|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
قام ود النعيسان قال للمكة:
الوصلت كفاي يامكة ماها قليله خليني النمش هسي وقفتي مليله بدور السفر في ظني أبقى الليله الجمرة إنطفت في آيدي تاني أشيله
بدور بنيتاً مأمونة توصل لي
قامت مكة دار جعل كوركت لخادمها :
تعالي يا ليمونة وصلي ودالنعيسان
قام ودالنعيسان قال ليها :
شن سموها دي ليمونة ولا أمونه تفتحو في الشرور وإن قلنا شي تلومونا
قامت شما قالت لي :
شن داير بها دي ماتشيل توصل ليك
قام ودالنعيسان قال ليها:
توصل لي بنية المكة هيل دليك ( يعني البدلك الملكة )
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
قام ودالنعيسان قال ليها:
مقبولة الهدية الكل شي جامعاهو فيها غِناي وفيها البغني والبسعاهو طبقي ملان دهب هادي بتي ماشه معاهو يجزيك الكريم بالخير حِماك يرعاهو يا ليمونة شيلي نمشي لي قدامنا خيرك عمى يامكة دايرين نحن نقضي كلامنا ودعناك الله نومي عاد مطامنه تصحي وتلقي كل شي تمّه ودارك آمنه
قامت شما قالت :
في وداعة الله قدامو وراهو عديله مايصادف شرور من ديكا أو من ديلا سآله المولى الأحزان سريع تبديلّه الهنا والسرور والدار يَقِيد قنديلّه
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
أها قام ودالنعيسان ركب فرسو وختر ماشي لي شيخ العرب مُحمد وددكين أبوشما شيخ وعقيد الشكرية وأخو حمد وددكين الكتلو طه ونسيب المك نمر ( في البطانة ارض الشكرية ) أها حين وصل دقش قاصد دارو ووجدوا قاعد .. وكان وصول ودالنعيسان قبُل وكت المغيب
قام ود النعيسان قال لشيخ العرب : سلام شيخ العرب تلب التقيل الازّم تمر الطاحنات راس القبيلة الحازّم خريف المآهلا اب رعداً بيهدر رازّم سلامّي عليك قليل موهو قدر اللازّم
كنت أقول كتير ألا الكلام قاساني صعيب وقع المصيبه عقد عليا لساني يمين موت حمد في قلبي نار مساني أظن شيخ العرب طال الزمان ونساني
قام شيخ العرب قال لي :
أظن ودالنعيسان أدني جاي لي قارب فيا الشوف ضعف والدنيا باقي مغارب كتير الموت حمد باقي يلو دُبرة غارب فارقتّك سغير كُت لا دقن لا شارب
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: yasiko)
|
بسم الله الرحمن الرحيم سلام ياهلنا... ونواصل مع ود بادي ونهاية انا اخو البت اللكعت ...........................
ياالسواقي النايحة زيك زي حنان اماتنا في حرقة حنينك يا بنية طرية طامرة كنوزا بي طرف الطريحة يانسيمة رشة باردة تجيني ساعة اشيلك موية الصفيحة يامليحة يا العقيد النام موسد راسه حبات السبيحة يا صباح الرحمة ياالروح البتلفى حوارها تمرق من ضريحها ياحزيمات القمح منشرة في زمن الحصاد قبل السراديب يارياح الشتوي هابة على مساجين المشال بالفرحة والفرج القريب يانزيل قمر التمام الحشو في شيلتو السناجك والارابيب يا ولد نقرات تقيك الفي الحصاد عاقباها بعد المسرة نقرات الدليب . ........................... تحياتي... حاتم هاشم.
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
قام ودالنعيسان قال لي
ما بِغباك كرم المك وليك معلوم مو خاتي ابو عمارة وحشاهّو من اللوم الخرب الكلام الشايب اب ضقلوم وان عدناهّو هسي المك يكون مظلوم
الشي الحصل أحكي ليك ممهول ما بنسى الكلام إن كان قرب وان طوّل أسا أقصّو ليك من الآخر للأول حكمّك نقبل بو وأحكم براك إتأول
السواها طه بقت وحصل الحاصل ماهو كفؤو لكن القدر واصل عرف البينا الجنى والنسب متواصل إتحوانّا خاف سوانّا حداً فاصل
البيكم عارفه وكل البلد فاجاهّو قصد المك عديل دون القبائل جاهّو تبقى السمعّه كيف كان أملّو خاب في رجاهّو بتقبل لي نسيبك شين كان ماحجاهّو فَكر في الأمُر وشاهدو اليمين عضداهّو الحاصل حصل والمولى قاضي قُضاهّو عَدا رقبتّو مِتلك والعفو مضاهّو شينتّك ما بدورّه وشينتو ماترضاهّا
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
المك ما راعا البيناتنا فينا أتفسّل حالف طه قال غير سيفو مابتوسل حت للمعزا زولكّن لا وصل لا رسل
قام ودالنعيسان قال لي :
برسل ركب خِيرة البلد ووجوها في داب الشديد باقي يلو ناس ويجوهّا بدالن حديث باقي الكلام مارجوهّو هاجّو وإتفلتّو غايتو البلد فجوهّو إتهمو المك قبُل كل نسبوهّو وهاجّو وفاخروا وبي دم حمد طلبوهّو الزين دارّو جاهّو إلا هم رفضوهّو قالوا القالو شين لاكو الكلام خربوهّو
ما حسبو لو حِسبة وجهلو لي مِقدارو المتل المك إهدّو عريبي في دارو قالوا الشين عديل متعودين ما داروا
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
ود النعيسان
هاجّو إتفلتّو والشر براهم دارو
وفي عم دار جعل ماخلو بطنن بارده عقدو الالم عقدتين صعبة مي مجارده خلو المك زعل وحالف إعقر الوارده خلي الناقة ما بتشرب عنيزتن شارده ناسك عكرّو صافي الموده الناقعه بشبكن سيوفكم بكرة تقع الواقعه بجيكم منشتح شمش النهار الفاقعه وأولادك بلاقو الزي سيوف الصاقعه ( يقصد بي اولادك .. أولاد المك نمر عمر عمارة وخالد وأحمد .. كانو فرسان القبيلة)
من بعد الفقر عقبن تفدى التلوب هنا بتساوي الغالب مع المغلوب مابموت الخبر لي جنى الجنى مقلوب ماتعقرّو الكرم هيلكم بقرتو حلوب ياتلب الحِمول أنتَ الكُرب فراجّه مدخور للقواسي والعاطله ياك دراجه الحجة ام عقد رايك بضوي سِراجه كيفن ترضى فينا وتشمت الفراجّه
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
Quote: أبو أحمد سلام ياود عزاز الناس خالد تاج فخار ومكانو فوق الراس للشينة ومريبة حاشا ما كباس بمرق فى المحاصة الدقوا فيها نحاس
عقبت على المسادير وعجبنى كلامك قلت أجى أسلم عليكم . |
وأنا أبو الحسين...
أقول ليك يا بت الخلفاء أصلاً كلامك دا ماب يقع واطة... فالرجل كما قلتي وفوقو مني حرباشة زيادي...
لك وله وللغالي أبو هاشم كميات مودتي...
ودي سلامات ماها مشاركة... لامِن أمشي أنفض جرابي أشوف ليكم شيتاً يليق بي مقامكم العالي دا من شيخنا د. محمد بادي...
أبو الحســـــــــين...
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
ود النعيسان لشيخ العرب محمد وددكين
كرمك بعرفو الغير قبُل جيرانك والمعروف فيك رجالة ورأي تقيل ميزانك عُرضيو وحيد مابنعبر ميدانك تقدل للفضل لو تمشي فوق مصرانك
ماجابني خوف ومابخاف سيوف ومدافع وماجابني الرغم جيت لي قبيلتي أدافع جيتك وأملي في كرمك هو كان الدافع وان وقع القدر كُتر الحذر مو نافع
بقيت داب الرجوع أديني آخر فكرك في إيدك بِقت إن صافي وان كان عِكره أصلو الحي بموت من بعدو تتلى الذكره كعبة النقيصه سمح الزول إخُت الشكره
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
قام شيح العرب قال لي :
كان القتّو صُح الحق معاك فوق آيدك وكرمنا تشوفو أنتَ وفي الظنيتو نزيدك عندنا ليك سؤال من بعدو نحن نفيدك المك رسلك ولا جيت براك وحِيدك
قام ودالنعيسان قال لي :
المك ود عمي أنا لا غفير لا حاجب ومهما تعلى العين مابتفوت الحاجب الشي الحصل لزول يمين مو عاجب مارسلني ليك براي عملته الواجب
وكتين تصفى انتَ ارجعّلو حامد وشاكر بتسر البقت ويصفو بحر العاكر أصلو المك قديم لي فضلكم مو ناكر بجيك طالب العفو مرسالّو بصلك باكر
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
قام شيخ العرب محمد وددكين قل لي :
غير شورة البلد مابنشري شي لا بعنا الراي هو البتممنا شينه كان ماتبعنا الزول قال كلامّو سمعتوا زي ماسمعنا حقيقة دم حمد في الدنيا هاد جمعنّا
أها في واحد من الشكرية شاف انو شيخ العرب في كلامو ماشي علي الصلح والكلام دا ما ارضاهو قام قال ليهم :
الزول مابفوت من نفسو أتقدر لو دم ودكين بشوفك هادر لو المثل القديم مالّك تقول ودر لو قالوا الأضينة أكفتّو وإتعضر لو مابترجع قبيلتك دمها مطالبّابو صلحاً فوق حمد بالمرة قافلين بابو طه بنقصد وعارفين براو أسبابو وأن عارضنا زول مرحب حبابو حبابو المك كان مابطر شن دخلّو في الرفقة تغية ورجلّه خيول علي الفسل منسبقه إن جانا بنكتلّو التبقى بعدو التبقى إن شاء الله السما تجي فوق الأرض مِنطبقّه
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
برضو في واحد شكري تاني كلام اخيو دا ماعجبو قام قال :
الراجل الصميم دون الرجال إختار ساعة الحجة بقطع رأيو زي بتار ظانينّكم قبيل في الحارة تعرفو خيار المك إن طلبو غيركم أنتو تطلبولو التار
انتو أولاد قبيلة أوعو النقص أوعوهو التلب الما بشيل فوق الدبر ماتسعوّهو شيطان الغضب عارضو ماتابعوّهو بيناتّكم نسب حق الكرم راعوّهو
شن راسو وقعرو طه الفيهو الخلوق منشبكّه عتوداً حد جلدو قُبالة ما محبوكّه ياشيخ العرب وحات ابوي وابوّكا ان دبغوّهو لا يصير طار لا دربوكّه
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم سلام ياهلنا... اهديكم عيوشه
عيوشـة ........... محمد الحسن سالم حميد ............................. منبوشة .. منبوشة نبشوها قبالك بت حالا زي حالك ذي كلمة مربوشه عودها إنبعت حرقان زي شتلة معطوشة عينيها رماشة أم لمبة فتاشة من طاقة جاتا الريح كتر البكا التجريح خلاها دعموشة تلوشة ولا ضفاف خيم عليها جفاف زي صرخة الغرقان فوق موجة بين فيضان شعراتا منفوشة وشفع مبارياها عيوشة .. عيوشة الليل هديماتا وشمش الله برطوشة تشرب من الشارع وتاكل من الكوشة عيوشة .. عيوشة .................... ونواصل تحياتي... حاتم هاشم.
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
اها في واحد شكري تاني كان قاعد في الجمعّة قام قال
قدُر ماسكتْ موجُوع والسكات مابقالّي ياشيخ العرب هاكا النصيحة أصغالّي الدم عندي نعفّا ان سمعتّه مقالي بي طه الرخيص نشتري المك غالي
قام شيخ العرب قال :
ان وقع القدر ما بنعركّن إيدينا كم حلينا عقدّه وبي الوعد وفينا الشورة البقت ماتظن وراها دفينّا روح ليهو اللجي بِلقاها المأملّه فينا
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم سلام ياهنا... ونواصل مع عيوشة
عيوشة .. عيوشة وترقص لهن رقبة صقرية جابودي السامبا كاروشة عيوشة جامايكا الهورس عيوشة اسلولي عيوشة وعيوشة ما بترقص لكنها الدوشة وتفلت من الشفع في الفلتة تترتع تدخل على بيتاً ستاتو منمدِّي ناساً بعرفوها لكن بعافوها دايرين غسيل عدي شاكرين يا دقلوشة ويدوها عيشايي بي دمعة مرشوشة وتنملك الشارع خطواتا مربوشة السوق مع الأطفال عيوشة .. عيوشة الليل هديماتا وشمش الله برطوشة تشرب من الشارع وتاكل من الكوشة عيوشة .. عيوشة ................... ونواصل تحياتي... خاتم هاشم.
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
اها وصل ودالنعيسان لدار اهلوا ومن دربو قبُل يصل بيتو مشى لي دار المك نمر في الحوش الكبير ووجد نمر مع جمع شورته من الجعلين وكانو لا يعلمون بي زيارة ودالنعيسان لارض الشكرية ... دخل ودالنعيسان ومسك نمر بين أولادو وحكى الموضوع ان محمد متأثر جداً من عدم جيتو للعزاء في حمد ومحمد لا يضمر في قلبه لي نمر الا المحبة ووداد النسب والجنى البقى بيناتهم .. وساله نمر عن رأي محمد في كلام الشكرية قال لي والله محمد وكبار عقال الشكرية زعلانيين بي الحيل من كلام ناسهم ومحمد لومهم في فعلتهم دي .. وهسع زعل محمد كلو كيف ات ما تعبرو وهو جد وليداتك والفرسان الاسود.. دحين طيب خاطرو وامشي الفقد عليهم كبير يا مك ... فقرر نمر ان يقوم فوق وفد كبير من وجوه الجعلين
أها هم قاعدين في جلستهم دي شافوا ليهم عجاجة من بعيد ركب عرب ... وبدأ الركب يقترب
قام واحد من الجعلين قال :
أتى الباب ركباً قدامو راجلاً شيبة ظنيت بيناتم راجل عجوز فوقو الجلال والهيبة لي هسي وصل كانت مسافتو قريبة
قام نمر قال :
خلّو إدخل دارنا بتلم المريض والطيبة
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم سلام ياهلنا... ونواصل مع عيوشه
عيوشة .. عيوشة على قدر ما كاست عينيها ما لاقت غير مطبقة وبصلة المطبقة انهردت والبصلة مقروشة ما قلنا مقشوشة قشوها قبالك ديشك يا عيوشة يا الحاضر الغايب في الدنيا ما جايب خبر المدينة الكان على رغم ما فيها من فاقة من حرمان مرات اياديها تعطف على الإنسان بي فكة في قروشا بي كلمةً طيبة بي فضلة في مطعم او برتكانايتاً ضرباني في كوشة والليلة بانت زي بيتاً في آخر الحي ناساتو منبوشة يا جرحنا الهايم طول النهار حايم يلبد إذا ما شاف صحبانو مكشوشة .................. ونواصل تحياتي... حاتم هاشم.
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: سمية الحسن طلحة)
|
بسم الله الرحمن الرحيم سلام ياهلنا... ونواصل مع عيوشه
يضحك إذا الكومر قبل على كوبر ولا المديرية ينمطق الفرحة بس فرحة مغشوشة إن تنجا من كشة دردير وتلتيلة كيف تنجا من جوعة من بردها وليلا عزت برنداتا واوكارها مطروشة بيت الله قافلنو مستشفى غافرنو ساحاتو مرشوشة كم يوم يعز النوم رغماً عن المشموم والدوخة والدوشة دي مدينة ما هيلك مافي البيشبهلك ما في البناديلك لافي البخاويلك غير ناس أحاويلن قطعن أحاويلك أصحابك الساعتك لا بد يعاينولك صمتاً يجيبولك .................. ونواصل تحياتي... حاتم هاشم.
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
اها الجماعة جو داخلين .. ومحمد وددكين كان راجل فاضل وصاحب فضل واثر ان يأتي للمك نمر قبُل مايجي اكراماً لي نمر وسيرته بين القبائل
هنا ودالنعيسان خاف من المك وزعلتو ديك أقوم أقول لي كلام يزعل محمد وددكين بعد ما رضى بي الصُلح قام قال للمك نمر :
يا كُرب القضية ولي كريمة النافر صنديد العرب توب القبيلة الوافر حُكمك من زمان ياهو البلم الطافر ترا شيخ العرب وصلك قبُل ماتسافر
عاد مابوصوك وانتَ سيد الخِبرّه بي النضم البخلي جروح قلوبهم تبره الراجل نسيبك وليو على القبائل كِبرّه عند نقص الكلام الفاس توازن الأبرّه
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
دخل شيخ العرب وقال
سلام يامك دار جعل نُخبة بني العباس
قام المك نمر قال لي :
حباب شيخ العرب اللي الصفوف كباس إياك حِكمة ولي شرهم حباس ويا درقة بلاهّم يوم إجيهم بآس
مرحبتين حباب جد ألاسود الحوو مرحبيتين حبابو الفي القبائل ضو هيلك من قديم لي الصالحات بتسو قشاش دمعة البّكن بسون هووو
قام شيخ العرب قال لي
تعيش يا مك دوام فوق راسك الطاقيه بعد كتلت حمد مافينا تاني بقيه شاقه علينا والبندوره كان ملقيه اسم بطحاني نهد حلالّو للشايقيه
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم سلام ياهلنا... ونواصل مع عيوشه ..................... صمتاً يجيبولك باكر تلاقيهن في وجبة فوق كوشة جنب مجرى يحكولك ودونا لي ضابط كالعادة وانكفرن قال وين أوديهن والعندي ما قادر بالموية أكفيهن والعسكر أدونا سوطين وفكونا كالعادة يا اخونا حيكومة مربوشة دايرين شغل مافيش غير نغسل العربات غير نضرب الاورنيش عتالة جرسونات شغلاً ما يوكل عيش وبالحالة دي الكشة ....................... تحياتي... حاتم هاشم.
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: أبو الحسين)
|
نسم الله الرحمن الرحيم سلام ياهلنا... ونواصل مع عيوشه
وبالحالة دي الكشة بلدية والبوليس مرات يجيك الديش ما يقبضوا الباعوض ما يقبضوا الضبـــان والما بدور فتيش الارزقي السمسار إشمعنى نحنا وليش إحنا الحرامين ولا البدسو العيش الزول يخاف يكفر يرجع يقول معليش شقيش نقع شقيش حتى السجن مافيش .................... ونواصل تحياتي... حاتم هاشم.
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
قام المك نمر قال ليهم :
الساس الرميتو أنا عارفو مابتهدّم بكرة الخِيول بَقودّه وفي الصفوف بتقدّم
قام ودالنعيسان قال لي
قالوا أهل المثل دم ما بِغسل دم والأمر العنيتّو إن تما خاف تندم
قام عثمان نطا في الكلام ونهر ودالنعيسان وقال لي :
تُب الخملّه من مال وجودو أفضل عدمّو ساعة الحاره تلقا رويسو اخفا من قدمو من شورتك عندي أخير البشاور خدمّو نركب نحنا بكرة وأشمت انت ساعة ندمّو
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
قام ودالنعيسان قال لي عثمان :
اللهوج دوام في رايّو مابثبّت متل الطوب كلامو تلقى كلو ملخبّط درتّا الطولّه دليت النجوم ترا قربّت بقيت سيد شورة يادوب البلد ماخربّت
قام المك قال ليهم :
قبيل يوم شُرتكّم ماكنتا ناقص راي لقيتكم وليدات ماجيتو في محراي مع الشرق النحاس دقوهّو وأبقو وراي كلامكن أقصرّو بسوي عوسي براي
أبوك ياعمر مابخشى يوم الباس بتلقى الصفوف من غير دروع ولباس الشكرية حالف أخلّي دياره يباس أوريهم ضُحى هيبة بني العباس
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم سلام ياهلنا... ونواصل مع عيوشه
مافيش يا عيوشة من تكبري آهة وآه وآدم بدور حواه الطيرة بي عشوشة الفارة بي جحارة الكل بي مأواه وهنا في إبن آدم تاه ملجاه أرض الله لا أوضة لا حوشة يا أبونا يا الأسود يا أمنا القرقد يا داجي وين نرقد جاك المحل قاسيت لامن هجرت البيت فض المطر صديت أو صددوك غصب دارك لقيتا حرب ...................... ونواصل تحياتي... حاتم هاشم.
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
قام ودالنعيسان قال لي :
الليلة النمر أصبح كلامو مبايد وان كان للنسب ما اداهو حقّن زايد بقولوا أهل المثل الخال شريك الوالد أنظر لي عمارة وعمر وأحمد وخالد
قام المك نمر قال لي :
دمّك جعلي واسمع من كلامّك شكري كُت قبيل بريدك زي جناي البكري المال بيك مالاً خيبت فيك ظن فكري الشينة ان كان بقيت أنت فيها ساكت مكرّي
البينّك والقبيلة نشطّت في تعكيرة شديت في الخِلاف ماك راضي بي تفكيرة شما شن أدتّك وكتين تبعّت فكيرة ما المحرية فيك الكروة أريتا شكيرة
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
قام ودالنعيسان قال لي المك نمر
الزول بِيحزم الحِزمة البلزما صدرو الدرب الفتحتّو ان كنتو بيهو بتدرّو الشي الأنكريت بي تدوني عقباُ قدرّو
قام المك قال لي :
ديمة المك ملخوم مابشوف التحتّو ما بتنغشى لا بي غضب لا بي فرحتّو في السما في الأرض وين الدرب دا فتحتّو خِسر شورتنا ألا كُراك تراكا ربحتّو
قام ود النعيسان قال لي
لي جار لي عشير بي شينة ماني مبدّر وماني الطقطق البجي في الكلام متسدّر أسمع نصيحتي الفي الصواب متحدّر وخُت الخُتّه دربي ان كان لقيتو مودّر
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
بسم الله الرحمن الرحيم سلام ياهلنا... ونواصل مع عيوشه
كرت عليك فريت كان مافي غير تنفد بي لونك الأسود بي شعرك القرقد وبي فالك الشامخ زي تاج أبو الهدهد لامن يطير في الجو من ها المدن ينفد حاشاك من عيب تب لي شينة ما ختيت دغري وعراض إيديك بس كفها إتعود في الأرض يرمي الحب ما قنبلة وديناميت جيت المدن لاقيت من سيدا ما لاقيت تحرس عماراتو علشان تمسي تبيت ..................... ونواصل تحياتي... حاتم هاشم.
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
قام المك نمر قال لي :
في رزق العبوس الشين فال البطمّع إفقد ناسو وإتفرق قدر مايجمع ما دس الكلام أحكي وسط المجمّع الجيت بيها قولا ترانا نحن بنسمّع
قام ودالنعيسان قال للمك
عاصمّك من نشيت من النقايا إتربط شيطان الغضب تعصاهو ما بلعبْ بك أحكي لك مناك يامك سرورة قلبك بينك وبين حماك إتحلل الإتشبّك
شديت اب حجول البارح العصريّه طابق سيفي ودرقتي دخلتا في الشكريّه لاقيت وددكين وحادثتّو من دون ريّه وقلت ليهو البقت ما القبيل محريّه الزول داهيّة تاري معا حِجه قويّه اللوم صاورو عداهو ماهو شويّه قال لي لومي قولو وفرّش المطويّه كان صُح أشيلو معاهو سرج وحويّه
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
يواصل ود النعيسان في حديثو
كان شيخ العرب في صدرو حلّه وسوق هدمتّها وطرحتّا مكانه بي الواسوق حكمتّه الفتل إتمكنتا منه وثوق قللت الصِعاب ليكً انت أجلب سوق
إتلمّو العرب في المجلس إداولنّا هِجنا وموجنا إتقاصرنا وإتطاولنّا عاد لينا الصواب ورجعنا لي أولنّا دم حمد العزيز علي القدر حولنّا
لكن بي شرط يامك ترسّل ليهم وجوه جعل العزاز يدنّو ويرضّو عليهم يواسو مصيبتم أندعكو في غاليهم إراضوهم ويكرموهم ان فاتوا دم واليهم
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
قام المك نمر قال لي
روح شيل كُراك خلي النضم والحِجة خليهم يجو لي التار ويخوضّوا اللُجّا كان تقع السما والأرض تترجّا نحن بلا السيوف الماضي مابنترجّا
قام ودالنعيسان قال لي
يامك المكوك البينكم فكر ليها فكّر في الأمُر شورة الغضب خليّها الشكرية ناسك وانتَ ياك واليهّا في طارفة كلام شايفّك حقدتّ عليها
كان زين ولا شين الدايرو بتسويهّا يامك دار جعل الهينّه ماتقسيها أمشي علي القبايل والحقوق نسيها زالفة العرب بي حكمتّك واسيها
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
في واحد جعلي اسمو حسن قام قال
فاسك متوج يا اب عمارة سلام قاعد من قبيل ساكت بدور لي كلام ابقى داب الصُلح والدايرو مابتلام
قام عثمان نطا وقال لي عمو حسن
بقيتو علي الصُلح ياعم حسن حت أنتَّ إنحليت دحين بعد إنكرابتّك لنتَّ إتفشيت أنا إحفحفتا واتزينتَّ علي حس الغنيمة رهنتَّ وإدينتَّ
قام عمو حسن قال لي
ياولدي القضية قريبة بيني وبينك مالك مٍنحرق وتعضي فوق إيدنّك الخير في الصُلح كان أصلو همّك دينّك هادا المك بحلّو وانتَ بتنوم عينّك
راس المك يعيش ونحن جُمله فِداهّو يحل صعب الكلام يعرف دواهّو وداهّو مشوا أعداهّو مهدورين يهنّو عداهّو الشي البقولّو ما بنتعداهّو
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم سلام ياهلنا... ونواصل مع عيوشه
ويتربو زي ما ربيت كم للعرق شديت زوغت أمن كريت جاملت جاراتو وأو تتم ترحل لي سيد خلاف السيد يتغيروا الأسياد لكنو نفس القيد نفس الربط ذاتو يا ماشي دون راس خيت وين كنت لما الناس إنقسموا الواطه في مدن تجز الراس كان زولو ما طاطا كت مافي ولا أبيت واصبحت مقطوع راس زي ديل كتير من ناس لا أوضة لا ضل بيت وفتحنا لاقيناك أول ما شالنا الحيل ...................... تحياتي... حاتم هاشم.
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
قام المك نمر قال ليهم
بقيتّو علي الصُلح ننهي الكلام نقضاهّو
قام حسن قال
منو البيابا الصُلح كل النفوس ترضاهّو دا الراي السديد إن بقى المك مضاهّو هو الراي المفيد والأمة مي معارضاهّو
قام المك نمر قال ليهم :
إنقطع الكلام باكر معا البدريّه شدّو وأركبّو واتوجهوا الشكريه قولو لم نمر ماهمّا طه وريا داير السمتّه ليكم ولي تكون مغريّه ابقو لي رجال ما تتودّدو وتترجّو والقول أقصرّو وخلّو الغولات ما ترجّو قولو لُوم صُلح ان كان أبّو ولجّو نارنا بتاكلّم من البطانه بهجّو
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
أها الجماعة جو داخلين .. ومحمد وددكين كان راجل فاضل وصاحب فضل واثر ان يأتي للمك نمر قبُل مايجي اكراماً لي نمر وسيرته بين القبائل
هنا ودالنعيسان خاف من المك وزعلتو ديك أقوم أقول لي كلام يزعل محمد وددكين بعد ما رضى بي الصُلح قام قال للمك نمر :
يا كُرب القضية ولي كريمة النافر صنديد العرب توب القبيلة الوافر حُكمك من زمان ياهو البلم الطافر ترا شيخ العرب وصلك قبُل ماتسافر
عاد مابوصوك وانتَ سيد الخِبرّه بي النضم البخلي جروح قلوبهم تبره الراجل نسيبك وليو على القبائل كِبرّه عند نقص الكلام الفاس توازن الأبرّه
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم سلام ياهلنا... ونواصل مع عيوشه
يا أبونا خليناك خففنا ليك الشيل تقلت بنا الخرتوم وفرنا لقمة عيش موية ومحل للنوم سامحنا عافينا يا أصلنا الحنّان غيرنا اسامينا شان نحيا باطمئنان دينق إنقلب عثمان هاشم بدل دلدوم من وين ؟ من ام درمان وناس بيتنا منوفين بس لكنة الرطّان تفضحنا بعض الحين وإن كنا يوم في يوم ماشين بننعوّد على لهجة الخرتوم في ولاد عرب بالكوم ......................... ونواصل تحياتي... حاتم هاشم.
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
دخل شيخ العرب وقال
سلام يامك دار جعل نُخبة بني العباس
قام المك نمر قال لي :
حباب شيخ العرب اللي الصفوف كباس إياك حِكمة ولي شرهم حباس ويا درقة بلاهّم يوم إجيهم بآس
مرحبتين حباب جد ألاسود الحوو مرحبيتين حبابو الفي القبائل ضو هيلك من قديم لي الصالحات بتسو قشاش دمعة البّكن بسون هووو
قام شيخ العرب قال لي
تعيش يا مك دوام فوق راسك الطاقيه بعد كتلت حمد مافينا تاني بقيه شاقه علينا والبندوره كان ملقيه اسم بطحاني نهد حلالّو للشايقيه
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: ماجدة عوض خوجلى)
|
بسم الله الرحمن الرحيم سلام ياهلنا... ونواصل مع عيوشه
في ولاد عرب بالكوم طالعين سوا ونازلين يفرقنا إلا النوم ما الحالة من بعضا مطروش ومطروشة وأكوان وقد قابل في كوشة عيوشة يا التحكي دون تبكي وفي وشو بتعاين شوف فيهو شن باين غير دمعة مقشوشة قشوها ناس أخوان أكوان وعيوشة بي صبر كم طول على حال حا يتحول قصر الزمان يازول ولا الزمن طوّل لا بد يتحول ما فيهو من آلام في يوم من الأيام ..................... ونواصل تحياتي... حاتم هاشم. لي دنيا مفروشة
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
Quote: كدى ورينى فى الاول النفس بتكون ساقطة كيف يعنى سلام خالد وتحياتى ليك ولكل المتداخلين معاك |
العزيزة الفاضلة ماجدة... بنية الخليفة عوض خوجلي عليه رحمة الله لك التحية والمودة كيفن يا ماجدة النفس مابتكون ساقطة ساقطة يعني يا بت الخليفة متدنّيه والبتشوفو دايرا ولا تترفع لمقام النفس العفيفة
ولك الحترام والمودة يا ماجدة
خالد
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
وياصل طه حديثو قائل
الزول مابفوت الموت قدر ماسوّا ان طار السما ولا ان كان غتس في هوّا كان ماعوني كُت غير سيفي مابتحوّا قبيلتي ضعيفة وأنتو كُتار وتانياً قوّا
ياشيخ العرب من البطاحين أتلّو ماتربّو العدا وتتخاصمّو وتتكتلّو أحلف ليك يمين ما ليِهم ييد في كتلّو كتلتّو أنا وحقيقة خُسارة موت المتلّو
لي الليلة مابخاف راضي القصاص أُخدوهّو عند حد الشرع وماتختّو تتععدوّهو بدور ردم الخِلاف بي راسي أنا تسدوّهو الزول من وهم مابسوي أخوهو عدوّهو
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم سلام ياهلنا... ونواصل مع عيوشه
لي دنيا مفروشة بالعافيي والطعام لي كل فم ما دام في غلابة بي ديوشا وبجاي و بغادي قلة وكتر بوشة تخمت حكام مندلدلة كروشة فاوة وتفل لاقّي ونار الغضب باقّي تالاها محموشة جرفت لبقة الليل وانطنبجت دينك لا عينا بي شموشة الحال حا يتحول قصر الزمان يا زول ولا الزمن طول لابد من فوقة ومن تنتهي الدوشة قولاً قبل قلنا وكتين نصر نحيا مافي البكتلنا قولك يا عيوشة يا اب نفس طماعة غاشاك ومغشوشة الدنيا دنيانا ..................... ونواصل تحياتي... حاتم هاشم.
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
هنا قام شيخ العرب محمد وددكين قال لي
الوزل مابفوت المقدر ومكتوبّو مسكين العبد مابدرا بي يوم موتّو وكتين أصلّو من الدنيا يكمل قوتّو الواحد بموت كان في غُربه ولا بيوتّو
مع كُبر المَصاب ما أظنّي أفقد جلدّي والسعي في الخِلاف ما بمر يمين بي خُلدي زي ما أخوي حمد حتا أنتَ برضك ولدي عشان حظ النفوس مابرضى أخرب بلدي
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم سلام ياهلنا... ونواصل مع عيوشه
الدنيا دنيانا زرع إيدنا نديانا لا صيص لا كدموشة وماك ماشي جيت غاشي ليك خيرها ينسبّل لا كُتّي شحّادة نديك وتتوكل لا جيتنا دنّاعة نمسح لك الجردل أخرت للساعة وتلبت في حوشة في حزك المنجل وشوالة مخموشة ناسي انو مزروبة بي شوق حبايبنا وحارساها كلوبة وكلوبة بات ووبة ويات لوبة بتحوشة يا النفسو ماهية شن جبهة متكية .................. ونواصل تحياتي... حاتم هاشم.
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
يواصل شيخ العرب محمد وددكين
البمسك قفانا نخافو هو ونحسب لّو مضيناهو الكلام والشين كان تعدّ لو حديث المك رضينا وسرا قليبنا وقلبّو ياولدي العفو مثبوت بيمحى القبلّو
هنا كان في المجلس النصيح أحد مستشاري المك نمر إتكيف كيف شديد من حديث المك وطه وشيخ العرب وسراهّو بي الحيل الصلح التمَّ
قام قال :
إعيش راسك متوذج وعشته عالي الهمّه ساعة الحارة رايك يفيد الأمة فرحتي كتيرة الليلة والصُلح يوم تمَّ أدوني الاذن داير أجيب لي نما
والحمد في ذاك المكان تم الصلح واتلمى دم ثلاث قبائل
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم سلام ياهلنا... ونواصل مع نهاية عيوشه
بي عمة كاكية وطاقية طربوشة جنب جبهة دغرية العمة مكوية فوق راسها ملوية ترقش بياض نية وبالهيبة منقوشة زي وشم فوق أكوان شلخاً في عيوشة يا جرحنا الطوّل جاييك زمن طيب خيراتو ليك أول صدقني يا طيب يا أرض يا جدول كارتنو بي معول والليلي تتجول عينيك مدهوشة من كنت تتسول في مدينة ما هيلك ومن كوشة لي كوشة . .................... تحياتي... حاتم هاشم.
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
قصيدة الجــــابرية ... للشاعر محمدالحسن حميد تحكي معناة الجابرية في ظل حكم العسكر والأحزاب التي تعاقبت الحكم بعد كل أنقلاب عسكري
فجاءة يدوّي مُكبر صوت قال الريس ماري بي فوقنا وكان ضحوية وكنّا نسنّد في المحروت إن شغلتنا برا ماروقنا وإتماسكنّا يطمن روقنّا قمنا جميع الحلّه مرقنّا البشوفنا يقول وا روقنّا
كان ضحوية وكانت عين شمش الله قوية وكان الريس في عربية واقف طولّو تِحت شمشية هللنا لو .. لوحنا لو بي الطورية
فرا عبايتو وهزا عصايتو وهرولو بنادكقم الضابطية صفقنا نالم صفقة قوية وزغردنا نالم
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
قدمنّا لو كتاب الله ودرقة وسيف وتبروقه هديه قفة تمود وفاس دهبية وكنا قبُل بيتنا النية
وبين بنتين علقنّا اليافطة اليافطة ام زيق الدمورية
واتعبينا هتافّن واحد الجابرية تحي الثورة دايرين بوسطة ومدرسة وسطى والشفخانة وسوق مِنضبطة
روّح باسم وقام خاطبنا بي نهج الثورة الصارم وحازم أمن لازم من شفخانة ومدرسة وسطى التعمير بي العون الذاتي إلا البوسطة بننظر فيها أما السوق فالسوق منضبطة
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم سلام ياهلنا... القدال ..........
نحنا أهل الفرحة جينا ........................ نحنا أهل الفرحة جينا لاالمدامع وقفتنا ولا الحكايات الحزينة لما درب الرايحة جابنا فى هدى المدينة ياولدى الدروب شقاقا بحر التيه ليك درب ولادربين مساك الدروب ضهاب ليك قلب ولا بالين سواى القلوب كضاب ليك ضهر ولا سرجين ركاب السروج وقاع شق ياولدى بحر التيه بتتدردر وتتودر ولامن يوم على تايتنا ديك ترسى نعزك بالقبيل داخرينه ليك الشوق بحر ياولدى بحرك تيه قت ليك العليك ادرابو لاتنغش ولاترضابو لاتنغش ...................... ونواصل تحياتي... حاتم هاشم.
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
بسم الله الرحمن الرحيم سلام ياهلنا... ونواصل مع القدال
فى الزمن الذميم والكى يسوقو خلاف عشان النى عليك الدور وتصريف الليالى بيدور تشيل ماشلنا من الهم ولامن دمعة ترمى الدمعة فوق دربك روح يابا وابقى قفاك لاتعاين ولاتعاين على موطاك ولاتندم على خطوا تملى مشيته لى قدام وابقى العاتى زى سنطتنا زى صبرا نلوك فوق مره زى الزاد لاشيتن نزل فى الجوف ولابيرجع ولابينزال واركز للبيجيبها الريح تقيف انت ويشيلها الريح وابقى العاتى والدرب الوراك مسدود شيل شيلتك بقيت للنص لاحلما بيجيب البر ولاحدود وابقى العاتى والدرب الوراك مسدود ان بليتها أختا الرملة ماتقع مكان الهش دى الممطورة مابتبالى من الرش النعمه بتعرف عاطيها ......................... ونواصل تحياتي... حاتم هاشم.
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
فات الريس وأنفرقنّا انفرقنّا علي الجابرية كُلنا ننضم وماصدقنّا
الجابرية تجيها البوسطة والشفخانة ومدرسة وسطى قلنا ياريت لو جانا فطور وتحزمنّا ضبحنا التور كنا أقلّو ضمنا النور
أو يا ريت لو زدنا الصفقة وعاش ويسط ويوية اليوية كنا أقلّو ضمنا الموية
كنا بننضم بي إيدينا دا أحسن ريس مرّا علينا من الله خلقنّا وشفنا خلقنّا دا أول ريس ذاتو يجينّا وكونو يجينّا يقنب بينّا ويشوف البينا كفاية علينا
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
آ يا الجابرية يجوكّي الحكما آ يا الجابرية تواصلي البرّا آ يا الجابرية ولادك تقرّا
نمشي الليلة نصاقر الرادي نمشي الليلة نحضر النشرة وكنا نراجع في كلماتّو
ألا في سته من الجابرية قالوا تعبكم خارم بارم يذهب حاكم خلف الحاكم والجابرية تظل في حالة حلّه حياتها تسر الظالم صدفة تموت وتحيا أطفالة لا جلكوز لا تقرّا رسالة ولا راح يطلع منّها عالم ما بينصفكم ألا ضراكّم عبّو ضراكم يا رجالّه وخلو بصركم دغري وسالم
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
مرَّ اليوم ... الشهر .. الحول والجابرية بلد في حاله قواسي شيوخها مآسي أطفالة عذبات ناسا حلّ÷ تعافر مقطوع راسا عشرين كيلو من الجابرية صبية تساسّق بي كراسا
أ يا الجابرية عذابك فينا لا كي القرية ولا كي مدينة وفد في وفد إقوم وإجينا عايزا دراسة وإجراءات عون امريكي وقرض ألماني وحاحاءات
حد مانشوف لنا مسعولين مسعولين أو خوجات نجري نلم قدحاتنا عليها ترطن وترجع زي ماجات
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
بسم الله الرحمن الرحيم سلام ياهلنا... ونواصل مع القدال
والجمرة بتحرق واطيها بالكيلة عطانا ومالقينا فوق جمر خطانا ومالقينا يوم الوعد ياحليوة فيك الدنيا ماكانت شروق الا الأرض متكشفة ومتبلمة نعم انه من خير الخريف لافحالها شال يوم الوعد والفرحة خضرة فرحة دوب تتشابى لى عين الشمس والروح مشحتفة بالبلود الفيها ريحتك للبيعود من فزعة الغربة البيساسق فوكها ومو راجع ولابالحيل قريب الروح مشحتفة فى الحبيب القلب بكر الدنيا ماشافت جديده ولاالحزن دقاله باب لو شفتى كيف يوم الوعد كيفنه مترامى الغمام والقمرى زغرد للبلوم والنسمة هبت مرتين ياحليوة يوم دقيت بأرضك فاس خصيب والتانية فى يوم الوعد والأيد تسالم فى الايدين ............................ ونواصل تحياتي... حاتم هاشم.
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
الشفخانة وعايزه دراسة ومدرسة وسطى وإجراءات لما المطوحّه طالت بينا انذكرنا العون الذاتي
انحزمنا وقلنا برانا نبني نقوّم للشفخانة طوبة في طوبة قومناها يوما التمت جات السلطه عربي وعجمي ومرة رطانة الشفخانة دا ماهو بُكانة وهاك يا تلتّه وهاك ياورطة
غصبّن عنك ياالجابرية غصبّن عنك يا أحوالا وحُمياتا وموت أطفاله وحُمرة عينكم يارجالّه
قوة إنشكّت بينا النقطة وفي الجابرية تحوم الشرطة وهوو كلاب الحلّة وصنّو من يوم داك ماشفنا الستّة
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
بسم الله الرحمن الرحيم سلام ياهلنا... ونواصل نهاية نحنا اهل الفرحه جينا
والأم تقالد فوق جناها تشمه زين حليوة صاحية حليوة ضاحية كذا النسيم والدنيا غيم وحليوة جد جد ياولد قول للبلد قايل غناوى الحزن ليش؟شايل مساديرك مجامر دمع ليش؟ ليش يابلد والناس تري والدنيا كل مانريد تزيد؟ تملا الايدين تفرح تهش لو صحيح غنينا بالدمعة الحميمة لو دموع الفرحة مالاقت غنان بكرة نرجع تانى للكلمة الرحيمة شان هنانا وشان منانا شان عيون اطفالنا ماتضوق الهزيمة. ...................... تحياتي... حاتم هاشم.
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: حاتم هاشم)
|
وفد الحلّه السافر جانّا وقال إتأكد وشاف الخرطّه ونحن بدل نبني الشفخانه إنسرغنّا بنينا النقطه
الشفخانه دا ماهو بكانّا وكانت غلطّه وإنقلبت ورطه
إتفاهمتّو مع المسعول ؟ إنفاهمنّا مع المسعول وقال حايقوّم للشفخانه أو يدفع لينا حق الطين مع النقطه وكت بنيانكم قومتوها بدون زنزانّه
في تقديرنا كلام معقول كونو يقوّم للشفخانه
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
فاتو العسكر وجو الأحزاب ونفس الحُلم إنجدد تاني نفس الوجع الراح تحتانّي حتلّناهو جمعنا رُفاتّو نفس اليافطه في نفس الحتّا الجابرية تحيّ الشعب دايرين بوسطة ومدرسة وسطى والشفخانة بِدال النقطة
فينا إتكلّم شيخ الحلّه صنقع .. دنقّر .. سلم وصلى وكانوا كلاب الحلّه بهوو وقال كلِمتنا تكون فد واحدي شان ننقوّا وماننزلا شان مُشهادنا وعدل الحلّه نحن نفوّز حاج البله
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
وزاد هوهيو كلاب الحلّه بعضنا عارض .. ردّا وفاوض شيخ الحلّه القام حمسنّا بلة الحِمش مادلا أول فاهم وقبلّو ولدنا وراح يحكمنا بي شرع الله هوو هوو هوو هوّو كلاب الحلّه
لما استغرب شيخ الحلّه وانفرقنا علي الجابرية وأنفرقنا ويوم الليلة إنجمعنّا عموم الحلّه
شيخ الحلّه قرأ القرآن صنّو كلاب الحلّه وهوو بلة أنقدّم سمّى وصلى صنّو شوية هوو هوو هوهوو وقام إتكلّم لما أتكلّم كان بتقسّم النسوان الجاي تتهامز الصبيان الجاي تتغامز وكان بتبسم وكانوا كلاب الحلّه بهوو شكّر وشتّم ... هوو هوو هوهوو حلل وحرم ... هوو هوو هوهوو
| |
|
|
|
|
|
|
Re: هونوو شوية.... وصلو علي النبي .... إستراحة أيها المحاربون (Re: خالد علي محجوب المنسي)
|
وقاطعناهّم.... وصوتو إنوطّأ .... وأصلاً واطي وتاني إنوطّأ ونحن بنهتف .. دايرين بوسطة ومدرسة وسطى والشفخانة بديل للنقطة والتموين وزيادة الحِصة كهربا .. موية .. وسوق مِنضبطة
بلة أتبرع وقال ببنيهن هوو هوو هوهوو كلابنا واستغربنا قبل بالمرّه لامن نهتف ترسى كلابنا ولا من ينضم بلة يهووو بلة اتحمس وقال بسقينا وبي آذن الله بضوي الحلّه هتف الشيخ وهتفنا وراهّو لا تبديل لشرع الله لا تبديل لشرع الله لا ولاء لغير الله لا ولاء لغير الله عاش الفارس أمل الحلّه بلة الطاهر علي حسب الله بلة الطاهر علي حسب الله كبر فينا وقام إندلا
| |
|
|
|
|
|
|
|