يا وجع الموبااااايل ......

مرحبا Guest
اخر زيارك لك: 03-28-2024, 04:20 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة وليد محمد المبارك(وليد محمد المبارك)
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
01-04-2005, 12:36 PM

وليد محمد المبارك
<aوليد محمد المبارك
تاريخ التسجيل: 12-04-2004
مجموع المشاركات: 26313

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
يا وجع الموبااااايل ......

    يا وجع الموبااااايل ......

    كتر خير سوداتل الخلت التلفونات خشت البيوت قبلي الكهرباء ..... وقبلي الموية مرات ...
    والشكر موصول لي بتها الكبيره موبيتل ....
    عارفنهم نقلو السودان نقله كبيره جدا ... واتضح جلياً انها نقله اكبر من السودان في الوقت الراهن ... يعني نقلة تقنية لي ناس ما مؤهلين فكريا لي حاجة زي دي ...

    ومع التقنية ظهرت العيوب ...

    اي هي ما كبيرة...
    لكنها كثيرة .. وذات تاثير

    حسناً .....

    المعروف انو التلفون ..ثم من بعده الموبايل ...او فلنقل كل وسائل الاتصال ... السبب الاساسي من اختراعها .. تقليل الوقت الضائع والمهدر .. عند استخدام وسائل الاتصال التقليدية...

    ولان النقلة كانت اكبر من الثقافة السودانية الحالية ...

    حدث العكس تماماً..

    وكادت ان تصبح نعمة ثورة الاتصالات ...في السودان ...نقمة ...

    اصبح الموبايل ... معطل رئيسي لدفة الحركة السودانية .. وعشان اكون دقيق .. دفة الحركة الخرطومية

    كيف !!!!!؟؟؟؟؟

    انا اوريكم...

    زمان لو عندك ورق في الحكومة وانت متابعه .. بيتأخر للاسباب الاتية
    1) المدير مافي
    2) السكرتيرة في اجازة عشان اليوم الصحي بتاعها
    3) الموظف مشى الفطور
    4) الختم مقفول في الدرج والغفير ما جاب المفتاح

    المهم في نهاية الامر ... بتلقى رد من زول ...
    اي ورقك بيتاخر
    لكن انت ما بتأخر... عشان بتجد من يرد عليك.. و يوريك انو الليلة مافي طريقة عشان ورقك يخلص ...

    الآن....... لا..
    حتى الزول البرد عليك ما بتلقاه
    من ما تخش لي بتاع الاستقبال
    شايل الموبايل ... ولاطعك في الباب اكتر من خمسة دقايق .. وديك يالونسة مع حبيبتو
    وبعد داك يا ريت لو بدخلك طوالي ... برضو لاذم يلطعك اللطعة التقليدية.. يعني بقو لطعتين .. واحدة تقليدية والتاني استحدثت مع ظهور الموبايل..

    المهم في الاخر خشيت ...

    كضاب لو تلقى زول يوصف ليك .. محل انت عاوز تمشي
    اي زول زي المجنون بكلم روحو براهو
    تسالو .. يعاين ليك في نص عينك ويرد عليك رد غريب..
    تستفسر عن ردو المقصود منو شنو!!!
    تكتشف انو الرد ده ما ليك ..
    صاحبنا بتكلم في الموبايل .. عن طريق السماعات .. وهو اساسا ما سامعك .. وما شايفك .. والنظرة القبيل ..دي كانت نظر في الفراغ .. وانت جزء من هذا الفراغ
    يعني بس الصدفه ختتك محل مفروض يعاين الزول ده ..


    المهم بالفهلوة .. بالفطرة .. بالنقر ... عرفتا وصلت للمكتب الانت عاوز تمشي ليه وتقضي غرضك..
    نفس الصورة
    السكرتير يا ماسكة الموبايل ولا ماسكة التلفون
    وةتقول ليك اقعد هناك .. لمن اخلص المكالمة ..لوكت ما تنهي منها .. تبدا واحدة تانية .. وهكذا دواليك ..
    الساعي .. قاعد والكفتيره بتصفر .. لمن قربت تتقده .. وهو ما سامعا ... عشان بتكلم في الموبايل
    والعجب كان لقيت فرقة ودخلت على المسئول..

    ربع ساعة عشان تديه التحية فقط.. ده لو لقيت فرقت عشان تحيه اساساً

    وطبعا ده ... زائدَا التعقيدات .. والبروقراطية الاصلا كانت في زمان

    حافلة مواصلات.....
    وكت تنزل .. بكون اضنينك صانين ... من رنين اجراس الهواتف النقالة
    ومن تداخل الردود بالصوات العالي .. ومرات بالكواريك .. عشان شباك الحافلة مفتوح .. وصاحبنا ما عاوز يقفلو..
    عاوز يتمتع بالنسيم العليل .. وصوت الحبيب في انٍ واحد

    وكمان في الجامع ..وفي عز ايمانك وخشوعك .. رنة جرس تقطع حبل اتصالك مع الخالق .. الا تقراء المصحف كلو عشان توصل الحبل ده من جديد

    ياخي ست الشاي بقيت عاوز ليك ربع ساعة .. عشان تطلب كباية شاي .. وربع ساعة تاني عشان تجيك الكباية .. وتكون بارده ومسيخة ...

    ده كلو عشان ستو .. بتتكلم مع صحبتها في المحطة التانية .. وبتشحدها حبت هبهان..

    ده كلو كوم والبيت كوم
    يدق الجرس يقومك من احلى نومة
    المتصل صديقك فلان الفلان
    سبب الاتصال ... اديني رقم تلفون فلان الفلاني التاني .. عشان انا غيرت شريحيتي حقت الموبايل
    او
    تلفون من صديقك اللدود
    اسمع يا انت .. انا واقف جم خشم باب بيتكم ... افتح لي الباب

    ياخي طيب ما تدق الباب بدل ما تضرب تلفون !!!!!!!!

    او يضرب ليك صاحب اخوك ويسألك
    اسمع انت قاعد في البيت ؟
    عليك الله اديني فلان لو قاعد في البيت...
    طيب انت لو عاوز فلان ... وعارف انو فلان في البيت ...ما تضرب في التلفون الثابت بتاع البيت ؟؟؟!!!!

    او يضرب ليك صاحبك الساكن الحلة الجديدة...
    ويقول ليك لازم تجي هسع ولامراً هام ...
    وتتخمخم من الثورة ... وتركب تلاته مواصلات ... وتلقى الامر المهم .. قعدة كتشينة

    استعمال سئ
    فقد ثورة الاتصالات قيمتها
    وبدل ما تكون مقلله للوقت .. اصبحت مقلقله للوقت
    اصبحت مستهلك ومهدر رئيسي للوقت

    عشان كده قررت اقاطع الموبايلات
    حا اسوي تلفون الحبل وعلبة الزبادي الزمان داك


    وبجيكم راجع

    (عدل بواسطة وليد محمد المبارك on 01-04-2005, 01:11 PM)

                  

العنوان الكاتب Date
يا وجع الموبااااايل ...... وليد محمد المبارك01-04-05, 12:36 PM
  Re: يا وجع الموبااااايل ...... Muna Khugali01-04-05, 02:34 PM
    Re: يا وجع الموبااااايل ...... عمر محمد عبد القادر01-04-05, 02:57 PM
      Re: يا وجع الموبااااايل ...... وليد محمد المبارك01-06-05, 01:07 AM
    Re: يا وجع الموبااااايل ...... وليد محمد المبارك01-06-05, 01:02 AM
  Re: يا وجع الموبااااايل ...... فريد ودالمسيد01-05-05, 03:42 AM
    Re: يا وجع الموبااااايل ...... khider01-05-05, 08:54 AM
      Re: يا وجع الموبااااايل ...... bayan01-05-05, 09:16 AM
        Re: يا وجع الموبااااايل ...... وليد محمد المبارك01-06-05, 01:19 AM
      Re: يا وجع الموبااااايل ...... وليد محمد المبارك01-06-05, 01:15 AM
    Re: يا وجع الموبااااايل ...... وليد محمد المبارك01-06-05, 01:09 AM
  Re: يا وجع الموبااااايل ...... غادة نصر01-06-05, 02:01 AM
    Re: يا وجع الموبااااايل ...... وليد محمد المبارك01-06-05, 04:13 AM
      Re: يا وجع الموبااااايل ...... Ismaeil H. Mohamed01-06-05, 06:32 AM
        Re: يا وجع الموبااااايل ...... وليد محمد المبارك01-08-05, 10:26 AM
  Re: يا وجع الموبااااايل ...... ود الشيخ01-06-05, 06:48 AM
    Re: يا وجع الموبااااايل ...... وليد محمد المبارك01-08-05, 10:35 AM
  Re: يا وجع الموبااااايل ...... بلدى يا حبوب01-06-05, 07:20 AM
    Re: يا وجع الموبااااايل ...... A.Razek Althalib01-06-05, 07:40 AM
      Re: يا وجع الموبااااايل ...... وليد محمد المبارك01-08-05, 10:44 AM
    Re: يا وجع الموبااااايل ...... وليد محمد المبارك01-08-05, 10:41 AM
      Re: يا وجع الموبااااايل ...... خدر02-18-05, 07:52 AM
  Re: يا وجع الموبااااايل ...... ShiningStar02-18-05, 08:30 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de