|
|
|
 Re: هل تماضر شيخ الدين مبدعة؟! (Re: AnwarKing)
|
أعتقد في إختلاف المعايير
المسرح وخواصه أكبر من أن ينظر إليها من جهة معينة..
وأعتقد أن الفنان المسرحي أول ما يعتلي عتبة المسرح ينطبق عليه قياس الإبداع..
أما مسيرة النجاح التالية فهي إضافات...
شاركت في المدرسة الابتدائية في تمثيل مسرحية علي عبد اللطيف
ومجرد أن المسرحية كانت في حفلة تغنى فيها الفنان عبد العزيز محمد داؤود والفنان حسن خليفة العطبراوي والفنانة منى الخير .. (والبعيو الكضاب )كان بالنسبة لي إحساس تاريخي... بعدها شاركت كذلك في المدرسة في مسرحية موسى ود جلي ويوسف سنينات ... ومن على المسرح كنت أشعر أن المشاهدين يمتدون مدى الأفق وأن الأفق خارج الحدود...
أول مرة شاهدت تماضر أعتقد أنني كنت المشاهد خلسة لأنها كانت بروفة لفرقتها في مسرح خلفي في مجلس الصداقة والتضامن والسلم في ذلك الوقت في شارع الجامعة... عرفت أنها تماضر ... وقفت حتى غادروا هي وفرقتها... مستغرب ... ( فيها ... فيني )
المسرح الوطني في أمدرمان ( كما كان يسمى ) وكنا بنمشي راجلين ..( كداري ).. ونرجع كذلك .. لأسباب تتعلق بفقر فأر المسيد ( أو كما ذكر أحد الأصدقاء )...
أما كلام أخونا عاطف في النادي العربي برضو كنت واقف ... ومستغرب ( فيها .. فيني ) المهم الإبداع خلينا ورانا من تلات تلاتات سنوات...
| |
 
|
|
|
|
|
|
|
|
Re: هل تماضر شيخ الدين مبدعة؟! (Re: AnwarKing)
|
الردود دي كلها استفتاء توضح إنو فعلا تماضر مبدعةوالله لا
............
يا أخوانا كان نشرت في الصالون هناقبل سنوات قصيدة مموسقة وملحنة من أدائي وكلماتي ولحني وعزفي
القصيدة بعنوان( تماضر يا مبدعة) أصلو بكري ده بيضيع جنس حاجات...
لو مسجلة عند زول بالله ينزلا ليكم هنا..
صديق منصوري
| |
|
|
|
|
|
|
|
|
 Re: هل تماضر شيخ الدين مبدعة؟! (Re: AnwarKing)
|
في العام 2004...أي لمن كان المنبر ده عمرو سنتين فقط لا غير...كتب الحبيب مظفر حيدر متهكماً...
Quote:
ذكرت كلمة "السوداني" مقترنة بكلمة "مبدع" "إبداع" أو "ابداع" في المنبر الحر
1210 مرة ...
وفي Google Groups
ذكرت كلمة "creative" مقترنة مع "Leonardo Da Vinci"
1040 مرة ..
ونفس الكلمة مقترنة مع "Marlon Brando"
789 مرة ..
ونفس الكلمة مع "Garcia Marquez"
228 مرة ..
بهذا يتفوق إبداعنا "السوداني" على إبداعات مارلون براندو وليوناردو دافينشي وجابرييل جارثيا ماركيز مجتمعين ..
ولا تعليق ..
الإبداع السوداني يكسب ... إحصائية
|
طبعاً قبل فترة كتب أحد الأخوة معبراً عن فرحته الغامرة بشخص أخونا بكري أبوبكر...بأنو سيذكر التاريخ بيل قيتس، قوقل، وبكري أبوبكر..
أو شئ من هذا القبيل...
تخميني هو أننا بنبالغ شوية في التعبير عن عواطفنا أو ما عندنا من الذخيرة اللغوية ما يكفي لوصف الكائن كما هو بدون رتوش، تهوين أو تهويل!
ولا أعرف إذا كانت في دراسات سلوكية توضح الكلام ده أتعملت ولا لأ...لكن محتاجين ليها شديد...
أسع كيف أقدر أفسّر...أنا التقني بتاع الكمبيوتر ده...أنو أخونا تبارك شيخ الدين مثلاً زول بتاع فيجوال...وكل الشايفنو ليهو هنا عبارة عن نصوص
ورص كلام....أي نعم بنحب نقرا الكلام...لكن دايرين نشوف الفيجوال ده... عشان يدخل في الإحصائية الجديدة...من 2004 إلى 2010.
Visualize Your Idea!
صرفتا كلمة مبدع للأخ الحبيب حمّور زيادة قبل فترة...ومازلت على رأيي...وتماضر دي بحبها عدييييييييييل كدة...لكن نفسي أشوف
إنتاجها الإبداعي...ما تحرمينا يا أم سارية...
| |
|
|
|
|
|
|
|
|
|
Re: هل تماضر شيخ الدين مبدعة؟! (Re: AnwarKing)
|
أنور دفع الله سلامات
تسلم يا أخوي على خاطرك الطيب كما عودتني
قبل أن أغالط و أجادل حول ما كان كلامك مسيئاً أم لا أحب أن ألفت إنتباهك غلى أن اللينك السابق هو للدكتور كامل إبراهيم حسن أستاذ الزراعة بجامعة الخرطوم و الكاتب الساخر المعروف و ليس للدكتور كامل إدريس حسن كما ذهبت في مداخلتك أعلاه
ثانياً أنا لم أطالبك باعتذار لي شخصياً لو أعدت القراءة مرة أخرى و لا أدخل في زمرة السماعين كما ذهب إلى ذلك العارف بالله حسين ملاسي و راجع ردي أعلاه مباشرة أما إذا أصررت على السؤال | Quote: ماذا شاهدت من إبداع تماضر غير سماعك لبعض الروايات المتواترة؟! |
فلا مانع لدي من الإجابة بصدر رحب
و أحب أن أقول لك مرة أخر إذا كنت تجد أن قولك:
| Quote: في ناس زي ديوك اللواري |
فلا أرجو أن تغضب عندما يقول لك أحدهم:
| Quote: طيرة و مباري السيرة |
دون الإلتفات إلى ضرب الأمثال بالسيد الصادق المهدي أو غيره
ـــــــــــــــــــــــــــــــــــــــــــــــــــــــ
يا أنور ياخي معقولة ياخ؟
| Quote: ملاسي ده ما بنقدر وبيلبد ليك ولو بعد حين! |
| |
|
|
|
|
|
|
|
|
|
Re: هل تماضر شيخ الدين مبدعة؟! (Re: سامي صلاح محمد)
|
ابداً يا سامي...مافي زعل من جانبي والله ...ازعل من شنو؟ أزعل فوق شنو؟
وكل الناس أهل...
ثم
عليك الله اهتم لي باجابة السؤال ده معاك وكده...
| Quote: ماذا شاهدت من إبداع تماضر غير سماعك لبعض الروايات المتواترة؟! |
| |
|
|
|
|
|
|
|
|
|
Re: هل تماضر شيخ الدين مبدعة؟! (Re: AnwarKing)
|
جدا يا أنور
أنا ولدت لأب (رحمه الله) كان متغرباً خارج السودان، كان يحفظ و ينسخ مئات من شرائط الفيديو و الكاسيت في كافة مجالات الأدب السودان و كانت لديه مكتبة بها أكثر من خمسمائة كتاب
عرفت البلابل و الفاضل سعيد و العميري و الكابلي و محمد الأمين و تحية زروق و مكي سنادة و عووووووك عبر هذه المكتبة الجميلة
هل تعلم يا أنور أنني قرأت كل كتب الطيب صالح قبل أن أكمل عامي الثاني عشر
هذا دون التطرق إلى أي مصادر أخرى للتعرف على إبداع تماضر منها هذا المنبر و هذا الفضاء
و لو احتجت لما يعضد شهادتي يا أنور ما فيش مشكلة برضو
عرفت ليه قلت ليك العارف بالله
أقول قولي هذا و أنا أترقب سائلاً كما قال بشرى الفاضل:
هل خليل فرح مبدع؟
هل الفاضل سعيد مبدع؟
هل عبد العزيز العميري مبدع؟
هل تحية زروق مبدعة؟
هل التيجاني يوسف بشير مبدع؟
أقول قولي هذا و أنا أنظر إلى الإصبع متجاهلا وجود القمر
| |
|
|
|
|
|
|
|
|
 Re: هل تماضر شيخ الدين مبدعة؟! (Re: سامي صلاح محمد)
|
أشكرك يا سامي على الإجابة...
طيب هل نطمع في أن ترفع لينا أي حاجة من الحاجات العندكم دي...حتى لو كانت لغير تماضر...
توثيق ونشر يا أهلنا ...عندنا فرص ذهبية الآن ....مافي شكوى من الباندويدث والخ...
الله يرحم الوالد ويسكنه فسيح جناته ببركة هذا الشهر الفضيل
| |
|
|
|
|
|
|
|
|
 Re: هل تماضر شيخ الدين مبدعة؟! (Re: AnwarKing)
|
مبالغة مبالغة مبالغة يا أنور
أو كما قال محسن خالد
و لو لم ينقل لنا الإسفير مقولةغير هذه عن محسن خالد لشهدت لنا بإبداعه و تميزه و لو تسائل أتباع الأصابع
ياخي و الله أنا ذاتي مبالغة، و حقو أسحب لقب العارف بالله من حسين ملاسي و أضيفو لي نفسي لأصبح العارف بالله سامي صلاح
فأنا جائتني لحظة انتشاء حقيقية و ابتسامة عريضة عندما قرأت طلبك اللطيف
| Quote: طيب هل نطمع في أن ترفع لينا أي حاجة من الحاجات العندكم دي... |
كان.. كان.. كان و يا ماكان يا أنور، كلمة كان هذه واضحة و بارز يا أنور في مداخلتي أعلاه
| Quote: كان يحفظ و ينسخ مئات من شرائط الفيديو و الكاسيت في كافة مجالات الأدب السودان و كانت لديه مكتبة بها أكثر من خمسمائة كتاب |
و لكني لا أستبعد أن تكون فاتت عليك كما فات عليك من قبل الإسم الأوسط لدكتور كامل إبراهيم حسن فقرأته كامل إدريس حسن، التي كانت تحفة مداخلتك أعلاه و نبهتك إلى هذا و لكنك فوت هذا التنبيه كدا ساي دون أي توضيح منك مع أنك دبجته بالألقاب الفخيمة من شاكلة:
Quote: الزول القانوني العلم، مؤسس مشارك في المحكمة الجنائية الدولية ، مؤسس الوايبو (الملكية الفكرية)، و...و...و...
مرشح رئاسة الجمهورية في الإنتخابات الفاتت |
لتعضيد مقولاتك أعلاه حول صحة ان تقول لفلان ديك دون أن يتحسس
مبالغة و تحفة كمان يا أنور لتسألني أنت بالذات هذا السؤال و تستنجد بأهلنا:
| Quote: توثيق ونشر يا أهلنا ...عندنا فرص ذهبية الآن ....مافي شكوى من الباندويدث والخ... |
راجع عبارتي أعلاه عندما قلت لك بوضوح:
| Quote: و لو احتجت لما يعضد شهادتي يا أنور ما فيش مشكلة برضو |
و لكن لا بأس بكل هذا و هذا
يا أنور يا صديقي الاسفيري و أنت تختبر شهاداتي و صحتها
هل قرأت ما قلته أنا أعلاه أن هذا المنبر كان واحداً من مصادر التعرف على إبداع تماضر
رايك شنو في اللينك دا يا أنور:
مكتبة الممثلة تماضر شيخ الدين جبريل
أقول قولي هذا و أنا لا أستبعد أن تضع لي امتحاناً تحريرياً حول محتويات المكتبة و سيرة تماضر شيخ الدين جبريل و أنت تواصل امتحانك بصحة ما أقوله أعلاه
يا ناس بريدا، و البريد تماضر أنا يا ناس بريدو
أترنم بالمقطع أعلاه و أنا أضع مظلة فوق رأسي لأستمتع بجمال الاصبع، حتى لا أفسد المشهد برؤية القمر
ـــــــــــــــــــــــــــــــــــــــــــــــــــ
أشكرك يا أنور على دعواتك الصادقة بحق الوالد
| |
|
|
|
|
|
|
|
|
|
Re: هل تماضر شيخ الدين مبدعة؟! (Re: Tabaldina)
|
مرحباً عزيزى تبلدينا.
Quote: لقد جانبكـ الصواب فى ردكـ على عبدالله .. _ حسبما أظن _
|
أشكر لك نصرة الحق هذه.
حسين رجل مؤدب, وهو ذو لبابة لا يُخطئها أحد, وما رأيته منفعلاً قط,
خصوصاً حين لا يكون هناك ما يستوجب هذا الإنفعال المبالغ فيه Exaggerating
أو Overreacting Response. عموماً لا زلت على تساؤلى وسؤالى له عن
معاييره للإبداع, حتى لا يُلقى القول على عواهنه دون ضبط, ولا تمحيص, فالساحة
التى ولجها أخونا حسين هنا لها مستويان, مستوى الإنطباعية, وهذا ما لا يساءل فيه أو
حوله المرء, أما المستوى الآخر فهو العلمية, ومن مجرد إسمه يُفهم أنه يخضع بالضرورة
لأسس , عناصر ومقومات وخلافه من أدوات, أى أنه مستوٍفٍ للشروط العلمية, وهذا ما اطالب
حسين بالكشف عنه لنا, أما إن كان من رواد الإنطباعية, فليس هناك ما يقال, لا منى ولا منه, ويبقى
إحترامنا لرأيه أيضاً, فقط من بعد أن يعترف لنا بأنه مجرد رأى, لا قول العارف والضليع فى هذا الشأن,
حول إبداع الكثيرين من عدمه.
دمت يا تبلدينا, وشكراً مرة أخرى
| |
|
|
|
|
|
|
|
|
|
Re: هل تماضر شيخ الدين مبدعة؟! (Re: عبدالله شمس الدين مصطفى)
|
بعدين فى ناس كدا يقولوا ليك ...
"والله فلان دا زول رايع" (وأحيانا يكتبوها صاح ويقولوا "رائع")
ياها راع يروع روعاً فهو رائع
وأراع يريع ارتياعاً فهو مرتاع
ولا كلمة تانية ...
(عشان انا الليلة دى والله مانى مقوقل لسان الأعراب ... العندو اقتباس اليجيبو)
... المهم ....
| |
|
|
|
|
|
|
|
|
|
Re: هل تماضر شيخ الدين مبدعة؟! (Re: تبارك شيخ الدين جبريل)
|
أين انت أستاذ حسين ملاسى,
هناك أسئلة تستحق الإجابة عليها,
حتى "نضبح" هذا الأمر "قِبِلى",
ونفرغ نهائياً من معرفة معيار الإبداع
عندك, وعند أصحاب مدارس النقد
المتخصصة, وحتى نميز بين المبدعين
ومدّعى الإبداع, صاحبى الكيس المليان,
أو حاملى الطبول الجوفاء ذات الهزيم العالى.
أرجو عودتك بما فيه فائدة لى, وللزملاء والقراء.
منتظرنك.
إحتراماتى
| |
|
|
|
|
|
|
|
|
|
Re: هل تماضر شيخ الدين مبدعة؟! (Re: بدر الدين اسحاق احمد)
|
يا أخوانا فيكم زول شاف ملاسي حايم في حتة ما
اليوريهو انو عندو بوست فاتحو ليهو تلاتة أيام ما جاء معتب عليهو
ـــــــــــــــــــــــــــــــــــــــــــــــــــــــــــــــــــ
نصحني أحد الإخوة أعلاه بأن:| Quote: نصيحة بان تنتظر حتى يرسى بنا ملاسى الى بر نستبين منه من اين والى اين يبحر |
و لكن يبدو بأن السيد ملاسي أبحر فعلاً في هدوء تاركاً البوست بما حمل
| |
|
|
|
|
|
|
|
|
 Re: هل تماضر شيخ الدين مبدعة؟! (Re: AnwarKing)
|
| Quote: الأجدى أن تسأل: متى سينط فيني ملاسي جوزاً كارباً؟! |
لم يراودني أدني شك بأن ملاسي ينط
ـــــــــــــــــــــــــــــــــــــــــــــــــــ
حتى ينط هذا الكارب جوزاً لم ينطه طارق أحمد آدم
| |
|
|
|
|
|
|
|
|
|
Re: هل تماضر شيخ الدين مبدعة؟! (Re: محمد النيل)
|
سلام يا حسين و رمضان كريم..
أنا من الناس الشافوا (وادي أم سدر) و حبوا تماضر من الوقت داك..
كنت في المتوسط.. و من حسن حظي اني قريت الفترة ديك في السودان.. يا حليل زمن المسلسلات السودانية بتسكن الذاكرة!
وادي أم سدر.. و الصاحبات التلاتة .. الفرهيد و تم الريد و النديانة .. لما كانن يتلمن تحت ضو القمراء.. و يغنن ..تم الريد و النديانة :
يا القمراء يا القمراء.. أقلبي السنسنة الحمراء .. شوفي للفرهيد أحمد جاء و لا ما جاء..
غناهن.. دغدغ سنين مراهقتي.. و خلاني أصنع لي حبيباً من خيالي.. يسافر و أودعه .. ثم أجلس أغني له على ضوء القمر..و أسأله جاء و لا ما جاء
لم أعد أذكر أي ملامح رسمت لحبيبي في خيالي.. و لكني لا زلت أذكر غناء تماضر و صديقتها و ضحكهن و مكاواتهن للفرهيد..
و مشاطن.. مشاطن كان سمح!
أعتقد أن تماضر أدت دور (تم الريد)..و بالرغم من انو البطلة كانت (الفرهيد) حبيبة أحمد (العميري.. الله يرحمو)
لكن ما التصق في ذاكرتي من أسماء أبطال المسلسل غير اسم تماضر شيخ الدين ..و عبدالعزيز العميري
بالنسبة لي دا دليل عندي على ابداع و تميز تماضر..
وجودها في هذا المكان كان من أسباب فتح شهيتي للإنضمام إليه..
| |
|
|
|
|
|
|
|
|
|
Re: هل تماضر شيخ الدين مبدعة؟! (Re: Hussein Mallasi)
|
عندي أنا حسين ملاّسي مبدع من الدرجة الأولى ولكن لا كرامة لنبي في قومه. كما إنت من جيل وتماضر من جيل يعني ماكم مطاقشين.. هي تعتبر معلمة لك.. ولاّ أنا غلطان؟ تحياتي يا ملاّسي يا إبني.
كبـَّـاشي الصــَّافي
| |
|
|
|
|
|
|
|
|
|
Re: هل تماضر شيخ الدين مبدعة؟! (Re: Hussein Mallasi)
|
الاستاذ حسين ...ما دفعني للتداول او التداخل هو هذه الفتاة الواثقة الواعدة ...ماو قال دعو الف زهرة تتفتح ...لا اقارن المذكورة بما يطفح في شاشتنا من ابتزال لمفهوم الفن ومفهوم الابداع ...تتحدث عن التجريب ولها الحق المطلق في ارتياد عوالم التجريب وتقديم الصور الغنائية الملمونة ... النكهة السودانية في اطار اندلسي خلاب..او اي اطار تتدفق فيه الموسيقي ليزدان الخاطر بالاخيلة والصور...اضف اليه ذلك الاعتداد الفاتن .. والي جانبها احد ابناء المعلم شيخ الدين يموسق الالحان بما يعدل الكيف( يديهم العافية )
ويديك العافية ..مع الاحترام ...
| |
|
|
|
|
|
|
|
|
|
Re: هل تماضر شيخ الدين مبدعة؟! (Re: تيسير عووضة)
|
Quote: تماضر شيخ الدين مجموعة فنانين في فنانة واحدة
مبدعة بحق، تعشق مسرحها وفنها ولم تتوقف يوماً عن العمل لأجلهما
أينما وجد الجمال والفن والإبداع تجدها قبله
كثيراً نحبها وبها نفخر .. |
دا اسمو المختصر الجميل
التحية لتماضر وكل اهل الابداع ..
| |
|
|
|
|
|
|
|
|
|
Re: هل تماضر شيخ الدين مبدعة؟! (Re: هشام مدنى)
|
Quote: العزيز ملاسىي: تحياتى
حقيقة اتصلوا بى ناس كتار ومفتكرنى قاصدة أغيظك
والله العظيم الكلام ده ما صحيح ..أنا فعلا دايرة أكاويك لكن ما من "حنق" او بغضاء ...
أنا افتكرتها حاجة مضحكة ..
لكن الناس يبدو من كترة الشكل فقدوا الاحساس بالفكاهة
ويبدو أنه مشاكل البورد بقت أكبر من متابعتى
على العموم ...ارجو أن يكون البوست مفهوم ليك
ولا هارد فيلنقز ...
البوست الانت فتحتو "هل تماضر شيخ الدين مبدعة" جاب ناس كتيرين وأدلوا بشهادات أنا بعتبرها فى مصلحة أدائى ، لو قسناها بالشهادات المضادة والأغلبها الناس بيشتكوا من عدم مشاهدتى ...أنا عندى تسجيلات أهى بتسمع فى حسى لكن ما بقدر أنزلها ليكم ..فى حاجات مكتوبة وأغلبهاموجود فى الانترنيت ، فى يوتيوب ...
مافى زول بيقول عن نفسو مبدع "العبد يسعى" والشهادة بتجى من الناس ... والحمدلله كفرد واحد وبيد واحدة كل هذه الشهادات؟؟ أعتبرها محمدة وأنا ممنونة .
والبوست ده جاب الناس وأدليت شهادات كتيرة لمصلحتك
ليه ما تعتبرها تجربة أيجابية ...لينا الاتنين والسلبيات نصلحها ونستمر كان الله أدى العمر؟؟
|
منقول من البوست "المضاد"
| |
|
|
|
|
|
|
|
|
|
Re: هل تماضر شيخ الدين مبدعة؟! (Re: Tumadir)
|
حوار الطرشان بين الأستاذة تماضر والإبن ملاّسي .. إنتو ال2 مبدعين .. كان ما مبدعين مبدعين.. العاجبو في الناس المتداخلين عاجبو والما عاجبو يخلي الفِجة... تحياتي.
كبـَّـاشي الصــَّافي
| |
|
|
|
|
|
|
|
|
|
Re: هل تماضر شيخ الدين مبدعة؟! (Re: Tumadir)
|
| Quote: جيلنا واحد يا خال .. و لكن ذلك لا يمنع أن أكون قد تعلمت منها الكثير. |
عجبتك يا ست تماضر .. تبقوا جيل واحد ... نسميكم جيل إبداع لأن كل منكما قدّم ما ينفع الناس في مجاله.. الله يديكم العافية حتى تطربوا وتنفعوا الشعب السوداني الحبيب. تحياتي.
كبـَّـاشي الصــَّافي
| |
|
|
|
|
|
|
|
|
|
Re: هل تماضر شيخ الدين مبدعة؟! (Re: Tumadir)
|
لا يمكن أن نساوي بين تماضر وحسين ملاسي عشوائيا هكذا بحسم الموضوع قائلين بكل كسل:
الاتنين مبدعين
من قالوا بهذا عليهم أن يورونا إبداع ملاسي
وإذا رضيت تماضر بمساواتها مع ملاسي في صفة المبدع
فهذا شأنها ولكنه لا يلزمنا
دا شغل شنو دا يا ناس!
| |
|
|
|
|
|
|
|
|
|
Re: هل تماضر شيخ الدين مبدعة؟! (Re: معاوية الزبير)
|
بالحيل
وهي فنانة شاملة يندر حدوث ظاهرتها عالميا
الغناء والموسيقى والرسم والكتابة والتمثل والاخراج المسرحي
مخرجة عميقة ذات رؤية ثاقبة (فاتت الرجال والنسوان)
فرملت تفردها في محاولتهاللعب دور سياسي بعد خروجها من البلاد
في اربنة المعارضة العضيرة الهشة..
ولكن هل هي فنانة ومبدعة ؟؟
لا ينكر ذلك الا مكابر
لها التحية ولكل المبدعات خريجات المعهد العالي للموسيقى والمسرح التحية والتجلة
على تفردهن وعظمتهن في الحركة الثقافية الفنية في بلادنا
ودي شهادتي للتاريخ فيهاكمبدعة
| |
|
|
|
|
|
|
|
|
|
Re: هل تماضر شيخ الدين مبدعة؟! (Re: د.نجاة محمود)
|
Quote: فرملت تفردها في محاولتهاللعب دور سياسي بعد خروجها من البلاد
في اربنة المعارضة العضيرة الهشة.. |
الاخت نجاة سلام
اذا حذفت الحديث اعلاه تكون شهادتك اكثر فائدة
فالحديث هنا عن تماضر المبدعة لا تماضر السياسية
| |
|
|
|
|
|
|
|
|
|
Re: هل تماضر شيخ الدين مبدعة؟! (Re: Tumadir)
|
حسين ملاسي يعرف جيدا من هي الإستاذة تماضر وماذا قدمت من أعمال فهو أمدرماني ومن أسرة مبدعة ومن جيل تماضر يعني يعرف تماما ماذا قدمت تماضر من أعمال أما هل هو ابداع أم غيره فهذا متروك له وإن كنت أظن أنه ضمنيا يشهد لها بالإبداع كما أشهد لها أنا شخصيا بأنها مبدعة شهادة من رأي وليس من سمع.
حسين لم ولن ينفي الإبداع عن تماضر ولكن أراد بأسلوبه الخاص محاكمة القطيع أو لشئ آخر في نفس يعقوب.
أنا متأكد لو طرح سؤال هل تحية زروق مبدعة لأحتار كثيرون من جيل مواليد 1980 وما بعدها ماذا يقولون إذ انهم يسمعوا حتي بإسمها ولأحتارالكثير مواليد ماقبل 1980 ماذا يجيبون إذربما نسوا أعمالها فقد طال الزمن.
الغربة الطويلة عن الوطن والإبداع وعدم وجود توثيق لأعمال هؤلاء المبدعين أو عدم عرض الموجود منها أدي لنسيان هذه الأعمال ونسيان هؤلاء المبدعين.
وهذا ينطبق علي تماضر والتي لولا حضورها الإسفيري البهي لنسيها ونسئ أعمالها الكثيرون خاصة مع الزهايمر الحاصل
أتمني عودة كل الطيور المهاجرة لتغرد من جديد في حضن الوطن وليفجروا مخزون الغربة إبداع وفرح وجمال
| |
|
|
|
|
|
|
|
|
|
Re: هل تماضر شيخ الدين مبدعة؟! (Re: أسامة البلال)
|
Quote:
وإذا رضيت تماضر بمساواتها مع ملاسي في صفة
المبدع فهذا شأنها ولكنه لا يلزمنا دا شغل شنو دا يا ناس! |
من ذا الذي ألزمك 
______
المسكين على يقين من أن رأيه دون
رأي تماضر لا قيمة له .. لذا ولول.
| |
|
|
|
|
|
|
|
|
|
Re: هل تماضر شيخ الدين مبدعة؟! (Re: Tumadir)
|
Quote: ولو أنه الفن عموما المسرح خصوصا يكتنز (تسييس) للقضايا
دكتورة نجاة انتى نسيتى ولا شنو؟؟ |
ما نسيت لاني اصلا ما قاعدة اتكلم عن دور المسرح السياسي
بتكلم عن دورك انت كتماضر
دورك السياسي دور هش جدا
والمعارضة العايزة تعمل انك جزء منها معارضة عضيرة غبية
تذكري الورشة الحضرتوها وجات واحدة اسمها منو كداالله جابو؟
قالت منعوها من التعليم عشان اسمهاالله جابو من دارفور
اها انامتأكدة انك عارفة انه التعليم في السودان في زمنا ما عنده اي دخل باسم العائلة او الجهة
درسوا معنا طلاب كتار جدا من كل الحهات نافسونا بنفس الدرجات
بعد كلو جيتي نقلتي كلامها هنا على انه حقيقة
مع انك كنت ترفضي معارضة الاكاذيب كفنانة ملتزمة بقضاياالوطن والشعب
لان الاكاذيب دي هى الخلت الدول ترجع للكيزان
لما يئست من المعارضة العضيرة...
عشان كدا انا قلت ليك دورك السياسي ما لعبيته صاح كان بذكائك وقدرات المهولة
تترفعي عن الترويج لمعارضة الاكاذيب
تكون معارضة من اجل القضايا والانسان
عرفتي قصدت شنو بدورك السياسي؟
| |
|
|
|
|
|
|
|
|
|
Re: هل تماضر شيخ الدين مبدعة؟! (Re: Tumadir)
|
Quote:
الاستاذ حسين ...ما دفعني للتداول او التداخل هو هذه الفتاة الواثقة الواعدة ...ماو قال دعو الف زهرة تتفتح ...لا اقارن المذكورة بما يطفح في شاشتنا من ابتزال لمفهوم الفن ومفهوم الابداع ...تتحدث عن التجريب ولها الحق المطلق في ارتياد عوالم التجريب وتقديم الصور الغنائية الملمونة ... النكهة السودانية في اطار اندلسي خلاب..او اي اطار تتدفق فيه الموسيقي ليزدان الخاطر بالاخيلة والصور...اضف اليه ذلك الاعتداد الفاتن .. والي جانبها احد ابناء المعلم شيخ الدين يموسق الالحان بما يعدل الكيف( يديهم العافية )
ويديك العافية ..مع الاحترام ... |
_____
الحديث هنا عن تماضر يا محمد الكامل؛
حيث لا أندلس و لا أخيلة و لا موسيقى 
| |
|
|
|
|
|
|
|
|
|
Re: هل تماضر شيخ الدين مبدعة؟! (Re: Hussein Mallasi)
|
ذكرتني مداخلة محمد الكامل بمقال لمحمد المهدي بشرى نشر أواخر السبعينات؛
حيث ذكر أن الجميع يعرف جكسا؛ بينما يعدوا على أصابع اليد من يعرفون
أحمد عبد الرحمن العاقب .. أو نحو ذلك.
______
رشا ليست جكسا؛ و تماضر ليست أحمد عبد الرحمن العاقب؛
لذا لزم التوضيح تفادياً لسوء التأويل .. إنما الشيء بالشيء يذكر.
| |
|
|
|
|
|
|
|
|
|
Re: هل تماضر شيخ الدين مبدعة؟! (Re: ihsan fagiri)
|
الاخ حسين..
محبتي..
وللأخت تماضر تقديري وشكري، ولكل من ساهم في بناء الوجدان والعقل تقديري، بل واجب علي، بلسان الحال، أو المقال، كل من عمل، ولو في الخفاء لبناء وطن معافى، وعمل لرفع وجدان وعقل وقلب بلادي...
وإجابتي، على السؤال الأساسي..
مبدعة كبيرة جدا، بالنسبة لي..
وعيد سعيد للجميع..
| |
|
|
|
|
|
|
| |
AnwarKing
المسافر
منصوري
خالد محمد طه
نصر الدين عثمان
عبدالله شمس الدين مصطفى
تبارك شيخ الدين جبريل
بدر الدين اسحاق احمد
M A Muhagir
محمد النيل
Hussein Mallasi
Tumadir
cantona_1
محمد الكامل عبد الحليم
Abdel Aati
معاوية الزبير
داليا حافظ
أسامة البلال
عبدالغني كرم الله
فيس بوك
تويتر
انستقرام
يوتيوب
بنتيريست