الشعبية نجمة تزين سماء مدينة الخرطوم بحري

Quote: تعرف عزام ياخوي والله نحن المحيطات ما بتبل شوقنا للشعبية ياخي صراحة فتحت جروح ما بتطيب وخليتني افرش زاد الغربة وهي صور لينا في الشعبية من السبعينات زي الودع وطلعت ليك صورة لاجمل ثنائي طارق محمد سعيد وعمرعثمان ود الدكتور وهم فعلا دفعتنا واذا جيت تزكر الثنائيات زي حمد والديبة لازم تذكر (عمر وطارق )و(اسماعيل مغاريا ووليد البرتيني) و (وليد عبد الباسط وعماد ميرغني)و( ابو اللول و الجقدلي) و (وليد عبد المنعم و خالد عبد العزيز)و( فتحي موسى وسيف ) و (يونس موسى ومعاوية موسى ) و(صلاح شكوكووعز الدين الصبابي )والثنائيات كثيره وما اجملها من صداقه تفوت حد الخوه وهاك الجدعه دي من اللوليات .في يوم من الايام ابواللول ابوه طردو من البيت .قال لى ابوه طالع انت فاكر نفسك طردتني من بيت في المنشية ومابيت في الشعبية يالله ما اعظمك ياشعبية .وفاكهات الشعبية كثيرة وفي يوم ابو اللول بيسخر من حلتهم قال الحله كلهم شغالين في النقل النهري والتصنيع الحربي والله لو جاء جواب بالانجليزي الا يمشو بيو جامعة الخرطوم ومن هنا تحياتى لاولاد عبدون وكل شباب حلة المورده ( حلة الصديق) حلة العظام من الظلط لحد بيت ناس السماكية في المره القادمه بديك من الجقدليات