-2003
مجموع المشاركات: 10754
الصف الاول بابكر بدرى ،خالد ابو الروس ،مكى سنادة ، عبد الوهاب الجعفرى محمد شريف محمد على ،هاشم صديق الصف الثانى محمد رضا حسين ،الفاضل سعيد،مجهول بالنسبة لى، ابراهيم حجازى ، محمد احمد عوض الصف الثالث الطيب صالح، مجهول بالنسبة لى ،ابراهيم الصلحى ، ابراهيم افريكانو شرحبيل احمد الصف الرابع اسيا ام ايهاب،نمرة اتنين مجهول،فايزة موسى ،عائشة الفلاتية ، بلقيس عوض والله اعلم
12-27-2008, 11:33 AM
أبوبكر أبوالقاسم
أبوبكر أبوالقاسم
تاريخ التسجيل: 11-27-2007
مجموع المشاركات: 2805
الأخت سلمى بت الشيخ سلامة التحية طيبة لك وأنت تستمتعين بدفئ تكساس بعد برد الحجاج الذي أرعش يديك ( لما وديتي الهناي في ستين هناي ) تاني أشربي الحليب من يجيبو ليك بتاع الحليب في الباب وأدي الفاضي
ليتك تطرينا كل مرة بهذا الجمال من حروفك البديعة تجمل إنجمامتنا تحت الشديرات
تحياتي ومودتي
01-06-2009, 07:41 AM
Tabaldina
Tabaldina
تاريخ التسجيل: 02-12-2002
مجموع المشاركات: 11844
الفاضلة سلمى الشيخ حمدالله علي السلامة أسيا ربيع اليوم عندها في البيت جلسة استماع نغم وشعر يشرفها الشاعر الشفيف محمد طه القدال والشاعر والمسرحي هاشم صديق والفنانة بت البيت حنان إبراهيم والفنان علي السقيد والفنان الطيب مدثر واحتمال الفنان سيف الجامعة
------------------------- تيسير المبارك اظهري وحمامة الدكتور حسن مختفية ( نحن بي عذرنا أنت مالك )
طبعاً بت الحسن ودطلحة ظهرت في أحتفالات عيد الاستغلال وقابضة المايكرفون وسط جمع كبير ( وتقلت كراعا علي إنجمامتنا ) يا ودشقوق مريت اليوم علي محل وليداتك جنب نادي الخرجين زي الساعة 9 صباحاً ( ضاربين النوم ) المحل مقفل
أبوالقاسم وينو ؟ قابلت الطيبين محي الدين وقمر بوبا وعمر صديق وعماد عبدالله وتبلديكم سماح ماشاء الله عليها تب ماقصرت كل يوم بلنتقي وعملت لي اكثر من برنامج
تحياتي للكل
01-10-2009, 08:53 AM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
من يوميات مهندسة مساحة ( كان إقتراح ) المهندسة رندا صباح يوم السبت ( اليوم ) قام محجوب اخي من الصباح زي قلعة الشيطان سألته يازول ماشي وين :؟ قال : شنو ماشي وين الليلة شغل فكرت أقعد أنتظره في البيت ؟ ولا أمشي معا لو قعدت في البيت أسامة ونور بطيرو شواطين رأسي بي أسألتهم والهبيش قلت يا أخوك أخير أمرق .. أسوي شنو ماعارف أمشي وين ماعارف حط بنا الرحال في كلية التربية أم درمان حيث موقع عملهم بناء مجمع سكني للطلاب ( محجوب هو المهندس المشرف علي تنفيذ المشروع )
جلسنا في مكتب المهندسين ( وهو عبارة عن غرفة مصممة في حاوية كونتينر ) وأنا أرتشق قهوة الحاجة فاطمة لفت إنتباهي ضحكات المهندسة رندا ) كانت تسترق السمع لحديث العمال في الخارج قبل بدء العمل ... وكانت التيمّا فضل صلاة الجماعة وتبحر في شرحها عبدالقادر مبين فضلها بأسلوب بسيط وواضح مستند لأحاديث نبوية بلهجته البسيطة ........ أقترحت على المهندسة قائلا يا أختي انت عندك مادة جاهزة يومياً ممكن تكتبي لنا في إنجمامتنا كل يوم موضوع تفشي به مغص من كوتهم نار الغربة والبعاد أجابت بالموافقة وليتها تفعل ...
يا شيقااااااااا...سلامات انا ما اتواريت ولكنى شبعان بعد ان سعدت بالحديث مع المايسترو ود المنسى والذى لمست فى نبضات حديثة كل معانى الوداعة والطيبة والحنية وقد شميت من خلال تلك المحادثة ريحة الجريف واللوبية وعطرابت ( القنقر) بس اختشيت اسألو السعال الفى بالك؟؟؟؟؟؟؟؟؟؟؟؟؟؟ وعلى حال اى حال هاك التصبيرة دى
الحاج كمــال
01-11-2009, 11:48 AM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
Quote: الأستاذة سلمى الشيخ سلامة قامت بحراسة الإنجمامة والذود عنها فى غيابكم.
ابوبكر الحبيب تحياتى الانجمامة بقت لينا بيت واهل شفت كيف؟ شفت كيف مش؟ ومعليش لو كنت عنيفة فى ردة فعلى لكن بالجد ما بحب العنف اللفظى مهما كان مصدره لانها للكلمة الطيبة قبل الندامة
01-12-2009, 11:43 AM
أبوبكر أبوالقاسم
أبوبكر أبوالقاسم
تاريخ التسجيل: 11-27-2007
مجموع المشاركات: 2805
Quote: الاستاذة سلمى الشيخ سلامة قامت بحراسة الإنجمامة والذود عنها فى غيابكم.
مابتصر الرائعة الحنينة بختك أسيا بكرة سبعة صباحاً بتكون فوق بيتها إن جمع اللابتوب ... واحذري الحليب ( الزبادي ممكن يتقشّا بي قطعة كان إندفق )
Quote: بالمناسبة .... إلى متى ستمتد زيارتكم وحبذا لو تعطينا فرقة فى شهر فبراير ؟
العطلة لحدي نهاية يانير وممكن نجر عشرة أيام فقط في فبراير أنت يا زول عندك نية جية بس قول بنقوم بي الواجب ولو المصير رفد
Quote: اتلومت ومشيت عريان طااااب
طيب كدى اهمس ليهو في اضانو وجيب لي المنو الله يخليك
إجيبوك لي الضبح يا مقطوع الطاري
Quote: ابوبكر الحبيب تحياتى الانجمامة بقت لينا بيت واهل شفت كيف؟ شفت كيف مش؟ ومعليش لو كنت عنيفة فى ردة فعلى لكن بالجد ما بحب العنف اللفظى مهما كان مصدره لانها للكلمة الطيبة قبل الندامة
الحنينة الطيبة ياهو مهواك وديدنك يا كريمة
Quote: شيقا : إياك أعنى.
سلامات محى الدين والمنسى
أبو القاسم حبابك والله عندنا جلسات تسر الروح وتبهجها الله يخلي سماح ومحي الدين
Quote: أغشاها يالمنسى ولا تغشاها إنت ؟
Quote: أنا بغشاها لكن زي ماقالت قبيل سموحة أن المكان اصبح معروف لنا إنو فقط بقية الأيام
هي بتجي بسيارتها براها
Quote: والة ياخوى(9000) بعد الون تو بتاعت محيو وود المنسى حقو تأجر ليك طائرة استطلاع وتستعين بالقوقل ايرث واذا عدمت الحيلة عليك بصلاح قوش
والله بعد دا لو جاب اكامبو ما يعرف لينا درب ( تمكنّــــــــــــــــــــا )
عزيزنا الاخ ود ابو القاسم...سلامات وليك وحشة واللة بما انك قررت تدخل فى برنامج كيف تكسب المليون وبما انك مسافر للسودان بالبر ..عليك اللة خت الشريط دة فى الكست حتى يخفف عنك وعثاء السفر بس اعمل حسابك من جهاز المغتربين المرة دى لك مودتى وترجع بالسلامة
اخوك كمــال
يا الحرموني منك أنا يا حبيب قلبي سائل دوام عنك
يا الحرموني شوفتك ... أنا في قلبي صورتك كل ما جابوا سيرتك تزداد بي شجوني .. ويجفو النوم عيوني ويزحم قلبي حبك
يا المنعوك زيارتي هم شاعرين بحالتي وجاهلين مكانتي لكن التقاليد حجبت عني شخصك
منعونا التلاقي لكن رغم ذلك ظل هوانا باقي أسأل طيف خيالك عن فرط اشتياقي وأسأل نور جمالك عن نار احتراقي طبعا يا ملاكي لو يرضيك هلاكي أنا لا أعصى أمرك
منعوك و حيروني أبوا ليك يذكروني ليه يا حبيب أراهم زايدين في جفاهم من شدة قساهم مانعين التفاهم برضي أقول ... عساهم يسمحوا لي بوصلك
01-14-2009, 08:37 PM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: منعونا التلاقي لكن رغم ذلك ظل هوانا باقي أسأل طيف خيالك عن فرط اشتياقي وأسأل نور جمالك عن نار احتراقي طبعا يا ملاكي لو يرضيك هلاكي أنا لا أعصى أمرك
تسلم ياعم كمال دا الكلام التمام
01-15-2009, 07:41 AM
خالد علي محجوب المنسي
خالد علي محجوب المنسي
تاريخ التسجيل: 04-10-2006
مجموع المشاركات: 15968
الشكر موصول لعضو الإنجمامة الكلس عمر ود صديق قد رتب لنا لقاء مع الشاعر الكبير البلولة وكان الحضور إنجماماب رغم أنه قدم الدعوة للكثير من اعضاء البورد وخارجه حضرت الأخت الكريمة الفاضلة تيسير المبارك وصديقتها الرطانية فاطمة الشاعر البلولة وابدع بمسادره المدخور ( وكنا سعداء أن أكرمنا بسماعه ) الأخ الجميل محي الدين جبريل وصاحب الدعوة الكريم عمر ودصديق وكنا نمني النفس كل الإنجماماب حضور وعلى رأسهم بت الحسن ودطلحة
ووعدنا البلولة بجلسة قادمة في بيت ضو القبائل ودجبريل محي الدين
وكان الخير واجد لحمة مشوية سلات شبعنا من اللحم ولم نشبع من حديث البلولة الذي يسري كمسرى الدم في العروق
عزيزنا المايسترو ود المنسى...سلامات ومتابعين البرامج الاحتفائية الرائعة وبالجد كنا نمنى النفس بالمشاركة وياريت تلمنا الايام كلنا سوا بين الاهل والحبان واسمح لى بالمساهمة فى الاحتفاء بان اهدى لك اغنية (خال فاطنة) مع التحية
عمك كمــال شيقااااااااا لقيتنى كيف؟؟
01-18-2009, 08:36 PM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة