الشعبية نجمة تزين سماء مدينة الخرطوم بحري

Quote: الاخ المستشار ابومحمد فؤاد :- الرجل الفخيم وكل ما انظر الى صورته في البروفايل يذكرني الرئيس السابق جعفر نميري رحمه الله عليه وفي نفس الوقت اشعر بنظرة عتاب منه بخصوص شباكه الذي في يوم كان لنا منزل وليس شباك لكي نشارك مع بحري طراوه بالرغم من مشغلياته .واكرر اسفي واعتزاري لك ياسعادة المستشار وربنا يديك العافية .ونترقبه مع بداية كل صفحة لكي نشوف تبريكاته التي بداخلها كلمة سر وكلام بليغ (ياتي بالقريب ويقصد البعيد )ونترقب كمان ماذا يقول عن الشعبية وما فيها وينعش لنا البوست بتحريك (الشرير) ويلعب باصات بينيه الى حبيبنا عبدون . دكتورة ستنا :- والله انتِ شفته يابنت عزام شنو والله الايام دي صاحبك عزام غرقان ويحلو الحله بله منها .بس بيني وبينك انا بأيد مداخلة اخونا (ود قناوي ) في البوست بتاعه لانو فعلا الموضوع اخد اتجاه اخر . وبالنسبة لغناء الحقيبة بالله المره الجاية لازم تظهري مع زوجك ومرحب به لكي نستفيد منه . وتعرفي زمان في الشعبية كان في شباب بيعزفوا في نادي الشعبية والفنان (هشام درماس )كان صغير ومراسل مجلة ماجد ومن ضمن العازفين اخوك المبدع (عاطف بلو )كنا بنقول ديل ناس وهم لانو كنا بنشوف الحاجات دي صعبة عليهم ولكن في النهاية اقنعونا وسكّتونا وظهروا جميعهم في التلفزيون . وكدا نستعرض بعض العازفين من الشعبية 1- عاطف بلو 2- شقيق رمزي ( وذكرنا اسمه ياود حمد ) 3- معاوية مختار (كنب ) 4- وامير امبرع 5- اولاد درماس 6- الاستاذ المتمكن عوض احمودي ولي معه طرائف كثيره وفي مره اخري نذكرها وبالنسبه لغناء هذه الايام وزي ما قال الاستاذ (حسن خليفة العطبرواي) مافي مانع الناس تغني بس بالطريقة الصحيحه لانه ذكر في التلفاز في لقاء معه .قال الشباب بغنوا ديمه في العشاق القلوب مرتاحه وانت ياقلبي مالقيتلك راحه يا دموع الدم الجارية من (ميداني ) والخطأ في ما بين القوسين واصلها (ميقاني ) وهي العين وكثيراً ما نجد كنا الاخطاء حتى مكتوبة في زهرة الاغاني زي ما قال عزام فرح . دكتورة رحاب خليفة :- طبعا شالت عين الحقاره ووضعت صورة لبنت جميلة وقلت ياربي دي الغنوا ليها ناس الحقيبة عق الافزاز والرقبه قزاز ياعزاز انا نومي هزاز عق الافزاز والجيدو حزاز وطبعا دكتورة رحاب برضو فاتحة بوست جميل واخونا منير (سيزر ) ولازم الواحد يمر عليهم عشان يشوف ابدعاتهم . عابدون :- والله ياعبدون ممكن نضيف اخونا شمس الدين الي قبيلتنا بس اذا ترك عكازة وترك الشر . لكن بيني وبينك طلع مسيطر وافتتح البوست على التوالي . وياربي يكون دا حظ ولا شنو ودمتم .......... وليد عبد اللطيف