|
Re: الشعبية نجمة تزين سماء بحري (Re: Emad Ahmed)
|
كتب وليد عبد اللطيف :
Quote: صورة قديمة للاخ الوجيه الزين عبد اللطيف (شقيقي ) (ود حمد ) لم تعلم ان اخي الزين كان كثير مايمدح شخصك وكان يقول ود حمد شاب يتمتع بكل صفات الرجل الجميلة وهو الان لا يعلم انك من ابتدر فتح البوست السحري الذي جمع كل الطيور المهاجرة في مكان واحد شكوكو اهديك هذه الصورة ايضا حتى تتذكر فيه شيء من الماضي ورغم الحديث عن (الزين ) كثير في كرة القدم إلا اني لم اشاهدة إمكن إلا مره واحدة وحسب الروايات يقال انه كان الكابتن لكمال عبد الوهاب وفوزي المرضي اما صاحبك الكوتش (عزالدين عبد اللطيف ) كنا لم نجاملة ونقول بان كورته عادية وتخيل للان (الزين ) يزور منطقة امدرمان لانهم سكنوا بها قبل مايولدونا في الشعبية
المستشار حسن طه اهديك هذه الصورة لي (ابوهديل ) ايضا حتى تشوف صاحبك زمان وتتذكر ايام الصبا ودي صورة من ارشيفي الخاص ولم يتذكرها الزين |
| |
|
|
|
|
|
|
Re: الشعبية نجمة تزين سماء بحري (Re: عابدون محمد عابدون)
|
Quote: ياخالد درق سلامات وشوفوا معاى برج خليفة دا من الداخل ..
|
الاخ / عابدون تحياتى
يابختك وهنيالك واقامة طيبه
وان شاءالله اول الشهر بسوق الاولاد وندبها طلا اصلوا يا عابدون انا من بيتى الى برج خليفة دقيقتين بس ولك الود
| |
|
|
|
|
|
|
Re: الشعبية نجمة تزين سماء بحري (Re: عابدون محمد عابدون)
|
Quote: اهديك هذه الصورة ايضا حتى تتذكر فيه شيء من الماضي ورغم الحديث عن (الزين ) كثير في كرة القدم إلا اني لم اشاهدة إمكن إلا مره واحدة |
صلتي بالأخ الزين لم تنقطع .. فقد كان في دئرة غربتنا وفيها كان مخالطا أهلنا في دائرة الرحم في معية والدكم الكريم (( عليه رحمة الله )) مما قصر مساحة الإفتراق بيننا .. ورغم أنني لم ألحق به إلا في أوخير المزولة .. وأظنه كان من أهل (( الهدف )) او (( الشعلة )) لكنني تعرفت إليه في ظروف أخر .. وشاهدته في سوانح طيبة بعيدا عن دائرة الكرة بالشعبية .. حيث أنني قريب من أخيك عيسي وحسن عبد الغفور وحسين .. وصلاح حبشي .. وعبد المنعم محمد أحمد الحاج .. وكان الزين قبلنا .. لكننا في الممارسة لا نعترف بهذه الفوارق الزمنية .
الزين رجل خلوق .. ومن نهجه أنه كثير الصحبة .. على خلافي حيث أنني مقل في الصداقات ذلك أنه على مقدرة كبيرة في التعرف على الجميع بينما أنا أفرق بين المعرفة العامة والصحبة والصداقة ..
وقدحدث جدل فكري بيننا في ذلك .. ومازالت أنا على ذات المنوال اعرف الكثيرين وأصادق القليلين الذين أرى فيهم قربا وجدانيا وصلاحية للإجتباء .. ولكل شيخ طريقته في الإجتباء .. لعلني أميل الى التلازمية حيث أن أغلب صداقاتي متمددة من فترة الصبا والشباب .
بلغه التحية والإحترام من بعد السلام
...
| |
|
|
|
|
|
|
Re: الشعبية نجمة تزين سماء بحري (Re: طارق ميرغني)
|
Quote: خالد درق .... الشاب الجميل الخلوق الذي اري اطلالة البراءة في عينيه وكتاباته الجميلة
شكرا علي السؤال عن شخصي الضعيف الغارق في حنايا هذه الدنيا الزائلة.
|
سعادة المستشار / حسن طه مشكور على كلامك الجميل وربنايديك الصحة والعافية وان شاء الله تمتعنا بكتاباتك الرائعه وتحل مشاكل الشعبية ودمتا بخير
| |
|
|
|
|
|
|
Re: الشعبية نجمة تزين سماء بحري (Re: خالد درق)
|
الأخ وليد عبد اللطيف باين المرة دي زيارة الرياض كانت غير (ما زي العذاب الفات) و الدليل الصور الجميلة مع الناس الجميلين فيصل عبد الله و طارق ميرغني..
البروف عبدالرحمن مبروك افتتاحك للصفحة رقم 10 في البوست ...صاحبك طارق ميرغني زي ما قلت آخر تطقيمة ما شاء الله.
| |
|
|
|
|
|
|
Re: الشعبية نجمة تزين سماء بحري (Re: خالد درق)
|
طارق ميرغني
Quote: اخي بروف عبد الرحمن
والله كتر خيرك تركت لي تذكار في ديوان النجمه
لكن مش باغير الطاقيه بس
حتي الابواب انا باغيرها
تحيه عامه لرواد النجمه وخاصة للحاج حمد |
و التحية لك أخي طارق ميرغني فقد ظللت من الذين يشاركوننا بوست النجمة الشعبية و من الذين شاركوا و يشاركون بفاعلية في بوست المحبوبة بحري الطراوة..شكرا طارق.
| |
|
|
|
|
|
|
Re: الشعبية نجمة تزين سماء بحري (Re: الحاج حمد الحاج)
|
ورسالة من الاستاذ / فيصل عبد الله
Quote: الاساذ وليد عبد اللطيف والاسرة الكريمة السلام عليكم ورحمة الله وبركاته اسعد الله اوقاتكم بكل خير اخي ولي عساكم بخير هذه المرة الاولى التي ابعث اليكم بهذه الرسالة عسى ولعل يتغير الحظ كما ذكرت فى مداخلتك السابقة ونترك الاخ (آبدوون ) دا شوية وذي ما قلت يمكن يكون كج الله يستر لكن ما بقدر على الرسوم خلوها حلوة شوية وما ممكن ادفع هنا وهناك آبدون ما تزعل ترى حتفرح بالصور المرسلة للاخ وليد وتشوف اخوك مع اخونا طارق مرغى عند زيارتنا له بمنزله العامر وطبعا ضربنا الكيك الظريف وجرت الونسة لكن كان الوقت ضيق جدا ولم نتمكن من استعادة كل ذكريات بحري والشعبية ومنها للمطار اخي وليد ارجو عرض الصور وانشاء الله تكون عجبتك طبعا كنا على عجل وزي ما عارف اخوك جديد فى الشغلة الاخوان فى النجمة تحياتي لكم وشايف البوست بدا يقل عسى ما شر ارجو ان تواصلو وتتحفونا بما هو جديد وشايف الجماعة كلهم لبدو وعلى ما اعتقد صار همهم الكتاب اخي الدكتور قناوي اشكرك على الثناء واتمنى ان اكون عند حسن ظنك شايفك مشغول الله يديك الصحة والعافية والى الامام سدد الله خطاك الدكتورة روما وينك ما ظهرت نحن فى الانتظار ولا لسة البروتوكولات الدبلوماسية ما انتهت وما علقتي على مداخلتي بخصوص هذه الزيارة الدبلوماسية والله دخلتي الخارجية من اوسع ابوابة اتمنى لك التوفيق والسداد ستنا اكيد وصلت الشعبية اتمنى ان يكون الجميع بخير وطبعا وش لقيتي عزاء عمنا عثمان زبير الله يرحمه ويسكنه فسيح جناته العزاء لكم ولزوجته وابناءة بالحاج يوسف وكل من عليها فان ويبقى وجه ربك ذو الجلال والإكرام اخي وليد يمكن قريت مداخلة اخي عادل محمد عثمان الذي ذكر بانه كتب للاخ الباشمهندس بكري لكن الله غالب وهو ذاتو ما عارف سبب التاخير ولا زلنا فى الانتظار والله كريم ولا بد أن الباشمهندس مشغول شوية عشان كدة إتأخر الموضوع ولنا لقاء والسلام ختام ودمتم فى رعاية الله وحفظه اخوكم / فيصل عبد الله محمود / الرياض |
يا عبدون بعد كده شوف صاحبك كان ما دخل ليك بالباب وتشوف بركاتنا كيف
| |
|
|
|
|
|
|
Re: الشعبية نجمة تزين سماء بحري (Re: وليد عبد اللطيف)
|
Quote: يا عبدون بعد كده شوف صاحبك كان ما دخل ليك بالباب وتشوف بركاتنا كيف |
أعزائي فيصل ووليد اولا وقبل كل شئ
لازم تدفعوا حق الاعارة للاخ عبدون لمعاناته
مع الاخ فيصل في الفترة الماضية وانت يا وليد تلقى
فيصل جاهز وتختفوا عندك وزيارة الرياض فيصل وقع ليك
امام الاخ طارق ميرغني والصور تشهد على ذلك وقالوا يمكن
تعمل ليه جنسية وتسجلوا في ايميلك رغم احتجاجات عبدون
تحياتي لكم جميعا وان شاء الله يا فيصل هذه الصفحة تشهد تواجدك
معنا باب الحوش
| |
|
|
|
|
|
|
Re: الشعبية نجمة تزين سماء بحري (Re: عماد الدين عبدالله)
|
والله يا جماعة الواحد مفتقد البوست لزنقة الشغل
لكن اليوم وبكرة متواجد ومتحكر في بوست الشعبية
طبعا برضو وردية ليل اها يا جماعة الليل ( وليد و خالد درق )
جاهزين جاهزين وطبعا ما شاء الله عليكم دائما جاهزين
تحياتي وحبي واحترامي للجميع
| |
|
|
|
|
|
|
Re: الشعبية نجمة تزين سماء بحري (Re: عماد الدين عبدالله)
|
Quote: أعزائي فيصل ووليد اولا وقبل كل شئ
لازم تدفعوا حق الاعارة للاخ عبدون لمعاناته
مع الاخ فيصل في الفترة الماضية وانت يا وليد تلقى
فيصل جاهز وتختفوا عندك وزيارة الرياض فيصل وقع ليك
|
يادكتور عماد خلاص انا انتهيت من موضوع (فيصلعبد الله ) ووقع العقد معي ووعملت له تخفيض في العملولة وانا بضمن له دخول البوست عن طريقي (ببركاتنا يعني ) وصاحبنا عبدون مشغول لسه بالصفقة والعقد الذي وقعة من قبل بس اتمنى سحب فيصل منه لي ما يكون خسارة له وياخي بعدين الفقراء اتقاسمو النبقة يعني عبدون عايز يخمها كلها .
خالد درق خليك جاهز بكل الفنيات في حال دخول فيصل بوست الشعبية عن طريقي وليك اجر التعليم ( في ميزان حسناتك بس ) قروش مافي هههههههههه
دكتور عماد حسب البرامج اخوك ليهو 3 يوم مدبرس وربنا يسهلها واكيد بعدين معاك
صديقي عماد عثمان اقتراح لو في سهرة خميس اليوم ياريت تفتح بوست في المنبر وتطلق عليه سهرة خميس وكل خميس جديد تنزل لفنان عشان مجهودك الجميل ده يكون موثق في مكان واحد وفي نفس الوقت نكون حركنا المنبر
| |
|
|
|
|
|
|
Re: الشعبية نجمة تزين سماء بحري (Re: وليد عبد اللطيف)
|
الاخ / وليد تحياتى
اولا مبرووووووووك والف مبروك للاخ / فيصل عبدالله لحصوله على الباصورد وبالتوفيق مع النجمه[/
green] Quote: خالد درق خليك جاهز بكل الفنيات في حال دخول فيصل بوست الشعبية عن طريقي وليك اجر التعليم ( في ميزان حسناتك بس ) قروش مافي هههههههههه
|
حضرين اخى وليد بس انت شاور
مودتى
| |
|
|
|
|
|
|
Re: الشعبية نجمة تزين سماء بحري (Re: وليد عبد اللطيف)
|
Quote: وان شاء الله يا فيصل هذه الصفحة تشهد تواجدك
معنا بباب الحوش |
يا وليد تسجيلاتك خطيرة لكن برضو الدعوات بتلعب دور
وكانت الدعوات بانو هذه الصفحة تشهد دخول اخونا فيصل
والحمد لله اهو فيصل بيننا ونقول حبابك الف فيصلنا
الشكر للاخوان بكري ابوبكر وعادل عثمان والحاج حمد
ولصاحب الايميل الرهيب الفنان وليد والشكر
لكل من جعل تواصلك معنا ممكنا اخي فيصل ما تنسوا
حق اخونا عبدون وخاصة بعد اخونا فيصل بقى من حملة
الباسويردات يقبل الريال السعودي والدرهم الاماراتي
| |
|
|
|
|
|
|
Re: الشعبية نجمة تزين سماء بحري (Re: عماد الدين عبدالله)
|
اخوتي احبتي واخواتي اهلي الحنان بالشعبية اخي الدكتور عماد اخي الاستاذ خالد اخي الاستاذ ودحمد وبقية العقد الفريد لكم الود والله ما قادر اعبر عن شكري وامتناني لكم لما لقيته منكم وبالاخص حبيبى واخي الاستاذ / عبدون (آبدوون ) له مني التحية والعرفان اخواني اتمني ان اكون عند حسن ظن الجميع ولكم مني الف الف الف شكر بدون فرز والشعبية فوق كما يحلو للاخ خالد درق
اخوكم فيصل عبد الله
| |
|
|
|
|
|
|
Re: الشعبية نجمة تزين سماء بحري (Re: عابدون محمد عابدون)
|
اخي (آبدوون ) عبدون كيفينك دابك صحيت الناس باركو من زمان وانت لسه ما شفتا بركات عمك وليد والله الزول دا ما ساهل اخيرليك تتبرك بيهو وكمان دعوات الدكتور عماد بالجد انا عملت بيها وبالاخص اية الكرسي غايتو الله يديكم العافية وذي ما قلت نلملم الفرشات والبطاطين طبعا رسلت ليهو مداخلة بعد مكالمة هاتفية وقال لي فك صحبك دا وخليك معانا تكسب وبالفعل كسبت والله اول مرة امشي المكتب يوم الخميس عمري كله ما اشتغلت يوم خميس بس تقول شنو اليوم دا من دون الايام مشيت واول من فتحت بريدي وش لقيت ليك الباسوورد من بكري الله يديهو العافية والاخوان كذلك بس ما صدقت وطوالى اتصلت بوليد قلت ليهو والله الفكي حقك دا قوي خلاص اقوى من حق عبدون اها اخوك لمن دقس وطشه من الدرب عديل وجيتكم بالمنبر العام شفتو الشجاعة دي كيف لك ودي اخي عبدون وين اخونا ابو الشموس نسال منه وهو مطشش ولا الحكاية شنو لكم جميعا الشكر والسلام ختام
اخوك فيصل
| |
|
|
|
|
|
|
Re: الشعبية نجمة تزين سماء بحري (Re: عابدون محمد عابدون)
|
Quote: دكتور عماد حسب البرامج اخوك ليهو 3 يوم مدبرس وربنا يسهلها واكيد بعدين معاك
|
يا وليد الله لا جاب الدبرسة يا اخوي وانت من جيت من الرياض امورك ملخبطة لكن ما في اي مشكلة ننقلك الرياض مع زيادة في الراتب وجدة تجيها في الاعياد والمناسبات الرسمية
Quote: تحياتى للجميع ويادكتور عماد ياخى مع المشاغل دى راجع ايميلك اصلو وليد لطش الكابتن الله يسامحو .. |
آسف جدا اخي عبدون امس ما راجعت الايميل والشكر اجزله لك على هذه الابداعات المعمارية والديكورات الما منظور مثيلها ونحن متين يكون عندنا برج زي دا في السودان يمكن سنة 3000 م وبرضو يمكن لا
تحياتي واحترامي للجميع
| |
|
|
|
|
|
|
Re: الشعبية نجمة تزين سماء بحري (Re: صلاح شكوكو)
|
أخي الأكبر شكوكوالعزيز منور البوست بعد أن إفتقدنا جديد نواضرك. وكان لنا العزاء (ونحن مشغولون مع كتاب الشعبية) أننا نتلقي بروائع النواضر في كل باب. وزي ما قالت أختنا دكتورة ستنا تنسينا تلك النواضر في كل مرة ما نحن بصدده من عمل كلفنا به ، فنسرح مع قلمك الراقي حيناً حتى ندكر. لا أدري مدى متابعتك لجهد الأخوة في إعداد كتاب الشعبية ، ولكني أطمع بعد إكمالنا للمرحلة الأولي في مشاركة منك في صفحة الحوار (في منبر الشعبية) ناقداً وموجهاً . وكنا قد إتفقنا قبل البدء في إعداد الكتاب أن نضع ما أنجزناه بين يدي الجميع وخاصة الرواد الأوائل لنسمع رأيهم. هل الصورة لأخينا ص.ع.ف.؟ بحثت عن صورة للأخ المشار إليه وبخل علينا بصورة. لك ودي الكثير وإعزازي وإعتزازي.
أخي فيصل عبدالله ممنون غاية الإمتنان لبكري ولعادل وللحاج لما حبونا به من هدية. فارس من الفرسان ، حُل قيد أسره ، لينطلق بقلم مضيئ في عالم الإبداع. لن تخيب ظننا ، فقد عرفناك وفياً للشعبية وأهلها عبر نافذة عابدون الوفي. ولم يرفدنا عابدون إلا بكل جميل وأصيل.
| |
|
|
|
|
|
|
Re: الشعبية نجمة تزين سماء بحري (Re: أمير قناوي)
|
ترحيب:
ارحب لانضمام قلم الاخ فيصل عبدالله،للمنبر وبوست الشعبية ونيله الباصورد وفيصل قلمه مترع بالذكريات الندية والكتابات المموثقة من زمان الشعبية الجميل. ونحن موعدؤن بحديث طويل لاناس عزاز مروا في دروب الشعبية وسطروا سيرتها الاولي.
وارحب ايضا بالقلم الانيق،استاذي وقريبي شكوكو،وعودته النشطه للمنبر وبوست الشعبية ونفتقد اسلوبه،ونشتاق ولا نحتمل غياباته،رغم علمنا بمشغولياته الكثيرة بالسودان قلمان سوف يكونا دفعة معنوية للبوست والمنبر.
مودتي
| |
|
|
|
|
|
|
Re: الشعبية نجمة تزين سماء بحري (Re: الفاضل يسن عثمان)
|
Quote: أخي فيصل عبدالله حُل قيد أسره ، لينطلق بقلم مضيئ في عالم الإبداع. لن تخيب ظننا ، فقد عرفناك وفياً للشعبية وأهلها عبر نافذة عابدون الوفي. ولم يرفدنا عابدون إلا بكل جميل وأصيل. |
ود قناوي بسرعة هضمتو حقنا الزول يدخل من عندنا تقولو عابدون هههههههههه
| |
|
|
|
|
|
|
Re: الشعبية نجمة تزين سماء بحري (Re: وليد عبد اللطيف)
|
الفاضل يسن امس هاتفني الكابتن الانيق محمد عبد الصادق وياخي هل تتصور في يوم ممكن نجتمع مره اخرى وكانت ونسة جميلة ويالها من ايام جميلة قضيناها
دكتور عماد و خالد درق وينكم عاملين فيها ناس الليل وسمارو تنوموا من بدري كدا ياخي انا واسيل ولجين وامهم يادوب وصلناالبيت كان كدي نوم العافية يا شباب وجمعه مباركة
| |
|
|
|
|
|
|
Re: الشعبية نجمة تزين سماء بحري (Re: الفاضل يسن عثمان)
|
طرفة يرويها الاخ جمال ابو الريش اخو عزالدين الصبابي
التقيته مرة في الرياض قال لي مشيت البحرين بسيارة
ودخلت في شارع اتجاه واحد عسكري المرور وقفني قال لي
يا زول الشارع دا اتجاه واحد فرديت علي العسكري بسرعة
وقلت ليه والله بلدكم كلها اتجاه واحد فضحك العسكري وقال
لي خلاص امشي .
سرعة البديهة بتحلك من زنقات كثيرة التحية للاخ جمال
ابو الريش واسرته
| |
|
|
|
|
|
|
Re: الشعبية نجمة تزين سماء بحري (Re: خالد درق)
|
Quote: ياوليد وين ننوم نحنا فى بداية الليل |
والله يا خالد درق قصة مشيتكم البحر مضحكة جدا ياخي ماتحكي لينا قصة اخو ناس (حسن ود الفور) لما قال عايز يركب دش في راس بيتهم
اظهر وبان ياعمدة
| |
|
|
|
|
|
|
Re: الشعبية نجمة تزين سماء بحري (Re: خالد درق)
|
ذكريات فى الكورة :-
اخونا امير معطيب من حراس المرمي القوين وكان امير ماشاءالله قوى ، كنا انا وهو بنلعب فى اشبال الاملاك بحرى ومره كنا لعبين فى دار الرياضة ام درمان مباره مع اشبال الهلال زمن عاكف عطا وعقيد ومجموع من الاعبين الممتازين والمبارة مسخنا استلم الكرة عقيد وكان مشهور بتسديدات القوية وامير كان واقف فى المرمي ويكورك يادرق يا هبانى مايشوت وصحبك طبعا شات الكورة وهنا اتصد له امير با يد وطير الكورة خارج دار الرياضة وهنا جمهور دار الرياضة طبعا ما برحم وبق يكورك ده راجل كبير ياناس الاتحاد شيكوا على عمره بكون الجقدالى مزور فى العمر وطبعا الجقدالى كان هو المسؤال عن تسجبل لعبة الشعبية لفريق الاملاك وبقت زكريات الامير كل مانلعب فى دار الرياضة
ومن هنا احى صدبقى وزميلى امير معطيب
ولكم الود
| |
|
|
|
|
|
|
Re: الشعبية نجمة تزين سماء بحري (Re: خالد درق)
|
جمعة مباركة
اللهم اجعلنا نمشي في روضك.. وندرج على حبك.. وحيا على ذكرك.. ونستقيم على قرانك.. ونموت على شهادتك.. اللهم بارك لنا ولوالدينا في جمعتك وارحمنا يا ارحم الراحمين برحمتك.. جمعة مباركه
ولكم منى كل احترام
| |
|
|
|
|
|
|
Re: الشعبية نجمة تزين سماء بحري (Re: وليد عبد اللطيف)
|
أخــتـنـا الـدكــتورة مـــريــم
ســـلام
فـاقـدنـك والله.
بالله أفـتـيـنا فى الموضــوع دا
Quote: شهدت العاصمة اليونانية أثينا في الثامن عشر من أغسطس الماضي معركة (همجية) على حد وصف احدي الصحف اليونانية المحلية، وقعت بضاحية أمونيا عندما نشبت معركة دموية بسبب صراع النفوذ على مناطق توزيع المخدرات بين عصابات السودانيين من جانب وعصابات الصوماليين من جانب آخر..استخدمت فيها (السواطير) والسيوف والفؤوس..وهي معركة لم تشهد أوروبا لها مثيلاً على الأرجح الا في القرون الوسطي وأيام الثورات الأوروبية التي شهدت معارك بالغة الهمجية بالأسلحة البيضاء. |
ولـك الـــود أبـدا وأطـيب الأمـنـيات
| |
|
|
|
|
|
|
Re: الشعبية نجمة تزين سماء بحري (Re: عبدالرحمن إبراهيم محمد)
|
وليد العزيز أعذر أخاك فقد شاخت الذاكرة. والحمد لله ما في فرق بين الحبيبن الكريمين عابدون ووليد. فشباكك جاب لينا ناس لا نتصور البوست من غيرهم , وكذلك شباك عابدون. نافذتان كريمتان يطل منهما كل قلب تواق للقاء ِمع الأحبابِ في حب الشعبية. كنت أريد الإتصال بك أمس بعد أن قرأت بموضوع دبرسة وأشياء من هذا القبيل. إنشغلت بأمور الدنيا. إن شاء الله كلو في السليم.
| |
|
|
|
|
|
|
Re: الشعبية نجمة تزين سماء بحري (Re: أمير قناوي)
|
Quote: كنت أريد الإتصال بك أمس بعد أن قرأت بموضوع دبرسة وأشياء من هذا القبيل. إنشغلت بأمور الدنيا. إن شاء الله كلو في السليم. |
مشكور دكتور قناوي ياخي في الغربة احيانا تحصل ليك اشياء في بلدك ما ممكن تتوقعها فبتقوم تدبرس بيك وتجري جنوب وتجري شمال وفي النهاية ما تحلك شيء غير فلوسك وحت بالقروش تجد صعوبه في حلها شيء لله مافي وحتى اذا دفعت تكون خايف الناس تنصب عليك اها موضوعي دا النتيجه فيهو بكرة (السبت ) بس دعواتك
------ قصة شباكي ( السحري ) وشباك عبدون دا تحريض من الاستاذفيصل عبد الله وربنا يحفظ ذاكرتك لان الشعبية بالزات محتاجه لها
| |
|
|
|
|
|
|
Re: الشعبية نجمة تزين سماء بحري (Re: وليد عبد اللطيف)
|
Quote: اها موضوعي دا النتيجه فيهو بكرة (السبت ) بس دعواتك
|
تحياتي اخي وليد بركة الجمعة الجامعة والكلمة السامعة ربنا يحقق ليك
موضوعك والنتيجة تكون كما تتمناه انت
والله امس ما نمت بدري بس جاني اتصال من امريكا من زميل
دراسة في روسيا فرقتنا الايام ولم نعرف اخبار بعض وهو
وجد تلفوني واتصل علي وبعد داك انا اتصلت عليه عن طريق
النت ( مجاني برنامج Poivy ) ملح يعني والله يمكن بنتونس
لحدي الصباح الملح عاد ما سمح يعني يا ناس امريكا نحن
بنتصل عليكم
تحياتي واحترامي
| |
|
|
|
|
|
|
Re: الشعبية نجمة تزين سماء بحري (Re: عماد الدين عبدالله)
|
الاخت الدكتورة مريم
تحياتنا واحترامنا
الجميع يفتقدك
لم تظهري في سودانيزاون لاين ولا في بوست الشعبية
ولا في بوست بحري واتصلت عليك بالتلفون وبتجي رطانة
يظهر كلام يوناني ورسلت ليك ايميل وبرضو ما في رد
ان شاء الله المانع خير
يا جماعة ابحثوا معنا عن الدكتورة روما التي اختفت
في ظروف غامضة
| |
|
|
|
|
|
|
Re: الشعبية نجمة تزين سماء بحري (Re: عماد الدين عبدالله)
|
..
صاحب الصورة أعلاه أخ كريم من سمته الإلتزام بمعناه وفحواه الكبير كان من أمهر لاعبي كرة القدم كحارس أمين للمرمى ومن حسن طالعه أنه جاء خليفة للحارس العملاق (( عبيدين )) فزاد حلاوة الحراسة طلاوة غير معهودة .. كان خياره بين الكرة وغيرها هو آذان المغرب .. حتى أننا غيرنا ميقات لعبنا ليوافق إلتزامه الحي .. كان حييا .. كان قليل الكلام .ز فإن تكلم قال دررا .ز ولا أخاله اليوم بأقل من ذلك فالسنوات تجلي الرائعين وأحسب انه إزداد بريقا والقا ولمعانا .. فهو من القليلين الذين كانت بواطنهم على وجوههم .. كانوا ثلاثة (( عبدين - وهو - وعاطف )) حراسا للمرمى وكانوا عنوانا للإنسانية النبيلة
له كل التحية فهو قريبي وإبن حيي وفارس أيامنا له مودتي وتقديري وتقدير عميق للأخ عبدين والأخ عاطف أينما كانوا مودتي وناضر مودي
..
| |
|
|
|
|
|
|
Re: الشعبية نجمة تزين سماء بحري (Re: الفاضل يسن عثمان)
|
الاخ / الفاضل ياسين
اشكر لك شعورك النبيل نحوي وانه ليعجز اللسان عن شكرك ومن قبل وانت تتابع مداخلاتي وان دل ذلك فانما يدل على حبك للشعبية ومن بالشعبية من احبة واخوة واهل فانني انشاء الله سوف اذكر كل ما يجول بخاطري هذا وان اسعفتني الذاكرة اخي الفاضل الكبر حصل بس الله يدي العافية وكيف عاملة الامورة انشاء الله بخير لك حبي وتقديرى
اخوك فيصل
تخريمه : وين ياجماعة الدكتورة / روما كما قال الدكتور عماد شوفوها وين ؟
| |
|
|
|
|
|
|
Re: الشعبية نجمة تزين سماء بحري (Re: الفاضل يسن عثمان)
|
الاخ / الفاضل ياسين
اشكر لك شعورك النبيل نحوي وانه ليعجز اللسان عن شكرك ومن قبل وانت تتابع مداخلاتي وان دل ذلك فانما يدل على حبك للشعبية ومن بالشعبية من احبة واخوة واهل فانني انشاء الله سوف اذكر كل ما يجول بخاطري هذا وان اسعفتني الذاكرة اخي الفاضل الكبر حصل بس الله يدي العافية وكيف عاملة الامورة انشاء الله بخير لك حبي وتقديرى
اخوك فيصل
تخريمه : وين ياجماعة الدكتورة / روما كما قال الدكتور عماد شوفوها وين ؟
| |
|
|
|
|
|
|
Re: الشعبية نجمة تزين سماء بحري (Re: أمير قناوي)
|
Quote: أخي الأكبر شكوكوالعزيز منور البوست بعد أن إفتقدنا جديد نواضرك. وكان لنا العزاء (ونحن مشغولون مع كتاب الشعبية) أننا نتلقي بروائع النواضر في كل باب. وزي ما قالت أختنا دكتورة ستنا تنسينا تلك النواضر في كل مرة ما نحن بصدده من عمل كلفنا به ، فنسرح مع قلمك الراقي حيناً حتى ندكر. لا أدري مدى متابعتك لجهد الأخوة في إعداد كتاب الشعبية ، ولكني أطمع بعد إكمالنا للمرحلة الأولي في مشاركة منك في صفحة الحوار (في منبر الشعبية) ناقداً وموجهاً . وكنا قد إتفقنا قبل البدء في إعداد الكتاب أن نضع ما أنجزناه بين يدي الجميع وخاصة الرواد الأوائل لنسمع رأيهم. هل الصورة لأخينا ص.ع.ف.؟ بحثت عن صورة للأخ المشار إليه وبخل علينا بصورة. لك ودي الكثير وإعزازي وإعتزازي. |
شكرا جميلا جزيلا أخي وقريبي أمير لك مدتي وتقيري صحيح أنني أحتاج لرتق الفتق .. فقد بعدت مدة لم تتيح لي فرصة التواصل الحي مع الحي
ولعل فكرة إعداد كتاب ميسرورة بعض الشيء خاصة وأن المادة مطروحة أمام الجميع وما يتبقى هو التبويب .. لتقسم الكتاب حسب أبواب معينة .. خاصة أن الكتابة توثيقية ولأن إبعاد معلومة وإدخال أختها يحتاج الى إمعان نظر وتأني كبير يستلزم الأمر تكوين لجنة مهمتها التنقيح .. فمثل هذا العمل فيه مافيه من التجاذب والرؤى والإختلاف ولما كان الناس بعيدين تبقى المهمة أمضى وأكثر مشقة . وبعد ذلك يمكنكم طرح المادة كعناوين على النت لأن طرح الموضوعات التي سيحويها الكتاب تجعل الفكرة تموت قبل مولدها ..
(( سأزوركم منبر الشعبية إن شاء الله ))
ولكم أنضر مودة
..
| |
|
|
|
|
|
|
Re: الشعبية نجمة تزين سماء بحري (Re: صلاح شكوكو)
|
مبروك فيصل عبد الله شكرا بكري أبو بكر شكرا عادل محمد عثمان
الف مبروك للأخ فيصل عبد الله عضوية المنبر و هو بلا شك اضافة حقيقية للمنبر و لبوست الشعبية و يؤكد على ذلك مشاركاته التي كانت عبر الشباك فأكيد عندما جاء بالباب سيجد فرصة أوسع لتسطير مشاركاته..الشكر للأخ بكري أبو بكر و لابن الشعبية البار عادل محمد عثمان..
| |
|
|
|
|
|
|
Re: الشعبية نجمة تزين سماء بحري (Re: الحاج حمد الحاج)
|
اخي ودحمد ( سيد الحوش )
لك تحياتى واشواقى وشكري الجزيل ولكم اخجلتم تواضعنا بهذ الترحاب الذي لا ينقطع من الاخوة والاحبة من الخارج والداخل لكم حبى وتقديري متمنيا من الله العلي القدير ان اكون عند حسن ظن الجميع
لكم حبي وتقديري وكل من رشحني ووقف بجانبي حتى نلت الباسوورد
لكم حبي وتقديري
فيصل عبد الله محمود
| |
|
|
|
|
|
|
Re: الشعبية نجمة تزين سماء بحري (Re: صلاح شكوكو)
|
الاخ شكوكو / صاحب النواضر الجميلة متعك الله بالصحة والعافية واسعد الله اوقاتك بكل خير
اخى صاحب النواضر ياخي سلم ولا مشغول اكيد مشغول لانه غبت فترة وكنا نتوق لنواضرك الجميلة وخاصةالاحبة بصدد اصدار كتاب الشعبية اولا ما ادري هل انت تذكرني ولا برضة الذاكرة ذى حقتنا وجاي ارجو ان لا يكون ذلك طبعا اخوك من اللعيبة القدام ومن مؤسسي فريق الصداقة مع ناس عطا باقرين لعبت مع جحر ولعبت مع المفك ولعبت مع على سيودة والجقدلي وابراهيم الشيخ وعبد الصادق هل تذكر هؤلاء اذا تذكرتهم فلا بد ان تذكرني ولا طول المدة نساكم ناس الشعبية القدام ارجو ان لا يكون ذلك ولك حبي وتقديرى وارجو ان لا تنقطع
مودتى
اخوك فيصل عبد الله
| |
|
|
|
|
|
|
Re: الشعبية نجمة تزين سماء بحري (Re: صلاح شكوكو)
|
الاخ شكوكو / صاحب النواضر الجميلة متعك الله بالصحة والعافية واسعد الله اوقاتك بكل خير
اخى صاحب النواضر ياخي سلم ولا مشغول اكيد مشغول لانه غبت فترة وكنا نتوق لنواضرك الجميلة وخاصةالاحبة بصدد اصدار كتاب الشعبية اولا ما ادري هل انت تذكرني ولا برضة الذاكرة ذى حقتنا وجاي ارجو ان لا يكون ذلك طبعا اخوك من اللعيبة القدام ومن مؤسسي فريق الصداقة مع ناس عطا باقرين لعبت مع جحر ولعبت مع المفك ولعبت مع على سيودة والجقدلي وابراهيم الشيخ وعبد الصادق هل تذكر هؤلاء اذا تذكرتهم فلا بد ان تذكرني ولا طول المدة نساكم ناس الشعبية القدام ارجو ان لا يكون ذلك ولك حبي وتقديرى وارجو ان لا تنقطع
مودتى
اخوك فيصل عبد الله
| |
|
|
|
|
|
|
Re: الشعبية نجمة تزين سماء بحري (Re: أمير قناوي)
|
اخى الدكتور امير قناوى السلام عليكم ورحمة الله وبركاتة اسعد الله اوقاتكك بكل خير اخى متعك الله بالصحة والعافية واننى لسعيد جدا بان اجتمع مع اخوة لي لم اتخيل فى يوم من الايام بانني ساجتمع بهم عبر البوست هذا الحوش الذي جمع كل الاحبة وعلى راسهم الاستاذ ود حمد الذى كان له القدح المعلى ومن ثم اخي الذى هجر الرياض وعن طريق الصدفه جمعتني مكالمة هاتفية عبر الاستاذ ابو محمد فؤاد ومنها انطلقت واخذت اعبر عن طريق نافذة الاخ الحبيب الاستاذ / عبدون وظللنا فى الانتظار الى ان من الله علينا بتصريح المرور عن طريق الاخ الحبيب عادل وبالفعل وفى يوم خميس وببركات اخونا الاستاذ وليد الذى جمعتني به الايام وعرفني بالاخ البحراوي الكبير الاستاذ / طارق وبعدها فقط وبايام قليلة جدا استلمت الباسوورد حيث قال لى الاخ وليد فك عمنا آبدوون وسوف تكسب معنا ( مزحة ) وفعلا وفي يوم الخميس ولاول مرة ياجماعة فى حياتى ان اذهب للمكتب يوم خميس وفتحت الايميل فاذا بي اجد رسالة من الباشمهندس بكري ما صدقت وعلى الفور اتصلت بالاخ وليد تعرف قال ايه ( انا ما قلت ليك فك عبدون تكسب ) مت من الضحك وقلت له ببركاتك يا شيخ وليد ومن ديك وعيك وتصدق لحدي الان انا لا تسعني الفرحة ولنا لقاء اخي دكتور امير ولك مني اللف شكر وربنا يقدرنا على التعاون معك في اصدار كتاب الشعبية وسدد الله خطاك وابقى عشرة على دعاء الاخ الدكتور عماد الذي دائما ما يتحفنا بدعاء جميل شكر الله له ولبقية العقد الفريد ولنا لقاء اخي والسلام ختام
اخزك / فيصل عبد الله محمود
| |
|
|
|
|
|
|
Re: الشعبية نجمة تزين سماء بحري (Re: فيصل عبد الله محمود)
|
Quote: وارحب ايضا بالقلم الانيق،استاذي وقريبي شكوكو،وعودته النشطه للمنبر وبوست الشعبية ونفتقد اسلوبه،ونشتاق ولا نحتمل غياباته،رغم علمنا بمشغولياته الكثيرة بالسودان قلمان سوف يكونا دفعة معنوية للبوست والمنبر.
|
الفاضل (( الفاضل يسن )) لكن التحية مثنى وثلاث ورباع متنى للتفقد الجميل عبر البوست ثلاثية لانك قريبي ورباع لأنك مهموم بالحي فأنت الجار ذو القربى والجار الجنب جنبك الله كل مكروه
شكل اليوم في السودان ليس متساوي الساقين بل أنه شكل لا يمت للهندسة في شيء لذلك تجد لناس (( دايشين )) والدوشان هو التوهان .. فأغلب الزمن مستهلك في الجوانب الإجتماعية التي تأخذ ثلث العمر ..
متعك الله بالصحة والعافية سلام تعظيم للحاجة وللأسرة كلها مودتي
..
| |
|
|
|
|
|
|
Re: الشعبية نجمة تزين سماء بحري (Re: خالد درق)
|
Quote: واتصلت عليك بالتلفون وبتجي رطانة
يظهر كلام يوناني ورسلت ليك ايميل وبرضو ما في رد
ان شاء الله المانع خير
|
الاخ دكتور عماد تحياتى
والله نفس الشى انا اتصلت وارسلت اميل بس مافى اى رد
ان شاءالله المانع خير اخت مريم ....
لو اى واحد من الاخوان عند اى اخبار عن الاخت مريم يطمنا عليها
ولكم الود
| |
|
|
|
|
|
|
Re: الشعبية نجمة تزين سماء بحري (Re: خالد درق)
|
درق: Quote: والله نفس الشى انا اتصلت وارسلت اميل بس مافى اى رد
ان شاءالله المانع خير اخت مريم ....
|
الزوله الرائعة دكتورة روما،اسبوع فائت كدي،تركت رسالة في موبايلي للسلام ورجعت اليها دخل voice mail ،اتمني كل الصحة والعافية اليها وزوجها محمد وسوف احاول الاتصال مجددا اليوم السبت.
مودتي
| |
|
|
|
|
|
|
Re: الشعبية نجمة تزين سماء بحري (Re: الفاضل يسن عثمان)
|
الاخوان بالبوست
صباح الخير على الجميع
الاخ / الفاضل يسن تحياتى يارائع
Quote:
،اتمني كل الصحة والعافية اليها وزوجها محمد وسوف احاول الاتصال مجددا اليوم السبت.
|
انا اليوم الصباح اتصلت ونفس الشى التلفون مغلق وربنا يطمناعليها يارب
مودتى
| |
|
|
|
|
|
|
Re: الشعبية نجمة تزين سماء بحري (Re: خالد درق)
|
أخوتي العمادين وخالد درق توقعت ..وإنتظرت.. وبحثت.. توقعت أن تقوموا بفتح صفحات للحكم والطرائف وإستراحةالخميس في منبر الشعبية، حسب إقتراح الحاج. إنتظرت مجئ الخميس والجمعة ، ثم مجئ السبت، وبحثت مراراً عن صفحة بإسم أحدكم في منبر الشعبية. لم أجد شيئاً من ذلك . هل هو إنشغال ، أم أسباب أخرى؟ في إنتظاركم في كل مكان (هنا أو هناك) وكلي أمل أن لا ينقطع عطاؤكم الجميل.
| |
|
|
|
|
|
|
Re: الشعبية نجمة تزين سماء بحري (Re: أمير قناوي)
|
red]عناوين مواقع الانترنت تكتب بالعربية منتصف 2010
سان فرانسيسكو - أ ف ب: في خطوة مهمة توصف بأنها أكبر تحول تقني في مجال الانترنت منذ 40 عاماً فإن عناوين مواقع الانترنت ستكتب باللغة العربية منتصف العام الحالي. كما سيمكن كتابتها باللغة الروسية أيضاً. وقد اعلنت شركة الانترنت للارقام والاسماء المخصصة "ايكان" ان مصر والسعودية والامارات وروسيا يمكنها اعتبارا من الآن اعتماد عناوين مواقع على شبكة الانترنت بلغتها الام. وبذلك، ازالت "ايكان" احتكار الحرف اللاتيني لثلاثة عقود، لاسماء النطاق على الانترنت. وقال المدير التنفيذي للشركة ان هذا الحدث "يشكل مرحلة محورية في تاريخ اسماء النطاق على الانترنت". واضاف "سيُتيح هذا الأمر طباعة العنوان كاملا بلغة المستخدم الأم". وسيكون على الدول الاربع التي حصلت على الموافقة ان تطلب ادراج لائحة مواقعها بلغتها الخاصة ضمن نظام اساسي لاسماء النطاق، يكون متاحا للمستخدمين في العالم بأسره بحلول منتصف هذه السنة، وفق "ايكان".
نقلا عن صحيفة الراية القطرية 23 / 1 / 2010 م
| |
|
|
|
|
|
|
Re: الشعبية نجمة تزين سماء بحري (Re: عماد الدين عبدالله)
|
Quote: أخوتي العمادين وخالد درق توقعت ..وإنتظرت.. وبحثت.. توقعت أن تقوموا بفتح صفحات للحكم والطرائف وإستراحةالخميس في منبر الشعبية، حسب إقتراح الحاج. إنتظرت مجئ الخميس والجمعة ، ثم مجئ السبت، وبحثت مراراً عن صفحة بإسم أحدكم في منبر الشعبية. لم أجد شيئاً من ذلك . هل هو إنشغال ، أم أسباب أخرى؟ في إنتظاركم في كل مكان (هنا أو هناك) وكلي أمل أن لا ينقطع عطاؤكم الجميل. |
الرائع المبدع ود قناوي والله يا دكتور انا الايام دي مزنوق مع الشغل وبجي البوست متاوقات وردود سريعة عندنا امتحانات الشهادة الثانوية القطرية ومع التجهيز والتصحيح بدات يوم الخميس 21 / 1 وحتى يوم 31 / 1 وبعدها امتحانات بقيت الصفوف من الابتدائي وحتى الثاني الثانوي وتنتهي يوم 10 / 2 وبعدها عندنا اجازة اسبوعين وربك يفك الزنقة وتلقانا متحكرين في المنبر والبوست لكن هسع انا بفتح صفحة في المنبر وادشنها لكم وارجو المعذرة والله غياب غصبا عني وهو انشغال وليس هناك اي اسباب اخري تحياتي للجميع
| |
|
|
|
|
|
|
Re: الشعبية نجمة تزين سماء بحري (Re: عماد الدين عبدالله)
|
أهل الشّعبية السلام عليكم ورحمة الله وبركاته معليش اليومين ديل في غاية الانشغال! والآن أدخل مضطرّاً! أولاً من أجل تهنئة الأخ فيصل عبد الله بنيل كلمة المرور إلى منبر الشعبية! فإليه أبعث خالص التهانئ، عسى أن يُسهم بكيبورده في تطوير منبر الشعبية حتى يكون قاعدة لتعميق العلاقات بين أبناء الحي! انطلاقاً نحو تطوير الحيّ الجميل بأهله، والّذي نريده أن يكون كذلك جميلاً بمرافقه ومنشآته و..! ثانياً، دخلت مضطراً، لكي أردّ على تحيّة صاحب النواضر الأخ العزيز صلاح شكوكو المدعّمة بصورة من زمن الصّبا! في الحقيقة هذه الصورة، وما ورد في كلام شكوكو من ذكر الأخ جمال أبو الريش ذو البديهة الحاضرة دوماً، والأخ عابدين محمد الحسن سالم، ذلك الكائن المتفرّد، رجعوني لأيام جميلة أيام تمارين الجهاد الممتعة والتي جذبت صلاح شكوكو رغم انتمائه الأصيل لنجوم الشعبية، فأصبح يمارس هوايته في تلك الفترة في ميدان الجهاد! شكراً لأخي شكوكو وللأخ عمدة إطراؤهما الجميل الذي لا أظني أستحقّه! وللأخ أ ع ن ق، ههههه!
| |
|
|
|
|
|
|
Re: الشعبية نجمة تزين سماء بحري (Re: صلاح عباس فقير)
|
الاخ / دكتور امير قناوى تحياتى
Quote: أخوتي العمادين وخالد درق توقعت ..وإنتظرت.. وبحثت.. توقعت أن تقوموا بفتح صفحات للحكم والطرائف وإستراحةالخميس في منبر الشعبية، حسب إقتراح الحاج. إنتظرت مجئ الخميس والجمعة ، ثم مجئ السبت، وبحثت مراراً عن صفحة بإسم أحدكم في منبر الشعبية. لم أجد شيئاً من ذلك . هل هو إنشغال ، أم أسباب أخرى؟ في إنتظاركم في كل مكان (هنا أو هناك) وكلي أمل أن لا ينقطع عطاؤكم الجميل. |
بس انشغال بسيط فى العمل حيث بنجهز فرع للشركة فى مدينة العين والواحد بجرى من دبى الى العين ولكن خلاص يومين وانتهى ... ما اكثر من ذلك اخ امير فالشعبية فى القلب ونحنا فى خدمتها فى اى وقت
مودتى ...
| |
|
|
|
|
|
|
Re: الشعبية نجمة تزين سماء بحري (Re: خالد درق)
|
فى اتصال جميل من استراليا من الاخ والصديق العزيز / فوزى يسن اخ زميلنا الفاضل يسن بهدى السلام الى جميع الاخوان فى بوست الشعبية الحبيبة وهو متابع لكل ما يكتب من الاخوان وبشيد بفكرة الكتاب الخاص بالشعبية وبسل عن الاخت روما وبخترح بان يتم الاتصال باخوه محمود فى الشعبية واخذ منها تلفون زوجها محمد حتى يطمن عليها الجميع لان تلفون مريم مغلق ليه عدت ايام .. هذا هو اصل اهل الشعبية فى الترابط والتواصل دايما تجدهم كالاسره الواحده وهذه هى الشعبية التى تربينا فيها علمتنا ان نكون كالاهل .. الشعبية فوق فوق شكرا اخى فوزى شكرا لى اخلاصك للشعبية ودمتا فى خير ...
نرجوا من الاخوان العند تلفون الاخ محمود اخوه الاخت الدكتورة مريم ان ينزل فى البوست او ان يقوم بالاتصال به ويعرف منوا اخبار الاخت مريم ....
ولكم الود دايما
| |
|
|
|
|
|
|
Re: هــــلا والـف هـــلا بالاخ فيـصل عــبد الله محــمود (Re: خالد درق)
|
الاخوة والاخوات في داخل الشعبية وفي ارض المهجر
ســــــــلام وصباح الخير
مشتاقين حتي النخاع للوجوه النيرة والناس الطيبين والبوست اصبح في غاية المتعة لكن ظروف ضغط الشعل هي المانع للمواصلة والمداخلة و هــــلا والـف هـــلا بالاخ فيـصل عــبد الله محــمود البوست امتلا نشاطا وحيوية وانطلق كالمارد العنيد يشق عباب الزمن بزمرة شيقة واخوة افاضل وروح طيبة فالف هلا بالاخ فيصــل
عزالدين عباس الفحل ابوظبي
| |
|
|
|
|
|
|
Re: هــــلا والـف هـــلا بالاخ فيـصل عــبد الله محــمود (Re: عزالدين عباس الفحل)
|
Quote: تحياتي اخي وليد بركة الجمعة الجامعة والكلمة السامعة ربنا يحقق ليك
موضوعك والنتيجة تكون كما تتمناه انت |
دكتور عماد + امير قناوي + خالد درق الحمد لله اتوفقنا وكما تعلمون اهم شيء الدفع هنا والقروش بتجي وبتروح ومستقبل الاولاد هو الاهم وكما قالت ( ام اسيل ) دي دعوات عماد والشباب
الاخ فيصل مشكور على الاتصال لوفقتك معنا والسؤال يارجل ياهميم سين سؤال يافيصل ؟ من هم اللذين كونوا فريق الصداقة
---------------------- مشكورين
| |
|
|
|
|
|
|
Re: هــــلا والـف هـــلا بالاخ فيـصل عــبد الله محــمود (Re: وليد عبد اللطيف)
|
رســــالة مفتــوحـة الي الاخ الفاضل عادل عثمان
حياك الله
عزيزي كيف اخبارك مع البرد الشديد والثلوج والدفئ في ارض الانجليز عزيزي وصلني في الايميل رسالة من الاخوة :-
1 - اسامة خالد محمد 2 - هاشم عبد الرازق الضو 3 - الدكتور طلال حسن محمد
وهم من ابناء الشعبية ، ويودوا الانضمام الي الركب فهل من مساعدة لهم
مع خالص الود
عزالدين عباس الفحل ابوظبي
| |
|
|
|
|
|
|
Re: هــــلا والـف هـــلا بالاخ فيـصل عــبد الله محــمود (Re: وليد عبد اللطيف)
|
الاخ ولي تحية طيبة مباركة الحمد لله الذى لايحمد سواه ان فك الدبرسة والله لا جاب الدبرسة اخي وليد ياخى الناس بالناس والكل لرب العالمين فلا تيأس ووراك رجال ياكلو النار ما عليك الشىء الثاني هذا من واجبنا اخيى وليد اما بخصوص موسسى فريق الصداقة فانشاء الله بعد ان افرغ من التهاني نلتفت للرياضه وخلافة فصبرا اخي وليد ولنا لقاء الاخ شكوكو كان قبل مدة مع الاخ بله حسونه الرجل الخلوق وقد دار الحديث بينهم كما قال الاخ شكوكو وقد ذكر له ايام الصداقة فياليت ايام الصداقة تعود اخي وليد
لك تحياتي وتقديري
اخوك فيصل
| |
|
|
|
|
|
|
Re: هــــلا والـف هـــلا بالاخ فيـصل عــبد الله محــمود (Re: عزالدين عباس الفحل)
|
الاخ العزيز / عزالدين الفحل لك مني عاطر التحايا اشكرك على التهنئة الجميلة والبوست منور بكم وبما اتحفتنا به من صور جميلة لذلك الحي الجميل الذى ترعرعنا فيه وكانت لنا فيه ذكريات وبالفعل اخي عزو لقد امتعتنا وهيجت ذكرياتنا متعك الله بالصحة والعافية اخي خالد ولكم انت وفى اخي عزو ومن خلال تواصلك لمعلميك وايصالهم بالاحبة ومن تتلمذ على ايدهم فإن دل هذا فانما يدل على اصالة ابناء الشعبية فى توادهم وتراحمهم اسأل الله سبحانه وتعالى أن يديم المحبةوالالفة وأن يسدد خطاك وينور لك طريقك اخي عزو لك شكري وتقديري ودمتم فى رعاية الله وحفظه
اخوك / فيصل عبد الله محمود
| |
|
|
|
|
|
|
Re: الشعبية نجمة تزين سماء بحري (Re: صلاح عباس فقير)
|
اخى صلاح عباس فقير لك اطيب تحياتى واشواقي فعلا لقد شوقتني برؤيتك ولقد امعنت النظر فى الصورة ولكن لم تسعفني الذاكرة وفعلا لقد افرغت الصداقة شباب اشداء اقوياء لعدة فرق الشعلة الجهاد النجوم وخلافة اخي صلاح اشكرك على التهنئة واتمنى من الله ان يجمعنا فى ساعة خير لك كل الود
اخوك فيصل
| |
|
|
|
|
|
|
Re: الشعبية نجمة تزين سماء بحري (Re: فيصل عبد الله محمود)
|
أخي وصديقي فيصل بن عبد الله
التهنئة القلبية لكم وانت تدخل بوابة الشعبية برجلك اليمين
والباسوورد ان شاء الله يتربي في عزكم.
ويا ذكريات .. اسرعي مع قلم فيصل
ما اعرفه عن فيصل ... روحه المرحة حتي وهو جاد حين يحكي
وبالتاكيد ستظل هذه الروح هي ديدن كتاباته هنا
ويا بوست الشعبية جاك الهنا من اوسع ابوابه
ونحن في الانتظار يا ابن عبد الله
تحيات بلا حدود للجميع
| |
|
|
|
|
|
|
Re: الشعبية نجمة تزين سماء بحري (Re: Munir)
|
Quote: فى اتصال جميل من استراليا من الاخ والصديق العزيز / فوزى يسن اخ زميلنا الفاضل يسن بهدى السلام الى جميع الاخوان فى بوست الشعبية الحبيبة وهو متابع لكل ما يكتب من الاخوان وبشيد بفكرة الكتاب الخاص بالشعبية وبسل عن الاخت روما وبخترح بان يتم الاتصال باخوه محمود فى الشعبية واخذ منها تلفون زوجها محمد حتى يطمن عليها الجميع لان تلفون مريم مغلق ليه عدت ايام .. هذا هو اصل اهل الشعبية فى الترابط والتواصل دايما تجدهم كالاسره الواحده وهذه هى الشعبية التى تربينا فيها علمتنا ان نكون كالاهل .. الشعبية فوق فوق شكرا اخى فوزى شكرا لى اخلاصك للشعبية ودمتا فى خير ...
نرجوا من الاخوان العند تلفون الاخ محمود اخوه الاخت الدكتورة مريم ان ينزل فى البوست او ان يقوم بالاتصال به ويعرف منوا اخبار الاخت مريم ....
ولكم الود دايما |
الأخوة الأعزاء
أ. خالد درق
دكتور عماد
أ. فيصل
والكل السائلين عن أختنا العزيزة مريم، إليكم رساله منها
تبلغكم الدكتورة تحياتها وتشكركم على السؤال عنها، وتعتذر عن عدم التواصل معكم في الفترة السابقة نسبة لإنشغالها ببعض الأمور، وتوضح أنها فقدت جهاز الموبايل خاصتها،، وتشكر كل من إتصل ومن سأل جذيل الشكر ،،،
وهو ده العشم منكم أخواني أعمامي أهلي ناس الشعبية
تحياتي لكم جميعا
| |
|
|
|
|
|
|
Re: الشعبية نجمة تزين سماء بحري (Re: ياسر محمد سعد)
|
صلاح عباس فقيري :-
Quote: ثانياً، دخلت مضطراً، لكي أردّ على تحيّة صاحب النواضر الأخ العزيز صلاح شكوكو المدعّمة بصورة من زمن الصّبا! في الحقيقة هذه الصورة، وما ورد في كلام شكوكو من ذكر الأخ جمال أبو الريش ذو البديهة الحاضرة دوماً، والأخ عابدين محمد الحسن سالم، ذلك الكائن المتفرّد، رجعوني لأيام جميلة أيام تمارين الجهاد الممتعة والتي جذبت صلاح شكوكو رغم انتمائه الأصيل لنجوم الشعبية، فأصبح يمارس هوايته في تلك الفترة في ميدان الجهاد! شكراً لأخي شكوكو وللأخ عمدة إطراؤهما الجميل الذي لا أظني أستحقّه! وللأخ أ ع ن ق، ههههه! |
هي أيام خالدات هي الذاكرة الحقيقية أخي (( صلاح )) فكثير من الأشياء تتسرب من بين أصابعنا لكن أصالة الأصيلين تظل مترعة فينا بإشراقها الدائم .. ولعلك ذكرت الأخ الجميل (( عابدين محمد الحسن سالم)) ذلك الجبل الأشم .. وذلك الخلوق المتفرد الذي أثبت أن الإنسان يمكن أن يكون جميلا من الدخل والخارج ... فقد كان زهرة بيننا .. ودودا في بيته بشوشا بين أصدقاءه .. كانت كلماته بلسما يطبب النفوس .. وعظيما في المدافعة عن الحق كيس فطن لبيب .. عذب الحديث .. قريب من النفوس والقلوب نصائحة قواعد من ذهب في زمان صعب كان قلبه من ذهب أيضا له التحية والتحية لكل الذين كانوا يتحلقون بيننا في ذاك الأوان
ولكم ودي
..
| |
|
|
|
|
|
|
Re: الشعبية نجمة تزين سماء بحري (Re: Munir)
|
الاخ / منير اولا الشكر اجزله لك ولتهنئتك الظريفة ورب صدفة خير من ميعاد تصادفنا فى البوست ولكن لم نتقابل اخى منير متمنيا من الله ان يجمعنا فى ساعة خير واعتب عليك بانك مقل فى دخولك البوست الرجاء التواصل لتدوم المحبة والإلفة بين ابناء الشعبية العزاز لك مني الف شكر وتحية عطرة
اخوك / فيصل عبد الله
تخريمة : بارك الله فى الاخ ياسر محمد سعد فلقد اتى بالتور من قرونه وطمأن الجميع بالخبر السار بان الدكتورة روما بخير فقط فقدت الموبايل انشاء الله تلم فيه يارب وما تدبرس ذى واحد اخونا وتنقطع يلا يا بتاع الملايين شوف ليك موبايل للدكتورة ولا رايك شنو يا ( آبدوون ) بت جيرانكم وانت عارف الجار شنو
| |
|
|
|
|
|
|
Re: الشعبية نجمة تزين سماء بحري (Re: عابدون محمد عابدون)
|
ناس الشعبية فى الداخل والخارج
صباح الخير للجميع
Quote: دكتور عماد + امير قناوي + خالد درق الحمد لله اتوفقنا وكما تعلمون اهم شيء الدفع هنا
|
الاخ وليد عبد اللطيف تحياتى
والحمدالله على التوفبق اخى وربنا يحفظك انت والاسرة الكريمه يارب
مودتى
| |
|
|
|
|
|
|
Re: الشعبية نجمة تزين سماء بحري (Re: طارق ميرغني)
|
صباح الخير ياناس الشعبية برة وجوة ..
ياجماعة يحيى الدكتور امير قناوى والله يديك العافية فى مسعاك الصعب من اجل الشعبية وكتابها والله يوفق التيم اللى معاك ومن ضمنهم الدكتورة مريم الله يصبحها بالخير ..
وسلام لصاحبى المطول من الظهور .. عامل تقيل ولا شنو ياقرد؟
اقتراح صباحى بتكريم المرحوم بدر الدين ديكة عرفانا بما قدمه للشعبية وعليكم التنظيم والمهرجان ياناس جوة واقتراحى لى ناس برة ان نتولى توفير الهدايا للمهرجان .. قلتو شنو؟ الكلام دا مجرد اقتراح .. ويافيصل عبد الله اوع تكون نسيت ديكة؟ سعادة المستشار حسن طه .. ممكن من خلال المهرجان ان يتم دعوة مسؤولين كبار وعرض موضوع الشعبية كما اوضحها سعادة المستشار حسن طه للحصول على دعم حكومى لأعمال نظافة الشعبية وتصحيح البيئة ..
| |
|
|
|
|
|
|
Re: الشعبية نجمة تزين سماء بحري (Re: عابدون محمد عابدون)
|
Quote: الاخ وليد عبد اللطيف تحياتى
والحمدالله على التوفبق اخى وربنا يحفظك انت والاسرة الكريمه يارب
مودتى |
مشكور ياخالد درق
Quote: اقتراح صباحى بتكريم المرحوم بدر الدين ديكة عرفانا بما قدمه للشعبية وعليكم التنظيم والمهرجان ياناس جوة واقتراحى لى ناس برة ان نتولى توفير الهدايا للمهرجان .. قلتو شنو؟ الكلام دا مجرد اقتراح .. ويافيصل عبد الله اوع تكون نسيت ديكة؟ سعادة المستشار حسن طه .. ممكن من خلال المهرجان ان يتم دعوة مسؤولين كبار وعرض موضوع الشعبية كما اوضحها سعادة المستشار حسن طه للحصول على دعم حكومى لأعمال نظافة الشعبية وتصحيح البيئة ..
|
ياعبدون كلام جميل وراي سديد
| |
|
|
|
|
|
|
Re: الشعبية نجمة تزين سماء بحري (Re: وليد عبد اللطيف)
|
Quote: تكريم المرحوم بدر الدين ديكة عرفانا بما قدمه للشعبية |
التحية للجميع
كما تعلمون ...
هناك شخصيات من أبناء الشعبية بذلوا الجهد الجهيد من أجل الشعبية واهلها
بذلوا من الجهد والوقت والمال بنكران ذات ، ما كان سببا في اجماع اهل الشعبية في تقديرهم وحبهم لهم .
منهم المغفور له باذن الله بدر الدين ديكة الذي لا تذكر الشعبية والا مقترنة باسمه.
منهم المغفور له باذن الله ابو آمنة حامد الذي كان حب الشعبية - كما أعرف - يجري في دمه .
وهناك الكثيرون من أبناء الشعبية الذين فارقوا هذه الحياة الزائلة الا أن ذكراهم ما زالت وستظل عالقة في الأذهان بما قدموه للشعبية واهلها الكرام.
لذلك فان حفل تأبين بدر الدين ديكة واجب علي الجميع وفاءا له .
وواجب كذلك حفل تابين ابو آمنة حامد
عليه أقترح اقامة هذا الحفل لهما معا واضافة من تعرفونهم ممن فارقوا الحياة
وان يتم الاعداد والاخراج بما يستحقونه
من خلال لجنة من الداخل ومتابعة من الخارج
وأري - والراي لكم - ان العطلة الصيفية التي قربت هي انسب وقت لحفل التابين
وكذلك الاستفادة من هذه المناسبة في تقديم ما يلزم للشعبية بدعم من الجميع افرادا وهيئات رسمية وغير رسمية ( كما اقترح العزيز عبدون ).
لكم جميعا التحية والتجلة.
| |
|
|
|
|
|
|
Re: الشعبية نجمة تزين سماء بحري (Re: حسن طه محمد)
|
Quote: الاخ دكتور عماد تحياتى افتقدناك يارائع ولمداخلاتك الجميله
|
الأخ العزيز خالد درق لك كل الود والتحايا والله يا خالد انا الفاقدكم لكن زي ما بقولوا مجبور خادم الفكي على الصلاة زنقة شديدة مع الشغل وربك يسهل وزي ما قال ليك عبدون الفردة مشغولة وامسك الوردية لحدي ما نجيك
Quote: مساء الخير ياجماعة وياخالد امسك الوردية الفردة الايام دى مشغولة ..
|
تحياتي وودي اخي عبدون والله الايام دي زنقة عدوك لكن لازم الواحد يتاوق بسرعة كدا للبوست ويشوف اخبار الشعبياب شتو
تحياتي واحترامي للجميع
| |
|
|
|
|
|
|
Re: الشعبية نجمة تزين سماء بحري (Re: الحاج حمد الحاج)
|
Quote: فان حفل تأبين بدر الدين ديكة واجب علي الجميع وفاءا له .
وواجب كذلك حفل تابين ابو آمنة حامد
عليه أقترح اقامة هذا الحفل لهما معا واضافة من تعرفونهم ممن فارقوا الحياة
|
مشكورين الاخ / عابدون وسعادة المستشار حسن طه على هذا الاقترح الرائع واتمنا من الاخوان الاستجابه لهذا الاقترح ولكم جزيل الشكر والتقدير لاهتمامكم باماهو جميل فى خدمة الشعبية
مودتى ...
| |
|
|
|
|
|
|
Re: الشعبية نجمة تزين سماء بحري (Re: خالد درق)
|
بسم مبرء النسمة وجاعل الظلمات والنور تحية من قلب محب لهذا الصرح العظيم وخصوصا هذا الحوش الرحب حوش حاج حمدكما يسمونه مساء الود والوداد والتوادد والمودة مساء اسمر جميل كجباهكم السمراء تحية لكل اهل الشعبية واخواني واخواتي وجيراني تحية محبة وإجلال لكل ماهنا ومن هنا ثلاثة سنين وأنا احلم بان أكون واحد منكم ثلاثة سنين وانأ أتصفح نبض أحاسيسكم ثلاثة سنين وانتم معي فرح يتكلم بكل اللغات ألان أصبح حلمي واقع اليوم أجد روحي قد عانقت الثريا سعادة بانضمامي إليكم فشكراً أخي / بكري ابوبكر على كرمك وتفضلك بمنحي تاشيرة الدخول وشكر خاص لكل من وقف بجانبي واخص بالذكر أخي خالد المنسي و أخي حاج حمد واشكر بوابتهم التي حملت أحاسيسي وأدخلتني في هذا المتكاء الرحب كما اشكر كل من آزر انضمامي ومن لم اذكرهم ومن سقط سهواً لكم تحية نقية برائحة الشعبية واهلها الطيبين الحنان المترابطين إخوتي الانقياء الاصفياء لا اذكر باننى قد تناولت وجبة كاملة الفرح منزوعة الحزن مثلما تناولتها اليوم وانأ أتصفح بريدي وأتناول تأشيرة الدخول تأشيرة برائحة عطرة تفوق الصندل إلى ألان لا ادري هل تناولت تأشيرة الدخول على الفطور أم تناولت الفرح الخالد كل ما اعرفه باننى سعيد أيما سعادة بانضمامي لكم لكم كامل المودة والاحترام النقي ولى الأمنيات أن يظل لون قلبي وفرحي وردى تخريمة : حاج حمد انا سنيت قلمي وكبرت عدساتي وجاهز للانطلاق اخوكم : عاطف رميتي الشعبية جنوب
| |
|
|
|
|
|
|
Re: الشعبية نجمة تزين سماء بحري (Re: عاطف رميتي)
|
الاخ / عاطف رميتي
الف والف مرحبا بيك بين اخوانك واهلك واصدقاك ناس الشعبية الشعبية الحوش الكبير الذى جمع جميع ابناء الشعبية من الداخل والخارج واتمنا لك اقامه طيبة مليئه با التوثيق للحبيبة الشعبية ودمتا اخى عاطف ....
مودتى ...
| |
|
|
|
|
|
|
|