الشعبية نجمة تزين سماء مدينة الخرطوم بحري

Quote: مبارك كنه (الغالي ) لو انت نسيت انا ما نسيت نشأتنا الاولى وايام جهالتنا وزمن الطفوله اخي وحبيبي ود كنه والله دخلت البوست بتاعي بالصدفة فوجدت عتابك للشباب بالبوست ياخي نحن وانتم محسوبين من ضمن خط مية غرب يعني في المنطقة المظلمة وناسين حاجاتنا ومناسباتنا وحتى انفعلاتهم مع ناس حلتنا انا معاك في كل الكلام ده .بس من غير ما واحد يسمع خليك زي وافرض نفسك عليهم وطلع ذكريات حلتكم .وطيب اساعدك في الذاكرة (مدثر موسى ) هو و(ابوعلي ) من كونوا فريق للكره الطائرة بالشعبية وفي ناس لم تعلم بهذا الحدث وثانيا مدثر موسى ود حلتكم كان في يوم من الايام رئيس نادي الشعبية وفي ذاك الوقت كان يضم كل النشاطات وهل الناس ممكن تنسى السماكية اشهر بائعة سمك وسليمان محمد سليمان (ثورة الانقاذ ) وازيدك كمان لما لاعب المريخ الفنان الذي لم تكرره الملاعب (سامي عزالدين ) ساكن جاركم وله عربة فلوكسواجن حمراء وكمان من حلتكم خالد التوم لاعب فريق الشعب الذي مثل الشعبية لعب واخلاق ولا اخوك سلك لاعب الكره الطائرة. ولا ود السماكية (محمد ) صولاته وجولاته وايامه مع فريق الصداقة .ده كلو كوم وده كووووووووووووووووووووووووم بره العم صالح هجان ياجماعة رحمة الله صالح هجان واسكنه فسيح الجنات مع الصديقيين والشهداء كان مؤذن مسجد الشعبية وما نذكره له ونترحم عليه عندما كان يمر ذاهبا الى المسجد كان ينظف الطريق من الحجارة للمارة رحمة الله رحمة واسعة وفي هذا الزمن يندر مثله وكان صول لمدرسة المقرن . ياود كنه تعرف انا ما بقول ده تجاهل مقصود من الشباب ولكن زي ما عارف الناس ظروف واحيانا الناس لم تقرا البوست بالكامل معليش ياخي والله كل الشباب طيبين وحلوين وراقين بس انت اظهر وما تتقوقع وتزعل .المشاركة مهمه . اها بعد ده نقول صافية لبن ومافي عتاب للشباب . وعارف عتابك من حبك ليهم . ودمتم ........... وليد عبد اللطيف