الشعبية نجمة تزين سماء مدينة الخرطوم بحري (الجزء الثاني)

Quote: احبتي أخواني وأخواتي بالنجمة السلام عليكم ورحمة الله وبركاتة اسعد الله اوقاتكم بكل خير من أين أبدأ الراس مليان هم وغم وغربة وطفش ولكن نجد الراحة بدوحة النجمة التي هي ملازنا الوحيد فى هذه الغربة وانا أكتب إليكم أحبتي وبالى في أن اتلقى ايميل من الاخ الباشمهندس بكري بمنحي الباسوورد حتى ندخل عليكم من الباب انشاء الله الاخ عادل انشاء الله البرد خف والتلج ساح وتنفستم الصعداء اخي عادل حسب الوصية قد كتبت للباشمهندس بكري عدة ايميلات لكن اظنه من كثرة الايملات لم ينتبه للايميل بتاعي فدحين اديهو لكزة عسى ولعل ينتبه للايميل بتاعي من ضمن الايميلات الكتيره واكون شاكرا ومقدرا لك وياكا جمل الشيل لابناء الشعبية الله يحفظك من كل شر انشاء الله يارب ويغطيك من البرد القارس دا لنا لقاء انشاء الله من الباب اخي عادل كذلك اخي الهناك دا وعمل نايم الاخ علي صالح مالك قطعت الحركة ذي اختنا الدكتورة مريم (روما ) القالت حضروا البندول ومشينا الصيدلية وجبنا البندول وكمان إكسترا ولما ما جات بلعنا بلا وجع راس وجانا وجع بطن مش من البندول لكن من قصص الدكتور عماد والدكتورة ستنا من كترة الضحك وفضلنا منتظرين فدحين اخي على اظهر وعليك الامان نجي لاخونا شمس الشموس نحنا اول ناس سألنا منك ياكافي البلا بردلب وقعت على ناس عبدون والدكتور عماد هجوم شديد دا كله عشان المريخ ياخي الناس قالوليك حمد الله على السلامة ومبروك الطابق الرابع وانت جاري لي ورا المريخ وين ياخي مشتاقين وسألنا عن اهلنا في كوستي ولم ترد علينا يا خي ذي ما قالو نظره واحده وبس حتى لو بالدس خليتك بعافية شنو يا دكتورة ستنا الشر برا وبعيد من وين جبتي لينا حمى الموظفين دي ولا فيروز والله صحي الان شركتنا اشتروها ناس من عندكم قطريين والشركة تسمى المجموعة ونحنا بقينا فى كف عفريت ما عارفين مصيرنا حيكون ايه لكن حسب الاقوال اظنها شركة قوية وربنا يستر طبعا الخبر الاكيد انه اليوم سوف يشرف الرياض سعادة الاستاذ ابن الشعبية البار ( وليد عبد اللطيف ) ونحن فى شوق شديد وفي انتظارة واسرته الكريمة متمنين لهم سفرا سعيدا باذن الله الاخوان المهندس / مجدي نقد الاستاذ / ياسر محمد سعد الف الف مبروك وعقبالنا انشاء الله والله اضافة للبوست وربنا يديم المحبة والالفة بين ابناء وبنات الشعبية متمنيا لكم التوفيق والله يخلي لينا سيد الحوش الاخ الاستاذ المناضل / ودحمد اخونا الدكتور أمير قناوي كيف حالك وعامل ايه مع البرد القارس طبعا انا عاذرك لانك منغمس مع كتاب الشعبية والاخوان هنا كلهم يدعون لك بالتوفيق ومطمئنين جدا وانشاء الله ربنا يوفقك ويسدد خطاك ومن معكم من الباحثين الاخ عبدون طبعا قريت تعليق اخونا وليد قال لي فك عبدون دا وتعال لينا عشان ينفك الساجور اصلوا عبدون دا كج طبعا حيكون معنا يوم الخميس وسوف نتصل عليك باذن الله ولنا لقاء مع الاخوة الاحباء عبر المداخلات والإبداعات من الدكتور عماد والاستاذ خالد درق والدكتورة ستنا وستم الإنضمام عما قريب بالدكتورة روما ويتم نضم العقد الفريد وقد تم ايضا انضمام المهندس مجدي نقد وفي الانتظار وكذا الاخ ياسر وطبعا سال اللعاب يا ياسر عند رؤية البوش وذكرتنا عمك بشار وسلامة ودكان فضل المولى الفاتح على الشعبية الجماعة يضربو البوش ويمشو سينما الصافية الدور التاني كانت لنا ايام لنا لقاء احبتي وانشاء الله من الباب المرة القادمة ولكم تحياتي ودام الود بيننا والسلام ختام اخوكم / فيصل عبد الله محمود / الرياض