الشعبية نجمة تزين سماء مدينة الخرطوم بحري

Quote: اخواني في بوست الشعبية عروس بحري السلام عليكم وين ما تكونوا وعيد مبارك عليكم وعلى اسركم انا دكتورة مريم عبد الله السيد ابنه المرحوم عمكم عبد الله السيد وخالتكم ليلى المصريه بيتنا ملاصق لي بيت ناس شمس الدين ساتي وراء السوق وبت من بنات الشعبيه درستا في مدرسة الشعبيه تلاته وعوض ساتي والثانوي العالي في مدرسه بحري الحكوميه القديمه لقيت المنبر بالصدفة البحته ودخلتا اتصفح وكويس كان يوم جمعة بالمساء وكان يوم قبل الوقفة بيوم واقسم بالله العيد عندي بقا مليون عيد قعدتا اقرا في البوست من اول مشاركه وبس باقوم للصلاة ووقعدتا طول الليل اقرا لغايت تاني يوم الساعة خمسه المساء و كاني ما مصدقه وما عايزة افك البوست ولما ابعد عن الجهاز احس بالغربه وقعدتا طول الويك اند اقرا ولما نزلتا الشغل تفكيري كله في البوست ومتين القا لي فرقة ادخل واقرا تاني في البوست بالمناسبة انا بقيت ساكنة في البوست ومفروض ادفع الايجار هنا لاني بقيت زي المحب متين يظفر بكلمة او بنظرة من من يحب اي فرصة باجي فاتحة الجهاز واقرا في المداخلات الاحساس دا اول مرة اشعر بيه بانه البني ادم يلقى ليه كنز عزيز عليه وما داير يقوم من جنبو ولا لاي سبب وبقيت محدودة العلاقات الاجتماعية في العمل لاني في وقت الفراغ باقعد اقرا في البوست ومبسوطه من الجقدلي ومن ابو اللول اديهم العافيه ولما زملائي يلقوني باضحك ويسالوا اقوم بالترجمه للطرف عرفتا معلومات كتيرة ما كنتا باعرفها عن الحي الرائع وعرفتا اكتر اني انتمي الى حي كل الناس فيه اهل ما جيران واستمتعتا بالهزار بين الاخوة وفخورة بيم كلكم فخورة بكل انسان ساكن في الشعبيه فخورة بكل مشاركة وما قصر اخوي وليد عبد اللطيف السمح لي مشكورا اني اواصل معاكم عبر ايميله ما قصرتا يا ابو اسيل احب اسلم في الاول على اخوي الكبير شمس الدين ساتي يا شمشي وباكتبها ليك زي ما كان عم ساتي الله يديه الغافيه بيقولها ليك ومبروك على ابنتك العزيزة وسلام لزوجتك واولادك وبالمناسبة تلفونك ما بيجمع تقدر تاخد الايميل من اخوي وليد عبد اللطيف لانو ايميلك ما بيستقبل الرسائل الظاهر انك ما دافه اشتراك الايميل ومالح ناس الياهووو وسلم لي على كل الاخوان من الرشيد وتاج الدين واستاذة ليلي واعتماد وماجدة ساتي واولادكم وعمي ساتي عبد الحفيظ والبركة فيكم في خالكم عبدالله وكان لي شرف الالتقاء به لما مرة جاء وزاركم وسلم علي على ولدو الدكتور حامد وكيف ناس اسمهان وناس خالتي شتله ووالادها وبناتها الغاليه دكتورة ستنا خدر فرحتا جدا لما قريت مشاراكاتك وافتخرتا بيك واتني بتستاهلي لانك طالبه متوفقه ومن بنات الشعبية البيرفعن الراس ومبروك عليكي الزواج وعلى فكرة كلمتا منى اختي انك في البوست وبالمناسبة عندها دعاء بتها بتشبهك ومتفوقه واحنا بنقول ليها ستنا خدر يعني لازم يدفعوا ليك حق الاسم ويارب تطلع زيك يا جماعة سلامي ليكم كلكم والكلمات تهرب او تستحي في حضرتكم وباذن الله باواصل في البوست من منازلهم د . مريم عبد الله السيد اثينا في 3-10-2009