|
نكته ( عيدية راس السنة )
|
المسطول ركب الحافلة ( مواصلات عامة )
ركبت جمبو بت شديده نجاضة بس ( جميلة غاية في الجمال)
المسطول حاول يتسحرك ( يفتح موضوع ) معاها
فقال ليه لو سمحتي عشان نتعارف وكده ممكن تديني نمرتك
البت طنشطو وما اشتغلت بيه
نزل المسطول في المحطة حقتو وجري قدام الحافلة وشال نمرة الحافلة وجا راجع للبت وقال ليهاوهو يعض على شفته السفلى :
تعبتي معاي ...!
|
|
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: نكته ( عيدية راس السنة ) (Re: وليد محمد المبارك)
|
زولك دا بخيل وجبان يا وليد مس كول شنو .. المفروض كان يدق صدرو ويضرب ليها عديل كدا واللا يلاقيها في عفراء إنشالله .. ياخ هم وكت ما بقدروا علي الحب شغالين حبيبة مالم .. عالم تخلي الزول يقوم بى جردل موية كامل ما يروي ..
| |
![Edit](https://sudaneseonline.com/db/blank.gif)
|
|
|
|
|
|
Re: نكته ( عيدية راس السنة ) (Re: طلحة عبدالله)
|
يا طلحة
وانا القايلك مفتح ..!
طلعت قاعد في السهلة
يا حبيب مسكول في لغة الشارع التحتاني وقاع المدينة عندها معنى تاني شوف ليك مترجم يترجم ليك لغة الرندوق
ولولا الحياء كانت وريتك المعني لكن للبورد حرماته
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: نكته ( عيدية راس السنة ) (Re: طلحة عبدالله)
|
Quote: نزل المسطول في المحطة حقتو وجري قدام الحافلة وشال نمرة الحافلة
|
يا وليد، شديدة والله..
أكيد في سبب خلاهو حسب السطلة يجري للنمرة القدام؟
إما الحافلة دي ما فيها نمرة ورا!
أو عشان البت كانت قاعدة.
أسي الشديدة البت ولا السطلة؟
| |
![Yahoo](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: نكته ( عيدية راس السنة ) (Re: عبدالكريم الامين احمد)
|
ملحق
واحد مسطول جننته ضبانة كل مرة تجيه تكورك ليه جمب اضانه أزززززززززززززززز .. غايتو من جاى لجاى قبضها قام جرّ نفس طويل ونفخه فيها ..سطلت رقدت مدروخة بقى يدنقر فوق رأسها ويقول ليها إزززززززززززززززز
________ منقولة بتصرف
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: نكته ( عيدية راس السنة ) (Re: وليد محمد المبارك)
|
وليد كل سنة وإنت ظريف ومفرفش
والله نكتتين من بيت الكلاوي ويستاهلوا ينالوا جائزة 2007 للنكات .
طبعا ياوليد أنا زول طولت من الديار وبرئ جدا يعني الميموري ما معمول ليها update عشان كده تلقاني مسطح في معاني ما يسمى بالرندوق وماتستغرب !!!
على العموم حسع حنمشي نقشر بالنكتتين ديل بس لغير متصفحي المنبر . كل الود يا شفت وما شفناك زاتو عشان نعيد ليك خايف من النزفية ولا شنو ?
أبقى طيب
صلاح واسبه
| |
![Edit](https://sudaneseonline.com/db/blank.gif)
|
|
|
|
|
|
Re: نكته ( عيدية راس السنة ) (Re: Salah Waspa)
|
يا صلاح ياخ رد الله غربتكم سالمين غانمين
انت عارف وعد مني ليك حا افتح بوست حا اسميه قاموس الرنوك ولغة قاع المدينة
اما النزفية فغايتو تحايلنا عليها بعدم اكل المرارة
تسلم يا زوق
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: نكته ( عيدية راس السنة ) (Re: وليد محمد المبارك)
|
صباحاتك أبيض من قلب سجيمان او الورقة A4 خد سمعتها أمس بالليل بس الوقت كان متاخر والعهدة على الراوي يقول أنها حصلت حقيقة قاليك عمك تاجر كبير و حنفولي لكن جلدة و صعب جدا في القرش المهم سافر الحج , وهو هناك لاقى جماعة من ناس السوق جو الحج متاخرين بعد السلام وكدا سألهم اخبار السوق شنو و الجديد شنو قالوا ليه السوق عدم حجر البطارية وأسعارو حتتضاعف الدبل صاحبك عندو مخزن مليان حجار بطارية إتكيف جدا وحسب القصة لقى الضربة كاربة لما رجع من الحج وقبل ما يباركوهو ليه نادى ولدو قاليه أوعى تكون بعت من البطاريات الفي المخزن طلع الولد باع المخزن كلو وبالسعر القديم و فرحان بالقصة دي ابوه قاليه " العيب ما عليك غلطان انا الحايم عريان وبطقع في الحجار"
| |
![ICQ](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: نكته ( عيدية راس السنة ) (Re: وليد محمد المبارك)
|
يا عمك نكتة جهوية وكدا خد قاليك حاجة شايقية راقدة في المستشفى ماسكة بطنها و تولول - آخ يا قلبي , آخ يا تمرة قلبي جا دكتور شاب ماري سمعها فقال ليها: - يا حاجة أولا إنتي ماعندك قلب ولا دا عنبر القلب ولا الماسكاهو دا قلبك قالت ليه - نان الواجعني وحاميني الغمدة دا شنو؟ - دا البنكرياس يا حاجة طوالي دورت -آخ يا بنكرياسي , أحي يا بنكرياسي جات بتها و سمعتها قالت ليها : سجمي يا أمي , مالك ردت عليها رباطابية راقدة جمبها - ما دا الدكتور المسنوح دا مسكها إسم الخواجة دا وفات
| |
![ICQ](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
|